مشرق وسطیٰ کی صورتحال کے باعث قومی ائیر لائن ( پی آئی اے ) کا فضائی آپریشن محدود کر دیا گیا ہے اور پاکستان سے قطر، بحرین، کویت اور دبئی کی پروازیں منسوخ کردی گئی ہیں۔
ترجمان پی آئی اے کے مطابق شیڈول پروازوں کی منسوخی کا فیصلہ خلیجی ممالک میں جنگی صورتحال کے باعث کیا گیا ہے اور حالات معمول میں آنے کے بعد پی آئی اے کی پروازیں دوبارہ شروع کر دی جائیں گی۔
ترجمان کے مطابق مسافر اپنی پروازوں سے متعلق بروقت معلومات پی آئی اے کال سینٹر سے حاصل کریں۔
ریزرویشن ڈپارٹمنٹ نے مسافروں کی بکنگ کو دوسری پروازوں پر منتقلی کا کام شروع کردیا ہے۔
