Live Updates: ایران کے اسرائیل پر مزید دو بڑے حملے،13 اسرائیلی ہلاک، 200 سے زائد زخمی

امریکی صدر ڈونلڈ ٹرمپ نے ایران کو 30 ارب ڈالر کا سویلین ایٹمی پروگرام دینے کی تردید کردی۔ کہا کہ کون ہے جو کہہ رہا ہے امریکا ایران کو 30 ارب ڈالر دینا چاہتا ہے، میں نے کبھی ایسی بے وقوفانہ بات نہیں سنی، یہ سراسر جھوٹ ہے جو میری بدنامی کیلئے پھیلایا جارہا ہے۔

امریکی ٹی وی چینل سی این این نے اپنی ایک رپورٹ میں کہا تھا کہ امریکا ایران کو سول جوہری پروگرام میں اور 30 ارب ڈالر فراہم کرے گا۔

امریکی صدر ڈونلڈ ٹرمپ نے ایران کو 30 ارب ڈالر کا سول ایٹمی پروگرام دینے کی سختی س تردید کردی۔

ان کا کہنا ہے کہ کون کہہ رہا ہے امریکا ایران کو 30 ارب ڈالر دینا چاہتا ہے، میں نے کبھی ایسی بے وقوفانہ بات نہیں سنی، یہ جھوٹ میری بدنامی کیہلئے پھیلایا جارہا ہے، یہ لوگ واقعی بیمار ذہنیت کا شکار ہیں۔

واضح رہے کہ امریکی صدر نے گزشتہ روز ایک بار پھر ایران پر حملے کی دھمکی دیتے ہوئے کہا تھا کہ اگر پتہ چلا کہ ایران کے پاس یورینیم افزودگی کی سطح تک موجود ہے تو پھر بمباری کریں گے۔

پریس کانفرنس میں ان کا کہنا تھا کہ ایران بات چیت کرنا چاہتا ہے، کیونکہ ان کی تین اہم اور حساس نیوکلیئر سائٹس تباہ کر دی گئی ہیں۔ایران کی جوہری صلاحیت کو شدید نقصان پہنچا ہے۔

امریکی صدر ڈونلڈ ٹرمپ نے ایک بار پھر ایران کو دھمکی دے دی۔

امریکی صدرصدر ٹرمپ نے اپنے بیان میں کہا ایران کو دوبارہ عالمی نظام کے دھارے میں شامل ہونا ہوگا ورنہ ایران کے لیےحالات مزید خراب ہوتےجائیں گے،مجھے بالکل معلوم تھا کہ خامنہ ای کہاں پناہ لیے ہوئے ہیں، پھر بھی میں نے ایرانی سپریم لیڈر کو قتل کرنے کا حکم نہیں دیا۔

صدر ٹرمپ نےمزید کہامیں نے جنگ کے آخری مرحلے میں تہران جانے والے اسرائیلی طیاروں کو واپس بلوا لیا، میں پابندیاں ہٹانے سمیت دیگر اقدامات پر کام کر رہا تھا،میرے اقدامات ایران کو بحالی کا بہتر موقع دے سکتے تھے۔

ایرانی وزیر خارجہ عباس عراقچی نے کہا امریکا ڈیل کرنا چاہتا ہے تو سپریم لیڈر سے متعلق تضحیک آمیز رویہ ترک کرنا ہوگا۔

غزہ جنگ بندی پربات کرتے ہوئے کہا وہاں امن قائم کرنے کے قریب ہیں،آئندہ ہفتے سیزفائر کا امکان ہے،وہاں صورتحال خوفناک ہے،خوراک کی قلت ہے،دنیامیں امن قائم کرانےپر عوام مجھےسراہتےہیں اسلئےاکثریت حاصل کی۔

صدر ڈونلڈ ٹرمپ نے کہاہے کہ  ایرانی فرود  نیوکلیئر سائٹ میں ٹرک کنکریٹ ڈال رہے ہیں، IAEA یا امریکا کو معائنہ کرنا چاہیے، اگرپتہ چلا کہ ایران کے پاس یورینیم افزودگی کی سطح تک موجود ہے تو دوبارہ بمباری کریں گے۔

امریکی صدر ڈونلڈ ٹرمپ نے پریس کانفرنس کرتے ہوئے کہا ہے کہ ایران بات چیت کرنا چاہتا ہے، کیونکہ ان کی تین اہم اور حساس نیوکلیئر سائٹس تباہ کر دی گئی ہیں۔ایران کی جوہری صلاحیت کو شدید نقصان پہنچا ہے۔ ایران اوراسرائیل دونوں تنازعہ سے تھک چکے ہیں۔

صدر ڈونلڈ ٹرمپ نے کہا کہ اگر ایران کے پاس بکے پاس بم بنانے کے لیے یورینیم افزودگی کی سطح تک موجود ہے، تو میں بلا سوال ایران پر دوبارہ بمباری کروں گا۔ اگرپتہ چلا کہ ایران کے پاس یورینیم افزودگی کی سطح تک موجود ہے تو دوبارہ بمباری کریں گے۔

فرود نیوکلیئر سائٹ پر ٹرکوں کے حوالے سے سوال کے جواب میں امریکی صدر ڈونلڈ ٹرمپ نے کہا کہ ٹرکوں کے ذریعے کنکریٹ ڈالا جا رہا ہے۔

ڈونلڈ ٹرمپ نے کہا کہ کسی کو معائنہ کرنا چاہیے تاکہ دیکھا جا سکے کہ واقعی ایران نے اپنی تنصیبات بند کر دی ہیں یا نہیں۔ کیا یہ معائنہ بین الاقوامی جوہری توانائی ایجنسی (آئی اے ای اے )کرے، یا ہم خود کریں؟

امریکی صدر ڈونلڈ ٹرمپ نے  کہا کہ پاکستان اوربھارت دونوں کے پاس بہترین قیادت ہے، بھارت کے ساتھ مکمل تجارتی رکاوٹیں ختم کرنا چاہتے ہیں۔

ایرانی وزیرخارجہ کی اگلے ہفتے امریکا کیساتھ مذاکرات کی تردید کردی۔

ایرانی ٹی وی کو انٹرویو میں ایرانی وزیرخارجہ عباس عراقچی نے کہا کہ امریکا سے دوبارہ مذاکرات کا فی الحال کوئی فیصلہ نہیں ہوا۔ جائزہ لے رہے ہیں کہ امریکا سے سفارت کاری ملکی مفاد میں ہے یا نہیں۔

عباس عراقچی نے کہا کہ مذاکرات کے 5 دورکے بعد اسرائیل اورامریکا کی جانب سے جوہری تنصیبات پرحملے کیے گئے۔  جس کے بعد مذاکرات کا عمل روک دیا گیا ہے۔

واضح رہے کہ امریکی صدر ٹرمپ نے نیٹو سربراہی اجلاس کے بعد پریس کانفرنس سے خطاب کرتے ہوئے کہا تھا کہ امریکا اگلے ہفتے ایران سے بات کرنے جا رہا ہے۔ ہم ممکنہ طور پر ایک معاہدے پر دستخط کر سکتے ہیں۔

صدر ٹرمپ نے بتایا کہ ایران اور اسرائیل کے درمیان جنگ بندی بہت اچھی جا رہی ہے، اسرائیل کو ایران پر فضائی حملے روکنے کی تنبیہ کے حوالے سے بات کرتے ہوئے انہوں نے کہا اسرائیل کل جنگ بندی پر لوٹ آیا ہے، جو  ان کے خیال میں بہت اچھی جا رہی ہے۔

اسرائیلی اخبار نے دعویٰ کیا ہے کہ امریکی صدر ڈونلڈ ٹرمپ اور اسرائیلی وزیراعظم بنجمن نیتن یاہو نے غزہ میں جنگ بندی کے معاہدے پر اتفاق کر لیا ہے۔

اسرائیلی اخبارات کے مطابق اس معاہدے کے تحت غزہ کا کنٹرول حماس سے چھین کر چار عرب ریاستوں کے حوالے کیا جائے گا۔

معاہدے میں تمام یرغمالیوں کی رہائی کو یقینی بنایا جائے گا اور حماس کی قیادت کو جلاوطن کر دیا جائے گا۔

مزید برآں، غزہ سے نقل مکانی کے خواہشمند افراد کو دیگر ممالک میں آباد کرنے کی تجویز بھی شامل ہے۔

روس کے وزیر خارجہ سرگئی لاوروف نے کہا ہے کہ روس اپنے اتحادی ایران سے اقوام متحدہ کے جوہری نگران ادارے (آئی اے ای اے) کے ساتھ تعاون جاری رکھنے کی خواہش رکھتا ہے۔

یہ بیان ایران کی جانب سے آئی اے ای اے کے ساتھ تعاون معطل کرنے کے اعلان کے جواب میں سامنے آیا ہے۔

اس سے قبل رپورٹ کیا گیا تھا کہ ایران کی گارڈین کونسل نے قانون سازوں کی جانب سے منظور کردہ ایک بل کی توثیق کی ہے، جس کے تحت ایران نے بین الاقوامی جوہری توانائی ایجنسی کے ساتھ تعاون معطل کر دیا ہے۔

اس اعلان کے بعد آئی اے ای اے کے ڈائریکٹر رافیل گروسی نے کہا کہ ایران کو یکطرفہ طور پر اپنا تعاون معطل کرنے کا کوئی حق نہیں اور انہوں نے خبردار کیا کہ جوہری تنصیبات تک معائنہ کاروں کی رسائی روکنے سے "ایک نیا بحران" جنم لے سکتا ہے۔

اسرائیل کے ساتھ جنگ بندی کے بعد ایران کے سپریم لیڈر خامنہ ای نے عوام کیلئے جاری ویڈیو بیان میں کہا کہ ہماری مسلح افواج نے اسرائیل کے  دفاعی نظام کو توڑا اور کامیابی حاصل کی ، ہماری مسلح افواج نے  شہری و فوجی علاقوں کو نشانہ بنایا۔

تفصیلات کے مطابق آیت اللہ خامنہ ای کا کہناتھا کہ ایران کے خلاف مستقبل میں کسی بھی جارحیت کی بھاری قیمت چکانی پڑے گی، ہم اپنے خلاف کسی بھی حملے کا جواب امریکی اڈوں کو بار بار نشانہ بنا کر دیں گے، امریکی صدر نے حملے کے حجم کو بڑھا چڑھا کر پیش کیا، لیکن وہ حقیقت جانتے ہیں، میں عظیم ایرانی عوام کو امریکہ کے خلاف فتح پر مبارکباد پیش کرتا ہوں۔

ان کا کہناتھا کہ امریکی صدر کی ایران کو غیر مشروط ہتھیار ڈالنے کی دعوت اُس کی حیثیت سے بڑی بات ہے،  ہم کبھی ہتھیار نہیں ڈالیں گے، ہمارا وطن طاقتور ہے، ایرانی عوام نے ثابت کر دیا ضرورت پڑنے پر صرف اتحاد کی آواز سنی جائے گی۔ 

امریکی صدر ڈونلڈ ٹرمپ کا کہنا ہے کہ جنگ کے بعد ایران کو اپنی معیشت سنبھالنی ہوگی۔ ایران چین سمیت جسے چاہے تیل بیچ سکتا ہے۔

نیٹو سمٹ کے موقع پر صحافیوں سے گفتگو میں ڈونلڈ ٹرمپ نے کہا کہ ایران چین سمیت جسے چاہے تیل بیچ سکتا ہے، ہم نہیں روکیں گے۔ ایران کو پیسوں کی ضرورت ہے۔ تیل پر قبضہ نہیں کر رہے۔

امریکی صدر نے کہا کہ وہ تیل کے کاروبار میں ہیں، میرا مطلب ہے اگر میں چاہوں تو انہیں روک سکتا ہوں، میں خود چین کو تیل بیچ سکتا ہوں لیکن میں ایسا نہیں کرنا چاہتا۔

امریکی صدر ڈونلڈ ٹرمپ نے کہا ہے کہ ایران اور اسرائیل کے درمیان جنگ اب ختم ہو چکی ہے اور مستقبل میں دوبارہ جنگ کا امکان نہیں۔

 انہوں نے ایران کی مزاحمت کو بہادری قرار دیتے ہوئے کہاکہ دونوں فریق اب جنگ سے تھک چکے ہیں اور جنگ بندی پر مطمئن نظر آتے ہیں۔ اگلے ہفتے ایران سے بات ہوگا، اور معاہدہ بھی ہو سکتا ہے۔

صدر ٹرمپ نے اس بات کا بھی انکشاف کیا کہ اگلے ہفتے ایران سے مذاکرات متوقع ہیں اور ممکن ہے کہ کوئی معاہدہ طے پا جائے، تاہم انہوں نے واضح کیا کہ معاہدے پر دستخط ان کی ترجیح نہیں۔ انہوں نے جنگ لڑ لی، اب واپس اپنی دنیا میں جا رہے ہیں۔ میرے لیے معاہدہ ہو یا نہ ہو، کوئی فرق نہیں پڑتا۔

صدر ٹرمپ نے دعویٰ کیا کہ امریکا نے ایران کو جوہری ہتھیار بنانے سے روک دیا ہے اور دنیا پر واضح کردیا ہے کہ امریکا اب بھی اپنے دشمنوں کو روکنے کی مکمل صلاحیت رکھتا ہے۔

 اسرائیلی خفیہ ایجنسی موساد کے سربراہ ڈیوڈ بارنیا نے کہا ایران کے منصوبوں سے آنکھیں نہیں ہٹائیں گے، اسرائیل ایرانی منصوبوں کے بارے میں بہت کچھ جانتا ہے۔

موساد کےسربراہ ڈیوڈ بارنیا نے اپنے بیان میں کہا ہم وہاں رہیں گے،جیسا کہ وہاں تھے،موساد نے ایران میں ناقابل تصورکامیابیاں حاصل کیں،ایران میں ہم نے مہینوں اور سالوں تک کام کیا۔

مزید کہا صحیح وقت پرصحیح اقدامات کیلئےایران میں مہینوں اورسالوں کام کیا،ہم وقت کی قیمت کو سمجھتےہیں۔

امریکی نیشنل انٹیلی جنس کی ڈائریکٹر تلسی گیبارڈ کا کہنا ہے کہ نئی انٹیلی جنس رپورٹ سے ایرانی جوہری تنصیبات کی تباہی کی تصدیق ہوگئی۔

سوشل میڈیا پر جاری ایک بیان میں امریکی نیشنل انٹیلی جنس کی ڈائریکٹر تُلسی گیبارڈ نے بتایا کہ نئی رپورٹ امریکی صدر کی اس بات کی تصدیق کرتی ہے کہ ایرانی جوہری تنصیبات مکمل تباہ کر دی گئی ہیں۔

انہوں نے کہا کہ نطنز، فردو اور اصفہان کی تمام جوہری تنصیبات مکمل طور پر تباہ ہو چکی ہیں، ایران کو تینوں تنصیبات کی ازسر نو تعمیرکرنا ہوگی جس میں کئی سال لگ سکتے ہیں۔

تلسی گیبارڈ کا کہنا تھا کہ پروپیگنڈا میڈیا صدر ٹرمپ کی فیصلہ کن قیادت کو نقصان پہنچانے کی باقاعدہ مہم چلارہا ہے، میڈیا نے صدر ٹرمپ کے ایران پر حملوں کے اقدامات کو کمزور کرنے کی کوشش کی۔

امریکی انٹیلی جنس چیف نے بتایا کہ میڈیا نے لیک شدہ خفیہ رپورٹ کا جزوی استعمال کرکے حقیقت چھپائی، رپورٹ میں’لوکانفیڈنس‘کی نشاندہی کو نظر انداز کیا گیا۔ امریکی انٹیلی جنس قیادت کی جانب سے مضبوط مؤقف سامنے آیا۔

خیال رہے کہ تلسی گیبارڈ کا بیان خفیہ رپورٹ کے برعکس ہے جس میں تنصیبات کو محفوظ بتایا گیا تھا، پہلے رپورٹ جاری کی گئی کہ امریکی حملوں سے ایران کا جوہری پروگرام صرف چند ماہ پیچھے گیا۔

ایرانی وزارت صحت کے مطابق 12 روزہ جنگ کے دوران اسرائیلی حملوں کے نتیجے میں 627 افراد جاں بحق ہوئے۔

ایرانی وزارت صحت کے ترجمان حسین کرمانپور نے سماجی رابطے کے پلیٹ فارم ایکس پر اسرائیلی حملوں سے ہونے والے جانی نقصان کی تازہ تعداد شیئر کی ہے۔

هیچ قضاوتی نمی‌کنم، صحنه‌های دردناک ورود مجروحین کودک، مادر و غیرنظامی را توصیف نمی‌کنم و آن را می‌گذارم به قضاوت وجدان بشریت امروز! مقایسه آماری استان‌های حادثه دیده تا ۴ تیر ۱۴۰۴ چنین است:
مجموع مجروحین: ۴۸۷۰ نفر
شهدا: ۶۲۷ شهید گرانقدر
تهران بیشترین مجروح و شهید
کرمانشاه در…

— حسین کرمانپور Hossein.Kermanpour (@HKermanpour) June 25, 2025

حسین کرمانپور نے بتایا کہ اسرائیلی حملوں میں کم از کم 627 افراد جاں بحق اور 4,870 زخمی ہوئے ہیں۔

ترجمان کے مطابق تہران میں سب سے زیادہ شہری جاں بحق ہوئے جبکہ کرمان شاہ دوسرے نمبر پر رہا اور خوزستان، لورستان اور اصفہان میں بھی نمایاں نقصانات رپورٹ ہوئے ہیں۔

اپنے بیان میں حسین کرمانپور نے لکھا کہ "میں کوئی فیصلہ نہیں سنانا چاہتا، میں زخمی بچوں، ماؤں اور شہریوں کے دردناک مناظر کی تفصیل بیان نہیں کرتا اور اسے آج انسانی ضمیر کے فیصلے پر چھوڑتا ہوں۔"

انہوں نے مزید بتایا کہ اسرائیلی حملوں میں تقریباً 86.1 فیصد متاثرین موقع پر ہی جاں بحق ہوئے جبکہ 13.9 فیصد ہسپتالوں میں زخموں کی تاب نہ لاتے ہوئے دم توڑ گئے۔

امریکی صد ڈونلڈ ٹرمپ نے آئندہ ہفتے ایران سے مذاکرات کا عندیہ دیتے ہوئے ممکنہ جوہری معاہدے پر دستخط ہونے کا امکان ظاہر کر دیا۔

نیٹو کانفرنس کے موقع پر میڈیا سے گفتگو کرتے ہوئے امریکی صدر ڈونلڈ ٹرمپ نے کہا کہ نیٹو کانفرنس بہت شاندار رہی اور سب رہنماؤں سے ملاقات ہوئی۔

ایران ، اسرائیل سیزفائر

امریکی صدر نے کہا کہ ایران نے بہادری سے جنگ لڑی تاہم امریکی حملے نے جنگ ختم کی اور کامیاب سیزفائر کرایا ، مجھے نہیں لگتا ایران اور اسرائیل میں دوبارہ جنگ ہوگی جبکہ انہوں نے یہ دعویٰ کیا کہ ایران کی فردو ایٹمی پلانٹ کو ملیامیٹ کردیا ہے۔

امریکی طاقت کا ایک ناقابلِ یقین ایکشن

امریکی صدر نے کہا کہ امریکا نے ایران کی جوہری افزودگی کی تنصیبات پر ایک بہت بڑا اور انتہائی درست حملہ کامیابی سے کیا اور یہ حملہ انتہائی کامیاب رہا جبکہ یہ امریکی طاقت کا ایک ناقابلِ یقین ایکشن تھا، ہم نے پیر کی شب ایک تاریخی جنگ بندی معاہدے کے لیے راہ ہموار کی اور ہمیں لگتا ہے کہ معاملہ ختم ہو گیا ہے۔

ٹرمپ نے کہا کہ میرے خیال میں وہ دوبارہ ایک دوسرے پر حملہ نہیں کریں گے، میں نے شروع سے کہا تھا ایران جوہری ہتھیار حاصل نہیں کر سکتا اور ایرانی  وزارت خارجہ نے تصدیق کی ہے کہ امریکا کے حملے سے ان کی جوہری تنصیبات کو شدید نقصان پہنچا ہے۔

ایران کو کئی سال پیچھے دھکیل دیا گیا

انہوں نے کہا کہ ہماری تحقیق کے مطابق ان حملوں نے ایران کی جوہری ہتھیار تیار کرنے کی صلاحیت کو کئی سال پیچھے دھکیل دیا گیا ہے جبکہ نیویارک ٹائمز نے ایک خبر دی کہ شاید حملہ ہوا لیکن نقصان زیادہ نہیں ہوا حالانکہ حقیقت یہ ہے کہ نقصان اتنا شدید تھا کہ نیویارک ٹائمز جیسے جھوٹی خبریں دینے والے ادارے کو بھی گمراہ کن رپورٹ دینی پڑی۔

ان کا کہنا تھا کہ میں نیویارک ٹائمز کو "ناکام اخبار کہتا ہوں اور سی این این اورایم ایس این بی سی جیسے اداروں کو جعلی کہتا ہوں کیونکہ یہ سب لوگ خوفناک ہیں اور ان کی کوئی ساکھ نہیں رہی۔

دونوں تھک چکے ہیں

ٹرمپ نے ایران ، اسرائیل بارے کہا کہ میں دونوں فریقوں کو جانتا ہوں ، وہ دونوں تھک چکے ہیں، انہوں نے سخت شدید اور پرتشدد انداز میں جنگ لڑی لیکن اب دونوں مطمئن ہیں کہ وہ واپس گھر جا سکتے ہیں۔

صحافی کی سرزنش

ایک صحافی کی جانب سے امریکی انٹیلی جنس کے ابتدائی جائزے کا حوالہ دینے پر، جس میں کہا گیا تھا کہ حملوں سے ایران کے جوہری پروگرام کو صرف چند ہفتوں کے لیے پیچھے دھکیلا گیا ہے، ٹرمپ نے صحافی کی سرزنش کی۔

ٹرمپ نے کہا کہ انہوں نے حملہ کرنے والے پائلٹس سے بات کی جنہوں نے بتایا کہ حملے " پرفیکٹ " تھے۔

ٹرمپ نے صحافی سے کہا "آپ کو ان پائلٹس پر فخر ہونا چاہیے اور آپ کو ان کی توہین کرنے کی کوشش نہیں کرنی چاہیے۔"

امریکہ اور ایران کے حکام کی ملاقات

انہوں  نے کہا کہ اگلے ہفتے امریکہ اور ایران کے حکام کے درمیان بات چیت ہوگی جو اسرائیل اور تہران کے درمیان جنگ کے باعث تعطل کا شکار ہوئی تھی۔

ٹرمپ نے کہا ’’ میں آپ کو بتاتا ہوں، ہم اگلے ہفتے ایران کے ساتھ بات کریں گے، ہو سکتا ہے ہم کوئی معاہدہ کریں، لیکن میں نہیں مانتا کہ جوہری معاہدہ ضروری ہے۔‘‘

تنازع دوبارہ شروع ہونے کا امکان

امریکی صدر نے کہا کہ اسرائیل اور ایران دونوں تھک چکے ہیں، لیکن ان کے درمیان تنازع دوبارہ شروع ہونے کا امکان موجود ہے۔

ٹرمپ نے کہا "میں نے دونوں سے بات کی اور وہ دونوں تھک چکے ہیں، اور کیا یہ دوبارہ شروع ہو سکتا ہے؟، میرا خیال ہے کہ کسی دن یہ ہو سکتا ہے، شاید یہ جلد ہی شروع ہو جائے۔"

ایران جوہری سرگرمیاں دوبارہ شروع نہ کرے

انہوں نے کہا کہ ایران کو بڑا فائدہ حاصل ہوا ہے لیکن میں نہیں سمجھتا وہ دوبارہ جوہری معاملے میں شامل ہوگا، حملوں کے بعد حاصل کی گئی خفیہ معلومات سے ظاہر ہوتا ہے کہ جوہری مقام مکمل طور پر تباہ ہو چکا ہے جبکہ قطر پر داغے تمام 14 ایرانی میزائل مار گرائے تھے۔

ان کا کہنا تھا کہ ایران سے کہتا ہوں وہ اپنی جوہری سرگرمیاں دوبارہ شروع نہ کرے۔

ایران نے امریکی اور اسرائیلی حملوں کے نتیجے میں اپنی ایٹمی تنصیبات کو "شدید نقصان" پہنچنے کی تصدیق کردی۔

عرب خبر رساں ادارے ’ الجزیرہ ‘ سے گفتگو کرتے ہوئے ایرانی وزارت خارجہ کے ترجمان اسماعیل بقائی نے اس بات کی تصدیق کی کہ امریکی اور اسرائیلی حملوں سے ایران کی ایٹمی تنصیبات کو شدید نقصان پہنچا ہے۔

ترجمان ایرانی وزارت خارجہ نے کہا کہ ایران پرامن جوہری توانائی کے حصول کے اپنے حق پر قائم رہے گا۔

اسماعیل بقائی نے کہا ایران کا پرامن جوہری توانائی کا حق غیر متزلزل ہے اور این پی ٹی (نیوکلیئر نان پرولیفریشن ٹریٹی) کے تحت ایران کو پرامن مقاصد کے لیے جوہری توانائی استعمال کرنے کا مکمل حق حاصل ہے۔

ایٹمی تنصیبات کو پہنچنے والے نقصان اور افزودہ یورینیم کے ذخائر کی صورتحال کے بارے میں پوچھے گئے سوال پر بقائی نے کہا کہ یہ "ثانوی مسائل" ہیں۔

انہوں نے عالمی برادری سے مطالبہ کیا کہ وہ امریکہ کے حملوں کی مذمت کرے، جنہیں انہوں نے بین الاقوامی قانون، سفارت کاری اور اخلاقیات کے لیے "نقصان دہ دھچکا" قرار دیا۔

آئی اے ای اے کے ساتھ تعاون پر نظرثانی

بقائی نے بتایا کہ ایرانی پارلیمنٹ نے اقوام متحدہ کے جوہری نگران ادارے (آئی اے ای اے) کے ساتھ تعاون کو معطل کرنے کی منظوری دی ہے، تاہم اسے مکمل طور پر ختم نہیں کیا گیا۔

انہوں نے سوال اٹھایا کہ "کیا یہ فطری نہیں کہ ایک ایسی قوم کے نمائندے جو ایک سنگین جارحیت کا شکار ہوئی ہے، آئی اے ای اے کے ساتھ اپنے تعلقات پر نظرثانی کریں؟"۔

انہوں نے کہا کہ یہ قانون ایران کے مستقبل کے تعاون کے لیے شرائط طے کرتا ہے، جن میں ایرانی سائنسدانوں اور ایٹمی تنصیبات کی سلامتی کی ضمانت اور این پی ٹی کے تحت ایران کے حقوق کا احترام شامل ہے۔

جوہری تنصیبات کو "شدید نقصان"

بقائی نے تصدیق کی کہ امریکی اور اسرائیلی حملوں سے ایران کی ایٹمی تنصیبات کو "شدید نقصان" پہنچا ہے۔

انہوں نے کہا "یہ بات یقینی ہے کیونکہ ہماری تنصیبات پر بار بار حملے کیے گئے ہیں۔"

تاہم انہوں نے اسے "تکنیکی معاملہ" قرار دیتے ہوئے مزید تفصیلات دینے سے گریز کیا اور کہا کہ ایران کی ایٹمی توانائی تنظیم اسے حل کر رہی ہے۔

امریکہ پر اعتماد ختم

بقائی نے امریکی صدر ٹرمپ کے اس بیان کہ امریکہ مستقبل میں ایران کے ساتھ "کسی قسم کا رشتہ" قائم کر سکتا ہے، کو مسترد کرتے ہوئے کہا کہ امریکہ کی "متضاد باتوں" اور اسرائیل کو حملوں کی اجازت دینے سے کوئی اعتماد باقی نہیں رہا۔

انہوں نے کہا کہ "امریکہ نے سفارت کاری کو تباہ کر دیا ہے۔"

تاہم، انہوں نے کہا کہ ایران سمجھتا ہے کہ "سفارت کاری کبھی ختم نہیں ہوتی" اور وہ قومی سلامتی کو ترجیح دیتے ہوئے امریکہ کی سنجیدگی کا جائزہ لینے کے بعد ہی دوبارہ رابطہ کرے گا۔

جنگ سے "بہت نقصان" ہوا لیکن ایران "مضبوط" ہے

بقائی نے بتایا کہ قطر کے ذریعے امریکی رابطے کے بعد ایران نے اسرائیل کے ساتھ جنگ بندی قبول کی۔

انہوں نے کہا کہ ایرانی عوام نے جنگ میں "بہت نقصان" اٹھایا لیکن وہ امریکی اور اسرائیلی حملوں کے خلاف ڈٹ کر مقابلہ کرتے رہے۔

انہوں نے کہا "ہمارے عوام کو اسرائیل کی جارحیت سے شہید کیا گیا، یہ جنگی جرائم اور انسانیت کے خلاف جرائم ہیں اور اسرائیل کو اس کا جواب دینا ہوگا۔"

انہوں نے مزید کہا کہ ایرانی عوام نے اپنی قومی سلامتی اور خودمختاری کے دفاع میں اپنی استقامت ثابت کی۔

امریکی وزیردفاع پیٹ ہیگسیتھ نے فردو پلانٹ پر چھ بم گرائے، وہ مکمل طو رپر تباہ ہوگیا، حقیقی رپورٹ یہی ہے،اس کے برعکس جو بھی رپورٹ ہوگی وہ افواہوں پرمبنی ہوگی۔ 

امریکی وزیردفاع پیٹ ہیگسیتھ نےسی این این کی رپورٹ پر ردعمل دیتے ہوئےکہا پینٹاگون کی رپورٹ لیک ہونے کی تحقیقات کر رہے ہیں،سی این این اورنیویارک ٹائمز نے ایک ادارہ جاتی رپورٹ کو بڑھا چڑھا کر پیش کیا، نیویارک ٹائمز زوال پزیر ہےاس لیے میں اس کو فیلنگ نیویارک ٹائمز کہتا ہوں

پیٹ ہیگسیتھ  نےمزیدکہا اس میں اعتماد کی کمی نظر آتی ہےجائزہ رپورٹ ابتدائی اطلاعات کی بنیاد پر بنتی ہے ہم سمجھتے ہیں کہ وہاں بڑے پیمانے پر تباہی ہوئی ہے،رپورٹ کے پیچھے کچھ سیاسی مقاصد بھی ہیں، تاکہ صدر ٹرمپ کی شاندار کامیابیوں کو کم دکھا سکیں،ہمیں شاندار کامیابی ملی ہے۔

آئی اے ای اے کے سربراہ رافیل گروسی کا کہنا ہے کہ اطلاع ملی ہے کہ ایران نے افزودہ یورینیم کے ذخائر کو محفوظ کرلیا، ایران کے پاس تکنیکی مہارت اور صنعتی صلاحیت موجود ہے، مسئلے کے سفارتی حل کا موقع ہے اسے ضائع نہیں کرنا چاہئے۔

اسرائیل کی جانب سے ایران پر 13 جون کو شروع کی گئی جارحیت کے بعد امریکا اور اسرائیل نے ایران کی ایٹمی تنصیبات پر خوفناک حملے کیے، جس میں فردو، اصفہان اور نطنز ایٹمی پلانٹس کو  نشانہ بنایا گیا۔ امریکا نے دعویٰ کیا تھا کہ ایران کی ایٹمی صلاحیت تباہ کردی، اب وہ دوبارہ یہ صلاحیت حاصل نہیں کرسکے گا۔

امریکی ٹی وی سی این این کا کہنا ہے کہ پینٹاگون کی ڈیفنس انٹیلی جنس کی رپورٹ میں بتایا گیا ہے کہ امریکی بمباری سے ایرانی ایٹمی پروگرام کا بنیادی ڈھانچہ تباہ نہیں ہوا۔ سی این این کی نیشنل سیکیورٹی کارسپانڈنٹ نتاشہ کے مطابق وائٹ ہاؤس کی پریس سیکریٹری کیرولین لیویٹ نے رپورٹ کی موجودگی کو تسلیم کیا لیکن یہ بھی کہا کہ ٹرمپ انتظامیہ اس رپورٹ سے متفق نہیں ہے۔

اب عالمی ایٹمی توانائی ایجنسی کے سربراہ رافیل گروسی نے بھی اپنی گفتگو میں کہا ہے کہ یہ اطلاع ملی ہے کہ ایران نے افزودہ یورینیم کے ذخائر کو محفوظ کرلیا ہے، میری خواہش ہے کہ ایران سے دوبارہ رابطہ بحال ہو۔

ان کا کہنا ہے کہ ایرانی ایٹمی تنصیبات کی انسپیکشن کا نظام متاثر ہوا ہے، ایران کے پاس تکنیکی مہارت اور صنعتی صلاحیت موجود ہے۔

رافیل روسی نے زور دیا کہ ایران کے مسئلے کا سفارتی حل کا موقع ہے، یہ ضائع نہیں کرنا چاہیے، جنگ کے دوران سخت الفاظ اپنی جگہ، سفارت کاری کیلئے کام کررہے ہیں۔

امریکی صدرڈونلڈ ٹرمپ نےاپنےبیان میں کہا ایران تیل سے ہی اپنی ضروریات پوری کرے،عسکری مقاصد کیلئے یورینیم افزودہ کرنے نہیں  دیں گے۔

دی ہیگ میں نیٹو اجلاس کےدوران امریکی صدرڈونلڈ ٹرمپ نےسمٹ میں گفتگو کرتےہوئےکہا  ایران اسرائیل جنگ بندی سب کے لیے ایک بڑی فتح ہے،سیزفائر پرمکمل عمل درآمدہورہاہےاسرائیل جنگ سے پیچھےہٹاہےجوکہ خوش آئندہے،جنگ بندی بہت اچھے طریقے سے جاری ہے،مجھے اسرائیل پر فخر ہے، انہوں نے اپنے طیارے واپس بلا لیے ہیں۔

پچھلےچند دن اسرائیل کیلئے بہت سخت تھے،ایرانی میزائلوں سے اسرائیل میں کئی عمارتیں تباہ ہوئیں، جنگ بندی ایران کیلئے بھی فتح ہے،ان کا ملک بچ گیا ہے،امریکی بمباری سے ہی جنگ ختم ہوئی،انھیں پتہ تھا کہ ہم حملہ کرنے والے ہیں،میرا خیال ہےحملے کے وقت وہاں زیادہ لوگ نہیں تھے،۔

صدر ٹرمپ نےکہا غزہ کے معاملے پر بھی بڑی پیشرفت ہوئی ہے،اسٹیو وٹکوف نےمجھے بتایا کہ غزہ کا مسئلہ حل ہونے کے بہت قریب ہے۔

امریکی وزیردفاع پیٹ ہیگسیتھ نےکہاایران پر حملوں سےمتعلق حالیہ رپورٹ محض ابتدائی جائزہ تھی، ہم سمجھتے ہیں کہ اصل میں نقصان اس سے کہیں زیادہ شدید تھا،رپورٹ افشا ہونے کے معاملے پر ایف بی آئی کے ساتھ مل کر تحقیقات شروع کر دی ہے۔

 امریکی وزیر خارجہ نے کہا ایران کی کنورژن فیسلٹی کو نقشے سے ہی مٹا دیا ہے۔

ایرانی فوج کے ایک اور اہم کمانڈر کی شہادت کی خبریں جھوٹی نکلیں، قدس فورس کے کمانڈر بریگیڈیر جنرل اسماعیل قاآنی کی تہران میں اسرائیل کیخلاف فتح کے جشن میں شرکت کی ویڈیوز سامنے آگئیں۔

ایران کے ایک اور اہم کمانڈر شہادت کی خبروں کے بعد منظر عام پر آگئے، اسرائیل نے قدس فورس کے کمانڈر بریگیڈیئر جنرل اسماعیل قاآنی کی شہادت کا دعویٰ کیا تھا جو جھوٹا نکلا۔

بریگیڈیئر جنرل اسماعیل قاآنی اسرائیل کیخلاف ایران ی فتح کے موقع پر تہران میں جشن میں شریک ہوئے۔ ایرانی میڈیا پر جاری فوٹیج میں اسماعیل قاآنی لوگوں سے ملتے جلتے نظر آئے۔

نیویارک ٹائمز نے اسرائیلی فضائی حملوں میں قدس فورس کے سربراہ کی شہادت کا دعویٰ کیا تھا، اس سے پہلے ایرانی سپریم لیڈر کے مشیر شمخانی کی شہادت کی خبر بھی جھوٹ ثابت ہوئی تھی۔

اسرائیل کی جانب سے ایران پر 13 جون کو شروع کیے گئے جارحانہ حملوں میں 10 سے زائد ایٹمی سائنسدان، متعدد فوجی کمانڈروں سمیت سیکڑوں افراد شہید اور ہزاروں زخمی ہوئے، ایران کی کئی اسرائیلی شہروں میں کارروائی کے دوران 20 سے زائد صہیونی ہلاک اور سیکڑوں زخمی ہوئے۔

امریکا کی مداخلت کے بعد ایران اور اسرائیل نے جنگ بندی پر آمادگی ظاہر کی، جس کا اطلاع گزشتہ روز سے ہوا تھا۔

ایرانی پارلیمنٹ نے بین الاقوامی ایٹمی توانائی ایجنسی (آئی اے ای اے)  سے عدم تعاون کا بل منظور کرلیا۔

بل کی منظوری کے بعد ایران آئی اے ای اے کے معائنہ کاروں کی رسائی محدود کرسکتا ہے، جو کئی برس سے ایرانی ایٹمی تنصیبات کی نگرانی کر رہی تھی۔

قبل ازیں ایرانی سرکاری میڈیا نے پارلیمنٹ کے اسپیکر محمد باقر قالیباف کے حوالے سے لکھا تھا کہ ہم پارلیمان میں ایک ایسے قانون کی منظوری کے لیے کوشاں ہیں جس کے ذریعے ایران اور بین الاقوامی جوہری توانائی ایجنسی کے درمیان تعاون اس وقت تک معطل رہے جب تک ہمیں اس عالمی ادارے کی جانب سے پیشہ ورانہ رویے کی عملی ضمانت نہ مل جائے۔

ایرانی پارلیمنٹ کی خارجہ پالیسی کمیٹی کے سربراہ عباس گلرو نے کہا کہ تہران کو جوہری ہتھیاروں کے عدم پھیلاؤ کے معاہدے سے دست برداری کا قانونی حق حاصل ہے، جیسا کہ اس معاہدے کی دسویں شق میں درج ہے۔ یہ بیان تین ایرانی جوہری تنصیبات پر امریکی حملوں کے بعد سامنے آیا تھا۔

دوسری جانب ایرانی وزیرخارجہ عباس عراقچی کا کہنا ہے کہ ایران جوہری ٹیکنالوجی سے دستبردار نہیں ہوگا، جوہری ٹیکنالوجی کے حصول کیلئے ہم نے بہت محنت کی۔

ایرانی وزیرخارجہ کا کہنا ہے کہ جوہری ہتھیاروں کے نام پر ہم پر جنگ مسلط کی گئی۔ ہمارے سائنسدانوں نے جوہری ٹیکنالوجی کیلئے بہت قربانیاں دیں۔ ایران جوہری پروگرام رکھنے کیلئے مزید پرعزم ہوگیا۔ جوہری ٹیکنالوجی کے حصول کیلئے ہم نے بہت محنت کی ہے۔ ہمارے عوام نے بھی کئی مشکلات کا سامنا کیا۔

ایران میں اسرائیلی جاسوسوں کیخلاف کریک ڈاؤن میں اب تک 700  سے زائد کو گرفتار کر لیا گیا ہے۔

ایرانی میڈیا رپورٹس کے مطابق ایرانی حکام نے موساد کے ایک اور ایجنٹ کو پھانسی دے دی،ایک ہفتے کے دوران 3 اسرائیلی جاسوسوں کو لٹکایا گیا۔

دوسری جانب ایرانی وزیرخارجہ عباس عراقچی کا کہنا ہے کہ ایران جوہری ٹیکنالوجی سے دستبردار نہیں ہوگا،جوہری ٹیکنالوجی کے حصول کیلئے ہم نے بہت محنت کی۔جوہری ہتھیاروں کے نام پر ہم پر جنگ مسلط کی گئی۔ ہمارے سائنسدانوں نے جوہری ٹیکنالوجی کیلئے بہت قربانیاں دیں۔

ایرانی وزیرخارجہ عباس عراقچی کا کہنا ہے کہ ایران جوہری ٹیکنالوجی سے دستبردار نہیں ہوگا، جوہری ٹیکنالوجی کے حصول کیلئے ہم نے بہت محنت کی۔

ایرانی وزیرخارجہ کا کہنا ہے کہ جوہری ہتھیاروں کے نام پر ہم پر جنگ مسلط کی گئی۔ ہمارے سائنسدانوں نے جوہری ٹیکنالوجی کیلئے بہت قربانیاں دیں۔ ایران جوہری پروگرام رکھنے کیلئے مزید پرعزم ہوگیا۔ جوہری ٹیکنالوجی کے حصول کیلئے ہم نے بہت محنت کی ہے۔ ہمارے عوام نے بھی کئی مشکلات کا سامنا کیا۔

دوسری جانب اسرائیلی وزیراعظم نیتن کا کہنا ہے کہ  ایران نے جوہری منصوبہ بحال کرنے کی کوشش کی تو ہم  پھر جواب دیں گے۔ کہا فردو میں زیرزمین افزودگی کی جگہ کو تباہ کر دیا گیا۔ ہم نے ایران کے خلاف فتح حاصل کی ہے۔ اسرائیل کو صدر ٹرمپ سے بہتر دوست کبھی نہیں ملا۔ ایران کے خلاف جنگ ​​میں امریکا کا شامل ہونا ایک تاریخی واقعہ ہے۔

امریکی میڈیا کے مطابق ابتدائی امریکی انٹیلی جنس اندازے کے مطابق ایران پر امریکی حملوں میں جوہری تنصیبات تباہ نہیں ہوئیں، امریکی حملوں سے ایرانی جوہری پروگرام صرف کچھ مہینوں کے لیے پیچھے ہوگیا ہے۔

امریکی نشریاتی ادارے نے ایرانی جوہری تنصیبات پر حملوں سے متعلق رپورٹ جاری کردی۔ رپورٹ کے مطابق امریکی انٹیلی جنس کی ابتدائی معلومات ہیں کہ ایرانی جوہری تنصیبات تباہ نہیں ہوئیں۔ ایرانی جوہری پروگرام کا بنیاد ڈھانچہ اب بھی موجود ہے۔ امکان ہے یہ پروگرام صرف چند مہینوں کے لیے رکا ہے۔

امریکا نے اصفہان پلانٹ پر ٹوماہاک میزائل استعمال کئے۔ اصفہان پلانٹ کی نچلی سطح فردو پلانٹ سے زیادہ مضبوط ہے۔ اصفہان پلانٹ کی نچلی سطح کسی بھی بم سے متاثر نہیں ہوسکتی۔ امریکی حکام کا ماننا ہے ایران کے پاس خفیہ جوہری تنصیبات موجود ہیں۔ حملوں میں خفیہ جوہری تنصیبات ہدف نہیں بنیں وہ اب بھی فعال ہیں۔

یہ رپورٹ امریکی حملوں کے بعد سینٹرل کمان کی طرف سے کیے گئے جنگی نقصان کے تخمینے پر مبنی ہے۔ امریکی میڈیا کے مطابق ایران پر امریکی حملوں کے نتیجے میں مقامات کو پہنچنے والے نقصان اور ایران کے جوہری عزائم پر ان حملوں کے اثرات کا تجزیہ ابھی جاری ہے اور جیسے جیسے مزید انٹیلی جنس دستیاب ہوگی، نتائج میں تبدیلی ممکن ہے۔

دوسری جانب امریکی وزیردفاع نے ایران سے متعلق امریکی میڈیا کی رپورٹ مستردکرتے ہوئے کہا کہ ایران کا ایٹمی پروگرام مکمل تباہ کیا ہے، بمباری کو تباہ کن نہ کہنے والے صدر ٹرمپ کی کامیابی کے خلاف ہیں۔

اس سے قبل عالمی تجزیہ کاروں نے کہا تھا کہ امریکا کے ایرانی ایٹمی تنصیبات پر حملوں کے باوجود بھی ایران کی ایٹم بم بنانے کی صلاحیت ختم نہیں ہوئی ہے۔

قبل ازیں امریکی صدر ڈونلڈ ٹرمپ نے ایران کی جوہری تنصیبات پر حملے کے بعد امریکی میڈیا پر چلنے والی خبروں کو فیک نیور قرار دیتے ہوئے میڈیا اداروں کو تنقید کا نشانہ بنایا تھا۔

صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر بیان جاری کرتے ہوئے کہا کہ ایران میں جن مقامات پر ہم نے حملہ کیا، وہ مکمل طور پر تباہ ہو گئے اور سب کو اس کا علم ہے۔

امریکی صدر ڈونلڈ ٹرمپ کا ایوان میں مواخذہ کرنے کی کوشش ناکام ہوگئی۔

کانگریس کی منظوری کے بغیر ایران جنگ میں امریکا کو دھکیلنے پر صدر ڈونلڈ ٹرمپ کا ایوان میں مواخذہ کرنے کی کوشش ناکام بنادی گئی۔

صدرٹرمپ کے مواخذے کی تحریک ڈیموکریٹ رکن کانگریس آل گرین نے پیش کی تھی جس میں دعویٰ کیا گیا تھا کہ ڈونلڈ ٹرمپ نے ایران پر حملے کیلئے صدارتی اختیارات کا غلط استعمال کیا۔

قرارداد پر ڈیموکریٹس بھی منقسم نظر آئے۔ کئی ڈیموکریٹک اراکین نے ٹرمپ کو تنقید کا نشانہ تو بنایا مگر زیادہ تر نے مواخذے کی حمایت سے گریز کیا۔ نتیجہ یہ نکلا کہ مواخذے کی تحریک سے متعلق قرارداد 79 کے مقابلے میں 344 ووٹ سے مسترد کردی گئی۔

صدر ٹرمپ کے کانگریس سے خطاب کے موقع پربھی آل گرین نے غیرمعمولی احتجاج کیا تھا اور اپنی چھڑی لہرا کر کہا تھا کہ ٹرمپ کے پاس اس خطاب کا مینڈیٹ نہیں—فوٹو: فائل

صدر ٹرمپ کے کانگریس سے خطاب کے موقع پربھی آل گرین نے غیرمعمولی احتجاج کیا تھا اور اپنی چھڑی لہرا کر کہا تھا کہ ٹرمپ کے پاس اس خطاب کا مینڈیٹ نہیں جس پر سارجنٹ ایٹ آرمز کو بلا کر 78 برس کے آل گرین کو ایوان سے باہر نکال دیا گیا تھا۔یہ کانگریس میں اپنی نوعیت کا تاریخی واقعہ تھا۔

واضح رہے کہ صدر ٹرمپ کا پہلے دور حکومت میں بھی دو بار مواخذہ کرنے کی کوشش کی گئی تھی۔ پہلی بار صدر ٹرمپ کا مواخذہ سن 2019 میں کرنے کی کوشش کی گئی تھی جب انہوں نے یوکرین کیلئے فنڈزروکے تھے۔

دوسری بار صدرٹرمپ کے خلاف کارروائی کی کوشش سن 2021 میں کی گئی تھی جس میں دعویٰ کیا گیا تھا کہ صدر نے کیپٹل ہل پر حملے کیلئے لوگوں کو بغاوت پر اکسایا تھا تاکہ صدر جو بائیڈن کی فتح کو روکا جائے۔ تاہم سینیٹ نے صدرٹرمپ کا مواخذہ کرنےکی ایوان کی دونوں کوششوں کو ناکام بنادیا تھا۔

امریکی صدر ڈونلڈ ٹرمپ نے کہا کہ اسرائیل اور ایران دونوں نے اس جنگ بندی کی خلاف ورزی کی جس کا اعلان انہوں نے گھنٹے پہلے کیا تھا اور وہ کسی بھی ملک سے خوش نہیں ہیں، خاص طور پر اسرائیل سےناراض ہیں۔

ہیگ میں نیٹو سربراہی اجلاس کے لیے روانہ ہونے سے قبل صحافیوں سے بات کرتے ہوئےامریکی صدر ڈونلڈ ٹرمپ نے کہا کہ اسرائیل نے معاہدے پر رضامندی کے فوراً بعد ان لوڈ کر دیا۔ ایران کی جوہری صلاحیت ختم ہو چکی ہے۔

انہوں نے صحافیوں کو بتایا کہ مجھے یہ حقیقت پسند نہیں آئی کہ اسرائیل نے معاہدہ کرنے کے فوراً بعد فورسز کو اتارا۔ انہیں فورسز  اتارنے کی ضرورت نہیں تھی اور مجھے یہ حقیقت پسند نہیں آئی کہ جوابی کارروائی بہت سخت تھی۔

تمام منصفانہ طور پراسرائیل نے بہت کچھ کیا، اور میں نے سنا ہے کہ اسرائیل صرف اس لیےجنگ بندی سے باہر ہواکیونکہ انہیں لگا کہ اس کی خلاف ورزی ایک ایرانی میزائل  سے ہوئی ہے جو کہیں نہیں گرا تھا۔ ہم ایسا نہیں چاہتے۔

صدر ٹرمپ نے کہا کہ اسرائیل نے معاہدے پر پہنچنے کے تقریباً فوراً بعدایران پر   حملے شروع کر دیے۔

امریکی صدر کا کہنا تھا کہ جیسے ہی ہم نے معاہدہ کیا، وہ فورسز لیکر آئے اور انہوں نے ایسے بم گرائے، جو میں نے پہلے کبھی نہیں دیکھے تھے۔ سب سے بڑا بوجھ جو ہم نے دیکھا ہے۔ میں اسرائیل سے خوش نہیں ہوں  اورایران سے بھی خوش نہیں ہوں۔

انہوں نے کہا کہ دونوں فریق اتنی دیر تک اور اتنی سخت لڑائی کر رہے تھے کہ وہ نہیں جانتے کہ وہ کیا کر رہے ہیں۔

ٹرمپ نے کہا کہ اسرائیل کو پرسکون ہونا پڑے گا اسرائیل اور ایران دونوں نے جنگ بندی کی خلاف ورزی کی جس کی انہوں نےثاکثی کرنے کی کوشش کی۔ مجھے اسرائیل کو اب پرسکون کرنے کے لیے کہنا ہے۔

امریکی صدر کا کہنا تھا کہ ہمارے پاس بنیادی طور پر دو ممالک ہیں جو اتنے طویل اور اتنے سخت لڑ رہے ہیں کہ وہ نہیں جانتے کہ وہ کیا کر رہے ہیں۔

انہوں نے ہیگ میں نیٹو سربراہی اجلاس کے لیے وائٹ ہاؤس سے روانہ ہونے کے فوراً بعد اسرائیل کو خبردار کیا کہ وہ ایران پر مزید بم نہ گرائے ورنہ یہ جنگ بندی کی خلاف ورزی ہوگی جو وہ دونوں ممالک کے درمیان ثالثی کی کوشش کر رہا ہے۔

صحافی نے سوال کیا کہ کیا وہ ایران میں حکومت کی تبدیلی چاہتے ہیں ٹرمپ نے کہا کہ میں میں یہ نہیں چاہتا۔ میں جلد سے جلد ہر چیز کو پرسکون دیکھنا چاہتا ہوں حکومت کی تبدیلی سے افراتفری ہوتی ہے اور مثالی طور پر ہم اتنا انتشار نہیں دیکھنا چاہتے۔ تو ہم دیکھیں گے کہ یہ کیسے ہوتا ہے۔

اسرائیلی وزیراعظم بنجمن نیتن یاہو کے دفتر نے تہران میں اسرائیل کے تازہ فوجی آپریشن کے حوالے سے ایک بیان جاری کیا ہے جس میں تہران کے قریب نئے حملے کی تصدیق کی گئی ہے۔

بیان کے مطابق ’اسرائیلی فوج نے ایران کے پہلے میزائل حملوں جنہیں اسرائیل نے جنگ بندی کی "خلاف ورزی" قرار دیا کے جواب میں "تہران کے قریب ایک ریڈار تنصیب کو تباہ کر دیا ہے"۔

تاہم، امریکی صدر ڈونلڈ ٹرمپ کے ساتھ گفتگو کے بعد نیتن یاہو نے "مزید حملوں سے گریز" کرنے کا فیصلہ کیا۔

بیان میں کہا گیا کہ "صدر ٹرمپ نے گفتگو کے دوران کہا کہ اسرائیل نے جنگ کے تمام مقاصد حاصل کر لیے ہیں جبکہ انہوں نے جنگ بندی کی استحکام پر بھی اعتماد کا اظہار کیا۔"

دوسری جانب ایرانی میڈیا کی جانب سے بتایا گیا کہ ایرانی دارالحکومت تہران میں 2 دھماکے سنے گئے۔

میڈیا کے مطابق اسرائیل نے ایران کے شمالی شہر بابلسر پر بھی حملہ کیا۔

ترکیہ کی جانب سے ایران اور اسرائیل کے درمیان جنگ بندی کا خیرمقدم کیا گیا ہے۔

وزارت خارجہ ترکیہ کی جانب سے جاری کردہ بیان کے مطابق ہمیں خوشی ہے کہ اسرائیل اور ایران نے جنگ بندی پر اتفاق کرلیا ہے۔

بیان میں کہا گیا کہ ایران اور اسرائیل  امریکی اعلان کردہ جنگ بندی کا احترام کریں۔

بیان میں مزید کہا گیا کہ دونوں ملک مذاکرات اور سفارتی راستہ کھلا رکھیں۔

ایران اسرائیل جنگ بندی کی خلاف ورزی پر امریکی صدر ڈونلڈ ٹرمپ کا ردعمل آگیا۔

امریکی صدرڈونلڈ ٹرمپ نے اپنےبیان میں کہا ایران اوراسرائیل کی جانب سے جنگ بندی کی خلاف ورزی کی گئی، اسرائیل جنگ بندی پر راضی ہونے کے بعد پیچھے ہٹا،اسرائیل سےکہتا ہوں اب رک جاؤ،مجھے لگتا ہے کہ جنگ بندی کی خلاف ورزی کی جان بوجھ کر نہیں کی گئی۔

مزید کہا ایرانی ایٹمی تنصیبات کو تباہ کردیا ہےاب ایران اپنے ایٹمی پروگرام کو دوبارہ شروع نہیں کر سکے گا۔

امریکی مداخلت سے 12 روزہ خونریز جنگ اختتام کو پہنچ گئی،اسرائیلی حملوں سے 974 ایرانی شہید اور 3 ہزار 458 زخمی ہوئے،ایرانی حملوں میں 30 اسرائیلی ہلاک اور 600 سے زائد زخمی ہوگئے۔

اسرائیل نےمشرق وسطیٰ میں 13 جون کو تباہ کن جنگ کی ابتدا کرتے ہوئے ایران پر حملہ کیا، 200 اسرائیلی طیاروں نے تہران اوردیگر شہروں میں100 ایرانی اہداف پر بمباری کی،پہلے روز ہی ایرانی آرمی چیف اور پاسداران انقلاب کے سربراہ سمیت سات اہم ایرانی فوجی کمانڈرز اور چھ ایٹمی سائنسدان شہید ہوگئے۔

ایران نے وعدہ صادق سوم کے نام سے جوابی آپریشن کا آغاز کردیا،14 اور 15 جون کو دونوں ملکوں میں تباہ کن حملوں کا تبادلہ ہوا،ایران کےمیزائل تل ابیب،باتیام،اور حیفا پر وقفے وقفے سے برستے رہے،اسرائیلی طیاروں نے تہران اور مشہد کے ایئر بیسز کو نشانہ بنایا۔

16 جون کو اسرائیل نے تہران کے عوام کو انخلا کی وارننگ دی،18 جون تک ایران اسرائیل پر 400 میزائل داغ چکا تھا،اسرائیل نے اراک، نطنز اور فردو کے ایٹمی پلانٹس پر بم برسائے۔

19 جون کو ایران نے پہلی بار سجیل میزائیلوں کا استعمال کیا،اسرائیلی اسٹاک ایکسچینج اور حیفا میں پاور پلانٹ ملبے کا ڈھیر بن گئے،اسرائیلی نے تہران سمیت ایرانی شہروں پر بمباری تیز کردی۔

22 جون کو امریکا بھی میدان میں کود پڑا،امریکی بی ٹو بمبار طیاروں نے ایران کے تین جوہری پلانٹس 
فردو، نطنز، اوراصفہان پر جی بی یو 57 بنکر بسٹر بم گرائے،صدر ٹرمپ نے ایرانی ایٹمی پروگرام کو شدید نقصان پہنچانے کا دعویٰ کیا۔

23 جون کو اسرائیل نے تہران کی ایوین جیل کو نشانہ بنایا،ایران نے قطر میں امریکی فوجی اڈے العدیدہ بیس پر براہِ راست میزائل داغ دیے۔

24 جون کا سورج امن کا پیغام لے کر طلوع ہوا،امریکی صدر نے ایران اور اسرائیل کے درمیان جنگ بندی کا اعلان کردیا،ایران اور اسرائیل نے اس کی باضابطہ تصدیق بھی کر دی۔

امریکی مداخلت سے 12 روزہ خونریز جنگ اختتام کو پہنچ گئی،ہیومن رائٹس ایکٹیوسٹ نامی تنظیم کے مطابق اسرائیلی حملوں سے 974 ایرانی شہید اور 3 ہزار 458 زخمی ہوئے،ایرانی حملوں میں 30 اسرائیلی ہلاک اور 600 سے زائد زخمی ہوگئے۔

وزیر دفاع خواجہ آصف کا کہنا ہے کہ ایران نے بہادری سے دشمن کا مقابلہ کیا اور جارحانہ ماحول میں اپنے ملک کا دفاع کیا، ایران کی مستقل مزاجی، اس کا حوصلہ، اس کی فتح ہے، اللہ نے مسلمانوں کو دو بڑی فتوحات نصیب کیں، غزہ کا مسئلہ بھی حل ہونا چاہئے۔

وزیر دفاع خواجہ آصف نے پارلیمنٹ ہاؤس میں میڈیا سے گفتگو میں ایران اور اسرائیل کے درمیان سیز فائر کو ہونا خوش آئند قرار دیتے ہوئے کہا کہ کہ ایران نے اچھی طرح اپنے سے بڑے دشمن کا مقابلہ کیا، ایران نے نہایت جارحانہ انداز میں اپنا دفاع کیا، ایران کے عوام، ایرانی لیڈرشپ اور حکومت کو خراج تحسین پیش کرتا ہوں۔

ان کا کہنا ہے کہ حالیہ دنوں میں مسلمانوں کو دوبار فتح نصیب ہوئی، اللہ نے پاکستان کو بھارت سے فتح دی ہے اور ایران کو اسرائیل سے فتح نصیب ہوئی، اسرائیل بڑے بڑے دعوے کررہا تھا لیکن سب بے بنیاد تھے، یہ دو جڑواں فتوحات عالم اسلام کیلئے اچھا شگون اور کامیابی کا ثبوت ہے۔

خواجہ آصف نے کہا کہ اب دعا کرنی چاہیے اللہ غزہ کے مسلمانوں پر رحم کرے، اللہ مسلم دنیا کو توفیق دے کہ وہ فلسطین کے مظلوموں کے ساتھ کھڑے ہونے کا حوصلہ پیدا کریں۔

سعودی عرب نے ایران اور اسرائیل کے درمیان جنگ بندی کا خیر مقدم کیا ہے۔

سعودی وزارت خارجہ کے مطابق امید ہے تمام فریقین کشیدگی میں کمی کے عزم پر قائم رہیں گے، فریقین آنے والے وقت میں طاقت کے استعمال سے گریز کریں۔

قبل ازیں امریکی صدر ڈونلڈ ٹرمپ کا کہنا ہے کہ جنگ بندی پر عمل درآمد شروع ہوگیا، براہ مہربانی اب اس جنگ بندی کی خلاف ورزی نہ کریں۔

اپنے پیغام میں امریکی صدر ڈونلڈ ٹرمپ نے کہا کہ جنگ بندی پرعملدرآمد شروع ہوگیا، دونوں ممالک جنگ بندی کی خلاف ورزی نہ کریں۔

اس سے قبل امریکی صدر ڈونلڈ ٹرمپ نے کہاہے کہ ایران اور اسرائیل کے درمیان مکمل اور حتمی جنگ بندگی پر مکمل اتفاق ہو گیا ہے اور 12 دنوں کے بعد یہ جنگ باقاعدہ ختم ہو جائے گا۔

امریکی صدر ڈونلڈ ٹرمپ نے دعویٰ کیا ہے کہ اسرائیل اور ایران تقریباً ایک ہی وقت میں ان کے پاس آئے اور کہا کہ ہم امن چاہتے ہیں۔ اسی لمحے مجھے احساس ہوا کہ فیصلہ کن گھڑی آ چکی ہے۔

ان کا کہناتھا کہ یہ ایک ایسی جنگ تھی جو برسوں تک چل سکتی تھی اور پورے مشرق وسطیٰ کو تباہ کر سکتی تھی  لیکن ایسا نہیں ہوا اور اب کبھی نہیں ہوگا! خدا اسرائیل کو سلامت رکھے، خدا ایران کو سلامت رکھے، خدا مشرق وسطیٰ کو سلامت رکھے، خدا امریکہ کو سلامت رکھے، اور خدا پوری دنیا کو سلامت رکھے۔

اسرائیل نے ایران پر جنگ بندی کی خلاف ورزی کا الزام لگادیا، اسرائیلی فوج کا کہنا ہے کہ ایران سے داغے گئے 2 میزائل تباہ کردیئے، ایرانی میزائل فائر ہونے کے بعد کئی اسرائیلی شہروں میں خطرے کے سائرن بج رہے ہیں۔ ایران نے اسرائیل فوج کا الزام مسترد کرتے ہوئے کہا ہے سیز فائر نافذ ہونے کے بعد کوئی میزائل نہیں داغا گیا۔

اسرائیلی فوج کے ترجمان کا کہنا ہے کہ جنگ بندی کا آغاز آج صبح ہوچکا ہے، خطرہ اب بھی برقرار ہے، عوامی حفاظتی پابندیوں میں کوئی تبدیلی نہیں ہوئی، ۔

اسرائیلی فوج کا دعویٰ ہے کہ شمالی اسرائیل کے متعدد شہروں میں سائرن بج رہے ہیں، ایران سے میزائل فائر کرنے پر خطرے کے سائرن فعال ہوئے، ایران سے داغے گئے 2 میزائل مار گرائے۔

اسرائیلی وزیر دفاع نے صہیونی فوج کو ایران پر شدید جوابی حملوں کی ہدایت کردی۔ اسرائیل کاٹز نے فوج کو حکم دیا ہے کہ ایران کی جانب سے سیز فائر کی خلاف ورزی پر تہران کے قلب میں رجیم اہداف پر پوری طاقت کے ساتھ جوابی حملے کیے جائیں۔
اسرائیل فوج نے ایران پر حملوں کا الزام اس وقت لگایا جب کچھ دیر قبل ہی حالات کو محفوظ قرار دیتے ہوئے لوگوں کو شیلٹر سے باہر آنے کا کہا گیا تھا۔

اسرائیلی میڈیا کا دعویٰ ہے کہ ایران نے 2 بیلسٹک میزائل فائر کیے جنہیں فضاء میں ہی تباہ کردیا گیا ہے۔

ایران نے اسرائیلی فوج کے الزامات کو مسترد کردیا۔ ایرانی میڈیا کے مطابق حکام کا کہنا ہے کہ سیز فائر نافذ ہونے کے بعد اسرائیل پر کوئی میزائل نہیں داغا گیا۔

ایران نے جوہری تنصیبات پر امریکی حملوں کے بعد گزشتہ رات قطر میں امریکی بیس پر حملہ کیا، جس کے بعد امریکا، ایران اور اسرائیل کے درمیان جنگ بندی ہوگئی، امریکی صدر ڈونلڈ ٹرمپ نے جنگ بندی کا اعلان کیا، ایرانی حکام نے بھی تصدیق کردی، اسرائیلی وزیراعظم نیتن یاہو نے بھی جنگ بندی کا باضابطہ اعلان کردیا۔

جنگ بندی سے پہلے اسرائیل کے ایران پر آخری حملوں میں مزید 9 افراد جاں بحق اور 33 زخمی ہوگئے، ایرانی ایٹمی سائنسدان بھی شہید ہونیوالوں میں شامل ہیں۔

دوسری جانب جنگ بندی سے پہلے ایران نے منگل کی صبح 4 بجے تک 6 مرحلوں میں 10 سے 15 میزائل اسرائیلی شہروں پر داغے، جن میں سے ایک میزائل اسرائیلی شہر بیر سبع میں کثیر المنزلہ عمارت پر گرا۔ ترک میڈیا کے مطابق حملے میں 6 افراد ہلاک اور 10 زخمی ہوئے اور عمارت ملبے کا ڈھیر بن گئی۔

جنگ بندی سے پہلے اسرائیل کے ایران پر آخری حملوں میں مزید 9 افراد جاں بحق اور 33 زخمی ہوگئے، ایرانی ایٹمی سائنسدان بھی شہید ہونیوالوں میں شامل ہیں۔

ایران نے جوہری تنصیبات پر امریکی حملوں کے بعد گزشتہ رات قطر میں امریکی بیس پر حملہ کیا، جس کے بعد امریکا، ایران اور اسرائیل کے درمیان جنگ بندی ہوگئی، امریکی صدر ڈونلڈ ٹرمپ نے جنگ بندی کا اعلان کیا، ایرانی حکام نے بھی تصدیق کردی، اسرائیلی وزیراعظم نیتن یاہو نے بھی جنگ بندی کا باضابطہ اعلان کردیا۔

امریکی صدر کے جنگ بندی اعلان سے قبل ایران اور اسرائیل نے ایک دوسرے پر شدید حملے کیے، اسرائیلی حملوں میں مزید 9 ایرانی شہید اور 33 زخمی ہوگئے۔

ایرانی میڈیا کے مطابق اسرائیلی طیاروں نے گیلان صوبے میں رہائشی عمارتوں کو نشانہ بنایا، جاں بحق اور زخمی افراد میں 16 خواتین اور بچے بھی شامل ہیں۔

رپورٹ کے مطابق جنگ بندی سے پہلے اسرائیلی حملے میں ایک اور ایرانی سائنسدان بھی شہید ہوگئے، محمد رضا صدیقی ایرانی ایٹمی پروگرام سے منسلک تھے۔

دوسری جانب جنگ بندی سے پہلے ایران نے منگل کی صبح 4 بجے تک 6 مرحلوں میں 10 سے 15 میزائل اسرائیلی شہروں پر داغے، جن میں سے ایک میزائل اسرائیلی شہر بیر سبع میں کثیر المنزلہ عمارت پر گرا۔ ترک میڈیا کے مطابق حملے میں 6 افراد ہلاک اور 10 زخمی ہوئے اور عمارت ملبے کا ڈھیر بن گئی۔

جنگ بندی سے پہلے ایک اور ایرانی سائنسدان اسرائیلی حملے کا ہدف بن گیا۔

ایرانی میڈیا کے مطابق ایرانی ایٹمی پروگرام سے منسلک سائنسدان محمد رضا صدیقی اسرائیلی حملے میں  شہید ہوگئے۔

ایرانی میڈیا رپورٹ کے مطابق یہ حملہ تہران کے وسطی علاقے میں واقع فردوسی اور ولی عصر کی اہم سڑکوں کے قریب کیا گیا۔ ابتدائی اطلاعات کے مطابق حملہ خاص طور پر صدیقی صابر کو نشانہ بنا کر کیا گیا، جو ایران کے جوہری پروگرام کے اہم سائنسدانوں میں شمار ہوتے تھے۔

یاد رہے کہ 13 جون سے ایران پر جاری اسرائیلی فوجی کارروائی کے بعد سے اب تک ایران کے کئی ممتاز ایٹمی سائنسدانوں کو اسرائیلی حملوں میں نشانہ بنایا جا چکا ہے۔

اسرائیل نے ایران کیخلاف جنگ بندی کا باضابطہ اعلان کردیا۔ نیتن یاہو نے کہا کہ اسرائیل صدر ٹرمپ کی جنگ بندی پیشکش سے متفق ہے۔

ایران نے جوہری تنصیبات پر امریکی حملوں کے بعد گزشتہ رات قطر میں امریکی بیس پر حملہ کیا، جس کے بعد امریکا، ایران اور اسرائیل کے درمیان جنگ بندی ہوگئی، امریکی صدر ڈونلڈ ٹرمپ نے جنگ بندی کا اعلان کیا، ایرانی حکام نے بھی تصدیق کردی۔

غیر ملکی میڈیا رپورٹس کے مطابق اسرائیلی وزیراعظم نیتن یاہو نے بھی ایران کیخلاف جنگ بندی کا باضابطہ اعلان کردیا۔

نیتن یاہو نے کہا کہ اسرائیل امریکی صدر ڈونلڈ ٹرمپ کی جنگ بندی پیشکش سے متفق ہے، جنگ بندی کی خلاف ورزی کی گئی تو پوری طاقت سے جواب دیں گے۔

اسرائیلی وزیراعظم کا کہنا ہے کہ ہم نے ایرانی ایٹمی پروگرام تباہ کرنے کا ہدف پورا کیا۔

اسرائیل نے جنگ بندی کے بعد اپنی فضائی حدود کھولنے کا اعلان کردیا۔ اسرائیلی ایئرپورٹ اتھارٹی کا کہنا ہے کہ ایران سے حملے ختم ہونے کے بعد فضائی حدود کھول دی گئی ہے۔

دوسری جانب جنگ بندی سے پہلے آخری لمحے تک اسرائیل پر ایران کے حملے جاری رہے، ایران نے منگل کی صبح 4 بجے تک 6 مرحلوں میں 10 سے 15 میزائل اسرائیلی شہروں پر داغے، جن میں سے ایک میزائل اسرائیلی شہر بیر سبع میں کثیر المنزلہ عمارت پر گرا۔ ترک میڈیا کے مطابق حملے میں 6 افراد ہلاک اور 10 زخمی ہوئے اور عمارت ملبے کا ڈھیر بن گئی۔

ایرانی حملوں کے بعد اسرائیل کے دیگر شہروں میں بھی سائرن بجتے رہے، اسرائیلی شہری 3 گھنٹے تک پناہ گاہوں میں گھسے رہے۔

واضح رہے کہ اسرائیل کی جانب سے گزشتہ رات تک ایران کیخلاف جارحانہ کارروائیاں جاری رہیں، صہیونی حملوں میں ایران ایٹمی پروگرام سے منسلک اہم عہدیدار محمد رضا اور الیکٹرسٹی انفرا اسٹرکچر کی سربراہ ندا رافعی پارسا شہید ہوگئیں۔

ایرانی سپریم لیڈر آیت اللہ خامنہ ای کا کہنا ہے کہ ایرانی سرینڈر کرنیوالی قوم نہیں ہے۔  ایرانی وزیر خارجہ عباس عراقچی نے کہا ہے جنگ کا آغاز ایران نے نہیں اسرائیل نے کیا، ہماری بہادر افواج نے صیہونی ریاست کو سزا دینے کا سلسلہ آخری لمحے تک جاری رکھا۔

ایران نے جوہری تنصیبات پر حملے امریکی حملوں کے بعد گزشتہ رات قطر میں امریکی بیس پر حملہ کیا، جس کے بعد امریکا، ایران اور اسرائیل کے درمیان جنگ بندی ہوگئی، امریکی صدر ڈونلڈ ٹرمپ نے جنگ بندی کا اعلان کیا، ایرانی حکام نے بھی تصدیق کردی۔

جنگ بندی کے بعد ایرانی سپریم لیڈر آیت اللہ علی خامنہ ای نے سوشل میڈیا پر بیان جاری کیا، جس میں کہا گیا کہ جو ایران اور ایرانیوں کی تاریخ کو جانتے ہیں انہیں پتہ ہے کہ ایرانی سرینڈر کرنے والی قوم نہیں ہے۔

ایران وزیر خارجہ عباس عراقچی نے اپنے بیان میں کہا کہ جنگ کا آغاز ایران نے نہیں اسرائیل نے کیا، ہماری بہادر افواج نے صیہونی ریاست کو سزا دینے کا سلسلہ آخری لمحے تک جاری رکھا۔

ان کا کہنا ہے کہ ایرانی فورسز نے دشمن کے ہر حملے کا آخری لمحے تک بھرپور جواب دیا، وطن عزیز کا خون کے آخری قطرے تک دفاع کرنے پر ایرانی افواج کے شکر گزار ہیں۔

دوسری جانب اسرائیل نے جنگ بندی اعلان کے بعد اپنی فضائی حدود کھولنے کا اعلان کردیا۔ اسرائیلی ایئرپورٹ اتھارٹی کا کہنا ہے کہ ایران سے حملے ختم ہونے کے بعد فضائی حدود کھول دی گئی ہے۔

واضح رہے کہ امریکی صدر ڈونلڈ ٹرمپ نے ایران اور اسرائیل کے درمیان جنگ بندی پر عملدرآمد کی تصدیق کرتے ہوئے کہا تھا کہ دونوں ملکوں سے سیز فائر کی خلاف ورزی نہ کرنے کی اپیل کرتا ہوں۔

ان کا کہنا تھا کہ ایران اور اسرائیل کے درمیان مکمل اور جامع جنگ بندی پر مکمل اتفاق ہوگیا ہے، 24 گھنٹے کے اندر 12 روزہ جنگ مکمل ختم ہوگی۔

ایران سے جنگ بندی کے بعد اسرائیل نے اپنی فضائی حدود کھولنے کا اعلان کردیا۔

 اسرائیلی ایئرپورٹ اتھارٹی کاکہنا ہےکہ ایران سےحملے ختم ہونے کےبعد فضائی حدود کھول دی ہے۔دوسری جانب امریکی صدر ڈونلڈ ٹرمپ نے ایران اور اسرائیل کے درمیان جنگ بندی پر عملدرآمد کی تصدیق کردی۔ سوشل میڈیا پر جاری پیغام میں دونوں ملکوں سے سیز فائر کی خلاف ورزی نہ کرنے کی اپیل کردی۔

اس سےپہلے صدرٹرمپ نے اعلان کیا تھا کہ ایران اور اسرائیل کے درمیان مکمل اور جامع جنگ بندی پر مکمل اتفاق ہوگیا ہے،چوبیس گھنٹے کے اندر بارہ روزہ جنگ مکمل ختم ہوگی،امریکی صدر نے امن کے قیام کا سہرا بی ٹو پائلٹس کے سر باندھ دیا۔

امریکی صدر ڈونلڈ ٹرمپ کا کہنا ہے کہ جنگ بندی پر عمل درآمد شروع ہوگیا، براہ مہربانی اب اس جنگ بندی کی خلاف ورزی نہ کریں۔

اپنے پیغام میں امریکی صدر ڈونلڈ ٹرمپ نے کہا کہ جنگ بندی پرعملدرآمد شروع ہوگیا، دونوں ممالک جنگ بندی کی خلاف ورزی نہ کریں۔

اس سے قبل امریکی صدر ڈونلڈ ٹرمپ نے کہاہے کہ ایران اور اسرائیل کے درمیان مکمل اور حتمی جنگ بندگی پر مکمل اتفاق ہو گیا ہے اور 12 دنوں کے بعد یہ جنگ باقاعدہ ختم ہو جائے گا۔

امریکی صدر ڈونلڈ ٹرمپ نے دعویٰ کیا ہے کہ اسرائیل اور ایران تقریباً ایک ہی وقت میں ان کے پاس آئے اور کہا کہ ہم امن چاہتے ہیں۔ اسی لمحے مجھے احساس ہوا کہ فیصلہ کن گھڑی آ چکی ہے۔

اس جنگ بندی کے حوالے سے جس کا انھوں نے اعلان کیا، ٹرمپ نے مزید لکھا کہ اس میں اصل فتح ساری دنیا اور مشرقِ وسطیٰ کی ہوئی ہے۔ دونوں ممالک اپنے مستقبل میں بے پناہ محبت، امن اور خوشحالی دیکھیں گے۔

ان کا کہناتھا کہ یہ ایک ایسی جنگ تھی جو برسوں تک چل سکتی تھی اور پورے مشرق وسطیٰ کو تباہ کر سکتی تھی  لیکن ایسا نہیں ہوا اور اب کبھی نہیں ہوگا! خدا اسرائیل کو سلامت رکھے، خدا ایران کو سلامت رکھے، خدا مشرق وسطیٰ کو سلامت رکھے، خدا امریکہ کو سلامت رکھے، اور خدا پوری دنیا کو سلامت رکھے۔

ایران اسرائیل سیز فائر کے بعد اسرائیلی فوج کی جانب سے اعلان کیا گیا ہے کہ ایران سے مزید حملوں کا خطرہ ٹل گیا،شہری اب پناہ گاہوں سے باہر نکل سکتے ہیں۔

ایران نے آخری حملے میں اسرائیل پر 10 سے 15 میزائل داغے،میزائل گرنے سے بیر سبع میں ایک عمارت تباہ ہوگئی،ایرانی حملے کے نتیجے میں 6 افراد ہلاک، متعدد زخمی ہوئے۔

دوسری جانب امریکی صدر ڈونلڈ ٹرمپ نے اپنے بیان میں کہا آج کی ڈیل بی ٹو پائلٹس کی جراتمندی کے بغیر نہیں کرسکتے تھے،اس آپریشن سے وابستہ تمام لوگوں کے بغیر یہ ممکن نہیں تھا، ایک درست حملہ تمام لوگوں کو ڈیل کیلئے مل بیٹھنے پر مجبور کیا۔

امریکی صدر ڈونلڈ ٹرمپ نے اعلان کیا ہے کہ اسرائیل اور ایران جنگ بندی پر متفق ہوگئے، جس کے بعد ایران نے اسرائیل کے ساتھ جنگ بندی کے تحت اپنی جانب سے فوجی کارروائیاں روکنے کا باقاعدہ آغاز کر دیا ہے۔

ایرانی میڈیا کے مطابق ایران قطر کی ثالثی میں اسرائیل کے ساتھ جنگ بندی پر رضامند ہو گیا ہے، ایران نے جنگ بندی پر عمل درآمد شروع کردی۔

ایرانی وزیر خارجہ کے مطابق تہران کے وقت کے مطابق صبح 4 بجے تمام فوجی کارروائیاں مکمل طور پر بند کر دی گئیں۔ وزیر خارجہ نے تصدیق کی کہ جنگ بندی سے قبل ایران کی دفاعی کارروائیاں صبح 4 بجے تک جاری رہیں۔

ان کا کہنا تھا کہ جنگ بندی پر عمل درآمد مکمل سنجیدگی سے کیا جا رہا ہے اور اگر اسرائیل کی جانب سے کوئی جارحیت نہیں ہوتی تو ایران بھی کسی قسم کی کارروائی نہیں کرے گا۔

ایرانی اعلیٰ سفارتکار عباس عراقچی نے کہا ہے کہ ایران امن کا حامی ہے، اور اسرائیل اگر جارحیت روکے رکھے تو ایران کی جانب سے کوئی جوابی کارروائی نہیں کی جائے گی۔ عراقچی نے مزید کہا کہ ’ہم نے ذمہ داری کا مظاہرہ کیا ہے، اب فیصلہ اسرائیل کے ہاتھ میں ہے۔

اس سے قبل امریکی صدر ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر یہ اعلان کیا جس میں ان کا کہنا تھا کہ سب کو مبارک ہو، اسرائیل اور ایران کے درمیان مکمل جنگ بندی پر اتفاق ہوگیا ہے۔

ڈونلڈ ٹرمپ نے کہا کہ اسرائیل اور ایران کے درمیان اگلے 6 گھنٹوں بعد حملے بند کردیے جائیں گے جب دونوں ممالک اپنے جاری آخری مشن مکمل کرلیں گے۔

مزید کہا کہ باضابطہ طور پر جنگ بندی کا آغاز پہلے ایران کرے گا اور 12ویں گھنٹے پر اسرائیل بھی جنگ بندی شروع کردے گا جب کہ 24ویں گھنٹے پر ’12 روزہ جنگ‘ کے خاتمے کو دنیا بھر میں باقاعدہ طور پر تسلیم کیا جائے گا۔

اپنی پوسٹ میں امریکی صدر کا کہنا تھا کہ جنگ بندی کے دوران دونوں فریقین پرامن اور باعزت رویہ اختیار کریں گے۔

انہوں نے کہا کہ اگر سب کچھ منصوبے کے مطابق چلا اور بالکل چلے گا، تو میں اسرائیل اور ایران دونوں کو ان کی ہمت، استقامت، اور دانشمندی پر مبارکباد دینا چاہتا ہوں کہ انہوں نے ایسی جنگ کو ختم کیا، جسے برسوں جاری رکھا جا سکتا تھا۔

امریکی صدر ڈونلڈ ٹرمپ نے دعویٰ کیا ہے کہ اسرائیل اور ایران تقریباً ایک ہی وقت میں ان کے پاس آئے اور کہا کہ ہم امن چاہتے ہیں۔

ٹرمپ نے اپنی سوشل میڈیا ویب سائٹ ٹرتھ سوشل پر لکھا کہ اسی لمحے مجھے احساس ہوا کہ فیصلہ کن گھڑی آ چکی ہے۔

اس جنگ بندی کے حوالے سے جس کا انھوں نے اعلان کیا، ٹرمپ نے مزید لکھا کہ اس میں اصل فتح ساری دنیا اور مشرقِ وسطیٰ کی ہوئی ہے۔ دونوں ممالک اپنے مستقبل میں بے پناہ محبت، امن اور خوشحالی دیکھیں گے۔

جنگ بندی سے پہلے ایران اور اسرائیل نے ایک دوسرے پر شدید حملے کیے ہیں۔

غیر ملکی میڈیا کے مطابق ایران نے 5 مرحلوں میں 11 میزائل داغ دیے، اسرائیلی شہر بیر سبع میں 6 اسرائیلی ہلاک ہوگئے، ایرانی حملے میں 15 اسرائیلی زخمی بھی ہوئے۔

اسرائیلی فوج نے دعویٰ کیا ہے کہ آج صبح ایران سے متعدد میزائل داغے گئے۔ پہلے مرحلے میں ملک پر دو اور دوسری لہر میں چار میزائل داغے گئے۔ دوسری لہر میں داغے گئے میزائلوں میں سے ایک بیر شیبہ شہر کے ایک اپارٹمنٹ کمپلیکس سے ٹکرایا ہے۔

اسرائیلی میڈیا رپورٹس سے پتہ چلتا ہے کہ ایران کی طرف سے داغے گئے میزائلوں میں سے ایک جنوبی اسرائیل کے شہر بیر شیبہ پر گرا ہے۔

یہ پیش رفت ایک ایسے وقت میں سامنے آئی ہے جب ایران کے وزیر خارجہ سید عباس عراقچی نے کہا تھا کہ ایرانی فوج کی کارروائیاں تہران کے وقت کے مطابق صبح 4 بجے تک جاری رہیں۔ تہران میں اس وقت صبح تقریباً چھ بجے کا وقت ہے۔

رات گئے اسرائیل کی جانب سے بھی ایران پر فضائی حملے کیے گئے، تہران زور دار دھماکوں سے گونج اٹھا، اسرائیلی حملوں میں ایران کے جوہری پروگرام سے منسلک ایک اہلکار کی ہلاکت کی تصدیق کر دی گئی۔

ایران کے مختلف خبر رساں اداروں نے جوہری پروگرام سے منسلک ایک اعلیٰ عہدے دار محمد رضا صدیقی صابر کے قتل کی تصدیق کی ہے۔ صدیقی صابر کو گذشتہ رات صوبہ گیلان کے شہر آستانہ اشرفیہ میں اسرائیلی حملوں میں نشانہ بنایا گیا۔

ٹرمپ کی جنگ بندی کے دعوے کے بعد ایرانی وزیرخارجہ نے پیغام میں کہا اسرائیل نے صبح 4بجے کارروائیاں روک دیں،اسرائیلی جارحیت روک دے تو جوابی حملوں کا ارادہ نہیں۔

ایرانی وزیرخارجہ نےاپنے بیان میں کہا اسرائیلی حملےرکنے پر کشیدگی مزید نہیں بڑھائیں گے،ایران اُس وقت حملے بند کرےگا جب اسرائیل کارروائیاں روکے گا،فوجی آپریشن روکنے کا فیصلہ بعد میں کیا جائے گا،فی الحال جنگ بندی معاہدہ نہیں ہوا۔

 اسرائیلی میڈیا نے دعویٰ کیا کہ پاکستانی وقت کے مطابق صبح 6 بجے ایران نے اسرائیل پر حملے روک دیئے ہیں۔

دوسری جانب ایران کے سنئیر عہدار کی جانب سے بیان آیا ہے کہ تہران قطرکی ثالثی میں اسرائیل کے ساتھ امریکی تجویزکردہ جنگ بندی پر رضا مند ہوگیا ہے،ٹرمپ نے امیر قطر کو فون کرکے ایران کو جنگ بندی پر رضا مند کرنے کا کہا۔

امریکی صدر ڈونلڈ ٹرمپ نے دعویٰ کیا ہے کہ اسرائیل اور ایران تقریباً ایک ہی وقت میں ان کے پاس آئے اور کہا کہ ہم امن چاہتے ہیں۔

ٹرمپ نے اپنی سوشل میڈیا ویب سائٹ ٹرتھ سوشل پر لکھا کہ اسی لمحے مجھے احساس ہوا کہ فیصلہ کن گھڑی آ چکی ہے۔

اس جنگ بندی کے حوالے سے جس کا انھوں نے اعلان کیا، ٹرمپ نے مزید لکھا کہ اس میں اصل فتح ساری دنیا اور مشرقِ وسطیٰ کی ہوئی ہے۔ دونوں ممالک اپنے مستقبل میں بے پناہ محبت، امن اور خوشحالی دیکھیں گے۔

ٹرمپ نے اپنی پوسٹ کے اختتام پر لکھا کہ یہ دونوں ممالک بہت کچھ حاصل کر سکتے ہیں لیکن اگر وہ سیدھے راستے اور سچائی کے راستے سے ہٹتے ہیں تو بہت کچھ کھو بھی سکتے ہیں۔ اسرائیل اور ایران کا مستقبل بے حد روشن اور امکانات سے بھرپور ہے۔ خدا آپ دونوں کو اپنی حفظ و امان میں رکھے۔

اس سے قبل امریکی صدر ڈونلڈ ٹرمپ نے کہاہے کہ ایران اور اسرائیل کے درمیان مکمل اور حتمی جنگ بندگی پر مکمل اتفاق ہو گیاہے  اور 12 دنوں کے بعد یہ جنگ باقاعدہ ختم ہو جائے گا۔

ڈونلڈ ٹرمپ کا کہناتھا کہ سب کو مبارک ہو! اسرائیل اور ایران کے درمیان مکمل اور حتمی جنگ بندی پر اتفاق ہو گیا ہے۔ دونوں ممالک تقریباً 6 گھنٹے بعد اپنے جاری آخری مشنز کو مکمل کر لیں گے  اس کے بعد جنگ بندی ہو جائے گی، یہ جنگ بندی 12 گھنٹوں کے لیے ہو گی، جس کے بعد اس جنگ کو ختم شدہ قرار دیا جائے گا۔

انہوں نے کہا کہ سرکاری طور پر، ایران جنگ بندی کا آغاز کرے گا، اور 12ویں گھنٹے پر اسرائیل جنگ بندی کا آغاز کرے گا۔ 24ویں گھنٹے پر ’12 روزہ جنگ‘ کے باضابطہ اختتام کو دنیا بھر میں خراجِ تحسین پیش کیا جائے گا۔ ہر فریق کے جنگ بندی کے دوران، دوسرا فریق پُرامن اور باعزت رویہ اپنائے گا۔

ان کا کہناتھا کہ یہ ایک ایسی جنگ تھی جو برسوں تک چل سکتی تھی اور پورے مشرق وسطیٰ کو تباہ کر سکتی تھی  لیکن ایسا نہیں ہوا اور اب کبھی نہیں ہوگا! خدا اسرائیل کو سلامت رکھے، خدا ایران کو سلامت رکھے، خدا مشرق وسطیٰ کو سلامت رکھے، خدا امریکہ کو سلامت رکھے، اور خدا پوری دنیا کو سلامت رکھے۔

امریکی نائب صدرجے ڈی وینس نے کہا ایران کے پاس اب ایٹمی ہتھیاربنانے کی صلاحیت نہیں رہی،ایران نے مستقبل میں جوہری ہتھیاربنانے کی کوشش کی تو امریکی فوج اس سے پھرنمٹ لے گی۔

امریکی نائب صدرجے ڈی وینس کا امریکی ٹی وی انٹرویو میں کہا ایران ایٹمی ہتھیار بنانے کے قریب تھا۔ امریکی صدرنے کسی جانی نقصان کے بغیرایرانی نیوکلیئرپروگرام ختم کردیا۔

امریکا کے خلاف آپریشن بشارت الفتح میں ایران کی جانب سے قطرمیں امریکی ایئر بیس پرچودہ میزائل داغے گئے۔

سعودی ولی عہد نے قطری امیر شیخ تمیم بن حمد الثانی سے ٹیلیفونک رابطہ کیا ہے،جس میں انہوں نے قطر پر ایرانی حملے کی مذمت کی ہے۔

سعودی ولی عہد شہزادہ محمد بن سلمان نے ٹیلیفونک رابطے میں کہا قطر کی مکمل حمایت کا اعادہ کرتے ہیں، ایران نے بلاجواز قطر پر جارحیت کی

واضح رہے کہ امریکی حملے کے جواب میں ایران نے قطر میں امریکی اڈے پر  6 میزائل داغ دیے,جس کے بعد قطر کے دارالحکومت دوحہ میں دھماکے سنے گئے۔

سینئرایرانی عہدیدار کی جانب سے کہا گیا ہے کہ تہران قطرکی ثالثی میں اسرائیل کے ساتھ امریکی تجویز کردہ جنگ بندی پررضامند ہوگیا۔

سینئرایرانی عہدیدار نے کہا ایران اور اسرائیل کے درمیان جنگ بندی میں قطرنے ثالث کا کردار ادا کیا،ٹرمپ نے امیر قطرکو فون کرکے ایران کوجنگ بندی پررضا مند کرنےکا کہا،قطری وزیراعظم نے فون کرکے ایران کی رضامندی حاصل کی۔

ایرانی وزیر خارجہ عباس عراقچی نے اپنے بیان میں کہا بار بار واضح کیا اسرائیل نے ایران کے خلاف جارحیت کا آغاز کیا،اسرائیل نے تہران کے وقت کے مطابق صبح 4بجے جارحانہ کارروائیاں روک دیں،اسرائیلی جارحیت رکنے کے بعد ایران کا جواب دینے کا ارادہ نہیں۔

واضح رہے کہ ڈونلڈ ٹرمپ نے اپنے بیان میں کہا کہ تمام لوگوں کو مبارک ہو! اسرائیل اور ایران کے درمیان مکمل جنگ بندی پر اتفاق ہوگیا ہے۔

امریکی صدر ڈونلڈ ٹرمپ نے خطے میں امن کے لیے قطر کے امیر کی کوششوں پر ان کا شکریہ ادا کیا ہے۔کہا کہ ایران نے غصے کا اظہار مکمل کر لیا، اب امن کی طرف بڑھنے کا وقت ہے۔

امریکی صدر ڈونلڈ ٹرمپ ایران نے قطر میں امریکی اڈوں پر  کی گئی جوابی کارروائی کے بعد اپنے سوشل میڈیا ٹروتھ پر لکھا کہ آج قطر میں امریکی اڈے پر ہونے والے حملے کے بارے میں یہ اطلاع دیتے ہوئے خوشی ہو رہی ہے کہ نہ صرف یہ کہ کوئی امریکی ہلاک یا زخمی نہیں ہوا، بلکہ سب سے اہم بات یہ ہے کہ کوئی قطری بھی ہلاک یا زخمی نہیں ہوا۔ اس معاملے پر آپ کی توجہ کا شکریہ۔

ٹرمپ نے کہا کہ ایران نے امریکی حملوں کے بعد اپنی جوہری تنصیبات کی تباہی کے جواب میں باضابطہ طور پر ایک انتہائی کمزور ردعمل دیا ہے، جس کی ہمیں توقع تھی اور ہم نے اس کا بہت مؤثر طریقے سے دفاع کیا ہے۔ ایران نے کل 14 میزائل فائر کیے گئے جن میں سے 13 کو مار گرایا گیا اور 1 کوآزاد چھوڑ دیا گیا کیونکہ وہ خطرناک سمت میں نہیں جا رہا تھا۔

انہوں نے کہا کہ مجھے یہ بتاتے ہوئے خوشی ہو رہی ہے کہ کوئی امریکی زخمی یا ہلاک نہیں ہواہے  اور بمشکل ہی کوئی نقصان ہوا۔

ان کا کہنا تھا کہ سب سے اہم بات یہ ہے کہ ایران نے اپنے غصے کا اظہار مکمل کر لیا ہےاور امید ہے کہ اب مزید نفرت انگیزی نہیں ہو گی۔ میں ایران کا شکریہ ادا کرنا چاہتا ہوں کہ انہوں نے ہمیں پہلے سے اطلاع دی، جس کی بدولت کوئی جان ضائع نہیں ہوئی اور کوئی زخمی نہیں ہوا۔

امریکی صدرڈونلڈ  ٹرمپ نے کہا کہ شاید اب ایران خطے میں امن اور ہم آہنگی کی طرف بڑھ سکے اور میں جذبے سے اسرائیل کو بھی اس کی ترغیب دوں گا کہ وہ بھی ایسا ہی کرے۔

ایران کے سپریم لیڈرآیت اللہ خامنہ ای نے قطر میں امریکی ایئر بیس پر میزائل حملے کے بعد بیان جاری کرتے ہوئے کہا کہ ہم نے کسی کو نقصان نہیں پہنچایا ، کسی بھی حالت میں کسی کی ہراسانی قبول نہیں کریں گے ۔

تفصیلات کے مطابق آیت اللہ علی خامنہ ای نے کہا کہ ہم کسی کی ہراسانی کے سامنے سر نہیں جھکائیں گے، ا  یہ ایرانی قوم کی منطق ہے۔ یاد رہے کہ چند گھنٹے کے قبل ایران نے قطر میں امریکی ایئر بیس پر میزائل حملہ کیا تاہم قطر کا کہناہے کہ تمام میزائلوں کو ایئر ڈیفنس سسٹم کے ذریعے فضا میں ہی تباہ کر دیا گیا، کسی قسم کا جانی اور مالی نقصان نہیں ہوا۔

ایران کے پاسداران انقلاب کا بیان

ایرانی پاسداران انقلاب کی جانب سے جاری بیان میں کہا گیا کہ  دوحہ میں امریکہ کے سب سے بڑے فوجی اڈے، العدید ایئر بیس پر ایک طاقتور میزائل حملہ کیا جبکہ یہ جوابی حملہ، جو آپریشن بشارت الفتح کے تحت کیا گیا ایران کا حملہ سپریم نیشنل سکیورٹی کونسل سے منظور شدہ تھا۔

پاسداران انقلاب کا کہنا تھا کہ "ہٹ اینڈ رن" کا دور ختم ہو گیا ہے۔

بیان میں کہا گیا کہ مستقبل میں ایسے کسی بھی حملے سے مغربی ایشیا میں امریکی موجودگی کا خاتمہ تیز ہو جائے گا اور مستقبل کے حملے خطے میں امریکی فوجی انفراسٹرکچر اور صہیونی حکومت دونوں کے خاتمے کا سبب بن سکتے ہیں۔

امریکی اخبار نیویارک ٹائمز نے دعویٰ کیا ہے کہ ایران نے قطر میں واقع امریکی العدید ایئربیس پر حملے سے قبل قطر کو آگاہ کر دیا تھا تاکہ جانی نقصانات کا خطرہ کم کیا جا سکے۔

اخبار کے مطابق ایران کی جانب سے یہ پیشگی اطلاع دی گئی تھی، تاہم اس دعوے پر فوری طور پر ایرانی حکام کی طرف سے کوئی ردعمل سامنے نہیں آیا۔

دوسری جانب ایک امریکی ویب سائٹ نے بھی دعویٰ کیا ہے کہ ٹرمپ انتظامیہ کو قطر میں العدید ایئربیس پر ایرانی حملے کی پیشگی اطلاعات تھیں۔

عراق کی وزارت خارجہ نے قطر میں امریکی فوجی اڈے پر ایرانی حملے کے بعد خطے میں بڑھتی ہوئی کشیدگی پر گہری تشویش کا اظہار کیا ہے۔

عراقی وزارت خارجہ کے بیان میں کہا گیا کہ عراق خطے میں خطرناک اور تیزی سے بڑھتی ہوئی کشیدگی کو گہری تشویش کے ساتھ دیکھ رہا ہے۔

بیان میں کہا گیا کہ یہ پیش رفت وہ ہے جس کے بارے میں عراق نے بارہا خبردار کیا تھا کیونکہ اس سے پورے خطے کی سلامتی اور استحکام کو شدید خطرات لاحق ہیں۔

عراق نے خبردار کیا کہ یہ کشیدگی تنازع میں ایک خطرناک اور بے مثال موڑ کی نشاندہی کرتی ہے، جس سے تصادم کے پھیلاؤ کے خدشات بڑھ گئے ہیں۔

وزارت خارجہ نے زور دیا کہ علاقائی بحرانوں کا حل صرف مذاکرات سے ممکن ہے اور تمام فریقین تحمل سے کام لیں۔

سعودی عرب، خلیجی تعاون کونسل (جی سی سی)، سلطنت عمان، بحرین اور متحدہ عرب امارات نے قطر میں امریکی فوجی اڈے پر ایران کے حملوں کی شدید مذمت کی ہے اور قطر کے ساتھ مکمل یکجہتی کا اعلان کیا ہے۔

سعودی وزارت خارجہ نے بیان جاری کرتے ہوئے کہا کہ ایران کا یہ حملہ کسی صورت قابل قبول نہیں اور اسے جائز قرار نہیں دیا جا سکتا۔

سعودی عرب نے قطر کے ساتھ مکمل تعاض کی تجدید کی۔

سلطنت عمان کی وزارت خارجہ نے کہا کہ پاسداران انقلاب کے یہ حملے غیر قانونی ہیں اور عمان قطر کی سلامتی و استحکام کے ساتھ کھڑا ہے۔

بحرین کی وزارت خارجہ نے ایرانی حملوں کو کھلی جارحیت قرار دیتے ہوئے شدید مذمت کی اور کہا کہ بحرین اپنے برادر ملک قطر کے ساتھ ہے۔

متحدہ عرب امارات نے بھی ایرانی حملے کو بین الاقوامی قوانین کی خلاف ورزی قرار دیتے ہوئے قطر کے ساتھ یکجہتی کا اعلان کیا۔

خلیجی ممالک نے مشترکہ طور پر زور دیا کہ ایرانی اقدامات خطے کی سلامتی و استحکام کے لیے خطرہ ہیں اور عالمی برادری کو اس کا نوٹس لینا چاہیے۔

ایران کے امریکی اڈے پر حملے سے عالمی مارکیٹ میں تیل کی قیمتیں گرگئیں۔

رپورٹ کے مطابق ایران کی جانب سے قطر میں امریکی اڈے پر کیے گئے میزائل حملوں کے بعد عالمی منڈی میں تیل کی قیمتوں میں بڑی کمی ریکارڈ کی گئی ہے۔

رپورٹ میں بتایا گیا کہ امریکی خام تیل کی قیمت میں ساڑھے 4 ڈالر کی کمی ہوئی۔

برطانوی خام تیل کی قیمت میں بھی 4 ڈالر سے زائد کی کمی ریکارڈ کی گئی ہے۔

مشرق وسطیٰ کی صورتحال کے باعث قومی ائیر لائن ( پی آئی اے ) کا فضائی آپریشن محدود کر دیا گیا ہے اور پاکستان سے قطر، بحرین، کویت اور دبئی کی پروازیں منسوخ کردی گئی ہیں۔

ترجمان پی آئی اے کے مطابق شیڈول پروازوں کی منسوخی کا فیصلہ خلیجی ممالک میں جنگی صورتحال کے باعث کیا گیا ہے اور حالات معمول میں آنے کے بعد پی آئی اے کی پروازیں دوبارہ شروع کر دی جائیں گی۔

ترجمان کے مطابق مسافر اپنی پروازوں سے متعلق بروقت معلومات پی آئی اے کال سینٹر سے حاصل کریں۔

ریزرویشن ڈپارٹمنٹ نے مسافروں کی بکنگ کو دوسری پروازوں پر منتقلی کا کام شروع کردیا ہے۔

قطر نے دارالحکومت دوحہ میں امریکی بیس ’ العدید ‘ پر ایران کی جانب سے کیے گئے میزائل حملوں کی مذمت کرتے ہوئے کہا ہے کہ ’ جوابی اقدام کا حق محفوظ رکھتے ہیں ۔‘

قطری محکمہ خارجہ کی جانب سے جاری بیان میں کہا گیا کہ ایرانی حملے کی سخت مذمت کرتے ہیں، حملے سے کوئی جانی یا مالی نقصان رپورٹ نہیں ہوا اور تمام میزائلوں کو فضائی دفاعی نظام کے ذریعے روک لیا گیا ہے۔

قطری محکمہ خارجہ کے مطابق یہ حملہ خطے کی استحکام کےلیے خطرہ ہے اور تمام فریقوں سے تنازعے کا سیاسی حل تلاش کرنے کی اپیل کرتے ہیں۔

قطر نے خبردار کیا کہ ایرانی حملے کے بعد جوابی اقدام کا حق محفوظ رکھتے ہیں۔

ایران کی جانب سے’ آپریشن بشارت الفتح ‘ کے تحت قطر میں امریکی اڈے پر میزائل داغ دیے گئے۔

امریکی میڈیا رپورٹس کے مطابق قطر کے دارالحکومت دوحہ میں دھماکے سنائی دیے ہیں۔

رپورٹس میں دعویٰ کیا گیا کہ ایران کی جانب سے امریکی ایئربیس پر 6 میزائل داغے گئے ہیں۔

دوسری جانب ایرانی سرکاری ٹی وی کے مطابق امریکی اڈوں کیخلاف ’ آپریشن بشارت الفتح ‘ شروع ہوگیا ہے۔

ایران کے پاسداران انقلاب کا بیان

ایرانی پاسداران انقلاب کی جانب سے جاری بیان میں کہا گیا کہ  دوحہ میں امریکہ کے سب سے بڑے فوجی اڈے، العدید ایئر بیس پر ایک طاقتور میزائل حملہ کیا جبکہ یہ جوابی حملہ، جو آپریشن بشارت الفتح کے تحت کیا گیا ایران کا حملہ سپریم نیشنل سکیورٹی کونسل سے منظور شدہ تھا۔

پاسداران انقلاب کا کہنا تھا کہ "ہٹ اینڈ رن" کا دور ختم ہو گیا ہے۔

بیان میں کہا گیا کہ مستقبل میں ایسے کسی بھی حملے سے مغربی ایشیا میں امریکی موجودگی کا خاتمہ تیز ہو جائے گا اور مستقبل کے حملے خطے میں امریکی فوجی انفراسٹرکچر اور صہیونی حکومت دونوں کے خاتمے کا سبب بن سکتے ہیں۔

قطر

قطری محکمہ خارجہ کی جانب سے جاری بیان میں بتایا گیا کہ ائیرڈیفنس سسٹم سے امریکی فوجی اڈے العدید پر میزائل حملے کو ناکام بنا دیا ہے۔

حکام کا کہنا تھا کہ ایرانی حملے کی سخت مذمت کرتے ہیں، حملے سے کوئی جانی یا مالی نقصان رپورٹ نہیں ہوا اور تمام میزائلوں کو فضائی دفاعی نظام کے ذریعے روک لیا گیا۔

قطری محکمہ خارجہ کے مطابق یہ حملہ خطے کی استحکام کےلیے خطرہ ہے اور تمام فریقوں سے تنازعے کا سیاسی حل تلاش کرنے کی اپیل کرتے ہیں۔

قطر نے خبردار کیا کہ ایرانی حملے کے بعد جوابی اقدام کا حق محفوظ رکھتے ہیں۔

ایران کی قومی سلامتی کونسل کا بیان

ایران کی قومی سلامتی کونسل کی جانب سے جاری بیان میں کہا گیا کہ امریکہ کے العدید اڈے پرحملہ برادر ملک قطرکیلئے کوئی خطرہ نہیں۔

وائٹ ہاؤس

ایرانی میزائل حملوں پر ردعمل دیتے ہوئے وائٹ ہاؤس کی جانب سے کہا گیا کہ قطر میں امریکی اڈوں پر حملوں کا جائزہ لے رہے ہیں۔

ایران

ایرانی حکام کی جانب سے کہا گیا کہ مسلح افواج نے اتنے ہی بم استعمال کئے جتنے امریکا نے ایران کی جوہری تنصیبات پر کئے تھے۔

قطر نے خطے میں ہونے والی حالیہ پیش رفت کے پیش نظر عارضی طور بند کی گئی اپنی فضائی حدود کو بحال کرنے کا اعلان کیا ہے۔

واضح رہے کہ اس سے قبل فضائی حددو کی بندش کا فیصلہ ایران کی جانب سے اپنی جوہری تنصیبات پر حملوں کے بعد امریکا کے خلاف جوابی کارروائی کی دھمکیوں کے تناظر میں کیا گیا تھا۔

قطر میں متعدد اسکولوں کو بھی کل کے لیے بند کرنے کا حکم دیا گیا تھا۔

تاہم ایران کی جانب سے العدید ایئربیس پر حملے کے بعد قطری حکام نے فضائی حدود کو بحال کرنے کا اعلان کر دیا ہے۔

کیرولین لیویٹ  نے کہا ہے کہ صدر ڈونلڈ ٹرمپ ایران کے ساتھ جوہری پروگرام پر مذاکرات میں اب بھی دلچسپی رکھتے ہیں۔

وائٹ ہاؤس کی ترجمان کیرولین لیویٹ نے اپنے انٹرویو میں کہا کہ اگر ایرانی حکومت ایک پُرامن سفارتی حل کی جانب آنے سے انکار کرتی ہے  جس میں صدر اب بھی دلچسپی رکھتے ہیں اور بات چیت کے لیے تیار ہیں تو ایرانی عوام کو اس پرتشدد حکومت سے اقتدار واپس لینے کا حق کیوں نہیں ہونا چاہیے، جو دہائیوں سے انہیں دبا رہی ہے؟

امریکی صدرڈونلڈ ٹرمپ نے سوشل میڈیا پر ایک پوسٹ میں لکھا کہ اگر موجودہ ایرانی حکومت ایران کو دوبارہ عظیم بنانے میں ناکام رہتی ہے، تو حکومت کی تبدیلی کیوں نہ ہو؟

واضح رہے کہ ایک روز قبل امریکی وزیر دفاع پیٹ ہیگسیٹھ نے کہا تھا کہ ایران کی جوہری تنصیبات پر امریکی حملےحکومت کی تبدیلی کے لیے نہیں تھے، بلکہ مخصوص جوہری خطرات کے جواب میں کیے گئے تھے۔

برطانوی اخبار نے امریکا کے ایران پر حملے سے متعلق تفصیلات جاری کردیں۔ رپورٹ کے مطابق امریکا نے ایران پر حملے کا فیصلہ واشنگٹن میں شام 7 بجے کیا، بی 2 بمبار طیاروں نے میزوری ایئر بیس سے اڑان بھری۔

امریکا نے ایران پر کس طرح حملہ کیا، برطانوی اخبار تفصیلات سامنے لے آیا۔

سنڈے ٹائمز کے مطابق امریکا نے ایران کی ایٹمی تنصیبات پر حملے کا فیصلہ واشنگٹن کے وقت کے مطابق شام 7 بجے کیا، بی ٹو طیاروں نے امریکا کے میزوری وائٹمین ایئر بیس سے اڑان بھری، مدد کیلئے گائیڈڈ میزائلوں سے لیس امریکی آبدوز پوزیشن لئے ہوئے تھی۔۔

رپورٹ میں بتایا گیا ہے کہ بحیرہ عرب میں متعدد جنگی بحری جہازوں کو فلیٹ بھی مدد کیلئے موجود تھا، بمبار طیاروں نے راستے میں کئی بار ری فیولنگ کی، حملہ سچویشن روم میں کیا گیا، میٹنگ میں ڈائریکٹر انٹیلی جنس تلسی گبارڈ کو نہیں بلایا گیا۔

واضح رہے کہ امریکا نے ہفتہ اور اتوار کی درمیانی شب ایران کی تین جوہری تنصیبات فردو، اصفہان اور نطنز پر بی 2 بمبار طیاروں کے ذریعے حملہ کیا تھا، جس کے بعد دعویٰ کیا گیا کہ فردو ایٹمی پلانٹ مکمل تباہ کردیا گیا ہے۔

امریکا نے قطر میں اپنے شہریوں کیلئے ایڈوائزری جاری کردی۔ سفارتخانے کا کہنا ہے کہ شہری بلا ضرورت سفر سے گریز کریں۔

امریکا کی جانب سے اسرائیل کی حمایت میں ایران کے تین ایٹمی بجلی گھروں پر حملوں کے بعد ایران کے جوابی حملوں کے خدشے کے پیش نظر قطر مین امریکی شہریوں کیلئے ایڈوائزری جاری کردی گئی۔

امریکا نے قطر میں مقیم شہریوں کیلئے پیغام جاری کردیا، دوحہ میں قائم امریکی سفارتخانے کا کہنا ہے کہ قطر میں موجود امریکی شہری جہاں ہیں وہی رہیں، نقل و حرکت سے گریز کریں۔

واضح رہے کہ امریکا نے ہفتہ اور اتوار کی درمیانی شب ایران کے تین ایٹمی پلانٹس اصفہان، نطنز اور فردو پر بی 2 بمبار طیاروں کے ذریعے خوفناک بمباری کی تھی، جس کے بعد دعویٰ کیا گیا تھا کہ فردو جوہری پلانٹ کو مکمل تباہ کردیا گیا ہے۔

امریکا کی جانب سے ایران پر کیے جانے والے حملے پر چین نے ردرعمل دیتے ہوئے کہا امریکی حملے سے مشرق وسطیٰ میں کشیدگی بڑھنے کا خدشہ ہے

چینی وزارت خارجہ کے ترجمان نے نیوزبریفنگ کےدوران کہا ایرانی جوہری تنصیبات پر امریکی حملہ اقوام متحدہ کے چارٹر کی خلاف ورزی ہے،آبنائے ہرمز بین الاقوامی  تجارت کے لیے نہایت اہم راستہ ہے،خطے میں امن  برقرار رکھنا عالمی برادری کی مشترکہ ذمہ داری ہے۔

مزید کہا فریقین سے مطالبہ کرتے ہیں وہ کشیدگی کم کرنے کیلئے کوششیں تیز کریں،تنازعات سے نہ بچا گیا تو عالمی اقتصادی ترقی پر گہرے اثرات مرتب ہوں گے۔

روسی صدر ولادیمیر  پیوٹن نے ایران پر امریکی حملے کو 'بے بنیاد اور بلاجواز' قرار دیدیا۔

ایران کی جوہری تنصیبات پر امریکی حملوں کے بعد ایرانی وزیر خارجہ مدد کے لیے روس پہنچ گئے۔عباس عراقچی نے روسی صدر ولادیمیر  پیوٹن سے ملاقات کی۔امریکی حملے کے بعد کی صورت حال پر تبادلہ خیال کیا۔

ایرانی وزیر خارجہ نے آیت اللہ خامنہ ای کا خط بھی صدر پیوٹن کو پہنچایا۔ خط میں روس سے ڈو مور کا مطالبہ کیا گیا۔

روسی صدر ولادیمیر  پیوٹن نے ایران کے خلاف اسرائیل اور امریکہ کی حالیہ حملوں کی شدید مذمت کرتے ہوئے انہیں "بے بنیاد، بلا جواز اور ناجائز" قرار دیا۔ کہا ملاقات موجودہ صورت حال سے نکلنے کا موقع فراہم کرے گی۔

دوسری جانب ایرانی وزیر خارجہ عباسی عراقچی نے اقوام متحدہ کے سیکریٹری جنرل کو خط لکھ دیا۔ اقوام متحدہ سے ایران پر امریکی حملوں کی فوری مذمت کا مطالبہ کیا، کہا اگر ایسا نہ ہوا توعالمی ادارے کی عدم فعالیت سے بحران بڑھنے کا خدشہ ہے۔

امریکا کے بعد اسرائیل نے بھی ایران کے فردو جوہری پلانٹ پر حملہ کردیا۔ گزشتہ روز امریکا نے دعویٰ کیا تھا کہ فردو ایٹمی پلانٹ کو مکمل طور پر تباہ کردیا گیا ہے۔

ایرانی میڈیا کے مطابق امریکا کے بعد اسرائیل نے بھی فردو جوہر پلانٹ پر حملہ کردیا، جس کے بعد جوہری پلانٹ میں دھماکوں کی آوازیں سنائی دی ہیں۔

ایرانی میڈیا کے مطابق اسرائیل نے ایک بار پھر تہران میں سرکاری نشریاتی ادارے کے ہیڈ کوارٹر پر حملہ کردیا، صہیونی طیاروں نے تہران کی شاہد بہشتی یونیورسٹی کو بھی نشانہ بنایا، کراج شہر پر بھی بمباری کی گئی۔

ایرانی میڈیا کے مطابق اسرائیل نے ایران کی اوین جیل پر بھی میزائل حملہ کردیا، حملے میں جیل کے کچھ حصوں کو نقصان پہنچا۔

دوسری جانب پریس ٹی وی نے ایران کے سرکاری ٹی وی پر حملے کی خبروں کی تردید کردی، کہا کہ اسرائیلی میزائل حملہ سرکاری ٹی وی کی عمارت کے قریب ہوا، میزائل سرکاری ٹی وی کی عمارت کے قریب گرے۔

ایرانی میڈیا کا کہنا ہے کہ ایران نے اسرائیل میں فوجی اہداف پر حملے کئے۔

امریکا نے ہفتہ اور اتوار کی شب ایران کی تین جوہری تنصیبات فردو، نطنز اور اصفہان پر بی 2 بمبار طیاروں کے ذریعے حملے کیے تھے۔ امریکا نے دعویٰ کیا تھا کہ فردو ایٹمی پلانٹ کو تباہ کردیا گیا ہے۔

دوسری جانب امریکا کے حملے کے بعد ایران نے اسرائیل پر 30 کے قریب بیلسٹک میزائل داغے تھے، جس سے مختلف شہروں میں بڑی تباہی ہوئی اور 100 کے قریب افراد زخمی ہوئے تھے۔

ایران نے آج بھی یروشلم سمیت اسرائیل کے مختلف شہروں پر میزائل حملہ کیا، جس کے بعد مقبوضہ بیت المقدس کے مغربی علاقے میں کئی دھماکے سنے گئے تھے۔

امریکی حملے کے بعد سربراہ آئی اے ای اے رافیل گروسی نے اپنے بیان میں کہا تھا کہ فی الحال کچھ نہیں کہہ سکتے فردو پلانٹ میں کتنا زیادہ نقصان ہوا، حملے کے بعد ایران کی فردو جوہری سائٹ پر بڑے بڑے گڑھے دیکھے گئے ہیں، سینٹری فیوجز کی حساس نوعیت کے پیشِ نظر نقصان ہونے کی توقع ہے۔

ان کا کہنا تھا کہ حملے میں اصفہان نیو کلیئر کمپلیکس کی سرنگ کے داخلی راستوں کو نشانہ بنایا گیا، میں زیادہ سے زیادہ تحمل سے کام لینے کی اپیل کرتا ہوں، ہمیں مذاکرات کی طرف واپس آنا چاہئے۔

اسلامی تعاون تنظیم (او آئی سی) وزرائے خارجہ کے استنبول اجلاس کا اعلامیہ جاری کردیا گیا۔

او آئی سی وزرائے خارجہ نے ایران کے خلاف اسرائیلی جارحیت کو خطے کیلئے خطرہ قرار دیا جبکہ غزہ میں اسرائیلی جارحیت اور نسل کشی جبکہ لبنان اور شام پر حملوں کی بھی مذمت کی گئی۔ غزہ سے فلسطینیوں کے جبری انخلا کے اسرائیلی منصوبوں کو مسترد کر دیا گیا ۔ امدادی سامان کی فراہمی کی راہ میں رکاوٹ ڈالنا انسانیت کیخلاف جرم قرار دیا گیا۔

او آئی سی وزرائے خارجہ نے فلسطینی ریاست کے قیام کی بھرپور حمایت کا اعادہ کیا۔ اقوام متحدہ کےتحت فلسطین پر عالمی کانفرنس جلد بلانے کا مطالبہ کیا جبکہ بیت المقدس کی اسلامی شناخت کے تحفظ پر زور دیا۔

استنبول اعلامیہ میں پاکستان کے ساتھ مکمل یکجہتی کا اظہار کیا گیا۔ پاکستان اور آزاد کشمیر پر بھارتی حملوں کو بلاجواز قرار دیا گیا۔ او آئی سی وزرائے خارجہ نے زور دیا کہ جنوبی ایشیا میں امن کےلئے 10 مئی کے جنگ بندی معاہدے پر سختی سے عمل درآمد ضروری ہے ۔ بھارت سندھ طاس معاہدے پر بھی مکمل عمل کرے ۔ پاکستان اور بھارت کے درمیان بامقصد مذاکرات کا مطالبہ کیا گیا۔ مقبوضہ کشمیر کے عوام کے حقِ خود ارادیت کی بھرپور حمایت جبکہ بھارتی مظالم اور انسانی حقوق کی خلاف ورزیوں کی مذمت کی گئی۔

او آئی سی وزرائے خارجہ نے اسلاموفوبیا کے بڑھتے واقعات پر گہری تشویش کا اظہار کیا۔ دنیا بھر میں مذہب کی بنیاد پر نفرت اور امتیاز کے خلاف مؤثر اقدامات کی اپیل کی گئی۔

اجلاس میں شام کی تعمیرنو میں اسلامی ترقیاتی بینک اور ترکیہ کی کوششوں کی تعریف کی گئی۔ روہنگیا مسلمانوں کے خلاف ظلم پر گہری تشویش کا اظہار کرتے ہوئے ان کی واپسی کا مطالبہ کیا گیا۔ آذربائیجان کی خودمختاری اور بحالی کی کوششوں کی مکمل حمایت کی گئی۔ اعلامیہ کے مطابق اگلا اسلامی سربراہی اجلاس 2026 میں آذربائیجان میں ہوگا۔

ایرانی سپریم لیڈر آیت‌ اللہ  خامنہ‌ ای کا کہنا ہے کہ جنگ میں امریکی مداخلت انتہائی خطرناک ہے۔

ایک بیان میں ایرانی سپریم لیڈر آیت‌ اللہ  خامنہ‌ ای نے کہا کہ اسرائیل نے بہت بڑی غلطی کی، اسے سزا مل رہی ہے۔

دوسری جانب ایرانی وزیرخارجہ عباس عراقچی نے کہا کہ جوہری تنصیبات پرامریکی حملے  کرکے عالمی قوانین کی کھلی خلاف ورزی کی، ایران کو دفاع کا حق حاصل ہے۔

عباس عراقچی نے کہا کہ روس کا دورہ پہلے سے طے شدہ تھا، موجودہ صورتِحال کا تقاضا ہے،ایران اور روس سنجیدہ بات چیت کریں، ایران اور روس مختلف موضوعات پر یکساں اور مشترکہ مؤقف رکھتے ہیں۔

ایران نے ایک بار پھر اسرائیلی علاقوں پر میزائل داغ دیئے۔ اسرائیلی میڈیا کا کہنا ہے کہ یروشلم میں کئی مقامات پر دھماکوں کی آوازیں سنی گئیں، عوام کو بنکرز میں جانے کی ہدایت کردی گئی۔

اسرائیلی میڈیا کے مطابق ایران نے ایک بار پھر اسرائیلی علاقوں پر میزائل داغ دیئے، مقبوضہ بیت المقدس، تل ابیب اور دیگر شہروں پر نشانہ بنایا گیا ہے۔

میڈیا رپورٹس کے مطابق اسرائیلی میزائل حملے کے بعد یروشلم (مقبوضہ بیت المقدس) میں کئی مقامات پر دھماکوں کی آوازیں سنی گئی ہیں، تل ابیب اور دیگر مقامات پر بھی سائرن بج اٹھے۔

اسرائیلی میڈیا کا کہنا ہے کہ عوام کو محفوظ جگہ میں منتقل ہونے اور اگلے حکم تک وہیں رہنے کی ہدایت کی گئی ہے۔

ایرانی میڈیا کے مطابق ایران نے تازہ حملوں میں اسرائیل پر فتح 1، قدر، عماد اور خیبر شکن میزائلوں سے حملہ کیا۔

 واضح رہے کہ ایران اس سے قبل اسرائیل کیخلاف حملوں میں فتح، خیبر شکن، شہاب اور سجیل میزائل استعمال کر چکا ہے۔

ایرانی میزائلوں سے اسرائیل میں تل ابیب اور حیفہ سمیت دیگر شہروں میں بڑے پیمانے پر تباہی ہوئی ہے، غیر مصدقہ اطلاعات کے مطابق ایرانی حملوں میں سیکڑوں صہیونی ہلاک جبکہ ہزاروں زخمی ہوئے ہیں۔

دوسری جانب ایران کے جوہری توانائی کے ادارے نے ایٹمی تنصیبات پر امریکی حملوں کے بعد اپنے بیان میں کہا ہے کہ ایٹمی تنصیبات کو تیزی سے دوبارہ تعمیر کیا جارہا ہے،  سرگرمیاں مزید طاقت کیساتھ جاری رہیں گی۔

ایران نے خرم آباد کے علاقے میں اسرائیلی ڈرون مار گرایا۔

ایرانی میڈیا کے مطابق ایران نے خرم آباد کے علاقے میں اسرائیل کا ڈرون مار گرایا، تباہ ہونیولاے ڈرون کی ویڈیو بھی جاری کردی گئی۔

غیر ملکی میڈیا کے مطابق اسرائیل نے ایک بار پھر تہران اور مغربی ایران میں فضائی حملے شروع کردیئے، صہیونی فضائیہ کے لڑاکا طیاروں نے ایرانی فوجی تنصیبات کو نشانہ بنایا۔

The IDF has confirmed that an Israeli drone was shot down this morning over the Khorramabad region in western Iran. pic.twitter.com/4BK1ycZV5U

— The Report (@TheReportX) June 23, 2025

واضح رہے کہ امریکا نے اسرائیل کی حمایت میں گزشتہ روز بی 2 بمبار طیاروں کے ذریعے ایران کی تین ایٹمی تنصیبات فردو، اصفہان اور نطنز پر بمباری کی تھی، ایرانی حکام کا کہنا تھا کہ ایٹمی اثاثے محفوظ ہیں۔

ایرانی ملٹری سینٹرل کمانڈ کے ترجمان نے اپنے میں امریکی صدر کو مخاطب کرتے ہوئے کہا مسٹر ٹرمپ آپ یہ جنگ شروع کر سکتے ہیں لیکن ہم اسے ختم کرنے والے ہوں گے ۔

ایرانی ملٹری سینٹرل کمانڈ کے ترجمان نے اپنے بیان میں کہا امریکا کے خلاف سنگین نتائج رکھنے والے طاقتور آپریشنز متوقع ہیں،امریکی مداخلت سے ایرانی افواج کے لیے اہداف کا دائرہ وسیع ہوگیا ہے۔

دوسری جانب سلامتی کونسل میں ایران کے مندوب سعید ایراوانی نےکہا ہےکہ ایران پر امریکی حملے کا بھرپورجواب دیا جائے گا،جواب دینے کے وقت اور نوعیت کا فیصلہ ایرانی افواج کریں گی۔

مزیدکہا ایران پرامریکا کے تمام الزامات بےبنیاد ہیں،امریکا کے الزامات کے سیاسی محرکات ہیں  ان کی کوئی قانونی بنیاد نہیں، عدم پھیلاؤ کے معاہدے کو سیاسی ہتھیار میں تبدیل کر دیا گیا۔

صدرِ مملکت آصف علی زرداری کا کہنا ہے کہ مشرقِ وسطیٰ میں دیرپا امن اور استحکام کیلئے مکالمہ ضروری ہے۔

صدرمملکت آصف علی زرداری نے مشرقِ وسطیٰ میں کشیدگی پر تشویش کا اظہار کیا ہے، کہا مشرقِ وسطیٰ کی صورتحال بے قابو ہوسکتی ہے، لاکھوں معصوم جانوں کو خطرہ ہے۔

آصف علی زرداری نے کہا کہ مشرقِ وسطیٰ میں دیرپا امن اور استحکام کیلئے مکالمہ اورسفارتکاری اپنانے کی ضرورت پر زور دیا، کہا تمام فریقین زیادہ سے زیادہ تحمل کا مظاہرہ کریں۔

صدرمملکت نے مزید کہا کہ خطے کے استحکام اورعوام کی بھلائی کیلئے عالمی کوششیں ناگزیر ہیں، عالمی برادری بحران کے خاتمے کیلئے اپنا کردار ادا کرے۔

پاکستان میں ایرانی سفیر رضا امیری مقدم نےکہا ہےکہ صہیونی رجیم این پی ٹی کی رکن نہیں، اس کے باوجود پرامن ایٹمی پروگرام پراعتراض کیا جاتا ہےجو صرف بجلی کے حصول کیلئے ہے،ہمارے ایٹمی پروگرام کو آئی اے ای اے نے بھی 15مرتبہ پرامن قرار دیا۔

 نیشنل پریس کلب اسلام آباد میں پریس کانفرنس کرتے ہوئے ایرانی سفیر نےکہاپاکستان نےہرفورم پر ایران کا ساتھ دیا،اورتمام مسلم اقوام کی حمایت بھی ایران کو حاصل ہے،جعلی صیہونی رجیم جب ایرانی میزائلوں کا مقابلہ نہ کرسکا تو اس نےامریکا کو مدد کیلئے بلا لیا،افسوس کہ امریکا بھی کود پڑا تاکہ جنگ کو پھیلایا جا سکے۔

مزید کہا اسرائیل نے ایران پرحملہ 13 جون کو اس وقت کیا جب دو روز بعد پندرہ جون کو عمان میں ایران امریکا مذاکرات ہونے جا رہے تھے،صیہونیوں نے جارحیت کرکے طے شدہ بات چیت پرحملہ کیا۔

پاکستان نے مشرق وسطیٰ میں فوری اور غیرمشروط جنگ بندی کا مطالبہ کردیا۔

سلامتی کونسل کے ہنگامی اجلاس سے خطاب میں پاکستانی مندوب عاصم افتخار نے ایرانی تنصیبات پرامریکی حملے کی مذمت کی، کہا مشرق وسطیٰ مزید عدم استحکام کا متحمل نہیں ہوسکتا۔ مزید کشیدگی کے اثرات خطے کے باہر بھی اثرانداز ہونگے۔ عاصم افتخار نے فوری اورغیرمشروط جنگ بندی کا مطالبہ کردیا۔

عاصم افتخار نے کہا کہ کئی اراکین نے اقوام متحدہ کے چارٹر کی سنگین خلاف ورزی سے خبردار کیا مگر کشیدگی کم کرنے اور پرامن حل کے لیے بات چیت کی عالمی اپیلیں نظرانداز کی گئی ، پاکستان نے اقوام متحدہ کے چارٹرکے مطابق ان واقعات پر اصولی مؤقف اپنایا ، ہم نے اسرائیلی جارحیت کی بھرپور اور غیر مبہم انداز میں مذمت کی، ایران کے دفاع کے جائز حق کی مکمل حمایت کا اظہار کیا۔

انہوں نے کہا کہ آئی اے ای اے کے زیر نگرانی جوہری تنصیبات پر اسرائیلی حملوں کی مخالفت کی، پاکستان نے ایران پراسرائیلی جارحیت کو ختم کرنے کا مطالبہ کیا، ایرانی جوہری مسئلے کے پرامن اور دیرپا حل کیلئے مذاکرات کی وکالت کی، حالیہ پیش رفت پرشدید تشویش ہے،جس سے تناؤ میں مزید اضافہ ہوا۔

عاصم افتخار کا کہنا تھا کہ اسرائیلی جارحیت اور غیر قانونی اقدامات اور کشیدگی میں اضافہ نہایت تشویشناک ہے، مزید کشیدگی کے امکانات خطے اور پوری دنیا کیلئے تباہ کن ثابت ہو سکتے ہیں، یہ حملے پورے خطے ،دنیا بھر کی سلامتی اور تحفظ کیلئے سنگین خطرہ بن چکے ہیں، پاکستان نازک وقت میں ایران کی حکومت اور عوام کے ساتھ مکمل یکجہتی کرتا ہے۔

پاکستانی مندوب نے کہا کہ اقوام متحدہ کے رکن ممالک سلامتی کونسل کے فیصلوں کو تسلیم اور عملدرآمد کے پابند ہیں، عملدرآمد کی بڑی ذمہ داری سلامتی کونسل کے ارکین پرعائد ہوتی ہے، سلامتی کونسل کو فوری اور فیصلہ کن کارروائی کرنا ہوگی، طاقت کے استعمال یا اس کی دھمکی کی ہرگز اجازت نہیں دی جا سکتی۔

سربراہ آئی اے ای اے رافیل گروسی کا کہنا ہے کہ فردو ایٹمی پلانٹ کو زیر زمین پہنچنے والے نقصانات کا اندازہ لگانا فی الحال ناممکن ہے۔

سلامتی کونسل کے اجلاس سے خطاب میں عالمی ایٹمی توانائی ایجنسی کے سربراہ رافیل گروسی نے نطنزکےمقام پر نیوکلیئرپلانٹ کونشانہ بنایا گیا، ایران نے بتایا ہے تینوں مقامات پر تابکاری کی سطح میں کوئی اضافہ نہیں ہوا، ہم صورتحال کی مسلسل نگرانی کر رہے ہیں۔

رافیل گروسی نے کہا کہ امن کو راستہ نہ دیا گیا تو تباہی وبربادی ہوگی، ہم ایک بارپھر تحمل کا مطالبہ کرتے ہیں ۔ فوجی کشیدگی جانوں کو خطرے میں ڈالتی ہے اور اس طویل مدتی سفارتی حل میں تاخیر کا سبب بنتی ہے۔

سربراہ آئی اے ای اے نے کہا کہ اپنے نمائندے ایران بھیجنے کےلیے تیار ہیں، جواس بات کی ضمانت دے کہ ایران جوہری ہتھیار حاصل نہیں کرے گا۔

واضح رہے کہ ایرانی جوہری تنصیبات پر امریکی حملے کے بعد آئی اے ای اے کا ہنگامی اجلاس طلب کرلیا گیا۔ جوہری توانائی اور یورینیم افزودگی کے عالمی نگران ادارے آئی اے ای اے کے سربراہ رافیل گروسی کا کہنا ہے کہ ایران میں جاری ہنگامی صورتحال کی روشنی میں آج آئی اے ای اے کا ایک ہنگامی اجلاس طلب کیا گیا ہے۔

امریکا کی جانب سے ایران پر حملے کے بعد عالمی منڈی میں تیل کی قیمتوں اضافہ دیکھا جارہا ہے جس کے بعد مشرق وسطی میں تیل کی سپلائی میں خلل پڑنے کا خدشہ پیدا ہوگیا ہے۔

عالمی منڈی میں برینٹ خام تیل دوران ٹریڈنگ تقریباً 80 ڈالر جبکہ عالمی گیس قیمت 3 ڈالر 90 سینٹس فی ایم ایم بی ٹی یو میں فروخت ہورہی،ڈبلیو ٹی آئی خام تیل 76 ڈالر فی بیرل کی سطح عبور کر گیا۔

برینٹ کروڈ آئل کی قیمت 5.7 فیصد سے بڑھ کر 2.7 فیصد کے اضافے کے بعد 79.12 ڈالرفی بیرل ،جبکہ یوایس کروڈ آئل2.8فیصد سے اضافے کے بعد 75.98 ڈالر پر پہنچ گیا ہے۔

امریکہ کی جانب سے ایران پر بمباری کرنے سے پہلے تجزیہ کار پہلے ہی خبردارکر چکےتھےکہ آبنائے کی بندش سے تیل کی قیمتیں 100 ڈالر فی بیرل تک پہنچ سکتی ہیں,یہ 30 فیصد سے زیادہ اضافہ ہوگا۔

عالمی منڈی میں تیل کی قمتوں میں اضافے کے بعد پاکستان میں بھی پیٹرول کی قیمتوں میں اضافے کا امکان ہے،تجزیاتی رپورٹ کےمطابق پاکستان کےکرنٹ اکاؤنٹ خسارے اور مہنگائی میں اضافہ ہوگا، تیل 75 ڈالر فی بیرل ہونے سے پاکستانی کرنٹ اکاؤنٹ خسارے میں 2.3 ارب ڈالر کا اضافہ ہوسکتا ہے۔

واضح رہے کہ ایران اسرائیل جنگ کے باعث بین الاقوامی مارکیٹ میں تیل کی قیمت بڑھنے سے پاکستانی معیشت بھی بُری طرح متاثر ہوگی۔

ایران نے امریکی حملوں کا بھرپوجواب دینے کا اعلان کردیا۔

سلامتی کونسل کے ہنگامی اجلاس سے خطاب میں ایرانی مندوب امیر سعید ایروانی نے کہا ہے کہ ایران پر امریکی حملے کا بھرپور جواب دیا جائے گا جس کے وقت اور نوعیت کا فیصلہ ایرانی افواج کریں گی۔

 ایران کے مستقل مندوب نے امریکہ کی جانب سے ایرانی جوہری تنصیبات پر حملوں کو بین الاقوامی قوانین کی کھلی خلاف ورزی قرار دیا اور کہا ہے کہ ایران کو اپنی خودمختاری کے دفاع کا مکمل حق حاصل ہے اور ان حملوں کا بھرپور اور متناسب جواب دیا جائے گا۔

ایرانی مندوب نے کہا کہ امریکی حملہ عالمی قوانین کی خلاف ورزی ہے۔ ایران کے خلاف تمام الزامات بے بنیاد ہیں۔ ایران پر لگائے گئے تمام الزامات بے بنیاد اور سیاسی محرکات سے بھرپور ہیں، ان کی کوئی قانونی حیثیت نہیں۔

ایرانی مندوب نے کہا کہ ایران نے کئی بار امریکا کو جنگ سے دور رہنے کیلئے خبردار کیا تھا۔ حملے سے امریکا کی سیاسی تاریخ پرایک بارپھردھبہ لگ گیا ۔ امریکا نے نیتن یاہو کیلئے اپنی سیکیورٹی خطرے میں ڈال دی ۔

نھوں نے مزید کہا کہ امریکہ کے اقدامات سےعالمی امن خطرے میں پڑ چکا ہے،امریکہ کی سیاسی تاریخ پر داغ لگ گیا ہے۔ ایرانی مندوب نے عالمی برادری سے مطالبہ کیا کہ سلامتی کونسل اس جارحیت پر موثر اور غیر جانبدارانہ کارروائی کرے ورنہ نتائج پوری دنیا بھگتے گی۔ ان کا کہنا تھا کہ ’ہم جنگ نہیں چاہتے لیکن اپنے دفاع سے بھی پیچھے نہیں ہٹیں گے۔‘

انھوں نے کہا کہ بین الاقوامی تنظیموں اور فرانس اور برطانیہ سمیت کچھ مغربی ممالک کی خاموشی، دوہرا معیار اور اس میں ملوث ہونا یکساں طور پر قابل مذمت ہے۔

امریکی صدر ڈونلڈ ٹرمپ  نے ایران میں نظام حکومت کی تبدیلی کا اشارہ دے دیا۔

امریکی صدر ڈونلڈ ٹرمپ نے سوشل میڈیا پلیٹ فارم ایکس پرلکھا کہ رجیم چینج کی اصطلاح کو سیاسی طور پر درست نہیں سمجھا جاتا، ایرانی حکومت اگر ایران کو عظیم بنانے میں ناکام ہے تو پھر نظام کی تبدیلی کیوں نہ ہو۔

It’s not politically correct to use the term, “Regime Change,” but if the current Iranian Regime is unable to MAKE IRAN GREAT AGAIN, why wouldn’t there be a Regime change??? MIGA!!! (TS: 22 Jun 20:55 UTC)

— Trump Truth Social Posts On X (@TrumpTruthOnX) June 22, 2025

مزیدکہا ہمارے حملے ایران میں بہت درست اورہدف پرتھے، ایرانی جوہری تنصیبات کو بڑا نقصان سطح زمین میں بہت گہرائی میں ہوا،ہماری فوج نے شاندار مہارت کا مظاہرہ کیا،کارروائی کے بعد بی ٹوبمبار طیارے میزوری میں لینڈ کرگئے،امریکا نے ایران کےہاتھ سے بم چھین لیا،اگر تہران بم بنالیتا تو استعمال بھی کرتا۔

The GREAT B-2 pilots have just landed, safely, in Missouri. Thank you for a job well done!!! DONAKD J. TRUMP, PRESIDENT OF THE UNITED STATES! (TS: 22 Jun 21:06 UTC)

— Trump Truth Social Posts On X (@TrumpTruthOnX) June 22, 2025

دوسری جانب سلامتی کونسل میں ایرانی مندوب سعید ایراوانی نے کہا ہے کہ ایران پر امریکی حملے کا بھرپور جواب دیا جائے گا،جواب دینے کے وقت اور نوعیت کا فیصلہ ایرانی افواج کریں گی۔

Monumental Damage was done to all Nuclear sites in Iran, as shown by satellite images. Obliteration is an accurate term! The white structure shown is deeply imbedded into the rock, with even its roof well below ground level, and completely shielded from flame. The biggest damage…

— Trump Truth Social Posts On X (@TrumpTruthOnX) June 23, 2025

سلامتی کونسل کا اجلاس اتوار کو ہو گا، جس میں ایران کی جوہری تنصیبات پر امریکی حملوں پر تبادلہ خیال کیا جائے گا۔

اقوام متحدہ کی سلامتی کونسل  کے ہونے والے اجلاس میں روس، چین اور پاکستان نے 15 رکنی باڈی میں مشرق وسطیٰ میں فوری اور غیر مشروط جنگ بندی کے لیے ایک قرارداد منظور کرنے کی تجویز پیش کی ہے۔

سفارت کاروں نے بتایا کہ تینوں ممالک نے مسودے کے متن کو گردش میں لایا ہے اور ارکان سے کہا ہے کہ وہ پیر کی شام تک اپنے تاثرات پیش کریں۔ یہ فوری طور پر واضح نہیں تھا کہ قرارداد پر کب ووٹنگ ہو سکتی ہے۔

اقوام متحدہ کے طریقہ کار کے مطابق کسی بھی قرارداد کی منظوری کے لیے کم از کم نو ووٹ درکار ہوتے ہیں اور اسے منظور کرنے کے لیے امریکہ، فرانس، برطانیہ، روس اورچین میں سے کسی کا ویٹو نہ ہونا ضروری ہوتا ہے۔

امکان ہے کہ امریکہ اس مسودہ قرارداد کی مخالفت کرے گا، کیونکہ اس میں ایران کی جوہری تنصیبات اور دیگر تنصیبات پر حملوں کی بھی مذمت کی گئی ہے، تاہم متن میں امریکہ یا اسرائیل کا نام واضح طور پر شامل نہیں ہے۔

ایرانی سپریم لیڈر کے مشیر علی شمخانی نے بیان جاری کرتے ہوئے کہاہے کہ فرض کریں اگر ایٹمی تنصیبات تباہ بھی ہو گئیں تب بھی کھیل ختم نہیں ہوتا۔

تفصیلات کے مطابق علی شمخانی کا کہناتھا کہ افزودہ مواد، مقامی علم اور سیاسی عزم برقرار رہتاہے ،جائزدفاع کے حق کے ساتھ، سیاسی اور عملی پہل اب اُس فریق کے پاس ہے جو سمجھداری سے کام لے اور اندھے حملوں سے گریز کرے۔ حیرت انگیز چیزیں جاری رہیں گی ۔

امریکی حملے کی تفصیلات

امریکی سیکرٹری دفاع پیٹ ہیگسیتھ اور چیئرمین جوائنٹ چیفس آف اسٹاف جنرل ڈین کین نےحملے کی آپریشنل تفصیلات بیان کرتے ہوئے کہا کہ ایران پر حملے کو ’آپریشن مڈنائٹ ہیمر‘ کا نام دیا گیا، ایران پرامریکی حملہ انتہائی خفیہ مشن تھا جس سے صرف چند لوگ واقف تھے۔انہوں نے مزید کہا کہ امریکی حملے میں 7 بی 2 طیاروں سمیت 125 سے زیادہ فوجی طیاروں نےحصہ لیا، یہ امریکی تاریخ میں بی 2 بمبارطیاروں کا سب سے بڑا حملہ تھا۔حملے میں مجموعی طور پر امریکی حملےمیں 75 گائیڈڈ ہتھیاروں کا استعمال ہوا جن میں 14 جی بی یو 57 بم بھی شامل تھے جو کہ اس بم کا پہلا آپریشنل استعمال تھا۔

جنرل ڈین نے کہاکہ جمعے اور ہفتے کی درمیانی شب امریکا سے اسٹیلتھ بی  2 بمبار طیاروں نے امریکا سے اڑان بھری جن میں کچھ طیارے مغرب کی جانب گئے جب کچھ رازداری کے ساتھ مشرق کی جانب گئے۔اپنی 18 گھنٹے طویل پرواز کے دوران ان طیاروں نے فضا میں ہی متعدد بار ری فیولنگ کی۔

جنرل ڈین کین کے مطابق  طیاروں کے ایرانی فضائی حدود میں داخل ہونے سے کچھ پہلے امریکی آبدوز نے اصفہان میں کئی تنصیبات ٹاماہاک کروز میزائل داغے۔

ایرانی وقت کے مطابق رات 2 بج کر 10 منٹ پر  پہلے بی 2 طیارے نے فردو  جوہری پلانٹ پر 2 جی بی یو 57 بم گرائے جس کے بعد دیگر بمبار طیاروں نے اپنے اہداف کو نشانہ بنایا۔ فردو، اصفہان اور نطنز میں اہداف کو  25 منٹ کے دورانیے میں نشانہ بنایا گیا۔ امریکی جنرل نے مزید کہاکہ ابتدائی اندازوں کےمطابق ایران کی تینوں جوہری تنصیبات میں تباہی ہوئی اور شدید نقصان پہنچا۔

ایرانی ریڈ کریسنٹ نے کہا ہے کہ ایران کی جوہری تنصیبات پر امریکی حملوں کے دوران 11 افراد معمولی زخمی ہوئے۔

برطانوی خبر رساں ایجنسی کے مطابق ایرانی ریڈ کریسنٹ کی جانب سے کہا گیا ہے کہ امریکی حملوں کے نتیجے میں 11 افراد معمولی زخمی ہوئے جن میں سے 7 کو ہسپتال سے ڈسچارج کر دیا گیا ہے۔

تنظیم نے یہ بھی واضح کیا کہ امریکی حملوں سے متاثرہ جوہری مقامات پر کوئی تابکاری (ریڈی ایشن) کا پتہ نہیں چلا۔

ایرانی ریڈ کریسنٹ کے سربراہ پیرحسین کولیوند نے بتایا کہ اسرائیلی حملوں میں الگ الگ مقامات پر تین امدادی کارکن جاں بحق ہوئے جبکہ ایک ریڈ کریسنٹ ہیلی کاپٹر کو بھی نشانہ بنایا گیا۔

انہوں نے کہا کہ اسرائیل نے ہسپتالوں، طبی مراکز اور معذور افراد کے لیے نگہداشت گھر کو نشانہ بنایا۔

امریکا کا کہنا ہے کہ ایران اگر آبنائے ہرمز بند کرتا ہے تو یہ ایک اور بھیانک غلطی ہوگی۔

اپنے حالیہ انٹرویو میں امریکی وزیر خارجہ مارکو روبیو کا کہنا تھا کہ ایران نے امریکی حملوں کے بعد اگر جوابی کارروائی کی تو یہ ان کی تاریخ کا بدترین فیصلہ ہوگا، ہم ایران کیساتھ جنگ کے خواہشمند نہیں اور ایرانی حکومت کی تبدیلی بھی ہمارا ہدف نہیں۔

امریکی وزیر خارجہ کا کہنا تھا کہ امریکہ ایران سے بات چیت کے لیے تیار ہے۔

مارکوروبیو نے دعویٰ کیا کہ ایران کے پاس جوہری ہتھیار بنانے کے لیے درکار ہر چیز موجود ہے جبکہ ایران کے پاس 9 یا 10 ایٹم بم بنانے کےلیے افزودہ یورینیم بھی موجود ہے، یہ سب کچھ موجود تھا لیکن اب اتنا نہیں ہے۔

ان کا کہنا تھا کہ ایران آبنائے ہرمز بند کرتا ہے تو یہ ایک اور بھیانک غلطی ہوگی اور یہ ایران کے لیے معاشی خودکشی ہوگا جبکہ آبنائے ہرمز بند ہوئی تو ہمارے پاس نمٹنے کے اختیارات موجود ہیں۔

انہوں نے کہا کہ فی الحال ایران کے خلاف مزید فوجی آپریشنز کی منصوبہ بندی نہیں کی گئی۔

 مارکوروبیو نے سوال اٹھایا کہ ایران کا خلائی پروگرام آخر کیوں ہے؟  کیا وہ چاند پر جانے کی کوشش کر رہے ہیں؟ نہیں۔

انہوں نے مزید کہا کہ ایرانی بین البراعظمی بیلسٹک میزائل بنانے کی کوشش کر رہے ہیں تاکہ اس پر جوہری وارہیڈ نصب کر سکیں۔

وزیراعظم شہباز شریف نے خطے کی بدلتی ہوئی صورتحال اور ایران، امریکہ اور اسرائیل کے درمیان جاری جنگ کے تناظر میں قومی سلامتی کمیٹی کا اہم اجلاس پیر کو ( کل ) طلب کر لیا ہے۔

ذرائع کے مطابق وزیر اعظم کی زیر صدارت ہونے والے اہم اجلاس میں وفاقی وزرا، عسکری قیادت اور دیگر اعلیٰ حکام شرکت کریں گے۔

اجلاس کا بنیادی ایجنڈا ایران، امریکہ اور اسرائیل کے مابین بڑھتی ہوئی کشیدگی اور اس کے خطے پر اثرات کا جائزہ لینا ہے۔

ذرائع کا کہنا ہے کہ چیف آف آرمی اسٹاف فیلڈ مارشل عاصم منیر اپنے حالیہ دورہ امریکہ کے حوالے سے شرکاء کو اعتماد میں لیں گے جہاں انہوں نے امریکی صدر ڈونلڈ ٹرمپ سے ملاقات کی تھی۔

اجلاس میں ایران کی حمایت، ملکی داخلی و سرحدی سیکیورٹی، اور دیگر اہم امور پر بڑے فیصلوں کا امکان ہے۔

اجلاس میں وزیر دفاع، وزیر داخلہ، نائب وزیراعظم، وزیر خزانہ اور دیگر متعلقہ حکام بھی شریک ہوں گے۔

ذرائع کے مطابق ملکی سیکیورٹی کے حوالے سے ممکنہ بیرونی اثرات سے نمٹنے کے لیے انسداد دہشت گردی اور سرحدی سیکیورٹی پر بھی توجہ مرکوز کی جائے گی۔

عالمی سطح پر تیل کی نقل و حمل کے لیے ایک انتہائی اہم بحری راستہ آبنائے ہرمز کو بند کرنے کی ایران کی پارلیمنٹ نے منظوری دے دی ہے۔

برطانوی خبر رساں ادارے نے ایرانی میڈیا کا حوالہ دیتے ہوئے رپورٹ کیا ہے کہ ایران کی اعلیٰ قومی سلامتی کونسل کو اس فیصلے پر حتمی منظوری دینی ہے۔

ایران کی جانب سے یہ قدم خطے میں بڑھتی ہوئی کشیدگی امریکی پابندیوں اور اسرائیل کے ساتھ حالیہ تصادم کے تناظر میں اٹھایا گیا ہے۔

آبنائے ہرمز کی ممکنہ بندش عالمی سطح پر تیل کی قیمتوں میں غیر معمولی اضافے اور توانائی بحران کا سبب بن سکتی ہے۔آبنائے ہرمز کے ذریعے روزانہ تقریباً 20 فیصد عالمی تیل گزرتا ہے، اور یہ نہ صرف خلیجی ممالک بلکہ دنیا بھر کی معیشت کے لیے ایک کلیدی گزرگاہ ہے۔

ترجمان خاتم الانبیاء ہیڈ کوارٹر نے دعویٰ کیا ہے کہ اسرائیل کو گولہ بارود کی کمی کا سامنا ہے، صہیونی حکومت ریڈار اور دفاعی صلاحیت کا قابل ذکر حصہ کھوچکی ہے۔

امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

ایران کے خاتم الانبیاء ہیڈ کوارٹرز کے ترجمان نے دعویٰ کیا ہے کہ اسرائیل ک گولہ بارود کی کمی کا سامنا ہے، صہیونی حکومت ریڈار اور دفاعی صلاحیت کا قابل ذکر حصہ کھوچکی ہے۔

انہوں نے دھمکی دی کہ اسرائیل کی فوجی مدد کرنے والے ایران کا ہدف ہوں گے۔

ایران نے امریکی حملوں کے بعد اسرائیل پر خیبر شکن میزائلوں سے حملہ کردیا، جس کے نتیجے میں تل ابیب اور حیفہ سمیت کئی شہروں میں بڑی تباہی ہوئی ہے، 80 سے زائد افراد زخمی بھی ہوئے ہیں۔

رپورٹ کے مطابق ایران نے 30 سے 40 بیلسٹک میزائل اسرائیل کے مختلف شہروں پر داغے ہیں۔

امریکا نے ایران کے ایٹمی پروگرام کو تباہ کرنے کا دعوٰی کر دیا ہے۔

اتوار کو امریکی وزیر دفاع پیٹ ہیگستھ نے آپریشن ’ مڈنائٹ ہیمر ‘ کے بارے پینٹاگون کی بریفنگ کا آغاز یہ کہتے ہوئے کیا کہ ’ گزشتہ رات کے حملے ایران کی جوہری صلاحیتوں کو "کم کرنے" اور "تباہ" کرنے کے لیے کیے گئے تھے۔

امریکی وزیر دفاع کا کہنا تھا کہ ان حملوں نے ایرانی جوہری پروگرام کو "تباہ" کر دیا لیکن اس کے نتیجے میں ایرانی فوجی یا عام شہری متاثر نہیں ہوئے۔

امریکا کے علاوہ کوئی اور ملک ایسا نہیں کر سکتا تھا

پیٹ ہیگستھ کا کہنا تھا کہ بہت سے امریکی صدور نے "ایران کے جوہری پروگرام کو آخری دھچکا پہنچانے کا خواب دیکھا لیکن ٹرمپ تک کوئی ایسا نہیں کر سکا"۔

ان کا کہنا تھا کہ ایران کے خلاف آپریشن "جرات مندانہ اور شاندار" تھا۔

انہوں نے کہا کہ "جب صدر ٹرمپ بولتے ہیں تو دنیا کو سننا چاہیے، امریکا  کے علاوہ کوئی اور ملک ایسا نہیں کر سکتا تھا"۔

ایرانی جوابی کارروائی کا طاقت سے مقابلہ کیا جائے گا

امریکی وزیر دفاع نے خبردار کیا کہ ایران کی طرف سے کسی بھی جوابی کارروائی کا طاقت سے مقابلہ کیا جائے گا۔

پیٹ ہیگستھ نے کہا کہ صدر ٹرمپ "امن کے خواہاں ہیں" اور انہوں نے کہا ہے کہ کوئی جوہری ہتھیار نہیں، وہ امن چاہتے ہیں اور ایران کو یہ راستہ اختیار کرنا چاہیے۔‘‘

انہوں نے گزشتہ رات ٹرمپ کی سوشل میڈیا پوسٹس کو پڑھ کر بھی سنایا جس میں خبردار کیا گیا تھا کہ ایران کی طرف سے کسی بھی انتقامی کارروائی کا "بہت زیادہ" طاقت سے مقابلہ کیا جائے گا۔

حملوں بارے واشنگٹن میں بہت کم لوگ جانتے تھے

چیئرمین جوائنٹ چیفس آف اسٹاف جنرل ڈین کین نے بریفنگ کے دوران ایرانی جوہری تنصیبات پر کیے گئے حملے کی تفصیلات سے آگاہ کیا۔

انہوں نے بتایا کہ اس کارروائی کو "آپریشن مڈنائٹ ہیمر" کا کوڈ نام دیا گیا تھا، جو ایک انتہائی خفیہ مشن تھا، اور اس کے وقت اور منصوبہ بندی سے واشنگٹن کے چند ہی اعلیٰ حکام واقف تھے۔

جنرل ڈین کین کے مطابق صرف چند منتخب منصوبہ ساز اور سینیئر رہنما ہی اس کارروائی سے باخبر تھے۔

انہوں نے یہ بھی انکشاف کیا کہ یہ امریکا کی تاریخ کا سب سے بڑا B-2 بمبار مشن تھا، اس حملے میں 75 میزائل اور بم استعمال کیے گئے، جن میں دو درجن سے زائد ٹوماہاک کروز میزائل اور 14 ایم او پی (بنکر بسٹر) بم شامل تھے ،جو پہلی مرتبہ کسی مشن میں استعمال کیے گئے۔

جنرل نے بتایا کہ فردو کی زیرِ زمین تنصیبات زمین کی سطح سے 80 سے 90 میٹر گہرائی میں واقع ہیں، اور ان پر حملے کے لیے بنکر بسٹر بم واحد ممکنہ ہتھیار تھے جو اس حد تک پہنچنے کی صلاحیت رکھتے ہیں، اگرچہ ان کی مکمل کامیابی کی ضمانت نہیں دی جا سکتی۔

اس مشن میں سات B-2 بمبار طیارے شامل تھے جنہوں نے ہدف تک پہنچنے کے لیے 18 گھنٹے طویل پرواز کی، جب یہ طیارے ایرانی فضائی حدود میں داخل ہوئے، تو ایک امریکی آبدوز نے دو درجن سے زائد ٹوماہاک میزائل اصفہان کی جوہری تنصیبات پر داغے، جنہیں مشن کے اہم اہداف قرار دیا گیا تھا۔

جنرل کین کے مطابق تمام اہداف کو 25 منٹ کے اندر اندر نشانہ بنایا گیا اور اختتام پر ایک بار پھر اصفہان پر میزائل حملہ کیا گیا۔

انہوں نے دعویٰ کیا کہ پورے آپریشن کے دوران ایران کی جانب سے کسی قسم کی مزاحمت سامنے نہیں آئی۔

ان کے مطابق ایرانی زمین سے فضا میں مار کرنے والے دفاعی نظام نے امریکی طیاروں کو "شاید دیکھا ہی نہیں"۔

انہوں نے یہ بھی کہا کہ کسی ایسے واقعے کی اطلاع نہیں ملی جس میں امریکی طیاروں پر فائرنگ کی گئی ہو۔

نقصان کا مکمل اندازہ لگانے میں کچھ وقت لگے گا

جنرل ڈین کین کا کہنا تھا کہ ایران کو پہنچنے والے نقصان کا مکمل اندازہ لگانے میں کچھ وقت لگے گا۔

امریکی افواج 'ہائی الرٹ' پر ہیں

ان کا کہنا تھا کہ ایران پر حملے میں "امریکی تاریخ کا سب سے بڑا B-2 آپریشنل حملہ" شامل تھا۔

انہوں نے کہا کہ امریکی افواج "ہائی الرٹ" پر ہیں اور "کسی بھی ایرانی جوابی کارروائی کا جواب دینے کے لیے پوری طرح تیار ہیں"۔

’یہ مشن حکومت کی تبدیلی بارے نہیں ‘

وزیر دفاع پیٹ ہیگستھ سے جب ایران میں حکومت کی تبدیلی کے بارے میں پوچھا گیا تو انہوں نے کہا کہ ’’ مشن حکومت کی تبدیلی کے بارے میں نہیں تھا اور نہ ہے"۔

ان کا کہنا تھا کہ صدر ٹرمپ نے ہمارے فوجیوں، ہمارے اتحادی اسرائیل کے ڈیفنس اور ہمارے قومی مفادات کو لاحق خطرات کو بے اثر کرنے کے لیے ایک درست آپریشن کی اجازت دی ہے۔

ٹرمپ نے ایران پر حملہ کرنے کا فیصلہ کب کیا؟

وزیر دفاع سے پوچھا گیا کہ کیا کوئی خاص لمحہ تھا جب ڈونلڈ ٹرمپ نے "ٹرگر کھینچنے" کا فیصلہ کیا ؟۔

انہوں نے جواب دیتے ہوئے کہا کہ ٹرمپ "امن کے عمل کے لیے پوری طرح پرعزم ہیں" اور وہ مذاکرات کا نتیجہ چاہتے ہیں، تاہم، انہوں نے "ایران کو ہر موقع دیا اور پھر حملہ کیا گیا"۔

انہوں نے کہا کہ "ٹرمپ کے لیے کوئی خاص لمحہ نہیں تھا، لیکن ایک لمحہ ایسا تھا جب انہیں احساس ہوا کہ ایک وقت ایسا بھی ہے جب خطرے کو کم کرنے کے لیے اقدامات کرنے کی ضرورت ہے"۔

یاد رہے کہ وائٹ ہاؤس نے جمعرات کو کہا تھا کہ صدر ٹرمپ ایران تنازع میں امریکی شمولیت بارے فیصلہ دو ہفتوں میں کریں گے۔

انہوں نے ایک سوال کے جواب میں کہا کہ ’ امریکا کا خیال ہے کہ اس نے فوردو میں صلاحیتوں کو تباہ کر دیا ہے جو ان کا اصل ہدف تھا۔‘

ایران اب بھی میز پر آسکتا ہے

امریکی وزیر دفاع کا کہنا تھا کہ انہیں اب بھی امید ہے کہ ایران مذاکرات میں واپس آئے گا۔

ان کا کہنا تھا کہ میں صرف اس بات کی تصدیق کر سکتا ہوں کہ ایرانیوں کو متعدد چینلز پر عوامی اور نجی دونوں پیغامات پہنچائے جا رہے ہیں جو انہیں میز پر آنے کا ہر موقع فراہم کرتے ہیں۔

انہوں نے یہ بھی کہا کہ امریکی حملے کا دائرہ "جان بوجھ کر محدود تھا اور یہی وہ پیغام ہے جسے ہم بھیج رہے ہیں، تاہم، انہوں نے کہا کہ امریکی فوج کی صلاحیتیں "تقریباً لامحدود" ہیں۔

آسٹریلیا، نیوزی لینڈ، یورپی یونین اور جاپان نے ایرانی جوہری ہتھیاروں کو دنیا کیلئے خطرہ قرار دیتے ہوئے کہا ہے کہ خطے میں کشیدگی میں کمی کیئے سفارتکاری کا راستہ اپنایا جائے۔

امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

ایران نے امریکی حملوں کے بعد اسرائیل پر خیبر شکن میزائلوں سے حملہ کردیا، جس کے نتیجے میں تل ابیب اور حیفہ سمیت کئی شہروں میں بڑی تباہی ہوئی ہے، 80 سے زائد افراد زخمی بھی ہوئے ہیں۔

آسٹریلیا، نیوزی لینڈ، یورپی یونین اور جاپان نے امریکی حملوں کی مذمت کے بجائے ایران کے جوہری پروگرام کو دنیا کیلئے خطرہ قرار دیدیا۔

آسٹریلیا نے ایرانی جوہری تنصیبات پر امریکی حملوں پر ردعمل کا اظہار کرتے ہوئے کہا کہ ایران کا جوہری اور بیلسٹک پروگرام عالمی قوانین کیلئے خطرہ ہے۔

آسٹریلیا نے سفارتکاری کا راستہ اپنانے پر زور دیتے ہوئے کہا کہ خطے میں کشیدگی میں کمی چاہتے ہیں۔

نیوزی لینڈ نے امریکی حملے کے ردعمل میں کہا کہ صورتحال تشویشناک  ہے، کشیدگی میں اضافے سے گریز کیا جائے، ہمارا ملک سفارتی کوششوں کی حمایت کرتا ہے۔

یورپی یونین کی خارجہ پالیسی کی سربراہ کاجا کالاس نے ایرانی ایٹمی تنصیبات پر امریکی حملوں پر ردعمل دیتے ہوئے کہا کہ ایران کو جوہری ہتھیار تیار کرنے سے روکا جانا چاہیے، ایران کی جوہری سرگرمیاں بین الاقوامی سلامتی کیلئے خطرہ ہیں۔

کاجا کالاس کا کہنا ہے کہ فریقین ایران پر امریکی حملے کے بعد ایک قدم پیچھے ہٹیں۔

امریکی ایٹمی حملوں کا نشانہ بننے والے جاپان نے ایرانی جوہری تنصیبات پر امریکی حملوں پر مذمت سے گریز کیا۔ جاپانی وزیرِاعظم شیگرو اشیبا نے امریکی حملے پر اپنے بیان میں کہا کہ  ایران کو جوہری ہتھیار بنانے سے روکا جانا چاہئے۔

جاپانی وزیراعظم کا کہنا ہے کہ ایران کی صورتحال پر گہری تشویش ہے، اس پر نظر رکھی ہوئی ہے، مشرق وسطیٰ میں بڑھتی کشیدگی میں کمی لانے کیلئے اقدامات کئے جائیں۔

ایرانی جوہری تنصیبات پر امریکی حملے کے بعد آئی اے ای اے کا ہنگامی اجلاس کا طلب کرلیا گیا۔

جوہری توانائی اور یورینیم افزودگی کے عالمی نگران ادارے آئی اے ای اے کے سربراہ رافیل گروسی کا کہنا ہے کہ ’ایران میں جاری ہنگامی صورتحال کی روشنی میں کل آئی اے ای اے کا ایک ہنگامی اجلاس طلب کیا گیا ہے۔

دوسری جانب ایران کے جوہری توانائی کے سربراہ محمد اسلم نے آئی اے ای اے کو خط لکھ کر امریکی حملوں کی تحقیقات کا مطالبہ کیا ہے۔

ایرانی میڈیا کے مطابق انھوں نے عالمی جوہری توانائی کے نگران ادارے سے امریکی حملوں کی مذمت کا بھی مطالبہ کیا ہے۔

یاد رہے کہ امریکی حملوں کے بعد ائی اے ای اے نے ایک بیان جاری کیا تھا جس میں کہا گیا تھا کہ ایران میں جوہری تنصیبات کے گرد تابکاری کی سطح میں کوئی تبدیلی نہیں آئی۔

ادارے کا مزید کہنا تھا کہ ’آئی اے ای اے کی جانب سے اس بارے میں مزید تجزیہ تب کیا جائے گا جب صورتحال کے حوالے سے مزید معلومات دستیاب ہوتی ہیں۔

ایران کے وزیرِ خارجہ عباس عراقچی نے ایران کے ایٹمی تنصیبات پر امریکی جارحیت کی مذمت کرتے ہوئے کہا ہے کہ ایٹمی تنصیبات پر حملہ کرکے امریکہ نے ریڈ لائن عبور کی ہے۔

استنبول میں پریس کانفرنس کرتے ہوئے ایرانی وزیرخارجہ عباس عراقچی نے کہا ہم اپنی آزادی اور خودمختاری پر کبھی سمجھوتہ نہیں کریں گے۔ دفاع کیلئے تمام آپشنز کے استعمال کا حق رکھتے ہیں۔ نتائج کی تمام تر ذمہ داری امریکا پر ہو گی۔

عباس عراقچی نے کہا کہ کہا امریکا نے ایرانی عوام کے خلاف خطرناک کارروائی کا ارتکاب کیا ۔ ڈونلڈ ٹرمپ نے اپنے ہی عوام سے جنگیں ختم کرنے کے وعدے کی خلاف ورزی کی ۔ سلامتی کونسل امریکا کو جوابدہ ٹھہرائے۔

ایک سوال کے جواب میں کہ کیا ایران کیا آپ خطے میں موجود امریکی فوجی اڈوں کو نشانہ بنائے گا اور آبنائے ہرمز کو بند کر دے گا، عباس عراقچی نے کہا کہ بس اتنا کہوں گا کہ ہمارے پاس کئی آپشن ہیں۔

انھوں نے کہا کہ جب ہم مذاکرات کر رہے تھے تب بھی ہمیں مغربی ممالک پر بھروسہ نہیں تھا۔ اب ہمارے پاس مزید وجوہات ہیں کہ ہم ان پر بالکل بھروسہ نہ کریں۔

ایرانی وزیرِ خارجہ کا کہنا تھا کہ سفارتکاوی کا راستہ ہمیشہ کھلا رکھنا چاہیے مگر ہم ابھی ایسی صورتحال میں نہیں کہ ہم فیصلہ کریں کہ کیسے سفارکاری کو ایک بار پھر موقع دیں اور کس کے ساتھ۔ تو فی الحال ہمارے جواب کا انتظار کریں۔

پریس کانفرنس کے دوران ایرانی وزیر خارجہ نے صدر پیوٹن سے ملاقات کیلئے آج روس جانے کا اعلان بھی کردیا۔

پاکستان تحریک انصاف نے ایرانی جوہری تنصیبات پر امریکی حملوں کی مذمت کردی۔ بیرسٹر گوہر کا کہنا ہے کہ ایران کو کسی بھی غیر ملکی جارحیت کیخلاف اپنے دفاع کا حق حاصل ہے۔

امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

ایران نے امریکی حملوں کے بعد اسرائیل پر خیبر شکن میزائلوں سے حملہ کردیا، جس کے نتیجے میں تل ابیب اور حیفہ سمیت کئی شہروں میں بڑی تباہی ہوئی ہے، 80 سے زائد افراد زخمی بھی ہوئے ہیں۔

چیئرمین پاکستان تحریک انصاف بیرسٹر گوہر نے سوشل میڈیا پر جاری پیغام میں کہا ہے کہ ہم ایران کی جوہری تنصیبات پر امریکی حملوں کی مذمت کرتے ہیں۔

ان کا کہنا ہے کہ ایران پر امریکا کا پہلا براہ راست حملہ کشیدگی کو مزید بڑھا سکتا ہے، ہم تنازع کو فوری طور پر کم کرنے کے مطالبے کا اعادہ کرتے ہیں۔

بیرسٹر گوہر نے کہا کہ ایران کو کسی بھی غیر ملکی جارحیت کیخلاف اپنے دفاع کا پورا حق حاصل ہے۔

ایرانی ایٹمی ایٹمی تنصیبات پر حملوں کے بعد اسرائیل کیخلاف بڑے پیمانے پر میزائل حملوں پر ایرانی پاسداران انقلاب کا ردعمل سامنے آگیا۔ ترجمان کا کہنا ہے کہ خیبر شکن میزائل کا پہلی بار استعمال کیا گیا جو فضاؤں میں ہدف تک پہنچنے کیلئے چکمہ دینے کی صلاحیت رکھتا ہے، ایران نے اپنی صلاحیتوں کا بڑا حصہ دفاع کیلئے تاحال استعمال نہیں کیا۔

امریکا کی جانب سے ایٹمی تنصیبات پر حملں کے بعد ایران نے اسرائیل پر خیبر شکن میزائلوں سے حملہ کردیا، حملوں پر ایرانی پاسداران انقلاب کا ردعمل بھی سامنے آگیا۔

ایرانی پاسداران انقلاب کا کہنا ہے کہ پہلی بار اسرائیل کیخلاف خیبرشکن میزائل کا استعمال کیا گیا، یہ میزائل فضاؤں میں ہدف تک پہنچنے کیلئے چکمہ دینے کی صلاحیت رکھتا ہے، حملے میں میزائل پہلے زمین پر گرے، سائرن بعد میں بجے۔

انہوں نے اعلان کیا کہ ابھی مزید خطرناک میزائل اسرائیل کیخلاف استعمال ہونا باقی ہیں، اسرائیل پر حملہ 40 میزائلوں  کے ساتھ کیا گیا، ایران نے اپنی صلاحیتوں کا بڑا حصہ دفاع کیلئے تاحال استعمال نہیں کیا۔

امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

ترجمان ایرانی پاسدارانِ انقلاب کا کہنا ہے کہ ہمارا جواب جارح قوتوں کو پچھتانے پر مجبور کردے گا۔

ایرانی ایٹمی تنصیبات پر امریکی حملوں کے بعد ایک بیان میں ترجمان ایرانی پاسدارانِ انقلاب نے کہا کہ ایران کی نیوکلیئرسائٹس کو کسی بھی حملے سے تباہ نہیں کیا جاسکتا۔

بیان کے مطابق امریکا کے پاس ہمارے شدید ردعمل سے بچنے کی صلاحیت نہیں، خطے میں امریکی فوجی اڈوں کی تعداد پھیلاؤ اور سائز طاقت نہیں، امریکا کے خلاف ہمارا عزم پختہ ہے۔ وائٹ ہاؤس اور تل ابیب کی دھماکیوں سے مرعوب نہیں ہوں گے۔

ترجمان ایرانی پاسدارانِ انقلاب ہماری کارروائی پوری درستگی اور قوت کے ساتھ جاری رہے گی، جارح قوتیں جواب کا انتظارکریں جو انہیں پچھتانے پر مجبور کردے گا، اسرائیل کے بنیادی ڈھانچے، مراکز اور مفادات کو نشانہ بناتے رہیں گے۔

پاکستان نے ایرانی ایٹمی تنصیبات پر امریکی حملے کی مذمت کردی۔ ترجمان کا کہنا ہے کہ حملے بین الاقوامی قوانین کی خلاف ورزی ہیں۔

امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

🔊PR No.1️⃣8️⃣2️⃣/2️⃣0️⃣2️⃣5️⃣

Pakistan Condemns the US Attacks on the Nuclear Facilities of the Islamic Republic of Iran.

🔗⬇️https://t.co/2qpo27WzVQ pic.twitter.com/ugtFomQ5HO

— Ministry of Foreign Affairs - Pakistan (@ForeignOfficePk) June 22, 2025

پاکستان نے ایرانی ایٹمی تنصیبات پر امریکی حملے کی مذمت کرتے ہوئے انہیں بین الاقوامی قوانین کی کھلم کھلا خلاف ورزی قرار دیا ہے۔

ترجمان دفتر خارجہ کا کہنا ہے کہے خطے میں کشیدگی میں اضافے پر گہری تشویش ہے، ایران کو اقوام متحدہ کے چارٹر کے مطابق اپنے دفاع کا پورا حق ہے۔

دفتر خارجہ کا اپنے بیان میں کہنا ہے کہ کشیدگی میں اضافہ خطے کو مزید نقصان پہنچائے گا، مذاکرات اور سفارتکاری ہی تنازع کا واحد حل ہے۔

دوسری جانب سعودی عرب نے ایران کی جوہری تنصیبات پر امریکی حملے پر ردعمل کا اظہار کرتے ہوئے مسئلے کے سیاسی حل پر زور دیا ہے۔

سعودی عرب، عراق، مصر، کویت، کیوبا، چلی، میکسیکو اور وینزویلا نے ایران کی جوہری تنصیبات پر امریکی حملوں پرردعمل کا اظہار کردیا، مسئلے کے سیاسی حل پر زور دیا ہے۔

ہفتہ اور اتوار کی رات امریکا نے بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

سعودی عرب نے ایران کی جوہری تنصیبات پر امریکی حملے کی مذمت کردی، سعودی وزارت خارجہ نے مسئلے کے سیاسی حل پر زور دیا ہے۔

سعودی عرب کا کہنا ہے کہ بین الاقوامی برادری نازک حالات میں بحران کے خاتمے کیلئے کوششیں کرے، ایران کے مسئلے کو سفارتکاری سے حل کیا جائے۔

دوسری جانب کویت اور عراق نے بھی امریکی حملوں کی مذمت کرتے ہوئے مسئلے کے سیاسی حل پر زور دیا ہے۔

عراق نے ایران پر امریکی حملوں کی مذمت کرتے ہوئے کہا کہ ایران کی جوہری تنصیبات کو نشانہ بنائے جانے پر شدید تشویش ہے۔

عراق کا کہنا ہے کہ فوجی کشیدگی میں اضافہ خطے کے امن و سلامتی کیلئے سنگین خطرہ ہے۔

مصری وزارت خارجہ نے بھی ایران پر امریکی حملوں کی مذمت کردی۔ ترجمان کا کہنا ہے کہ ایران پر امریکی حملے پر گہری تشویش ہے، ایران پر حملوں سے علاقائی اور بین الاقوامی سلامتی کو خطرہ ہے۔

قطر نے ایران پر امریکی حملے پر ردعمل دیتے ہوئے خبردار کیا ہے کہ ایران پر امریکی حملے کے تباہ کن نتائج ہوں گے۔ قطری وزارت خارجہ کا کہنا ہے کہ امریکی حملے افسوسناک ہیں۔

امریکا کی جانب سے ایران کی جوہری تنصیبات پر حملوں پر کیوبا، چلی، میکسیکو اور وینزویلا نے بھی شدید مذمت کی ہے۔

ایرانی سرکاری میڈیا کے مطابق امریکی حملے میں فردو جوہری تنصیبات کے داخلی اور خارجی راستے پر صرف دو سرنگوں کو ہی نقصان پہنچا ہے۔

برطانوی نشریاتی ادارے کے مطابق ڈونلڈ ٹرمپ فردو جوہری تنصیب کو تباہ کرنے کے حوالے سے ’چکمہ‘ دے رہے ہیں۔ فردو کے داخلی اور خارجی راستے پر صرف دو سرنگوں کو ہی نقصان پہنچا ہے۔

صوبہ قم کے کرائسز مینجمنٹ کے ترجمان مرتضیٰ حیدری نے فردو کے ایک ’حصے‘ پر حملے کی تصدیق کی تھی نے بعد میں کہا کہ پورا صوبہ ’بالکل پرامن‘ ہے۔

یہ حملے ایک ایسے وقت میں ہوئے ہیں جب ایران میں انٹرنیٹ تک رسائی محدود ہے، جس کی وجہ یہ بتائی گئی ہے کہ دشمن کی جانب سے سائبر حملوں کا خطرہ ہے۔ 

قبل ازیں انٹرنیشنل اٹامک انرجی ایجنسی کا کہنا ہے کہ ایران کی جوہری تنصیبات پر امریکی حملوں کے بعد تابکاری کی سطح میں اضافہ نہیں ہوا۔

آئی اے ای اے کے مطابق ایران کی جوہری تنصیبات بشمول فردو، نتنز اور اصفہان پر حالیہ امریکی حملوں کے بعد آف سائٹ تابکاری کی سطح میں کوئی اضافہ نہیں دیکھا گیا۔ ہدف بنائے گئے مقامات کے باہر تابکاری کی سطح معمول کے مطابق ہے۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

ایران نے اسرائیلی خفیہ ایجنسی موساد کے ایک اور ایجنٹ کو پھانسی دیدی۔

اسرائیل کی جانب سے ایران پر ڈرون اور میزائل حملوں کے بعد ایران نے اپنی سرزمین پر اسرائیل کی خفیہ ایجنسی موساد کے ایجنٹوں کیخلاف بھرپور کارروائی جاری رکھی ہوئی ہے، اس دوران 12 سے زائد ایجنٹوں کو گرفتار کیا جاچکا ہے۔

ایرانی میڈیا کے مطابق حکام نے اسرائیلی خفیہ ایجنسی موساد کے ایک اور ایجنٹ کو پھانسی دیدی۔

میڈیا رپورٹ کا کہنا ہے کہ قانونی کارروائی کے بعد اسرائیلی ایجنٹ کو سزا دی گئی۔ اس سے قبل بھی ایک ایجنٹ کو پھانسی دی جاچکی ہے۔

واضح رہے کہ ہفتہ اور اتوار کی رات امریکا نے بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

دوسری جانب ایران نے امریکی حملوں کے بعد اسرائیل پر خیبر شکن میزائلوں سے حملہ کردیا، نئے مرحلے میں 20 سے 40 میزائل اسرائیلی شہروں پر داغے گئے، جس کے بعد کئی شہروں میں دھماکوں کی آوازیں سنی گئی ہیں۔

ایران کی جوہری تنصیبات پر امریکی حملے پر برطانیہ کا ردعمل آگیا۔ وزیراعطم کیئر اسٹارمر کہتے ہیں کہ ایران کا جوہری پروگرام دنیا کی سلامتی کیلئے سنگین خطرہ ہے، بحران کے سفارتی حل کیلئے ایران کو مذاکرات کی میز پر واپس آنا ہوگا۔

امریکا نے بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔ ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔

ایرانی ایٹمی توانائی سربراہ کا کہنا ہے کہ حملہ بین الاقوامی قانون کی خلاف ورزی ہے، ایران اپنی قومی صنعت کی ترقی روکنے کی اجازت نہیں دے گا۔

ایرانی جوہری تنصیبات پر امریکی حملوں پر برطانوی وزیراعظم کیئر اسٹارمر کا ردعمل بھی سامنے آگیا۔ ان کا کہنا ہے کہ ایران مذاکرات کی میز پر واپس آئے تاکہ بحران کا سفارتی حل نکالا جائے۔

کیئر اسٹارمر نے کہا کہ ایران کا جوہری پروگرام دنیا کی سلامتی کیلئے سنگین خطرہ ہے، مشرق وسطیٰ کی صورتحال غیر مستحکم ہے، خطے میں استحکام ضروری ہے۔

دوسری جانب ایران نے امریکی حملوں کے بعد اسرائیل پر خیبر شکن میزائلوں سے حملہ کردیا، نئے مرحلے میں 20 سے 40 میزائل اسرائیلی شہروں پر داغے گئے، جس کے بعد کئی شہروں میں دھماکوں کی آوازیں سنی گئی ہیں۔

ایران نے جوہری تنصیبات پر امریکی حملوں کے بعد اقوام متحدہ کی سلامتی کونسل کا ہنگامی اجلاس بلانے کا مطالبہ کردیا۔

عالمی خبر ایجسنی کے مطابق اقوام متحدہ میں ایران کے مشن نے امریکا کے جانب سے اس کی جوہری تنصیبات پر کیے گئے حملوں کے بعد سلامتی کونسل کا ہنگامی اجلاس بلانے کا مطالبہ کیا ہے۔

ایرانی مشن نے امریکی بمباری کو کھلی اور غیرقانونی جارحیت قرار دیا اور مطالبہ کیا کہ اس کی شدید ترین الفاظ میں مذمت کی جائے۔

مشن نے یہ بھی کہا کہ اقوام متحدہ کے چارٹر کے تحت سلامتی کونسل کی ذمہ داریوں کے دائرہ کار میں تمام ضروری اقدامات کیے جائیں تاکہ ان سنگین جرائم کے مرتکب کو مکمل طور پر جوابدہ ٹھہرایا جائے اور وہ سزا سے بچ نہ سکے۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

ایران کے ایٹمی تنصیبات پر امریکی حملوں کے بعد جوابی کارروائی کے خدشے کے باعث اسرائیل نے اپنی فضائی حدود بند کر دی۔

اسرائیلی ایئرپورٹس اتھارٹی کے مطابق امریکی حملوں کے بعد موجودہ حالات کے پیشِ نظر  فضائی حدود بند رہے گی۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

ایران نے امریکی حملوں کی تصدیق کرتے ہوئے آبنائے ہرمز بند کرنے اور جوابی کارروائی کا اعلان کر دیا۔

ترجمان ایرانی بحریہ کا کہنا ہے کہ آبنائے ہرمز دو گھنٹے میں بند کردیں گے، جو عالمی تیل اور گیس کی ترسیل کے لیے ایک اہم آبی گزرگاہ ہے۔

اس سے قبل ایران نے خبردار کردیا ہے کہ اگر واشنگٹن نے اسرائیل کا ساتھ دیا تو آبنائے ہرمز کو بند کردیا جائے گا۔

آبنائے ہرمز ایسا سمندری راستہ ہے جو ایشیا، یورپ اور شمالی امریکا سمیت دُنیا بھرکیلئے تیل کے حوالے سے لائف لائن ہے ۔ سعودی عرب، متحدہ عرب امارات، کویت اور ایران جیسے ممالک سے اِسی راستے تیل دیگر ملکوں کو پہنچایا جاتا ہے ۔

خلیج فارس اور خلیج عمان کے بیچ واقع آبنائے ہرمز ایک مقام پر صرف 33 کلو میٹرہے ۔ اگرایران آبنائے ہرمزکوبند کردے تو عالمی تیل کی 20 فیصد رسد متاثر ہوگی۔

انٹرنیشنل اٹامک انرجی ایجنسی کا کہنا ہے کہ ایران کی جوہری تنصیبات پر امریکی حملوں کے بعد تابکاری کی سطح میں اضافہ نہیں ہوا۔

آئی اے ای اے کے مطابق ایران کی جوہری تنصیبات بشمول فردو، نتنز اور اصفہان پر حالیہ امریکی حملوں کے بعد آف سائٹ تابکاری کی سطح میں کوئی اضافہ نہیں دیکھا گیا۔ ہدف بنائے گئے مقامات کے باہر تابکاری کی سطح معمول کے مطابق ہے۔

بیان میں کہا گیا ہے کہ ایران میں تین نیوکلیئر سائٹس پر حملوں کے بعد اس بات کی تصدیق کرسکتے ہے کہ اس وقت تک آف سائٹ تابکاری کی سطح میں کوئی اضافہ نہیں ہوا ہے۔ ایجنسی نے کہا کہ وہ صورتحال کی قریب سے نگرانی جاری رکھے گی اور مزید معلومات کے دستیاب ہونے پر مزید جائزے فراہم کرے گی۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

ایران نے امریکی حملوں کے بعد  اسرائیل پر پہلی بار خیبر میزائلوں سے نیا حملہ کیا ہے۔

اسرائیلی فوج کے مطابق ایران کی جانب سے اسرائیل پر میزائل داغے گئے، تل ابیب میں متعدد دھماکوں کی آوازیں سنی گئیں،سائرن بج اٹھے۔ اسرائیلی شہر حیفہ میں بھی دھماکوں کی آوازیں سنی گئی۔

عرب میڈیا کے مطابق تل ابیب سمیت اسرائیل بھر میں جنگی سائرن بجنا شروع ہوگئے ہیں اور فضائی دفاعی نظام فعال کر دیا گیا ہے۔

خبر ایجنسی کے مطابق اسرائیلی شہر حیفا پر متعدد ایرانی میزائل گرنے کی اطلاعات ہیں، تل ابیب میں بھی متعدد دھماکوں کی آوازیں سنی گئی ہیں۔

اسرائیلی میڈیا کے مطابق  ایران کے تازہ میزائل حملوں سے اسرائیل کےمختلف حصوں میں نقصانات ہوئے ہیں۔

ایرانی میڈیا کے مطابق ایرانی پاسداران انقلاب نے اتوار کی صبح اسرائیل پر جوابی میزائل اور ڈرون حملوں کا ایک نیا سلسلہ شروع کیا ہے، جس میں درجنوں اسرائیلی شہری زخمی ہوگئے ہیں۔

 پاسداران انقلاب کے ترجمان کے مطابق حیفا اور تل ابیب میں اسرائیل کے 14 اسٹریٹجک اہداف کو نشانہ بنایا گیا۔

عرب میڈیا کے مطابق حملوں میں تل ابیب اور حیفا سمیت متعدد اسرائیلی علاقوں میں عمارتوں کو براہ راست نشانہ بنایا گیا۔ ایران نے اسرائیل پر تازہ میزائل حملے میں 20 سے 40 بیلسٹک میزائلوں سے حملہ کیا۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

اسرائیلی وزیراعظم نیتن یاہو کا کہنا ہے کہ صدرٹرمپ اورمیں اس بات پرمتفق ہیں کہ امن طاقت سے آسکتا ہے۔

نیتن یاہو نے کہا کہ ایران کا جوہری پروگرام اسرائیل کےلیے خطرہ تھا، امریکا نے آج کی رات بڑی بہادری دکھائی ہے۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

ایرانی وزیرخارجہ عباس عراقچی کا کہنا ہے کہ امریکی حملے اشتعال انگیز ہیں، ان کے سنگین  نتائج  برآمد ہوں گے۔

ایرانی وزیرخارجہ نے کہا کہ امریکا نے حملہ کرکے این پی ٹی قوانین کی سنگین خلاف ورزی کی، ایٹمی تنصیبات پر امریکی حملہ  اقوام متحدہ کے چارٹرکی خلاف ورزی ہے۔

عباس عراقچی نے کہا کہ ایران اپنے مفادات اور عوام کے دفاع کیلئے جوابی کارروائی کا حق رکھتا ہے، امریکی حملے اشتعال انگیز ہیں، ان کے سنگین  نتائج  برآمد ہوں گے۔

واضح رہے کہ امریکا نے اسرائیل کیساتھ ایران کی ایٹمی تنصیبات پر حملہ کردیا۔ خبر ایجنسی کے مطابق 6 بی 2 بمبار طیاروں نے ایرانی نیوکلیئر سائٹس پر حملے کیے، امریکی بمبار طیاروں نے حملوں میں 6 بنکر بسٹر بم پھینکے۔ فردو جوہری تنصیبات پر تقریباً 30 ٹن دھماکا خیزمواد گرایا گیا۔ ایرانی جوہری مقامات پر30 ٹاما ہاک میزائلوں کا استعمال کیا گیا۔

امریکی صدر کا کہنا ہے کہ ہم نے ایران میں 3 جوہری تنصیبات کو نشانہ بنایا، فردو، نطنز اور اصفہان میں جوہری تنصیبات پرحملے کیے گئے، فردو ایٹمی تنصیب مکمل طور پر تباہ کردی۔

سعودی عرب کی ایٹمی ریگولیٹری کمیشن کا کہنا ہے کہ ایران پر امریکی حملوں کے بعد  تابکاری کے شواہد نہیں ملے۔

سعودی ایٹمی ریگولیٹری کمیشن کے مطابق سعودی عرب اور ہمسایہ ممالک میں تابکاری کے اثرات نہیں محسوس کئے گئے۔

دوسری جانب ایرانی میڈیا کے مطابق تینوں جوہری مقامات کو کچھ دن قبل خالی کرایا گیا تھا، ایرانی حکام کا کہنا ہے کہ کوئی بڑا دھچکا نہیں لگا کیونکہ مواد پہلے ہی نکال لیا گیا تھا۔

اسرائیلی میڈیا کے مطابق ایران پرحملے بعد اسرائیل میں سیکیورٹی انتہائی سخت کردی گئی، اسرائیلی عوام کو ہوم فرنٹ کمانڈ کی ہدایات پرسختی سے عمل کرنے کی ہدایت کردی۔ امریکا نے بھی اپنے شہریوں کو ایران سے نکلنے کی ہدایت کردی۔

امریکی صدر ڈونلڈ ٹرمپ کا کہنا ہے کہ ایران کی اہم یورینیم افزودگی کی تنصیبات کو مکمل طور پر تباہ کر دیا گیا۔ ایران قائم کرے ورنہ آئندہ حملے زیادہ شدید ہوں گے۔

قوم سے خطاب میں ڈونلڈ ٹرمپ نے کہا کہ ایران کی ایٹمی تنصیبات پر بڑا حملہ کیا ہے، ایران کی جوہری تنصیبات پر کیے گئے حملے ایک شاندار فوجی کامیابی ہے۔ ایران کی اہم یورینیم افزودگی کی تنصیبات کو مکمل طور پر تباہ کر دیا گیا۔

امریکی صدر نے کہا کہ ایران، جو مشرق وسطیٰ کا بدمعاش ہے، اب امن قائم کرے، اگر اُس نے ایسا نہ کیا، تو آئندہ حملے کہیں زیادہ شدید ہوں گے، ایران کو فوری طور پر باز آنا ہوگا، ورنہ اسے دوبارہ نشانہ بنایا جائے گا۔

انہوں نے کہا کہ ایران 40 سال سے کہہ رہا ہے کہ امریکہ مردہ باد اسرائیل مردہ باد، وہ ہمارے لوگوں کو مار رہے ہیں، ان کے بازو اڑا رہے ہیں، ان کی ٹانگیں سڑک کے کنارے نصب بموں سے اڑا رہے ہیں، یہ ان کی خاصیت تھی۔

ڈونلڈ ٹرمپ کا مزید کہنا تھا کہ یا تو امن ہو گا یا ایران کے لیے اس سے کہیں بڑا المیہ ہو گا ۔ یاد رکھیں، بہت سے اہداف باقی ہیں۔ آج کی رات ان سب میں اب تک کا سب سے مشکل تھا، اور شاید سب سے زیادہ مہلک تھا، لیکن اگر امن جلد نہیں آیا، تو ہم ان دیگر اہداف کا تعاقب درستگی، رفتار اور مہارت کے ساتھ کریں گے۔