Live Updates: خیبرپختونخوا میں بارشوں اور سیلاب سے 323 افراد جاں بحق، مزید شدید بارشوں کی پیشگوئی

گلگت بلتستان کےضلع غذر کے علاقے راؤشن میں بڑے سیلابی ریلے نے تباہی مچادی، تالی داس گاؤں مٹ گیا،گلیشئیر پھٹنے سے پھنسے 50 سے زائد افراد کو ریسکیو کر لیا گیا۔

تفصیلات کےمطابق ضلع غذر کے علاقے راؤشن میں رات 1 بجے کے بعد گاؤں راوشن کے علاقے تالی داس نالے میں گلیشیر پھٹنے کے باعث سیلابی ریلے نے تباہی مچادی،نالے سے چرواہے  نے کال کر کے گاؤں میں اطلاع دی جس کی بدولت لوگ جانیں بچانے میں کامیاب ہوگئے۔

تالی داس گاؤں مکمل مٹ گیا ،100 کے قریب گھرانے مکمل تباہ ہوگئے،سیلاب کے باعث دریائے غذر اس وقت رک گیا،نشیبی علاقوں کو خالی کروا لیا گیا۔

 ترجمان گلگت بلتستان فیض اللہ فراق کا کہنا ہےکہ سیلاب سےمتعدد دیہات زیرآب آگئے، لوگوں کاشدید مالی نقصان ہوا،تاہم جانیں محفوظ ہیں،دریاکا بہاؤ رک گیا،مزید نقصانات کا خدشہ ہے،وزیر اعلیٰ خود مانیٹر کررہےہیں تاکہ مزید نقصان نہ ہو،پانی ایک جھیل کی صورت اختیارکرگیا،جس کے بعد متصل دیہات زیر آب آنے کا خطرہ بڑھ گیا۔

محکمہ موسمیات نے آج بھی کراچی میں گرج چمک کے ساتھ بارش کی پیشگوئی کردی۔

شہرمیں حبس کا عالم موجود ہے 3 نوٹ فی گھنٹہ کی رفتارسےہوائیں چل رہی ہیں،ہوا میں نمی کا تناسب 85 فیصد ہے،مجودہ درجہ 28 ڈگری سینٹی گریڈ ہے،دن بھر درجہ حرارت 32 سے 34 ڈگری رہ سکتا ہے،

گزشتہ روز ہونے والی بارش کا پانی مختلف علاقوں میں نکالا نہ جاسکا،اولڈ سٹی ایریا،ہکانی چوک ،برنس روڈ اور اطراف کے علاقوں میں بارش کا پانی تاحال جمع ہے،قیوم آباد کے پی ٹی پل ،کالا پل سے شارع فیصل جانے والی سڑک کے دونوں اطراف پانی جمع  ہے،کورنگی ڈھائی نمبر غریب نواز روڈ باغ کورنگی اور انڈسٹریل ایریا کے اطراف میں پانی جمع ہے۔

دوسری جانب بارش ہوئے  36 سے 22 گزر گئے بجلی کی فراہمی معطل ہے،کورنگی عوامی کالونی، نارتھ ناظم آباد بلاک اے ،اولڈ سٹی ایریا،ایف بی ایریا ،صفورا سچل ،سعود آباد ،لیاقت آباد ڈاکخانہ،بلدیہ ٹاون کے مختلف علاقوں میں بجلی غائب  ہے،بجلی نہ ہونے کی صورت میں پانی کی قلت کا سامنا ہے۔

سعودی ایمبسی کے تعاون سے خیبر پختونخوا کے سیلاب سے متاثرہ علاقوں کے لیے انسانی ہمدردی کی بنیاد پر امداد روانہ کردی گئی، اسلام آباد کے سپورٹس کمپلیکس میں اس حوالے سے ایک خصوصی تقریب منعقد ہوئی جس میں سعودی عرب کے سفیر اور وفاقی وزیر برائے بین الصوبائی رابطہ رانا ثناء اللہ شریک ہوئے۔

تقریب کا اہتمام کنگ سلمان ہیومینیٹرین اینڈ ریلیف سینٹر کی جانب سے کیا گیا، سعودی سفیر نواف سعید المالکی نے تقریب سے خطاب کرتے ہوئے کہا کہ سعودی ولی عہد محمد بن سلمان نے حالیہ سیلاب سے متاثرہ پاکستانی عوام کے لیے افسوس اور ہمدردی کا اظہار کیا ہے۔ان کا کہنا تھا کہ سعودی فرمانروا اور وزیر اعظم کی ہدایت پر امدادی سامان روانہ کیا جا رہا ہے جو اس بات کا ثبوت ہے کہ سعودی عوام اور قیادت مشکل وقت میں پاکستان کے عوام کے ساتھ کھڑے ہیں۔

وفاقی وزیر رانا ثناء اللہ نے تقریب سے خطاب میں کہا کہ سعودی عرب نے ہمیشہ مشکل وقت میں پاکستان کا ساتھ دیا۔ انہوں نے بتایا کہ کنگ سلمان ریلیف سینٹر نے دس ہزار فوڈ کٹس اور دس ہزار شیلٹر کٹس این ڈی ایم اے کے حوالے کی ہیں جو متاثرہ خاندانوں کی فوری ضروریات پوری کرنے کے لیے کافی ہوں گی۔ان کا مزید کہنا تھا کہ حکومت پاکستان اور عوام سعودی قیادت اور عوام کے شکرگزار ہیں۔امداد کا یہ سلسلہ اس وقت تک جاری رہے گا جب تک متاثرہ افراد باعزت طریقے سے اپنے گھروں کو واپس نہیں لوٹ جائے۔

وزیراعظم شہباز شریف کا کہنا ہے کہ حکومت اور فوج سیلاب متاثرین کے ساتھ کھڑی ہے۔

وزیراعظم شہباز شریف اور آرمی چیف فیلڈ مارشل عاصم منیر  نے سیلاب سے متاثرہ اضلاع کا دورہ کیا، جہاں انہیں متعلقہ حکام نے سوات، بونیر، شانگلہ اور صوابی میں امدادی کاموں پر تفصیلی بریفنگ دی گئی۔ 

وزیراعظم شہبازشریف نے متاثرین سیلاب کو ہر ممکن مدد کا یقین دلایا اور فوج اور سول انتظامیہ کی خدمات کو سراہا۔ متعلقہ حکام کو متاثرہ علاقوں کی جلد بحالی کیلئے قومی وسائل بروئے کار لانے کی ہدایت کردی۔

وزیراعظم نے غیرقانونی تجاوزات، ٹمبر اور کرشنگ مافیا کی نشاندہی کی، کہا قانون سے بالاتر کوئی نہیں، سخت کارروائی ہوگی۔ وزیراعظم اور آرمی چیف نے سیلاب سے جاں بحق افراد کیلئے فاتحہ خوانی کی۔ وزیراعظم شہبازشریف کی جانب سے سیلاب متاثرین میں چیک تقسیم کیے گئے۔

اس موقع پر فیلڈ مارشل عاصم منیر  نے ریسکیو اہلکاروں سے ملاقات،خراج تحسین پیش کیا، فیلڈ مارشل عاصم منیر نے کہا کہ متاثرہ خاندانوں کی مدد اولین ترجیح ہے۔

متاثرین سے گفتگو میں وزیراعظم نے کہا کہ جن کے عزیز اللہ کو پیارے ہوئے ان سے تعزیت کرتاہوں، بادل پھٹے اور شدت سے طغیانی کی شکل اختیار کی، پانی پتھروں کےساتھ آیا اور لوگوں کو موقع بھی نہ ملا۔

شہبازشریف کا کہنا تھا کہ سیلاب سے خیبرپختونخوا میں350سے زائد افراد شہید ہوئے، ملک بھر میں سیلاب سے مجموعی طورپر700 افراد جاں بحق ہوئے، 2022 میں بھی اسی طرح شدیدآسمانی آفت آئی تھی۔

وزیراعظم کا کہنا تھا کہ وفاق تمام دستیاب وسائل عوام کی خدمت کیلئے نچھاور کرےگا، وزیراعلیٰ خیبرپختونخوا کے ساتھ مل کرچیلنج کا مقابلہ کررہے ہیں، بجلی کے وزیر اور سیکرٹری پاورمتاثرہ اضلاع میں موجود ہیں۔ شاہراہوں کی بحالی کیلئے وفاقی وزیرمواصلات عبدالعلیم خان گلگت میں ہیں، ابھی جامع میٹنگ ہوئی،سپہ سالار اور کور کمانڈر پشاورموجود تھے۔

انہوں نے کہا کہ دریا کے اندر ہوٹل اور گھر بنے ہوئے تھے، کوئی قانون نہیں کہ خطرناک جگہ ہوٹل بنادیں، دریامیں ہوٹل بنانافاش غلطی،اس کی کوئی معافی اور تلافی نہیں، ایک طرف جوان شہید ہورہے ہیں،دوسری جانب آفت کا سامنا ہے۔

وزیراعظم نے ندی نالوں کے اطراف تعمیرات کیخلاف تحریک چلانے کا اعلان کردیا کہا ندی نالوں کے ارد گرد تعمیرات روکنے کیلئے تحریک چلائیں گے، تجاوزات کی روک تھام کیلئے سخت پالیسی اپنانا ہوگی۔ انہوں نے مزید کہا کہ فیلڈ مارشل معیشت کو درست کرنے کیلئے دن رات کوشش کررہے ہیں۔

واضح رہے کہ خیبر پختونخوا میں بارشوں اور فلش فلڈ کے نتیجے میں اموات کی تعداد 377 تک پہنچ گئی ہے۔ پی ڈی ایم اے نے سیلاب اور فلڈ کے نقصانات سے متعلق تازہ رپورٹ جاری کی جس کے مطابق صوبہ کے مختلف اضلاع میں اب تک 377 افراد جاں بحق جبکہ 182 زخمی ہوئے ہیں۔

 رپورٹ کے مطابق جاں بحق افراد میں 294 مرد، 50 خواتین اور 33 بچے شامل جبکہ زخمیوں میں 145 مرد، 27 خواتین اور 10 بچے شامل ہیں۔

پی ڈی ایم اے کے مطابق بارشوں اور فلش فلڈ سے 1377 مکانات متاثر، 355 مکمل تباہ، 1022 جزوی نقصان پہنچا۔ حادثات سوات، بونیر، باجوڑ، مانسہرہ، شانگلہ، دیر لوئر، بٹگرام اور صوابی میں پیش آئے۔

خیبر پختونخوا میں بارشوں اور فلش فلڈ کے نتیجے میں اموات کی تعداد 377 تک پہنچ گئی ہے۔

پی ڈی ایم اے نے سیلاب اور فلڈ کے نقصانات سے متعلق تازہ رپورٹ جاری کی جس کے مطابق صوبہ کے مختلف اضلاع میں اب تک 377 افراد جاں بحق جبکہ 182 زخمی ہوئے ہیں۔

 رپورٹ کے مطابق جاں بحق افراد میں 294 مرد، 50 خواتین اور 33 بچے شامل جبکہ زخمیوں میں 145 مرد، 27 خواتین اور 10 بچے شامل ہیں۔

پی ڈی ایم اے کے مطابق بارشوں اور فلش فلڈ سے 1377 مکانات متاثر، 355 مکمل تباہ، 1022 جزوی نقصان پہنچا۔ حادثات سوات، بونیر، باجوڑ، مانسہرہ، شانگلہ، دیر لوئر، بٹگرام اور صوابی میں پیش آئے۔

دوسری جانب ڈپٹی کمشنر بونیر کا کہنا ہے کہ حالیہ بارش اور سیلاب سے ضلع میں شہدا کی تعداد 231 ہوگئی۔

پاک فضائیہ کا گلگت بلتستان کے سیلاب متاثرہ علاقوں میں ریلیف آپریشن مشکل موسمی حالات اور دشوار گزار پہاڑی راستوں کے باوجود جاری ہے۔

آئی ایس پی آر کےمطابق سی-ون تھرٹی طیارے کےذریعے سات ٹن خشک راشن۔اشیائے خور و نوش اور ادویات گلگت پہنچائی گئیں۔امدادی سامان این ڈی ایم اے کے تعاون سےمتاثرین تک تقسیم کیا جائے گا۔زمینی راستے منقطع ہونے کے باعث پاک فضائیہ نے سامان کی بروقت ترسیل یقینی بنائی۔امدادی ٹیموں نےسیلاب میں پھنسے 75 افراد کو محفوظ مقامات پر منتقل بھی کیا۔

PAF LAUNCHES FLOOD RELIEF OPERATION IN GILGIT-BALTISTAN

20 August 2025: Pakistan Air Force has launched a large-scale flood relief operation in Gilgit-Baltistan. Demonstrating unwavering resolve amidst difficult weather conditions and rugged mountainous terrain, PAF C-130… pic.twitter.com/Ws4e6KMQG4

— DGPR (AIR FORCE) (@DGPR_PAF) August 20, 2025

ترجمان کےمطابق یہ آپریشن افواجِ پاکستان کی ملک گیر ہنگامی امدادی مہم کا حصہ ہے اور قیمتی جانوں کے تحفظ کے عزم کا عملی مظاہرہ ہے,مزید خوراک،ادویات،شیلٹرز اورطبی امداد بھی متاثرین تک پہنچائی جائیں گی۔آئی ایس پی آر نےکہا کہ پاک فضائیہ کی بروقت کارروائی گلگت بلتستان کے سیلاب متاثرین کے لیےامید کی کرن ہے اور یہ ہر گھڑی قوم کے شانہ بشانہ کھڑے رہنے کے غیر متزلزل عزم کا اظہار ہے۔

صوابی کے علاقے دالوڑی گدون میں گزشتہ روز کلاؤڈ برسٹ کے نتیجے میں جاں بحق افراد کی تعداد 33 ہوگئی، ریسکیو آپریشن تیسرے روز بھی جاری ہے، ملبے تلے دبے افراد کو نکالنے کیلئے بھاری مشینری کام کررہی ہے، علاقے میں ایمبولینسیں بھی موجود ہیں۔

صوابی کے علاقے گدون دالوڑی میں شدید بارش اور کلاؤڈ برسٹ کے بعد تیسرے روز بھی سرچ اینڈ ریسکیو آپریشن جاری ہے، ریسکیو ٹیمیں ملبے میں دبے افراد کو نکالنے کی کوششوں میں مصروف ہیں۔

حکام کے مطابق کلاؤڈ برسٹ کے نتیجے میں جاں بحق افراد کی تعداد 33 ہوگئی، قدرتی آفت میں جاں بحق ہونے والوں میں خواتین اور بچے بھی شامل ہیں، مزید افراد کو ملبے تلے نکالنے کی کوششیں کی جارہی ہیں۔

کراچی میں مون سون کے دوسرے اسپیل کا آغازہوگیا،تیز ہواوں کے ساتھ موسلادھار بارش سے جل تھل ایک ہوگیا،میئر کراچی مرتضی وہاب نے شہریوں کو گھروں میں رہنے کا مشورہ دیا ہے۔

کراچی کےمختلف علاقوں میں بارش کا سلسلہ تھوڑی دیرکیلئے تھم گیا،موسلا دھاربارش کے باعث ایم اے جناح روڈ پرپانی جمع ہونے سےٹریفک کی روانی متاثرہے،شہرقائد کےساتھ ساتھ سندھ کےدیگرچھوٹے بڑے شہروں میں بھی کہیں ہلکی اور کہیں تیز بارش ہوئی۔

این ڈی ایم اے نے خبردار کیا ہےکہ آئندہ بارہ سے چوبیس گھنٹوں کے دوران سندھ کے مختلف علاقوں میں شدید بارشوں کا امکان ہے،کراچی،حیدرآباد، ٹھٹہ، بدین، میرپورخاص اور سکھر میں طوفانی بارشیں متوقع ہیں،جبکہ مختصر وقت میں پچاس سے سو ملی میٹر سے زائد بارش ہو سکتی ہے

ترجمان این ڈی ایم اے کے مطابق کراچی، حیدرآباد، سکھر اور میرپورخاص میں شہری سیلاب کا خطرہ ہے ۔ ٹھٹہ، بدین، جامشورو اور دادو میں اچانک سیلاب آسکتا ہے،دریائے سندھ اور ندی نالوں میں پانی کی سطح بڑھنے سے نشیبی علاقوں میں طغیانی کا خدشہ بھی ظاہر کر دیا گیا۔ مرکزی شاہراہوں اور مقامی سڑکوں کے زیرِ آب آنے سے آمدورفت متاثر ہو سکتی ہے

 بجلی اورٹیلی کمیونیکیشن سروسزمیں تعطل کا دورانیہ بڑھنے کا خدشہ بھی ظاہر کیا گیا ہے،شہریوں سےکہا گیا ہےکہ قیمتی سامان اور مویشیوں کو محفوظ مقامات پر منتقل کردیں۔

کراچی میں گزشتہ روز ہونے والی موسلادھار بارش نے شہر کا بُرا حال کردیا،کرنٹ لگنے اور دیگر حادثات میں بچوں سمیت دس افراد جان سے گئے۔

کراچی میں اربن فلڈنگ سے پوراشہر پانی میں ڈوب گیا،شہر کی مرکزی شاہراہوں سے پانی مکمل طور پر نہ نکالاجاسکا،ایم اے جناح روڈ کے بیشتر حصے سے پانی نکال دیاگیا،ایم اے جناح روڈ پر لائٹ ہاؤس سےمزار قائد تک پانی صاف کردیا گیا،کے ایم سی بلڈنگ سے میڈیسن مارکیٹ تک پانی جمع ہے۔

یہ بھی پڑھیں؛ وزیراعلیٰ سندھ سید مراد علی شاہ کا کراچی میں کل عام تعطیل کا اعلان

سٹی کورٹ کےاطراف اورڈرگ روڈ اورلیاقت آباد انڈرپاسز میں پانی موجود ہے،آئی آئی چندریگرروڈ سے مکمل پانی نہیں نکالا جاسکا،شہری انتظامیہ ڈی واٹرنگ پمپ کے ذریعے نکاسی آب میں مصروف ہے۔

جناح انٹرنیشنل ایئرپورٹ پر فلائٹ آپریشن بھی متاثر رہا،کئی پروازیں منسوخ متعدد کا رخ موڑ دیا گیا تیز بارش سے انٹر نیٹ کی فراہمی بھی متاثرہے،انٹر نیٹ میں خلل اور اسپیڈ سلو ہونےکی شکایات ہیں

جہانگیر ترین نے خیبرپختونخوا کے علاقوں باجوڑ، بونیر اور سوات کے سیلاب زدگان کیلئے امداد کا اعلان کر دیاہے ۔

تفصیلات کے مطابق جہانگیر ترین کا اپنے پیغام میں کہناتھا کہ لودھراں پائلٹ پراجیکٹ کی ٹیم بونیر،باجوڑ اور سوات روانہ کر دی گئی ہے ، متائرین سیلاب میں راشن، خیمے، ادویات اور ضروری اشیا تقسیم کی جائیں گی، مشکل گھڑی میں سیلاب متاثرہ بہن بھائیوں کے ساتھ کھڑے ہیں،بحالی کیلئے ہرممکن وسائل بروئے کارلائیں گے۔ 

پی ڈی ایم اے کےمطابق خیبرپختونخوامیں خیبرپختونخوا میں بارشوں،فلیش فلڈ سے اموات کی تعداد 357 ہوگئی،مرنے والوں میں 41 خواتین، 29 بچے شامل ہیں،مختلف حادثات میں 178 افراد زخمی ہوئے، سیلاب اور بارشوں سے602 گھروں کو نقصان پہنچا، 182گھرمکمل تباہ ہوئے۔

یہ بھی پڑھیں؛ کلاوڈبرسٹ اوربارشوں کے پیش نظر خیبرپختونخوا میں کالجز اورجامعات بند رکھنے کا اعلان

آزادکشمیرمیں بارش،کلاؤڈ برسٹ اورسیلاب سےجاں بحق افراد کی تعداد 19 ہوگئی،ایس ڈی  ایم اے کے مطابق جاں بحق ہونےوالوں میں8 مرد 6خواتین اور 5 بچےشامل ہیں،مختلف واقعات میں 16 افرادزخمی بھی ہوئے،زخمیوں میں 10 مرد 3 خواتین اورتین بچےشامل ہیں۔

ایس ڈی  ایم اے کےمطابق 404 رہائشی مکانات سیلاب اورلینڈسلائیڈنگ میں تباہ ہوئے،87 مکانات،مکمل تباہ اوردیگر جزوی طورپرتباہ ہوئے،27 دکانیں، 13پن چکیاں،چھوٹےبڑے 20 پل، 24کلومیٹرسڑکیں تباہ ہوئیں ،26 سمال ہائیڈرو پاورسٹیشن سیلاب کی نذرہوئے۔

وزیر اعظم شہباز شریف نے خیبر پختونخوا کے سیلاب سے متاثرہ علاقوں میں مسلسل بجلی فراہم کرنے کی ہدایت کردی۔

وزیراعظم شہباز شریف کی زیر صدارت حالیہ بارشوں و سیلاب اور امدادی کارروائیوں کے متعلق اجلاس ہوا جس میں انہوں نے خیبر پختونخوا کے سیلاب سے متاثرہ علاقوں میں مسلسل بجلی فراہم کرنے کی ہدایت کی اور کہا کہ متاثرین میں امدادی رقوم کی تقسیم کیلئے ضروری کارروائی مکمل کی جائے۔

شہباز شریف نے ہدایت کی کہ امدادی اشیاء پر مشتمل ٹرکوں کی تعداد کو فوری طور پر دگنا کیا جائے اور وزیرآبی وسائل معین وٹو آزاد کشمیر اور وزیر عوامی امور رانا مبشر اقبال صوابی جائیں۔

شہباز شریف کا کہنا تھا کہ وزراء کی متاثرین کی مدد وانفراسٹرکچر کی بحالی کی خود نگرانی قابل ستائش ہے اور ہم سب مصیبت کی گھڑی میں اپنے پاکستانی بہن بھائیوں کے ساتھ ہیں۔

اجلاس میں بریفنگ کے دوران بتایا گیا کہ وفاقی ادارے اور این ڈی ایم اے صوبائی حکومت کے ساتھ امدادی کارروائیوں میں مصروف ہیں جبکہ بجلی کے متاثرہ 49 فیڈرز میں سے 37 بحال کئے جا چکے اور باقی کی بحالی پر کام تیزی سے جاری ہے۔

وزیر اطلاعات عطا اللہ تارڑ نے بتایا  کہ 911 پر ٹیلکوز کی جانب سے مفت کال کی سہولت فراہم کی جارہی ہے ۔

وزیر مواصلات عبدالعلیم خان نے بتایا کہ اسکردو تا جگلوٹ راستہ بحال کر دیا گیا ہے اور اشیاء خورونوش و ایندھن کی قلت نہیں۔

بریفنگ کے دوران بتایا گیا کہ وزارت خزانہ کی جانب سے امدادی سرگرمیوں کیلئے اضافی 4 ارب کا فنڈ مختص کیا جا چکا ہے۔

خیبرپختونخوا،آزاد کشمیر اورگلگت بلتستان میں بارشوں اورفلیش فلڈ سے اموات کی تعداد 390 ہوگئی۔

پی ڈی ایم اے کےمطابق خیبرپختونخوامیں خیبرپختونخوا میں بارشوں،فلیش فلڈ سے اموات کی تعداد 357 ہوگئی،مرنے والوں میں 41 خواتین، 29 بچے شامل ہیں،مختلف حادثات میں 178 افراد زخمی ہوئے، سیلاب اور بارشوں سے602 گھروں کو نقصان پہنچا، 182گھرمکمل تباہ ہوئے۔

یہ بھی پڑھیں؛ کلاوڈبرسٹ اوربارشوں کے پیش نظر خیبرپختونخوا میں کالجز اورجامعات بند رکھنے کا اعلان

آزادکشمیرمیں بارش،کلاؤڈ برسٹ اورسیلاب سےجاں بحق افراد کی تعداد 19 ہوگئی،ایس ڈی  ایم اے کے مطابق جاں بحق ہونےوالوں میں8 مرد 6خواتین اور 5 بچےشامل ہیں،مختلف واقعات میں 16 افرادزخمی بھی ہوئے،زخمیوں میں 10 مرد 3 خواتین اورتین بچےشامل ہیں۔

ایس ڈی  ایم اے کےمطابق 404 رہائشی مکانات سیلاب اورلینڈسلائیڈنگ میں تباہ ہوئے،87 مکانات،مکمل تباہ اوردیگر جزوی طورپرتباہ ہوئے،27 دکانیں، 13پن چکیاں،چھوٹےبڑے 20 پل، 24کلومیٹرسڑکیں تباہ ہوئیں ،26 سمال ہائیڈرو پاورسٹیشن سیلاب کی نذرہوئے۔

یہ بھی پڑھیں؛ بھارت کی آبی جارحیت جاری،دریائے راوی میں نچلے درجے کا سیلاب

گلگت بلتستان میں حالیہ سیلاب سےجاں بحق افرادکی تعداد 14ہوگئی،گلگت بلتستان ڈیزاسٹرمینجمنٹ اتھارٹی کےمطابق سیلاب میں لاپتہ افرادکی تعداد 3 ہے، شاہراہوں کی بحالی اورمتاثرین سیلاب کیلئے ریلیف کا کام جاری ہے۔

 واضح رہےکہ محکمہ موسمیات نے خیبرپختونخوا اور پنجاب میں 21 اگست تک شدید بارشوں کی پیشگوئی کی ہے،جس کی شدت 50 فیصد زیادہ ہوگی،شمالی علاقہ جات اور پوٹھوہارکے زیادہ متاثر ہونے کا خدشہ ہے،راولپنڈی، مری، جہلم، چکوال اور اٹک میں کلاؤڈ برسٹ کا خطرہ ہے،بلوچستان میں بھی سیلابی صورتحال کا خدشہ ہے۔

صوابی کے علاقے دالوڑی میں گزشتہ روز کلاؤڈ برسٹ کے نتیجے میں جاں بحق افراد کی تعداد 17 ہوگئی، ریسکیو آپریشن دوسرے روز بھی جاری ہے، ملبے تلے دبے افراد کو نکالنے کیلئے بھاری مشینری کام کررہی ہے، علاقے میں ایمبولینسیں بھی موجود ہیں۔

صوابی کے علاقے گدون دالوڑی میں شدید بارش اور کلاؤڈ برسٹ کے بعد دوسرے روز بھی سرچ اینڈ ریسکیو آپریشن جاری ہے، ریسکیو ٹیمیں ملبے میں دبے افراد کو نکالنے کی کوششوں میں مصروف ہیں۔

ریسکیو اہلکاروں نے آج 2 بچوں سمیت کئی لاشیں نکال لیں، ملبے سے نکالی گئی لاشوں کی تعداد 13  ہوگئی۔ رپورٹ کے مطابق گزشتہ روز آپریشن میں 8 افراد کی لاشیں نکالی گئی تھیں۔

حکام کا کہنا ہے کہ ریسکیو ٹیمیں متاثرہ علاقوں میں ہرممکن مدد فراہم کررہی ہیں۔

ڈپٹی کمشنر کا کہنا ہے کہ ملبے تلے دیگر افراد کو نکالنے کیلئے 7 ایکسویٹرز، 6 ایمبولیسز، 2 ریسکیو وہیکلز، ریسکیو، پاک فوج اور ٹی ایم اے کے اہلکار آپریشن میں مصروف ہیں۔

انہوں نے بتایا کہ صوابی میں قدرتی آفت سے کل سے اب تک مرنے والوں کی تعداد 17 ہوگئی ہے، جن میں خواتین اور بچے بھی شامل ہیں۔

وزیر اعلیٰ خیبرپختونخوا علی امین گنڈاپور نے ہدایت دی ہے کہ سیلاب کے نتیجے میں جاں بحق افراد اور زخمیوں کے لیے معاوضوں کی ادائیگی جلد از جلد مکمل کی جائے۔

وزیر اعلیٰ خیبرپختونخوا علی امین گنڈاپور کی زیر صدارت اجلاس ہوا جس میں سیلاب متاثرین کے لیے ریلیف اور بحالی کے اقدامات کا تفصیلی جائزہ لیا گیا جبکہ اجلاس میں مشیر خزانہ، چیف سیکرٹری، ایڈیشنل چیف سیکریٹری داخلہ اور پی ڈی ایم اے حکام سمیت متعلقہ اداروں کے نمائندے شریک ہوئے۔

اجلاس کو بتایا گیا کہ اس وقت صوبے کے نو اضلاع میں فلڈ ایمرجنسی نافذ ہے جہاں ضلعی انتظامیہ، ریسکیو ادارے، پولیس اور دیگر محکمے ریلیف آپریشن میں مصروف ہیں جبکہ ریلیف کے لیے ڈیڑھ ارب روپے اور مواصلاتی نظام کی بحالی کے لیے بھی ڈیڑھ ارب روپے جاری کیے جا چکے ہیں۔

لازمی پڑھیں۔ سیلاب سے لوگوں کا جتنا نقصان ہوا صوبائی حکومت پورا پورا ازالہ کریگی: علی امین

بریفنگ میں بتایا گیا کہ بھاری مشینری کے ذریعے 100 سے زائد متاثرہ سڑکوں کو کلیئر کیا گیا، 23 ہزار تیار شدہ فوڈ آئٹمز، 2860 خیمے، 6100 میٹریسز، 2700 ہائی جین کٹس، 4300 کچن آئٹمز، 3100 ترپال، 7400 مچھردانیاں، 6800 کمبل اور 500 گیس سلنڈر متاثرہ علاقوں میں پہنچا دیے گئے ہیں۔

موبائل میڈیکل ٹیمیں اور دو موبائل ہسپتال بونیر سمیت متاثرہ علاقوں میں خدمات سرانجام دے رہے ہیں جبکہ محکمہ صحت میں ایمرجنسی کنٹرول روم قائم کیا گیا ہے۔

ریسکیو 1122 اب تک پانچ ہزار سے زائد افراد کو کامیابی سے محفوظ مقامات پر منتقل کر چکا ہے۔

وزیر اعلیٰ نے ہدایت دی کہ اموات اور زخمیوں کے لیے معاوضوں کی ادائیگی جلد از جلد مکمل کی جائے جبکہ مالی نقصانات کے معاوضوں کے لیے سروے کا عمل تیز کیا جائے۔

علی امین نے کہا کہ مال مویشی اور دکانوں کے نقصانات کا درست ڈیٹا اکٹھا کیا جائے اور متاثرین کو تیار شدہ خوراک کے بجائے نقد رقوم فراہم کی جائیں تاکہ وہ اپنی ضروریات کے مطابق اخراجات کر سکیں۔

انہوں نے نادرا ڈیٹا پر مبنی شفاف میکنزم کی تیاری کی ہدایت دیتے ہوئے کہا کہ ریلیف سرگرمیوں کے لیے فنڈز کی کوئی کمی نہیں ہونی چاہیے اور انتظامیہ کو ہر وقت درکار فنڈز کی دستیابی یقینی بنائی جائے۔

ان کا کہنا تھا کہ ضلعی انتظامیہ اور متعلقہ محکمے بہترین کام کر رہے ہیں لیکن ریلیف اور بحالی کی رفتار مزید تیز کی جائے۔

انہوں نے مزید کہا کہ متاثرہ لوگوں کو بروقت امداد کی فراہمی اور ان کی جلد بحالی صوبائی حکومت کی اولین ترجیح ہے اور اس مقصد کے لیے تمام دستیاب وسائل بروئے کار لائے جائیں گے۔

خیبر پختونخوا آرمی فلڈ ریلیف آپریشن میں موسم کی خرابی کے باوجود پاک فوج کے ہیلی کاپٹر ریسکیو مشن میں مصروف ہیں،  بند راستوں کی بحالی کی کوششیں  جاری ہیں جبکہ  بونیر،شانگلہ اور سوات کے مختلف علاقوں میں ملبے سے زخمیوں اور لاشوں کو نکالنے کا سلسلہ بھی جاری ہے۔

پاک فوج کے جوان ٹوٹے ہوئے پلوں اور بند  راستوں کو بھی کھولنے میں مصروف ہیں ، میڈیکل کور کے ڈاکٹرز نے متاثرہ علاقوں میں طبی کیمپ لگا کر زخمیوں اور مریضوں کے علاج معالجہ اور دواؤں کی مفت تقسیم جاری رکھے ہوئے ہیں ۔ پاک فوج کے ایک دن کے راشن کی اشیاء بھی متاثرین تک پہنچائی جارہی ہیں ،  ضرورت مند خاندانوں بستر اور ٹینٹ سمیت دیگر ضروری اشیاء بھی فراہم کی جا رہی ہیں ۔ 

خیبرپختونخوا کے سیلاب متاثرین کیلئے وفاقی کابینہ نے ایک ماہ کی تنخواہ عطیہ کرنے کا اعلان کردیا۔

وزیراعظم شہباز شریف کی زیرصدارت اعلی سطح کا اجلاس ہوا،جس میں بارش و سیلاب متاثرین کیلئے امدادی سرگرمیوں کا جائزہ لیا گیا،اجلاس میں خیبرپختونخوا کے سیلاب متاثرین کیلئے وفاقی کابینہ کی ایک ماہ کی تنخواہ عطیہ کرنےکا اعلان کیا گیا،سیلاب متاثرین کی مدد کیلئے وفاقی اداروں کو مزید متحرک ہونے کی ہدایت کی گئی ہے۔

یہ بھی پڑھیں؛ راولاکوٹ میں بارشوں سے تباہی،تعلیمی اداروں میں 23 اگست تک چھٹیوں کا اعلان

وزیراعظم شہبازشریف نے اجلاس سےگفتگو کرتے ہوئےکہا مصیبت میں کوئی وفاقی یا صوبائی حکومت نہیں،متاثرین کی مدد و بحالی یقینی بنانی ہے،مصیبت زدہ پاکستانی بہن بھائیوں کی مدد ہماری قومی ذمہ داری ہے،یہ سیاست کا نہیں بلکہ خدمت اور لوگوں کے دکھوں پر مرہم رکھنے کا وقت ہے۔

یہ بھی پڑھیں؛ کلاوڈ برسٹ کا خدشہ، مری کے تمام اسکولز 2 روز کیلئے بند

وزیراعظم نےمزیدکہا جاں بحق افراد کے لواحقین اور متاثرین کو وزیراعظم پیکیج کے تحت امدادی رقوم دیں گے،امدادی اشیا کی تقسیم اور بحالی آپریشن کی نگرانی وفاقی وزیر امورکشمیر کریں گے،بجلی، پانی، سڑکوں ودیگر سہولیات کی بحالی کی نگرانی متعلقہ وفاقی وزراکریں گے،تمام متعلقہ وزرا خیبرپختونخوا، آزاد کشمیر اورگلگت بلتستان خودجائیں،متاثرین تک امداد پہنچانے کیلئے راستےکھولنا پہلی ترجیح رکھی جائے۔

کلاوڈ برسٹ کے خدشے کے پیش نظر مری کے تمام اسکولز 2 روز کیلئے بند کردیے گئے۔

اعلامیے کے مطابق مری میں تمام اسکول 19 اور 20 اگست کو نجی، سرکاری اسکولز بند رہیں گے۔

 واضح رہے کہ محکمہ موسمیات نے خیبرپختونخوا اور پنجاب میں 21 اگست تک شدید بارشوں کی پیشگوئی کی ہے، جس کی شدت 50 فیصد زیادہ ہوگی۔ شمالی علاقہ جات اور پوٹھوہارکے زیادہ متاثر ہونے کا خدشہ ہے۔ راولپنڈی، مری، جہلم، چکوال اور اٹک میں کلاؤڈ برسٹ کا خطرہ ہے۔ بلوچستان میں بھی سیلابی صورتحال کا خدشہ ہے۔

محکمہ تعلیم نے راولاکوٹ میں ہنگامی حالات کےپیش نظر تعلیمی اداروں میں 23 اگست تک چھٹیوں کا اعلان کر دیا۔

راولاکوٹ میں شدیدبارش نےتباہی مچادی،متعدد سڑکیں ٹوٹ پھوٹ کاشکارہوگئیں، لینڈ سلائڈنگ سے مختلف علاقوں کا شہرسےرابطہ منقطع ہوگیا،دوسری جانب یونیورسٹی آف پونچھ کی خاتون لیکچرارگل لالہ کی گاڑی تراڑ کیمپس کے سامنے برساتی نالہ میں بہہ گئی،حادثے میں گل لالہ جاں بحق ہوگئی۔

خاتون لیکچرارگل لالہ تراڑ کیمپس سےچہڑھ کیمپس جارہی تھی کہ اچانک ان کی گاڑی برساتی نالےکی لپیٹ میں آگئی،ریسکیو ٹیموں نے گاڑی سمیت لاش نکال لی ہے۔

مرحومہ کا تعلق کھڑک دلوٹہ سے تھا،وہ ڈی ایس پی سردار اکمل شریف کی کزن اورسردار ضیاء شریف کی بھتیجی تھیں،گل لالہ کی اچانک وفات پر اہلِ خانہ ساتھی اساتذہ اورطلباء شدید صدمے میں ہیں۔

خیبرپختونخوا میں بونیر کے بعد صوابی میں بھی کلاؤڈ برسٹ ہوگیا، متعدد گھر ڈوب گئے، 15 افراد کے جاں بحق ہونے کی اطلاعات ہیں، تعداد بڑھنے کا خدشہ ہے۔

ڈپٹی کمشنر نصر اللہ نے تصدیق کی ہے کہ صوابی میں بھی کلاؤڈ برسٹ ہوگیا، جس سے متعدد گھر ڈوب گئے، دالاوڑی گدون گاؤں کئی گھر گرنے اور 15 افراد کے جاں بحق ہونے کی اطلاعات ہیں، اموات میں اضافے کا بھی خدشہ ہے۔

ڈی سی کا کہنا ہے کہ کلاؤڈ برسٹ کی وجہ سے پانی کا بہاؤ بہت تیز ہے، پہاڑی علاقہ ہونے کی وجہ سے مختلف مقامات پر لینڈ سلائیڈنگ ہوئی ہے، ہری پور اور مردان سے بھی ریسکیو ٹیموں کو بلالیا گیا ہے۔

رپورٹ کے مطابق کلاؤڈ برسٹ کی اطلاعات ملنے کے بعد اے سی، ڈپٹی کمشنر، سول ڈیفنس، پولیس اور رضاکار جائے وقوعہ کی طرف روانہ ہوچکے ہیں، اسپتال میں انتظامات، ادویات، کیمپ کیلئے تیاری مکمل کرلی گئی ہے۔

ڈی سی نے اپیل کی ہے کہ رضاکارانہ طور پر لوگ متاثرہ افراد کی مدد کیلئے نکلیں، وزیراعلیٰ اور چیف سیکریٹری صورتحال خود مانیٹر کررہے ہیں۔

رپورٹ کے مطابق صوابی میں رات سے جاری بارش کے باعث ندی نالوں میں طغیانی  ہے، نشیبی علاقے زیر آب آچکے ہیں، ٹوپی بازار خوڑ میں کار سیلابی پانی بہہ گئی۔

شہر میں مسلسل بارش کے باعث اس وقت ضلع بھر میں ندی نالیوں میں طغیانی اور سڑکیں تالاب کا منظر پیش کررہی ہیں، ٹھنڈکوئی میں 2، 3 فٹ پانی گھروں میں داخل ہوگیا۔

رپورٹ میں بتایا گیا ہے کہ اتلہ روڈ پر لیںڈ سلائڈنگ ہوئی ہے، اسٹیفہ موڑ میں گھروں میں پانی داخل  ہونے پر لوگ  گھروں کی چھت پر پناہ لیے ہوئے اور امداد کے منتظر ہیں۔

واضح رہے کہ چند روز قبل بونیر میں بھی کلاؤڈ برسٹ نے بڑی تباہی پھیلائی تھی، کئی گاؤں صفحۂٌ ہستی سے مٹ گئے تھے، 200 سے زائد افراد جاں بحق ہوئے، 100 سے زائد اب بھی لاپتہ ہیں۔

خیبر پختونخوا میں طوفانی بارشوں اور آبی ریلوں میں صوبہ بھر میں اب تک 325 افراد جاں بحق اور 156 زخمی ہوئے ہیں۔ سیلابی ریلوں میں 336 گھروں کو نقصان پہنچا جس میں 106 مکمل منہدم ہوگئے ہیں۔ متاثرہ اضلاع کو اب تک 89 ٹرکوں پر مشتمل امدادی سامان بھجوایا گیا ہے۔

پی ڈی ایم اے رپورٹ کے مطابق جاں بحق افراد میں 21 بچے ،30 خواتین اور  274 مرد شامل ہیں جبکہ مختلف حادثات میں ایک سو چھپن افراد زخمی بھی ہوئے۔

سیلاب سے سب سے زیادہ متاثرہ ضلع بونیر میں اب تک مجموعی طور پر 217 افراد جاں بحق ہوئے،  سوات، بونیر ، باجوڑ، تورغر، مانسہرہ، شانگلہ اور بٹگرام میں مجموعی طور پر 336 گھروں کو نقصان پہنچا۔ جس میں 230 گھروں کو جزوی اور 106 گھر مکمل منہدم ہوئے۔ سیلابی ریلوں میں 157 مویشی بھی ہلاک ہوچکے ہیں۔

وزیر اعلی خیبر پختونخوا کی خصوصی ہدایت پر متاثرہ اضلاع کو 89 ٹرکوں پر مشتمل امدادی سامان کی فراہمی مکمل کر لی گئی ہے جبکہ صوبائی حکومت متاثرہ اضلاع کی ضلعی انتظامیہ کو امدادی فنڈ کی مد میں اسی کروڑ روپے جاری کئے جا چکے ہیں۔

واضح رہے کہ محکمہ موسمیات نے خیبرپختونخوا اور پنجاب میں 21 اگست تک شدید بارشوں کی پیشگوئی کی ہے، جس کی شدت 50 فیصد زیادہ ہوگی۔ شمالی علاقہ جات اور پوٹھوہارکے زیادہ متاثر ہونے کا خدشہ ہے۔ راولپنڈی، مری، جہلم، چکوال اور اٹک میں کلاؤڈ برسٹ کا خطرہ ہے۔ بلوچستان میں بھی سیلابی صورتحال کا خدشہ ہے۔

سوات کے بالائی علاقوں میں دوبارہ بارشوں کا سلسلہ شروع ہونے کے بعد ندی نالوں میں طغیانی آگئی۔

 بالائی علاقوں میں دوبارہ بارشوں کا سلسلہ شروع ہونے سےمینگورہ ندی بپھر گیا،ندی نالوں میں طغیانی سے سیلاب متاثرین کی مشکلات میں مزید اضافہ ہوگیا۔

سیلاب کے چوتھے روز بھی متاثرین اپنی مددآپ صفائی میں مصروف ہیں،سیلابی صورتحال کے پیش نظر انتظامیہ نے ہائی الرٹ کردیا، پولیس نے لوگوں کو پانی سے دور رہنے کی ہدایت کردی۔

یہ بھی پڑھیں؛خوشاب میں سیلابی صورتحال، مکانوں کی چھتیں اور اسکول کی دیواریں گرگئی

واضح رہے کہ ملک میں بارشوں کا نیا اسپیل شروع ہوگیا۔ پشاور اور خیبر میں رات گئے بادل برسے جہاں پشاور میں نشیبی علاقے زیرآب آگئے۔ اٹک، لیہ اور دنیاپور میں جل تھل ایک ہوگیا۔

محکمہ موسمیات نے خیبرپختونخوا اور پنجاب میں 21 اگست تک شدید بارشوں کی پیشگوئی کی ہے، شدت  50 فیصد زیادہ ہوگی۔ شمالی علاقہ جات اور پوٹھوہارکے زیادہ متاثر ہونے کا خدشہ ہے۔

 پی ڈی ایم اے نے بالائی علاقوں میں بارشوں کےسبب دریاؤں کے بہاؤ میں مزید اضافے کا خدشہ ظاہر کر دیا،دریاؤں کےپاٹ میں موجود شہری فوری محفوظ مقامات پرمنتقل ہونے کی ہدایت کردیں۔

ترجمان پی ڈی ایم اے کے مطابق پنجاب کےدریاؤں میں پانی کےبہاؤمیں مسلسل اضافہ ہورہا ہے، دریائے سندھ میں تربیلا کالاباغ چشمہ اور تونسہ کےمقام پردرمیانے درجے کا سیلاب ہے،تربیلا کےمقام پرپانی کا بہاؤ3لاکھ 30ہزارکیوسک ہے،

اس کےعلاوہ کالاباغ 4 لاکھ 32 ہزارچشمہ 4 لاکھ 80 ہزارکیوسک ہے،تونسہ کےمقام پر4 لاکھ 54 ہزارکیوسک ہے،دریائےستلج میں گنڈا سنگھ والا اورسلیمانکی کےمقام پرنچلےدرجےکا سیلاب ہے،گنڈا سنگھ کےمقام پر پانی کا بہاؤ65 ہزار کیوسک ہے۔

ترجمان پی ڈی ایم اےکاکہنا ہےکہ سلیمانکی کےمقام پر 69 ہزارکیوسک ہے،دریائے راوی میں جسڑ کےمقام پرنچلےدرجےکا سیلاب اورپانی کابہاؤ 54 ہزارکیوسک ہے،نالہ پلکھومیں درمیانےدرجےکےسیلاب کی صورتحال ہے،نالہ ایک بئیں اوربسنتر میں نچلےکی سیلابی صورتحال ہے۔

محکمہ موسمیات نے آج سے ملک کے بیشتر علاقوں میں گرج چمک کیساتھ موسلادھار بارش کی پیشگوئی کی ہے،بارشوں کا نیا سلسلہ 23 اگست تک جاری رہے گا۔

محکمہ موسمیات کےمطابق اسلام آبادمیں آج بھی وقفےوقفے سےبارش جاری رہنےکا امکان ہے،دیر،چترال، سوات،کوہستان،شانگلہ،بٹگرام،مانسہرہ میں بھی تیز بارش متوقع ہے،بونیر،ایبٹ آباد،ہری پور،مالاکنڈ، باجوڑ میں چندمقامات پر تیز بارش کا امکان ہے،پشاور، مردان، صوابی، نوشہرہ، کوہاٹ، بنوں،لکی مروت،ڈی آئی خان اور وزیرستان میں تیز بارش کی توقع ہے۔

 راولپنڈی،مری،گلیات،جہلم،اٹک،چکوال،گجرات،گوجرانوالہ،سیالکوٹ،نارووال،شیخوپورہ میں گرج چمک کے ساتھ بارش کا امکان ہے،جبکہ لاہور،قصور،اوکاڑہ اور فیصل آباد میں بھی گرج چمک کے ساتھ بارش کی توقع ہے، جھنگ، ٹوبہ ٹیک سنگھ، سرگودھا، خوشاب، بہاولنگر، بہاولپور،ملتان،لیہ، بھکر، میانوالی میں گرج چمک سے بارش کی توقع ہے۔

محکمہ موسمیات کےمطابق تھرپارکر،عمرکوٹ،مٹھی،ٹھٹھہ،حیدرآباد،بدین میں بارش کا امکان ہے، دادو، خیرپور،نوشہروفيروز،لاڑکانہ،جیکب آباد میں بھی بارش متوقع ہے،جیکب آباد،سکھر، گھوٹکی، شکار پور، کشمور،شہید بے نظیرآباد ،کراچی،سانگھڑ،اسلام کوٹ، نگرپارکر اور میرپور خاص میں بارش کا امکان ہے۔

اس کے علاوہ ژوب،موسیٰ خیل،مستونگ،لورالائی،کوہلو میں تیز بارش کی توقع ہے، قلات، بارکھان، سبی، ڈیرہ بگٹی،نصیر آباد،خضدار میں بھی تیز بارش متوقع ہے،آواران،اورماڑہ، پسنی اور لسبیلہ میں چند مقامات پر بارش کا امکان ہے،کشمیر اور گلگت بلتستان میں مطلع ابرآلود رہنے کے ساتھ بارش کا امکان ہے۔

خوشاب میں طوفانی بارش سے سیلابی صورتحال پیدا ہوگئی۔

 سیلابی پانی داخل ہونے سے سرکاری سکول کی دیواریں اور چھتیں گر گئیں۔ انتظامیہ نے اسکول میں چھٹی کا اعلان کردیا۔

واضح رہے کہ ملک میں بارشوں کا نیا اسپیل شروع ہوگیا۔ پشاور اور خیبر میں رات گئے بادل برسے جہاں پشاور میں نشیبی علاقے زیرآب آگئے۔ اٹک، لیہ اور دنیاپور میں جل تھل ایک ہوگیا۔

محکمہ موسمیات نے خیبرپختونخوا اور پنجاب میں 21 اگست تک شدید بارشوں کی پیشگوئی کی ہے، شدت  50 فیصد زیادہ ہوگی۔ شمالی علاقہ جات اور پوٹھوہارکے زیادہ متاثر ہونے کا خدشہ ہے۔

راولپنڈی، مری، جہلم، چکوال اور اٹک میں کلاؤڈ برسٹ کا خطرہ ہے۔ بلوچستان میں بھی سیلابی صورتحال کا خدشہ ہے۔

خیبرپختونخوا میں سیلاب متاثرہ ہرشخص کی مددکو پہنچنے کیلئےپاک فوج برسر پیکارہے،آرمی انجینئرنگ کور نے شانگلہ میں لینڈ سلائیڈنگ کی وجہ سے بند سڑک بحال کردی۔

بونیر کےراستوں کی جلد ازجلدمکمل کلیئرنس کا کام جاری ہے،متاثرین کی منتقلی اور راشن کی تقسیم کیلئے ہیلی کاپٹرز کا استعمال کیا جارہا ہے

بونیر کےگاؤں چوراک اورآدم خیل میں ملبے تلےدبےافراد کو نکالنےکی کوششیں بھی جاری ہیں،متاثرین میں راشن کےتھیلے بھی تقسیم کیے جارہے ہیں،گلگت بلتستان کے دور افتادہ گاؤں ٹیرو تحصیل پھنڈر میں محصور متاثرین کیلئے فیلڈ اسپتال 24 گھنٹے فعال ہے۔

یہ بھی پڑھیں؛خیبرپختونخوا میں بارشوں اور سیلاب سے 323 افراد جاں بحق، مزید شدید بارشوں کی پیشگوئی

ہیلی کاپٹر کےذریعے 4 شدید زخمیوں کو ہسپتال منتقل کردیاگیا،میڈیکل کیمپوں میں خواتین، بچوں سمیت زخمیوں اور مریضوں کا علاج معالجہ کیا جا رہا ہے۔

سیلاب سے متاثرہ افراد کا کہنا ہےکہ دل سے شکریہ ادا کرتے ہیں کہ مصیبت کے اس گھڑی میں سب سے پہلےپاکستان آرمی یہاں پر پہنچی ہے

پاک فوج کا عزم ہےکہ تمام متاثرہ افراد کی محفوظ مقامات پر منتقلی مکمل ہونے تک ریسکیو اور ریلیف آپریشن تھمے گا نہیں۔

کراچی کے مختلف علاقوں میں آج سے 22 اگست تک کہیں ہلکی اور کہیں تیز  بارش کا امکان ہے۔

شہر قائد میں رات گئے مختلف علاقوں میں ہلکی بارش اور بوندا باندی ہوئی، حبس کا عالم برقرار ہے۔ شہر میں سمندری ہوائیں بند ہے۔ ہوا میں نمی کا تناسب 78 فیصد ہے۔ شہر میں درجہ حرارت 36 ڈگری سینٹی گریڈ رہنے کا امکان ہے۔

آج دن بھر درجہ حرارت 34 سے 36 ڈگری سینٹی گریڈ رہنے کا امکان ہے، شہر میں 5 نوٹ فی گھنٹہ کی رفتار سے ہوائیں چل رہی ہیں۔ آج سے 22 اگست تک مختلف علاقوں میں کہی اور تیز بارش کا امکان ہے۔

سعودی قیادت کی جانب سے پاکستان میں سیلابی صورتحال پر گہری تشویش اور قیمتی جانوں کے ضیاع پر دکھ اور افسوس کا اظہار کیا ہے۔

صدرمملکت آصف علی زرداری کےنام خادم الحرمین الشریفین شاہ سلمان بن عبدالعزیزاورولی عہدشہزادہ محمد بن سلمان کی جانب سے بھیجے گئے،مکتوب میں سیلابی صورتحال پر گہری تشویش اور سیلاب میں بہہ کر جاں بحق ہونے والی سینکڑوں قیمتی جانوں کے ضیاع پر دکھ اور افسوس کا اظہار کیا ہے

سعودی قیادت نےجاں بحق افراد کے لواحقین کے ساتھ بھی اظہار تعزیت کیا یے اور زخمیوں کی جلد صحت یابی کے لیے دعا کی ہے۔

خیبرپختونخوا میں حالیہ بارشوں اور فلش فلڈ کے باعث صوبے کے مختلف اضلاع میں اب تک 323 افراد جاں بحق اور 156 افراد زخمی ہوئے ہیں۔

پی ڈی ایم اے کی رپورٹ کے مطابق جاں بحق افراد میں 273 مرد، 29 خواتین اور 21 بچے شامل ہیں جبکہ زخمیوں میں 123 مرد، 23 خواتین اور 10 بچے شامل ہیں۔

رپورٹ کے مطابق بارشوں اور سیلاب سے 336 مکانات کو نقصان پہنچا ہے جن میں سے 106 گھر مکمل طور پر تباہ جبکہ 230 کو جزوی نقصان ہوا۔

سب سے زیادہ متاثرہ ضلع بونیر ہے جہاں اب تک 209 افراد جان کی بازی ہار چکے ہیں۔

دیگر متاثرہ اضلاع میں سوات، باجوڑ، تورغر، مانسہرہ، شانگلہ اور بٹگرام شامل ہیں۔

دوسری جانب پی ڈی ایم اے کا کہنا ہے کہ ملک میں مون سون کے مزید تین نئے اسپیل داخل ہونے کو تیار ہیں جن کی شدت 50 فیصد زیادہ ہوگی۔

شمالی علاقے اور پوٹھوہار ریجن سب سے زیادہ متاثر ہوسکتے ہیں۔ راولپنڈی، مری، جہلم، چکوال اور اٹک میں کلاؤڈ برسٹ کا خدشہ ظاہر کیا گیا ہے جبکہ لاہور سمیت کئی شہروں میں اربن فلڈنگ کا خطرہ ہے۔

محکمہ موسمیات کے مطابق 17 سے 19 اگست کے دوران شدید بارشوں کا امکان ہے جبکہ موجودہ سلسلہ 21 اگست تک وقفے وقفے سے جاری رہے گا۔

وزیراعلیٰ خیبرپختونخوا کی خصوصی ہدایت پر متاثرہ اضلاع کو 89 ٹرکوں پر مشتمل امدادی سامان پہنچا دیا گیا ہے۔

امدادی سامان میں ٹنٹس، میٹریس، بستر، کچن سیٹس، ترپال، چٹائیاں، مچھر دانیاں، جنریٹرز اور دیگر ضروری اشیاء شامل ہیں۔

صوبائی حکومت کی ہدایت پر پی ڈی ایم اے کی جانب سے متاثرہ اضلاع کی ضلعی انتظامیہ کو 800 ملین روپے کے امدادی فنڈز جاری کیے گئے جبکہ ضلع بونیر کی انتظامیہ کو خصوصی طور پر 500 ملین روپے فراہم کیے گئے ہیں۔

پی ڈی ایم اے کا ایمرجنسی آپریشن سنٹر مکمل طور پر فعال ہے اور ترجمان پی ڈی ایم اے کے مطابق عوام کسی بھی ناخوشگوار واقعے، موسمی صورتحال سے آگاہی یا معلومات کے لیے فری ہیلپ لائن 1700 پر رابطہ کرسکتے ہیں۔

گلگت بلتستان کے دور افتادہ گاؤں ٹیرو (تحصیل پھنڈر) میں آرمی چیف کی خصوصی ہدایت پر پاک فوج نے ریلیف آپریشن شروع کرتے ہوئے فیلڈ اسپتال قائم کردیا۔

پاک فوج کے مطابق ڈاکٹروں کی خصوصی ٹیم علاقے میں پہنچائی گئی ہے جس میں ماہر امراضِ بچگان، گائنی اسپیشلسٹ، میڈیکل اسپیشلسٹ اور جی ڈی ایم او شامل ہیں۔

سیلاب کے باعث گاؤں کا زمینی راستہ دیگر علاقوں سے کٹ جانے کے بعد مقامی آبادی کو شدید صحت کے مسائل کا سامنا تھا۔

ڈاکٹروں کی ٹیم نے متاثرہ مریضوں کا معائنہ کرکے ادویات فراہم کیں اور علاقے میں قیام کرتے ہوئے 24 گھنٹے طبی سہولیات دینے کا فیصلہ کیا ہے۔

فوری علاج کے لیے چار شدید زخمیوں کو ہیلی کاپٹر کے ذریعے اسپتال منتقل کیا گیا۔

علاوہ ازیں پاک فوج نے متاثرہ خاندانوں میں امدادی راشن بھی تقسیم کیا جس میں آٹا، چاول، دالیں، پینے کا صاف پانی اور دیگر ضروری اشیائے خوردونوش شامل ہیں۔

پاک فوج کے مطابق عوامی خدمت کا یہ مشن متاثرین کی مکمل بحالی تک جاری رہے گا۔

وزیر اعلیٰ خیبرپختونخوا علی امین گنڈا پور نے کہا ہے کہ سیلاب سے لوگوں کا جتنا نقصان ہوا ہے صوبائی حکومت اس کا پورا پورا ازالہ کرے گی۔

اتوار کو سوات میں وزیراعلیٰ علی امین گنڈا پور کی زیر صدارت سیلاب کی صورتحال سے متعلق اجلاس ہوا جس میں صوبائی کابینہ اراکین ، چیف سیکرٹری اور دیگر اعلیٰ حکام شریک ہوئے اور سیلاب سے ہونے والے نقصانات ، ریسکیو اور ریلیف سرگرمیوں بارے تفصیلی بریفنگ دی گئی۔

لازمی پڑھیں ۔وزیر اعلیٰ خیبرپختونخوا کا سیلاب سے جاں بحق افراد کے ورثا کو 20,20 لاکھ روپے دینے کا اعلان

بریفنگ میں بتایا گیا کہ حالیہ سیلاب میں ضلع سوات کا مینگورہ شہر سب سے زیادہ متاثر ہوا ہے تاہم متاثرہ علاقوں میں متعلقہ محکموں اور ضلعی انتظامیہ کی طرف سے ریلیف سرگرمیاں بھر پور انداز میں جاری ہیں اور سیلاب سے متاثرہ سرکاری انفراسٹرکچر اور نجی املاک کے سروے کا عمل جاری ہے۔

وزیر اعلیٰ نے سوات میں ملبہ ہٹانے کے لیے دیگر اضلاع سے بھی مشینری استعمال میں لانے اور سرکاری و نجی انفراسٹرکچر کی بحالی کے لیے تفصیلی سروے جلد مکمل کرنے کی ہدایت کی۔

اجلاس سے خطاب کرتے ہوئے علی امین گنڈا پور کا کہنا تھا کہ صوبائی حکومت نے محکمہ مواصلات اور ریلیف و آباد کاری کے لیے 3  ارب روپے جاری کر دیے ہیں، سیلاب متاثرین کے لیے خوراک ، ادویات سمیت دیگر اشیائے ضروریہ کی ہمہ وقت دستیابی یقینی بنائی جائے۔

علی امین گنڈاپور کا کہنا تھا کہ سیلاب سے لوگوں کا جتنا نقصان ہوا ہے صوبائی حکومت اس کا پورا پورا ازالہ کرے گی۔

وزیر اعلیٰ نے کہا کہ ماضی میں لوگوں کے ساتھ جو وعدے کیے گئے وہ پورے نہیں کیے گئے لیکن ہماری حکومت ثابت کرے گی کہ سیلاب متاثرین کے ساتھ جو وعدے ہم کر رہے ہیں وہ پورے ہونگے اور سیلاب متاثرین کے نقصانات کے ازالے کے لیے فنڈز ترجیحی بنیادوں پر فراہم کیے جائیں گے۔

انہوں نے کہا کہ سیلاب متاثرین کو مشکل کی اس گھڑی میں تنہا نہیں چھوڑیں گے۔

ان کا کہنا تھا کہ دریائے سوات کے آبی گزرگاہ کی حد بندی کیلئے ڈی سی کی سربراہی میں ایک کمیٹی قائم کی جائے گی اور کمیٹی منتخب عوامی نمائندوں کی مشاورت سے ریونیو ریکارڈ کے مطابق دریائے سوات کی حد بندی کرے گی۔

انہوں نے کہا کہ اس اقدام کا مقصد سیلاب کے نتیجے میں ہونے والی جانی و مالی نقصانات سے بچنا ہے۔

انہوں نے ہدایت دی کہ سوات کو دو اضلاع میں تقسیم کرنے کے معاملے پر منتخب نمائندے آپس میں مشاورت کر کے صوبائی حکومت کو تجاویز دیں۔

خیبرپختونخوا کے کمیونیکیشن اینڈ ورکس ڈیپارٹمنٹ نے صوبے میں حالیہ بارشوں اور سیلاب سے متاثرہ انفراسٹرکچر کی رپورٹ جاری کر دی ہے۔

رپورٹ کے مطابق صوبے میں سیلاب اور بارشوں سے 266 مقامات کو نقصان پہنچا جن میں 238 سڑکیں، 49 پل، اور 47 آبپاشی نالے شامل ہیں۔

رپورٹ کے مطابق صوبے میں سیلاب سے متاثرہ 47 سڑکوں کو مکمل طور پر ٹریفک کے لیے بحال کر دیا گیا ہے جبکہ 172 سڑکوں کو جزوی طور پر ہلکی ٹریفک کے لیے کھولا گیا ہے تاہم، 47 سڑکیں ابھی تک مکمل طور پر بند ہیں۔

سوات میں 25 سڑکیں متاثر ہوئیں جن میں سے 2 پر مکمل ٹریفک بحال ہو چکی ہے اور 21 کو جزوی طور پر ہلکی ٹریفک کے لیے کھولا گیا جبکہ 3 سڑکیں بند ہیں۔

لوئر دیر میں 28 سڑکیں متاثر ہوئیں، 2 کو مکمل اور 19 کو جزوی طور پر بحال کیا گیا جبکہ 7 سڑکیں ابھی تک بند ہیں۔

مانسہرہ میں 13 سڑکوں میں سے 8 کو مکمل اور 5 کو جزوی طور پر بحال کیا گیا۔

ملاکنڈ میں 11 سڑکیں متاثر ہوئیں، 5 کو مکمل اور 6 کو جزوی طور پر بحال کیا گیا۔

مردان میں 25 سڑکیں متاثر ہوئیں جنہیں ہلکی ٹریفک کے لیے بحال کر دیا گیا ہے۔

کرک میں 14 سڑکوں میں سے 3 کو مکمل اور 11 کو جزوی طور پر بحال کیا گیا۔

صوبے میں سیلاب سے 49 پل متاثر ہوئے جن میں سے 4 کو مکمل اور 32 کو جزوی طور پر بحال کیا گیا ہے جبکہ 14 پل ابھی تک ٹریفک کے لیے بند ہیں۔

مردان میں سب سے زیادہ 16 پل متاثر ہوئے جن پر ہلکی ٹریفک بحال کر دی گئی ہے۔

سوات اور لوئر دیر میں 5، 5 پل متاثر ہوئے اور کوہستان میں 4 پل سیلاب سے متاثر ہوئے۔

سیلاب سے 47 آبپاشی نالوں کو نقصان پہنچا جن میں سے 8 کو مکمل اور 31 کو جزوی طور پر بحال کیا گیا ہے جبکہ 13 نالے ابھی تک بند ہیں۔

حکام کی جانب سے متاثرہ انفراسٹرکچر کی بحالی کے لیے کام تیزی سے جاری ہے تاکہ صوبے میں رابطوں اور آمدورفت کو بہتر بنایا جا سکے۔

پاکستان ٹیلی کمیونیکیشن اتھارٹی (پی ٹی اے) کا کہنا ہے کہ سیلاب سے متاثرہ علاقوں میں موبائل فون نیٹ ورکس کی بحالی کا کام تیزی سے جاری ہے۔

پی ٹی اے کے مطابق 96 فیصد سے زائد متاثرہ ٹیلی کام سائٹس کو بحال کر دیا گیا ہے اور موبائل آپریٹرز کے تعاون سے باقی ماندہ سائٹس کی بحالی کے لیے ہر ممکن اقدامات کیے جا رہے ہیں تاکہ کم سے کم وقت میں تمام سروسز مکمل طور پر بحال ہو سکیں۔

پی ٹی اے حکام کا کہنا ہے کہ وہ سیلاب سے متاثرہ عوام کے شانہ بشانہ کھڑے ہیں اور انہیں ریلیف فراہم کرنے کے لیے تمام وسائل بروئے کار لائے جا رہے ہیں۔

حکام نے مزید بتایا کہ موبائل آپریٹرز کی جانب سے متاثرہ علاقوں میں ٹیلی کام صارفین کو مفت آن نیٹ وائس کالز فراہم کی جا رہی ہیں تاکہ لوگ اپنے اہلِ خانہ اور ایمرجنسی سروسز سے رابطے میں رہ سکیں۔

اس کے علاوہ یہ بھی یقینی بنایا جا رہا ہے کہ زیرو بیلنس صارفین بھی ٹیلی کام سہولیات سے مستفید ہو سکیں۔

آرمی چیف کی خصوصی ہدایت کے مطابق خیبر پختونخوا کے سیلاب زدہ علاقوں میں پاک فوج کی جانب سے راشن کی تقسیم جاری ہے۔

پاک فوج کے ہیلی کاپٹر خراب موسم کے باوجود بونیر ، شانگلہ اور سوات کے مختلف علاقوں میں ریسکیو اینڈ ریلیف آپریشن میں مصروف ہیں۔ خواڑ بانڈہ کے علاقے میں راشن پہنچا دیا گیا۔ امدادی سامان میں آٹا ، چاول، دالیں ، ملک پاوڈر، نمک ، چائے کی پتی اور کوکنگ آئل شامل ہے۔

پاک فوج کے ہیلی کاپٹرز دور دراز علاقوں سے زخمیوں ، عورتوں اور بچوں کو محفوظ مقام تک بھی پہنچا رہے ہیں۔ آرمی کے ڈاکٹرز نے متاثرہ علاقوں میں میڈیکل کیمپ بھی لگا لیے، جہاں مفت ادویات کی تقسیم جاری ہے۔

خیبر پختونخوا کے اضلاع مانسہرہ میں نیل بان اور بٹگرام میں پاک فوج کے فلڈ ریلیف آپریشن جاری ہے۔ متاثرہ عوام کی اطلاع پر فوجی ریلیف ٹیم نیل بان روانہ کی گئی جہاں خراب راستوں کی وجہ سے ٹیم کو پیدل 8 کلومیٹر کا طویل سفر طے کرنا پڑا۔ ٹیم نے موقع پر پہنچ کر زخمیوں کو ابتدائی طبی امداد دی جن میں ایک بچہ اور ایک مرد شامل تھے۔ حالت تشویشناک ہونے پر دونوں کو رورل ہیلتھ کلینک چھتر پلین منتقل کردیا گیا۔

پاک فوج نے علاقے میں میڈیکل کیمپ بھی قائم کیا جہاں 100 سے زائد مریضوں کا علاج کیا گیا۔ مریضوں کو ادویات، ابتدائی طبی سہولیات اور کھانے پینے کی اشیاء فراہم کی گئیں جبکہ متاثرہ خاندانوں کو دودھ اور روزمرہ استعمال کی اشیاء بھی دی گئیں۔ ریلیف آپریشن کے دوران خراب موسم، لینڈ سلائیڈنگ اور ناقابل رسائی راستے سب سے بڑی رکاوٹ ہیں تاہم فوجی ٹیم نے واپسی پر روڈ کلیئرنس کا کام بھی کیا۔

بلتستان ڈویژن کے چاروں اضلاع کا ابھی تک ملک کے دیگر حصوں سے رابطہ مکمل طور پر بحال نہ ہوسکا۔

اسکردو میں پیٹرولیم مصنوعات کی عدم فراہمی کیساتھ بجلی کی بندش اور پانی کی سپلائی کا نظام بھی متاثر ہے۔  بلتستان ڈویژن کے چاروں اضلاع کا ابھی تک ملک کے دیگر حصوں سے رابطہ مکمل طور پر بحال نہیں ہوسکا تاہم سکردو گلگت روڈ کوعارضی طور پر بحال کر کے پیٹرولیم مصنوعات سمیت کچھ گاڑیاں گزاری گئی ہیں۔

باغیچہ کے مقام پر انتظامیہ نے 17 گھنٹوں کی مسلسل محنت کے بعد عارضی طور پر بحال کر دیا جس کی وجہ سے سپلائی چین ایک مرتبہ بحال ہوئی ہے۔ کل تک سکردو گلگت  روڈ پر ٹریفک مکمل بحال ہوجانےکا امکان ہے۔

ڈپٹی کمشنر سکردو کے مطابق استک پر ایک پل کے تباہ ہو جانے سے جو راستہ بند تھا اسے بھی متبادل ٹریک کے طور پر بنانے کے لیے کام شروع کر دیا گیا ہے اور کل سے اس پر سے بڑی گاڑیاں گزاری جا سکیں گی۔

دوسری جانب کھرمنگ کتی شو میں فصل کٹائی کے دوران اچانک انے والے سیلابی ریلے میں دو خواتین بہہ گئی ہیں جن کی تلاش کے لیےریسکیو ٹیم نے آپریشن شروع کر دیا ہے۔

دریائے ستلج میں پانی کی سطح میں بتدریج اضافے سے ملحقہ متعدد بستیاں اور ہزاروں ایکڑ اراضی پر کھڑی فصلیں زیر آب آگئی ہیں۔ انتطامیہ نے متاثرہ علاقوں کے لوگوں کو محفوط مقامات پر منتقل ہونے کا الرٹ جاری کردیا۔

بھارت کی جانب سے دریا ستلج میں چھوڑے جانے والے پانی میں اضافے سے نچلے درجے کا سیلاب ہے۔ بورے والا سے ملحقہ بستی کھوکھراں، بستی جھبیلان، بستی وسیراں اور بستی مینگلاں والی میں ہزاروں ایکڑ رقبہ پر کھڑی فصلیں بھی زیر آب اگئی ہیں، متاثرہ بستیوں میں درجنوں افراد اپنے مال مویشیوں کے ہمراہ محفوظ مقامات پر منتقل ہورہے ہیں۔

ضلعی انتطامیہ کی جانب سے سیلاب کے پیش نظر الرٹ جاری کردیا گیا ہے۔ ریسکیو، پولیس، محکمہ لائیو سٹاک اور محکمہ مال کے ٹیمیں متاثرہ علاقوں میں موجود ہیں جو لوگوں کو محفوظ مقامات پر منتقل کررہی ہیں۔

ظفروال میں حالیہ شدید بارشوں سے نالہ ڈیک میں طغیانی سے پانی اوور فلو ہوکر قریبی دیہات میں داخل ہوگیا۔ شکرگڑھ میں نالہ بئیں میں بھی طغیانی کے باعث درمیانے درجے کا سیلاب۔سیلابی پانی کریل پل کی چھت کوچھونے لگا۔ ظفروال میں نالہ ڈیک کے سیلابی پانی سے ہنجلی کے مقام پر پل ٹوٹ گیا ہے۔

نالہ ڈیک میں اس وقت 22 ہزار کیوسک پانی کا ریلا گزر رہا ہے۔ لہڑی سکروڑ سمیت نچلے علاقوں میں سیلابی پانی پھیلنے اور دھان کی سیکڑوں ایکڑ فصل متاثر ہونے کا خدشہ بڑھ گیا۔ ریسکیو ٹیم کو کسی بھی ناخوشگوار واقعے سے نمٹنے کے لیے ہائی الرٹ کردیا گیا۔

شکرگڑھ میں سکمال کوٹھے اور قریبی آبادیوں کا شہر سے زمینی رابطہ منقطع ہو چکا ہےاور متاثرہ علاقوں میں لوگ محصور ہو کر رہ گئے ہیں۔ سیلابی ریلے نے چک جیمل فتح پور اور شاہ پور چنجھوڑا سمیت متعدد دیہات کی زرعی زمینوں کو نقصان پہنچایا جبکہ کٹاؤ کے باعث کاشتکار پریشانی سےدوچارہیں مبتلا ہیں۔

پاکستان میں سیلاب سے تباہی پر عالمی رہنماؤں نے اظہارِ افسوس کرتے ہوئے ہر ممکن تعاون کی پیشکش کی ہے۔

نائب وزیراعظم اور وزیر خارجہ اسحاق ڈار سے برطانوی وزیر خارجہ ڈیوڈ لیمی نے رابطہ کیا، سیلاب سے جانی و مالی نقصان پر افسوس کا اظہار کیا۔

ترجمان دفتر خارجہ کے مطابق ڈیوڈ لیمی نے پاکستان میں سیلاب سے ہونے والے نقصانات پر اظہار کیا۔ مشکل وقت میں پاکستان کے ساتھ یکجہتی کا پیغام بھی دیا۔ برطانوی وزیر خارجہ نے امید ظاہر کی کہ لندن میں اسحاق ڈار سے ہونے والی ملاقات میں مثبت پیش رفت ہو گی۔

 نائب وزیراعظم اسحاق ڈار نے برطانوی قیادت کی یکجہتی اور ریلیف و بحالی کے لیے امداد پر شکریہ ادا کیا۔ کہا کہ وہ برطانوی قیادت کے ساتھ مزید رابطوں اور بات چیت کے منتظر ہیں۔

صدر یو اے ای شیخ محمد بن زید النہیان نے پاکستان میں سیلاب کی تباہ کاریوں پر افسوس کا اظہار کیا۔ بیان میں صدر یو اے ای نے کہا پاکستان میں سیلاب سے جانی نقصان پر تعزیت کا اظہار کرتے ہیں۔ وزیراعظم شہبازشریف اور صدر زرداری کو ہمدردی کا پیغام بھیجا ہے ۔ یواے ای مشکل کی اس گھڑی میں پاکستان کے ساتھ ہے۔ تمام زخمیوں کی جلد صحت یابی کیلئے دعاگو ہیں۔

سعودی وزارت خارجہ نے شمالی علاقوں میں سیلابی صورتحال اور اموات پر حکومت پاکستان اور متاثرین سے ہمدردی اور افسوس کا اظہار کیا ہے۔

سعودی وزارت خارجہ کی جانب سے جاری بیان میں پاکستان کے شمالی علاقوں میں سیلاب کی صورتحال کے پیش نظر قیمتی جانوں کے ضیاع پر حکومت پاکستان اور متاثرین سے گہرے دکھ اور افسوس کا اظہار کیا ہے۔

ایرانی صدر نے پاکستان میں سیلاب کی تباہ کاریوں پر افسوس کا اظہار کیا ہے، وزیراعظم شہبازشریف کیلئے تعزیتی پیغام میں ایرانی صدر نے امدادی سرگرمیوں میں تعاون کی پیشکش کی ہے۔ کہا سیلاب سے قیمتی جانوں کے ضیاع پر بہت دکھ ہوا، ایران مشکل وقت میں پاکستان کےساتھ ہے۔

وزیرخارجہ اسحاق ڈار سے کویت کے وزیرخارجہ عبداللہ ال یحییٰ نے بھی ٹیلیفونک رابطہ کیا ہے، کہا کویتی حکومت اور عوام پاکستانی قوم کی ہرممکن مدد کیلئے تیار ہیں۔

روس کے صدر ولادیمیرپیوٹن نے صدر مملکت آصف زرداری کے نام تعزیتی خط میں قیمتی جانوں کے ضیاع پر افسوس کا اظہار کیا ہے۔

خیبر پختونخوا کے مشیر اطلاعات بیرسٹر محمد علی سیف نے کہا ہے کہ وفاقی حکومت  قومی سانحے میں  آگے آکر خیبر پختونخوا حکومت کی مدد کرے، صوبائی حکومت کے پاس جتنے وسائل ہیں وہ متاثرین کے لئے استعمال میں لا رہی ہے۔

بیرسٹر سیف نے کہا کہ پاک فوج ہمارے ساتھ مکمل تعاون کررہی ہے ۔پہاڑی مقامات پر راستے بنانے ، سڑکیں کھولنے اور پل بنانے میں اس کے جوان مصروف ہیں ،آرمی نے صوبائی حکومت کو پانچ ہیلی کاپٹر بھی دیے ہیں۔

انہوں نے کہا کہ وزیر اعظم اور وزیر اعلیٰ پنجاب نے بھی تعاون کا یقین دلایا ہے۔ قدرتی آفت پر نہ کسی نے سیاست کی اور نہ ہم کوئی سیاسی بات کریں گے، پوری قوم کی ذمہ داری ہے کہ وہ اس سانحے میں خیبر پختونخوا کے عوام کی مدد کریں۔

دوسری جانب ڈی جی ریسکیو کا کہنا ہے کہ سیلاب والے علاقوں میں 60 خصوصی سنٹر بنائے ہیں، امدادی سرگرمیوں میں 3 دنوں میں 5210 افراد کو زندہ بچایا ہے، اہلکاروں پر مشتمل ایلیٹ ریسکیو یونٹ قائم کرکے بونیر بھجوا دئے ہیں جو وہاں بیک اپ کے طور پر کام کریں گے۔

وزیراعظم کی ہدایت پر سیلاب متاثرہ علاقوں میں اضافی امدادی سامان کی ترسیل کےلیے وفاقی وزرا کو ٹاسک سونپ دیا گیا۔

وفاقی وزراء خیبر پختونخوا کے متاثرہ اضلاع میں ریلیف آپریشنز میں حصہ لیں گے، وفاقی وزیر امیر مقام ضلع شانگلہ میں امدادی سامان کی تقسیم کی نگرانی کریں گے جبکہ وفاقی وزیر پاور ڈویژن اویس لغاری کو ضلع بونیر کی ذمہ داری سونپ دی گئی۔

وفاقی وزیر سردار یوسف ضلع مانسہرہ میں امدادی سامان کی تقسیم کی نگرانی  کریں گے، معاون خصوصی مبارک زیب ضلع باجوڑ میں امدادی سامان کی تقسیم کے معاملات دیکھیں گے۔

گزشتہ روز بھی وفاقی وزیر امور کشمیر امیر مقام  سیلاب سے متاثرہ علاقوں میں رہے، وفاقی وزیر نے امدادی سرگرمیوں کی نگرانی اور امدادی سامان کی ترسیل کا جائزہ لیا۔

وزیراعظم کی ہدایت ہر این ڈی ایم اے  سیلاب متاثرہ اضلاع میں ریلیف آپریشن میں مصروف ہے، پاک فوج سمیت  دیگر تمام  ادارے اور این جی اوز  بھی ریلیف کاموں میں حصہ لے رہی ہیں۔

وزیراعظم خیبرپختونخوا میں این ڈی ایم اے کی امدادی کارروائیوں کی نگرانی خود کررہے ہیں، وزیراعظم ریلیف پیکج کے تحت امدادی سامان پر مشتمل مزید ٹرک متاثرہ اضلاع بھیجے جارہے ہیں۔ امدادی سامان میں راشن، خیمے اور ادویات شامل،سامان ضلعی انتظامیہ کے حوالے کیا جارہا ہے۔

چیئرمین نیشنل ڈیزاسٹر مینجمنٹ اتھارٹی (این ڈی ایم اے) لیفٹیننٹ جنرل انعام حیدر کا کہنا ہے کہ اس سال مون سون کی شدت 50 فیصد زیادہ ہے۔ ستمبر تک مون سون کے مزید  3 اسپیل آئیں گے۔

اسلام آباد میں پریس بریفنگ کے دوران لیفٹیننٹ جنرل انعام حیدر نے کہا کہ ماحولیاتی تبدیلی نے پاکستان کو شدید متاثر کیا۔ اس مون سون کی شدت 50 فیصد زیادہ ہے، گلگت بلتستان بابوسر میں نقصانات زیادہ ہوئے، خیبرپختونخوا میں نقصانات کا اندازہ لگایا جارہا ہے۔ آج اسلام آباد میں کلاؤڈ برسٹ نوٹ کیا گیا۔

لیفٹیننٹ جنرل انعام حیدر نے کہا کہ سیلاب زدہ علاقوں کا مکمل سروے کیا جائے گا ۔ بونیر، باجوڑ، بٹگرام میں تباہی ماحولیاتی تبدیلی کی وجہ سے ہوئی، متاثرہ علاقوں میں امدادی سامان اور خوراک فراہم کی جائے گی۔

چیئرمین این ڈی ایم اے نے کہا کہ جو آبادیاں کٹ گئی ہیں ان سے رابطہ بحال کرنے کی کوشش جاری ہے، مسلح افواج مسائل میں گھرے افراد کے ساتھ ہیں، وزیراعظم کے احکامات پر ریلیف پیکج پہنچایا جائے گا، سیلاب سےلاپتا ہونے والے افراد کی تلاش جاری ہے۔

لیفٹیننٹ جنرل انعام حیدر کا کہنا تھا کہ بونیر،باجوڑ اور بٹگرام میں تباہی ماحولیاتی تبدیلی کی وجہ سے ہوئی، شمالی پنجاب،شمالی خیبرپختونخوا میں مون سون مزید زور دکھائے گا۔ متعلقہ وزارتوں کے ساتھ مل کر لوگوں کی بحالی کریں گے، آنے والے دنوں میں بھی سب کو معلومات فراہم کریں گے، کوشش کریں گے آنے والے دنوں میں نقصان مزید کم ہو۔

نقصانات کے تازہ اعدادو شمار

دوسری جانب نیشنل ڈیزاسٹر مینجمنٹ اتھارٹی (این ڈی ایم اے) نے مون سون بارشوں سیلاب،لینڈ سلائیڈنگ سے نقصانات کے تازہ اعدادو شمار جاری کردیے۔

رپورٹ کے مطابق مختلف علاقوں میں گزشتہ 24 گھنٹوں کےدوران 151 لوگ جاں بحق ہوگئے۔ سب سے زیادہ 144 افراد خیبرپختونخوا میں جاں بحق ہوئے ، جاں بحق افراد میں 124مرد،16 خواتین اور11 بچے شامل ہیں۔ ملک بھر میں رواں سال مون سون بارشوں کے باعث سیلاب اور مختلف حادثات میں جاں بحق افراد کی تعداد 645 ہوگئی۔

خیبرپختونخوا میں آج سے بارشوں کی شدت میں مزید اضافے کی پیشگوئی کی گئی ہے جبکہ بارشوں اور سیلابی صورتحال سے متعلق پی ڈی ایم اے پنجاب نے بھی الرٹ جاری کردیا۔

پی ڈی ایم اے خیبرپختونخوا کے مطابق آج سے مزید بارشوں کے باعث صوبے کے بیشتر اضلاع میں فلش فلڈ کا خدشہ ہے۔ متعلقہ ضلعی انتظامیہ اوراداروں کو الرٹ رہنے کی ہدایت جاری کر دی ہے۔

 ادھر این ڈی ایم اے نے آج سے پنجاب کے بیشتر اضلاع میں طوفانی بارشوں کی پیش گوئی کر دی۔ بتایا کہ میانوالی، چکوال، تلہ گنگ اور اٹک ریجن میں کلاؤڈ برسٹ اور سیلاب کا خدشہ ہے۔ مون سون کا ساتواں اور طاقتور اسپیل اکیس اگست تک جاری رہے گا۔

ڈی جی پی ڈی ایم اے کے مطابق پوٹھوہار میں فلیش فلڈنگ کاخدشہ ہے۔ انتظامیہ کو الرٹ رہنے اور راولپنڈی نالہ لئی کے اطراف دفعہ 144 کا سختی سے نفاذ کروانے کے احکامات جاری کردیے گئے۔

حکام کے مطابق ہنگامی صورتحال میں شہری احتیاطی تدابیر اختیارکریں اور محفوظ مقامات پر رہیں، فلیش فلڈنگ کے دوران گاڑی میں ہرگز سفرنہ کریں، محفوظ مقام پر رک جائیں۔

ملک بھر میں رواں سال مون سون بارشوں کے باعث سیلاب اور مختلف حادثات میں جاں بحق افراد کی تعداد 645 ہوگئی۔

نیشنل ڈیزاسٹر مینجمنٹ اتھارٹی (این ڈی ایم اے) نے مون سون بارشوں سیلاب،لینڈ سلائیڈنگ سے نقصانات کے تازہ اعدادو شمار جاری کردیے۔

رپورٹ کے مطابق مختلف علاقوں میں گزشتہ 24 گھنٹوں کےدوران 151 لوگ جاں بحق ہوگئے۔ سب سے زیادہ 144 افراد خیبرپختونخوا میں جاں بحق ہوئے ، جاں بحق افراد میں 124مرد،16 خواتین اور11 بچے شامل ہیں۔

سیلاب سے گزشتہ 24 گھنٹوں کے دوران 137 افراد زخمی بھی ہوئے، زخمی ہونے والوں میں 107 مرد،20 خواتین اور 10 بچے شامل ہیں۔ رپورٹ کے مطابق 26 جون سے 16 اگست تک جاں بحق افراد کی تعداد 645 ہوگئی۔

دوسری جانب پی ڈی ایم اے کے مطابق خیبرپختونخوا میں بارشوں وسیلابی ریلوں سے مختلف حادثات میں جاں بحق افراد کی تعداد 314 ہوگئی جبکہ 156 افراد زخمی ہیں۔

صوبے میں بارشوں سے 159گھروں کو نقصان پہنچا جس میں 97 کوجزوی جبکہ 62 مکمل منہدم ہوگئے۔

حادثات سوات، بونیر، باجوڑ، تورغر، مانسہرہ، شانگلہ، بٹگرام میں پیش آئے، سیلاب سے سب سے زیادہ متاثر ضلع بونیر ہے، بونیر میں 209 افراد جاں بحق ہوئے۔

وزیر اعلیٰ خیبرپختونخوا علی امین گنڈاپور نے سیلاب سے جاں بحق افراد کے ورثا کو 10 کے بجائے 20 لاکھ روپے دینے کا اعلان کردیا۔

وزیراعلیٰ خیبر پختونخوا علی امین خان گنڈاپور نے سیلاب سے متاثرہ ضلع بونیر کا دورہ کیا اور ڈپٹی کمشنر آفس میں سیلابی صورتحال اور ریلیف و بحالی سرگرمیوں بارے اجلاس کی صدارت کی۔

چیئرمین پی ٹی آئی بیرسٹر گوہر ، صوبائی وزراء ،چیف سیکرٹری اور ضلعی انتظامیہ کے حکام نے بھی اجلاس میں شرکت کی۔

اجلاس میں سیلاب سے شہید ہونے والے افراد کے ایصال ثواب کے لیے دعا کی گئی۔

اجلاس میں بریفنگ

اجلاس میں بریفنگ کے دوران بتایا گیا کہ ضلع بونیر کی سات ویلج کونسلوں میں کلاوڈ برسٹ سے مجموعی طور پر 5380 مکانات کو نقصان پہنچا اور اب تک 209 ہلاکتیں رپورٹ ہوئیں ، 134 افراد لاپتہ ہیں جبکہ 159 افراد زخمی ہوئے ہیں۔

ریسکیو اور ریلیف سرگرمیوں میں 10 ایکسکیویٹرز ، 22 ٹریکٹرز ،10  ڈی واٹرنگ پمپس ، 5 واٹر باوزرز اور 10ڈوزر شامل ہیں۔

ریلیف سرگرمیوں میں  223 ریسکیو اہلکار، 205 ڈاکٹرز،260 پیرا میڈیکل اسٹاف ،400 پولیس اہلکار،300سول ڈیفنس کے رضاکار حصہ لے رہے ہیں جبکہ پاک فوج کے دستے بھی شریک ہیں۔

متاثرہ لوگوں کو خوراک، صحت سہولیات ، ٹینٹس ، کمبل میٹرس سمیت تمام ضروری اشیاء فراہم کی جا رہی ہیں۔

پیر بابا کا 6 کلومیٹر روڈ، گوکند کا 3.5 کلومیٹر روڈ کلیئر کر لیا گیا ہے، 15 مختلف مقامات پر لینڈ سلائیڈنگ کا ملبہ بھی کلیئر کر لیا گیا ہے جبکہ ضلع بونیر سمیت 8 متاثرہ اضلاع میں ریلیف ایمرجنسی نافذ کر دی گئی ہے۔

سیلاب میں پھنسے 3500 افراد کو بحفاظت نکال لیا گیا تھا۔

خیبرپختونخوا ، گلگت بلتستان اورآزاد کشمیر میں طوفانی بارشوں ، کلاؤڈ برسٹ اور سیلاب نے تباہی مچادی ، تندو تیز ریلے سب کچھ بہا کر لے گئے، اب تک ملک بھر میں گزشتہ 48 گھنٹوں کے دوران 344 افراد جاں بحق ہو چکے ہیں جبکہ 148 سے زائد زخمی ہیں، صرف خیبرپختونخوا میں سب سے زیادہ 328 افراد جاں بحق ہوئے۔

این ڈی ایم اے کی رپورٹ کے مطابق سیلاب اور بارش کے حالیہ واقعات میں خیبر پختونخوا میں 328 افراد جان کی بازی ہار چکے ہیں جبکہ 143 سے زائد زخمی ہیں۔ سب سے زیادہ متاثرہ شہر بونیر ہے جہاں اب تک 184 افراد کی موت کی تصدیق ہو چکی ہے ۔این ڈی ایم اے ، مسلح افواج اور فلاحی اداروں کی جانب سے کے پی کے کیلئے امدادی سامان روانہ کر دیا گیاہے ، امدادی سامان میں ایمبولینس ، جنریٹر، کمبل، خیمے ، ڈی واٹرنگ پمپس ، راشن اور خشک دودھ شامل ہے ۔

ترجمان این ڈی ایم اے کا کہناتھا کہ تمام متعلقہ سول اور عسکری اداروں کے ساتھ مکمل رابطے میں ہیں، این ڈی ایم اے کی ٹیم امدادی کاموں میں معاونت اور نگرانی کے لیے پشاور میں موجود ہے، شمالی علاقہ جات میں لینڈ سلائیڈنگ کے واقعات میں مزید اضافے کا امکان ہے ، بارشوں اور سیلاب کے دوران محتاط رہیں اور حفاظتی اقدامات یقینی بنائیں۔  ادارے کی جانب سے سیاحوں کو اگلے پانچ سے چھ روز تک شمالی علاقہ جات کا سفر نہ کرنے کا مشورہ دیا گیاہے ۔

بونیر میں چھ مقامات پرریسکیو آپریشن جاری ہے ، پیر بابا کے دس کلومیٹر کے علاقے میں جو پانی کے راستے میں آیا سب ملیا میٹ ہو گیا، سڑکیں ، گھر ، بازار اور فصلیں تباہ ہو گئیں ، باغ نسیم آباد گرلز پرائمری سکول کا بڑا حصہ تباہ ہو گیا ، قادر نگر میں 50 افراد کی اجتماعی نماز جنازہ ادی گئی جہاں ہر دل شکستہ اور ہر آنکھ اشکبار دکھائی دی۔

9 اضلاع میں 31 اگست تک فلڈ ایمرجنسی نافذ کر دی گئی ہےجبکہ صوبائی حکومت نے متاثرہ علاقوں کی بحالی کیلئے 3 ارب اور لواحقین کی مدد کیلئے 50 کروڑ روپے کی رقم جاری کر دی ہے ، وفاقی حکومت نے جاں بحق افراد کے لواحقین کیلئے 20، 20 لاکھ روپے امداد کا اعلان کر دیاہے جبکہ وزیراعظم شہبازشریف متاثرہ علاقوں کا دورہ بھی کریں گے ۔

 گزشتہ 24 گھنٹوں کی صورتحال

نیشنل ڈیزاسٹر مینجمنٹ اتھارٹی (این ڈی ایم اے) کے مطابق گزشتہ 24 گھنٹوں کے دوران ملک بھر میں مختلف واقعات میں 151 افراد جاں بحق ہوئے جن میں سے سب سے زیادہ 144 اموات خیبرپختونخوا میں رپورٹ ہوئیں۔ خیبرپختونخوا میں جاں بحق ہونے والوں میں 124 مرد، 16 خواتین اور 11 بچے شامل ہیں۔اس کے علاوہ گزشتہ 24 گھنٹوں میں سیلاب اور متعلقہ حادثات کے نتیجے میں 137 افراد زخمی ہوئے جن میں 107 مرد، 20 خواتین اور 10 بچے شامل ہیں۔رپورٹ میں بتایا گیا کہ اسی عرصے میں 50 مکانات کو نقصان پہنچا اور 110 مویشی ہلاک ہوئے۔

این ڈی ایم اے کے مطابق 26 جون سے 16 اگست تک مون سون بارشوں اور سیلاب کے باعث مجموعی طور پر 645 افراد جاں بحق اور 905 افراد زخمی ہو چکے ہیں۔خیبرپختونخوا سب سے زیادہ متاثرہ صوبہ رہا جہاں 396 اموات رپورٹ ہوئیں جبکہ پنجاب میں 164، سندھ میں 28، بلوچستان میں 20، گلگت بلتستان میں 28، آزاد کشمیر میں 14 اور اسلام آباد میں 8 افراد جاں بحق ہوئے۔

این ڈی ایم اے نے عوام سے اپیل کی ہے کہ وہ سیلاب زدہ علاقوں میں غیر ضروری سفر سے گریز کریں اور مقامی انتظامیہ کی ہدایات پر عمل کریں۔

گورنر کے پی کے

گورنر خیبرپختونخوا نے  مانسہرہ کے فلیش فلڈ سے متاثرہ علاقے بٹل کا دورہ کیا اور  نقصانات کا جائزہ لیا ۔ فیصل کریم کنڈی نے  متاثرین سے ملاقات ، جانی و مالی نقصانات پرافسوس کا اظہار   کیا ۔

گورنر نے کہا کہ متاثرین سیلاب کے دکھ میں برابر کے شریک ہیں، متاثرین کو کسی صورت تنہا نہیں چھوڑا جائے گا، بٹل اور ملحقہ علاقوں میں ریلیف سرگرمیوں کو یقینی بنایا جائے، امدادی سامان فوری  متاثرہ علاقے میں پہنچایا جائے۔

وزیراعلیٰ خیبرپختون خوا علی امین گنڈا پور  کا بونیر کا دورہ

خیبر پختونخوا کے وزیر اعلی علی امین گنڈا پور نے کہا کہ متاثرہ علاقوں میں راستے بحال کرنا حکومت کی اولین ترجیح ہے ۔امدادی سرگرمیوں کے لئے ایوی ایشن سے اضافی ہیلی کاپٹر مانگے ہیں ۔جانی نقصانات کا ازالہ ممکن نہیں تاہم مالی نقصانات کا ازالہ کریں گے ۔

انہوں نے کہا کہ وزیر اعلٰی پنجاب مریم نواز کا فون آیا تھا، انہوں نے اظہار یکجہتی کیا ہے ، این ڈی ایم اے سے رابطے میں ہیں، ہمارے پاس وسائل کی کمی نہیں ہے،  صوبائی حکومت کے اتنے وسائل ہیں کہ نقصانات کا سو فیصد ازالہ کریں گے،  سو فیصد کبھی کسی نے نقصانات کا ازالہ نہیں کیا لیکن ہم ایسا کریں گے۔

پاک فوج ریسکیو آپریشن میں مصروف عمل

پاک فوج خیبرپختونخوا سیلاب زدہ علاقوں میں ریسکیو آپریشن جار ی رکھے ہوئے ہے جبکہ پاک فوج نے باجوڑ اور دیر کو ملانے کیلئے نئے پل کی تعمیر کام شروع کر دیا ہے ، انجینئرز کور کے دستے ضروری سازو سامان سے لیس  ہوکر باجوڑ روانہ ہو گئے  ہیں، باجوڑ اور دیرکو ملانے والا انتہائی اہم  پل حالیہ سیلاب میں بہہ گیا تھا، پاک فوج کی انجینئرز کور نئے پل کی تنصیب کا کام چند روز میں مکمل کر لے گی۔

آئی جی ایف سی کےپی نارتھ  میجرجنرل راؤعمران بونیر کے متاثرہ علاقوں میں پہنچ گئے  ہیں، آئی جی ایف سی نے بونیر کے متاثرہ علاقوں کا دورہ  کیا اور  امدادی کاموں کا جائزہ لیا  ۔ فوجی ہیلی کاپٹرز کے ذریعے راشن کی فراہمی اور متاثرین کی محفوظ مقامات پر منتقلی جاری  ہے ، تمام متاثرہ افراد کو بحفاظت ریسکیو کرنے اور محفوظ مقامات پر منتقل کرنے تک آپریشن جاری رہے گا۔

بونیر میں سیلاب سے تباہی ، ریلیف آپریشن جاری ہے  پاک فوج کے مزید دستے بونیر پہنچ گئے   ہیں، پاک فوج کی انجینئر کور کے اسپیشل آلات کے ذریعے کیچڑمیں دبے زخمیوں اور لاشوں کو نکالا جائے گا ، پاک فوج کی ٹیمیں خیبرپختونخوا کے سیلاب سے متاثرہ  اضلاع میں امدادی سرگرمیوں میں مصروف عمل ہیں، سیلاب زدہ علاقوں میں فوج کے ہیلی کاپٹرز میں راشن اور دیگر سامان متاثرین تک پہنچایا جا رہا ہے، ہیلی کاپٹرز کے ذریعے سیلاب سے متاثرہ علاقوں سے لوگوں کو محفوظ مقامات پر منتقل کرنے کام جاری ہے ۔

گلگت بلتستان

گلگت بلتستان میں پاک فوج کی امدادی کارروائیاں  بھی جاری ہیں ، سیلاب سےمتاثرہ غذر میں پاک فوج اور جی بی اسکاؤٹس امداددی سرگرمیوں میں مصروف  عمل ہیں، ہیلی کاپٹر کے ذریعےامدادی سامان ، ادویات اور اشیائے ضروریہ متاثرین تک پہنچائی گئیں، پاک فوج اور گلگت بلتستان اسکاؤٹس کے میڈیکل کیمپس میں زخمیوں کو طبی امداد فراہم کی جارہی ہیں، شدید زخمیوں کو فیلڈ اسپتال منتقل کر دیا گیا، افواج پاکستان مشکل کی گھڑی میں اپنی قوم کے شانہ بشانہ کھڑی ہیں۔

خیبرپختونخوا کے مختلف اضلاع میں سیلاب سے تباہی کے بعد پاک فوج کی امدادی سرگرمیاں تیز کردی گئی ہیں۔

باجوڑ اور دیر کو ملانے والا انتہائی اہم پل حالیہ سیلاب میں بہہ جانے کے بعد پاک فوج کی انجینئرز کور نے نیا پل تعمیر کرنے کا کام شروع کردیا ہے۔

انجینئرز کور کے دستے ضروری ساز و سامان کے ساتھ باجوڑ روانہ ہو گئے ہیں اور نئے پل کی تنصیب کا کام چند روز میں مکمل کر لیا جائے گا۔

ادھر بونیر میں بھی سیلاب سے شدید تباہی ہوئی ہے جہاں آئی جی ایف سی کے پی نارتھ میجر جنرل راؤ عمران متاثرہ علاقوں میں پہنچے اور امدادی کاموں کا جائزہ لیا۔

پاک فوج کے مزید دستے بونیر میں ریلیف آپریشن میں شریک ہو گئے ہیں۔

انجینئر کور کے خصوصی آلات کے ذریعے کیچڑ میں دبے زخمیوں اور لاشوں کو نکالنے کا عمل جاری ہے۔

فوجی ہیلی کاپٹرز کے ذریعے متاثرہ علاقوں میں راشن اور دیگر ضروری سامان پہنچایا جا رہا ہے جبکہ متاثرین کو محفوظ مقامات پر منتقل کرنے کا عمل بھی مسلسل جاری ہے۔

فوجی حکام کے مطابق ریلیف آپریشن اس وقت تک جاری رہے گا جب تک تمام متاثرہ افراد کو بحفاظت ریسکیو کر کے محفوظ مقامات پر منتقل نہیں کر دیا جاتا۔

نائب وزیراعظم و وزیر خارجہ سینیٹر اسحاق ڈار سے کویت کے وزیر خارجہ عبداللہ ال یحییٰ نے ٹیلیفونک رابطہ کیا ہے۔

کویتی وزیر خارجہ نے ولی عہد شہزادہ صباح الخالد الصباح کی جانب سے پاکستان میں حالیہ سیلاب سے ہونے والے جانی و مالی نقصانات پر گہرے دکھ اور تعزیت کا اظہار کیا۔

عبداللہ ال یحییٰ نے کہا کہ کویت کی حکومت اور عوام مشکل کی اس گھڑی میں پاکستانی عوام کے ساتھ مکمل یکجہتی رکھتے ہیں اور ہر ممکن امداد کے لیے تیار ہیں۔

نائب وزیراعظم اسحاق ڈار نے پاکستانی عوام سے یکجہتی اور تعاون کی پیشکش پر کویت کی حکومت اور عوام کا شکریہ ادا کیا۔

ایران اور سعودی عرب کی جانب سے پاکستان میں سیلاب سے جانی نقصان پر افسوس اور تعزیت کا اظہار کیا گیا ہے۔

اپنے خصوصی پیغام میں ایرانی صدر مسعود پزشکیان نے پاکستان میں مون سون کی شدید بارشوں اور سیلاب سے ہونے والی تباہ کاریوں پر گہرے دکھ اور افسوس کا اظہار کیا ہے۔

صدر پزشکیان نے وزیراعظم شہباز شریف کے نام اپنے تعزیتی پیغام میں کہا کہ سیلاب سے قیمتی جانوں کے ضیاع پر انہیں شدید صدمہ ہوا ہے۔

انہوں نے زخمیوں کی جلد صحتیابی کے لیے دعا کی اور امدادی سرگرمیوں میں پاکستان کے ساتھ مکمل تعاون کی پیشکش کی۔

ایرانی صدر نے زور دیا کہ ایران مشکل وقت میں اپنے برادر اسلامی ملک پاکستان کے ساتھ کھڑا ہے۔

دوسری جانب سعودی عرب کی وزارت خارجہ نے بھی پاکستان میں طوفانی بارشوں اور سیلاب سے ہونے والے جانی نقصان پر گہرے دکھ کا اظہار کیا ہے۔

سعودی وزارت خارجہ کے بیان میں کہا گیا کہ وہ اس دکھ کی گھڑی میں پاکستانی حکومت اور عوام کے ساتھ ہیں اور متاثرین سے مکمل ہمدردی اور یکجہتی کا اظہار کرتے ہیں۔

بیان میں زخمیوں کی جلد صحتیابی کے لیے دعا کی اور اپنی حمایت کا عہد کیا۔

محکمہ موسمیات نے مون سون کی شدت بڑھنے کی پیش گوئی کر دی،  کل سے 19 اگست تک کشمیر، گلگت بلتستان اور خیبرپختونخوا کے مختلف علاقوں میں بارشوں کا امکان ہے،  اسلام آباد، مری، گلیات اور پنجاب کے کئی شہروں میں بھی بارش متوقع ہے۔

محکمہ موسمیات کے مطابق 18 سے 20 اگست تک جنوبی پنجاب اور 17 سے 22 اگست تک کراچی سمیت سندھ کے مختلف حصوں میں بارشیں ہوں گی۔ بلوچستان میں بھی 17 سے 20 اگست کے دوران بارش کا امکان ہے۔ بارشوں کے نتیجے میں چترال، دیر، سوات اور شانگلہ سمیت کئی برساتی نالوں میں طغیانی کا خدشہ ظاہر کر دیا گیا۔ اسلام آباد، راولپنڈی، شمال مشرقی پنجاب اور کشمیر کے برساتی نالوں میں بھی طغیانی کا خطرہ ہے۔ محکمہ موسمیات نے خبردار کیا ہے کہ بارشوں سے سندھ، پنجاب اور خیبرپختونخوا کے نشیبی علاقے زیر آب آسکتے ہیں۔ جبکہ ملک کے بالائی علاقوں میں لینڈ سلائیڈنگ کا بھی امکان ہے۔

خیبرپختونخوامیں کلاؤڈ برسٹ اور فلیش فلڈنگ نے تباہی مچادی،بارشوں اورسیلاب سے اموات کی تعداد 307ہوگئی،کے پی حکومت کا آج یوم سوگ،قومی پرچم سرنگوں رہےگا۔

پی ڈی ایم اےرپورٹ کےمطابق صوبےمیں بارشوں اورفلش فلڈ سے307افرادجاں بحق،23 زخمی ہوئے،جاں بحق افرادمیں 279 مرد،15خواتین اور13بچےشامل ہیں،بارشوں سے 74 گھر متاثر، 11 مکمل منہدم، 63 جزوی نقصان ہوا،سب سے زیادہ متاثرہ اضلاع باجوڑ، بٹگرام اوربونیر ہے،بونیرمیں بارشوں سے 184 اموات رپورٹ ہوئیں۔

بونیر،سوات اورباجوڑ میں پاک فوج،فرنٹیئرکورکا فلڈریلیف آپریشن جاری ہے،پاک فوج کی ٹیمیں سیلاب سے متاثرہ اضلاع میں امدادی سرگرمیوں میں مصروف ہے،پاک فوج کےہیلی کاپٹرز میں راشن اور دیگر سامان مہیا کیا جا رہا ہے،سیلاب زدہ علاقوں سے لوگوں کو محفوظ مقامات پرمنتقل کیاجارہا ہے،پاک فوج کےمزید دستے بھی ریلیف آپریشن میں حصہ لینے کے لیے روانہ ہوگئے،تمام متاثرہ افراد کو بحفاظت ریسکیو کرنے اور محفوظ مقامات پرمنتقل کرنے تک آپریشن جاری رہے گا۔

آزادکشمیرمیں سیلاب کی تباہ کاریاں جاری ہیں،کئی اہم رابطہ سڑکیں اورپل ریلے میں بہہ گئے،متعدد علاقوں کا زمینی رابطہ منقطع ہوگیا،مظفرآبادکی دو یونین کونسلوں کا ملانے والا بٹدرہ پل سیلاب کی نظرہوگیا،پل بہہ جانے سے ایک لاکھ آبادی کا دیگر علاقوں سےرابطہ منقطع ہوگیا،علاقے میں اشیا خورد و نوش و دیگر سامان پہنچانے میں مشکلات کا سامنا ہے

 گلگت بلتستان کےضلع گانچھےمیں بھی سیلاب نےبڑے پیمانے پر نقصانات پہنچایا ہے،تاریخی سرموں سٹیل پل دریائے شیوک میں بہہ گیا،غورسےمیں حفاظتی بند ٹوٹنےسےپانی گھروں میں داخل ہوگیا،دریائے ہوشے کےبھپر نے سےپل کو شدیدخطرہ ہے،بلےگوند پاؤرہاؤس زیرِآب،بجلی کا نظام مفلوج ہے،ہلدی گاؤں میں لوگ بے گھر ہوگئے،متاثرہ علاقوں میں ریسکیو آپریشن جاری ہے۔

گلگت گواچی اورنلترمیں کلاؤڈ برسٹ اورسیلاب سےدریا ہنزہ کا رخ تبدیل ہوگیا،نلتر ایکسپریس ویے بھی تباہ ہوگئی،سیلاب نےسرکاری املاک اورگھروں کو نقصان پہنچایا،نلتر کے تینوں پاور ہاوسیز سے بجلی کی فراہمی معطل ہوگئی۔

گلگت بلتستان میں دو روز قبل سیلاب کی تباہ کاریوں پر بحالی کا کام شروع ہوتےہی دوبارہ  کئی بالائی علاقوں میں سیلاب نے تباہی مچا دی

کلاؤڈ برسٹ اورکلیشائی جھیلیں ایک ساتھ آوٹ برسٹ ہونے سے گلگت بلتستان کے تمام دس اضلاع متاثر ہوئے ۔ سیلاب سے اب تک 13 افراد جاں بحق ہوگئے ۔ شاہراہِ قراقرم اپر کوہستان میں ٹریفک کیلئے بند ہے جبکہ گلگت سکردو شاہراہ اور شاہراہ قراقرم ہنزہ کے مقام پر بھی بند ہے ۔ بڑی شاہراہوں کی بحالی کیلئے این ایچ اے نے ہنگامی بنیادوں پر کام شروع کردیا ہے ۔

گلگت بلتستان میں پلوں،پن بجلی گھروں،رہائشی گھروں ، اور ویلی روڑز بھی بری طرح متاثر ہوگئے ہیں  تاہم خراب موسم اور ٹیلی مواصلات کی خرابی کی وجہ سے ڈیزاسٹر مینجمنٹ اتھارٹی بھی نقصانات کا تخمینہ لگانےسےتاحال قاصر ہے،محکمہ موسمیات نےمزید کلاؤڈ برسٹ  ہونےکی پیشنگوئی کی ہے،گلگت بلتستان کے دریاؤں کے پانی کی سطح مسلسل بلند ہورہی ہے اورآج گواچی کلاؤڈ برسٹ سےجگلوٹ گورو میں انفراسٹرکچر کو نقصان پہنچا ہے اور نلترہائی وے کا بڑا حصہ ملیامیٹ ہوگیاہے،جس سے نلتر اٹھاراں ،چودی اور تین میگاواٹ کے پن بجلی گھروں کو بند کردیا گیا ہے ۔

خیبر پختونخوا کے سیلاب سے متاثرہ علاقوں سمیت ملک بھر میں مزید بارشوں کی پیشگوئی

نیشنل ڈیزاسٹرمینجمنٹ اتھارٹی کی جانب سے جاری تازہ ترین ایڈوائزری میں خیبر پختونخوا کے سیلاب سے متاثرہ علاقوں سمیت ملک بھر میں مزید بارشوں کی پیش گوئی کردی گئی۔این ڈی ایم اے کی ایڈوائزری کےمطابق 18 اگست سے 22 اگست تک خیبر پختونخوا میں چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، ہزارہ، پشاور، صوابی، سوات، وزیرستان اور اطراف کے علاقوں میں معتدل سے تیز بارش کا امکان ہے،ایڈوائزری کے مطابق گلگت بلتستان اور آزاد کشمیر میں 18 سے 22 اگست کے درمیان استور، سکردو، ہنزہ، شگر، باغ، وادی نیلم، مظفر آباد اور اطراف میں کہیں کہیں بارش متوقع ہے

وزیر اعلی خیبر پختونخوا علی امین گنڈا پور نے متاثرہ اضلاع کے لیے 50 کروڑ کے فنڈز جاری کردئیے

متاثرہ اضلاع کےلیے 50 کروڑ روپے کےفنڈزجاری کردئیےگئے ہیں،بونیرکو 15 کروڑ،باجوڑ، بٹگرام،مانسہرہ کو 10، 10 کروڑ، سوات کو 5 کروڑ دینے کا اعلان کیا گیا ہے،بارشوں کا سلسلہ 21 اگست تک وقفے وقفے سے جاری رہنے کا امکان ہے۔

فیلڈ مارشل سید عاصم منیر نے متاثرین سیلاب کی بحالی کیلئے خصوصی ہدایات جاری کر دیں  ہیں ۔

سیکیورٹی ذرائع کے مطابق  آرمی چیف نےکہا کے پی میں تعینات فوج متاثرین کی بحالی میں بھر پور مدد کرے گی، ریسکیو اور امدادی کاموں کیلئے اضافی  فوجی دستے بھی بھیجے جا رہے ہیں۔

  پاک فوج نے ایک دن کی تنخواہ خیبر پختونخوا کے متاثرین سیلاب کی بحالی کیلئےوقف کر دی، پاک فوج نے اپنا ایک دن کا راشن 600 ٹن سے زیادہ بھی متاثرہ عوام کی امداد کیلئےمختص کر دیا۔ 

ذرائع کے مطابق آرمی چیف نے انجینئرز کور کو پلوں کی مرمت کا کام جلد مکمل کرنے کی ہدایت کر دی اور  کہا کہ جہاں ضروری ہے عارضی پل قائم کئے جائیں۔

پاک فوج کے ہیلی کاپٹر اورآرمی ایوی ایشن پہلے سے خیبرپختونخوا کے سیلاب سے متاثرہ علاقوں میں تعینات ہیں،  پاک فوج مشکل کی ہر گھڑی میں خیبر پختونخوا کے بہادر عوام کیساتھ کندھے سےکندھا ملا کر کھڑی ہے۔

کے پی اور ملک کے بالائی علاقوں میں شدید طوفانی بارشیں اور کلاؤڈ برسٹ کا امکان ہے۔ پی ڈی ایم اے پنجاب نے الرٹ جاری کرتے ہوئے صوبہ بھر کے کمشنرز اور ڈپٹی کمشنرز کو ہائی الرٹ رہنے کے احکامات دیے ہیں۔

پی ڈی ایم اے کے مطابق مون سون بارشوں کا ساتواں اسپیل قدرے زیادہ مضبوط ہے اور طوفانی بارشوں کی پیشگوئی کی گئی ہے۔دریاؤں، ندی نالوں اور نشیبی علاقوں کی 24 گھنٹے مانیٹرنگ کو یقینی بنانے کی ہدایت جاری کی گئی ہے۔

ڈی جی پی ڈی ایم اے کا کہنا ہے کہ آئندہ 24 گھنٹوں میں پنجاب کے بیشتر اضلاع میں شدید بارشوں کا امکان ہے، جبکہ بالائی پنجاب کے اضلاع میں طوفانی بارشوں اور کلاؤڈ برسٹ کے خدشات ہیں۔

ریسکیو، سول ڈیفنس، محکمہ صحت اور دیگر متعلقہ محکموں کو بھی ہائی الرٹ رہنے کی ہدایات جاری کی گئی ہیں۔ پی ڈی ایم اے پنجاب کی جانب سے اضلاع کو ہر طرح کی امداد فراہم کی جائے گی۔

خیبرپختونخوا، گلگت بلتستان اور آزاد کشمیر میں طوفانی بارشوں اور سیلابی ریلوں نے تباہی مچاد ی جس میں مجموعی طور پر 250 سے زائد افراد جان کی بازی ہار گئے ہیں  جبکہ امدادی کاموں میں مصروف خیبرپختونخوا حکومت کا ہیلی کاپٹر مہمند میں گر کر تباہ ہو گیا جس میں سوار 2 پائلٹس سمیت عملے کے 5 افراد شہید ہوئے ، کے پی کے حکومت نے کل سوگ کا اعلان کر دیاہے ۔

پی ڈی ایم اے خیبرپختونخوا

پی ڈی ایم اے نے مختلف اضلاع میں بارشوں اور سیلاب سے ہونے والے جانی ومالی نقصانات کی ابتدائی رپورٹ جاری کردی ہے  جس کے مطابق گزشتہ 24 گھنٹوں میں مختلف حادثات میں 189 افراد جاں بحق جبکہ 21 زخمی ہوئے ہیں ۔جاں بحق افرادمیں 163 مرد،14خواتین اور 12 بچے شامل ہیں، اب تک مجموعی طور پر 38گھروں کو جزوی اور 7 گھرمکمل منہدم ہوئے، حادثات صوبے کے مختلف اضلاع سوات،بونیر،باجوڑ،تورغر،مانسہرہ،شانگلہ اور بٹگرام میں پیش آئے، تیز بارشوں اور فلیش فلڈ سے باجوڑ اور بٹگرام سب سے زیادہ متاثر ہوئے۔

رپورٹ کے مطابق 2ہیلی کاپٹرز ضلع باجوڑ اور بونیر روانہ کر دیے گئے ہیں جہاں ریسکیوآپریشن جاری ہے، شدید بارشوں کا موجودہ سلسلہ 21 اگست تک وقفے وقفے سے جاری رہنے کا امکان ہے۔

خیبرپختونخوا حکومت امدادی فنڈز جاری کر دیئے

 وزیراعلیٰ خیبرپختونخوا کی ہدایت پر متاثرہ اضلاع كے لیے امدادی فنڈز جاری کر دیے گئے ہیں  سیلاب سے زیادہ متاثرہ اضلاع کے لیے مجموعی طور پر 50 کروڑ روپے جاری کیئے گئے ہیں۔بونیر کو 15 کروڑ،باجوڑ،بٹگرام اور مانسہرہ کو 10، 10کروڑ اور سوات كو 5 كروڑ روپے جاری کیئے گئے ،  وزیراعلیٰ خیبرپختونخواکی تمام متعلقہ اداروں كو امدادی سرگرمیاں تیز كرنے كی ہدایت کی گئی ہے ، پی ڈی ایم اے امدادی ٹیمیں اور ضلعی انتظامیہ مكمل رابطے میں ہیں صورتحال كی نگرانی كی جارہی ہے، پی ڈی ایم اے کا ایمرجنسی آپریشن سینٹر مکمل طور پر فعال ہے۔

پاک فوج کی امدادی کارروائیاں

سوات اور باجوڑ میں پاک فوج اور فرنٹیئر کور کا فلڈ ریلیف آپریشن جاری ہے ، پاک فوج کی ٹیمیں متاثرہ اضلاع میں امدادی سرگرمیوں میں مصروف ہیں ، آئی جی ایف سی نارتھ کا ہیلی کاپٹر بھی امدادی سرگرمیوں میں مصروف ہے ۔

آئی جی ایف سی کے ہیلی کاپٹر میں راشن اور دیگر سامان مہیا کیا جا رہا ہے، سیلاب زدہ علاقوں سے لوگوں کو محفوظ مقامات پر منتقل بھی کیا جارہا ہے۔ تمام افراد کو ریسکیو اور محفوظ مقامات پر منتقل کرنے تک آپریشن جاری رہے گا۔

ضلع بونیر سب سے زیادہ متاثرہ شہر

ضلع بونیر کے مختلف علاقوں میں موسلادھار بارشوں، تباہ کن سیلاب اور شدید آندھی و طوفان کے باعث بڑے پیمانے پر جانی و مالی نقصان ہوا ہے اور جاں بحق ہونے والے فراد کی تعداد 157 سے تجاوز کر گئی ہے ۔

تفصیلات کے مطابق سب سے زیادہ متاثر علاقوں میں تحصیل گدیزی کے بیشونی، ملک پور، بلوخان اور قریبی علاقے شامل ہیں ، تحصیل ڈگرکے  گوکند، کوٹ سمیت متعدد مقامات شدید متاثر ہوئے ہیں ۔تحصیل چغرزئی کے  گل باندی، درگہ چینہ سمیت دیگر مقامات بھی سیلاب کی زد میں ہیں ۔

تحصیل گدیزی میں 120 سے زائد لاشیں برآمد ہو چکی ہیں۔تحصیل ڈگر میں 15 لاشیں برآمد ہوئیں اور 100 سے زائد افراد کو ریسکیو کر کے محفوظ مقامات پر منتقل کیا گیا، جن میں بچے اور خواتین شامل ہیں۔

تحصیل چغرزئی میں ایک ہی گھر کے 22 افراد ملبے تلے دب کر جاں بحق ہوئے، جبکہ متعدد افراد زخمی ہیں، جنہیں ٹی ایچ کیوں گل باندی ہسپتال منتقل کیا گیا ہے۔ریسکیو 1122 بونیر کے اہلکار متاثرہ علاقوں میں دن رات مسلسل سرچ اینڈ ریسکیو آپریشن میں مصروف ہیں۔

کسی بھی ہنگامی صورتِ حال میں فوراً ہیلپ لائن 1122 پر رابطہ کریں۔

پی ڈی ایم اے نے مختلف اضلاع میں بارشوں اور سیلاب سے ہونے والے جانی ومالی نقصانات کی ابتدائی رپورٹ جاری کردی ہے  جس کے مطابق گزشتہ 24 گھنٹوں میں مختلف حادثات میں 189 افراد جاں بحق جبکہ 21 زخمی ہوئے ہیں ۔

تفصیلات کے مطابق  جاں بحق افرادمیں 163 مرد،14خواتین اور 12 بچے شامل ہیں، اب تک مجموعی طور پر 38گھروں کو جزوی اور 7 گھرمکمل منہدم ہوئے، حادثات صوبے کے مختلف اضلاع سوات،بونیر،باجوڑ،تورغر،مانسہرہ،شانگلہ اور بٹگرام میں پیش آئے، تیز بارشوں اور فلیش فلڈ سے باجوڑ اور بٹگرام سب سے زیادہ متاثر ہوئے۔

رپورٹ کے مطابق 2ہیلی کاپٹرز ضلع باجوڑ اور بونیر روانہ کر دیے گئے ہیں جہاں ریسکیوآپریشن جاری ہے، شدید بارشوں کا موجودہ سلسلہ 21 اگست تک وقفے وقفے سے جاری رہنے کا امکان ہے، وزیراعلیٰ خیبرپختونخوا کی ہدایت پر متاثرہ اضلاع كے لیے امدادی فنڈز جاری کر دیے گئے ہیں  سیلاب سے زیادہ متاثرہ اضلاع کے لیے مجموعی طور پر 50 کروڑ روپے جاری کیئے گئے ہیں۔

بونیر کو 15 کروڑ،باجوڑ،بٹگرام اور مانسہرہ کو 10، 10کروڑ اور سوات كو 5 كروڑ روپے جاری کیئے گئے ،  وزیراعلیٰ خیبرپختونخواکی تمام متعلقہ اداروں كو امدادی سرگرمیاں تیز كرنے كی ہدایت کی گئی ہے ، پی ڈی ایم اے امدادی ٹیمیں اور ضلعی انتظامیہ مكمل رابطے میں ہیں صورتحال كی نگرانی كی جارہی ہے، پی ڈی ایم اے کا ایمرجنسی آپریشن سینٹر مکمل طور پر فعال ہے۔

ضلع بونیر کے مختلف علاقوں میں موسلادھار بارشوں، تباہ کن سیلاب اور شدید آندھی و طوفان کے باعث بڑے پیمانے پر جانی و مالی نقصان ہوا ہے اور جاں بحق ہونے والے فراد کی تعداد 157 سے تجاوز کر گئی ہے ۔

تفصیلات کے مطابق سب سے زیادہ متاثر علاقوں میں تحصیل گدیزی کے بیشونی، ملک پور، بلوخان اور قریبی علاقے شامل ہیں ، تحصیل ڈگرکے  گوکند، کوٹ سمیت متعدد مقامات شدید متاثر ہوئے ہیں ۔تحصیل چغرزئی کے  گل باندی، درگہ چینہ سمیت دیگر مقامات بھی سیلاب کی زد میں ہیں ۔

تحصیل گدیزی میں 120 سے زائد لاشیں برآمد ہو چکی ہیں۔تحصیل ڈگر میں 15 لاشیں برآمد ہوئیں اور 100 سے زائد افراد کو ریسکیو کر کے محفوظ مقامات پر منتقل کیا گیا، جن میں بچے اور خواتین شامل ہیں۔

تحصیل چغرزئی میں ایک ہی گھر کے 22 افراد ملبے تلے دب کر جاں بحق ہوئے، جبکہ متعدد افراد زخمی ہیں، جنہیں ٹی ایچ کیوں گل باندی ہسپتال منتقل کیا گیا ہے۔ریسکیو 1122 بونیر کے اہلکار متاثرہ علاقوں میں دن رات مسلسل سرچ اینڈ ریسکیو آپریشن میں مصروف ہیں۔

کسی بھی ہنگامی صورتِ حال میں فوراً ہیلپ لائن 1122 پر رابطہ کریں۔

خیبرپختونخوا کے متعدد اضلاع میں طوفانی بارش اور سیلاب نے نظام زندگی تہس نہس کردیا۔

مانسہرہ میں بٹل کے پہاڑی گاؤں ڈھیری حلیم میں کلاؤڈ برسٹ سے متعدد افراد جاں بحق ہوگئے۔ پولیس کے مطابق آبی ریلا پانچ مکان بہالےگیا۔ 9 لاشیں نکال لی گئیں۔ جاں بحق ہونے والوں میں6مرد،2خواتین اور بچی شامل ہیں۔

دوسری جانب بونیر کے علاقے پیر بابا میں ایک خاندان کے تمام افراد سیلاب میں پھنس گئے۔ متاثرہ شہری نے وڈیو پیغام میں ائیرسپورٹ کی التجا کی ہے۔ شہری کا کہنا ہے زمینی رابطہ مکمل طور پر منقطع ہے۔ خاندان کے 12 فیملی ممبرز سیلاب میں گھرے ہوئے ہیں۔

واضح رہے کہ خیبرپختونخوا میں طوفانی بارش اور سیلاب ، آبی ریلوں اور آسمانی بجلی گرنے سمیت مختلف حادثات میں 46 افراد جاں بحق اور درجنوں لاپتہ ہوگئے۔ سڑکوں اور گھروں سمیت املاک کو بڑا نقصان پہنچا۔

مظفرآباد میں چند گھنٹوں کے وقفے کے بعد بارش کا سلسلہ دوبارہ شروع ہوگیا۔

لینڈسلائڈنگ اوردرخت گرنے سے مظفرآبادکو خیبرپختونخوا سےملانے والی شاہراہ لوہار گلی کے مقام سے بند ہو گئی،سڑک بند ہونے کے بعد دو طرفہ گاڑیوں کی قطاریں لگ گئیں۔

یہ بھی پڑھیں؛ باجوڑ میں آسمانی بجلی گرنے اور کلاؤڈ برسٹ سے جاں بحق افراد کی تعداد 21 ہوگئی

 شاہراہ نیلم بھی مختلف مقامات سے بند ہوگئی،وادی لیپہ میں بھی متعدد سڑکیں بند ہوگئیں، وادی نیلم کے اکثرسیاحتی مقامات کی سڑکیں بند ہیں۔

یہ بھی پڑھیں؛ خیبرپختونخوا میں بارشوں اور سیلاب نے تباہی مچادی، اموات کی تعداد 46 ہوگئی

وادی نیلم میں بھی لینڈ سلائیڈنگ سے پل اور سڑکیں تباہ ہوگئیں،سیاحتی مقام رتی گلی بیس کیمپ میں 500سےزائد سیاح پھنس گئے، 100 کو بچالیاگیا،دیگرکو ریسکیو کرنےکیلئے آپریشن جاری ہےمحکمہ موسمیات نے آئندہ چند روز کے دوران مزید بارشوں کی پیشگوئی کی ہے۔

خیبرپختونخوا، گلگت بلتستان اور آزاد کشمیر میں طوفانی بارشوں اور سیلابی ریلوں نے تباہی مچاد ی جس میں مجموعی طور پر 250 سے زائد افراد جان کی بازی ہار گئے ہیں  جبکہ امدادی کاموں میں مصروف خیبرپختونخوا حکومت کا ہیلی کاپٹر مہمند میں گر کر تباہ ہو گیا جس میں سوار 2 پائلٹس سمیت عملے کے 5 افراد شہید ہوئے ، کے پی کے حکومت نے کل سوگ کا اعلان کر دیاہے ۔

پی ڈی ایم اے خیبرپختونخوا

پی ڈی ایم اے نے مختلف اضلاع میں بارشوں اور سیلاب سے ہونے والے جانی ومالی نقصانات کی ابتدائی رپورٹ جاری کردی ہے  جس کے مطابق گزشتہ 24 گھنٹوں میں مختلف حادثات میں 189 افراد جاں بحق جبکہ 21 زخمی ہوئے ہیں ۔جاں بحق افرادمیں 163 مرد،14خواتین اور 12 بچے شامل ہیں، اب تک مجموعی طور پر 38گھروں کو جزوی اور 7 گھرمکمل منہدم ہوئے، حادثات صوبے کے مختلف اضلاع سوات،بونیر،باجوڑ،تورغر،مانسہرہ،شانگلہ اور بٹگرام میں پیش آئے، تیز بارشوں اور فلیش فلڈ سے باجوڑ اور بٹگرام سب سے زیادہ متاثر ہوئے۔

رپورٹ کے مطابق 2ہیلی کاپٹرز ضلع باجوڑ اور بونیر روانہ کر دیے گئے ہیں جہاں ریسکیوآپریشن جاری ہے، شدید بارشوں کا موجودہ سلسلہ 21 اگست تک وقفے وقفے سے جاری رہنے کا امکان ہے۔

خیبرپختونخوا حکومت نے امدادی فنڈز جاری کر دیئے

 وزیراعلیٰ خیبرپختونخوا کی ہدایت پر متاثرہ اضلاع كے لیے امدادی فنڈز جاری کر دیے گئے ہیں  سیلاب سے زیادہ متاثرہ اضلاع کے لیے مجموعی طور پر 50 کروڑ روپے جاری کیئے گئے ہیں۔بونیر کو 15 کروڑ، باجوڑ، بٹگرام اور مانسہرہ کو 10، 10کروڑ اور سوات كو 5 كروڑ روپے جاری کیئے گئے ،  وزیراعلیٰ خیبرپختونخواکی تمام متعلقہ اداروں كو امدادی سرگرمیاں تیز كرنے كی ہدایت کی گئی ہے ، پی ڈی ایم اے امدادی ٹیمیں اور ضلعی انتظامیہ مكمل رابطے میں ہیں صورتحال كی نگرانی كی جارہی ہے، پی ڈی ایم اے کا ایمرجنسی آپریشن سینٹر مکمل طور پر فعال ہے۔

پاک فوج کی امدادی کارروائیاں

سوات اور باجوڑ میں پاک فوج اور فرنٹیئر کور کا فلڈ ریلیف آپریشن جاری ہے ، پاک فوج کی ٹیمیں متاثرہ اضلاع میں امدادی سرگرمیوں میں مصروف ہیں ، آئی جی ایف سی نارتھ کا ہیلی کاپٹر بھی امدادی سرگرمیوں میں مصروف ہے ۔

آئی جی ایف سی کے ہیلی کاپٹر میں راشن اور دیگر سامان مہیا کیا جا رہا ہے، سیلاب زدہ علاقوں سے لوگوں کو محفوظ مقامات پر منتقل بھی کیا جارہا ہے۔ تمام افراد کو ریسکیو اور محفوظ مقامات پر منتقل کرنے تک آپریشن جاری رہے گا۔

ضلع بونیر سب سے زیادہ متاثرہ شہر

ضلع بونیر کے مختلف علاقوں میں موسلادھار بارشوں، تباہ کن سیلاب اور شدید آندھی و طوفان کے باعث بڑے پیمانے پر جانی و مالی نقصان ہوا ہے اور جاں بحق ہونے والے فراد کی تعداد 157 سے تجاوز کر گئی ہے ۔

تفصیلات کے مطابق سب سے زیادہ متاثر علاقوں میں تحصیل گدیزی کے بیشونی، ملک پور، بلوخان اور قریبی علاقے شامل ہیں ، تحصیل ڈگرکے  گوکند، کوٹ سمیت متعدد مقامات شدید متاثر ہوئے ہیں ۔تحصیل چغرزئی کے  گل باندی، درگہ چینہ سمیت دیگر مقامات بھی سیلاب کی زد میں ہیں ۔

تحصیل گدیزی میں 120 سے زائد لاشیں برآمد ہو چکی ہیں۔تحصیل ڈگر میں 15 لاشیں برآمد ہوئیں اور 100 سے زائد افراد کو ریسکیو کر کے محفوظ مقامات پر منتقل کیا گیا، جن میں بچے اور خواتین شامل ہیں۔

تحصیل چغرزئی میں ایک ہی گھر کے 22 افراد ملبے تلے دب کر جاں بحق ہوئے، جبکہ متعدد افراد زخمی ہیں، جنہیں ٹی ایچ کیوں گل باندی ہسپتال منتقل کیا گیا ہے۔ریسکیو 1122 بونیر کے اہلکار متاثرہ علاقوں میں دن رات مسلسل سرچ اینڈ ریسکیو آپریشن میں مصروف ہیں۔

کسی بھی ہنگامی صورتِ حال میں فوراً ہیلپ لائن 1122 پر رابطہ کریں۔

باجوڑ 

خیبرپختونخوا کے ضلع باجوڑ میں آسمانی بجلی گرنے اور کلاؤڈ برسٹ سے جاں بحق افراد کی تعداد 21 ہوگئی جبکہ 5 افراد زخمی ہوگئے ۔ حادثے میں کئی مکان تباہ ہوگئے۔

ضلع باجوڑ کی تحصیل سلارزئی کےعلاقہ جبراڑئی میں رات تقریباً 12 بجے بادل پھٹنے اور آسمانی بجلی گرنے سے کئی مکان تباہ ہوگئے ہیں ۔ متعدد افراد ملبے تلے دب گئے۔

بٹگرام

بٹگرام میں سیلاب سے 6 سے 8 مکانات تباہ ہوگئے۔ 30 سے 40 افراد آبی ریلوں میں بہہ گئے۔ 10 افراد کی لاشیں نکال لی گئیں۔ دیگر تاحال لاپتہ ہیں۔

مانسہرہ

مانسہرہ میں بٹل کے پہاڑی گاؤں ڈھیری حلیم میں کلاؤڈ برسٹ سے متعدد افراد جاں بحق ہوگئے۔ پولیس کے مطابق سیلابی ریلہ 5 مکانوں کو بہا کر لے گیا۔ 9 افراد کی لاشوں کو ریلے سے نکال لیا گیا۔ بڑی تعداد میں مال مویشی بھی پانی میں بہہ گئے۔

دوسری جانب مانسہرہ میں کار برساتی نالے میں بہہ گئی۔ دوافراد جاں بحق اور ایک زخمی ہوگیا، لوئردیر میں موسلادھار بارش سے مکان کی چھت گرنے سے 4 افراد جاں بحق اور 4 زخمی ہوگئے۔

سوات

سوات کے علاقے بیش بنڑ میں آسمانی بجلی گر گئی۔ دو مکانات بہہ گئے۔ 8 افراد سیلابی ریلے کی نذر ہوگئے۔ بچوں سمیت 5 افراد کی لاشیں نکال لی گئیں۔ تحصیل مٹہ کے علاقے بہا میں پہاڑی تودہ گرنے سے نوجوان جان بحق ہوگئے۔

سوات میں ندی نالوں میں طغیانی کے باعث تحصیل مٹہ میں کئی مقامات پر راستے بند ہوگئے۔ لینڈ سلائیڈنگ سے مالم جبہ روڈ بھی بند ہوگیا۔ دریائے سوات اور دریائے پنجکوڑہ میں اونچے درجے کا سیلاب ہے۔ دریائے سرن اور دریائے کنہار میں بھی پانی کے بہاؤ میں اضافہ ہورہا ہے۔

سوات مینگورہ میں ندی کا پانی آبادی میں داخل ہوگیا۔ مارکیٹیں اور مکانات پانی میں ڈوب گئے۔ متعدد گاڑیاں بھی پانی کی زد میں آگئیں۔

سوات میں شدید بارشوں کے بعد ندی نالوں میں طغیانی آگئی۔

ملک میں ہونے والی مون سون کی بارشوں نے تباہی مچادی،شدید بارشوں کے باعث سوات کے شہرمینگورہ کےوسط میں بہنے والی ندی میں طغیانی کے باعث متعدد مقامات پرمکانات اورعمارتیں زیرآب آگئیں،جسکے بعد ضلع بھرمیں انتظامیہ کو ہائی الرٹ کردیا گیا ہے۔

مقامی افراد نے گھروں کی چھتوں پرپناہ لےرکھی ہے،سیلابی پانی میں گھروں کاسامان بھی بہہ گیا، ریسکیو ٹیمیوں کی متاثرہ علاقوں میں امدادی کارروائیاں جاری ہے۔

دوسری جانب مانسہرہ کے علاقے بسیاں میں کار سیلابی ریلے میں بہہ گئی،گاڑی میں 6 افراد سوار تھے جن میں سے 2 افراد جاں بحق اور ایک شخص زخمی ہوگیا۔

محکمہ موسمیات نے آئندہ چند روز کے دوران مزید بارشوں کی پیشگوئی کی ہے، جبکہ ضلعی انتظامیہ اور ریسکیو ادارے ہنگامی بنیادوں پر امدادی کارروائیاں جاری رکھے ہوئے ہیں۔

خیبرپختونخوا کے ضلع بٹگرام میں سیلابی ریلے نے تباہی مچادی، درجنوں افراد پانی میں بہہ گئے۔

بٹگرام کے یوسی شملائی میں آسمانی بجلی اور سیلابی ریلے سے 6 سے 8 مکانات تباہ ہوگئے  30 سے 40 افراد پانی میں بہہ گئے۔10 افراد کی لاشیں مل گئی۔

علاقہ دور ہونے کی وجہ سے امدادی کارروائیوں میں مشکلات کا سامنا ہے، مقامی لوگوں نے حکومت سے فوری امدادی کارروائی کا مطالبہ کیا ہے۔

دوسری جانب خیبرپختونخوا کے ضلع باجوڑ میں آسمانی بجلی گرنے اور کلاؤڈ برسٹ سے جاں بحق افراد کی تعداد 11 ہوگئی جبکہ 4 افراد زخمی ہوگئے ۔ 17 افراد کی تلاش جاری ہے ۔ حادثے میں کئی مکان تباہ ہوگئے۔

خیبرپختونخوا کے ضلع لوئر دیر میں مکان کی چھت گرنے سے 4 افراد جاں بحق ہوگئے۔

لوئر دیر کے علاقے میدان سوری میں مکان کی چھت گرنے سے 4 افراد جاں بحق اور  4 زخمی ہوگئے۔

ریسکیو اہلکاروں اور مقامی افراد نے 7 افراد کو ملبے سے نکال لیا، بچوں اور خواتین سمیت کئی افراد کے ملبے تلے دبے ہونے کی اطلاعات ہیں۔

دوسری جانب باجوڑ میں آسمانی بجلی گرنے اور کلاؤڈ برسٹ سے جاں بحق افراد کی تعداد 11 ہوگئی۔ متعدد گھروں کوبھی نقصان پہنچا۔

مقبوضہ کشمیر کے گاؤں ہمالیائی میں کلاوڈ برسٹ نے قیامت ڈھا دی۔ کلاوڈ برسٹ سے 50 افراد ہلاک اور 100 سے زائد زخمی ہوگئے۔  

کشمیر میڈیا سروس کے مطابق کلاؤڈ برسٹ سے پیدا ہونے والے سیلابی ریلوں نے اپنے راستے میں آنے والے درجنوں گھروں، خیموں اور دکانوں کو تہس نہس کرکے رکھ دیا۔

 کمشنر ضلع کشتواڑ کے مطابق گاؤں کے مختلف علاقوں سے 43 لاشیں ملی ہیں۔ 200 سے زائد افراد لاپتا ہیں ۔ جنہیں تلاش کرنے کیلئے ریسکیو آپریشن جاری ہے۔

متاثرہ گاؤں مکمل طور پر ملیا میٹ ہوگیا۔ ہر طرف پانی، مٹی اور چیخ و پکار کی آوازیں ہیں۔ گاؤں میں سیکڑوں ہندو یاتری بھی آئے ہوئے تھے۔

ریسکیو ٹیمیں اور مقامی رضاکاروں کی مدد سے ملبہ ہٹا رہی ہیں اور لاپتا افراد کو تلاش کیا جا رہا ہے۔ لاشوں کے ملنے کا سلسلہ جاری ہے۔ وزیراعلیٰ عمر عبداللہ نے واقعے پر دکھ اور افسوس کا اظہار کیا ہے۔

محکمہ موسمیات نے اگلے 48 گھنٹوں کے دوران مزید شدید بارشوں اور لینڈ سلائیڈنگ کی وارننگ جاری کی ہے۔ متاثرہ علاقوں میں الرٹ جاری کر دیا گیا ہے۔

آزاد کشمیر میں طوفانی بارشوں کا سلسلہ وقفے وقفے سے جاری ہے۔ حکومت نے اسکولوں میں دو دن کی چھٹی کا اعلان کیا۔

آزاد کشمیر میں سیلابی صورتحال کے باعث مختلف واقعات میں 8 افراد جاں بحق جبکہ 3زخمی ہوگئے۔ مختلف حادثات میں 6 پل اور سڑکیں تباہ ہوگئی۔

بالائی علاقوں میں بجلی اور فون کا نظام متاثر ہوا ہے،صورتحال کے پیش نظر حکومت نے اسکولوں میں دو دن کی چھٹی کا اعلان کیا۔ وزیراعظم آزاد کشمیر کی زیرصدارت اجلاس میں متاثرین کو معاوضہ دینے کا بھی فیصلہ کیا گیا ہے۔

وادی نیلم کےسیاحتی مقامات رتی گلی،پتلیاں میں سیکڑوں سیاح پھنس گئے، انتظامیہ کے مطابق سیاح محفوظ ہیں، آج سے ریسکیو عمل شروع کیا جائے گا۔

گلگت بلتستان اور آزاد کشمیر میں بارشوں اور گلیشئر پھٹنے سے جاں بحق افراد کی تعداد 17 ہوگئی۔ غذر میں سیلابی ریلے سے 9 افراد جان سے گئے۔ آزاد کشمیر میں شدید بارشوں اور کلاؤڈ برسٹ سے 7 افراد لقمہ اجل بنے۔ درجنوں مکان، پل اور سڑکیں تباہ ہوگئے۔

گلگت بلتستان میں گلیشیائی جھیلیں پھٹنے سے تباہی آگئی جبکہ آزاد کشمیر میں کلاؤڈ برسٹ نے قیامت ڈھا دی۔ گلگت بلتستان کے ضلع غذر میں سیلاب سے 9 جبکہ دیامر میں دو افراد جاں بحق ہوگئے۔

ہنزہ، نگر اور سکردو میں درجنوں رہائشی گھر، سرکاری عمارتیں ملیا میٹ ہوگئیں۔ کھڑی فصلیں اور درخت پانی میں بہہ گئے۔ شاہراہِ قراقرم، شاہراہ بابوسر اور گلگت سکردو شاہراہ سمیت کئی رابطہ سڑکیں بند ہیں۔ کہیں گھر، کہیں پل اور کہیں شاہراہیں تباہ ہوگئیں۔

آزاد کشمیر میں بھی شدید بارشوں اور کلاؤڈ برسٹ نے تباہی مچا دی۔ مظفرآباد کے علاقے سرلی سچہ میں ایک ہی خاندان کے 6 افراد سمیت 7 جاں بحق ہوگئے۔

وادی نیلم میں متعدد مکانات اور دو پل آبی ریلے میں بہہ گئے ۔ رتی گلی میں سیکڑوں سیاح پھنس گئے ۔ 100 کو ریسکیو کرلیا گیا۔ دریائے نیلم، جہلم اور پونچھ میں اونچے درجے کا سیلاب ہے۔ انتظامیہ نے شہریوں کو محتاط رہنے کی ہدایت کی ہے۔

خیبرپختونخوا کے ضلع باجوڑ میں آسمانی بجلی گرنے اور کلاؤڈ برسٹ سے جاں بحق افراد کی تعداد 21 ہوگئی جبکہ 5 افراد زخمی ہوگئے ۔ حادثے میں کئی مکان تباہ ہوگئے۔

ضلع باجوڑ کی تحصیل سلارزئی کےعلاقہ جبراڑئی میں رات تقریباً 12 بجے بادل پھٹنے اور آسمانی بجلی گرنے سے کئی مکان تباہ ہوگئے ہیں ۔ متعدد افراد ملبے تلے دب گئے ۔ جنہیں نکالنے کےلئے مقامی افراد نے امدادی کارروائیاں شروع کی۔

پی ڈی ایم اے کے مطابق ضلع باجوڑ میں بادل پھٹنے سے 21افرادجاں بحق، 5 زخمی ہوئے، ڈپٹی کمشنر باجوڑ شاہد علی نے میڈیا کو بتایا کہ اب تک بیشتر افراد کی لاشیں نکالی گئی ہیں جبکہ 3زخمیوں کو علاج کےلئے ڈسٹرکٹ ہیڈ کوارٹر اسپتال خار منتقل کیا گیا ہے۔

 ڈپٹی کمشنر نے بتایا کہ مزید لاشوں کی تلاش کےلئے امدادی سرگرمیاں جاری ہیں۔ ریسکیو اور مقامی افراد امدادی سرگرمیوں میں حصہ لے رہے ہیں۔ مقامی افراد کے مطابق 7 افراد اب بھی لاپتہ ہیں۔

مقامی ذرائع کے مطابق کلاؤڈ برسٹ کی وجہ سے علاقے میں پانی کی سطح خطرناک حد تک بڑھ گئی۔ راستہ بند ہونے سے ریسکیو ٹیموں کو مشکلات کا سامنا ہے۔ مقامی آبادی اپنی مدد آپ کے تحت متاثرین کو بچانے کی کوشش کر رہی ہے

دریائے چناب میں پانی کی سطح بلند ہونے لگی جس کے بعد سیلاب کی وارننگ جاری کردی گئی۔

تفصیلات کے مطابق بھارتی آبی جارحیت کے بعد دریائے چناب میں پانی کی سطح بلند ہونا شروع ہوگئی، دریائے چناب میں پانی کا بہاؤ 22 ہزار 633 کیوسک ریکارڈ کی گئی۔

ضلعی انتظامیہ کے مطابق آئندہ 24 گھنٹوں میں پانی کا بہاؤ ایک لاکھ کیوسک سے زیادہ ہونے کا خدشہ ہے، صورتحال کے پیش ںظر چناب اورنہروں کے پانی میں نہانے پر پابندی لگا دی گٸی۔

دریائے چناب سے ملحقہ نشیبی آبادیوں میں فلڈ الرٹ جاری کردیا گیا۔ علاقہ مکینوں کو محفوظ مقامات پر منتقل ہونے کی ہدایات جاری کردی گئی۔

لکی مروت کے علاقے سرائے نورنگ میں بارش کے باعث کمرے کی چھت گرگئی۔ ملبے تلے دب کر 3 افراد جاں بحق ہوگئے۔

ریسکیو ترجمان کے مطابق افسوسناک واقعہ قلعہ گراؤنڈ سرائے نورنگ کے قریب پیش آیا۔ کل رات سے جاری بارش کی وجہ سے خستہ حال کچے کمرے کی چھت گرگئی۔

چھت گرنے سے 3 افراد  ملبے تلے دب گئے جنہیں ریسکیو ٹیموں اور مقامی افراد نے ملبے سے نکال کر اسپتال منتقل کردیا جہاں ڈاکٹروں نے ان کے جاں بحق ہونے کی تصدیق کردی۔ جاں بحق ہونے والوں میں 15 سال کا شوکت اللہ ان کی والدہ اور دادی شامل ہیں۔

خیبر پختونخوا میں سے وقفے وقفے سے تیز بارشوں کے باعث بالائی علاقوں میں  گلیشیائی علاقوں میں گلیشیائی جھلیں پھٹنے کے واقعات کا خطرہ بڑھ گیا ۔ پی ڈی ایم اے نے متعلقہ اضلاع اور محکموں کو الرٹ جاری کردیا ہے ۔

محکمہ موسمیات کے مطابق چترال اپر اور لوئر، دیر، سوات اور کوہستان اپر کے عوام کو ممکنہ گلیشیئرز کے پھٹنے سے متعلق خبردار رہنے کی ہدایت کی گئی ہے ۔پی ڈی ایم اے نے ضلعی انتظامیہ کو حساس مقامات کی نگرانی، بروقت وارننگ اور انخلاء کی مشقیں یقینی بنانے کی ہدایت کردی ہے۔

شہریوں خصوصا سیاحوں کو ندی نالوں کے قریب غیر ضروری نقل و حرکت سے گریز اور گاڑیاں تیز بہاؤ والے پانی میں لے جانے سے اجتناب کرنے کا سختی سے ہدایات بھی جاری کردی گئیں ہیں۔

 ممکنہ متاثرہ علاقوں میں انخلا کے لیے مقامات تیار، ہنگامی سامان اور ریسکیو سروسز این ایچ اے، ایف ڈبلیو او اور سی اینڈ ڈبلیو کو الرٹ رہنے اور پیشگی اقدامات اٹھانے کا مراسلہ ارسال کردیا گیا۔

ڈپٹی ڈائریکٹر محکمہ موسمیات عرفان ورک کا کہنا ہے کہ بارشوں کا جاری اسپیل مزید دو روز چلے گا۔ اس کے بعد اگست میں بھی معمول سے زائد بارشوں کا امکان ہے۔

نمائندہ خصوصی سماء سے گفتگو میں عرفان ورک نے کہا کہ  جولائی میں مجموعی طور پر 25 فیصد زائد بارشیں ہوئیں البتہ سندھ میں کم بارش ریکارڈ کی گئی۔ اگست کے مہینے میں معمول کے مطابق یا زیادہ بارش متوقع ہے۔

واضح رہے کہ ملک بھر میں مون سون بارشوں کے باعث مختلف حادثات میں جاں بحق افراد کی تعداد 281 ہوئی جبکہ مزید بارشوں کے پیش نظر سیلاب کا الرٹ بھی جاری کر دیا گیا۔

ترجمان این ڈی ایم اے کے مطابق بارشوں اور سیلاب سے  گزشتہ 24 گھنٹے کے دوران مزید دو افراد جاں بحق ہوئے۔ 26  جون سے اب تک مختلف واقعات میں 281 شہری جاں بحق اور 675  زخمی ہوچکے ہیں۔

نیشنل ایمرجنسی آپریشن سینٹر نے گلگت بلتستان اور آزاد کشمیر میں بارشوں کے پیش نظر سیلاب کا الرٹ بھی جاری کر دیا۔ گلگت، سکردو، ہنزہ اور شگر میں 28 سے 31 جولائی کے دوران بارش کا امکان ہے۔ مظفرآباد، وادی نیلم اور باغ میں بھی 31 جولائی تک بارشوں کی پیش گوئی ۔ بارشوں کے باعث ندی نالوں میں طغیانی اور شہری علاقوں میں سیلابی صورتحال پیدا ہونے کا خدشہ ظاہر کیا گیا ہے۔

وزارت خزانہ نے رواں مالی سال معاشی بحالی کا عمل جاری رہنے کی نوید سنا دی تاہم حالیہ شدید بارشوں، سیلاب سے زرعی پیداوار اور سپلائی متاثر ہونے کا خدشہ ظاہر کردیا۔

 ماہانہ اکنامک اپ ڈیٹ آؤٹ لک رپورٹ کے مطابق گزشتہ مالی ترسیلات زر 38 ارب جبکہ برآمدات 32 ارب ڈالر سے تجاوز کر گئیں۔ اس سال بڑی صنعتوں کی پیداوار میں اضافے کا امکان  ہے البتہ پاکستان میں حالیہ شدید بارشوں اور سیلاب سے زرعی شعبے کی پیداوار اور سپلائی لائن متاثر ہونے کا خدشہ ہے۔

رپورٹ کے مطابق رواں مالی سال پاکستان کی معاشی بحالی کا عمل جاری رہے گا۔ گزشتہ مالی سال مہنگائی کی اوسط شرح سات اعشاریہ تین نو  فیصد ریکارڈ کی گئی۔  جبکہ جولائی 2025 میں مہنگائی تین اعشاریہ پانچ  سے چار اعشاریہ پانچ  فیصد کے درمیان رہنے کا امکان ہے۔

گزشتہ مالی سال ترسیلات زر میں 26.6 فیصد اضافے کے ساتھ 38 ارب 29 کروڑ ڈالر سے تجاوز کر گئیں۔ ملکی برآمدات چار اعشاریہ دو  فیصد اضافے کے ساتھ 32 ارب 29 کروڑ ڈالر رہیں۔ گزشتہ مالی سال کرنٹ اکاؤنٹ دو اعشاریہ 10 ارب ڈالر سرپلس ریکارڈ کیا گیا۔ پرائمری سرپلس بھی 11 ماہ میں تین ہزار 594 ارب روپے سے زیادہ رہا۔

ملک بھر میں مون سون بارشوں کے باعث مختلف حادثات میں جاں بحق افراد کی تعداد 281 ہوئی جبکہ مزید بارشوں کے پیش نظر سیلاب کا الرٹ بھی جاری کر دیا گیا۔

ترجمان این ڈی ایم اے کے مطابق بارشوں اور سیلاب سے  گزشتہ 24 گھنٹے کے دوران مزید دو افراد جاں بحق ہوئے۔ 26  جون سے اب تک مختلف واقعات میں 281 شہری جاں بحق اور 675  زخمی ہوچکے ہیں۔

نیشنل ایمرجنسی آپریشن سینٹر نے گلگت بلتستان اور آزاد کشمیر میں بارشوں کے پیش نظر سیلاب کا الرٹ بھی جاری کر دیا۔ گلگت، سکردو، ہنزہ اور شگر میں 28 سے 31 جولائی کے دوران بارش کا امکان ہے۔ مظفرآباد، وادی نیلم اور باغ میں بھی 31 جولائی تک بارشوں کی پیش گوئی ۔ بارشوں کے باعث ندی نالوں میں طغیانی اور شہری علاقوں میں سیلابی صورتحال پیدا ہونے کا خدشہ ظاہر کیا گیا ہے۔

پہاڑی علاقوں میں لینڈ سلائیڈنگ کا بھی امکان ہے۔ این ڈی ایم اے نے تمام اداروں کو ممکنہ ہنگامی صورتحال کے لیے پیشگی اقدامات کی ہدایت جاری کر دی۔

پنجاب بھر میں دفعہ 144 نافذ، درجنوں دیہات زیرِ آب

سیلابی صورت حال میں شہریوں کی قیمتی جانوں کو بچانے کےلئے صوبہ بھر میں دفعہ144نافذ ہے، لیہ میں خلاف ورزی کرنے والے 6شہریوں کو تھانہ صدر پولیس نے گرفتار کرکے مقدمہ درج کرلیا۔

ڈی جی خان میں  دریائے سندھ میں تونسہ بیراج کے مقام پر نچلے درجے کا سیلاب ہے، حکام کے مطابق دریائے سندھ میں پانی کی سطح کو مسلسل مانیٹر کیا جارہا ہے۔ کسی بھی ہنگامی صورتحال سے نمٹنے کیلئے تمام تیاریاں مکمل ہیں۔

روجھان  میں دریائے سندھ میں طغیانی کے باعث کچہ چوہان سمیت معتدد نشیبی علاقے زیرآب آگئے، جس ہزاروں ایکڑ فصل تباہ ہوگئی، دریائےسندھ میں طغیانی سے معتدد نشیبی علاقوں سے زمینی راستہ منقطع ہوگیا۔ سیلابی علاقوں سے آمدورفت کےلیے سیلاب متاثرین کشتیوں کااستعمال کرنے لگے۔

راجن پور میں رود کوہی سیلاب کی تباہی کاریاں جاری ، ہر سال سیلاب سے بستی فقیر بخش ، بستی مہیسر ، پتی جمعہ آرائیں ، سونواہ اور چک جلال پور کے متاثرین والے متاثرین آج بھی مشکلات  کا شکار ہیں۔

گڈو بیراج پر درمیانے درجے کا سیلاب

سکھر میں گڈو اور سکھربیراج پرپانی کی سطح مسلسل بلند ہورہی ہے، گڈوبیراج پر24گھنٹوں میں پانی کی سطح میں15ہزار کیوسک کا اضافہ ہوگیا، گڈو بیراج پر درمیانے درجے کا سیلاب برقرار ہے۔

این ڈی ایم اے کے مطابق 24 گھنٹوں میں گڈو، سکھراورکوٹری بیراج پرپانی کی سطح میں اضافہ ہوگا۔

چلاس ناران ہائی وے ٹریفک کیلئے بحال

نیشنل ہائی وےاتھارٹی نے چلاس ناران ہائی وے کو ٹریفک کیلئے بحال کردیا، شاہراہِ بحالی کے بعد چلاس زیرو پوائنٹ سے ٹریفک رواں دواں ہے۔

ترجمان گلگت بلتستان کے مطابق شاہراہ بابوسرپرلاپتہ سیاحوں کی تلاش جاری ہے، نجی ٹی وی کی اینکرپرسن کی گاڑی سیلابی ملبے سے ملی ہے۔ مقامی رضاکاراورکمیونٹی بھی سرچ آپریشن میں حصہ لےرہی ہے۔ متاثرہ علاقوں میں پانی وبجلی کی فراہمی کیلئےاقدامات اٹھائے جارہے ہیں، صوبہ بھر میں ایریگیشن چینلز کی بحالی کا کام بھی جاری ہے۔

محکمہ موسمیات نے اسلام آباد سمیت مختلف علاقوں میں آج بھی موسلادھار بارشوں کی پیشگوئی کی ہے۔

محکمہ موسمیات کے مطابق اسلام آباد میں مطلع جزوی ابرآلود، آج بارش ہونے کا امکان ہے۔ اسلام آباد کے چند علاقوں میں موسلادھار بارش بھی متوقع ہے۔

دیر، چترال، سوات، بونیر، شانگلہ، بٹگرام میں بارش کا امکان ہے، مانسہرہ، ایبٹ آباد، ہری پور، مالاکنڈ، مردان، صوابی میں بارش متوقع ہے۔

پشاور، باجوڑ، مہمند، کرم، خیبر، کوہاٹ، کرک ، لکی مروت، بنوں، وزیرستان اور ٹانک میں بارش کا امکان ہے۔

راولپنڈی، مری، گلیات، چکوال، اٹک، جہلم، گجرات، گوجرنوالہ، حافظ آباد، سیالکوٹ، شیخوپورہ، نارووال میں بارش کا امکان ہے۔ لاہور، سرگودھا، میانوالی، فیصل آباد، جھنگ، ٹوبہ ٹیک سنگھ میں بارش متوقع ہے۔

سندھ میں بیشتر مقامات پر موسم گرم اور مطلع جزوی ابر آلود رہنے کا امکان تاہم عمر کوٹ، تھرپارکر، سانگھڑ، مٹھی اور میرپور خاص  میں بارش کی توقع ہے۔

بلوچستان کے بیشتر اضلاع میں موسم گرم اور مرطوب رہنے کا امکان تاہم بارکھان، موسی خیل، لورالائی، خضدار، آواران میں بارش کا امکان ہے۔

وفاقی وزیرمواصلات عبدالعلیم خان کی ہدایت پر شمالی علاقہ جات میں بارشوں سےمتاثرہ شاہراہوں کی بحالی کا کام تیزی سے جاری ہے۔

 وفاقی وزیرمواصلات عبدالعلیم خان کے حکم پر نیشنل ہائی وےاتھارٹی نےبحالی آپریشن تیزکردیا،این ففٹین بہت حد تک کلیئر،بابوسرٹاپ اورچلاس میں بھی شاہراہوں کی بحالی کا عمل جاری ہے،سیکرٹری مواصلات اورچیئرمین این ایچ اے آپریشن کی خودنگرانی کر رہےہیں،وزیرمواصلات نےعوام کو تمام شاہراہیں جلدکھولنے کی یقین دہانی کروادی۔

وفاقی سیکرٹری مواصلات کی وفاقی وزیرعبدالعلیم خان کو پیش کردہ رپورٹ کےمطابق کلاوڈ برسٹ اور بارشوں سےسڑکوں کو بھاری نقصان پہنچا، 242 کلومیٹرطویل این 15 مختلف مقامات پربلاک تھی۔20 جگہوں پرلینڈسلائیڈنگ کلئیرکی جا چکی،باقی 5 مقامات پرکام جاری ہے۔اب شہری کاغان ناران کا سفر کر سکتے ہیں،سکردو سے جگلوٹ روڈ پرلینڈ سلائیڈنگ اور بندش بھی دورکردی گئی ۔ 

رپورٹ کےمطابق وفاقی وزیرمواصلات کی ہدایت پراین ایچ اے چوبیس گھنٹے مصروف عمل ہے،جلد تمام شاہراہیں مکمل بحال ہوجائیں گی،چیئرمین این ایچ اے کہتے ہیں آنے والے دنوں میں کسی بھی ہنگامی صورتحال سےنمٹنےکیلئےفیلڈ افسران کی چھٹیاں منسوخ کردی گئی ہیں،ایمرجنسی رسپانس پلان بھی تیار ہے،سیکرٹری مواصلات اورچیئرمین این ایچ اے وفاقی وزیرمواصلات کو صورتحال سے آگاہ رکھے ہوئے ہیں

نیشنل ایمرجنسی آپریشن سینٹر نے گلگت بلتستان اور آزاد کشمیر میں سیلاب کا الرٹ جاری کردیا۔

اعلامیے کے مطابق گلگت، سکردو، ہنز ہ اور شگر میں 28 سے 31جولائی کے دوران بارش متوقع ہے، آج سے 31 جولائی تک کشمیر میں مظفرآباد، وادی نیلم اور باغ میں بارشوں کا امکان ہے۔

بارشوں کے باعث سیلابی صورتحال پیدا ہو نے کا خدشہ ہے، پہاڑی علاقوں میں شدید بارشوں کے پیش نظر لینڈ سلائیڈنگ بھی متوقع ہے۔

این ڈی ایم اے کے مطابق گزشتہ 24 گھنٹوں کے دوران بارشوں اور سیلاب سے مزید 8  افراد جاں بحق اور 21 زخمی ہوگئے ۔ 28 جون سے اب تک مجموعی طور پر 279 افراد جان سے جا چکے۔

رپورٹ کے مطابق ملک بھر میں ایک ماہ کے دوران سیلاب اور بارشوں سے 676 افراد زخمی بھی ہوئے ۔ ایک ہزار 553 گھروں کو نقصان پہنچا ۔ 374مویشی بھی ہلاک ہوئے۔

سانحہ بابو سر میں ایک اور فیملی کے لاپتہ ہونے کی تصدیق ہوگئی۔

ترجمان گلگت بلتستان حکومت کا کہنا ہے کہ لاپتہ افراد میں نجی ٹی وی کی اینکر  شبانہ لیاقت انکے شوہر اور 3 بچے بھی شامل ہیں۔ سرچ آپریشن کے دوران اینکر کا کارڈ اور پرس مل گیا۔

عینی شاہدین کے مطابق 10 سے 15 سیاح شاہراہ بابوسر میں سیلابی ریلوں میں بہہ گئے تھے۔ 7 لاشیں نکال لی گئی ہیں۔ دیامر پولیس انتظامیہ، ڈیزاسٹر مینجمنٹ، ریسکیو، افواج پاکستان اور جی بی اسکاؤٹس سرچ آپریشن میں شامل ہیں۔

ترجمان جی بی حکومت کے مطابق شاہراہ بابوسر سے اب تک 7 لاشیں نکالی جا چکی ہیں، دیگر لاپتہ سیاحوں کی تلاش جاری ہے۔ سرچ آپریشن میں سراغ رساں کتوں اور ڈرونز کی مدد بھی حاصل ہے۔

محکمہ موسمیات نے آج سے مزید بارشوں کی پیشگوئی کر رکھی ہے جبکہ این ڈی ایم اے کے مطابق ملک بھر میں حالیہ بارشوں سے اموات کی تعداد 279 ہوگئی۔

ملک بھر میں بارشوں کا نیا اسپیل داخل ہوگیا، خیبرپختونخوا، گلگت بلتستان، کشمیر اور پنجاب میں 31 جولائی تک موسلا دھار بارشوں کا پیشگوئی ہے۔

این ڈی ایم اے کے مطابق گزشتہ 24 گھنٹوں کے دوران بارشوں اور سیلاب سے مزید 8  افراد جاں بحق اور 21 زخمی ہوگئے ۔ 28 جون سے اب تک مجموعی طور پر 279 افراد جان سے جا چکے۔

رپورٹ کے مطابق ملک بھر میں ایک ماہ کے دوران سیلاب اور بارشوں سے 676 افراد زخمی بھی ہوئے ۔ ایک ہزار 553 گھروں کو نقصان پہنچا ۔ 374مویشی بھی ہلاک ہوئے۔

تونسہ شریف کے مقام پر دریائے سندھ میں درمیانے درجے کا سیلاب ہے،کچہ کے متعدد علاقے اور سیکنڑوں ایکڑ رقبہ پر کاشت فصلیں زیرآب آگئے۔

تونسہ شریف کےکچے کےمتعدد دیہات جڑھ لغاری،بیٹ اشرف،عیدہ آرائیں اور کاچھل سمیت دیگر نشیبی علاقے زیر آب آگئےہیں، ڈپٹی کمشنر عثمان خالد کےمطابق تونسہ شریف کے مقام پر پانی کی سطح میں بتدریج کمی آرہی ہےاورپانی کی سطح کم ہوکر 4 لاکھ  34 ہزار 8 سو 28 کیوسک ریکارڈ کی گئی ہے۔

آئندہ 24 گھنٹوں کے دوران پانی کی سطح میں مزید کمی واقع ہوگی ان کا کہنا تھا کہ دریائے سندھ میں سیلاب کی صورتحال مکمل کنٹرول میں ہے اورمحکمہ آبپاشی سمیت تمام ادارے الرٹ ہیں تونسہ شریف میں سات ریلیف کیمپ قائم کیے گئے ہیں تاہم وہاں کوئی بھی تاحال متاثرہ فرد موجود نہیں ہے۔

پاکستان کے سب سے بڑے آبی ذخیرے تربیلا ڈیم کی پانی کی سطح اپنی انتہائی گنجائش کے 85 فیصد تک پہنچ گئی جبکہ منگلا ڈیم بھی 56 فیصد بھر چکا ہے جہاں پانی کی سطح 1197 فٹ سے تجاوز کر گئی ہے۔

پنجاب ڈیزاسٹر مینجمنٹ اتھارٹی (پی ڈی ایم اے) کی جانب سے جاری کردہ فیکٹ شیٹ کے مطابق دریائے سندھ میں تونسہ کے مقام پر درمیانے درجے کا سیلاب ہے جبکہ تربیلا اور کالا باغ کے مقامات پر نچلے درجے کا سیلاب ریکارڈ کیا گیا ہے۔

پی ڈی ایم اے نے رواں برس مون سون کے طوفانی اسپیلز کے باعث ہونے والے نقصانات کی تفصیلات بھی جاری کی ہیں جن کے مطابق مختلف حادثات میں 151 افراد جاں بحق اور 538 زخمی ہوئے جبکہ 209 گھروں کو نقصان پہنچا۔

پی ڈی ایم اے نے خبردار کیا ہے کہ مون سون کا پانچواں طوفانی اسپیل 28 جولائی سے شروع ہونے کا امکان ہے جس کے باعث دریاؤں اور ندی نالوں میں پانی کی سطح میں اضافے کا خدشہ ہے۔

اتھارٹی نے دریاؤں کے پاٹ میں رہائش پذیر افراد کو محفوظ مقامات پر منتقل ہونے اور عوام کو احتیاطی تدابیر اختیار کرنے کی ہدایت کی ہے۔

گلگت بلتستان میں سیلاب سے جاں بحق افراد کی تعداد 10 ہوگئی جبکہ ابتدائی تخمینوں کے مطابق پورے گلگت بلتستان میں 15 سے 20 ارب روپے کا نقصان ہو چکا ہے۔

ترجمان گلگت بلتستان حکومت کے مطابق چلاس کی حدود میں مینار کے دریائے سندھ سے ایک نامعلوم خاتون کی لاش ملی، جو بابوسر میں بہنے والے سیاحوں میں سے کسی کی ہوسکتی ہے۔

ترجمان کے مطابق افواج پاکستان، انتظامیہ اور دیگراداروں کی جانب سے شاہراہ بابوسر پر سرچ آپریشن جاری ہے۔ گانچھے میں بھی ریسکیو آپریشن اور امدادی کارروائیاں جاری ہیں، غذر اور گلگت کے متاثرہ علاقوں میں بھی امدادی کاروائیاں جاری ہیں۔

فیض اللہ فراق نے کہا کہ فیری میڈوز میں پھنسے اکثر سیاحوں کو ریسکیو کیا جا چکا ہے، فیری میڈوز میں پھنسے دیگرسیاح بھی محفوظ مقام منتقل کئے گئے ہیں۔ شاہراہ ریشم ہر قسم کی ٹریفک کیلئے بحال ہے۔

ترجمان کے مطابق گلگت بلتستان میں سیلاب سے 20 ارب سے زائد کا نقصان ہوا ہے، صوبہ گرانٹ ان ایڈ پر چلتا ہے اتنی بڑی تباہی کاازالہ اکیلی صوبائی حکومت کیلئے مشکل ل ہے، وفاقی حکومت سیلابی تباہیوں کے ازالے کیلیے الگ معقول گرانٹ کا اعلان کرے۔

محکمہ موسمیات نے کل سے ملک بھر میں مون سون کا نیا اسپیل شروع ہونے کی پیش گوئی کردی۔  بعض علاقوں میں شدید بارشوں کا امکان ہے۔ ندی نالوں میں طغیانی اور شہروں میں نشیبی علاقے زیر آب آنے کا خدشہ بھی ظاہر کر دیا گیا۔

محکمہ موسمیات کے مطابق 28 سے 31 جولائی کے دوران اسلام آباد کے ساتھ خیبر پختونخوا اور  پنجاب کے مختلف شہروں میں بھی بارش کا امکان ہے۔

بلوچستان میں 29 سے 31 جولائی  جبکہ سندھ میں 30 سے 31 جولائی کے دوران بارشیں ہوں گی۔  اس دوران کچھ علاقوں میں طوفانی بارشیں بھی ہو سکتی ہیں۔ بارشوں کے باعث مقامی ندی نالوں میں طغیانی کا خدشہ ظاہر کر دیا گیا۔ مختلف شہروں میں نشیبی علاقے زیر آب جبکہ بالائی علاقوں میں لینڈ سلائیڈنگ ہوسکتی ہے۔

 محکمہ موسمیات کے مطابق سیاح اور مسافر موسم کو دیکھ کر اپنے سفر کے پروگرام ترتیب دیں۔

دوسری جانب گلگت بلتستان میں سیلاب کی تباہ کاریاں جاری ہیں۔ مضافاتی تحصیل دنیور میں پانی کا بڑا ریلہ داخل ہونے سے دریا کا رخ تبدیل ہوگیا۔ کیچڑ اور مٹی کا سیلاب آگیا۔

مضافاتی تحصیل دنیور میں آنے والے بڑے ریلے نے دریا ہنزہ کا رخ تبدیل کردیا، دریا کنارے متعدد گھروں کو ملیامیٹ کردیا ۔ درخت اور سیکڑوں کنال اراضی پر کھڑی فصلیں تباہ ہوگئیں ۔ مقامی لوگوں اور ریسکو اہلکاروں نے انسانی زندگیوں کو محفوظ بنایا۔

چلاس تھک بابوسر میں بھی فلیش فلڈنگ سے بڑے پیمانے پر تباہی کے بعد متاثرین کے سروں پر چھت کی بجائے آسمان اور زمین پر بستر کی جگہ پتھر ہی پتھر سیلابی ریلے کئی گھر، رابطہ سڑکیں، مویشی خانے اور سیکڑوں کنال زرعی اراضی بہالے گئے، بستیاں اجڑ چکی ہیں ۔ متاثرہ خاندان کھلے آسمان تلے پڑے ہیں۔

لاپتہ افراد کی تلاش کیلئے پاک فوج ۔ گلگت بلتستان اسکاؤٹس اور دیگر ادارے ریسکیو آپریشن میں مصروف ہیں۔ پاک فوج کی جانب سے جدید گراؤنڈ سرویلنس ریڈار سسٹم کا استعمال کیا جارہا ہے تاکہ مشکل علاقوں میں دبے یا بہہ جانے والے افراد کی نشاندہی کی جاسکے۔

خیبرپختونخوا کے علاقے ناران میں کلاؤڈ برسٹ کے نتیجے میں جھیل سیف الملوک روڈ بند ہوگیا تاہم فوری اقدامات کرتے ہوئے 60 جیپوں میں پھنسے سیاحوں کو ریسکیو کرلیا گیا

جھیل سیف الملوک روڈ پر بھاری تودہ آنے سے سڑک ٹریفک کیلئے بند ہوگئی تھی جس سے ساٹھ سے زائد  جیپوں میں سوار سیاح پھنس گئے تھے۔

کاغان ڈویلپمنٹ اتھارٹی کے انجنیرنگ ون نے بھاری مشینری استعمال کر کے سڑک کو ٹریفک کیلئے کھول دیا آورمحصور ہونے والے تمام گاڑیوں آور سیاحوں کو بحفاظت نکال لیا گیا۔

دوسری جانب چلاس تھک بابوسر سیلاب سے درجنوں لاپتہ افراد کی تلاش کا عمل جاری ہے۔

ملک بھر مین مزید مون سون بارشوں کی پیشگوئی کر دی گئی ہے جس کے تحت 28 سے 31 جولائی تک خیبرپختونخوا کے مختلف علاقوں میں بارشوں کا امکان ہے جبکہ پنجاب کے مختلف شہروں میں بھی اس دوران مزید بارشیں متوقع ہیں ۔

محکمہ موسمیات کے مطابق  بلوچستان میں 29 سے 31 جولائی کے درمیان بارش ہو سکتی ہے، سندھ میں 30 سے 31 جولائی کے دوران بارش کا امکان ہے، بارشوں کے باعث مقامی ندی نالوں میں طغیانی کا خدشہ ہے ، مختلف شہروں میں نشیبی علاقے زیر آب آ سکتے ہیں، بالائی علاقوں میں موسم کے باعث لینڈ سلائیڈنگ بھی ہو سکتی ہے، سیاح اور مسافر موسم کو دیکھ کر اپنے سفر کے پروگرام ترتیب دیں۔

دیامر میں طوفانی بارشوں کے بعد لینڈ سلائیڈنگ اور آبی ریلوں نے ہر طرف تباہی مچا دی ۔ کئی قیمتی جانیں چلی گئیں جبکہ لاپتا 25 سیاحوں کی تلاش جاری ہے۔ اب تک 300 سے زائد سیاحوں کو ریسکیو کیا جاچکا ہے۔

دیامر میں طوفانی بارشیں اورسیلاب نہ صرف مکانات، سڑکیں اور پل تباہ ہوئے بلکہ بلکہ کئی قیمتی زندگیوں کے چراغ بھی بجھ گئے۔ وادی استور اور تھور میں حالات انتہائی خراب ہیں، کئی علاقے  آفت زدہ قرار دےدیے گئے ہیں۔

سرکاری اعدادوشمار کے مطابق 20 سے 25 افراد اب بھی لاپتہ ہیں۔ خطرناک پہاڑی علاقوں میں تلاش کا عمل دن رات جاری ہے، دشوار گزار راستے، ملبہ اور مسلسل بارش سرچ آپریشن میں رکاوٹ ڈال رہے ہیں۔

لاپتہ سیاحوں کے اہلخانہ نے پیاروں کی تلاش کیلئے سوشل میڈیا کو سہارا بنالیا۔ ضلع ننکانہ کے علاقے منڈی فیض آباد کے انصر مجید اور آفاق بھی لاپتہ افراد میں شامل ہیں ۔ خاندانی ذرائع کے مطابق انصر مجید کی گاڑی کی آخری لوکیشن 21 جولائی کو بابوسر تھی۔ جس کے بعد ان سے تمام رابطے منقطع ہوگئے، انصر مجید اپنے 9 دوستوں کے ہمراہ سیر کیلئے گئے تھے، 7 افراد کو بحفاظت ریسکیو کر لیا گیا لیکن دو دوست تاحال لاپتہ ہیں۔

راولا کوٹ کے صداقت اور حیدرآباد کے فراز الحسن کا بھی کوئی سراغ نہیں مل سکا۔ فراز الحسن کے ساتھ  دیگر دوست رشید، صاقب، ناصر، جہانزیب اور ڈاکٹر نعمان  بھی لاپتہ ہیں۔ ان تمام افراد کے عزیز و اقارب نے عوام اور اداروں سے مدد کی اپیل کی ہے۔

ملک بھر میں مون سون بارشوں اور سیلاب کی تباہ کاریوں کا سلسلہ جاری ہے اور  گزشتہ چوبیس گھنٹے کے دوران مزید 14 افراد مختلف حادثات میں جاں بحق ہوگئے ۔

این ڈی ایم اے کے جاری اعداد وشمار کے مطابق سب سےزیادہ 5 ہلاکتیں پنجاب ، 3 گلگت بلتستان اور 2  ہلاکتیں اسلام آباد میں ہوئیں ،  ملک بھر میں بارشوں اور سیلاب سے مختلف واقعات میں 17 لوگ زخمی ہوئے ہیں۔

این ڈی ایم اے کے مطابق رواں مون سون میں اب تک  266 افراد جاں بحق اور 628  زخمی ہوچکے ہیں ۔ اس دوران  اٹھارہ  کلومیٹر سڑک،بارہ پلوں کونقصان پہنچا  اور 366  مویشی بھی جان سے گئے ۔

وزیراعظم شہبازشریف نے گلگت بلتستان میں سیلاب میں پھنسے افراد کو نکالنے کے لیے ریسکیو آپریشن مزید تیز کرنے کا حکم دیدیا۔ شاہراہ قراقرم اور ناران، بابوسر، چلاس شاہراہ کی بحالی کی ہدایت کردی۔ کہا آنے والے مون سون اسپیلز کیلئے این ڈی ایم اے اور دیگر ادارے مشترکہ لائحہ عمل بنائیں۔ پھنسے ہوئے سیاحوں کو رہائش اور خوراک سمیت ہر ممکن سہولت فراہم کی جائے۔

 وزیراعظم نے کہا سیلاب سے متاثرہ علاقوں میں وبائی امراض کی روک تھام کیلئے اقدامات انتہائی ضروری ہیں ۔ سی ون تھرٹی طیارہ آج علاقے میں پھنسے سیاحوں کو اسلام آباد لائے گا۔

ملک بھر میں حالیہ بارشوں کے دوران مختلف حادثات میں اموات کی مجموعی تعداد 252 ہوگئی۔

ملک بھرمیں موسلا دھاربارشوں سے 24 گھنٹوں میں مزید 10 افراد جاں بحق جبکہ 13 زخمی ہوگئے، 26 جون سے 23 جولائی تک اموات کی تعداد 252 ہوگئی ۔ 611 افراد زخمی ہیں۔

این ڈی ایم اے کے مطابق جاں بحق ہونے والوں میں 121 بچے، 85 مرد اور 46 خواتین شامل ہیں۔ گزشتہ 24 گھنٹوں کے دوران مزید 10 افراد جان سے گئے، جب کہ 13 افراد زخمی ہوئے۔

رپورٹ کے مطابق پنجاب میں سب سے زیادہ 139 اموات ہوئیں، خیبرپختونخوا میں 60، سندھ میں 24 اور بلوچستان میں 16 افراد جاں بحق ہوئے۔ آزاد کشمیر میں 2 اور اسلام آباد میں 6 افراد جان سے گئے۔

مالی نقصانات میں تقریباً 1005 گھر تباہ ہوئے، 328 مویشی سیلابی پانی میں بہہ گئے، اور 12 پلوں کو نقصان پہنچا ہے۔

وزیراعظم شہبازشریف نے گلگت بلتستان میں سیلاب میں پھنسے افراد کو نکالنے کے لیے ریسکیو آپریشن مزید تیز کرنے کا حکم دیدیا۔ شاہراہ قراقرم اور ناران، بابوسر، چلاس شاہراہ کی بحالی کی ہدایت کردی۔ کہا آنے والے مون سون اسپیلز کیلئے این ڈی ایم اے اور دیگر ادارے مشترکہ لائحہ عمل بنائیں۔ پھنسے ہوئے سیاحوں کو رہائش اور خوراک سمیت ہر ممکن سہولت فراہم کی جائے۔

 وزیراعظم نے کہا سیلاب سے متاثرہ علاقوں میں وبائی امراض کی روک تھام کیلئے اقدامات انتہائی ضروری ہیں ۔ سی ون تھرٹی طیارہ آج علاقے میں پھنسے سیاحوں کو اسلام آباد لائے گا۔

نیشنل ڈیزاسٹر مینجمنٹ اتھارٹی (این ڈی ایم اے) کی تازہ رپورٹ کے مطابق گزشتہ 24 گھنٹوں کے دوران مون سون بارشوں اور سیلاب سے متعلقہ واقعات میں 10 افراد جاں بحق اور 13 زخمی ہوئے ہیں۔

رپورٹ کے مطابق جاں بحق ہونے والوں میں پنجاب اور خیبر پختونخوا سے 4-4 افراد اور گلگت بلتستان سے 2 افراد شامل ہیں جبکہ زخمیوں میں 7 کا تعلق پنجاب، 2 خیبر پختونخوا، ایک آزاد کشمیر اور 3 اسلام آباد سے ہیں۔

این ڈی ایم اے کے مطابق 26 جون سے 23 جولائی 2025 تک مون سون کی بارشوں کے نتیجے میں مجموعی طور پر 252 افراد جاں بحق اور 611 زخمی ہو چکے ہیں۔

اسی عرصے میں 1005 مکانات کو نقصان پہنچا جبکہ 328 مویشی ہلاک ہوئے۔

پنجاب سب سے زیادہ متاثرہ صوبہ رہا، جہاں سب سے زیادہ افراد جاں بحق اور نقصانات رپورٹ ہوئے۔

این ڈی ایم اے نے خبردار کیا ہے کہ 25 جولائی تک مزید بارشوں اور سیلابی صورتحال کا امکان ہے خاص طور پر شمالی اور پہاڑی علاقوں میں جہاں گلیشئر لیک آؤٹ برسٹ فلڈز (جی ایل او ایف) اور لینڈ سلائیڈنگ کا خطرہ موجود ہے۔

اتھارٹی نے عوام سے اپیل کی ہے کہ وہ سیلاب زدہ سڑکوں، ندیوں اور پلوں سے گزرنے سے گریز کریں اور مقامی انتظامیہ کے جاری کردہ حفاظتی ہدایات پر عمل کریں۔

این ڈی ایم اے کی جانب سے ریسکیو آپریشنز جاری ہیں جبکہ صوبائی حکومتوں کے ساتھ مل کر امدادی سرگرمیاں تیز کر دی گئی ہیں۔

ملک کے بالائی علاقوں سمیت شمال مشرقی پنجاب میں بارشوں کا سلسلہ آج رات بھی جاری رہنے کی پیشگوئی کردی گئی۔

محکمہ موسمیات کے مطابق آج رات کشمیر ، خیبر پختونخوا ، اسلام آباد ، پنجاب ، گلگت بلتستان اور شمال مشرقی بلوچستان میں تیز ہواؤں اور گرج چمک کے ساتھ بارش کا امکان ہے۔

اس دوران بالائی خیبر پختونخوا ، گلگت بلتستان ، خطہ پوٹھوہار ، شمال مشرقی پنجاب اور کشمیر میں موسلا دھار بارش متوقع ہے۔

محکمہ موسمیات نے برساتی ندی نالوں میں طغیانی کا خدشہ ظاہر کرتے ہوئے عوام الناس کو احتیاط برتنے کی ہدایت بھی کی ہے۔

محکمہ موسمیات کے مطابق ندی نالوں میں طغیانی کا خطرہ جبکہ پنجاب اور کے پی میں نشیبی علا قے زیر آب آنے کاخدشہ ہے۔

بابوسر میں بہہ جانے والے افراد تاحال لاپتا جبکہ شاہراہ قراقرم پر مزید سیکڑوں مسافر پھنسے گئے۔

ترجمان گلگت بلتستان حکومت فیض اللہ فراق کا کہنا ہے کہ شاہراہ بابوسر پر شدید بارشوں کے بعد پھنس جانے والے تمام سیاحوں اور مسافروں کو بحفاظت ریسکیو کر لیا گیا ہے جبکہ لاپتہ افراد کی تلاش جاری ہے۔

ترجمان صوبائی حکومت کے شاہراہ بابوسر سے ریسکیو کئے گئے سیاح اس وقت چلاس شہرمیں ہیں، سیاحوں کیلئےمقامی نجی ہوٹل مالکان اور حکومت نےمفت رہائش کا انتظام کیا۔

فیض اللہ فراق کا کہنا ہے کہ شاہراہ قراقرم دوبارہ ایک دو مقامات پر بند ہوگئی ہے، شاہراہ قراقرم کی بندش سے ہزاروں مسافر جگہ جگہ پھنس گئے ہیں، شاہراہ کو بشام تک بحال کرنے کا کام جاری ہے۔

واضح رہے کہ کلاؤڈ برسٹ، آبی ریلے اور لینڈ سلائیڈنگ سے گلگت بلتستان میں منہ زورآبی ریلوں میں بہنے والی بڑی بڑی چٹانوں نےتباہی پھیردی۔ دیامر وادی میں 50 سے زائد گھر ملیامیٹ ہوگئے ۔ 5 افراد جان سے گئے۔ راستے بند ہونے سے سیاح پھنس گئے ۔ وادی سے 250 سیاحوں کو ریسکیو کرلیا گیا۔ 15 سیاح تاحال لاپتا ہیں۔ تلاش کےلیے ریسکیو آپریشن دوبارہ شروع کردیا گیا۔

لاہور،راولپنڈی سمیت پنجاب کےمختلف اضلاع میں بارش،پی ڈی ایم اےپنجاب نے الرٹ جاری کردیا۔ 

ڈی جی پی ڈی ایم اےکی صوبہ بھر کےڈپٹی کمشنرزکو الرٹ رہنے کی ہدایت کی،ہنگامی صورتحال سے نمٹنے کے لیے متعلقہ محکمے الرٹ رہیں،صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کردیا گیا۔

پی ڈی ایم اےکنٹرول روم میں صورتحال کی مانیٹرنگ24/7 جاری ہے،1122 اور واسا سمیت دیگر ریسکیو ادارے مشینری سمیت عملے کو الرٹ رکھیں،مون سون بارشوں کا نیا سلسلہ 25 جولائی تک جاری رہنے کی پیشگوئی ہے۔

ڈی جی پی ڈی ایم اے کا کہنا ہے کہ شہری احتیاط کریں بجلی کے کھمبوں اورلٹکتی تاروں سے دور رہیں،مددکیلئے پی ڈی ایم اے کی ہیلپ لائن 1129 پر کال کریں۔

ملک بھر میں رواں سال مون سون بارشوں کے دوران مختلف حادثات میں جاں بحق افراد کی تعداد 242 ہوگئی۔

نیشنل ڈیزاسٹر مینجمنٹ اتھارٹی (این ڈی ایم اے) کے مطابق ملک بھر میں گزشتہ 24 گھنٹوں کے دوران مزید  21 افراد بارشوں کے باعث جاں بحق ہوئے، اس دوران مختلف واقعات میں 6 لوگ زخمی بھی ہوئے۔ 26 جون سے 22 جولائی تک  242 افراد جاں بحق جبکہ 598 زخمی ہوچکے ہیں۔

رپورٹ کے مطابق بارشوں سے 209 مکان مکمل تباہ ہوئے جبکہ 645 کانوں کو جزوی نقصان پہنچا۔ ملک بھر میں بارشوں کے باعث 208 مویشی بھی ہلاک ہوئے۔ 12 پل اور ساڑھے 10 کلومیٹر سڑکیں بھی متاثر ہوئیں۔

این ڈی ایم اے نے 25 جولائی تک ملک کے بیشتر علاقو ں میں مون سون بارشوں سے ممکنہ خطرات کے حوالے سے الرٹ جاری کر دی۔

رپورٹ کے مطابق شمالی علاقہ جات میں لینڈ سلائیڈنگ اور گلیشیائی جھیلوں کے پھٹنے کے باعث سیلابی صورتحال کا خطرہ ہے، حساس علاقوں میں ریشون، بریپ، بونی، سردار گول، ٹھلو 1 و 2، ہنارچی، ہندور، درکوٹ، بدسوات، اشکومن، ارکاری شامل ہے۔  

بارشوں کے باعث دریائے سندھ، جہلم، چناب اور کابل میں پانی کے بہاؤ میں مزیداضافے کا امکان ہے، دریا چناب میں مرالہ، خانکی اورقادرآبادکے مقا م پرنچلے سے درمیانے درجے کا سیلاب متوقع ہے۔

دریا ئے جہلم میں منگلا کے بالائی علاقوں اور دریا کابل میں نوشہرہ کے مقام پر پانی کے بہاؤ میں اضافہ متوقع ہے جبکہ دریائے سندھ میں تربیلا، کالا باغ، چشمہ، تونسہ اور گڈو بیراج میں بھی پانی کے بہاؤ میں مزید اضافے کا امکان ہے۔

خیبرپختونخوا میں دریائے سوات اور پنجکوڑہ اور ان کے ملحقہ ندی نالوں میں پانی طغیانی کا خدشہ ہے۔ گلگت بلتستان میں دریائے ہنزہ اور شگر میں سیلابی صورتحال متوقع ہے۔ ہسپر، خنجراب، شمشال، برالدو، ہوشے اور سالتورو اور ان کے ملحقہ ندی نالوں میں اچانک سیلابی صورتحال پیدا ہو سکتی ہے۔

بلوچستان کے اضلاع موسیٰ خیل، شیرانی، ژوب اور سبی کے مقامی ندی نالوں میں طغیانی کا امکان ہے۔

شمالی علاقہ جات میں بارشوں کے باعث پہاڑی علاقوں میں لینڈ سلائیڈنگ کا خطرہ ہے، لینڈ سلائیڈنگ اور سیلابی صورتحال کے باعث شاہراہِ قراقرم اور بابوسر ٹاپ دونوں طرف سے مکمل بلاک ہو چکے ہیں۔

سیاح پہاڑی علاقوں کے سفر سے گریز کریں

این ڈی ایم اے نے سیاحوں سے اپیل کی ہے کہ 25 جولائی تک پہاڑی علاقوں کے سفر سے گریز کریں، سڑکوں کی صورتحال جاننے کے لیے ریڈیو یامقامی انتظامیہ کی مدد سے مصدقہ خبروں تک رسائی یقینی بنائیں۔ غیر تصدیق شدہ متبادل راستوں کے استعمال سے گریز کریں، یہ خطرناک ہو سکتے ہیں۔

این ڈی ایم اے اور متعلقہ ادارے کی جانب سے صورتحال پر مکمل نگرانی اوربروقت اقدامات کو یقینی بنایا جا رہا ہے۔ تیز بہاؤ کی صورت میں ندی نالوں، پلوں اور پانی میں ڈوبی سڑکوں سے گزرنے سے گریز کریں۔

عوام سے گزارش کی ہے کہ موسم اور ممکنہ خطرات کے حوالے سے آگاہی کے لیے پاک این ڈی ایم اے ڈیزاسٹر الرٹ ایپ سے راہنمائی لیں۔

لاہور کےمختلف علاقوں میں صبح سے ہونے والی بارش سے جل تھل ایک ہوگیا۔

لاہور میں رات سےوقفے وقفےسےجاری بارش کا سلسلہ تھم گیا،ٹھنڈی ہواؤں کے باعث گرمی کی شدت میں کمی دیکھی جا رہی ہے,مسلسل بارش کےباعث نشیبی علاقے زیرِآب آگئے،واسا کاعملہ نکاسی آب کیلئے کام میں مصروف ہے۔

 ایئرپورٹ اور گرد ونواع میں سب سے زیادہ 108 ملی میٹر بارش ریکارڈ کی گئی،جیل روڈ 69 ،گلبرگ 53، لکشمی چوک 92 ملی میٹر بارش ریکارڈ کی گئی۔

اس کے علاوہ اپرمال پر 97،مغلپورہ 85 ،تاجپورہ 105 ملی میٹربارش ریکارڈ کی گئی،شہر میں مجموعی طور پر 78 اعشاریہ 8ملی میٹر بارش ریکارڈ کی گئی

محکمہ موسمیات کے مطابق بارش کا یہ سلسلہ آئندہ دو روزتک جاری رہنے کا امکان ہے۔

نجی ہاؤسنگ سوسائٹی میں گاڑی سمیت نالےمیں بہہ جانے والے باپ بیٹی کی تلاش دوبارہ شروع کردی گئی۔

سرچ اینڈ ریسکیو آپریشن کےدوسرے روز 3 ٹیمیں بناکرمختلف مقامات پرتلاش کی جائے گی،پہلی ٹیم جائے وقوعہ سےپانی کےبہاؤ کے ساتھ سواں پل جی ٹی روڈ تک سرچ کررہی یے،دوسری ٹیم سواں پل سے پانی کے بہاؤ کےمخالف سمت آپ سٹریم سرچ آپریشن کررہی ہے۔

تیسری ٹیم سواں پل سےڈاؤن سٹریم گورکھپورکی جانب سرچ اینڈ ریسکیو آپریشن میں مصروف ہے،نالے کے تمام اطراف آپریشن کےدوران ممکنہ شواہد یا لاپتہ افراد تک رسائی کی کوششیں کی جارہی ہے،امدادی ٹیموں نے گزشتہ شب اندھیرے کے باعث باپ اور بیٹی کی تلاش کا آپریشن روکا تھا۔

واپڈا نے دریاؤں اور آبی ذخائر میں پانی کی صورتحال پر اعدادوشمار جاری کردیئے۔

واپڈا کی جانب سےجاری اعداد و شمار کے مطابق منگلا ڈیم میں پانی کی سطح ایک فٹ بلند، 1191فٹ ہو گئی،منگلا ڈیم میں 1242 فٹ تک پانی کی گنجائش ہے،تربیلا ڈیم میں پانی کی سطح 1530فٹ برقرار، گنجائش 1550 فٹ ہے،چشمہ میں پانی کی سطح 641 فٹ ہے،گنجائش 648 فٹ ہے،ملک کے آبی ذخائر میں پانی کا ذخیرہ 83 لاکھ 66 ہزار فٹ ہے۔

دریائےسندھ میں پانی کی آمد 3 لاکھ 33  ہزار کیوسک ریکارڈ کیا جارہا ہے،دریائے جہلم میں پانی کی  آمد 30 ہزار 700 کیوسک ہے،چشمہ بیراج میں پانی کی آمد 3 لاکھ  17  ہزار 900  کیوسک ریکارڈ کی جارہی ہے۔ 

اس کے علاوہ دریائے چناب میں پانی کی آمد 1 لاکھ 13ہزار 400 کیوسک ریکارڈ کی جارہی ہے،دریائے کابل میں پانی کی آمد   30 ہزار 900  کیوسک،تربیلا میں پانی کا ذخیرہ 46 لاکھ 3  ہزار ایکڑ فٹ،منگلا میں پانی کا ذخیرہ 37 لاکھ 37  ہزار ایکڑ فٹ ریکارڈ کیا جارہا ہے۔

اسلام آباد کی نجی ہاؤسنگ سوسائٹی میں گاڑی سیلابی ریلے میں بہہ گئی،عینی شاہدین کےمطابق گاڑی میں باپ بیٹی سوار تھے۔

نالےمیں کار سمیت بہہ جانے والے افراد گاڑی سے مدد کے لیے آوازیں لگاتے رہے،کار سوار افراد نے برساتی نالے کے قریب سے گاڑی گزارنےکی کوشش کی، پانی کا بہاؤ تیز ہونے پر دونوں افراد کار سمیت پانی میں بہہ گئے۔

🚨 Tragedy in DHA Phase 5, Rawalpindi: A car with passengers was swept away by flash floods today. All occupants reportedly drowned in the incident. #Rawalpindi #FlashFloods #Pakistan pic.twitter.com/lVy1o84C3M

— Islamabad Insider (@IslooInsider) July 22, 2025

ریسکیو ٹیمیں بہنے والی گاڑی کو تلاش کرنے میں مصروف ہے،واضح رہے کہ راولپنڈی اور اسلام آباد میں تیز بارش سے نشیبی علاقے زیر آب آگئے۔

گلگت بلتستان اور آزاد کشمیر میں بارشوں کے باعث لینڈ سلائیڈنگ کا الرٹ جاری  کردیا گیا،این ڈی ایم اے نے عوام غیر ضروری سفر سے گریز کرنے کی اپیل کر دی۔

نیشنل ڈیزاسٹرمینجمنٹ اتھارٹی نےخبردارکیا ہےکہ کشمیر میں مظفرآباد،وادی نیلم، حویلی، باغ اور پونچھ میں بارشوں کے باعث لینڈ سلائیڈنگ کا خدشہ ہے،بالائی خیبرپختونخوا کے اضلاع چترال، دیر، کوہستان اور ملحقہ پہاڑی علاقوں میں بھی لینڈ سلائیڈنگ کا امکان ظاہر کیا جا رہا ہے،چترال میں جگلوٹ سکردو روڈ، شاہراہ قراقرم اوردیگر پہاڑی علاقوں میں رابطہ سڑکیں متاثرہوسکتی ہیں۔

گلگت بلتستان میں کلاؤڈ برسٹ سے تباہی، درجنوں مکانات تباہ، متعدد سیاح لاپتہ

این ڈی ایم اے کا کہنا ہےکہ گلگت بلتستان میں کوہستان روڈ،کولائی پالس روڈ،جگلوٹ روڈ،نگر روڈ،ہنزہ روڈ،تتہ پانی روڈ،روندو اور سکردومیں جگلوٹ سکردو روڈ میں لینڈ سلائیڈنگ کا خدشہ ہے،تمام ریسکیو اداروں کو ہنگامی حالات سے نمٹنے کے لیے اہلکار،مشینری اور ریسکیو ٹیمیں تیار رکھنے کی ہدایت کی ہے۔

ترجمان گلگت بلتستان حکومت فیض اللہ فراق کا کہنا ہے کہ ضلع دیامر میں شاہراہِ تھک بابوسر میں درجنوں سیاحوں کو ریسکیو اہلکاروں اور مقامی لوگوں کی مدد سے ریسکیو کر لیا گیا ہے جبکہ لاپتہ متعدد سیاحوں کی تلاش جاری ہے۔

ترجمان صوبائی حکومت کے مطابق سرچ آپریشن رات کی تاریکی کی وجہ سے متاثرہوا، شاہراہ بابوسرپر الصبح سرچ آپریشن کا آغاز کر دیا گیا ہے، لاپتہ افراد کی تلاش کا عمل جاری ہے۔

فیض اللہ فراق کے مطابق شاہراہ بابوسر سیلابی تباہ کاریوں سے ہلاکتوں کی تعداد 5 ہوگئی، ایک مقامی شخص جبکہ 4 سیاح جاں بحق ہوگئے ہیں۔ کل سےاب تک250سے زائد سیاحوں کو چلاس پہنچایا گیا۔

ترجمان کے مطابق سیلاب سے شاہراہ بابوسر پر ایک گرلز سکول،دوہوٹل، ایک پن چکی، گندم ڈپو، پولیس چوکی اور ٹورسٹ پولیس شلٹرتباہ ہوگئے ہیں۔

سیلابی ریلوں سے شاہراہ بابوسر سے متصل50سے زائد مکانات مکمل تباہ، 8کلومیٹر سڑک شدید متاثرہ اور15مقامات پرروڈ بلاک ہے، سیلابی تباہ کاریوں سےشاہراہ بابوسر پر4رابطہ پل بھی تباہ ہوئے، ہزاروں فٹ عمارتی لکڑی بھی بہہ گئی ہے۔

فیض اللہ فراق نے کہا کہ سیکڑوں پھنسے سیاحوں کو چلاس شہر منتقل کرنے کاعمل جاری ہے، وزیراعلیٰ گلگت بلتستان نے سرچ آپریشن مزید تیز کرنے کا حکم دیا ہے۔

پاک فوج بھی ریسکیو آپریشن میں پیش پیش ہے، ضرورت پڑنے پر ہیلی کاپٹر کو آپریشن کیلئے استعمال کیا جائے گا۔ سیلاب سے متاثرہ سڑکوں کی ہنگامی بنیادوں پر بحالی کا کام جاری ہے۔

عوام سے متاثرہ علاقوں میں غیرضروری سفر نہ کرنے کی اپیل

ترجمان این ڈی ایم اے کے مطابق کلاؤڈ برسٹ کے باعث بابوسر، تتہ پانی اورلال پڑی کے 15 مقامات راستے بند، بڑے اورچھوٹے پتھروں کے باعث 7 سے 8 کلو میٹرکاراستہ بلاک ہے۔ راستہ کھولنے کی کوششیں جاری ہیں۔ عوام سےاپیل کی گئی ہے کہ متاثرہ علاقوں میں غیرضروری سفر سے گریزکریں۔

ترجمان این ڈی ایم اے نے اپنے بیان اور  ڈپٹی کمشنردیامرعطاءالرحمٰن نے میڈیا سے گفتگو میں کہا دن میں ساڑھےتین بجے کے قریب کلاوڈ برسٹ ہوا، اطلاع ملتے ہی امدادی ٹیمیں روانہ ہوئیں۔ راستے میں 3 افراد کی لاشیں نکال لی گئیں۔

ترجمان این ڈی ایم کے مطابق بڑی وین سمیت 10 سے 15 گاڑیوں کو سیلابی ریلا بہا لے گیا۔ مقامی لوگوں نے ان کو بچایا اورگھروں میں پناہ دی، مختلف مقامات پر پھنسے سیاحوں کوچلاس سمیت محفوظ مقامات پرمنتقل کیا گیا۔ پھنسی گاڑیوں کو ملبے سے نکالنےکاکام جاری ہے۔

ترجمان پی ڈی ایم اے پنجاب کا کہنا ہے کہ آج پنجاب کے بیشتر اضلاع میں مون سون بارشیں ہوں گی، مون سون بارشوں کا چوتھا سلسلہ 25 جولائی تک جاری رہے گا، مون سون بارشوں کا چوتھا سلسلہ قدرے زیادہ طاقتور ہے۔

ترجمان کے مطابق دریاؤں کے بالائی علاقوں میں بارشوں سے پانی کے بہاؤ میں غیرمعمولی اضافے کا خدشہ ہے، پنجاب کے دریاؤں و ندی نالوں میں طغیانی کا الرٹ جاری کردیا گیا ہے، دریائے راوی، جہلم، ستلج اور چناب کے بہاؤ میں اضافے کا خدشہ ہے۔

ترجمان کا کہنا ہے کہ ڈی جی  پی ڈی ایم اے نے ڈپٹی کمشنرز کو فیلڈ میں موجود رہنے کی ہدایات کی ہیں۔ ڈی جی کا کہنا ہے کہ دریاؤں ندی نالوں کے اطراف دفعہ 144 پر سختی سے عملدرآمد کروائیں۔

ڈی جی پی ڈی ایم اے نے پنجاب پولیس کو دریاؤں، ندی نالوں کے اطراف پیٹرولنگ بڑھانے کی ہدایت بھی کی ہے۔

محکمہ موسمیات نے پنجاب اور خیبرپختونخوا میں آج سے مون سون کے ایک اور طاقتور اسپیل کی پیشگوئی کی ہے۔

محکمہ موسمیات کے مطابق نئے طاقتور اسپیل کے باعث پنجاب اور خیبرپختونخوا کے کئی اضلاع میں گرج چمک کے ساتھ موسلا دھار بارش کا امکان ہے، لاہور راولپنڈی، سیالکوٹ اور گوجرانوالہ میں بھی بادل برسیں گے۔

دوسری جانب خیبرپختونخوا کے مختلف علاقوں دیر کالام ،سوات،کوہستان اور آزاد کشمیر میں بھی ابر رحمت متوقع ہے۔

این ڈی ایم اے کی رپورٹ کے مطابق بارشوں کے باعث گزشتہ 24گھنٹوں کے دوران پنجاب میں 13افراد اور خیبرپختونخوا میں ایک شخص جاں بحق ہوا جبکہ  20 افرادزخمی بھی ہوئے،26جون سے اب تک ملک بھرمیں 216 افراد جاں بحق، 582 زخمی ہوچکے۔

مون سون بارشوں کے پیش نظر پنجاب کے بڑے دریاؤں میں فلڈ الرٹ جاری کردیا گیا۔

ترجمان پی ڈی ایم اے کے مطابق دریائے ستلج، راوی، چناب، جہلم اور سندھ میں سیلاب کاخدشہ ہے، 22  سے 24 جولائی کے دوران دریاؤں میں سیلابی صورتحال بن سکتی ہے۔

ترجمان پی ڈی ایم اے کے مطابق صوبے بھر کے کمشنرز وڈپٹی کمشنرز کوالرٹ جاری کردیاگیا، ریسکیو1122 کو تمام تر انتظامات پیشگی مکمل کرنے کی ہدایت کردی گئی ہے۔

متعلقہ حکام کو ہدایت کی گئی ہے کہ وزیراعلیٰ پنجاب کی ہدایات کے پیش نظرتمام پیشگی انتظامات مکمل کریں، ایمرجنسی کنٹرول رومز میں اسٹاف کو الرٹ رکھا جائے، ریسکیو 1122کی ڈیزاسٹر رسپانس ٹیموں کو بھی ہائی الرٹ رکھا جائے۔ عوام جاری کردہ احتیاطی تدابیر پرعمل کریں۔

واضح رہے کہ مون سون بارشوں کا چوتھا اسپیل آج شام سے شروع ہونے کا امکان ہے۔ لاہور، سیالکوٹ،فیصل آباد اور گوجرانولہ میں مون سون بارشوں سےاربن فلڈنگ کا خدشہ ہے۔

پی ڈی ایم اے کے مطابق کے مطابق رواں سال پنجاب میں مون سون بارشوں کے باعث 135 شہری جاں بحق ہوگئے جبکہ بارشوں کے باعث156گھر متاثر اور479 شہری زخمی ہوئے۔

پنجاب میں حالیہ مون سون بارشوں سے جاں بحق افراد کی تعداد 135 ہوگئی جبکہ سیکڑوں افراد زخمی ہوگئے۔

پی ڈی ایم اے پنجاب نے مون سون فیکٹ شیٹ جاری کردی۔ مون سون بارشوں سے ہونے والے نقصانات سے متعلق اعداد وشمار بھی رپورٹ میں شامل ہے۔

رپورٹ کے مطابق رواں سال پنجاب میں مون سون بارشوں کے باعث135شہری جاں بحق ہوگئے جبکہ بارشوں کے باعث156گھر متاثر اور479 شہری زخمی ہوئے۔

زیادہ اموات کچے مکانات، خستہ عمارتوں اور چھتوں کے گرنے کے باعث ہوئیں، آسمانی بجلی گرنے،کرنٹ لگنےاور دریاؤں میں نہاتے ہوئے ڈوبنے سے شہری جاں بحق ہوئے۔

ڈی جی پی ڈی ایم اے کے مطابق 24 گھنٹوں میں پنجاب کے کسی شہر میں بارش رکارڈ نہیں ہوئی تاہم مون سون بارشوں کا چوتھا اسپیل آج شام سے شروع ہونے کا امکان ہے۔ لاہور، سیالکوٹ،فیصل آباد اور گوجرانولہ میں مون سون بارشوں سےاربن فلڈنگ کا خدشہ ہے۔

عرفان علی کاٹھیا نے کہا کہ پنجاب کے بیشتر دریاؤں اور بیراجز میں پانی کا بہاؤ نارمل سطح پر ہے، دریاؤں،نہروں اور برساتی نالوں میں نہانے پر مکمل پابندی عائد ہے۔

دریائے سندھ میں  تربیلا چشمہ اور تونسہ کے مقام پر درمیانے درجے کی سیلابی صورتحال ہے، ممکنہ سیلابی خطرے کے پیشِ نظر پی ڈی ایم اے کے انتظامات مکمل ہیں۔

کراچی سمیت سندھ کے مختلف شہروں میں بارش سے نشیبی علاقے زیر آب آگئے۔

سندھ کے مختلف شہروں میں بھی بادل جم کربرسے۔ بارش کے بعد نشیبی علاقے زیر آب آگئے۔ نوری آباد اور گردونواح میں بارش سے گرمی کی شدت میں کمی آگئی۔ کوٹری میں بارش ہوتے ہی متعدد فیڈرز ٹرپ کرگئے۔

ٹنڈوالہ یار میں تیزہواؤں  کے ساتھ موسلادھار بارش ہوئی۔ نوابشاہ، نوشہرو فیروز اور روہڑی اور خیرپورناتھن شاہ میں بھی گرج چمک کیساتھ تیز بارش ہوئی۔

کراچی میں بھی رات گئے بادل برس پڑے، گڈاپ ٹاؤن، ماڈل کالونی، ملیر، شاہ فیصل کالونی اور ائیرپورٹ کے اطراف تیزبارش ہوئی۔ شارع فیصل، صدر، آئی آئی چندریگر روڈ، اولڈ سٹی ایریا، یونیورسٹی روڈ اورگلشن اقبال بھی رم جھم ہوئی۔

بارش کے باعث شہرقائد کے کئی علاقوں میں بجلی کی فراہمی معطل ہوگئی ۔ شہرمیں اس وقت بھی کالے بادلوں کا راج ہے ۔۔ آئندہ چوبیس گھنٹوں کے دوران وقفے وقفے سے ہلکی بارش کا امکان ہے۔

پی ڈی ایم اے نے مون سون بارشوں کا چوتھا سلسلہ کل سے شروع ہونے کی پیشگوئی کردی۔

ترجمان پی ڈی ایم اے کے مطابق 20 سے25 جولائی کےدوران پنجاب کےبیشتر اضلاع میں بارشں اورآندھی کا امکان ہے،راولپنڈی،مری گلیات اٹک چکوال منڈی بہاؤالدین،حافظ آباد گجرات ،جہلم اور گوجرانوالہ میں بارشیں متوقع ہیں۔

پی ڈی ایم اے کےمطابق لاہور،فیصل آباد سیالکوٹ نارووال اور ٹوبہ ٹیک سنگھ، جھنگ، سرگودھا اور میانوالی بھی بارشیں متوقع ہیں،صوبے بھرکی انتظامیہ کوالرٹ جاری کر دیا گیا ہے،۔

ڈی جی پی ڈی ایم اےعرفان کاٹھیا کاکہنا ہےکہ دریاؤں و ندی نالوں میں پانی کےبہاؤ میں اضافے کا خدشہ ہے،دریائے سندھ میں تربیلا اورکالا باغ کےمقام پر نچلےدرجےکا سیلاب ہے،دریائے سندھ میں چشمہ کےمقام پر درمیانے درجے کا سیلاب ہے،رواں سال مختلف حادثات میں 123 شہری جان بحق 462 زخمی ہوئے۔

پنجاب میں چھتیں گرنے اور کرنٹ لگنے سے مزید 12 افراد جاں بحق ہوگئے۔

حالیہ بارشوں میں پنجاب میں اموات کی تعداد103ہوگئی،پنجاب میں مکانات گرنے سے 6 اور کرنٹ لگنے سے 5 اموات ہوئیں۔لاہورریلوےاسٹیشن کےقریب چھت گرنےسے2افرادجاں بحق،شاہدرہ میں کرنٹ لگنےسےنوجوان لقمہ اجل بنا۔

اس کےعلاوہ چنیوٹ میں چھتیں گرنےکےواقعات میں3افرادجاں بحق ہوئے،حافظ آبادمیں برساتی نالےمیں ڈوب کر بچہ جان سے گیا،کرنٹ لگنےسےملتان،اوکاڑہ،خوشاب میں ایک ایک شخص جاں بحق ہوا،دنیا پور اور حافظ آباد میں بھی کرنٹ لگنےسے اموات ہوئیں۔

دوسری جانب راولپنڈی میں ڈوبنے والے تین افراد کی لاشیں نکال لی گئیں،بھوسہ منڈی کے قریب نالے میں ڈوبنے والےبچے کا تاحال سراغ نہ مل سکا،

این ڈی ایم اے نےملک بھر میں مون سون بارشوں اور سیلاب سے جانی نقصانات کی تفصیلات جاری کر دیں، اب تک 178 افراد جاں بحق جبکہ سیکڑوں زخمی ہوئے،جہاں سب سے زیادہ اموات پنجاب میں 103 ریکارڈ کی گئیں۔