تحریک انصاف کی خیبرپختونخوا پارلیمانی پارٹی کے اجلاس میں صوبائی کابینہ میں توسیع کا فیصلہ کر لیا گیا۔ ذرائع کے مطابق اجلاس اسلام آباد میں منعقد ہوا جس کی صدارت وزیراعلیٰ سہیل خان نے کی۔
ذرائع کا کہنا ہے کہ وزیراعلیٰ نے اجلاس کے دوران صوبائی کابینہ میں جلد توسیع کا عندیہ دیا، جبکہ ارکانِ صوبائی اسمبلی نے کابینہ کی تشکیل میں میرٹ کو یقینی بنانے پر زور دیا۔
پارلیمانی پارٹی اجلاس میں بعض ایم پی ایز نے واضح کیا کہ اگر کابینہ کی تشکیل میں میرٹ کو نظرانداز کیا گیا تو وہ سخت مؤقف اختیار کرنے پر مجبور ہوں گے۔
ذرائع کے مطابق اجلاس میں یہ بھی کہا گیا کہ میرٹ کے برعکس فیصلوں کی صورت میں صوبائی حکومت کو بجٹ منظوری کے مرحلے پر مشکلات کا سامنا کرنا پڑ سکتا ہے۔
سیکیورٹی فورسز نے خیبرپختونخوا میں فتنہ الخوارج کیخلاف 2 آپریشنز میں 5 دہشتگردوں کو ہلاک کر دیاہے ۔
تفصیلات کے مطابق سیکیورٹی فورسز نے ڈی آئی خان اور ٹانک میں آپریشنز کے دوران 5 خوارج کو ہلاک کیا جن کے قبضہ سے مختلف قسم کے ہتھیار اور دھماکہ خیز مواد برآمد کر لیا گیا ۔
ٹانک میں آپریشن کے دوران 4 خوارج اور ڈی آئی خان میں ایک خارجی مارا گیا، ہلاک دہشتگرد علاقے میں متعدد دہشت گردی کی کارروائیوں میں ملوث تھے، دونوں علاقوں میں دہشتگردوں کی ممکنہ موجودگی کے پیش نظر کلیئرنس آپریشنزجاری ہیں۔
سیکیورٹی فورسز اور قانون نافذ کرنے والے ادارے دہشتگردی کے مکمل خاتمے کیلئے پُر عزم ہیں۔
وفاقی وزیر داخلہ محسن نقوی نے خیبرپختونخوا میں کامیاب کارروائیوں پر سیکیورٹی فورسز کو خراج تحسین پیش کیاہے ۔ وزیرداخلہ نے5 دہشتگردوں کو جہنم واصل کرنے پر سیکیورٹی فورسز کی پیشہ وارانہ صلاحیتوں کو سراہا ۔
انہوں نے کہا کہ سیکیورٹی فورسز کے پی میں کامیاب آپریشنز کے ذریعے بھارتی سپانسرڈ دہشتگردوں کا صفایا کر رہی ہیں، آخری بھارتی سپانسرڈ دہشتگرد اور سہولت کار کے خاتمے تک آپریشنز جاری رہیں گے۔
اسلام آباد لاہور موٹر وے پر کار اورٹرک کی ٹکر سے دو افراد جاں بحق اور ایک شدید زخمی ہوگیا۔
ریسکیو حکام کے مطابق حادثہ رات گئے ٹھلیاں انٹرچینج کے قریب پیش آیا۔ جاں بحق ہونے والوں میں ساتیس سال کا فیضان اور پچپن سال کا اشرف شامل ہے۔ شدید زخمی پنتالیس سال کے عابد حسین کو اسپتال منتقل کردیا گیا ہے۔
خیبرپختونخوا زکوٰۃ فنڈ میں بڑے پیمانے پر خردبرد کا انکشاف ہواہے، زکوٰۃ کے فنڈز مستحق افراد کی بجائے سرکاری ملازمین میں تقسیم ہونے لگے جس میں گریڈ 17 کے دو افسران بھی شامل ہیں، سال 2024-25کی آڈٹ رپورٹ کے مطابق گریڈ ایک سے 17 تک کے ملازمین میں 53 لاکھ روپے سے زائد تقسیم کئے گئے ۔آڈیٹر نے زکوۃ فنڈز کے 8کروڑ روپے سے زائد کی رقم استعمال ہونے میں بے قاعدگیوں کی نشاندہی کی ہے ۔
آڈٹ رپورٹ میں انکشاف ہوا کہ زکوۃ فنڈز سے مستفید ہونے والوں میں گریڈایک سے 17تک ملازمین شامل ہیں۔وفاق کے تین 317،خیبر پختونخوا کے 33،پنجاب کے 6،سندھ کے 5اور بلوچستان کے تین ملازمین بھی زکوۃ فنڈ سے رقم لینے والوں میں شامل ہیں ۔مجموعی طور پر چار سو انیس ملازمین نے ترپن لاکھ سے زائد رقم زکوٰۃ فنڈ سے حاصل کی پندرہ ملازمین نے تیس تیس اور چار سو چار نے بارہ بارہ ہزار روپے وصول کئے ۔جن میں گریڈ سترہ اور سولہ کے دو دو اور گریڈ پندرہ کے تیرہ ملازمین شامل ہیں ۔آڈٹ رپورٹ کے مطابق حاضر سروس اور ریٹائرڈ ملازمین گزارہ الاؤنس کے اہل نہیں تھے۔
آڈیٹر جنرل نے تمام رقم سرکاری ملازمین سے ریکور کرنے کی ہدایت کی ہے جبکہ زکوٰۃ کمیٹی ممبران کے خلاف بھی سخت کارروائی کی سفارش کی ہے ،آڈٹ رپورٹ میں یہ بھی انکشاف ہوا کہ ڈسٹرکٹ اور لوکل زکوٰۃ کمیٹیوں میں غیر قانونی طور پر سرکاری ملازمین کی شمولیت پائی گئی جو کہ زکوۃ ایکٹ کی خلاف ورزی ہے ۔آڈٹ رپورٹ کے مطابق گذارہ الاونس کی مد میں غیر مستحق افراد کو ایک کروڑ ستانوے لاکھ روپے دئے گئے ،شادی گرانٹ فنڈ کے چار کروڑ روپے بیس لاکھ روپے میں بے بے قاعدگی پائی گئی ۔آڈٹ رپورٹ میں ایک سو گیارہ سرکاری ملازمین کو الائونسز کی مد میں ایک کروڑ پچانوے لاکھ روپے دینے پر بھی پیرا دئے گئے ہیں ۔
خیبرپختونخوا کے اسپتالوں میں کانگو وائرس سے بچاؤ کیلئے الرٹ جاری کردیا گیا۔
محکمہ صحت کی جانب سے جاری ایڈوائزری میں عید قربان سے پہلےکانگووائرس سے بچاؤ کیلئے اقدامات کی ہدایت کی گئی ہے،اسپتالوں کومشتبہ کانگو کیسز کےسیمپلز پبلک ہیلتھ لیب بھیجنے کی ہدایت کی گئی۔
عوام کومویشیوں کےساتھ احتیاط برتنےکامشورہ دیاگیا،کانگو وائرس کےمشتبہ مریضوں کےلیےسخت حفاظتی اقدامات کی ہدایت کی گئی،طبی عملے کو پی پی ای اور انفیکشن کنٹرول پروٹوکول پر عمل لازمی قرار دیا گیا،مشتبہ کیسز کے نمونے ٹرپل پیکجنگ کے ذریعے لیبارٹری بھجوانے کی ہدایت دی۔
ایڈوائزری میں مویشیوں میں وائرس کی روک تھام کے لیے ٹِک کنٹرول پر زور دیا گیا،کانگو وائرس کی تشخیص کے لیے پی سی آر اور ایلیسا ٹیسٹ کی منظوری دی گئی۔
محکمہ صحت کا کہنا ہے کہ مویشی پالنے والے افراد اور قصائی حضرات سی سی ایچ ایف کے زیادہ خطرے میں ہیں،سی سی ایچ ایف وائرس متاثرہ خون اورجسمانی رطوبتوں سےمنتقل ہوتا ہے،شہری غیر محفوظ گوشت اور بیمار جانوروں سے دور رہیں
ڈاکٹرز نےدستانے اورحفاظتی لباس کے استعمال کی تاکید کر دی،ٹک (چیچڑ) کے کاٹنے سے سی سی ایف ایچ پھیلنے کا خدشہ ہے،مویشیوں کو ذبح سے قبل ادویات اور معائنہ لازمی قرار دینے کی تجویز دیدی گئی۔
ملک میں Crimean-Congo Hemorrhagic Fever کے خطرات، ماہرین نے احتیاطی تدابیر پر زور دے دیا
خیبر پختونخوا کے بالائی اضلاع میں بارشوں کے باعث فلیش فلڈ کا خطرہ، پی ڈی ایم اے نے متعلقہ اضلاع کی ضلعی انتظامیہ کو الرٹ جاری کر دیا۔
خیبر پختونخوا کےبالائی اضلاع سوات، دیر اپر و لوئر اور چترال اپرولوئر کےندی نالوں میں طغیانی کا خدشہ ہے،پی ڈی ایم اے نے ضلعی انتظامیہ کو الرٹ جاری کرتےہوئےہنگامی اقدمات کرنےکی ہدایت کر دی۔
پی ڈی ایم اے کےمطابق نشیبی علاقوں میں سیلابی صورتحال پیدا ہونےکا امکان ہے،عوام کو محتاط رہے،ضلعی انتظامیہ کو حساس مقامات اور خطرے سے دوچار آبادیوں کی نشاندہی مکمل کرنے ندی نالوں اور دریاؤں کے قریب رہنے والے افراد کو پیشگی آگاہی دینے کی ہدایت دی گئی۔
خطرے والے علاقوں سے آبادی کے بروقت انخلاء کے عمل کو یقینی بنایا جائے،نشیبی علاقوں اور ندی نالوں کے قریب ٹریفک کی نقل و حرکت بھی محدود کی جائے۔
خیبرپختونخوا میں سرکاری ملازمین کے غیر ملکیوں سے شادی پر پابندی کا قانون منظورکرلیاگیا۔
سرکاری ملازمین کے غیرملکیوں سے شادی پر پابندی کا قانون کی منظوری وزیراعلیٰ کےپی سہیل آفریدی نے دی،اعلامیہ کےمطابق نئے قانون کے تحت سرکاری ملازم کوغیرملکی سےشادی سے پہلے پیشگی اجازت لینی ہو گی۔
اعلامیہ کےمطابق بغیراجازت غیرملکیوں سے شادی پرقواعدکےمطابق کارروائی کی جائے گی اور قواعدکی خلاف ورزی کو مس کنڈکٹ تصور کیا جائے گا۔
لوئر دیر کے علاقے اسبنڑ ناوگئی میں افسوسناک ٹریفک حادثہ پیش آیا،جہاں ایک پک اپ ڈاٹسن گاڑی گہری کھائی میں جا گری۔
ریسکیو ذرائع کےمطابق حادثے کے نتیجےمیں 3 خواتین جاں بحق جبکہ متعدد افراد زخمی ہو گئے،گاڑی اسبنڑ بازار سے گاؤں ناوگئی کی جانب جا رہی تھی کہ راستےمیں حادثے کا شکار ہو گئی۔
زخمیوں کو فوری طور پر قریبی اسپتال منتقل کر دیا گیا ہےجہاں انہیں طبی امداد فراہم کی جا رہی ہے۔
خیبرپختونخوا میں بارشوں کے دوران کانوں میں کام مکمل طورپربند کرنے کا فیصلہ،محکمہ معدنیات نے نوٹیفکیشن جاری کردیا ۔
محکمہ معدنیات کی جانب سے جاری نوٹیفکیشن کے مطابقانڈرگراؤنڈ اورسرفیس مائننگ میں داخلہ ممنوع قرار دیا گیا،کانوں میں لینڈسلائیڈنگ کا شدید خطرہ کا امکان ہے،بارش کے باعث کانوں میں سیلابی پانی داخل ہونے کا خدشہ ہے،بجلی کے آلات سے حادثات کے امکانات بڑھ سکتے ہیں،پھسلن کے باعث مزدوروں کے گرنے کے واقعات بھی رونما ہو سکتے ہیں۔
محکمہ معدنیات نےحفاظتی ایس اوپیزپرسختی سےعمل درآمدکی ہدایت کرتےہوئےکہامزدوراپنی اورساتھیوں کی جان کی حفاظت کو یقینی بنائیں،کسی بھی ہنگامی صورتحال میں متعلقہ حکام کوفوری اطلاع دیں، احتیاطی تدابیر پرعمل نہ کرنےسے قیمتی جانوں کا ضیاع ممکن ہے۔
پی ڈی ایم اے نے خیبرپختونخوا میں 25 مارچ سے اب تک ہونے والی بارشوں کے باعث مختلف اضلاع میں جانی و مالی نقصانات کی تازہ رپورٹ جاری کردی۔
خیبرپختونخوا میں ہونےوالی بارشوں سےگھروں کی چھتیں اور دیواریں گرنے سے اب تک 30 افراد جاں بحق جبکہ 85 افراد زخمی ہوئے،جاں بحق افراد میں 20 بچے، 5 خواتین اور 5 مرد شامل جبکہ زخمیوں میں 38 ، 11 خواتین اور36 مرد شامل ہیں۔
مجموعی طورپر 140 گھر وں کو نقصان پہنچا،جس میں 115 گھروں کو جزوی جبکہ 25 گھر مکمل طور پرمنہدم ہوئے۔
پی ڈی ایم اے کے مطابق یہ حادثات صوبہ کےمختلف اضلاع بنوں،ایبٹ آباد،کوہاٹ ،پشاور،نوشہرہ،باجوڑ، لکی مروت ،کرم، ہنھگو، شانگلہ، بونیر،مالاکنڈ،دیر اپر،باجوڑ، بٹگرام اور شمالی وزیرستان اور ٹانک میں پیش آئے۔
پی ڈی ایم اے کی جانب سے متاثرہ اضلاع کی انتظامیہ کو متاثرین کو جلد امدادی سامان فراہم کرنے کی ہدایت کی گئی ہے۔
دوسری جانب ڈیرہ اسماعیل خان میں زلزلے اور بارش کے باعث شیخ یوسف اڈے پر عمارت گر گئی،آٹھ گاڑیاں مکمل طور پر تباہ ہو گئیں،متاثرہ شہری کےمطابق واقعےمیں پونے تین کروڑ روپے سے زائد کا نقصان ہوا ہے۔
وزیر اعلیٰ خیبرپختونخوا کی زیر صدارت خیبرپختونخوا ہاؤس میں جوائنٹ اسٹیئرنگ کمیٹی کا اجلاس ہوا، جس میں قبائلی اضلاع کے تیز رفتار ترقیاتی منصوبوں پر غور کیا گیا۔
اجلاس میں وفاقی وزرا احسن اقبال، امیر مقام، مبارک زیب سہیٹ اور وزیر خزانہ خیبرپختونخوا مزمل اسلم شریک ہوئے۔ صوبہ نے 30.3 ارب روپے کی برج فنانسنگ فراہم کی، جبکہ وفاق نے 20 ارب روپے جاری کرنے کا عندیہ دیا۔ فنڈز پولیس انفراسٹرکچر، ہائی پرایارٹی منصوبے، گھروں کی سولرائزیشن اور نوجوانوں کی ٹیکنکل اسکلز کے لیے استعمال ہوں گے۔
وزیر اعلیٰ نے کہا کہ ضم اضلاع میں ترقی اور سرمایہ کاری ناگزیر ہے۔ وفاقی وزیر احسن اقبال نے قبائلی اضلاع کے این ایف سی شیئر کی مکمل فراہمی پر زور دیا۔ فٹا یونیورسٹی کی اسٹرینتھیننگ اور سولرائزیشن اسکیمیں بھی منظور ہو چکی ہیں، جبکہ پولیس انفراسٹرکچر کے لیے 7 ارب روپے خرچ ہو چکے ہیں۔
خیبر پختونخوا میں حالیہ بارشوں سے چار بچے جاں بحق اور چھ بچے زخمی ہوگئے ۔جبکہ دو گھروں کو نقصان پہنچا۔
خیبرپختونخوا میں تین روز سےجاری بارشوں میں مکانات کی چھتیں گرنے کے نتیجے میں چار بچے جاں بحق ہوئے، جن میں تین لڑکیاں اور ایک لڑکا شامل ہے،جبکہ چھ بچےزخمی بھی ہوئے ہیں۔
مکانات کی چھتیں گرنے کےواقعات جنوبی وزیرستان اوربنوں میں پیش آئے،جبکہ بارش سے دیگر اضلاع میں ہونے والے نقصانات کی رپورٹ بھی طلب کی گئی ہے۔
بادامی باغ میں مکان کی خستہ حال چھت گرگئی،دو افراد جاں بحق، دو زخمی ہوگئے۔
ریسکیوحکام کےمطابق ملبےتلےدبےدوافراد کونکال لیاگیا،زخمیوں اسپتال منتقل کیاجارہاہے،مکان کی چھت بارش اور تیز آندھی کےباعث نیچے آن گری،مکان کی چھت ٹی آر گارڈر سے بنی ہوئی تھی۔
ریسکیوحکام کاکہنا ہےکہ حادثےمیں 25 سالہ قاسم جاوید، 18 سالہ اویس ولدجاویدجاں بحق ہوئے،18 سالہ صباحت ولدجاوید، 45 سالہ پروین زوجہ جاوید زخمی ہوئیں،لاشوں اور زخمی افرادکو نواز شریف اسپتال یکی گیٹ منتقل کیا گیا۔
متحدہ عرب امارات میں شدید بارشوں کے بعد سیلابی صورتحال ہے،سڑکیں اور نشیبی علاقے پانی میں ڈوبے گئے۔
خلیجی میڈیا کےمطابق شارجہ دبئی اورشمالی علاقوں میں سب سے زیادہ بارش ہوئی،بعض علاقوں میں 47ملی میٹرتک بارش ریکارڈکی گئی،دبئی گلف کلب پانی میں ڈوب گیا،طوفانی بارشوں کے دوران متعدد باربرج خلیفہ پربجلی گرگئی۔
متحدہ عرب امارات کےبعض علاقوں میں سیلاب کی وارننگ جاری کردی گئی،امدادی ادارے سڑکوں سے پانی نکالنے میں مصروف ہیں۔
حکام نےاہم شاہراہوں پرحد رفتارکم کرکے 60 کلومیٹرفی گھنٹہ مقررکیا،محکمہ موسمیات کاکہنا ہےکہ طوفانی بادل العین اور الفجیرہ کی جانب بڑھ رہےہیں،شام تک موسم صاف ہونے کا امکان ہے۔
کراچی میں موسلادھار بارشوں کے باعث مختلف حادثات میں 19افراد جان کی بازی ہار گئے،درجنوں افراد زخمی ہوئے۔
کراچی میں طوفانی ہواؤں کےساتھ موسلادھاربارش سے جل تھل ایک ہوگیا،بلدیہ مواچھ گوٹھ کےقریب دیوار گرنے سے 13 افراد جاں بحق ہوئے، شہر کے مختلف مقامات پر بارش کا پانی تاحال جمع ہے،شہر میں ہوائیں 5 کلو میٹر فی گھنٹے کی رفتار سے چل رہی ہے،محکمہ موسمیات کا کہنا ہے کہ مختلف علاقوں میں کہی تیز اور ہلکی بارش ہوسکتی ہے۔
شہر میں بارش کے باعث بجلی کا نظام بری طرح متاثر ہے،ترجمان کےالیکٹرک کے مطابق بارش سےمتاثرہ علاقوں میں بجلی بحالی کا عمل جاری ہے،شہربھر کے 2100 میں سے تقریباََ 1950 فیڈرز سے بجلی کی فراہمی جاری ہے،خیابان اتحاد، مسلم کمرشل، عید گاہ گراونڈ، افشانی اسٹریٹ، کالاکوٹ، گولڈن ٹاون، آصف آباد میں بجلی بحال کردی گئی،اس کے علاوہ سبزی منڈی،ایف بی ایریا بلاک 9، 14، گلشن معمار سمیت متعدد دیگرعلاقوں میں بجلی بحال ہے،
ترجمان کےالیکٹرک کا کہنا ہے کہ کےالیکٹرک کی فیلڈ ٹیمیں مقامی فالٹس کی درستگی کے لیے متحرک ہیں،موسم کی بدلتی صورتحال کا بھی بدستور جائزہ لیا جا رہا ہے،صارفین سے گزارش ہے کہ بارش کے بعد بجلی انفراسٹرکچر سے مناسب فاصلہ برقراررکھیں،کھمبوں، انٹرنیٹ و کیبلز وغیرہ کی تاروں کو چھونے سے گریز کریں۔
خیبر پختونخوا حکومت نے اخراجات کم کرنےکا فیصلہ کرلیا۔
محکمہ خزانہ نےاعلامیہ جاری کردیا،جس کےمطابق صوبےمیں نان ایمپلائی ریلیٹڈ اخراجات میں 20 فیصد کمی کی جائے گی،اخراجات میں کمی کا فیصلہ یکم اپریل سے تیس جون تک تین ماہ کے لئےہوگا۔
جس کے تحت تمام سرکاری محکموں،نیم سرکاری اداروں اورخودمختار اداروں میں تنخواہوں کے علاوہ دیگر اخراجات میں بیس فیصد کمی کی جائے گی۔
اخراجات میں کمی کافیصلہ یکم اپریل سےتیس جون تک نافذ العمل رہےگا، محکمہ خزانہ کی جانب سے تمام پرنسپل اکاؤنٹنگ افسران کو سختی سے عملدرآمد یقینی بنانے کی ہدایت کی گئی ہے۔
خیبرپختونخوا کابینہ کے اجلاس میں بین الاقوامی صورتحال کے تناظر میں اہم فیصلے کیے گئے ہیں، اجلاس میں صوبے میں دو ماہ کے لیے فیول بچت اقدامات نافذ کرنے کی منظوری دی گئی ہے۔
اجلاس میں وزیراعلیٰ خیبرپختونخوا سہیل آفریدی کی ہدایات پر سرکاری محکموں میں تمام میٹنگز کو سو فیصد ورچوئل کرنے کا فیصلہ کیا گیا ہے تاکہ ایندھن کے استعمال میں کمی لائی جا سکے۔
کابینہ نےسرکاری گاڑیوں کے فیول الاؤنس میں مزید 25 فیصد کمی کی منظوری بھی دے دی،حکام کے مطابق اس سے پہلے کووڈ اقدامات کےدوران بھی 25 فیصد کٹوتی نافذ تھی،جس کے بعد اب مجموعی کمی 50 فیصد ہو جائے گی۔
صوبائی حکومت کےمطابق پولیس، ریسکیو اور دیگر قانون نافذ کرنے والے اداروں کو فیول کٹوتی سے مستثنیٰ قرار دیا گیا ہےتاکہ ان کی آپریشنل سرگرمیاں متاثر نہ ہوں۔
اجلاس میں یہ بھی فیصلہ کیا گیا کہ سرکاری دفاتر میں 50 فیصد ورک فرام ہوم پالیسی متعارف کرائی جائے گی،جبکہ وی آئی پی پروٹوکول گاڑیوں اور ہیلی کاپٹر کے غیر ضروری استعمال میں نمایاں کمی کی جائے گی۔
کابینہ نے سرکاری اخراجات میں کفایت شعاری کے لیے غیرضروری تقریبات اور سرکاری ڈنرز پر پابندی لگانے کا فیصلہ بھی کیا ہے،اس کے علاوہ جمعہ کے روز تعلیمی ادارے بند رکھنے کی تجویز بھی زیر غور لائی گئی تاکہ ایندھن کی کھپت کم کی جا سکے۔
صوبائی حکومت نے پیٹرول پمپس کی روزانہ مانیٹرنگ اور ذخیرہ اندوزی کے خلاف سخت کارروائی کا اعلان کیا ہے،جبکہ کسانوں اور گندم کی کٹائی کے لیے ڈیزل کی فراہمی یقینی بنانے کی ہدایت دی گئی ہے۔
وزیراعلیٰ خیبرپختونخوا سہیل آفریدی نے کابینہ اجلاس سےخطاب میں کہا توانائی بحران اور پیٹرول کی قیمتوں میں اضافے سےعوام کوبچاناحکومت کی ذمہ داری ہے،مشکل حالات میں سب سےپہلے حکمرانوں اور ریاستی اداروں کو اپنی مراعات کم کرنی چاہیے،پروٹوکول اورسرکاری اخراجات میں کمی لا کر عوام کو ریلیف دیا جانا چاہیے،
مزیدکہاپاکستان میں ہمیشہ قربانی کے وقت عوام کو نشانہ بنایاجاتا ہے،یہ رویہ تبدیل ہوناچاہیے، بانی چیئرمین کےدورمیں کووڈ عالمی وبا کے باوجودعوام اورکاروبارکوریلیف دیاگیا،خیبرپختو نخوا حکومت ہر اس فیصلے کی مخالفت کرے گی جو عوام پر بوجھ ڈالے۔
خیبرپختونخوا کراٹے ٹیم کے حالیہ دورۂ روس کے دوران چند کھلاڑیوں کے مبینہ طور پر غائب ہونے کی اطلاعات سامنے آئی ہیں، جس پر فیڈرل انویسٹی گیشن ایجنسی نے تحقیقات شروع کر دی ہیں
ایف آئی اے حکام کے مطابق موصولہ شکایت میں بتایا گیا ہے کہ ماسکو میں منعقد ہونے والے نیشن کپ کراٹے ٹورنامنٹ کے دوران ٹیم کے چند کھلاڑی اور اراکین مبینہ طور پر غائب ہوگئے۔
شکایت میں یہ بھی الزام عائد کیا گیا ہے کہ ٹیم میں غیر متعلقہ افراد کو شامل کر کے انہیں یورپ فرار کرانے کی کوشش کی گئی۔
حکام کے مطابق لنڈی کوتل، ضلع خیبر سے تعلق رکھنے والے کچھ کوچز اور اراکین کے حوالے سے بھی تحقیقات جاری ہیں۔
ایف آئی اے کا کہنا ہے کہ ماسکو ایونٹ میں شرکت کرنے والی ٹیم کے تمام اراکین کی مکمل جانچ پڑتال کی جائے گی۔
ترجمان ایف آئی اے کے مطابق تمام کھلاڑیوں اور ٹیم اراکین سے بھی پوچھ گچھ کی جائے گی اور اگر کسی بھی قسم کی بے ضابطگی یا انسانی اسمگلنگ میں ملوث ہونے کے شواہد ملے تو ذمہ داروں کے خلاف قانون کے مطابق کارروائی عمل میں لائی جائے گی۔
خیبر پختونخواکے مختلف علاقوں میں پولیس تنصیبات پر فتنہ الخواج کے حملے،تھانہ متنی چوکی، تھانہ بدھ بیر، بنوں کنگر اور کاشو پل، ضلع خیبر تکیہ پولیس پوسٹ پرحملہ کیاگیا
حکام کے مطابق حملوں میں 2 پولیس اہلکار اور 6شہری زخمی ہوئےدہشت گردوں نے حملے میں دستی بم اور چھوٹے بڑے ہتھیار استعمال کیے،پولیس نے فتنہ الخوارج کےحملے پسپا کر دئیے
آئی جی کےپی کےذولفقارحمیدکا کہنا ہےپولیس جوانوں کے حوصلے بلند ہیں دشمن کے ایسے بزدلانہ ہتھکنڈے امن کی راہ سے پیچھے نہیں ہٹا سکتےبزدلانہ دہشتگرد نہتے عوام پر ظلم کے علاوہ کچھ نہیں کر سکتےعوام کی جان و مال کی حفاظت کیلئے فتنہ الخوارج کا خاتمہ ہمارا مشن ہے۔
پاک افغان سرحدی صورتحال پر وزیر اعلیٰ خیبرپختونخوا نے بیان جاری کرتے ہوئے کہا کہ پاک افغان سرحد پر حالیہ کشیدگی تشویشناک ہے، صورتحال کا بغور جائزہ لے رہے ہیں۔
تفصیلات کے مطابق وزیراعلیٰ سہیل آفریدی کا کہناتھا کہ پاکستان کے ایک ایک انچ کی حفاظت ہم سب کا قومی فریضہ ہے، کسی کو سرحدی علاقوں کی سلامتی پر سمجھوتہ نہیں کرنے دیں گے، پاک افغان سرحد پر کسی بھی قسم کی اشتعال انگیزی اور بیرونی جارحیت کی مذمت کرتے ہیں ، قومی سلامتی پر کوئی سمجھوتہ نہیں ہوگا۔
وزیر اعلیٰ سہیل آفریدی نے کہا کہ پاک افغان کشیدگی کے تناظر میں متعلقہ اداروں سے مسلسل رابطے میں ہیں، سرحدی علاقوں کے عوام کا تحفظ حکومت کی اولین ترجیح ہے، سرحدی اضلاع میں عوام کی جان و مال کے تحفظ کے لیے ضروری اقدامات کیے جا رہے ہیں۔
انہوں نے کہا کہ پاک افغان کشیدگی کے باعث پیدا ہونے والی صورتحال پر عوامی خدشات سے آگاہ ہیں۔ وزیر اعلیٰ نے کسی بھی ہنگامی صورتحال سے نمٹنے کے لیے انتظامیہ کو الرٹ رہنے کی ہدایت جاری کر دی اور کہا کہ امن و استحکام کے لیے ذمہ دارانہ طرز عمل ناگزیر ہے۔
لاہورمیں بسنت کےدوران مجموعی طور پرسترہ اموات ہوئیں،محکمہ داخلہ نے رپورٹ لاہورہائیکورٹ میں پیش کردی۔
لاہورمیں بسنت سےہونےوالی اموات سمیت دیگرتفصیلات کے لیےدائرمتفرق درخواست پرسماعت ہوئی،ہوم ڈیپارٹمنٹ نے بسنت سے وانے والی اموات کی رپورٹ عدالت پیش کردی۔
محکمہ داخلہ کی رپورٹ کےمطابق لاہورمیں بسنت کےدوران 17 اموات ہوئیں،کرنٹ لگنے سے 3 افراد درخت سے گر کر دو افراد جاں بحق ہوئے،12افراد چھتوں سے گر کر جاں بحق ہوئے،لاہور ہائیکورٹ نے بسنت کے دوران ڈور پھرنے سے زخمی ہونے والے افراد کی تفصیلات طلب کرلیں۔
سیلاب کی تباہ کاریوں سے بچنے کے لیے واپڈا نے چناب پر چار ڈیم بنانے کا فیصلہ کرلیا۔
واپڈا نےچناب پرچارڈیم بنانےکافیصلہ کیاہے،حکام واپڈا کےمطابق تقریبا تین سو ارب روپےمالیت کا منصوبہ چارسال میں مکمل کیاجائےگا،اضافی پانی ڈیمزمیں ذخیرہ کرکےسیلابی صورتحال پرقابو پایا جائےگا،45 لاکھ ایکڑ فٹ پانی ذخیرہ اور 330 میگا واٹ بجلی پیدا ہوگی۔
دستاویز کےمطابق چنیوٹ اور شاہ جیوانہ ڈیمز سے 80،80 میگاواٹ بجلی پیدا ہوگی،بھارت مون سون سیزن میں دریایے چناب میں اچانک پانی چھوڑ دیتا ہے،اچانک سیلاب سےکھڑی فصلوں اور املاک کو نقصان پہنچتا ہے۔
واپڈاحکام کاکہنا ہےکہ خشک سالی کے دوران بھارت دریائےچناب کا پانی اچانک روک بھی لیتا ہے،مستقبل میں سیلاب اورقلت آب سے نمٹنے کےلیےپلان تیار کیا گیا ہے،سیلابی صورتحال یا پانی میں کمی کی صورت میں ڈیم موزوں ثابت ہوں گے۔
محکمہ داخلہ خیبر پختونخوا نے دریائے کابل،سوات اور دریائے سندھ کے کنارے سونے کی غیر قانونی تلاش پر پابندی عائد کردی،کان کنی میں استعمال ہونے والی مشینری اور سامان ضبط کردیا جائے گا ۔
محکمہ داخلہ خیبرپختونخوا نےصوبائی کابینہ کےفیصلے کی روشنی میں پابندی لگا دی، جاری اعلامیہ میں صوابی،سوات،نوشہرہ ،کوہاٹ اورکرک کے ڈپٹی کمشنروں کوفوری طور پر پابندی پر عمل درآمد یقینی بنانے کی ہدایت کی گئی ہے،پابندی کا نفاذ ساٹھ دن کے لئے ہوگا ۔
اعلامیہ کےمطابق دریائوں کےکنارے غیرقانونی کھدائی سے آلودگی اور کٹاؤ کے خدشات ہیں جبکہ ماحول اور امن وامان کو بھی خطرات لاحق ہورہا ہے،غیرقانونی کان کنی میں استعمال ہونے والی مشینری اور سامان ضبط کیا جائےگا،جبکہ خلاف ورزی کےمرتکب افراد پردفعہ 188 تعزیرات پاکستان کے تحت کارروائی ہوگی۔
خیبرپختونخوا کے ضلع کوہاٹ میں نشپا بلاک سے تیل و گیس کے نئے ذخائر دریافت ہوئے ہیں جن سے یومیہ 225بیرل تیل اور 10لاکھ معکب فٹ گیس حاصل ہوگی ۔
ترجمان او جی ڈی سی کے مطابق براگزئی ایکس ون کنویں کی کھدائی 30 دسمبر 2024 کو شروع کی گئی تھی، مختلف فارمیشنز میں ڈرل اسٹیم ٹیسٹ کے دوران تیل و گیس کے آثار پہلے ملے تھے، براگزئی ایکس ون کنویں کی کھدائی 5ہزار 173میٹر تک کی گئی،ترجمان او جی ڈی سی کا کہنا ہے نئی دریافت ملکی توانائی ضروریات پوری کرنے اور ہائیڈروکاربن ذخائر بڑھانے میں معاون ثابت ہوگی ۔
سندھ کے ضلع خیرپور کے علاقے ٹنڈو مستی کےقریب قومی شاہراہ پر خوفناک ٹریفک حادثے میں 11 افراد جاں بحق ہوگئے۔
خیرپور ٹنڈو مستی کے قریب قومی شاہراہ پر مسافر کوچ اور ٹریلر تصادم کے نتیجے میں 11 مسافر جاں بحق جبکہ 10 زخمی ہوگئے۔
ریسکیو حکام کے مطابق تیز رفتار کوچ اوورٹیکنگ کے دوران ٹرک سے جا ٹکرائی، حادثےمیں مسافر کوچ کا ڈرائیور اورکنڈیکٹربھی جان گنوا بیٹھے،تمام لاشوں اور زخمیوں کوخیرپورسول اسپتال منتقل کردیا گیا، بدقسمت مسافر بس پنجاب سے کراچی آرہی تھی۔
میڈیکولیگل آفیسرخیرپورکا کہنا ہے کہ ہمارے پاس 11 لاشیں لائی گئی ہیں،13، 14 سال کی دوبچیاں اور ایک بچہ شامل ہے،جاں بحق افراد میں 3خواتین، 3بچے اور باقی مرد ہیں۔
موٹر وے پولیس کےمطابق روڈ حادثہ خراب روڈکی وجہ سے پیش آیا،ایس ایس پی موٹر وے کا کہنا ہے کہ ایک ٹرالرکراچی جارہا تھا،سامنے اچانک کوئی چیزآگئی،ٹرالر کے بریک کی وجہ سے پیچھے سے آنے والی کوچ کاڈرائیوربریک نہ لگا سکا،گمبٹ سےموروتک قومی شاہراہ کی بری حالت ہے،جگہ جگہ پرڈرائیورسن لگے ہوئے ہیں، جگہ جگہ روڈ ٹوٹے ہوئے ہیں۔
اس سے قبل کاٹھور کے قریب آئل ٹینکر اور بس سمیت متعدد گاڑیاں ٹکرا گئی تھیں جس کے نتیجے میں 13 افراد جاں بحق ہوئے تھے۔
اسپین کو ایک ہفتے کے دوران دو سمندری طوفانوں کا سامنا،سمندری طوفان لیونارڈو نے اسپین کے کئی صوبوں میں تباہی مچادی،مختلف واقعات میں ایک شخص ہلاک کئی زخمی ہوگئے۔
سمندری طوفان لیونارڈو کے باعث شدید بارشوں کے بعد دریا بپھر گئے،ندی نالوں میں بھی طغیانی آگئی۔ ملک بھر میں170 شاہراہیں ٹریفک کیلئے بند ہیں،گیارہ ہزار افراد بے گھر ہوئے،اندلس میں زیتون کے باغات ریلے میں بہہ گئے۔
سیلاب میں پھنسے افراد کو نکالنےکیلئے ریسکیو آپریشن جاری ہے،ایک اور سمندری طوفان مارٹا پرتگال اور اسپین کے ساحلوں کی جانب بڑھ رہا ہے۔
کراچی کے مختلف علاقوں میں رات گئے ٹریفک حادثات کے دوران چار افراد جاں بحق جبکہ دو خواتین سمیت چار افراد زخمی ہوگئے ۔
پولیس حکام کےمطابق اورنگی ٹاون گلشن بہار کے قریب تیز رفتار ٹریلر کی موٹرسائیکل کو ٹکر واقعے میں موٹرسائیکل سوارجاں بحق ہوگیا،متوفی کی شناخت 30 سال کے ثاقب کے نام سے ہوئی متوفی دو بچوں کا باپ اور پیشے کے لحاظ سے مکینک اسپئر پارٹس کا کام کرتا تھا۔
دوسری جانب ناگن چورنگی کے قریب تیز رفتار موٹر سائیکل ٹرک سے جا ٹکرائی واقعےمیں موٹرسائیکل سوار جان سےگیا ادھر کلفٹن بلاول چورنگی کے قریب تیز رفتار موٹرسائیکل سلپ ہونے سے ایک شہری جاں بحق ہوا،متوفی کی شناخت تاحال نہ ہوسکی لاش کو ضابطےکی کارروائی کے لئے جناح اسپتال منتقل کردیا گیا
جبکہ کورنگی کراسنگ کے قریب تیز رفتار رکشہ الٹ گیا واقعے میں دو خواتین سمیت چار افراد زخمی ہوگئے واقعہ تیز رفتاری کے باعث پیش آیا۔
سیکیورٹی فورسزکی خیبرپختونخوا میں دو الگ الگ کارروائیوں میں 24 خوارج ہلاک ہوگئے۔
پاک فوج کےشعبہ تعلقات عامہ (آئی ایس پی آر)کےمطابق خوارج کی موجودگی کی اطلاعات پرسیکیورٹی فورسز نے ضلع اور کزئی میں آپریشن کیا،آپریشن کے دوران فورسز نے خوارج کے ٹھکانے کو موثر طریقے سے نشانہ بنایا،شدید فائرنگ کے تبادلے کے بعد 14 خوارج کو جہنم واصل کر دیا گیا۔
آئی ایس پی آرکا کہنا ہےکہ خوارج کی موجودگی کی اطلاعات پرسیکیورٹی فورسزنےضلع اورکزئی میں آپریشن کیا،شدید فائرنگ کے تبادلے کے بعد 14 خوارج کو جہنم واصل کر دیا گیا،ضلع خیبرمیں دوسری کارروائی میں 10 خوارج ہلاک ہوئے۔
آئی ایس پی آرکا کہنا ہےکہ آپریشن کےدوران فورسز نے خوارج کے ٹھکانوں کو موثرطریقے سے نشانہ بنایا، علاقے میں کلیئرنس اور سینیٹائزیشن آپریشنز جاری ہے،بھارتی سرپرستی میں دہشتگردی کے مکمل خاتمے تک کارروائیاں جاری رہیں گی،عزم استحکام کے تحت کاؤنٹر ٹیررازم مہم پوری شدت سے جاری ہے
وزیرِ اعظم شہبازشریف نےفتنہ الخوارج کیخلاف کامیاب آپریشن پرسیکیورٹی فورسزکوخراج تحسین پیش کیا،کہا دہشتگردی کی عفریت کےملک سےمکمل خاتمےتک اس کیخلاف جنگ جاری رکھیں گے،مجھ سمیت پوری اپنی قوم سیکیورٹی فورسز کے شانہ بشانہ کھڑی ہے۔
محکمہ موسمیات نےشام کو مغربی ہواؤں کا سلسلہ بلوچستان میں داخل ہونے کی پیشگوئی کر دی،ہواؤں کے نئے سلسلے کی بدولت آج رات بلوچستان اور اگلے دو روز کے دوران ملک بھر میں برفباری اور مزید بارشوں کا امکان ہے۔
پی ڈی ایم اے نے خیبرپختونخوا میں مزید بارش، بالائی اضلاع میں برفباری کی پیشگوئی کردی،پی ڈی ایم اے نے بارش و برفباری کے پیش نظر ایڈوائزری جاری کردی،25 سے 27 جنوری تک خراب موسم کا امکان ہے، بارش اور برفباری سے سڑکوں کی بندش کا خدشہ ہے۔لینڈ سلائیڈنگ اور فلیش فلڈ کا بھی خطرہ ہے۔
محکمہ موسمیات نےشام کومغربی ہواؤں کا سلسلہ بلوچستان میں داخل ہونےکی پیشگوئی کر دی، ہواؤں کے نئے سلسلے کی بدولت آج رات بلوچستان اور اگلے دو روز کے دوران ملک بھر میں برفباری اور مزید بارشوں کا امکان ہے
پی ڈی ایم اے نےسیاحوں کو بالائی علاقوں کا رخ نہ کرنےکا مشورہ دیا،ضلعی انتظامیہ اور ریسکیو اداروں کوالرٹ رہنےکی ہدایت کی ہے،ہنگامی صورتحال میں پی ڈی ایم اےہیلپ لائن 1700 کال کی ہدایت کردی۔
چترال لوئر کے دور افتادہ علاقے دمیل میں شدید برفباری کے بعد برفانی تودہ رہائشی گھر پر گرنے سے 9 افراد جاں بحق جبکہ ایک بچی زخمی ہو گئی۔ دوسری جانب مری میں شدید برفباری کا سلسلہ جاری ہے ، سڑکیں بند کر دی گئیں اور حکومت نے شہریوں سے غیر ضروری سفر سے گریز کی اپیل کی ہے۔
ضلعی انتظامیہ کے مطابق جاں بحق ہونے والوں میں پانچ خواتین بھی شامل ہیں۔ مرنے والوں میں باچا، ان کی اہلیہ اور آٹھ بچے شامل ہیں۔ جن میں چار بچیاں اور دو بچے بھی شامل بتائے گئے ہیں۔
ریسکیو حکام کا کہنا ہے کہ ملبے میں دبے 9 افراد کی لاشیں نکال لی گئی ہیں جبکہ ایک زخمی بچی کو فوری طور پر ابتدائی طبی امداد کے بعد دروش منتقل کیا جا رہا ہے۔
واقعے کے بعد علاقے میں غم کی فضا قائم ہے جبکہ امدادی کارروائیاں مکمل کر لی گئی ہیں۔ ضلعی انتظامیہ نے شہریوں کو خراب موسم کے پیش نظر احتیاطی تدابیر اختیار کرنے کی ہدایت کی ہے۔
ایبٹ آباد گلیات
نتھیاگلی، ایویبہ میں شدید برف باری کا سلسلہ جاری ہے ، گلیات میں مزید سیاحوں کا داخلہ بند کردیاگیا، ایبٹ آباد مری شاہراہ بھی شدید برف باری کے باعث مکمل طور پر بند کر دی گئی ہے ، ایوبیہ میں چار فٹ اور نتھیاگلی میں تین فٹ برف پڑچکی ہے۔
گليات میں بجلی کا طویل بریک ڈاؤن جاری ہے جس کے باعث سیاحوں کو مشکلات کاسامنا ہے۔
مری کی صورتحال
ملکۂ کوہسار مری میں برفانی طوفان کا سلسلہ تھم گیا ہے تاہم ہلکی پھلکی برفباری بدستور جاری ہے۔ انتظامیہ کے مطابق اب تک مری میں ساڑھے تین فٹ تک برف پڑ چکی ہے جس کے باعث معمولاتِ زندگی متاثر ہوئے۔
حکام کا کہنا ہے کہ مری میں پھنسے سیاحوں کو نکالنے کا عمل آدھا مکمل کر لیا گیا ہے جبکہ مختلف شاہراہوں اور رابطہ سڑکوں سے برف ہٹا دی گئی ہے تاکہ ٹریفک کی روانی بحال رہے۔
انتظامیہ نے مزید سیاحوں کے مری میں داخلے پر پابندی برقرار رکھی ہے تاکہ کسی بھی ہنگامی صورتحال سے بچا جا سکے۔ شہریوں اور سیاحوں کو غیر ضروری سفر سے گریز کی ہدایت کی گئی ہے۔
ملکہ کوہسار میں شدید برفباری کے باعث اسلام آباد انتظامیہ نے مری جانے والے راستے صبح سے بند کر رکھے ہیں، مری ایکسپریس وے کے داخلے راستے پر گاڑیوں کی طویل قطاریں لگی ہوئی ہیں۔
ترجمان موٹروے پولیس
ترجمان موٹروے پولیس کے مطابقمری میں شدید برف باری جاری ہے جس کے پیش نظر ایکسپریس وے پر موٹروے پولیس کی بھاری نفری تعینات ہے ، موٹروے پولیس کے حکام این 75 پر جگہ جگہ مسافروں کی رہنمائی کیلئے موجود ہیں، برف ہٹانےوالی مشینری اور آلات بھی اپنے کام میں مصروف عمل ہیں، شہری موسمی حالات کے پیش نظر مری کے غیرضروری سفر سے گریز کریں۔
وزیر اطلاعات عظمیٰ بخاری
وزیراطلاعات پنجاب نے مری کا سفر کرنے والے شہریوں کیلئے پیغام جاری کرتے ہوئے کہا کہ مری میں تمام ہوٹل فل ہو چکے ہیں اور برفباری بہت زیادہ ہو رہی ہے، گنجائش سے زیادہ گاڑیاں داخل ہوچکی ہیں،گاڑیوں کی بھی گنجائش نہیں، سیاحوں سے گزارش ہے مری کا سفر کرنے سے گریز کریں، سیاحوں کی حفاظت حکومت کی پہلی ترجیح ہے، مری میں سیاحوں کی بڑی تعداد پہلےسے موجود ہے۔
برفباری کا 20 سالہ ریکارڈ ٹوٹ گیا
ضلع پونچھ میں برفباری کا سلسلہ جاری ہے بالائی سیاحتی مقامات تولی پیر، لسڈنہ، شہید گلہ بلال پوٹھا اور گردونواح میں برفباری کی شدت انتہائی زیادہ ہے جہاں برف کی تہہ 8 فٹ سے بھی تجاوز کر چکی ہے۔ راولاکوٹ کے مضافاتی علاقوں سمیت ضلع پونچھ میں شدید اور طوفانی برفباری کا سلسلہ جاری ہے، برفباری کا 20 سالہ ریکارڈ ٹوٹ گیا۔
شدید برفباری کے باعث ضلع بھر کی تمام بڑی اور رابطہ سڑکیں بند ہو چکی ہیں جبکہ بجلی کی ترسیل کا نظام بھی مکمل طور پر معطل ہے۔ برفانی طوفان کے نتیجہ میں نظامِ زندگی مفلوج ہو کر رہ گیا ہے اور شہری گھروں میں محصور ہیں سردی کی شدت میں غیر معمولی اضافہ ہو گیا ہے، جس کے باعث بزرگوں، بچوں اور مریضوں کو شدید مشکلات کا سامنا ہے۔ ایس ڈی ایم اے نے ممکنہ ہنگامی صورتحال کے پیشِ نظر ریڈ الرٹ جاری کر دیا ہے اور عوام کو غیر ضروری سفر سے گریز، محفوظ مقامات پر رہنے اور احتیاطی تدابیر اختیار کرنے کی ہدایت کی گئی ہے۔
قلات میں پارہ منفی12تک گرگیا
قلات میں گزشتہ روز کی برفباری کے بعد شہر اور گردونواح میں سردی کی شدت میں مزید اضافہ ہوگیا۔ گزشتہ24گھنٹوں کےدوران قلات میں پارہ منفی12تک گر گیا۔ سخت سردی سے معمولاتی زندگی متاثر سڑکیں سنسان ہیں۔ محکمہ موسمیات کے مطابق گزشتہ روز کی برف باری ایک فٹ تک ریکارڈ کی گئی۔
ڈی جی پی ڈی ایم اے جہانزیب خان کا کہنا ہے کہ شدید برفباری کے بعد بلوچستان کے مختلف علاقوں میں شاہراہوں کی بحالی کا کام تیزی سے جاری ہے۔ زیارت، کان مہترزئی اور کوژک ٹاپ پر پی ڈی ایم اے کی ٹیمیں ہیوی مشینری کے ساتھ سڑکوں سے برف ہٹانے اور نمک پاشی میں مصروف ہیں۔ قومی شاہراہوں پر چھوٹی گاڑیوں کی آمدورفت بحال کر دی گئی ہے، تاہم ہیوی ٹریفک کے باعث مشکلات درپیش ہیں۔
لواری ٹنل ٹریفک کےلئے بند
چترال اور گردنواح میں برفباری کا سلسلہ جاری ہے، چترال ٹاؤن میں ایک فٹ سے زیادہ برف پڑچکی، لواری ٹنل سمیت تمام رابطہ سڑکیں ٹریفک کےلئے بند کردی گئی۔ بجلی کا نظام متاثر، متعدد مقامات پر کھمبے زمین بوس ہوگئے۔
سوات کے مختلف علاقوں میں گزشتہ رات سے شدید برفباری کا سلسلہ جاری ہے، مالم جبہ میں 3 فٹ اور کالام میں ڈھائی فٹ برفباری ریکارڈ کی گئی، وادی گبین جبہ، میاندم، سلاتنڑاورمہوڈنڈ میں بھی برفباری جاری ہے، برفباری سےبالائی علاقوں میں چھتیں اورسڑکیں ڈھک گئیں۔ بعض مقامات پرلوگوں کو آمدروفت میں شدید مشکلات کاسامنا ہے۔
مانسہرہ کے میدانی علاقوں میں بارش اور بالائی علاقوں میں برفباری کا سلسلہ وقفے وقفے سے جاری ہے، وادی کاغان میں شدید برفباری سے شاہراہِ ٹریفک کیلئے بند کردیا گیا۔ سیاحتی مقام شوگراں میں ایک فٹ اورکاغان بازارمیں دس انچ سےزائد برف پڑچکی۔ برفباری سے بجلی کے کھمبے اور درخت شاہراہِ کاغان پرگرگئے۔ انتظامیہ نے ہدایت کی ہے کہ عوام وادی کاغان میں غیرضروری سفر سے گریز کریں۔
دیر شہر سمیت میدانی علاقوں میں بارش،بالائی علاقوں میں برفباری دوسرے روز بھی جاری ہے، لواری میں ڈھائی فٹ برف، کمراٹ، تھل، براول میں ایک فٹ سے زائد برف پڑچکی۔ ضلعی انتظامیہ کے مطابق بغیر سنو چین کا لواری سڑک سے سفر کرنے کی اجازت نہیں، ڈرائیور ٹائروں کو سنو چین لگا کر لواری سڑک پرسفر کریں۔
بٹگرام سمیت میدانی علاقوں میں پانچ سال بعد برفباری ہوئی، بالائی علاقوں میں ایک فٹ تک برفباری ریکارڈ کی گئی۔ برفباری کے باعث شہر میں دوسرے روزبھی بجلی غائب ہے، محکمہ موسمیات کے مطابق آج رات تک بارش وبرفباری کاسلسلہ جاری رہےگا۔
شمالی وزیرستان میں طویل عرصے بعد برف باری
شمالی وزیرستان میں طویل عرصے بعد برف باری سے سردی کی شدت میں اضافہ ہوگیا، میران شاہ اورمیرعلی میں12سال بعد پہلی مرتبہ برف باری سے پہاڑی علاقوں نےسفید چادر اوڑھ لی۔
قبائلی ضلع مہمند کے مختلف علاقوں میں بھی برفباری سے سردی کی شدت میں اضافہ ہوگیا، مختلف تحصیلوں میں برفباری سے مشکلات بڑھ گئی۔ صوابی کے سیاحتی مقام بیرگلی میں رات سے برف باری کاسلسلہ جاری ہے، مختلف علاقوں میں3سے4انچ تک برف باری ہوچکی۔
بھارتی ریاست مدھیہ پردیش میں زہریلا پانی پینے سے ہلاکتوں اور بیماریوں کے واقعات میں تشویشناک اضافہ سامنے آیا ہے،اندور میں اب تک 25 افراد کی ہلاکت کے بعد مہو میں بھی زہریلا پانی پینے سے 24 افراد یرقان میں مبتلاہوگئے۔
حکام کےمطابق متاثرہ افراد میں پیٹ درد، قے اور دیگرسنگین علامات ظاہر ہوئیں، جس کے بعد فوری طبی امداد فراہم کی گئی۔ انتظامیہ نے علاقے میں پانی کے نمونے حاصل کر کے جانچ کا عمل شروع کر دیا ہے جبکہ مشتبہ پانی کے استعمال پر پابندی عائد کر دی گئی ہے
انتظامیہ نے علاقے میں پانی کی سپلائی کا معائنہ شروع کر دیا ہے اور پانی کے نمونے لیبارٹری جانچ کے لیے بھجوا دیے گئے ہیں،جبکہ شہریوں کو احتیاطی تدابیر اختیارکرنے اور اُبالا ہوا پانی استعمال کرنے کی ہدایت کی گئی ہے۔
مقامی افراد کا کہنا ہے کہ کچھ جگہوں پرپانی کی پائپ لائنیں گندی نالیوں اورسیوریج کےقریب سے گزرتی ہیں،اُنہوں نے کئی بار گندے پانی کی شکایت کی ہےمگر حکومت کی جانب سے تاحال کوئی کارروائی نہیں کی گئی
جبکہ مدھیہ پردیش حکومت کا کہنا ہے کہ صاف پانی کی فراہمی اور صورتحال سےنمٹنے کے لیے 1.21 سے زائد رقم خرچ کی جاچکی ہے،تاہم اس کےباوجود واقعات کاسامنے آنامتعلقہ اداروں کی کارکردگی پر سوالیہ نشان ہے۔
وفاقی فلڈ کمیشن نے بالائی علاقوں میں کل شام سے مغربی ہواؤں کا سلسلہ داخل ہونے کا امکان ظاہر کرتے ہوئے دریائے کابل اور اس کے معاون دریاؤں میں سیلاب کی وارننگ جاری کر دی ہے۔
فلڈ کمیشن کے مطابق دریائے کابل میں 22 اور 23 جنوری کے دوران پانی کے بہاؤ میں غیر معمولی اضافے کا خدشہ ہے، جبکہ خیبرپختونخوا اور آزاد کشمیر کے بالائی علاقوں میں درمیانی سے شدید بارش اور برفباری کی پیشگوئی کی گئی ہے۔
سوات، چترال، بونیر، شانگلہ، دیر، ملاکنڈ، باجوڑ اور مردان میں فلیش فلڈنگ کا خطرہ ہے، جبکہ صوابی، ایبٹ آباد، مانسہرہ، بٹگرام، کوہستان اور ہری پور کے لیے بھی الرٹ جاری کر دیا گیا ہے۔
وفاقی فلڈ کمیشن نے پی ڈی ایم اے خیبرپختونخوا اور تمام ضلعی انتظامیہ کو ہائی الرٹ رہنے کی ہدایت کرتے ہوئے جانی و مالی نقصان سے بچاؤ کے لیے پیشگی حفاظتی اقدامات یقینی بنانے پر زور دیا ہے۔ اس کے علاوہ دریائے کابل سے ملحقہ علاقوں میں فلڈ پروٹیکشن انفرا اسٹرکچر کی کڑی نگرانی کی بھی ہدایت جاری کی گئی ہے۔
گورنر خیبرپختونخوا فیصل کریم کنڈی نے سماء سے خصوصی گفتگو کرتے ہوئے کہا کہ افغانستان کی سرزمین پاکستان کیخلاف دہشت گردی کیلئے استعمال ہو رہی ہیں، اسرائیل ،بھارت افغان سرزمین پاکستان کیخلاف استعمال کرتے ہیں، پاکستان نے اس حوالے سے تمام عالمی فورمز پر ثبوت دیئے۔
فیصل کریم کنڈی نے کہا کہ وزیراعلٰی خیبرپختوا آئی جی پولیس سے پوچھیں کہ کون دہشتگردی کر رہا ہے، کیا دہشت گردی پیپلزپارٹی اور ن لیگ کر رہی ہیں؟ ، سہیل آفریدی کا افغانستان سے ہونے والی دہشت گردی کے ثبوت مانگنا افسوسناک ہے، سہیل آفریدی بتائیں ڈی آئی خان پولیس ٹریننگ اسکول حملے میں کون ملوث تھا، بتائیں کیڈٹ کالج وزیرستان اور ایف سی ہیڈکوارٹر پر حملوں میں کون لوگ ملوث تھے، ٹانک حملےمیں 6 پولیس اہلکار شہید ہوئےتو ٹی ٹی پی نےاپنی ویب سائٹ پر ویڈیو لگائی، دہشت گردی کے اِن واقعات کے بعد سہیل آفریدی کو کون سے ثبوت چاہئیں، کالعدم ٹی ٹی پی کے ساتھ مذاکرات کے مطالبات کیے جاتے ہیں۔
گورنر کے پی کے کا کہناتھا کہ سانحہ 9مئی میں سہیل آفریدی سمیت جو بھی ملوث ہیں اُنہیں سزا ہونی چاہیے، عدالتیں سانحہ 9مئی کیسز کے فیصلوں میں سستی سے کام لے رہی ہیں، سانحہ 9مئی کےملزمان کو جلد سزائیں ہوتیں تو ایسےحالات نہ دیکھنا پڑتے، عدالتوں سے درخواست ہے سانحہ نومئی کےملزمان کو جلد سزائیں دی جائیں۔
گورنر فیصل کریم کنڈی نے خیبرپختونخوا حکومت کی کارکردگی پر بھی تنقید کرتے ہوئے کہا کہ خیبرپختونخوا حکومت بتائے کہ 13 سال میں کون سا ایک اسپتال بنایا، مذاکرات سے پہلے پی ٹی آئی فیصلہ کرے اختیار کس کے پاس ہے، پی ٹی آئی میں لیڈر کون ہے ؟ مجھے معلوم نہیں ، ایک طرف مذاکرات کی بات دوسری طرف انتشار کرنے کی ٹویٹ آتی ہے۔
گورنر خیبر پختونخوا فیصل کریم کنڈی نےکہا ہےکہ صوبائی حکومت افغانستان کا کیس لڑنے کے بجائے صوبے میں امن، استحکام اور سرمایہ کاری کے فروغ پر توجہ دی ۔
گورنر کےمطابق دنیا یہ کہہ رہی ہے کہ افغانستان کی سرزمین دہشت گردی کے لیے استعمال ہو رہی ہے، جو گروہ ریاست اور آئین کو نہیں مانتا اسے سپیس دینا ناقابلِ قبول ہے۔
انہوں نےخبردارکیاکہ انتشار اورگالم گلوچ سےامن قائم نہیں ہوسکتا اورامن کے بغیر صوبےمیں سرمایہ کاری بھی ممکن نہیں،نومئی کے واقعات کے حوالے سے گورنر نے کہا کہ فیصلوں میں تاخیر انصاف کے تقاضوں کے خلاف ہے
خیبرپختونخوا کےضلع شمالی وزیرستان کےبچےمیں وائرس کی تصدیق ہوئی ہے،2025 میں پاکستان میں پولیو کےمجموعی کیسز کی تعداد 31 ہوگئی،قومی ایمرجنسی آپریشن سینٹر نے تفصیلات جاری کردیں۔
متاثرہ بچے کےنمونےگزشتہ سال لیبارٹری کو بھیجے گئے تھے،یشنل ایمرجنسی آپریشن سینٹر کے مطابق اگلی قومی انسداد پولیو مہم 2 سے 8 فروری کو ہوگی،مہم کے دوران ساڑھے 4 کروڑ بچوں کو قطرے پلائے جائیں گے
وزیر مملکت داخلہ طلال چوہدری نے پریس کانفرنس کے دوران وزیراعلیٰ کے پی کے سہیل آفریدی کو تنقید کا نشانہ بناتے ہوئے کہا کہ آپ 3 صوبوں میں گئے کہیں کسی شہید کا گھر آپ کو نظر نہیں آیا، آپ جان بوجھ کرسیف سٹی کیمرے نہیں لگاتےآپ نےفرانزک لیب نہیں بنائی ، وزیراعلیٰ ہو یا کوئی اور عہدیدار،مبہم بیان بازی قبول نہیں ہے ۔
تفصیلات کے مطابق مطابق طلال چوہدری کا کہناتھا کہ آپ کو اتنی ہمدردی ہے تو افغانستان چلے جائیں ، 1200 لوگ شہید ہوگئے کتنے لوگ اور چاہیے، کتنے لوگوں کو بموں سے اڑا دیا گیا ، آپ جان بوجھ پر ابہام پیدا کرتےہیِں ، 11سال سے پی ٹی آئی کےکسی اہم عہدیدار،وزیر، مشیرپر حملہ نہیں ہوا، 11سال میں تمام سیاسی جماعتوں کےقائدین پر حملے ہوئےکیونکہ وہ دہشتگردوں کیخلاف بولتےہیں، آپ کا ترجمان کھل کر نہ دہشتگردوں کی مذمت کرتا ہےنہ سیکیورٹی فورسزکی حمایت کرتا ہے، اپنے آئی جی سے پوچھیں کہ ان کےٹریننگ کیمپ کہاں ہیں ۔
ان کا کہناتھا کہ وزیراعلیٰ خیبرپختونخوا نےاپنی نام نہاد اسٹریٹ مہم میں قومی مفاد سےمتعلق بات کی، وزیراعلیٰ نےکہا اگرافغانستان دہشتگردی کر رہا ہے تو ہمیں اسے کے ثبوت دینے چاہیے، دہشتگردی کے حوالے سے انکے بیان سے ابہام پیدا ہوا، دہشتگرد کو دہشتگرد کہنے سے اجتناب کررہے ہیں، ہمارے دو ہمسائےہیں ایک ہمسایہ ہمارے خلاف سرمایہ لگا رہا ہےدوسرا عمل کر رہا ہے۔
طلال چوہدری کا کہناتھا کہ ہمارےلوگوں کے سروں کے فٹبال بنے آپ بیانیہ بنا کر انکی حمایت کر رہے ہیں، زیادہ دہشتگردی کے واقعات بھی خیبر پختونخوا میں ہوئے ، کسی کو پاکستانیوں کے خون سے کھیلنے کی اجازت نہیں دیں گے ، آپکوافغانستان سے ہمدردی ہے تو ادھر چلے جائیں یا ہم آپکوچھوڑ آتے ہیں ، آئندہ دہشتگردوں کے حق میں کوئی بھی بیان آیا تو برداشت نہیں کیا جائےگا ، ہمیں سیاسی سرگرمی سے اختلاف ہے نہ ہم کسی کو روکیں گے، وزیر اعظم خود خیبر پختونخوا کے کئی دورے کرچکے ہیں ، کاؤنٹر ٹیرارزم اجلاس میں وزیراعلیٰ تشریف نہیں لاتے۔
خیبرپختونخوا حکومت نے ضم قبائلی اضلاع میں سولر منصوبہ شروع کرنے کا فیصلہ کرلیا۔
سات اضلاع میں مفت سولر منصوبہ شروع کیا جائےگا،منصوبہ خیبر،کرم،باجوڑ،اورکزئی،مہمند،شمالی اور جنوبی وزیر ستان میں شروع ہوگا۔پختونخوا انرجی ڈویلپمنٹ آرگنائزیشن نے ہوم ورک مکمل کرلیا۔
منصوبے کے تحت ایک لاکھ بیس ہزار افراد کو مفت سولر پینلز دیےجائیں گے،دوکلو واٹ سولرسسٹم میں تین سولرپینلز، ایک انورٹر اور دیگر سامان شامل ہوگا، منصوبے پر کل 13 ارب روپے خرچ کیے جائیں گے، آبادی کے تناسب سے ہرضلع کا کوٹہ مقرر کیا جائے گا۔
خیبر پختونخوا کے محکمہ بلدیات و دیہی ترقی کے مختلف شہری ترقیاتی اداروں میں میں 3 ارب 66 کروڑ روپے کی مبینہ بے قاعدگیاں کا انکشاف ہوا ہے۔
آڈٹ رپورٹ مالی سال 2023-24 میں انکشاف ہواکہ پشاور ڈویلپمنٹ اتھارٹی میں ایک ہزار 824 کنٹریکٹ ملازمین کو قواعد کے بغیرمستقل کیاگیا اورانہیں 77کروڑ 69 لاکھ روپے سے زائد کی ادائیگیاں کی گئیں ۔
پی ڈی اے کی غیر قانونی ہاؤسنگ سوسائٹی سے56 کروڑ 25 لاکھ روپےجرمانوں کی عدم وصولی کی گئی،مردان میں بیوٹیفیکشن کیلیے 58 کروڑ 26 لاکھ روپے کے ٹھیکہ دینےمیں بےقاعدگی کی گئی،حیات آباد میڈیکل کمپلیکس کے سامنے پلاٹ الاٹمنٹ میں تاخیرسے32کروڑسےزائد کا نقصان پہنچایا گیا۔
رپورٹ کےمطابق پی ڈی اے انفراسٹکچرکوپہنچنےوالے 36 کروڑ روپے کے نقصانات کی رقم وصول کرنے میں ناکام رہا،ٹھکیہ داروں کی جانب سےجعلی گارنٹی جمع کرنے پر53 کروڑ 54 لاکھ روپےجرمانے کی عدم وصولی کی گئی۔
نادرن بائی پاس بس ٹرمینل کےکنسلٹنٹ کی تقرری میں بےقاعدگی اور 11کروڑ 40 لاکھ روپےکی غیر مجاذ ادائیگی کی گئی،جبکہ حیات آباد میں نجی ہسپتال کو پلاٹ کی غیر قانونی الائٹمنٹ اور 16 کروڑ 25 لاکھ روپے کی عدم وصولی کی گئی،سڑک کی تعمیر کے لئے 4 کروڑ 37 لاکھ روپے کی زائد ادائیگی کی گئی۔
آڈٹ رپورٹ کےمطابق سیف سٹی سیکیورٹی کی گاڑیوں کے غیر مجاذ استعمال کرکے خزانے کو 20 کروڑ روپے کا نقصان ہوا،کانیزہ اور ڈاگ کے علاقے میں گلیوں کی تعمیرکے 7 کروڑ 62 لاکھ کا ٹھیکہ قواعد کے بغیر جاری کیا گیا،پی ڈی اے نے ایل ای ڈی لائٹس کی خریداری میں کنٹریکٹر کو 2 کروڑ 54 لاکھ کی زائد ادائیگی کی گئی
تاتارا فن لینڈ کی تاخیر سے نیلامی کے باعث خزانے کو 6 کروڑ 67 لاکھ کا نقصان پہنچایا گیا،بے قاعدگیوں کے حوالے سے کوئی محکانہ کارروائی ہوئی نہ اس کا ریکارڈ پیش کرسکی۔
وزیراعلیٰ خیبرپختونخوا سہیل آفریدی کی وزیراعلیٰ سندھ سےملاقات منسوخ ہوگئی،وزیراعلیٰ سندھ مرادعلی شاہ نےسہیل آفریدی سےملاقات کرنے سےمعذرت کرلی۔
سہیل آفریدی کراچی پہنچ گئےہیں،جہاں انہوں نےمیڈیا سےگفتگو میں کہا آج جلسہ ضرور ہوگا،حیدرآباد سے کراچی آنے میں ہمیں ساڑھے 7 گھنٹے لگے،ہمیں جان بوجھ کرکے سنسان سڑکوں پر دھکیلا گیا،یہ لوگ اقتدار کے نشے میں پاگل ہوچکے ہیں، یہاں کے عوام بانی پی ٹی آئی زندہ باد کا نعرہ لگا رہےہیں،جلسہ تو ہوگا۔
جلسےسےمتعلق سندھ حکومت نے خبردارکردیا،وزیربلدیات ناصرحسین شاہ نے کہا باغ جناح وفاق کے پاس ہے اس لیےرسمی کارروائی میں تاخیرہوئی،آپ جلسہ ایک دوگھنٹے تاخیر سے بھی کرسکتے ہیں۔
وزیرداخلہ ضیالنجار نے بھی خبردار کردیا،کہا جلسہ کرنا ہے تو باغ جناح میں کریں،ہرممکن تعاون کریں گے عوام کو تکلیف پہنچی تو برداشت نہیں کریں گے۔۔
ضلع خیبر کے علاقے جمرود میں ٹریفک کے المناک حادثہ میں دولہا سمیت 4 افراد جاں بحق ہوگئے۔
جمرود میں کار اور ٹرک میں تصادم کے نتیجے میں دولہےسمیت چارافراد جاں بحق ہوگئے،جاں بحق افراد میں نعمان، منصور،سہیل اورضراب شامل ہیں،جاں بحق افراد کی لاشیں قریبی اسپتال منتقل کردی گئیں۔
دولہا اپنےدوستوں کے ہمراہ سیلون سے واپس آرہاتھا،پولیس نےجائے وقوعہ کوگھیرے میں لےکرشواہد اکٹھے کر لیے ہیں اور حادثے کی وجوہات جاننے کے لیے مزید تحقیقات کا آغاز کر دیا گیا ہے۔
وزیراعظم شہبازشریف نے خیبر پختونخوا کے عوامی نمائندگان سے ملاقات کے دوران کہا کہ خیبرپختونخوا میں جاری وفاقی ترقیاتی منصوبوں کی بروقت تکمیل حکومت کی ترجیح ہے۔
تفصیلات کے مطابق وزیراعظم شہباز شریف سے خیبر پختونخوا سے تعلق رکھنے والے عوامی نمائندگان نے ملاقات کی، جس میں صوبے کی مجموعی سیاسی صورتحال، عوامی مسائل، ترقیاتی منصوبوں اور گورننس سے متعلق امور پر گفتگو ہوئی۔
وزیراعظم نے کہا کہ خیبر پختونخوا کے عوام کے مسائل کا مکمل ادراک ہے اور اپنے دائرہ اختیار میں پائیدار حل کے لیے سنجیدہ اقدامات کیے جا رہے ہیں، جبکہ وفاقی ترقیاتی منصوبوں کی بروقت تکمیل حکومت کی ترجیح ہے۔
شرکا نے خیبر پختونخوا حکومت کو ناکام قرار دیتے ہوئے کہا کہ صوبے میں گورننس کا فقدان اور عوامی مسائل پر توجہ نہ ہونا سنگین مسئلہ ہے۔وزیراعظم نے عوامی نمائندوں کو عوامی مسائل کے حل کو اولین ترجیح بنانے کی ہدایت کی اور کہا کہ نوجوان پاکستان کا قیمتی اثاثہ ہیں، میرٹ پر لیپ ٹاپ کی پالیسی آئندہ بھی جاری رہے گی۔ملاقات میں وزیراعظم نے وزیر منصوبہ بندی احسن اقبال کی سربراہی میں کمیٹی تشکیل دینے کا اعلان کیا جو پشاور کا دورہ کر کے وفاقی منصوبوں کی پیش رفت کا جائزہ لے گی۔
ہتکِ عزت کیس میں وزیراعلیٰ کے پی سہیل آفریدی کے ناقابلِ ضمانت وارنٹ گرفتاری جاری کردئیے۔
اسلام آباد کی ڈسٹرکٹ اینڈ سیشن کورٹ میں ریاستی اداروں پرگمراہ کن الزامات اورساکھ متاثر کرنے کے کیس کی سماعت ہوئی ہے،سینئر سول جج عباس شاہ نے سہیل آفریدی کے خلاف درج مقدمہ کی سماعت کی۔
عدالت نےعدم حاضری پروزیراعلی خیبرپختونخواسہیل آفریدی کےناقابل ضمانت وارنٹ گرفتاری جاری کر دیے،عدالت نےسہیل آفریدی کوگرفتارکرکےپیش کرنےکاحکم دےدیا،کیس کی مزید سماعت 17 جنوری تک ملتوی کردی گئی،سہیل آفریدی کےخلاف پیکا ایکٹ کے تحت این سی سی آئی اے نے مقدمہ درج کر رکھا ہے۔
کراچی میں رات گئے مختلف علاقوں میں ٹریفک حادثات میں تین افراد جاں بحق جبکہ فائرنگ سے 16 سال کا لڑکا سمیت چار افراد زخمی ہوگئے۔
ریسکیو کےمطابق منگھوپیرغازی گوٹھ کے قریب نامعلوم گاڑی کی ٹکر سے ایک راہگیر جاں بحق ہو گیا لاش عباسی شہید اسپتال منتقل کردی گئی جاں بحق شخص کی شناخت تاحال نہ ہوسکی
ادھرسائٹ ایریا اےمیں نامعلوم گاڑی کی ٹکر سے ایک شخص جان سے گیا متوفی کی شناخت تاحال نہیں کی جاسکی جبکہ سپر ہائی وے جمالی پل یو ٹرن کے قریب ٹرک کی موٹر سائیکل کو ٹکر حادثے میں موٹر سائیکل سوار شخص جاں بحق ہواجاں بحق شخص کی شناخت 26 سالہ عبدالمجید کے نام سے ہوئی ٹرک ڈرائیور جائے وقوعہ سے فرار ہوگیا تلاش جاری ہے
دوسری جانب مختلف علاقوں فائرنگ سے 16 سال کالڑکا سمیت چار افراد زخمی ہوگئےجنھیں طبی امداد کے لئے سول جناح ،عباسی شہید اسپتال منتقل کردیا گیافائرنگ کے واقعات ایف بی ایریا ،نارتھ کراچی ،کورنگی میں پیش آئے۔
ملکی تیل و گیس کےشعبے سےبڑی خوشخبری آگئی،خیبر پختونخوا ضلع کوہاٹ ناشپا بلاک میں تیل و گیس کا بڑا ذخیرہ دریافت ہوگیا۔
او جی ڈی سی ایل نےدریافت کا تصدیقی خط اسٹاک ایکسچینج کو ارسال کردیا،خط میں کہاگیاکہ ایکس ون کنویں سے یومیہ 4100 بیرل تیل کی بڑی دریافت ہوئی ہے۔
او جی ڈی سی کاکہنا ہےکہ کنویں سےیومیہ ایک کروڑ اسٹینڈرڈکیوبک فٹ گیس بھی حاصل ہوگی،دریافت میں او جی ڈی سی ایل 65،پی پی ایل 30 اور پی ایچ ایل 5 فیصد کا حصہ دار ہے۔
ماہرین کا کہنا ہے کہ دریافت سے ملک میں تیل و گیس کی طلب و رسد کا توازن بہتر ہوگا۔
رواں برس ماحولیاتی تبدیلیوں کے حوالے سے پاکستان کے لیے انتہائی ناخوشگوار رہا۔
پاکستان ماحولیاتی تبدیلیوں سےبُری طرح متاثر ممالک میں شامل ہے،پاکستان پر2025 بھاری گزرا، قدرتی آفات نے کئی علاقوں میں قیامت ڈھائی،خشک سالی،زیادہ بارشیں،ٹینس بال سائزکی ژالہ باری،گلاف سے تباہی ہوئی،قدرتی آفات سےقیمتی جانیں ضائع،گھراُجڑے،بھاری مالی نقصان ہوا۔
ڈاکٹرطیب شاہ سینئیرڈائریکٹر ٹیک این ڈی ایم اےکاکہنا ہےکہ جنوری فروری مارچ میں بارش کا تخمینہ لگائیں تو 38 سے 42 فیصد ہم نے 2025 میں معمول سےکم بارش ہوئی۔7 سے 8 ہیٹ ویوو ہم نےدیکھی جو بہت خظرناک صورت حال ہے،پاکستان کا 2025 کا مون سون ایک اگریویٹڈ مون سون تھا۔
ڈاکٹر طیب شاہ نےمزیدکہاپہلی بار مون سون بیسنز کا کانسپٹ دیا ہےدیا کے وہ راستہ جہاں فلڈ پلین ہیں ان علاقوں میں تعمیرات کو روکنا اور ساتھ ساتھ دریاؤں اور نالوں کی صفائی کرنا۔
نئے سال 20 فیصد زائد بارشوں کی پیشگوئی،حکومت کوسنگین چیلنجزدرپیش ہیں،چھوٹے ڈیمز سمیت دیگر اہم تجاویز پرعملدرآمدکیلئے245 روزہ پلان تیار ہے،ممکنہ ہنگامی صورتحال سےنمٹنےکیلئےوقت کم اورمقابلہ سخت ہے۔
کینال روڈ پر باراتیوں کی ویگن حادثہ کا شکار ہوگئی،تیز رفتاری کے باعث ڈرائیور ویگن پر قابو نہ رکھا سکا، نہرمیں جا گری،ایک شخص جاں بحق متعدد زخمی ہوگئے۔
ریسکیو حکام کےمطابق ویگن نہر میں گرنے سےایک شخص جاں بحق، 5 زخمی ہیں، جن میں سے تین کی حالت تشویشناک بتائی جارہی ہے۔ 4 زخمیوں کو طبی امداد کے لئے ڈاکٹرز اسپتال اور ایک جناح اسپتال منتقل کردیا گیا ہے۔
زخمیوں میں ایک بچی، ایک خاتون اور ایک مرد کو آئی سی یو منتقل کیا گیا،حادثہ میں جاں بحق شخص کی شناخت 55 سال کے حنیف کے نام سے ہوئی،جاں بحق شخص کی لاش پوسٹ مارٹم کے لئے مردہ خانہ منتقل کردیا گیا ہے۔
محکمہ داخلہ پنجاب نے وزیراعلیٰ خیبرپختونخوا کے 26 سے 28 دسمبر تک دورہ پنجاب کے دوران فول پروف سکیورٹی انتظامات کی ہدایت کر دی ۔
محکمہ داخلہ نے وزیراعلیٰ خیبرپختونخوا کے دورہ اور قیام کے دوران خصوصی سکیورٹی انتظامات کی ہدایت کر دی۔وزیراعلیٰ خیبرپختونخوا دورہ کے دوران وزیراعلی خیبرپختونخواہ کےمختلف سرکاری وغیرسرکاری سرگرمیوں میں شرکت کریں گے۔وزیراعلیٰ کے پی پنجاب اسمبلی دورہ کے دوران اراکین صوبائی اسمبلی سے ملاقات کریں گے۔صحافیوں اورطلبہ سے ملاقات کریں گے،وزیراعلیٰ خیبرپختونخوا کوٹ لکھپت جیل کا دورہ بھی کریں گے۔وزیراعلیٰ خیبرپختونخوا کی سکیورٹی کے فول پروف انتظامات کیلئے متعلقہ اداروں کو ہدایت جاری کی گئی ہیں۔
وزیراعلیٰ خیبر پختونخوا سہیل آفریدی کو پنجاب اسمبلی میں داخلے کی اجازت مل گئی ہے۔
ذرائع کے مطابق اسمبلی سیکرٹریٹ نے وزیراعلیٰ کے پی اور ان کے ہمراہ وفد کے داخلے کی باضابطہ منظوری دے دی ہے۔ وزیراعلیٰ خیبر پختونخوا سہیل آفریدی کے ہمراہ صوبائی وزرا، کابینہ ارکان، سینیٹرز، ایم این ایز اور اراکین اسمبلی پنجاب اسمبلی پہنچیں گے۔ سہیل آفریدی اور ان کے وفد کی مکمل فہرست اسمبلی سیکیورٹی کو فراہم کر دی گئی ہے۔
ذرائع کے مطابق وزیراعلیٰ کے پی پنجاب اسمبلی میں اپوزیشن ارکان سے ملاقاتیں اور خطاب بھی کریں گے، جس کے دوران اہم سیاسی امور پر تبادلہ خیال متوقع ہے۔ ملاقاتوں اور خطاب کے بعد وزیراعلیٰ خیبر پختونخوا سہیل آفریدی پنجاب اسمبلی سے روانہ ہو جائیں گے۔
وزیراعلیٰ خیبرپختونخوا محمد سہیل آفریدی نے ضلع خیبرکا دورہ کیا جس دوران تحصیل باڑہ میں مقامی عمائدین اورعوامی جرگہ سے ملاقات بھی کی۔
وزیراعلیٰ خیبر پختونخوا سہیل آفریدی نے تحصیل باڑہ میں مقامی عمائدین اور عوامی جرگہ سے خطاب کرتے ہوئے کہا کہ مستقل امن کے قیام کے لیے گرینڈ امن جرگے میں تمام سیاسی و مذہبی جماعتوں نے کسی بھی آپریشن کی مخالفت کی تھی، اب اس امن ایجنڈے کو بھی سبوتاژکرنے کی کوشش کی جا رہی ہے ۔ میرے خلاف منظم پروپیگنڈے کے ذریعے آپریشن کی اجازت کا جھوٹا تاثر دیا جا رہا ہے۔ تیراہ میں شدید برفباری کے دوران آپریشن کا ڈھونگ رچانا سمجھ سے بالاتر ہے۔ خودساختہ دہشتگردی کے بیانیے کی آڑ میں حکومت مخالف فضا بنانے کے لیے آپریشن کی تیاری کی جا رہی ہے۔
انہوں نے کہا کہ اگر واقعی نیت امن کی ہوتی تو صوبائی حکومت کو اعتماد میں لیا جاتا، بند کمروں میں کیے گئے فیصلے ہمیشہ نقصان کا باعث بنتے ہیں، قبائل تجربہ گاہ نہیں یہاں بھی انسان رہتے ہیں، ہم ان کے عزائم کو کامیاب نہیں ہونے دیں گے، ضم اضلاع کے حقوق پر کوئی سمجھوتہ نہیں کریں گے، اسٹریٹ موومنٹ کی تیاری کو پوری قوت کے ساتھ فیصلہ کن مرحلے تک لے جایا جائے گا، کسی سرکاری نمائندے نے تاحال مجھ سے مذاکرات کے معاملے پر رابطہ نہیں کیا۔
بھارتی ریاست آسام میں زمین کے تنازع پر پرتشدد مظاہرےجاری ہیں،مختلف واقعات میں دو افراد ہلاک اور 48 زخمی ہوگئے۔
بھارتی میڈیا کےمطابق آسام کے مختلف علاقوں سے آئے غیرمقامی آبادکاروں نےزمینوں پرقبضہ جمالیا،جس پرحالات کشیدہ ہیں،
قبائلیوں نے زرعی اورکاروباری زمینوں سے غیرمقامی افراد کو نکالنے کا مطالبہ کیا ہے،ہنگاموں کے پیش نظر انٹرنیٹ پر پابندی لگادی اور علاقے میں کرفیو بھی نافذ کیا گیا ہے۔
وزیراعلیٰ خیبرپختونخوا سہیل آفریدی نےکہا ہم نے ہمیشہ آئین اور قانون کے دائرے میں رہ کرجدوجہد کی ہے، آئین ہمیں پُرامن احتجاج کاحق دیتاہے، ہم یہ حق ہرصورت استعمال کریں گے۔
وزیراعلیٰ خیبرپختونخوا سہیل آفریدی کا انصاف اسٹوڈنٹس فیڈریشن سےخطاب میں کہا ملک دشمن سیاسی جماعتوں نےاقتدارکی خاطرہمیشہ اداروں اورجمہوریت کونقصان پہنچایا،سازشی عناصر نوجوانوں کو اشتعال دلانے کی کوشش کریں گے، فوکس نہ ہٹائیں،نوجوان ملک دشمن بیانیے اورمنفی پروپیگنڈے سے ہوشیار رہیں۔
سہیل آفریدی نےمزیدکہاغلط سیاسی کلچر اور انتشارکی سیاست انہی کرپٹ عناصر نےمتعارف کروائی، حقیقی آزادی کی جدوجہد آئین اورقانون کےدائرے میں رہ کرجاری رہےگی،بانی کی اگلی کال تک ہرسطح پر مکمل تیاری ہمارا ہدف ہے۔
پنجاب اور سندھ کے مختلف شہروں میں دھند کا راج برقرار ہے،دھند کے باعث مخلتف حادثات میں پانچ افراد جاں بحق ،اٹھارہ افراد زخمی ہوگئے ۔
خان پورمیں ظاہرپیرانٹرچینج کےقریب تیزرفتارمسافربس ایمولینس سے ٹکرا گئی،حادثے میں چارافرادجاں بحق تین زخمی ہوگئے،ایمبولینس کراچی سے ڈیڈ باڈی لےکر شہر سلطان جارہی تھی کہ دھند کےباعث حادثہ کا شکار ہوگئی۔
چشتیاں میں ڈاہرانوالہ روڈ پردو موٹرسائیکلوں ٹکراگئی،حادثہ میں موٹر سائیکل سوارجاں بحق جبکہ تین افرادشدید زخمی ہوگئے،قاضی احمد میں قومی شاہراہ پر دھند کے باعث حادثہ چار گاڑیاں آپس میں ٹکرا گئیں،حادثےمیں چھ افراد زخمی ہوگئے،مرید کےمیں دھند کےباعث شیخوپورہ روڈ پر ڈمپر اورکارمیں ٹکر سے چھ افراد زخمی ہوگئے۔
دہشتگردی سے نمٹنے کے لیے خیبرپختونخوا پولیس نے مزید جدید اسلحہ خریدنے کا فیصلہ کرلیا ہے۔
پولیس حکام کے مطابق 50 بیریٹا اسنائپر رائفلز اور سو اسنائپر رائفلز خریدی جائیں گی،مجموعی طور پر 1250 جدید خودکار ہتھیار "ٹی ڈبلیو ایس" خریدے جائیں گے،3 ہزار چھوٹے اور 3 ہزار 250 بڑے ہتھیاروں کو جدید بنانےکےلیےریلیں خریدی جائیں گی،430 تھرمل بائنیکیولرزکی خریداری بھی کی جائےگی،330 تھرمل ٹی آئی کیمرے فراہم کیے جائیں گے۔
پولیس حکام کا کہنا ہےپولیس کے لیے 73 سرویلنس ڈرون بھی خریدے جائیں گے،ڈرون خطرات سے نمٹنے کے لیے 14 مزید اینٹی ڈرون گنز خریدی جائیں گی،4 سرچنگ ڈرونزبھی خریدےجائیں گے،دہشت گردی کے خلاف کارروائیوں کےلیے 20 جدیدبم ڈسپوزل سوٹس فراہم کیےجائیں گے،سرچ آپریشنز کے لیے 1ہزاراسپارٹا کیمرے خریدے جائیں گے۔
پولیس حکام کا کہنا ہےکہ مجموعی طور پر 6 ہزار بلٹ پروف جیکٹس بھی خریدی جائیں گی،6 ہزار بلٹ پروف ہیلمٹس کی خریداری بھی کی جائے گی،39 پولیس گاڑیوں کی فرنٹ اسکرین اور 5 ڈبل کیبن گاڑیوں کی مکمل بلٹ پروفنگ ہوگی،پولیس کے لیے 210 بی سیون لیول بکتربندگاڑیاں اورمزید 1200 آپریشنل بکتر بند گاڑیاں خریدی جائیں گی،پولیس گاڑیوں کی سائیڈ آرمَرنگ اورباڈی فیبریکیشن بھی خریداری منصوبےمیں شامل ہے
سال 2025 دنیا بھر کے لیے غیر معمولی طور پر ہنگامہ خیز اور آزمائشوں سے بھرپور ثابت ہوا۔ مختلف خطوں میں جاری جنگوں، شدید موسمی تبدیلیوں، تباہ کن سیلابوں اور قدرتی آفات نے کروڑوں افراد کی زندگیوں کو متاثر کیا۔ کہیں مسلح تنازعات نے انسانی المیوں کو جنم دیا تو کہیں موسمی شدت نے ریاستی نظام اور معاشی ڈھانچوں کو ہلا کر رکھ دیا۔ بے گھر افراد، غذائی قلت، معاشی دباؤ اور سفارتی کشیدگیاں سال بھر عالمی منظرنامے پر چھائی رہیں، جس نے دنیا کو ایک نئے عدم استحکام کی طرف دھکیل دیا۔
ان عالمی مشکلات کے باوجود، سال 2025 پاکستان کے لیے کئی حوالوں سے غیر معمولی اہمیت کا حامل رہا۔ اگرچہ پاکستان کو بھی ماحولیاتی خطرات اور علاقائی چیلنجز کا سامنا رہا، تاہم دفاعی محاذ پر یہ سال انتہائی سودمند ثابت ہوا۔ پاکستان نے اپنی دفاعی صلاحیت، پیشہ ورانہ مہارت اور اسٹریٹجک بصیرت کا بھرپور مظاہرہ کرتے ہوئے نہ صرف اپنی خودمختاری کا کامیابی سے دفاع کیا بلکہ عالمی سطح پر اپنی ساکھ کو نئی بلندیوں تک پہنچایا۔دوسری جانب بھارت کو دفاعی اور سفارتی محاذ پر نمایاں ناکامیوں کا سامنا کرنا پڑا اور خطے کی طاقت کے توازن میں واضح تبدیلی محسوس کی گئی۔
مجموعی طور پر، سال 2025 ایک ایسا سال ثابت ہوا جو دنیا کے لیے آزمائش، جبکہ پاکستان کے لیے عزم، استحکام اور دفاعی کامیابی کی علامت بن کر تاریخ میں یاد رکھا جائے گا۔
آئیے سال 2025 میں ہونے والے چند اہم واقعات کا ذکر چھیڑتے ہیں
مئی میں پاک بھارت جنگ
مئی میں بھارت نے بلا اشتعال پاکستان کی شہری آبادیوں پر میزائل داغتے ہوئے معصوم شہریوں کو شہید کیا اور جب پاکستان نے جواب دیا تو وہ بالکل ڈی جی آئی ایس پی آر کے بیان کے مطابق تھا کہ ’ جب پاکستان حملہ کرے گا تو یہ بتانے کی ضرورت بھارتی میڈیا کو نہیں پڑے گی بلکہ پوری دنیا کو پتا لگے گا کہ پاکستان نے جوابی حملہ کیا ہے‘، پاکستان نے بھارت کا غرور رافیل طیاروں کو نہ صرف زمین بوس کیا بلکہ پاکستان کے ہاتھوں S400 کی تباہی نے بھارتی حکومت کو منہ چھپانے کے قابل بھی نہ چھوڑا، پاکستان کی فضائی زمینی اور بحری برتری کو پوری دنیا نے تسلیم کیا, امریکی صدر ٹرمپ نے بھی پاکستان کی فوجی طاقت کو غیر معمولی قرار دیتے ہوئے ہر بڑے پلیٹ فارم پر اعلانیہ تعریف کی جبکہ فیلڈ مارشل عاصم منیروائٹ ہاؤس میں امریکی صدر سے ملاقات کرنے والے دنیا کے پہلے آرمی چیف بھی بنے ۔جس نے دنیا بھر کے اخبارات کی شہہ سرخیوں میں جگہ بنائی۔
موسمیاتی تبدیلیاں اور سیلاب
ایک طرف جنگیں تو دوسری جانب سیلاب نے بھی لوگوں کی زندگی کو شدید متاثر کیا جن میں سب سے زیادہ نقصان پاکستان کو پنجاب میں سیلاب کے باعث برداشت کرنا پڑا جہاں 8400 دیہات زیر آب آئے جبکہ درجنوں افراد زندگی کی بازی ہارے ، حکومت پنجاب کی جانب سے تاریخی ریلیف آپریشنز کیئے گئے ۔10 لاکھ ایکڑ سے زائد زرعی زمین زیرِ آب آگئی۔ لاکھوں افراد کو فوری طور پر محفوظ مقامات پر منتقل کیا گیا۔
2025 میں شدید موسمیاتی واقعات میں اضافہ دیکھا گیا۔ کیریبین اور فلپائن میں طوفان، ویتنام میں سیلاب، یورپ میں جنگلاتی آگ اور امریکہ میں گرینڈ کینیئن کے علاقے میں آگ نے انسانی جانوں اور معیشت کو متاثر کیا۔سائنس دانوں کے مطابق یہ سب موسمیاتی تبدیلی کی وجہ سے ہیں۔2025 نے عالمی سطح پر سیاست، معیشت، انسانی حقوق اور ماحولیاتی تبدیلی کے حوالے سے کئی نمایاں اور فیصلہ کن واقعات دیکھے۔ یہ سال تاریخ میں اپنی گہری پیچیدگی اور اثرات کے لیے یاد رکھا جائے گا۔
کرپٹو کرنسی میں قدم
پاکستان نے سال 2025 میں ہی کرپٹو کرنسی میں قدم رکھ کر دنیا کو حیران پریشان کر دیا جس کیلئے خصوصی باڈی تشکیل دی گئی جبکہ بلال بن ثاقب کی شاندار خدمات کی بدولت پاکستان میں نئے دور کا آغاز ہوا ۔
ٹرمپ کے کارنامے
سال 2025 امریکی صدر ٹرمپ کے بغیر کبھی اتنا ہنگامہ خیز نہ ہوتا ، جنوری میں اپنے دوسرے دور کے آغاز کے ساتھ ہی ری پبلکن صدر ڈونلڈ ٹرمپ نے ٹیرف جنگ شروع کرنے، ملک میں پروٹیکشنزم کی پالیسی، غیر قانونی تارکین وطن کی بڑی تعداد میں ملک بدری اور وفاقی حکومت کے کئی محکموں کی دوبارہ تشکیل پر کام شروع کیا۔
ان سب کارناموں کے ساتھ ساتھ امریکی صدر نے دنیا میں جنگیں رکوانے کا فریضہ بھی انجام دیا جس میں سب سے نمایاں اقدام پاک بھارت جنگ کو رکوانا اور غزہ میں جنگ بندی تھا جبکہ ایران اسرائیل جنگ میں بھی امریکی صدر کا کردار نہایت اہم رہا جبکہ اس جنگ کے بعد پاکستان اور ایران کے درمیان قربتیں شدید بڑھیں کیونکہ پاکستان نے کھل کر عالمی سطح پر سفارتی محاذ پر اپنے برادر ملک ایران کی حمایت کی ۔
امریکہ صدر کے دباؤ پر اسرائیل اور حماس کے درمیان فائر بندی عمل میں آئی، جس سے اسرائیلی اور فلسطینی قیدیوں کی رہائی ممکن ہوئی۔اس دوران غزہ میں انسانی امداد کا سلسلہ بڑھا جہاں 70 ہزار کے قریب فلسطینی شہریوں کو اسرائیل نے شہید کیا جن میں بیشتر تعداد بچوں کی شامل ہے۔فائر بندی معاہدے کے بعد بھی اسرائیل نے حالیہ ہفتوں میں غزہ پر کئی فضائی حملے کیے اور خطے میں کشیدگی برقرار رہی۔
یوکرین میں ناکام مذاکرات
روس کے 2022 میں حملے کے بعد یوکرین میں جاری جنگ کے خاتمے کے لیے امریکہ کی کوششیں کامیاب نہیں ہو سکیں۔صدر ٹرمپ نے مختلف مواقع پر یوکرینی صدر وولودی میر زیلنسکی اور روسی صدر ولادی میر پوتن کے درمیان تعلقات میں توازن قائم کرنے کی کوشش کی مگر مذاکرات ناکام رہے۔
نیا پوپ
آٹھ مئی کو 69 سالہ امریکی شہری فرانسس پریوست بطور پوپ منتخب ہوئے۔
نوجوان
30 سال سے کم عمر افراد نے ایشیا، افریقہ اور لاطینی امریکہ میں معاشرتی اصلاحات اور کرپشن کے خلاف احتجاج کیے۔بنگلہ دیش، نیپال اور مڈغاسکر میں حکومتیں مستعفی ہوئیں جبکہ دیگر ممالک میں مظاہرے سختی سے دبائے گئے۔
آرٹیفیشل انٹیلی جنس
ٹیکنالوجی کمپنیوں اور سرمایہ کاروں نے مصنوعی ذہانت میں بھاری سرمایہ کاری کی۔ 2025 میں مصنوعی ذہانت سے متعلق خرچ تقریباً ڈیڑھ کھرب ڈالر تک پہنچ گیا۔اس سے مارکیٹ میں اس شعبے کو عروج ملا مگر افراط زر، افواہوں، اور بڑے پیمانے پر نوکریوں میں کمی کے خدشات بھی سامنے آئے۔
ترجمان کےپی حکومت شفیع جان نے بانی اور بشریٰ بی بی کو سزا افسوسناک قرار دیدیا۔
ترجمان خیبر پختونخوا شفیع جان نے عمران خان اور بشری بی کی سزا پر ردعمل میں کہا توشہ خانہ ٹوکیس میں سزا سنانا افسوسناک ہے،توشہ خانہ کا من گھڑت،جعلی اور بے بنیاد کیس بنایا گیا ۔۔
انہوں نےکہافیصلے کے خلاف پارٹی قانونی ماہرین سے مشاورت کر کے آئندہ کا لائحہ عمل طے کرے گی،آئین ۔ قانون اور انصاف کی بالادستی کےلیے جدوجہد جاری رکھی جائے گی۔
معاون خصوصی اطلاعات کے پی کے شفیع جان نے کہا ہے کہ پہلےدن ہمارا جو موقف تھا آج بھی اسی پر قائم ہیں، کےپی میں کسی بھی ملٹری آپریشن کوسپورٹ نہیں کریں گے، زبردستی کسی سے نہ ہو، افغان مہاجرین کو عزت سے واپس بھیجا جائے جو جانا چاہتے ہیں۔
معاون خصوصی اطلاعات خیبرپختونخوا شفیع جان نے سماء نیوز کے پروگرا م ’ ندیم ملک لائیو‘ میں گفتگو کرتے ہوئے کہا کہ ان کے اختیار میں نہیں ہے فیصلہ کہیں اور سے ہونا ہے، صوبائی حکومت کسی آپریشن کو سپورٹ نہیں کرتی، صوبائی حکومت بند کمروں کے فیصلوں کو تسلیم نہیں کرتی ۔
ان کا کہناتھا کہ پہلےدن ہمارا جو موقف تھا آج بھی اسی پر قائم ہیں، کےپی میں کسی بھی ملٹری آپریشن کوسپورٹ نہیں کریں گے، افغان مہاجرین کے حوالے سے وفاق کی پالیسی پر تحفظات ہیں، زبردستی کسی سے نہ ہو،عزت سے واپس بھیجا جائے جو جانا چاہتے ہیں، یہ لوگ ہی افغان مہاجر کو شہریت دیتے ہیں اور پارٹی ٹکٹ دیتے ہیں، ان کو حیات آباد سے جتوا دیتے ہیں،تیمور سلیم سے جتوا دیتے ہیں، افغان مہاجرین کے کوئی کیمپ ہم نے خالی نہیں کروائے، مہاجرین کو واپس بھیجنے کا کرایہ بھی ہم دے رہے ہیں۔
رانا ثناء اللہ
وزیراعظم کے مشیر رانا ثناء اللہ نے پروگرام میں گفتگو کرتے ہوئے کہا کہ بہتری کے راستے میں بانی کی ذات حائل ہے، پہلےسیاسی قوتوں میں اختلاف تھا،90کی دہائی میں شدیدتھا، انہوں نے میثاق جمہوریت کیا تو ان صاحب کو لایا گیا، 2011 سے 18 تک انہوں نے یہی سب کچھ کیا، ان کو برسر اقتدار لانے کے بعد شہباز شریف نے کہا تھا ہم سے زیادتی ہوئی ہے، انہوں نے کہاآرٹی ایس بٹھا کر ہماری 40 سیٹوں کو آپکو دے کر وزیراعظم بنایا گیا، شہباز شریف نے کہا تھا ہم ملک کے مفاد کے لیےآپ کے ساتھ بیٹھنے کو تیار ہیں، انہوں نے کہا تھا میثاق معیشت کریں،ملک کے حالات ٹھیک نہیں۔
اس کے بعد بلاول اٹھے انہوں نے شہباز شریف کی بات کو انڈورس کیا، بلاول کا ایک جملہ مشہور ہوا تھا وہ یہ تھا کہ "بانی قدم بڑھاو ہم تمہارے ساتھ ہیں"، اس کے بعد بانی نے جو تقریر کی وہ آج تک اسی پر قائم ہیں، انہوں نے کہا تھا میں آپ کو چھوڑوں گا نہیں جیلوں میں ڈالوں گا، اسی پرآج تک وہ قائم ہیں، وہ اسٹیبلشمنٹ سے بات کرنے کو تیار ہیں کہ دوبارہ وزیراعظم بناو، وہ چاہتے ہیں کہ اقتدار میں آکر سب کو ختم کرو۔
بانی سیاسی استحکام اور سیاسی مذاکرات کے لیے تیار نہیں، بانی پی ٹی آئی مفاہمت کرنے کو تیار نہیں ہے، ان کا مقصد ہی فتنہ فساد اور انارکی ہے، آرمی چیف کی تعیناتی کو روکنے کیلئے لانگ مارچ ہوا تھا، کہا جا رہا ہے فیض حمید 9 مئی اورلانگ مارچ ماسٹر مائنڈ تھے، دونوں واقعات میں فوج کے اندر بھی معاملات کو بگاڑنے کی سازش کی گئی، اگر ایسا ہوا ہے تو یہ تو بہت بڑا جرم ہے، 9مئی واقعات میں فوج میں بغاوت کی ناکام کوشش کی گئی، اس میں اگر مزید ثبوت سامنےآتےہیں تو پھر یہ بغاوت کا کیس ہے، اگراس میں فیض حمیدشامل ہیں تو پھر انہوں نے کسی کے ساتھ مل کر بھی کیا ہو گا، میرا خیال ہے بانی کے علاوہ پی ٹی آئی کے کچھ اور لوگ بھی شامل ہوں گے۔
کسی طور پر پاکستان فلسطین کے مفاد کے خلاف نہیں جا سکتا، فوج وہاں موجود ہونےکی صورت میں فلسطینیوں کے لیے سہارا ہو گی ، وزیراعظم نے غزہ امن منصوبے کو ویلکم کیا تھا، امن منصوبے پر ترکیہ ،انڈونیشیا کو بھی دعوت دی گئی ، غزہ امن معاہدے پر عمل درآمد ہونا ہے، معاہدے کے مطابق اسرائیلی فوج دستبردار ہو گی، معاہدے کے مطابق غزہ میں ری ہیب کا عمل ہونا ہے، یواین کے تحت پاکستانی فوج کو پہلے بھی ذمہ داری ادا کرنے کا تجربہ ہے، پاکستان کی فوج پروفیشنل ہے، جہاں بھی فوج کوذمہ داری ملی ہے بہتر انداز سے نبھایا ہے۔
ایک معاہدہ ہو چکا ہےاس میں ایس اوپیز کی کوئی بات نہیں، پاکستان کی فوج ہونے سے فلسطینی بھائیوں کو فائدہ ہو گا، ہمیں ان کی بہتری کے لیے جانا پڑے تو جانا چاہیے، 2سال وہاں ظلم ہوا ہے،ہمارے لوگوں نے ریلیاں نکالیں مگر ظلم نہ روک سکے، وہ ظلم اس معاہدےکی صورت میں کم ہوا ہے، یہ معاہدہ عرب ممالک نے مل کر کیا ہے، ہمیں ان کے ساتھ کھڑے ہونا چاہیے، وہ معاہدہ حماس نے خود کیاہے، ہم تو غیر مسلح تب کریں جب ہم انفورس کریں ، یہ ان کاآپس میں معاہدہ ہوا ہے،فلسطین اور اسرائیل کو اس پرقائم رہنا چاہیے۔
اسرائیل تھوڑی گڑبڑ کر رہا ہے، پاکستانی فوج جائے گی تویہ فلسطینیوں کی بہتری ہے، معاہدے پر عمل ہونا چاہیے، حماس نے خود تسلیم کیا ہے وہ غیرمسلح ہوں گے، اسرائیل نے خود حدود کا تعین کیا ہے تو پھر ان چیزوں پر عمل ہونا چاہیے، دونوں فریقین کو معاہدے پر عمل کرنا چاہیے، ہمیں خود سے بیانیہ نہیں بنانے چاہیے، معاہدے پر جو فریق عمل نہیں کرے گا وہ تناو کا ذمہ دار ہو گا، برادر ممالک نے اپنی خواہش سے معاہدہ کیا ہے ہمارے کہنے پر نہیں کیا۔
فوج کو بھیجنے سے پہلے وزیراعظم اس معاملے کو کابینہ کے لیول لائیں گے پارلیمنٹ میں بھی لا سکتےہیں، ہم تو معاہدے کرنے جا ہی نہیں رہے تھے، اس معاہدے کو طے ہم نے نہیں کیا تھا۔
خیبر پختونخوا کے وزیر اعلی سہیل خان آفریدی نے صوبے بھر کی جیلوں میں جرمانوں کی عدم ادائیگی کے باعث قید افراد کے جرمانے صوبائی حکومت ادا کرنے ، سنٹرل جیل پشاور میں قیدیوں کی سہولیات بہتر بنانے کے لیے دو کروڑ روپے دینے،صوبے کے تمام جیلوں کی سولرائزیشن سمیت صوبے کی جیلوں میں موجود قیدیوں کی سزا میں دو ماہ کی خصوصی معافی کا اعلان کردیاہے۔
وزیر اعلی سہیل خان نے یہ اعلانات پشاور سنٹرل جیل کے تفصیلی دورے کے موقع پر کئے ۔ وزیراعلیٰ نے جیل میں قائم میڈیکل وارڈ اور ای وزٹ سسٹم کا معائنہ کیا۔انہوں نے قیدیوں سے ملاقات کی ، ان کے مسائل سنے اور موقع پر فوری احکامات جاری۔سہیل خان نے سنٹرل جیل پشاور میں جدید سکیورٹی سسٹم کا افتتاح کیا ، منصوبہ چوالیس کروڑ روپے کی لاگت سے مکمل کیا گیا۔
وزیراعلیٰ نے منشیات کے عادی قیدیوں کی بحالی کے مرکز اور ماڈل انٹرویو روم کا افتتاح بھی کیا اور قیدیوں کی شکایات کے فوری ازالے کے لیے ڈیجیٹل کمپلینٹ سیل قائم کرنے کی ہدایت کی ۔انہوں نے کہا کہ جیل میں اسپتال، کم عمر لڑکوں اور خواتین کے لیے علیحدہ خصوصی سیلز قائم کیے جائیں گے۔جبکہ جیلوں میں قیدیوں کے لیے فیملی کوارٹرز میں مزید بہتری کی ہدایت بھی دی ۔
وزیر اعلی نے دیگر صوبوں میں قید خیبر پختونخوا کے قیدیوں کو اپنے صوبے منتقل کرنے کے لیے متعلقہ صوبوں کو خط ارسال کرنے اور قیدیوں کے مسائل سننے کے لیے آئندہ ہفتے دربار کھلی کچہری منعقد کرنے کی ہدایات بھی جاری کیں ۔انہوں نے کہا کہ پیرول اینڈ پروبیشن ایکٹ دو ہزار بائیس پر مؤثر اور سختی سے عملدرآمد کو یقینی بنایا جائے۔
وزیر اعلی نے کہا کہ جنوری میں سنٹرل جیل کا دوبارہ دورہ کروں گا، تمام جائز مطالبات حل ہونے چاہئیں۔وزیر اعلی نے کہا کہ جب بھی سولہ دسمبر آتا ہے، سانحہ اے پی ایس پوری قوم کے غم تازہ کر دیتا ہے ۔سانحہ اے پی ایس ملک و قوم کی تاریخ کا ایک دلخراش سانحہ ہے۔
ملک کے مختلف شہروں میں ٹریفک حادثات کے نتیجے میں چھ افراد جان کی بازی ہار گئے۔
لاہورمیں رائیونڈ مانگا روڈ پرتیزرفتار ٹرک کی موٹرسائیکل کوٹکر 2 موٹرسائیکل سوارجاں بحق،ایک زخمی ہوگیا،پولیس کا کہنا ہےکہ جاں بحق افرادمیں 21 سال کا سیف زاہد اور 18 سال کافیضان شامل ہیں،جاں بحق آپس میں کزن اورمانگا منڈی فیکٹری میں ملازمت کرتےتھے،ٹرک ڈرائیور موقع سے فرارہوگیا، دونوں کی لاشوں کو ہسپتال منتقل کردیا گیا۔
دوسری جانب پاکپتن میں ساہیوال روڈ پر دھند کے باعث تیز رفتار بس ٹریکٹر سے ٹکرا گئی،حادثے میں ایک شخص جاں بحق، متعدد معمولی زخمی ہوئے،لاش قانونی کارروائی کیلئے ہسپتال منتقل کردی گئی۔
اُدھر بلوچستان کےضلع قلعہ سیف اللہ میں شکور اڈہ کے قریب دوگاڑیوں میں تصادم کے نتیجےمیں تین افراد جان سےگئے،خواتین اوربچے زخمی،جاں بحق اور زخمیوں کا تعلق ہزارہ برادری سے ہے۔
راولپنڈی کی اڈیالہ جیل میں بانی پی ٹی آئی سے رفقاء کی ملاقات کے روز کسی کو بھی ملنے کی اجازت نہ ملی،وزیر اعلیٰ کے پی سہیل آفریدی سمیت آنے والے رہنما مقررہ وقت ختم ہونے پر واپس روانہ ہو گئے ۔
وزیر اعلی کے پی سہیل افریدی سیکورٹی پروٹوکول میں اڈیالہ روڈ کے راستے داہگل ناکہ تک پہنچے اور نجی دفتر میں بیٹھ کر بانی پی ٹی آئی سے ملاقات کی اجازت ملنے کا انتظار کرتے رہے، ایم این اے شاہد خان خٹک اور مشیر اطلاعات کے پی شفیع جان بھی ان کے ساتھ تھے ۔
ایم پی اے کے پی مینا خان افریدی،ریاض خان اور نعیم حیدر پنجھوتہ بھی داہگل ناکہ تک پہنچے،لیکن ملاقات کی اجازت نہ ملنے اور مقررہ وقت ختم ہونے پر تمام رہنما داہگل سے واپس روانہ ہو گئے ۔
بانی پی ٹی آئی سے ملاقات کے لئے پارٹی رہنماؤں اور کارکنوں کی آمد کے پیش نظر پولیس نے سیکیورٹی کے شدت ترین انتظامات کر رکھے تھے،داہگل ناکہ پر اینٹی رائٹ فورس کی خصوصی تیار کردہ رکاوٹیں بھی نصب کی گئی تھیں،اور پولیس اہلکاروں کہ اضافی نفری بھی تعینات کی گئی تھی۔
ملک میں آٹھ سال سے سیلاب سے بچاؤ کے پلان پر عملدرآمد نہ ہونے کا انکشاف ہوا ہے ، لاگت 500 سو ارب اضافے سے 824 ارب پر پہنچ گئیں، نظرثانی شدہ فلڈ پروٹیکشن پلان منظوری کیلئے مشترکہ مفادات کونسل کو ارسال کر دیا گیاہے ۔
نظرثانی شدہ چوتھے فلڈ پروٹیکشن پلان کی تفصیلات سما کو موصول ہو گئیں ہیں، دستاویز کے مطابق نظرثانی شدہ فلڈ پروٹیکشن پلان میں 132ارب روپے کے نئے منصوبے شامل ہیں، مجموعی طور پر پلان میں 746ارب سے زائد کے صوبائی منصوبے جبکہ وفاقی سطح کے 77ارب سے زائد کے منصوبے بھی شامل ہیں ۔
فلڈ پروٹیکشن پلان کا پہلا فیز جون 2023 کو ایکنک سے منظور ہوا تھا، پہلا فیز 194ارب کی لاگت سے 5 سال میں مکمل ہونا تھا ، فنڈز اور صوبوں کی عدم دلچسپی کے باعث پہلا فیز بھی مکمل نہ ہوسکا، مشترکہ مفادات کونسل نے مئی 2017 میں فلڈ پروٹیکشن پلان کی منظوری دی تھی ، منصوبے میں ڈیڑھ کروڑ لوگوں کو آئندہ سیلاب سے بچانے کے اقدامات شامل تھے، منصوبے کے تحت فلڈ فورکاسٹنگ اور ارلی وارننگ سسٹم نصب کئے جانے تھے ۔
نہروں اور پلوں پر ٹیلی میٹری سسٹم کی تنصیب کی جانی تھی، منصوبے میں واٹرشیڈ مینجمنٹ، سیلابی خطرات کی زوننگ بھی شامل تھی، 80 لاکھ ایکڑ زرعی زمین سیلاب سے بچانے کے اقدامات کئے جانے تھے، 22 لاکھ گھروں اور 76 اسکولوں کی سیلاب سے حفاظت یقینی بنانی تھی، 223 ٹیوب ویلز اور 64 دیہاتوں کو محفوظ بنانے کے اقدامات بھی پلان کا حصہ ہیں۔
331 کلومیٹر کی سڑکوں اور 3825 کسانوں کیلئے حفاظتی اقدمات بھی شامل تھے، چوتھا فلڈ پروٹیکشن پلان 332 ارب روپے کی لاگت سے مکمل کیا جاناتھا، منصوبہ 20 فیصد فنڈنگ مقامی اور80 فیصد فارن فنڈنگ سے مکمل ہونا تھا، 20 فیصد مقامی فنڈنگ میں 50 فیصد وفاق اور 50 فیصد صوبوں نے دینا تھی۔
وزیراعلیٰ خیبرپختونخوا سہیل آفریدی نے چیلنج کیا ہےکہ کسی میں ہمت ہے تو گورنرراج لگاکر دکھائے۔
حیات آباد میں میڈیا سےگفتگو میں وزیراعلیٰ خیبرپختونخوا سہیل آفریدی نےکہاصوبے میں پہلے ہی بانی پی ٹی آئی کا راج ہے،ہم کسی گورنر راج سے نہیں ڈرتے،کمزور اورخصوصی طبقات کے لیے عمران خان کا جو احساس اور وژن ہے، وہی ہمارا راستہ اور ترجیح ہے
مزیدکہاکپتان نے حکم دیا کہ زکوٰة فنڈ میں موجود رقوم فوری طور پر مستحقین میں تقسیم کی جائیں، جبکہ ضم اضلاع کےمعذورافرادکوبھی معاونتی آلات کی فراہمی یقینی بنائی جائے،وفاق کےذمےخیبرپختونخوا کے 3000 ارب روپے سے زائد واجب الادا ہیں، آپ سوچیں اگر وفاق ہمارے بقایاجات ادا کر دے تو ہم کیا کچھ کر سکتے ہیں۔
دوسری جانب وزیرقانون اعظم نذیرتارڑ نےواضح کردیا کہ گورنرراج آئین کا ہی حصہ ہےکوئی مارشل لاء نہیں،اگرحالات ایسے ہوئے تو یہ ایک آئینی عمل ہوگا،سرکاری کلاشنکوفیں لہراکر اسلام آباد پر حملہ کرنا غیرآئینی ہے،پاکستان چلےگا تو بانی پی ٹی آئی کو بھی آس رہےگی کہ شاید وہ دوبارہ اقتدار میں آجائیں۔
خیبرپختونخواحکومت نے این اے18ہری پورکےضمنی انتخابات کی انکوائری کرانے کا فیصلہ کرلیا۔
وزیراطلاعات خیبرپختونخواشفیع جان کاکہنا ہےکہ وزیراعلیٰ سہیل آفریدی نےضمنی انتخابات کی انکوائری کا حکم دیا،کلاس فور سے لے کرڈی سی تک انکوائری ہوگی، ہم سمجھتے ہیں ہمارے ماتحت افسران ملوث نہیں، پھر بھی انکوائری کر رہے ہیں، کوئی ملوث پایا گیا توسخت سزا دیں گے۔
وزیراطلاعات کا کہنا ہےکہ الیکشن کمیشن کو ہری پورانتخابات میں دھاندلی سےمتعلق ریفرنس بھی بھیج رہےہیں،ہم پریذائیڈنگ افسران کے بیانات قلم بند،بیان حلفی لے رہے ہیں۔
وزیراعلی خیبرپختونخوا سہیل آفریدی نے ہرہفتےصوبائی کابینہ کا اجلاس بلانے کا فیصلہ کرلیا۔
چیف سیکرٹری کوکابینہ اجلاس کےحوالے سےاقدامات کی ہدایات جاری کردی گئیں،وزیراعلی کےپرنسپل سیکرٹری عابدمجید نےچیف سیکرٹری شہاب علی شاہ کو مراسلہ جاری کردیا،مراسلےمیں کہاگیا ہےکہ وزیر اعلی سہیل خان نے کابینہ کا اجلاس ہر ہفتےکو جمعہ کے روز طلب کرنےکی ہدایت کی ہے۔
فیصلےکامقصدمحکموں کےامورکی نگرانی،کاموں میں بہتراورتیزی لانا ہے،جوامورفوری حل طلب ہو اس کا جائزہ لیاجائے اوراسی طرح مختلف ایشوز پربروقت پیشرفت ہوسکے،مراسلے میں چیف سیکرٹری کو تمام وزراء اور محکموں کو وزیراعلی کے فیصلے سے آگاہ کرنے کی ہدایت کی گئی ہے۔
سری لنکا کے سیلاب متاثرین کے لیے پاکستان کی جانب سےسو ٹن امدادی سامان آج بھیجا جائے گا،پاک فوج کی 45 رکنی اربن سرچ اینڈ ریسکیو ٹیم بھی آج روانہ کی جائے گی۔
پاکستان نےسری لنکا کے سیلاب متاثرین کیلئےریلیف آپریشن کا آغاز کردیا,وزیراعظم شہباز شریف کی ہدایت پر این ڈی ایم اے نے سری لنکا کے لیےپہلی امدادی کھیپ اور آرمی سرچ اینڈریسکیوٹیم بھیجنےکے انتظامات مکمل کر لیے۔۔ امدادی سامان پر مشتمل سو ٹن ٹن کی کھیپ اور پاک فوج کا 45 رکنی دستہ آج نور خان ائیربیس سے کولمبو روانہ کیا جائے گا۔
چئیرمین این ڈی ایم اےلیفٹیننٹ جنرل انعام حیدرملک تمام عمل کی نگرانی کریں گے،امدادی سامان میں کشتیاں، واٹرپمپس،لائف جیکٹس،ٹینٹ، کمبل،دودھ،خوراک اورادویات شامل ہیں،این ڈی ایم اے سری لنکا کےسیلاب متاثرین کیلئے فلیڈ اسپتال بھی بھجوائے گا،ترجمان کےمطابق پاکستان سری لنکا کے سیلاب متاثرین کی مدد کے لیے امدادی سامان کی ترسیل جاری رکھے گا۔
سری لنکا،انڈونیشیا اورتھائی لینڈ میں بارشوں اور سیلاب سے تباہی،اموات کی تعداد 533 ہوگئی۔
سری لنکا میں مسلسل ایک ہفتے کے ہونے والی بارشوں کے بعد سیلابی صورتحال کا سامنا ہے،سری لنکا میں بارشوں اور سیلاب نے تباہی مچادی، ہلاکتوں کی تعداد 123 ہوگئی۔،،سیلاب اور لینڈ سلائیڈنگ کے سبب ہلاکتوں کی تعداد 123 ہوگئی ہے، اب تک 130 افراد لاپتہ بھی ہیں،جن کی تلاش کے لیے سرچ آپریشن جاری ہے۔
حکام کےمطابق تقریباً 44 ہزار افراد اپنے گھروں سے محروم ہو چکے ہیں،جنھیں ریلیف کیمپس میں منتقل کردیا گیا ہے،سری لنکن حکومت نے عالمی برادری سے امداد کی اپیل کی ہے۔
دوسری جانب انڈونیشیا میں طوفان کے بعد بارشوں نے تباہی مچادی،اموات کی تعداد 248 ہوگئی،جبکہ 100 سے زائد افراد لاپتہ ہیں،مجموعی طور پر 75,219 افراد بے گھر ہوئےجبکہ مغربی سماٹرا میں کل 106,806 افراد متاثر ہوئے ہیں۔
اُدھر تھائی لینڈ میں بھی طوفانی بارشوں کے سیلاب کی تباہ کاریاں جاری ہیں،جہاں اموات کی مجموعی تعداد 162 ہوگئی۔۔
خیبرپختونخوا میں دھند کے باعث اسکولوں کا نیا ٹائم ٹیبل جاری کردیا گیا۔
اعلامیہ کےمطابق چاراضلاع میں اسکول اب صبح 9 بجےکھلیں گے،فیصلےکااطلاق مردان،چارسدہ،نوشہرہ اور صوابی کےاسکولوں پرہوگا،فیصلے کے تحت کلاسزکا دورانیہ 5 منٹ کم کیاجاسکےگا،دھند کےخاتمے تک نیا ٹائم ٹیبل نافذ رہے گا۔
اعلامیہ میں تمام اسکولوں کو نئی ہدایات پر سختی سے عمل کرنےکاحکم دیا گیا،طلبہ کے تحفظ کے پیشِ نظر فیصلہ جاری کیا گیا،ایجوکیشن ڈائریکٹوریٹ نے نوٹیفکیشن تمام اضلاع کو بھجوا دیا،اسکول سربراہان کو پابندی سے عمل درآمد یقینی بنانے کی ہدایت کی گئی ہے۔
سری لنکا میں طوفانی بارشوں اور سیلاب سے ہلاکتوں کی تعداد 56 ہوگئی۔
غیرملکی خبر رساں ایجنسی کےمطابق لینڈسلائیڈنگ سے 6سوسے زائد گھر تباہ ہوگئے،مختلف واقعات میں 21 افراد لاپتہ ہیں جبکہ 14 زخمی اسپتالوں میں زیر علاج ہیں۔
ریسکیو اہلکاروں نےمتاثرہ علاقوں میں پھنسے افراد کوہیلی کاپٹروں میں محفوظ مقام پرمنتقل کیا،سری لنکن حکومت نےمتاثرہ علاقوں میں ایمرجنسی نافذکردی،خراب موسمی صورتحال کے پیش نظر سرکاری دفاتر اور تعلیمی ادارے آج بند رہیں گے۔
صدرمملکت آصف علی زرداری نے سری لنکا میں شدید بارشوں سےجانی ومالی نقصان پر دکھ اورافسوس کا اظہار کیا ہے،کہا پاکستان اس مشکل گھڑی میں سری لنکا کے عوام کے ساتھ کھڑا ہے،موسمیاتی تبدیلی ناقابل تردیدحقیقت ہےجوگلوبل ساؤتھ کےممالک کو زیادہ متاثرکررہی ہے،پاکستان خود موسمیاتی تبدیلی کےسنگین اثرات سے متاثر رہا ہے،متاثرہ ممالک کےدرمیان باہمی تعاون اورمشترکہ حکمت عملی کی ضرورت ہے۔
وفاقی وزارت موسمیاتی تبدیلی نے آئندہ سال مون سون میں سیلاب کے نقصانات سے بچاؤ کا مشن کے تحت مون سون 2026 اسٹریٹجک پلان میں خطرات اور بچاؤ کے اقدامات کی نشاندہی کر دی۔
وزارت موسمیاتی تبدیلی کے مطابق پاکستان کو پانچ اقسام کے سیلابوں کا سامنا ہو سکتا ہے، دریائی سیلاب، پہاڑی ریلے اور اربن فلڈنگ شامل ہیں۔گلاف پھٹنے اور سمندری طوفانوں کے بھی خطرات ہو سکتے ہیں۔ ملک کے پچپن علاقے سیلاب سے زیادہ متاثر ہونے کے خدشات ہیں۔ آزاد کشمیر اور گلگت بلتستان کے پندرہ اضلاع سیلابی خطرات کی زد میں ہیں۔
مون سون 2026 اسٹریٹجک پلان سیلابوں سے بچاؤ کیلئے اقدامات بھی تجویز کر دیئے گئے، پانی کی رئیل ٹائم مانیٹرنگ ، چھوٹے ڈیم اور چیک ڈیمزتعمیر کرنے کی سفارش کے ساتھ شہری علاقوں کے نکاسی آب اورسالڈ ویسٹ منیجمنٹ سسٹم بہتر بنایا جائے گا، شہری علاقوں میں تجاوزات کے خلاف کریک ڈاؤن کی سفارش کی گئی ہے۔ گلاف سے بچاؤ کیلئے ارلی وارننگ سسٹم،ہیزرڈ میپس لگانے ہونگے۔ ساحلی علاقوں میں مینگروز کے جنگلات بڑھانے کی بھی سفارش کی گئی ہے۔سیلابوں سے بچاؤ کیلئے این ڈی ایم اے کے ساتھ مل کر ضروری پیشگی اقدامات تجویز کیے گئے ہیں۔
انڈونیشیا میں شدید بارشیں بارشوں نے تباہی مچادی،لینڈسلائیڈنگ اور سیلاب سے آٹھ افراد ہلاک اور کئی لاپتہ ہوگئے۔
انڈونیشیا میں شدید طوفانی بارشوں کے بعد سیلاب کی تباہ کاریاں جاری ہیں،مٹی کا تودہ گرنے سےکئی گھرتباہ ہوگئے،نشیبی علاقوں میں پانی جمع ہونے سےسڑکیں تالاب کا منظر پیش کرنے لگیں، متاثرہ علاقوں میں ریسکیو آپریشن جاری ہے۔
دوسری جانب تھائی لینڈ میں بھی بارشوں سیلاب کی تباہ کاریاں جاری ہیں،ہلاک افراد کی تعداد 33 ہوگئی۔
وزیراعلیٰ خیبرپختونخوا سہیل آفریدی نے چشمہ رائٹ بینک کینال منصوبے پر وزیراعظم شہباز شریف کو خط لکھ کر منصوبے میں مسلسل تاخیر پر شدید تحفظات کا اظہار کیا ہے۔
وزیراعلیٰ سہیل آفریدی کے مطابق چشمہ رائٹ بینک کینال منصوبہ پینتیس سال بعد بھی شروع نہیں ہوسکا۔
خط میں کہا گیا کہ 2016 میں سی سی آئی نے منصوبے کی فنانسنگ کا فارمولہ طے کرتے ہوئے 65 فیصد اخراجات وفاق اور 35 فیصد خیبرپختونخوا کے ذمے مقرر کیے تھے۔
اکتوبر 2022 میں ایکنک نے 189 ارب روپے مالیت کے اس منصوبے کی باقاعدہ منظوری بھی دے دی، تاہم اس کے باوجود عملدرآمد شروع نہ ہوسکا۔
سہیل آفریدی کے مطابق چاروں صوبوں کے میگا آبپاشی منصوبوں میں صرف لفٹ کنال منصوبے پر پیش رفت نہیں ہوئی۔
انہوں نے بتایا کہ صوبائی حکومت نے زمین کے حصول کے لیے مالی سال 2024-25 میں 2 ارب جبکہ 2025-26 میں 5 ارب روپے مختص کیے ہیں، اس سے قبل بھی زمین کی خریداری کے لیے مجموعی طور پر 7 ارب روپے رکھے گئے تھے۔
وزیراعلیٰ نے نشاندہی کی کہ واپڈا کی جانب سے لینڈ ایکوزیشن، پروکیورمنٹ اور پری کوالیفکیشن پراسس میں مسلسل تاخیر ہو رہی ہے، جبکہ لینڈ ایکوزیشن بھی سست روی کا شکار ہے۔
انہوں نے درخواست کی کہ منصوبے کی بروقت تکمیل کے لیے فوری اقدامات کیے جائیں تاکہ صوبے کی زرعی ضروریات پوری ہوسکیں۔
صادق آباد کے قصبے کوٹ سبزل میں صحرائی جہاز اونٹ خطرناک وائرس کا شکارہوگئے، جس کے باعث دس اونٹ ہلاک جبکہ درجنوں بیمار پڑ گئے۔
مالکان کےمطابق وبا دن بہ دن پھیل رہی ہے،اونٹ کو زکام ہوتاہےپھرشدید بخارکی وجہ سےبےہوش ہوتا ہے پھرہلاک ہوجاتا ہے،لاکھوں مالیت کےاونٹ آنکھوں کےسامنے مررہےہیں۔
دوسری جانب محکمہ لائیو اسٹاک کاکہنا ہےکہ ہماری ٹیمیں متاثرہ علاقوں میں پہنچ کرٹریٹمنٹ کرہی ہیں،یہ زکام کی طرح کی بیماری ہے جس سےاونٹ کا ناک بندہوناشروع ہوجاتاہے،یہ بیماری 2010 میں بھی چولستان میں آئی تھی،کوٹ سبزل اورڈھنڈی کے علاقوں میں محکمہ لائیو اسٹاک ٹیمیں ٹریٹمنٹ کر رہی ہیں۔
وزیراعلٰی خیبر پختونخوا سہیل آفریدی نے صحافیوں سے غیر رسمی گفتگو کرتے ہوئے کہا کہ دہشت گردی کے خاتمے سوا کوئی آپشن نہیں، دہشت گردی کا ہر حال میں خاتمہ کرنا ہو گا، کچھ جگہوں پر کوتاہیاں ہیں جنہیں دور ہونا چاہیے، افغانستان جانے کی بات جس نے بھی غلط کی، ایم پی اے محمد جلال کے بیان کی تحقیق ہونی چاہیے۔
تفصیلات کے مطابق سہیل آفریدی کا کہناتھا کہ پانی بند کرنے سے متعلق جنید اکبر کا بیان غلط تھا، سیاسی اختلافات اپنی جگہ، کسی بھی اقدام سےعوام کو تکلیف نہیں ہونی چاہیے، ہم دہشت گردی کے خاتمے کیلئے آؤٹ آف باکس سالوشن کی بات کرتے ہیں، آپریشن بنیان مرصوص کے 2 شہدا کو صوبائی حکومت نے پیکج دیا، سی ٹی ڈی اور اسپیشل برانچ کے شہدا کے خاندانوں کیلئے پنجاب کے برابر معاوضہ منظور کیا ہے۔
وزیراعلی کے پی نے کہا کہ خیبرپختونخوا پولیس کے شہدا کے اہلخانہ کو بھی پنجاب کے برابر معاوضہ ملے گا، نیشنل فنانس کمیٹی کے اجلاس میں جاؤں گا، نیشنل سیکیورٹی کے کسی اجلاس میں جانے سے انکار نہیں کیا، کور کمانڈر پشاورآئے تو یہی کہا تھا کہ ہمارا تعلق ہونا چاہیے، نیٹ پائیڈل پرافٹ کی مد میں وفاق نے ہمیں 2200 ارب روپے دینے ہیں، بانی پی ٹی آئی کی رہائی کے لئے کسی سے رابطہ نہیں۔
سیکیورٹی فورسز نے خیبرپختونخوا میں دو مختلف کارروائیوں کے دوران 13 خوارج ہلاک کر دیئے ۔
آئی ایس پی آر کے مطابق لکی مروت میں خفیہ اطلاعات پر آپریشن کیا گیا جس دوران شدید فائرنگ کے تبادلے میں بھارتی حمایت یافتہ 10 خوارج مارے گئے ۔دوسری کارروائی ڈیرہ اسماعیل میں خفیہ اطلاعات پر کی گئی جس میں 3 خوارج ہلاک ہوئے ۔
وزیراعظم شہباز شریف نے کامیاب کارروائیوں پر سیکیورٹی فورسز کو خراج تحسین پیش کیا اور کہا کہ عزم استحکام کے وژن کے تحت سیکیورٹی فورسز بڑی کامیابیاں حاصل کررہی ہیں، پوری قوم دہشت گردی کے خلاف جنگ میں افواج پاکستان کے ساتھ کھڑی ہے، ملک سے ہر قسم کی دہشت گردی کے مکمل خاتمے کے لئے پرعزم ہیں۔
وفاقی وزیرداخلہ نے بھی کامیاب آپریشنز پر سکیورٹی فورسز،پولیس اورسی ٹی ڈی کی ستائش کی ، انہوں نے کہا کہ بہادر سپوتوں نے ایک بار پھر فتنہ الخوارج کے ناپاک عزائم کو خاک میں ملایا، امن دشمنوں کے مکمل خاتمے تک یہ آپریشنز جاری رہیں گے ، قوم کی حمایت سے دہشت گردی کے ناسور کا خاتمہ کریں گے۔
خیبر پختونخوا پبلک سروس کمیشن کے امتحانات کے دوران دفعہ ایک سو چوالیس نافذ کردی گئی۔
پشاور ضلعی انتظامیہ نے پابندی کا اعلامیہ جاری کردیا۔اعلامیہ کے مطابق خیبر پختونخوا پبلک سروس کمشن کے پروانشل منیجمنٹ سروسز اورمحکمہ ایکسائزکے امتحانات کے دوران دفعہ ایک سو چوالیس نافذ کی گئی ہے۔جس کے تحت امتحانی مراکز کے اردگرد غیر متعلقہ افراد کا داخلہ مکمل طور پر ممنوع ہوگا۔
امیدواروں اور متعلقہ افراد کا اسلحہ اور ممنوعہ اشیاء ساتھ لانے پرسختی سے ممانعت ہوگی۔ڈپٹی کمشنر پشاور کے مطابق پابندی کا مقصد تحریری امتحانات کے سلسلے میں امن و امان برقرار رکھنا اور نقل کی حوصلہ شکنی اور امتحانی ماحول کو شفاف بنانے ہے۔
یہ پابندیاں آج سے 4 دسمبر 2025 تک موثر رہیں گی ۔خلاف ورزی کرنے والوں کئے خلاف پی پی سی کے سیکشن 128 کے تحت کارروائی ہوگی۔
آئی ایس پی آر کے مطابق سیکیورٹی فورسز نے خیبرپختونخوا میں دو الگ آپریشنز میں بھارتی سپانسرڈ فتنہ الخوارج کے 23 دہشتگردوں کو ہلاک کر دیا ۔
آئی ایس پی آر کے مطابق بھارتی اسپانسرڈ فتنہ الخوارج کے خلاف سیکیورٹی فورسز کی تابڑتوڑ کارروائیاں جاری ہیں، ضلع باجوڑ میں خفیہ اطلاع پر کارروائی میں 11 خوارج جہنم واصل کر دیئے گئے ،ہلاک ہونے والوں میں خوارج کا سرغنہ سجاد عرف ابوزر بھی شامل ہے۔
ضلع بنوں میں انٹیلی جنس بیسڈ آپریشن میں 12 خوارج مارے گئے۔
وزیراعظم شہبازشریف نے 2 مختلف کامیاب کاروائیوں پر سیکیورٹی فورسز کو خراج تحسین پیش کیا ہے اور 23 دہشتگردوں کو ہلاک کرنے پر فورسز کی پذیرائی کی ۔ انہوں نے کہا کہ عزم استحکام کے ویژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں، پوری قوم دہشت گردی کے خلاف اس جنگ میں پاکستان کی افواج کے ساتھ کھڑی ہے، ملک سے ہر قسم کی دہشت گردی کے مکمل خاتمے کے لئے پر عزم ہیں۔
وفاقی حکومت نے تباہ کن سیلاب سے مالی نقصانات کی تفصیلات جاری کردیں، جون تا ستمبر دوہزارپچیس کے سیلاب سے معیشت کو آٹھ سو بائیس ارب روپے سے زائد نقصان ہوا، جی ڈی پی اور زرعی شرح نمو میں نمایاں کمی کا خدشہ ظاہر کیا گیا۔
سرکاری دستاویز کے مطابق جون تا ستمبر دوہزارپچیس سیلاب کے باعث ملکی معیشت کو آٹھ سو بائیس ارب روپے سے زائد نقصان پہنچا۔ رواں مالی سال کے دوران جی ڈی پی شرح نمو میں اعشاریہ تین سے اعشاریہ سات فیصد تک کمی کا امکان ظاہر کیا گیا ہے۔ دستاویز میں بتایا گیا ہے کہ ترقی کی مجموعی شرح چار اعشاریہ دو فیصد سے کم ہو کر تین اعشاریہ پانچ فیصد تک آ سکتی ہے۔اسلام آباد میں جاری تفصیلات کے مطابق رواں سال آنے والا تباہ کن سیلاب مہنگائی میں اضافے کا باعث بنا، اگست سے اکتوبر تک مہنگائی کی شرح میں دواعشاریہ چھ فیصد اضافہ ریکارڈ کیا گیا۔
زراعت کے شعبے میں چارسو تیس ارب روپے کے نقصانات کا تخمینہ لگایا گیا ہے۔
زرعی شعبے کی شرح نمو ساڑھے چار فیصد سے کم ہو کر تین فیصد رہ جانے کا امکان ہے۔ فصلوں کی پیداوار میں کمی سے درآمدی اخراجات بڑھیں گے اور تجارتی خسارہ وسیع ہو سکتا ہے۔بارشوں اور سیلاب نے انفراسٹرکچر کو تین سو سات ارب روپے کا نقصان پہنچایا۔ مواصلاتی نظام کی تباہی کے باعث ایک سو ستاسی ارب اسی کروڑ روپے کے اضافی نقصان کا سامنا کرنا پڑا۔رپورٹ کے مطابق مجموعی قومی پیداوار میں کمی اور سپلائی چین متاثر ہونے سے مہنگائی مزید بڑھنے کا خدشہ ہے۔
خیبرپختونخواحکومت نےسرکاری محکموں میں بدعنوانی،غیرقانونی ادائیگیوں کی جانچ پڑتال کا فیصلہ کیا ہے۔
دستاویز کےمطابق صوبہ بھرمیں کتنی جعلی اورغیر قانونی ادائیگی ہوئی؟فرانرک آڈٹ کیا جائے گا،فرانزک آڈٹ گزشتہ 12سالوں کا کیا جائے گا،فرانرک آڈٹ کیلئے نجی فرم کی خدمات حاصل کی جائے گی،نجی فرم کو 4 کروڑ 85 لاکھ روپے ادا کیے جائیں گے۔
تھرڈ پارٹی فرانرک آڈٹ کے لیےمحکمہ خزانہ نے تمام محکموں سے رابطہ کیا ہے،محکمہ خزانہ کا کہنا ہے کہ کنسلٹنٹ کا انتخاب قانون کے مطابق کیا گیا ہے،کنسلٹنٹ فرم نے محکمہ خزانہ کو بروقت رپورٹ نہ جمع کروائیں تو فرم کو جرمانہ ہوگا،دوران آڈٹ غفلت برتنے پر فرم پرپابندی عائد ہوگی۔
خیبر پختونخوا محکمہ محنت میں تمام تبادلوں اورتعیناتیوں پرمکمل پابندی عائد کردی گئی ہے۔
محکمہ محنت خیبرپختونخوا نےپابندی کا اعلامیہ جاری کردیا،اعلامیے کےمطابق محکمےمیں تقرری وتبادلے تا حکم ثانی تک نہیں ہوں گے،وزیرمحنت خیبر پختونخوا کی ہدایت پر پابندی کا نفاذ فوری طور پر ہوگا۔
محکمہ محنت و متعلقہ ذیلی اداروں میں بغیر منظوری کوئی افسر یا اسٹاف تبدیل نہیں ہوگا،ہر قسم کے تبادلوں اور تعیناتیوں کے لیے وزیرمحنت کی پیشگی منظوری لازمی قراردی گئی،پابندی یقینی بنائے جائے خلاف ورزی پرکارروائی ہو گی۔
خیبر پختونخوا کے محکمہ زکوۃ وعشر اور سماجی بہبود میں ایک ارب 81 کروڑ روپے کی بے قاعدگیوں کا انکشاف ہوا ہے۔
آڈیٹرجنرل کی رپورٹ برائےسال 2 ہزار 22-23 میں محکمہ زکوۃ وعشر اورسماجی بہبودمیں مالی بےقاعدگیاں سامنےلائی گئی ہیں،سب سےزیادہ ضابطگیاں بیالیس ترقیاتی اسکیموں میں جن میں 23 جاری اور 19 نئی اسکیمیوں شامل ہیں،میں سامنے لائی گئی ہیں۔
آڈٹ رپورٹ کےمطابق ایک ارب 41 کروڑ روپےکی ان اسکیمیوں کی سہ ماہی مانیٹرنگ کی رپورٹیں برقرار نہیں رکھی گئیں جس کی وجہ سے ترقیاتی منصوبےبروقت مکمل نہیں ہوئے اور اس کی لاگت میں اضافہ ہوا۔
آڈٹ پیرازمیں غیرسرکاری تنظٰیموں کوگرانٹ ان ایڈ کی مد میں 17 کروڑ روپےکی ادائیگی پر بھی اعتراضات کئے گئے ہیں جن میں غیرسرکاری تنظیموں کو نشئی افراد کی بحالی کے پراجیکٹس بغیر ایم او یو کے جاری ہوئے۔
محکمے نے ایک ارب 30کروڑ روپے فنڈز کی ناقص منصوبہ بندی سے سرمایہ کاری کی جس سے چوبیس کروڑ ستر لاکھ روپے کا نقصان ہوا،بےسہارا بچوں کے ادارے زمونگ کور میں تزئین وآرائش کے دو ٹھیکوں میں بھی خردبرد کی نشاندہی ہوئی۔
آڈٹ میں 32 لاکھ اور 80 لاکھ کےدو ٹھیکےدینےاس کے کام کے معیار اورکوالٹی پر تحفظات کا اظہارکیا گیا،رپورٹ میں کہا گیا کہ ان تمام بے قاعدگیوں کےحوالے سے کوئی محکانہ کارروائی ہوئی نہ اس کا ریکارڈ پیش کیا جاسکا۔
مینگورہ شہرسمیت مختلف علاقوں میں بارش اور ژالہ باری سے ہر سو سفیدی چھا گئی۔
بالائی علاقوں میں بارش سےسردی کی شدت میں اضافہ ہوگیا،ژالہ باری سےکھڑی فصلوں کو شدیدنقصان پہنچا ہے،خیبرپختونخوا کےمختلف علاقوں میں آج سے بارشوں کا الرٹ جاری کردیا،صوبے کے مختلف علاقوں میں 5 نومبر تک وقفےوقفے سے بارشوں وبرفباری کی پیشگوئی کی گئی ہے۔
تمام اضلاع کی انتظامیہ کو پیشگی اقدامات سے متعلق الرٹ رہنے کی ہدایت بھی کی گئی ہے،پہاڑی علاقوں میں لینڈ سلائیڈنگ کے باعث سڑکوں کی بندش کا خدشہ بھی ظاہر کیا گیا ہے۔
کراچی میں ہیوی ٹریفک بے قابو ،24 گھنٹوں کے دوران تین افرادکی جان لےلی ۔
کراچی میں24گھنٹےمیں ہیوی ٹریفک نےتین افرادجان لےلی تین ہٹی مزارکےقریب ٹرک کی موٹرسائیکل کوٹکر واقعےمیں 35 برس کاحمادجاں بحق،40 برس کا امین شدیدزخمی ہوگیا،ڈرائیورموقع سےفرار ہوگیا،پولیس نے ٹرک تحویل میں لےلیا۔
ادھرماڑی پورٹرک اڈاکےقریب تیزرفتارٹرک کی ٹکرسےموٹرسائیکل سوارجاں بحق ہوگیادوسری جانب قائد آباد پرآئل ٹینکرکی ٹکر سے موٹر سائیکل سوار عمران جاں بحق ہوا،جاں بحق افراد کی لاشوں اور زخمی افراد کو سول اور جناح اسپتال منتقل کیا گیا۔
پی ڈی ایم اے پنجاب نےسیلاب سے متاثرہ اضلاع کو آفت زدہ قرار دینے کے نوٹیفکیشن جاری کردیے۔
نوٹیفیکیشن کےمطابق 27 اضلاع کی 72 تحصیلوں کو موضع جات کے لحاظ سے آفت زدہ قرار دیا گیا ہے۔50 فیصد سےزیادہ متاثر ہونے والےموضع جات کو آفت زدہ قرار دیا گیا۔
نوٹیفکیشن بورڈ آف ریونیو پنجاب اورپی ڈی ایم اے کے اشتراک سے جاری کیاگیا،فیصلہ پنجاب نیشنل کلیمیٹیز پری وینشن اینڈ ریلیف ایکٹ 1958 کے تحت کیا گیا۔
ضلعی انتظامیہ کومتاثرہ علاقوں میں فوری بحالی اورامدادی سرگرمیاں تیز کرنے اور متاثرہ خاندانوں کے نقصانات کا تخمینہ لگانے اورمالی امداد کے عمل کو جلد مکمل کرنے کی ہدایت کردی گئی۔
ڈی جی پی ڈی ایم اےکاکہنا ہےکہ ریلیف کمشنرپنجاب کی جانب سےنگرانی کے لیےٹیمیں تشکیل دی گئی ہیں،رواں سال خریف سیزن کے دوران لینڈ ریونیو اور آبیانہ کی وصولی نہیں کی جائےگی،جن کسانوں کا نقصان ہوا ہےانہیں زرعی قرضوں میں نرمی،معافی یا تاخیرکی سہولت مل سکتی ہےمتاثرہ خاندانوں کے لیےریلیف کیمپس کویقینی بنایا جائے گا۔
پی ڈی ایم اےاورضلعی حکومت ان علاقوں میں سڑکوں،نکاسی آب، اسکولوں، مراکزصحت اورگھروں کی بحالی کے لیے منصوبے شروع کرے گی۔
خیبرپختونخوا نے اپنے وسائل سے 112 مہنگی گاڑیوں کی بلٹ پروفنگ کا عمل پورا کرلیا، گاڑیوں کی تیاری پر ایک ارب 80 کروڑ روپے کے اخراجات آئے۔
ذرائع کے مطابق خیبرپختونخوا حکومت کا ایک سو 12 بلٹ پروف گاڑیوں کی تیاری پر ایک ارب 80 کروڑ کے اخراجات آئے ہیں جبکہ صوبے کے لئے نئی بلٹ پروف گاڑیوں کی خریداری بھی رواں سال کے بجٹ میں شامل ہے۔نئے وزیراعلی چاہیں تو مزید بلٹ پروف گاڑیاں بھی خریدی جاسکتی ہیں۔صوبے نے 2 کروڑ 80 لاکھ فی گاڑی کے حساب سے 15 ھیول گاڑیاں تیارکی ہیں۔ گیارہ کروڑ 90 لاکھ کی لاگت سے فی بکتر بند 11 گاڑیاں تیار کی گئی ہیں۔48 سنگل کیبن گاڑیوں پر فی گاڑی ساڑھے سولہ لاکھ خرچہ آیا ہے۔زیادہ تر گاڑیاں تیار ہوچکی ہیں جو بقایا ہیں ان پر کام جاری ہے۔یہ گاڑیاں ضلع کرم، لکی مروت اور بالائی جنوبی وزیرستان ،باجوڑ اور اورکزئی کو بھی ان ایک سو 12 گاڑیوں میں سے حصہ دیا جائے گا۔۔۔ان گاڑیوں کے بعد بھی پولیس کی دیگر ضروریات کو اپنے وسائل سے پورا کیا جارہا ہے۔
پنجاب اور خیبرپختونخوا کے متعدد شہروں میں زلزلے کے جھٹکے محسوس کیے گئے ہیں جس کی شدت 5.3 ریکارڈ کی گئی ہے، زلزلے کا مرکز ریجن ہندوکش افغانستان تھا،گہرائی 234 کلو میٹر تھی۔
تفصیلات کے مطابق راولپنڈی، منڈی بہاءالدین، گجرات، پشاور، سوات، دیر، مالاکنڈ، چترال، لنڈی کوتل، شانگلہ، غذر، چارسدہ، بٹگرام اور ہری پور سمیت گردونواح کے علاقوں میں زلزلے کے جھٹکے محسوس کیے گئے۔
ابتدائی اطلاعات کے مطابق زلزلے کی شدت اور مرکز کا تعین زلزلہ پیما مرکز کر رہا ہے۔ اب تک کسی جانی یا مالی نقصان کی اطلاع نہیں ملی۔
ریسکیو ذرائع کے مطابق شہریوں کو احتیاطی تدابیر اختیار کرنے اور آفٹر شاکس کے خدشے کے پیش نظر محفوظ مقامات پر رہنے کی ہدایت کی گئی ہے۔
وزیراعلیٰ پنجاب مریم نواز نے صرف 26 دن میں سیلاب متاثرین کو امدادی کارڈز فراہم کر کے اپنا وعدہ پورا کردیا۔
اوکاڑہ میں 1265 متاثرین کو سیلاب کارڈز دے دیے گئے، جب کہ پنجاب کے 27 اضلاع اور 72 تحصیلوں میں بھی متاثرین کو اے ٹی ایم کارڈز کی فراہمی کا آغاز ہوگیا ہے۔
ترجمان پنجاب حکومت کے مطابق چار کروڑ 51 لاکھ شہریوں کا ڈیٹا اس سروے کے تحت جمع کیا جائے گا۔ 26 ستمبر کو شروع ہونے والا سروے 75 فیصد مکمل ہوچکا ہے اور 27 اکتوبر تک مکمل کر لیا جائے گا۔
وزیراعلیٰ مریم نواز نے کہا کہ گھروں، مویشیوں اور دکانوں سمیت تمام نقصانات کا پورا معاوضہ متاثرین کو دیا جائے گا۔
انہوں نے مزید کہا کہ پنجاب حکومت نے تاریخ کے تیز ترین ریسکیو اور ریلیف آپریشن کے بعد امداد اور بحالی کا عمل بھی ریکارڈ وقت میں مکمل کیا ہے۔
وزیراعلیٰ خیبرپختونخوا سہیل آفریدی نے صحافیوں سے گفتگو کرتے ہوئے کہا کہ مجھے کسی کے خلاف میدان میں نہیں اتارا گیا، حق نہ ملے تو پرامن احتجاج ہمارا حق ہے، اس کا استعمال کرینگے، دہشت گرد ایک بار چلے گئے توانہیں پھر واپس لاکر بسایا گیا، ہم اس پالیسی کے خلاف تھے اور ہیں، مقامی عمائدین کو طالبان کے پاس بھیجیں کہ وہ بات کریں۔
انہوں نے کہا کہ صنم جاوید کی رپورٹ آئی ہےلیکن میں مطمئن نہیں، آئی جی کو کہا مہمانوں کےخلاف غلط ایف آئی آر ہوئی ہیں،انہیں گرفتار نہ کیاجائے، خیبرپختونخوا میں انتقامی سیاست نہیں ہوگی، سات لاکھ افغان مہاجرین واپس بھیجے،12لاکھ اب بھی یہاں ہیں، افغان مہاجرین کو عزت کےساتھ واپس بھیجیں گے، بارڈر بندش سے جانے والوں کو بہت سے مسائل ہیں۔
ان کا کہناتھا کہ کابینہ بنانے کےلیے بانی پی ٹی آئی کی منظوری چاہیے، مجھے بحیثیت قبائلی اور پختون ٹارگٹ کیا گیا، حکومت چلانے نہیں نظام بدلنےآیا ہوں، ایک ہفتےمیں اپنے لوگوں کے پاس جاؤں گا، علی امین گنڈاپور کے تعاون کے باوجود کچھ نہیں ملا، این ایف سی پورا نہیں دیتے،ضم اضلاع کو حصہ نہیں ملا، ووٹ بانی کوملا ہے تو پالیسی بھی انہی کی چلے گی، یہاں سے لوگ مشورہ کرنےنوازشریف کے پاس لندن جاتے تھے۔
وزیراعلیٰ سہیل آفریدی نے کہا کہ افغانستان جارحیت کرتا ہےتوہم اپنے لوگوں کےساتھ کھڑے ہیں، ترقیاتی کام ہمارا ہےکسی اور کا کیا کام؟ مزمل اسلم رہیں گے باقی کسی کا نہیں کہا گیا، بانی کی رہائی کیلیے جو راستہ بہتر لگےگا وہ اختیار کریں گے۔
ملک میں حالیہ سیلاب سے سب سے زیادہ نقصان پنجاب کو پہنچا، سرکاری دستاویزات کے مطابق مجموعی طور پر 822 ارب روپے کے نقصانات میں سے 631 ارب روپے کے نقصانات پنجاب میں ریکارڈ کیے گئے، جو کل نقصانات کا 76.8 فیصد بنتے ہیں۔
دستاویز کے مطابق خیبرپختونخوا میں 6.2 فیصد یعنی 51.3 ارب روپے، سندھ میں 3.9 فیصد یعنی 32.2 ارب روپے، جبکہ گلگت بلتستان میں 1.6 فیصد یا 13 ارب روپے کے نقصانات ہوئے۔
آزاد کشمیر میں 1.1 فیصد یعنی 9.3 ارب روپے اور بلوچستان میں 0.9 فیصد یعنی 7 ارب روپے کے نقصانات ریکارڈ کیے گئے۔
دستاویز میں مزید بتایا گیا ہے کہ حالیہ سیلاب سے دیگر نقصانات کا تخمینہ 78 ارب روپے ہے، پاکستان میں مجموعی طور پر 2.9 ارب ڈالر کا ابتدائی نقصان ہوا۔
خیبرپختونخوامیں صوبائی کابینہ کی تشکیل کامعاملے میں اہم پیشرفت ہوئی ہے ، بانی پی ٹی آئی نےسہیل آفریدی کو کابینہ کی تشکیل کا اختیار دیدیا جبکہ عمران خان نے خیبرپختونخوا اور پنجاب میں ایڈوائزری کونسل کے قیام کی تجویز مسترد کردی، صرف سہیل آفریدی صوبے میں حکومت چلائیں،بانی پی ٹی آئی کا پیغام وزیراعلیٰ کوپہنچا دیا گیا
ذرائع کے مطابق تاحال کسی وزیر کی خیبرپختونخوا کابینہ میں شمولیت کا فیصلہ نہیں ہوا، بانی پی ٹی آئی نے خیبرپختونخوا اور پنجاب میں ایڈوائزری کونسل کے قیام کی تجویز مسترد کر دی، ایڈوائدری کونسل مسترد کرنے کا مقصد سہیل آفریدی اور عالیہ حمزہ کو مکمل بااختیار بنانا ہے۔
عمران خان کا وزیراعلیٰ کا پیغام پہنچایا گیا کہ صرف سہیل آفریدی صوبےمیں حکومت چلائیں گے، خیبر پختونخوا کے آئی جی پولیس اور چیف سیکرٹری کو بھی تبدیل کئے جانے پرغور کیا جا رہاہے ، نیا آئی جی پولیس خیبرپختونخواقبائلی اضلاع سے تعینات کئے جانے کا امکان ہے ۔
بھارتی پراکسیز فتنہ الخوارج کیخلاف خیبرپختونخوا کےمختلف علاقوں میں سیکیورٹی فورسز کے کامیاب آپریشنز،بھارتی اسپانسرڈ 34 خوارج ہلاک،شمالی وزیرستان میں 18جنوبی وزیرستان اور بنوں میں آٹھ آٹھ ملک دشمن انجام کو پہنچ گئے۔
پاک فوج کےشعبہ تعلقات عامہ آئی ایس پی آر کےمطابق پاک فوج افغان سرحدکے آرپاردونوں جانب موجود فتنہ الخوارج پر قیامت بن کرٹوٹ پڑی،خیبرپختونخوا کےمختلف علاقوں میں انٹیلی جنس بیسڈ آپریشنزمیں 34 خارجی واصل جہنم کردیئے۔
آئی ایس پی آر کےمطابق 13 سے15 اکتوبر کےدوران سیکیورٹی فورسز نےشمالی وزیرستان کےعلاقےسپن وام میں خفیہ اطلاعات پر آپریشن کیا،جھڑپ میں 18 خوارج ہلاک ہوئے،دہشت گردوں کے ٹھکانے بھی تباہ کردئیےگئے،جنوبی وزیرستان میں بھی کارروائی کےدوران 8 خوارج کو جہنم واصل کردیاگیا، بنوں میں بھی کامیاب آپریشن 8 مزید دہشتگرد مارے گئے۔۔
آئی ایس پی آر کےمطابق کارروائیاں 13سے 15اکتوبرکےدرمیان کی گئیں،علاقے میں ممکنہ طور پر موجود مزید خوارج کے خاتمے کے لیےسینیٹائزیشن آپریشن جاری ہے،آئی ایس پی آر نےواضح کیا ہےکہ ملک سے دہشتگردی کے مکمل خاتمے تک کارروائیاں جاری رکھی جائیں گی،سیکیورٹی فورسز دہشتگردی کے ناسور کے خاتمے کے لیے پرعزم ہیں۔
صدرمملکت نے خیبر پختونخوا میں دہشت گردوں کےخلاف کامیاب کارروائیوں پرخراج تحسین پیش کیا ہے، کہاکہ دہشت گردوں کےخلاف کامیاب کارروائیاں قابل فخرہیں،سیکیورٹی فورسز کی بروقت کارروائیوں سےملک میں امن و استحکام کی صورتحال بہتر ہوئی ہے،دہشت گردی کے مکمل خاتمے تک آپریشنز جاری رکھنا ہوں گے۔
صدرمملکت نےمزیدکہا ریاست بھارتی حمایت یافتہ فتنہ الخوارج اورفتنہ الہندوستان کوجڑ سےختم کر دےگی،عزم استحکام مہم کے تحت آپریشن پوری قوت سے جاری رہےگا،قوم اپنی سیکیورٹی فورسز کے ساتھ کھڑی ہے،ہر طرح کی دہشت گردی کو جڑ سے اکھاڑ پھینکیں گے۔
وزیراعظم شہباز شریف اور وزیر داخلہ محسن نقوی نے بھی خیبرپختونخوا میں دہشت گردوں کے خلاف کامیاب کارروائیوں پرسیکیورٹی فورسز کو خراجِ تحسین پیش کیا۔
پاکستان پیپلز پارٹی کے چیئرمین بلاول بھٹو زرداری نے سہیل آفریدی کی حلف برداری کے معاملے پر بیان جاری کرتے ہوئے کہا کہ گورنر صاحب آپ کو خیبرپختونخواہ پہنچنا چاہیے،وزیراعلیٰ سندھ اپناجہازدیں تاکہ گورنر خیبرپختونخوا پہنچیں۔
چیئرمین پیپلزپارٹی بلاول بھٹو نے آرٹس کونسل میں تقریب سے خطاب کرتے ہوئے کہا کہ رضاربانی اپنی کتاب غزہ کے بچوں کے نام کررہے ہیں، ہرپاکستانی غزہ کے ساتھ کھڑاہے، رضا ربانی کو مبارک باد پیش کرتا ہوں، دنیا کی اکثریت کی طرح پاکستان کی عوام فلسطین کے ساتھ ہیں، تاریخ میں سب سے زیادہ جنگ بندی توڑنے والاملک اسرائیل رہاہے، دنیانےدوسال میں بڑی نسل کشی دیکھی ہے، فلسطین معاملے پر پاکستان کی خارجہ پالیسی کی قدر کرتا ہوں، امید کرتا ہوں غزہ میں سیز فائر جاری رہےگا۔
بلاول بھٹو زرداری نے کہا کہ لینڈ ریفارمز کر کے لوگوں کو زمینوں کا مالک بنایا، سندھ کے سیلاب متاثرین کو پکے مکانات بنا کر دے رہے ہیں، 20لاکھ گھروں کے مالکانہ حقوق خواتین کے نام کر رہے ہیں،ہم سیاست عزت اور تاریخ رقم کرنے کیلئے کرتےہیں، کورونا کے دوران پی ٹی آئی نے بینظیرانکم سپورٹ پروگرام کا نام کر کے لوگوں کی مددکی، نام یا تصویر کسی کی بھی ہو،عوام کو ریلیف ملناچاہیے، آپس کی تقسیم نہیں ہونی چاہیے،ایک دوسرے کی کامیابی کو تسلیم کریں، بینظیر انکم سپورٹ پروگرام غریبوں کی مدد کا بہترین پروگرام ہے، دنیا کے کئی ممالک کے پاس انکم سپورٹ پروگرام نہیں،ہمارےپاس ہے، بینظیر انکم سپورٹ پروگرام کو دنیا بھر میں تسلیم کیا جا چکا ہے۔
انہوں نے کہا کہ جب میں وزیر خارجہ تھا تو دنیا کے لوگ بتاتے تھے کہ وہ بینظیرانکم سپورٹ پروگرام کاپی کر رہے ہیں، این آئی سی وی دل کے مریضوں کو مفت طبی سہولیات دے رہاہے، کراچی میں کینسر کا مہنگا ترین علاج مفت ہوتاہے، خیرپور کا اکنامک زون دنیا کے بہترین اکنامک زون میں شامل ہے، آپ کا مقابلہ تو کسی صوبے یا شہر سے ہوناہی نہیں چاہیے،ہماراکسی صوبے سے نہیں،دنیا سے مقابلہ ہے، دنیا کے ہر ملک کی طرح پاکستانی بھی غزہ کے لوگوں کے شانہ بشانہ ہیں، ہم پچھلے 2 برسوں سے لائیو تاریخی جینو سائیڈ دیکھتے آ رہےہیں، ہم سب فلسطینی بھائیوں کے ساتھ کھڑے ہیں، ہم نے بہت مایوسی کے ساتھ دو سال تک تاریخی نسل کشی لائیو دیکھی ، رضا ربانی نے یہ کتاب غزہ کے ان بچوں کے نام کی ، یہ نسل کشی ، صحافیوں ، ڈاکٹرز ، نرسز تک پھیلا ہوا ہے، اب سیز فائر کے معاہدے پر دستخط ہو چکے ہیں۔
بلاول بھٹو نے کہا کہ تاریخ ہمیں بتاتی ہے سیز فائر کی سب سے زیادہ خلاف ورزی یہودی ریاست نے کی ہے، مسلم ممالک دیکھ رہے ہوں گے کہ یہ سیز فائر نہ توڑا جائے، کل ہمارے وزیر اعظم بھی وہاں موجود تھے ، امریکی صدر نے ہمارے وزیر کو خطاب کی دعوت بھی دی، پھر بھی ایک بے چینی ہے ، خوف ہے کہ کہیں اس سیز فائر کو نہ توڑا جائے، رضا ربانی نے ادبی فکشن لکھا ہے جو کہ تاریخی دستاویز بن چکی ہے، میری والدہ نے بھی دو سے تین کتابیں لکھیں تھیں، بےنظیرکا ماننا تھا کہ اگر تاریخ کو درج نہیں کیا جائے گا تو لوگ بھول جائیں گے، میں نے یونیورسٹی میں تاریخ کامطالبہ کیاہے، سیز فائر ہوا کل مصر کی تقریب میں معاہدے پر دستخط بھی ہوئے، پیپلزپارٹی نے آئینی کردار ادا کیا وہی کتابیں لکھ کر تاریخ رقم کی،بے نظیر بھٹونے بھی کتابیں لکھی تھیں کیونکہ کتاب لکھنے والا ہمیشہ یاد رکھا جاتا ہے، غزہ میں شہریوں کے ساتھ ساتھ صحافیوں،نرسز،ڈاکٹرزکوبھی نشانہ بنایاگیا۔
گورنر خیبرپختونخوا فیصل کریم کنڈی نے پشاور ہائیکورٹ کے فیصلے کے بعد بیان جاری کرتے ہوئے کہا کہ میں نے کبھی بھی حلف لینے سے منع نہیں کیا، وزیراعلی سندھ سے درخواست کی ہے، اپنا طیارہ فراہم کریں۔
تفصیلات کے مطابق فیصل کریم کنڈی نے بیان جاری کرتے ہوئے کہا کہ گورنرکے پاس طیارہ نہیں ہوتا، وزیراعلی سندھ سے درخواست کی ہے، اپنا طیارہ فراہم کریں، میرا جواب ہائیکورٹ میں جمع ہوچکا ہے، میں آج رات ہر صورت میں کے پی کے پہنچ جاؤں گا ، میرا جو آئینی فرض ہے، وہ ادا کروں گا، میں نے کبھی بھی حلف لینے سے منع نہیں کیا، میں نے ہمیشہ کہا ہے قانون و آئین پر عملدرآمد کریں گے۔
یاد رہے کہ پشاور ہائیکورٹ نے نو منتخب وزیراعلیٰ خیبر پختونخوا سہیل آفریدی کی حلف برداری کے معاملے سے متعلق درخواست پر فیصلہ سنا دیا ہے جس میں واضح کیا گیاہے کہ گورنر کل چار بجے حلف لیں گے اگر گورنر نے حلف نہ لیا تو پھر سپیکر اسمبلی حلف لیں گے
پشاور ہائیکورٹ نے نو منتخب وزیراعلیٰ خیبر پختونخوا سہیل آفریدی کی حلف برداری کے معاملے سے متعلق درخواست پر فیصلہ سنا دیا ہے جس میں واضح کیا گیاہے کہ گورنر کل چار بجے حلف لیں گے اگر گورنر نے حلف نہ لیا تو پھر سپیکر اسمبلی حلف لیں گے ۔
تفصیلات کے مطابق چیف جسٹس پشاورہائی کورٹ نے 9صفحات پر مشتمل محفوظ فیصلہ جاری کردیا ہے جس میں کہا گیاہے کہ گورنر خیبرپختونخوا بدھ 15 اکتوبر کو 4 بجے تک نو منتخب وزیراعلیٰ سے حلف لیں، گورنر اگر 4بجے تک نومنتخب وزیراعلی سے حلف نہیں لیتے تو اسپیکرصوبائی اسمبلی ان سے حلف لیں، آئین کا آرٹیکل 255 ٹوچیف جسٹس کو اختیار دیتا ہے کہ وہ حلف کیلئے کسی کو بھی نامزد کر سکتے ہیں۔
فیصلے میں کہا گیاہے کہ یہ احکامات صوبے میں آئینی خلا پیدا ہونے سے بچاو اور آئین کی بالادستی کے لیے ہیں، نومنتخب وزیراعلیٰ کے حلف میں مزید تاخیر نہیں کی جاسکتی، ایڈیشنل اٹارنی جنرل اور گورنر کے وکیل نے عدالت کو بتایا کہ وہ کراچی میں ہیں، کل 2 بجے واپس پہنچیں گے، علی امین گنڈاپور کو گورنر نے 3بجے استعفے کی تصدیق کے بلایا ہوا ہے، علی امین گنڈاپور نے اسمبلی فلور پر 13 اکتوبر کو اپنے استعفے کی تصدیق کی ہے، علی امین گنڈاپور کی اسمبلی فلور پر تقریر کی ٹرانسکرپٹ جمع کی گئی ہے، آئین کے آرٹیکل 130(5) کے مطابق وزیراعلیٰ کا عہدہ خالی ہے، قانون کے مطابق نومنتخب وزیراعلیٰ کا آفس میں داخلے سے پہلے حلف لینالازمی ہے۔
گزشتہ روز چیف جسٹس ایس ایم عتیق شاہ نے سہیل آفریدی کے حلف سے متعلق کیس کی سماعت کی جس دوران چیف جسٹس ایس ایم عتیق شاہ نے استفسار کیا کہ راجا صاحب آپ پشاور میں ہیں، کیا معاملہ ہے؟ سلمان اکرم راجہ نے جواب دیا کہ علی امین نے استعفی دیا اور نئے وزیر اعلی منتخب ہو گئے۔ چیف جسٹس نے ریمارکس دیئے کہ کیا گورنر نے استعفی منظور کیا ہے، جس پر سلمان اکرم راجہ نے جواب دیا کہ استعفے منظوری کی ضرورت نہیں ہے، جب دیا گیا تب سے نافذ ہو جاتا ہے۔
چیف جسٹس نے کہا راجا صاحب یہ درخواست جوڈیشل سائیڈ پر ایڈمنسٹریٹو دیکھ رہے ہیں، آپ کی یہ درخواست 255 (2) کی ہے اسکو پڑھیں، سلمان اکرم راجہ نے کہا کہ اس میں لکھا ہے اگر کوئی حلف لینے سے انکار کرے تو چیف جسٹس کسی کو بھی نامزد کر سکتا ہے، گورنر خیبر پختونخوا کو نئے وزیر اعلی کی حلف برادری کی سمری بھجوائی جا چکی ہے۔
چیف جسٹس نے کہا کہ اسپیکر نے گورنر کو یہ سمری کس وقت بھجوائی ہے، کوئی تحریری ثبوت ہے،سلمان اکرم راجہ کا کہناتھا کہ ہم گورنر کے جواب کا انتظار نہیں کر سکتے ہیں، صوبے میں حکومت موجود نہیں ہے،چیف جسٹس نے استفسار کیا کہ کیا گورنر کو بھجوائی گئی سمری پر انکے جواب کا انتظار نہیں کرنا چاہیے؟ آئین کا آرٹیکل 255 (2) تب ہی نافذ عمل ہو گا جب کوئی حلف لینے سے انکار کرے۔
سلمان اکرم راجہ نے کہا کہ گورنر اسلام آباد میں ہے ہم حلف کے لیے وہاں جا سکتے ہیں یا وہ یہاں آ سکتے ہیں، چیف جسٹس عتیق شاہ نے کہا کہ گورنر کی رائے بغیر آگے نہیں جایا جا سکتا، اس سے پہلے مخصوص نشستوں کے حلف نامزدگی معاملے پر بھی مجھ پر کیس ہوا ہے۔
روجھان میں کچے کے ڈاکووں کے حملے کے پیش نظر دریائے سندھ کے سیلاب سے ہونےوالے نقصانات کا سروے روک دیا گیا۔
روجھان کےسیلابی علاقوں میں کچے کےڈاکووں کےحملے کےخدشے کےپیش نظر دریائےسندھ کے سیلاب سے ہونیوالے نقصانات کاسروے روک دیاگیا ہےسروے روکنےکافیصلہ گزشتہ دنوں سروے ٹیم کی سیکیورٹی پر مامورپولیس ٹیم پر کچے کے ڈاکووں کی طرف سے حملہ کیا گیا تھا۔
سیلاب سےنقصانات کا سروے روکنے سےسیلاب متاثرین میں امدادکی تقسیم میں تاخیر کا خدچہ ہے،بروقت امداد نہ ملنے سے سیلاب متاثرین نئی فصل کی کاشت کے لیے پریشان ہیں ۔
