Live Updates: وزیر اعظم نے 26 ویں آئینی ترمیم کے منظور کردہ بل پر دستخط کر دیئے

آئی ایم ایف کی منیجنگ ڈائریکٹر کرسٹالینا جارجیوا نے وزیرِاعظم شہباز شریف کی معاشی اصلاحات کی تعریف کرتے ہوئے کہا ہے کہ وہ وزیرِاعظم شہباز شریف کا دل سے احترام کرتی ہیں اور پاکستان کی ترقی کے لیے ان کی سنجیدگی کی معترف ہیں،شہباز شریف جس کام کا عزم کر لیتے ہیں، اسے مکمل کر کے ہی چھوڑتے ہیں۔

عالمی اقتصادی فورم سےخطاب کرتے ہوئےکرسٹالینا جارجیوا نےکہا کہ ان کی وزیرِاعظم شہباز شریف سے متعدد ملاقاتیں ہو چکی ہیں، جن میں طے شدہ معاشی اہداف کےحصول پر تفصیلی گفتگو ہوتی ہے،آئی ایم ایف پاکستان کے ساتھ طویل عرصے سے مثبت انداز میں کام کر رہا ہے۔

کرسٹالینا جارجیوا کےمطابق حکومتی اقدامات کے مثبت نتائج سامنے آنا شروع ہو گئےہیں اور پہلی مرتبہ پاکستان میں بجٹ ڈسپلن واضح طور پر نظر آ رہا ہے۔ انہوں نے کہا کہ عوام کی زندگی میں مثبت تبدیلی لانے کے لیے وسائل درست سمت میں خرچ کیے جا رہے ہیں، جو ایک خوش آئند پیش رفت ہے۔

وزیراعظم شہباز شریف نے ڈیوس میں پاکستان پویلین میں بریک فاسٹ میں شرکت کی اور خطاب کرتے ہوئے کہا کہ  پاکستان مشکلات سے باہر آ چکاہے،اقتصادی استحکام کی جانب گامزن ہے، شرح سود22.5فیصد سے کم ہوکر10.5فیصد ہوگئی، سماجی اشاریے بہتر بنانے کیلئے مشترکہ اور مسلسل کوششیں جاری ہیں۔

وزیراعظم نے کہا کہ پاکستان کو برآمدات پر مبنی ترقی کی راہ اپنانا ہوگی، ملکی نظام میں بنیادی ڈھانچہ جاتی اصلاحات کی گئی ہیں، ریونیو کلیکشن سسٹم مکمل ڈیجیٹل کر دیا گیا، گزشتہ سال کی زرعی برآمدات انتہائی حوصلہ افزا رہیں، پاکستان میں اب معدنیات کے شعبے میں بڑی سرمایہ کاری ہو رہی ہے، گلگت بلتستان،آزاد کشمیر میں قدرتی وسائل کی بدولت ترقی کے مواقع کھلے، کےپی اور بلوچستان میں قدرتی وسائل کی بدولت ترقی کے نئے مواقع کھلے، آئی ٹی اور دیگر برآمدات میں حوصلہ افزا ترقی دیکھی گئی۔

شہباز شریف نے کہا کہ آئی ٹی کی برآمدات بڑھانے کیلئے تیزی سے آگے بڑھ رہے ہیں، نوجوانوں کو ہنرمند اور تربیت کی فراہمی کیلئے متعدد پروگرام شروع کیے، نیوٹیک نوجوانوں کو عالمی معیار کے سرٹیفکیٹ کے ساتھ تربیت فراہم کر رہا ہے، نوجوان خلیجی ممالک اور دنیا کے دیگر حصوں میں ملازمتوں کیلئے تیار ہیں، انسداد دہشتگردی میں بھی مختلف ممالک کے ساتھ تعاون کر رہے ہیں، پی آئی اے کی نجکاری مکمل شفافیت کے ساتھ کی گئی۔

انہوں نے کہا کہ پاکستان میں نجکاری کا عمل مکمل شفافیت سے عمل میں لایا جا رہا ہے، پی ڈبلیوڈی،پاسکو اور یوٹیلیٹی اسٹورز جیسے غیر مؤثر ادارے بند کیے گئے، غیر مؤثر اداروں میں قوم کے اربوں روپے ضائع ہو رہے تھے، اختلافات ہو سکتے ہیں،مشترکہ پروگرام کیلئے اتفاق سب سے اہم ہے، مستقبل انتہائی پُرامید،ملکی ترقی کی راہیں روشن ہیں، اتحاد اور مشترکہ کوششوں کے ذریعے ہی کامیابی حاصل ہو گی۔ 

حکومت کی جانب سے الیکٹرک بائیکس، رکشوں اور لوڈرز کے لیے متعارف کرائی گئی خصوصی اسکیم پر باقاعدہ عمل درآمد شروع کر دیا گیا ہے۔ وزیراعظم کی الیکٹرک وہیکل اڈاپشن اسکیم کے تحت پہلے مرحلے میں منظور شدہ درخواست گزاروں کو سبسڈی کی رقم منتقل کر دی گئی ہے۔

انجینئرنگ ڈیویلپمنٹ بورڈ کے مطابق رواں مالی سال کے دوران تقریباً 9 ارب روپے کی سبسڈی دی جائے گی، جبکہ حکومت سال 2030 تک 100 ارب روپے سے زائد کی سبسڈی فراہم کرنے کا منصوبہ رکھتی ہے۔

دستاویزات کے مطابق فیز ون میں 41 ہزار الیکٹرک گاڑیوں پر سبسڈی دی جا رہی ہے، جن میں 40 ہزار الیکٹرک بائیکس اور ایک ہزار الیکٹرک رکشے اور لوڈرز شامل ہیں۔ اس مرحلے میں اسٹیٹ بینک کے ذریعے سبسڈی کی رقم براہ راست درخواست گزاروں کے بینک اکاؤنٹس میں منتقل کی جا رہی ہے۔

الیکٹرک بائیک پر 80 ہزار روپے تک سبسڈی دی جا رہی ہے، جبکہ بینک لیز اسکیم کے تحت الیکٹرک بائیکس اور رکشے آسان اقساط پر فراہم کیے جا رہے ہیں۔ دوسرے مرحلے میں مزید 78 ہزار سے زائد الیکٹرک وہیکلز کو سبسڈی دینے کا منصوبہ بھی تیار کر لیا گیا ہے۔

حکام کے مطابق اسکیم کا مقصد سستی، ماحول دوست سواری کو فروغ دینا اور ایندھن پر انحصار کم کرنا ہے۔ واضح رہے کہ صرف رجسٹرڈ الیکٹرک گاڑیاں ہی اس سبسڈی اسکیم کی اہل ہوں گی۔

وزیراعظم شہباز شریف ورلڈ اکنامک فورم کے چھپنویں سالانہ اجلاس میں شرکت کے لیے سوئٹزرلینڈ پہنچ گئے۔ عالمی اجلاس کے دوران وزیراعظم کی اہم عالمی رہنماؤں سے ملاقاتیں بھی متوقع ہیں۔

زیورخ ایئرپورٹ پر پاکستان کے مستقل نمائندے برائے اقوام متحدہ محمد بلال، سوئٹزرلینڈ میں پاکستان کے سفیر مرغوب سلیم اور سفارتی عملے نے وزیراعظم کا استقبال کیا۔ نائب وزیراعظم و وزیر خارجہ اسحاق ڈار، وفاقی وزیر اقتصادی امور احد چیمہ، وزیر خزانہ محمد اورنگزیب، وزیر اطلاعات عطا اللہ تارڑ اور معاون خصوصی طارق فاطمی بھی وزیراعظم کے ساتھ ہیں۔

وزیراعظم شہباز شریف ورلڈ اکنامک فورم کے مختلف سیشنز میں شرکت کریں گے، جہاں وہ پاکستان کی معاشی اصلاحات، بہتر ہوتے معاشی اشاریوں اور استحکام کی حکمت عملی پر روشنی ڈالیں گے۔ اس موقع پر وزیراعظم عالمی رہنماؤں سے ملاقاتیں بھی کریں گے۔ شہباز شریف، پاکستان کی میزبانی اور ورلڈ اکنامک فورم کی شراکت سے منعقد ہونے والی بزنس راؤنڈ ٹیبل میں بھی شرکت کریں گے، جہاں سرمایہ کاری کے مواقع اور معاشی تعاون پر بات چیت ہو گی۔ وزیراعظم پاکستان کے ٹرپل او پروگرام، یعنی آرڈر، آپرچونیٹی اور آپٹیمائزیشن پر بھی اظہارِ خیال کریں گے۔

نائب وزیراعظم و وزیر خارجہ اسحاق ڈار کا سعودی اور مصری ہم منصبوں کے ساتھ رابطہ ہوا، جس دوران علاقائی پیشرفت اور دوطرفہ تعاون پر تبادلہ خیال کیا، ورلڈ اکنامک فورم کے موقع پر ملاقاتوں پر بھی اتفاق ہوگیا۔

ترجمان دفتر خارجہ کے مطابق نائب وزیراعظم و وزیر خارجہ اسحاق ڈار نے سعودی وزیر خارجہ فیصل بن فرحان سے ٹیلی فونک رابطہ کیا۔دونوں رہنماؤں کے درمیان علاقائی پیشرفت اور دوطرفہ تعاون کے مواقع پر تفصیلی تبادلہ خیال کیا گیا، جبکہ سوئٹزرلینڈ میں ورلڈ اکنامک فورم کے موقع پر ملاقات کرنے پر بھی اتفاق ہوا۔ترجمان کے مطابق نائب وزیراعظم اسحاق ڈار نے مصری وزیر خارجہ ڈاکٹر بدر عبدالعتی سے بھی رابطہ کیا، جس میں خطے کی حالیہ صورتحال اور باہمی دلچسپی کے دوطرفہ و کثیرالجہتی امور پر گفتگو کی گئی۔دونوں رہنماؤں نے ڈیووس میں ورلڈ اکنامک فورم کے موقع پر ملاقات اور مکالمہ و تعاون جاری رکھنے کی اہمیت پر زور دیا۔

وزیراعظم شہباز شریف نے وزیراعظم صحت کارڈ کا باضابطہ اجرا کر دیا ہے۔ اس موقع پر خطاب کرتے ہوئے کہا کہ آج صحت کی سہولتیں گھر کی دہلیز پر فراہم کرنے کا ایک اہم دن ہے۔

وزیراعظم کا کہنا تھا کہ 2016 میں نواز شریف نے پاکستان میں سب سے پہلے اس فلاحی پروگرام کا آغاز کیا تھا، صحت ہو گی تو کھیلوں میں کامیابیاں ملیں گی اور صحت ہو گی تو مخالفین کو بھی شکست دی جا سکے گی۔

انہوں نے بتایا کہ آج آزاد کشمیر اور گلگت بلتستان میں وزیراعظم صحت کارڈ کا اجرا کیا جا رہا ہے، جس سے لاکھوں خاندان مستفید ہوں گے۔

وزیراعظم نے وزیرِ صحت کی جانب سے سندھ میں بھی صحت کارڈ کے اجرا کی تجویز کو مثبت قرار دیتے ہوئے کہا کہ یہ ایک اچھی تجویز ہے اور وہ خود وزیراعلیٰ سندھ سے اس حوالے سے بات کریں گے۔

ان کا کہنا تھا کہ یقینا سندھ میں صحت کے حوالے سے اپنا پروگرام موجود ہو گا۔

یمن کے وزیراعظم سالم صالح نے اپنے عہدے سے استعفیٰ دےد یا۔

غیرملکی میڈیا رپورٹس کےمطابق یمن کی صدارتی قیادت کی کونسل نے وزیراعظم کا استعفیٰ قبول کر لیا،وزیر خارجہ ڈاکٹر شائع محسن الزندانی کو نیاوزیراعظم مقرر کر دیاگیا۔

واضح رہےکہ دسمبرمیں متحدہ عرب امارات کی حمایت یافتہ علیحدگی پسند گروپ،جنوبی عبوری کونسل نےیمن کےجنوبی اورمشرقی علاقوں پرکنٹرول حاصل کر لیا تھا،جس کےبعد یہ علیحدگی پسند گروپ سعودی عرب کی سرحد کے قریب پہنچ گیا تھا۔

علیحدگی پسند گروپ کی اس موومنٹ کو سعودی عرب نےاپنی قومی سلامتی کیلئےخطرہ قرار دیا تھا، اس صورتحال میں یمن کے وزیراعظم سالم صالح مستعفی ہو گئے۔

نائب وزیراعظم و وزیر خارجہ اسحاق ڈار کی زیر صدارت ایکنک کے اجلاس میں 117 ارب روپے سے زائد مالیت کے ترقیاتی منصوبوں کی منظوری دے دی گئی، صحت سہولت پروگرام میں بھی توسیع کردی گئی۔

نائب وزیراعظم و وزیر خارجہ اسحاق ڈار کی زیر صدارت ایکنک کا اجلاس منعقد ہوا، جس میں 117 ارب روپے سے زائد مالیت کے اہم ترقیاتی منصوبوں کی منظوری دی گئی۔اجلاس میں صحت سہولت پروگرام کی مدت میں 23 جولائی 2026 تک توسیع کی منظوری دی گئی، جبکہ توانائی، بنیادی ڈھانچے اور ٹرانسپورٹ کے مختلف منصوبوں کی بھی منظوری دی گئی۔اس موقع پر اسحاق ڈار نے ہدایت کی کہ تمام منصوبوں میں مؤثر منصوبہ بندی، بروقت عملدرآمد اور پائیداری کو ہر صورت یقینی بنایا جائے۔

وزیراعظم شہباز شریف سے آذربائیجان کے وفد نے ملاقات کی جس دوران شہباز شریف نے پہلے آسان خدمت مرکز کے قیام میں بھرپور معاونت پر  صدر الہام علیوف اور آذربائیجان حکومت کا شکریہ ادا کیا جبکہ ملک بھر میں خدمت مراکز کے قیام کیلئے مدت کا تعین کرکے کام شروع کرنے کی ہدایت بھی کر دی۔

وزیراعظم شہباز شریف سے ملاقات کرنے والوں میں آذربائیجان کے پبلک سروس اور سوشل سروس کے چیئرمین علوی مہدئیو اور پاکستان میں ، آذربائیجان کے سفیر خضر فرہادوف شریک تھے۔  وفاقی وزرا احد چیمہ، عطاء اللہ تارڑ، شزہ فاطمہ خواجہ اور معاون خصوصی طارق فاطمی بھی موجود تھے۔

 شہباز شریف نے علوی مہدئیو کی اسلام آباد میں آسان خدمت مرکز کی افتتاحی تقریب میں شرکت کا خیرمقدم کیا اور  کہا آذر بائیجان نے  پہلے آسان خدمت مرکز کے قیام میں بھرپور معاونت کی،  مزید آسان خدمت مراکز بنائے جائیں گے۔ پاکستان میں حکومتی خدمات کے ایکو سسٹم کو یکسر بدلنے کیلئے کوشاں ہیں۔ آئندہ مرحلے میں آزاد  کشمیر، گلگت بلتستان  میں آسان خدمت مرکز بنائے جائیں گے۔

  وزیراعظم نے مراکز میں  کارکردگی  اہداف طے کرکے ہر سہ ماہی  تھرڈ پارٹی پرفارمنس آڈٹ کروانے اور خدمات بین الاقوامی معیار کے مطابق فراہم کرنے کی ہدایت بھی کی ہے۔ کہا تارکین وطن  کی سہولت کیلئے  سفارت خانوں میں آسان خدمت مراکز کے کاؤنٹر بھی بنائے جائیں۔

اسلام آباد کے سیکٹر جی سیون ٹومیں گیس لیکج دھماکے میں 8 افراد کی ہلاکت کے واقعہ کی تحقیقات کرنے والی وزارت داخلہ کی پانچ رکنی انکوائری ٹیم نے تحقیقاتی رپورٹ وزیراعظم کو ارسال کردی،  مستقبل میں ایسے واقعات کی روک تھام کیلئے سخت اقدامات کی سفارش کی گئی ہے۔

رپورٹ میں کہا گیاہے کہ سخت اقدامات سےہی غیر قانونی تعمیرات کا سد باب ممکن ہوگا،  سوئی ناردرن کو گیس لوڈشیڈنگ سے متعلق احکامات جاری کئے جائیں،  گیس لوڈشیڈنگ کا شیڈول میڈیا وسوشل میڈیا پر جاری کیا جانا چاہیے۔

یاد رہے کہ 11جنوری کو شادی والے گھر میں گیس دھماکے میں  8 افراد جاں بحق ہوئے تھے، سانحے میں جاں بحق ہونے والوں میں دلہا دلن شامل تھے، 12 افراد زکمی بھی ہوئے۔

اسلام آباد میں وزیراعظم محمد شہباز شریف سے ٹیلی کمیونیکیشن کمپنی ایرکسن کے وفد نے ملاقات کی۔ وفد کی قیادت کمپنی کے صدر اور مارکیٹ ایریا یورپ، مشرق وسطیٰ اور افریقہ کے سربراہ پیٹرک جوہانسن نے کی۔

وزیراعظم محمد شہباز شریف نے ایرکسن کے وفد کا خیرمقدم کرتے ہوئے پاکستان میں ٹیلی کمیونیکیشن سیکٹر کی ترقی اور سرمایہ کاری میں کمپنی کے کردار کو سراہا۔ ملاقات کے دوران اقتصادی ترقی، پیداواری صلاحیت میں اضافے اور عوام کو بہتر خدمات کی فراہمی کے لیے اگلی نسل کے ڈیجیٹل رابطوں کی اہمیت پر تفصیلی گفتگو ہوئی۔

وزیراعظم نے فائیو جی سمیت جدید نیٹ ورکس کے فروغ کے لیے ایرکسن کے تجربات سے استفادہ کرنے میں گہری دلچسپی کا اظہار کیا اور محفوظ و پائیدار آئی ٹی انفرااسٹرکچر کی ترقی کو یقینی بنانے کے حکومتی عزم کا اعادہ کیا۔

انہوں نے کہا کہ حکومت غیر ملکی سرمایہ کاروں کی حوصلہ افزائی اور ٹیکنالوجی کے شعبے میں اسٹریٹیجک شراکت داری کے فروغ کے لیے مکمل حمایت جاری رکھے گی۔

ملاقات میں نائب وزیراعظم و وزیر خارجہ محمد اسحاق ڈار، وزیر آئی ٹی شزا فاطمہ خواجہ، وزیر اعظم کے معاون خصوصی سید طارق فاطمی اور دیگر اعلیٰ سرکاری حکام بھی شریک تھے۔

پیپلز پارٹی کے احتجاج کے بعد وفاقی حکومت نے سپیلش اکنامک زونز ترمیمی آرڈیننس 2026 واپس لینے کی منظوری دیدی اور وزیراعظم نے اسپیشل اکنامک زونز ترمیمی آرڈیننس واپس لینے کی سمری پر دستخط کر دیئےہیں۔

تفصیلات کے مطابق صدر مملکت آصف علی زرداری کو آرٹیکل 89(2) کے تحت آرڈیننس واپس لینے کا مشورہ دیا گیاہے ، وزیراعظم نے صدر مملکت کو ترمیمی آرڈیننس واپس لینے کی ایڈوائس بھیج دی ۔

اسپیشل اکنامک زونز ترمیمی آرڈیننس قومی پالیسی سےہم آہنگ نہ ہونے پر واپس لیا گیا، پیپلزپارٹی نے آرڈیننس جاری ہونے پر قومی اسمبلی اجلاس تو واک آؤٹ کیا تھا۔

اصل کہانی  

ذرائع  کے مطابق مذکورہ آرڈیننس 6 دیگر بلز اور 1 آرڈیننس کے ہمراہ ایوان صدر کو بھجوایا گیا تھا، سمریوں اور فائلوں کی منظوری ای آفس کے ذریعےدی جاتی ہے، ایوان صدر نے ای آفس کے ذریعے اجتماعی طور پر تمام بلز اور آرڈیننسز کی منظوری دی۔

ای آفس منظوری کے تناظر میں آرڈیننس جاری کر دیا گیا تھا، ایوان صدر سے فائلیں واپس پہنچی تو مذکورہ آرڈیننس پر صدر کے دستخط موجود نہیں تھے۔

 وفاقی حکومت کی جانب سے ایس ای زیڈ آرڈیننس اب واپس لے لیا گیا ہے، ایس ای زیڈ آرڈیننس کو اب بل کی صورت میں پارلیمنٹ میں لایا جائے گا۔

پس منظر

اسلام آباد لوکل گورنمنٹ آرڈیننس کے اجرا کے بعد قومی اسمبلی میں صورتحال متنازع ہو گئی تھی  ،  پیپلز پارٹی کے رہنماؤں نے صدرِ مملکت کے دستخط کے بغیر آرڈیننس جاری ہونے پر شدید اعتراضات اٹھائے اور ایوان سے احتجاجاً واک آؤٹ کیا ۔

قومی اسمبلی کے اجلاس کے دوران پیپلز پارٹی کے سینئر رہنما نوید قمر نے سوال اٹھایا کہ صدرِ مملکت کے دستخط کے بغیر آرڈیننس کیسے جاری کیا گیا اور ایوان کے اجلاس کے روز اس اقدام کا مقصد کیا تھا؟ انہوں نے اس دن کو پارلیمانی تاریخ کا سیاہ ترین دن بھی قرار دیا۔

پیپلز پارٹی کے رہنما عبدالقادر پٹیل نے کہا کہ معاملہ اسلام آباد لوکل گورنمنٹ آرڈیننس کا نہیں بلکہ ایکسپورٹ پروسیسنگ زون آرڈیننس کا ہے، جس پر حکومت نے اعتماد میں نہیں لیا اور بعد ازاں غلطی کا اعتراف بھی کیا گیا ہے۔

وزیراعظم شہباز شریف نے پاکستانی افرادی قوت کو بین الاقوامی سرٹیفیکشنز کی فراہمی خوش آئند قرار دی ہے،نیؤٹیک کی حالیہ کارکردگی پر اطمینان کا اظہار کرتے ہوئے تکنیکی و فنی تربیتی پروگرامز کے نئے اہداف اور اپرنٹس شپ قانون پر عملدرآمد کی ہدایت بھی کردی ،  یہ بھی کہا نیؤٹیک کے پارٹنر اداروں میں طلباء اور اساتذہ کی بائیو میٹرک حاضری لازمی کی جائے ۔

اسلام آباد میں وزیراعظم شہبازشریف کی زیر صدارت پیشہ ورانہ تربیت کے نئے ایکوسسٹم پر جائزہ اجلاس ہوا ۔ اعلامیے کے مطابق وزیراعظم نے کہا پاکستانی نوجوان صلاحیتوں سے بھرپور ہیں،ان کیلئے مفصل پروگرام شروع کیا، نیؤٹیک کے تحت تکنیکی اور فنی تربیتی پروگرامز کے مثبت نتائج سامنے آرہے ہیں،خلیجی ممالک میں پاکستانی افرادی قوت کی کھپت کیلئے اقدامات میں تیزی لائی جائے ۔

 وزیراعظم نے صوبائی اداروں کے تعاون سے نیؤٹیک کے پروگرامز کو وسعت دینے اور غیر تسلی بخش کارکردگی کے حامل اداروں کی رکنیت معطل کرکے کارروائی کرنے کی ہدایت بھی کردی۔ وزیر اعظم نے کہا نیؤٹیک کے نظام کی مکمل ڈیجیٹلائیزیشن اور آن لائن مانیٹرنگ کا نظام مزید مؤثر بنایا جائے ۔

پاک بحریہ کے  ایل وائی اسی میزائل کے کامیاب تجربے پر صدرمملکت، وزیراعظم اور وفاقی وزیر داخلہ نے مبارک باد دیتے ہوئے پیغام جاری کیا کہ پاک بحریہ جدید ٹیکنالوجی سے بحری سرحدوں کو ناقابل تسخیر بنا رہی ہے۔

صدرمملکت آصف  علی زرداری نے  کامیاب تجربے پر پاک بحریہ کی پیشہ ورانہ صلاحیتوں کو خراج تحسین پیش کیا اور  کہا کامیاب اوپن سی ٹرائلز ملک کی سمندری حدود کے دفاع کے لیے اہم پیش رفت ہے۔ صدرمملکت نے پاک بحریہ کے افسران اور جوانوں کی پیشہ ورانہ مہارت اور آپریشنل تیاری کی تعریف بھی کی۔

 وزیراعظم شہباز شریف نے بھی پاک بحریہ کے لوئٹرنگ میونیشن کے کامیاب تجربے کی پزیرائی کی۔ میزائل اور میونیشن کی تیاری میں شریک ٹیم کی کاوشوں کو سراہا ۔ وزیراعظم نے کہا کہ ایڈمرل نوید اشرف کی قیادت میں پاک بحریہ بہترین فورس بن چکی  ہے ۔ پاک بحریہ کے خودکار نظام کی مؤثر کارکردگی کلیدی اہمیت کی حامل ہے ۔  وزیرِاعظم نے یو ایس وی کا کھلے سمندر میں کامیاب تجربہ بھی اہم سنگ میل قرار دیا۔

 وفاقی وزیرداخلہ محسن نقوی نے بھی پاک بحریہ کےسائنسدانوں اور انجینئرز کو مبارکباد دی اور  کہا فیلڈ مارشل اور نیول چیف کی قیادت میں پاکستان کو دفاعی میدان میں ایک اورکامیابی ملی۔ میزائل کے کامیاب تجربے پر پوری قوم کو مبارکباد دیتا ہوں۔

این 25 کے سنگ بنیاد کی تقریب سے خطاب کرتے ہوئے وزیر مواصلات عبدالعلیم خان نے کہا کہ آج نیشنل ہائی وے اتھارٹی کیلئے تاریخ ساز دن ہے،  این ایچ اے کے نیٹ ورک کا40فیصد صرف بلوچستان میں ہے،  بلوچستان میں انٹرکنیکٹیوٹی بہتر بنانا وفاق کی پالیسی ہے،  بلوچستان کے دور دراز علاقوں کو قومی نیٹ ورک سے جوڑا جائے گا۔

عبدالعلیم خان  نے کہا کہ یہ واضح پیغام ہے کہ بلوچستان پاکستان کا دل ہے،  بلوچستان کی ترقی اسی وژن کے تحت ممکن ہے،  بلوچستان میں این ایچ اے کے اہم منصوبے جاری ہیں،  بلوچستان میں سب سے اہم اور لینڈمارک منصوبہ پاکستان ایکسپریس وے ہے، پاکستان ایکسپریس وے منصوبہ کراچی،کوئٹہ سے چمن تک ہے، وفاقی حکومت نے منصوبے کیلئے خصوصی فنڈز فراہم کیے ہیں،  منصوبے کو دوسال میں مکمل کرنے کی ہدایت کی گئی ہے۔

انہوں نے کہا کہ یہ محض سڑک نہیں یہ ملک اور صوبے کی ترقی میں سنگ میل ہے،  وزیراعظم نے پیٹرولیم لیوی سے پیسے حاصل کرکے شاہراہ پرلگانے کی ہدایت کی،  یہ منصوبہ سی پیک کی تکمیل میں بھی اہم کردار ادا کرے گا،  یہ پراجیکٹ ہماری جنوبی بندرگاہوں کو چین اور وسطی ایشیا سے جوڑے گا،  یہ ایکسپریس وے بلوچستان کے عوام کے لیے صحیح معنوں میں گیم چینجر ہے،  یہ شاہراہ روزگار، سرمایہ کاری، تعلیم،صحت،معاشی ترقی کے نئے درکھولےگی۔

وزیر مواصلات نے کہا کہ این ایچ اے بلوچستان مین 735 ارب روپے کے منصوبوں پر کام کر رہی ہے،  بلوچستان میں 15 منصوبوں پرکام ہو رہا ہے، یہ سولہواں منصوبہ ہے،  پاکستان ایکسپریس وے پر 400 ارب روپے خرچ ہوں گے،  این 25 کے 100ارب روپے کی سیکشن پر60 فیصد کام مکمل ہو چکا ہے،  لک پاس سے تفتان تک شاہراہ این 40 کو بھی مکمل کر رہے ہیں،  ایران بارڈر پر این 40 شاہراہ 660 کلومیٹر طویل ہوگی۔

ان کا کہناتھا کہ آوران جھل جھاؤ بیلا روڈ منصوبے مکمل ہو چکے ہیں،  یہ منصوبے دورافتادہ علاقوں میں مکمل کیے گئے ہیں، وزارت مواصلات شفاف اقدامات سے اپنی آمدنی مسلسل بڑھا رہی ہے،  وزارت مواصلات کےپاس 2024 میں 68 ارب روپے کا ریونیو تھا،  جون 2025 میں ریونیو 109 ارب روپے ہوگیا،  یہ ریونیو ملک میں نئے منصوبوں پر خرچ کیا جائے گا ۔

وزیراعظم شہبازشریف نے کراچی چمن شاہراہ پاکستان ایکسپریس وے کا سنگ بنیاد رکھ دیا ۔ کراچی،کوئٹہ،چمن کو ملانے والی پاکستان ایکسپریس وے(N25) 2 سال میں مکمل ہو گی، پاکستان ایکسپریس وے 810 کلومیٹر طویل ہو گی۔

وزیراعظم شہبازشریف نے تقریب سے خطاب کرتے ہوئے کہا کہ جو کنٹریکٹر درست کام نہ کرے اسے ہٹا دیں، این 25 کی تعمیر میں معیار پر کوئی سمجھوتہ نہیں ہونا چاہیے،  شاہراہ کو مقررہ وقت دسمبر2027 سے پہلے مکمل کیا جائے۔

سنگ بنیاد کی تقریب میں نائب وزیراعظم اسحاق ڈار، وفاقی وزیر مواصلات عبدالعلیم خان،گورنر اور وزیراعلیٰ بلوچستان بھی شریک ہوئے۔

وفاقی وزیر مواصلات عبدالعلیم خان

این 25 کے سنگ بنیاد کی تقریب سے خطاب کرتے ہوئے وفاقی وزیر مواصلات عبدالعلیم خان نے کہا کہ آج نیشنل ہائی وے اتھارٹی کیلئے تاریخ ساز دن ہے، وزیراعظم شہبازشریف کا تہہ دل سے مشکور ہوں، وزیراعظم کی موجودگی منصوبے کی اہمیت کی نشاندہی کرتی ہے۔

 عبدالعلیم خان نے کہا کہ این ایچ اےکےمجموعی نیٹ ورک کا تقریباً 40 فیصد بلوچستان پر مشتمل ہے، یہ بہت بڑی ذمہ داری اور پیغام ہے کہ بلوچستان پاکستان کا دل ہے، وفاقی حکومت کی پالیسی ہے کہ ملک بھرمیں انٹرکنکٹیویٹی کو بہتر بنایا جائے،بلوچستان کے دور دراز علاقوں کوقومی نیٹ ورک سے جوڑنا وفاق کی پالیسی ہے، بلوچستان میں این ایچ اے کے اہم منصوبے جاری ہیں، سب اہم منصوبے پاکستان ایکسپریس وے کیلئے یہاں جمع ہوئے ہیں۔

وزیر اعظم شہباز شریف نے برآمدات پر مبنی ترقیاتی اہداف کا حصول حکومت کی ترجیح قرار دیا ہے  جبکہ زرعی برآمدات میں اضافے اور تجارتی خسارے میں کمی کے حوالے سے لائحہ عمل تیار کرنے کی  ہدایت  کر دی ہے ، یہ بھی واضح کر دیا کہ برآمدکنندگان کو ٹیکس ری فنڈ کے حوالے سے کوئی کوتاہی برداشت نہیں کی جائے گی  ۔ 

اسلام آباد میں وزیراعظم شہبازشریف کی زیرصدارت ملکی برآمدات کےفروغ پرجائزہ اجلاس ہوا ۔ وزیر اعظم نے ایکسپورٹرز کو سہولیات کی فراہمی کے حوالے سے اصلاحات پر کام تیز کرنے اور برآمدات میں اضافے کے حوالے سے رائس ایکسپورٹرز ایسوسی ایشن کے ساتھ مل کر حکمت عملی ترتیب دینے کی ہدایت دی ۔

 وزیر اعظم کو بریفنگ میں جولائی تا دسمبر دو ہزار پچیس کےتجارتی اعدادوشمارپیش کئےگئے، ہائی ویلیوسیکٹرزکی برآمدات بڑھانے سے متعلق آگاہ کیاگیا ۔ بتایا گیا ملکی برآمدات کوگلوبل ویلیوچین کاحصہ بنانے کے حوالے سے کام جاری ہے ، برآمد کنندگان کو سہولت دینے کے حوالے سے پورٹس اور لاجسٹکس کے نظام کو بہتری لائی جا رہی ہے،بتایا گیا کہ چاول کی برآمدات کے حوالے کئی ممالک سے گورنمنٹ ٹو گورنمنٹ معاہدوں پر بات چیت بھی کی جا رہی ہے ۔ 

وزیراعظم شہباز شریف نے پی آئی اے کے 75 فیصد حصص کی کامیاب  نجکاری کو بارش کا پہلا قطرہ قرار دیا، نجکاری کمیشن میں اصلاحات کے حوالے سے کام تیز کرنے کی ہدایت کرتے ہوئے کہا کہ خسارے کا شکار ریاستی ملکیتی اداروں کی نجکاری اوٌلین ترجیحات میں شامل ہے ۔

اسلام آباد میں وزیراعظم شہباز شریف کی زیر صدارت نجکاری کمیشن کے امور پر اہم اجلاس ہوا ۔  وزیر اعظم نے ہدایت کی کہ نجکاری کمیشن میں نجی شعبے سے بہترین صلاحیتوں کےحامل متعلقہ افراد رکھیں جائیں ، تمام تر تعیناتیاں انتہائی شفاف انداز میں میرٹ کی بنیاد پر کرنے پر زور  دیا۔ نجکاری کمیشن کو ڈیجیٹلائز کرنے اور تمام نجکاری منصوبوں کا بین الاقوامی معیار کی فرم سے تھرڈ پارٹی آڈٹ کروانے کی ہدایت بھی کردی۔

انہوں نے کہا کہ  نجکاری کمیشن میں پبلک ریلیشنز اور مارکیٹنگ کا شعبہ مزید بہتر بنایا جائے۔ اجلاس کو بریفنگ میں بتایا گیا کہ بجلی تقسیم کار کمپنیوں کی نجکاری کو ابتدائی طور پر دو بیچز میں رکھا گیا ہے، پہلےبیچ میں اسلام آباد ، گوجرانوالہ اور فیصل آباد الیکٹرک پاور کمپنیز جبکہ دوسرے بیچ میں حیدرآباد الیکٹرک سپلائی کمپنی اور سکھر الیکٹرک پاور کمپنی کی نجکاری ہو گی  ۔ نجکاری کمیشن میں فائنانس، ایچ آر، قانون،آئی ٹی اورمیڈیا ایڈوائرز مارکیٹ سے بھرتی کئےجائیں گے، اسٹریٹیجی، پالیسی، ٹرانزیکشن اور پاور کے شعبوں کے کنسلٹینس بھی مارکیٹ سے ہی مقرر کئے جائیں گے ۔

ورلڈ اکنامک فورم کا 56 واں سالانہ اجلاس رواں ماہ سؤیٹزرلینڈ میں ہوگاجس میں پاکستان کی نمائندگی وزیر اعظم شہباز شریف کریں گے ۔

ورلڈ اکنامک فورم کا سالانہ اجلاس 19 سے 23 جنوری تک ہوگا ، جس میں شرکت کیلئے وزیراعظم شہباز شریف 18 جنوری کو چار روزہ دورے پر سوئٹزرلینڈ روانہ ہوں گے ۔ وزیراعظم کی عالمی اقتصادی فورم میں شرکت کے موقع پر عالمی رہنماؤں سے اہم سائیڈ لائن ملاقاتیں بھی متوقع ہیں ۔

وزیر اعظم شہباز شریف سے سعودی سفیر نواف بن سعید احمد المالکی نے ملاقات کرکے حالیہ علاقائی اور عالمی پیش رفت پر تبادلہ خیال کیا ، وزیراعظم شہباز شریف نے مذاکرات اور سفارتکاری کے ذریعے امن و استحکام کو برقرار رکھنے کی ضرورت پر زور دیا۔

وزیر اعظم ہاؤس اسلام آباد میں ہونے والی ملاقات کے بعد جاری اعلامیے کے مطابق سعودی سفیر نے شاہ سلمان بن عبدالعزیز آل سعود اور ولی عہد شہزادہ محمد بن سلمان کا تہنیتی پیغام پہنچایا۔وزیراعظم شہباز شریف نے بھی خادم حرمین شریفین اور ولی عہد کیلئے نیک خواہشات کا اظہار کیا ۔

  شہباز شریف نے ضرورت کے وقت سعودی عرب کی جانب سے پاکستان کی مسلسل حمایت اور علاقائی امن و استحکام کے فروغ میں اس کے تعمیری کردار کو سراہا ۔ ولی عہد شہزادہ محمد بن سلمان کا پاکستان کی حمایت پر شکریہ ادا کیا جس کی بدولت دونوں ممالک ایک دوسرے مزید قریب آئے۔

وزیراعظم نے دونوں ممالک کے درمیان دیرینہ برادرانہ تعلقات کو مزید گہرا کرنے کے مضبوط عزم اور باہمی دلچسپی کے تمام شعبوں میں دوطرفہ تعاون بڑھانے کی خواہش کا اعادہ بھی کیا۔

 سال 2025 پاکستان کی خارجہ پالیسی اور سفارت کاری کے حوالے سے غیر معمولی طور پر متحرک اور اہم ثابت ہوا۔ پاکستان نے ایک جانب علاقائی اور عالمی فورمز پر اپنے اصولی مؤقف کو مؤثر انداز میں اجاگر کیا، تو دوسری جانب اعلیٰ قیادت کے بیرونی دوروں اور غیر ملکی وفود کی پاکستان آمد نے دوطرفہ تعلقات، اقتصادی تعاون اور اسٹریٹجک شراکت داری کو نئی جہت دی۔ پاکستان اور سعودی عرب کے درمیان مشترکہ دفاع کامعاہدہ اہم ترین پیش رفت تھا ۔

سال بھر صدرِ پاکستان، وزیراعظم، فیلڈ مارشل اور نائب وزیراعظم و وزیرِ خارجہ نے چین، سعودی عرب، ترکی، ایران، امریکا، یورپی ممالک، وسطی ایشیا اور مشرقِ وسطیٰ کے اہم دورے کیے، جن کے نتیجے میں دفاعی تعاون، تجارت، سرمایہ کاری اور سفارتی روابط کو فروغ ملا۔

مئی میں معرکۂ حق کے بعد پاکستان اور امریکا کے تعلقات ایک نئی عملی سمت میں داخل ہوئے۔ اعلیٰ سطحی سیاسی و عسکری روابط میں اضافہ ہوا، جبکہ امریکی صدر ڈونلڈ ٹرمپ نے متعدد مواقع پر وزیراعظم شہباز شریف اور فیلڈ مارشل عاصم منیر کی قیادت اور صلاحیتوں کو سراہا۔ دونوں ممالک کے درمیان دفاعی تعاون، انسدادِ دہشت گردی، انٹیلی جنس شیئرنگ اور علاقائی سلامتی کے شعبوں میں اشتراک مضبوط ہوا۔

پاکستان اور چین کے تعلقات بدستور پاکستان کی خارجہ پالیسی کا مرکزی ستون رہے۔ چین نے پاکستان کی معاشی ترقی، دفاعی صلاحیت اور انفراسٹرکچر کی تعمیر میں تعاون جاری رکھا، جبکہ سی پیک کے تحت توانائی، ٹرانسپورٹ اور صنعتی منصوبوں پر نمایاں پیش رفت ہوئی۔

سال 2025 کی اہم ترین سفارتی کامیابیوں میں پاکستان اور سعودی عرب کے درمیان دفاعی شراکت داری کا معاہدہ شامل ہے۔ سعودی عرب نے پاکستان میں سرمایہ کاری، توانائی اور ترقیاتی منصوبوں میں گہری دلچسپی کا اظہار کیا۔ فلسطین، غزہ اور امتِ مسلمہ کے دیگر مسائل پر دونوں ممالک کے مؤقف میں مکمل ہم آہنگی برقرار رہی۔

پاکستان نے اقوامِ متحدہ، او آئی سی، شنگھائی تعاون تنظیم اور دیگر عالمی فورمز پر فلسطین، کشمیر اور غزہ کی صورتحال پر دوٹوک اور اصولی مؤقف اپنایا، جسے عالمی سطح پر سراہا گیا۔

2025 کے دوران متعدد غیر ملکی سربراہانِ مملکت اور حکومتی شخصیات نے پاکستان کا دورہ کیا، جن میں ایران کے صدر ڈاکٹر مسعود پزشکیان، ترکی کے صدر رجب طیب ایردوان، اردن کے شاہ عبداللہ دوم، ملائیشیا کے وزیراعظم داتو سری انور ابراہیم، انڈونیشیا کے صدر پرابوو سوبیانتو اور قازقستان کے نائب وزیراعظم مورات نورتیلیو شامل ہیں۔

26 دسمبر کو متحدہ عرب امارات کے صدر شیخ محمد بن زاید النہیان نے پاکستان کا پہلا سرکاری دورہ کیا، جس کے دوران یو اے ای کی جانب سے فوجی فاؤنڈیشن میں ایک ارب ڈالر کے حصص خریدنے کا تاریخی معاہدہ طے پایا۔

ماہرین کے مطابق 2025 کی سفارتی کامیابیاں اس امر کی عکاس ہیں کہ پاکستان نے عالمی چیلنجز کے باوجود متوازن، فعال اور مؤثر سفارت کاری کے ذریعے اپنے قومی مفادات کا کامیابی سے تحفظ کیا۔

نائب وزیراعظم اور وزیر خارجہ اسحاق ڈار کی زیر صدارت اہم اجلاس۔ وزیراعظم شہباز شریف کے دورہ ڈیووس کی تیاریوں کا تفصیلی جائزہ لیا گیا۔

وزیراعظم شہباز شریف سوئٹزرلینڈ میں ورلڈ اکنامک فورم کے 56ویں سالانہ اجلاس میں شرکت کریں گے۔ورلڈ اکنامک فورم کا اجلاس  انیس سے 23جنوری 2026 میں سوئٹزرلینڈ میں منعقد ہوگا۔

اسحاق ڈار کی زیر صدارت اجلاس میں سیکرٹری خارجہ اور پاکستان کے مستقل نمائندہ برائے جنیوا نے ورلڈ اکنامک فورم کے مجوزہ پروگرام، ایجنڈے اور طے شدہ ملاقاتوں پر بریفنگ دی۔

نائب وزیراعظم اسحاق ڈار نے ہدایت کی کہ ڈیووس میں آنے والے عالمی سربراہانِ مملکت، حکومتوں اورمعروف مالیاتی و کاروباری اداروں کی قیادت سے زیادہ سے زیادہ ملاقاتیں یقینی بنائی جائیں۔

انہوں نے زور دیا کہ نجی شعبے کے ساتھ شراکت داری کے مواقع تلاش کیے جائیں تاکہ پاکستان میں سرمایہ کاری، تجارت اور معاشی تعاون کو فروغ دیا جا سکے۔

وفاقی حکومت کی مقامی ویکسین پالیسی سے متعلق اہم پیش رفت سامنے آ گئی ہے۔ وفاقی وزارتِ صحت نے مقامی ویکسین پالیسی وزیراعظم کو ارسال کر دی ہے۔

ذرائع کے مطابق وزیراعظم شہباز شریف مقامی ویکسین پالیسی پر جلد اجلاس طلب کریں گے، جس میں ماہرین سے مشاورت کے بعد پالیسی کو حتمی شکل دی جائے گی۔

ذرائع کا کہنا ہے کہ پالیسی کے تحت سال 2030 تک ہر قسم کی ویکسین مقامی سطح پر تیار کرنے کا ہدف مقرر کیا گیا ہے۔ اس اقدام سے مقامی فارماسیوٹیکل صنعت کی حوصلہ افزائی کی جائے گی۔

مقامی ویکسین کی تیاری کے نتیجے میں 2030 تک ایک ارب 20 کروڑ ڈالر کے قیمتی زرمبادلہ کی بچت متوقع ہے، جبکہ بھارت اور چین پر ویکسین کے لیے انحصار بھی کم ہو جائے گا۔

ذرائع کے مطابق کابینہ سے منظوری کے بعد بچوں کی 13 ویکسینز سمیت دیگر کئی اقسام کی ویکسین مقامی طور پر تیار کی جا سکیں گی۔

واضح رہے کہ پاکستان اس وقت سالانہ 50 کروڑ ڈالر سے زائد مالیت کی ویکسین درآمد کرتا ہے۔

وزیراعظم نے ایشیا کپ کی فاتح اندر 19 ٹیم کے ہر کھلاڑی کو1،1کروڑ دینے کا اعلان  کرتے ہوئے کہا کہ ٹیم نے قوم کا سر فخر سے بلند کیا۔

تفصیلات کے مطابق  شہباز شریف نے اس موقع پر ٹیم مینجمٹ کے ہر رکن کو 25 ، 25 لاکھ روپے دینے کا اعلان بھی کیا ، ان کا کہناتھا کہ ٹیم،انتظامیہ اور پی سی بی کی کاوشیں اور محسن نقوی کی محنت قابل قدر ہے۔

وزیراعظم نے تمام کھلاڑیوں،کوچز اور دیگر اسٹاف کو شاباش دی  اور کہا کہ بھارت کے ساتھ جنگ میں اﷲ تعالیٰ نے پاکستان کو فتح سے ہمکنار کیا، ایشیاکپ میں فتح سے قوم نے بھرپور خوشیاں منائیں، انڈر 19 ٹیم کی جیت ہمارے لئے اعزاز اور تاریخی دن تھا۔

کپتان اور کھلاڑیوں نے انعامات کے اعلان پر وزیراعظم کا شکریہ ادا کیا۔

وزیراعظم کی جانب سے ٹیم کے اعزاز میں ظہرانہ  دیا گیا جبکہ اس موقع پر کھلاڑیوں سے خطاب بھی کیا ۔چیئرمین پی سی بی،وزیراطلاعات عطاتارڑ اور پی سی بی حکام بھی ظہرانے میں موجود تھے ۔

وزیراعظم شہباز شریف نے امیرِ قطر شیخ تمیم بن حمد الثانی سے ٹیلیفونک رابطہ کیا اور قطر کے قومی دن کے موقع پر امیرِ قطر، شاہی خاندان، حکومت اور عوام کو دلی مبارکباد دی۔ وزیراعظم نے قطر کے لیے امن، ترقی اور خوشحالی کی نیک خواہشات کا اظہار کیا۔

وزیراعظم شہباز شریف نے امیرِ قطر کی دوراندیش قیادت اور عالمی سطح پر قطر کے مؤثر کردار کو سراہتے ہوئے پاکستان اور قطر کے درمیان دیرینہ اور کثیرالجہتی شراکت داری کو مزید مضبوط بنانے کے عزم کا اعادہ کیا۔ انہوں نے غزہ میں قیامِ امن کے لیے قطر کی قابلِ قدر سفارتی کوششوں کی تعریف کی۔

وزیراعظم نے پاک افغان کشیدگی میں کمی کے لیے قطر کی جانب سے مذاکرات میں سہولت کاری کے کردار کو بھی سراہا۔ اس موقع پر امیرِ قطر شیخ تمیم بن حمد الثانی نے قومی دن پر مبارکباد دینے پر وزیراعظم کا شکریہ ادا کیا اور دونوں برادر ممالک کے تعلقات کو مزید فروغ دینے کے پختہ عزم کا اظہار کیا۔

وزیراعظم شہبازشریف نے 2 دو روزہ سرکاری دورے پر ترکمانستان پہنچنے کے بعد اشک آبادمیں ترکمانستان کے صدر سے ملاقات کی جس دوران وزیراعظم شہبازشریف نے دوطرفہ تعلقات تجارتی اور اقتصادی روابط کو مضبوط بنانے کے عزم کا اظہار کیا ۔

تفصیلات کے مطابق وزیراعظم نے ایران اسرائیل جنگ کے دوران پاکستانیوں کے انخلامیں تعاون پر ترکمان حکومت شکریہ ادا کیا، شہبازشریف نے ترکمانستان کے ساتھ زمینی اور سمندری راستوں کے ذریعے روابط بڑھانے کی پاکستان کی خواہش کا اعادہ کیا اور کہا کہ کراچی اور گوادر  کی بندرگاہوں  کا جغرافیہ مثالی  ہے جسے ترکمانستان   جنوبی ایشیاء اور اس سے باہر اپنی رسائی کو بڑھانے کے لیے استعمال بروئے کار لاسکتا ہے۔

ترکمانستان کی جانب سے پاکستانی وفد کی شاندار مہمان نوازی پر ترکمان صدر کا شکریہ  ادا کیا اور ترکمانستان کے عوام کے قومی رہنما،  عزت مآب گربنگولی بردی محمدوف کیلئے نیک خواہشات کا اظہار کیا۔ وزیرِ اعظم نے ترکمانستان کی عوام کے قومی رہنما اور صدر سردار بردی محمدوف کو آئندہ برس  پاکستان کے سرکاری دورے کرنے کی دعوت کا اعادہ کیا۔

ترکمانستان کے صدر نے وزیر اعظم کے دورے اور امن و اعتماد کے بین الاقوامی فورم میں شرکت پر شکریہ ادا کیا اور یقین کہا کہ ترکمانستان پاکستان کے ساتھ باہمی دلچسپی کے متعدد شعبوں میں دوطرفہ تعاون کو بڑھانے کا خواہاں ہے۔

وزیر اعظم اشک آباد میں 12 دسمبر 2025 تک امن اور اعتماد کے عالمی سال (2025)، غیر جانبداری کے بین الاقوامی دن اور ترکمانستان کی مستقل غیرجانبداری کی 30 ویں سالگرہ کے موقع پر منائے جانے والے بین الاقوامی فورم میں شرکت کے لیے ترکمانستان کے دو روزہ سرکاری دورے پر ہیں۔  

وزیرِ اعظم کے ہمراہ نائب وزیرِ وزیراعظم و وزیر خارجہ سینیٹر محمد اسحاق ڈار، وزیر توانائی اویس احمد خان لغاری، وزیر اطلاعات عطاء تارڑ اور کابینہ کے دیگر ارکان اور اعلیٰ سرکاری افسران بھی ملاقات میں شریک تھے۔

وزیراعظم شہبازشریف 2 روزہ سرکاری دورے پر ترکمانستان پہنچ گئے ہیں جہاں اشک آباد میں پر’ تپاک استقبال کیا گیا، شہباز شریف آج میزبان صدر سے ملاقات کریں گے  جبکہ کل بین الاقوامی سال برائے امن و اعتماد فورم میں شرکت بھی کریں گے۔

وزیر اعظم پاکستان کا اشک آباد پہنچنے پر ترکمان کابینہ کے نائب چیئرمین محمد خان نے ان کا استقبال کیا ۔ ترکمان صدر سردار بردی محمدوف  کی دعوت پر وزیر اعظم پاکستان کے دورے میں نائب وزیراعظم و وزیرخارجہ اسحاق ڈار، وفاقی وزیرتوانائی اویس لغاری ، وزیراطلاعات و نشریات عطاء اللہ تارڑ، معاونین خصوصی طارق فاطمی اورطلحہ برکی بھی وفد میں شامل ہیں۔

 دو روزہ دورے کے دوران وزیراعظم اہم فورم میں شرکت کریں گے۔  فورم بین الاقوامی سال برائے امن و اعتماد اور عالمی دن برائے غیرجانبداری کے حوالے سے منعقد کیا جا رہا ہے۔ ترکمانستان کی تیس سال کی مستقل غیر جانبداری کی سالگرہ بھی منائی جارہی ہے۔ فورم میں شریک عالمی رہنماؤں سے بھی دو طرفہ ملاقاتیں ہوں گی۔

وزیراعظم شہبازشریف نے کرغزستان بزنس فورم سے خطاب کرتے ہوئے کہا کہ  20سال بعد کرغزستان کا اعلیٰ سطح وفد پاکستان کا دورہ کر رہا ہے، خواہش ہے دونوں ممالک کی تاجر برادری سال میں ایک بار باہمی دورے کرے، ریل منصوبہ خطے کیلئے اہم معاشی موقع ہے، کراچی اور گوادر پورٹ کرغزستان کیلئے بہترین رسائی فراہم کر سکتی ہیں۔

تفصیلات کے مطابق وزیراعظم شہبازشریف کا کہناتھا کہ پاکستان کے 8500 طلبا کرغزستان میں میڈیکل کی تعلیم حاصل کر رہے ہیں، دونوں ممالک نے دوطرفہ تجارتی حجم 20 کروڑ ڈالر تک بڑھانے پر اتفاق کیا ہے، پاکستان،کرغزستان ثقافتی پروگرام جلد دونوں ممالک میں ہوں گے، کاسا 1000 منصوبے کیلئے پاکستان کی مکمل حمایت جاری ہے، کاسا منصوبے کا پاکستان کا حصہ جلد مکمل ہو جائے گا، ایس آئی ایف سی پاکستان میں سرمایہ کاری کیلئےون ونڈو سہولت ہے۔

وزیراعظم نے کہا کہ پاکستان میں مختلف شعبوں میں سرمایہ کاری کے پُرکشش مواقع ہیں، کرغز کاروباری افراد اور پاکستانی صنعتکار تجارت کے فروغ کیلئے ملکر کام کر سکتے ہیں، آئی ٹی اور اےآئی تربیت کیلئے اقدامات جاری ہیں، پاکستانی ٹیکسٹائل،زراعت اور سیاحتی شعبہ تیزی سے فروغ پا رہا ہے، پاکستان موسمیاتی تبدیلی سے متاثر ہو رہا ہے، موسمیاتی تبدیلی مشترکہ چیلنج،مشترکہ حکمت عملی ضروری ہے، پاکستان کرغز دوستی کو مضبوط معاشی شراکت میں بدلنا ہے۔

کرغزستان کے صدر نے کہا کہ  پاکستان آمد پر بےحد خوش ہوں،دوطرفہ تعلقات مضبوط ہو رہے ہیں، پاکستان کے پائیدار ترقیاتی اہداف کی مکمل حمایت کرتےہیں، کرغزستان اور پاکستان میں تجارت کے امکانات میں بہت وسعت ہے، لاجسٹک رابطوں سے دونوں ممالک عالمی مارکیٹوں تک پہنچ سکتے ہیں، جنوبی ایشیا اور یورپ کے درمیان تجارت کیلئے پل کا کردار ادا کر سکتے ہیں۔

سینیٹر فیصل واوڈا نے چیف آف ڈیفنس فورسز کا نوٹیفکیشن تاحال جاری نہ ہونے کی وجہ بتا دی ، انہوں نے کہا کہ صرف وزیر اعظم کی وطن واپسی کا انتظار تھا، نوٹیفکیشن بھی ہوگا اور خصوصی تقریب بھی ہوگی۔۔

تفصیلات کے مطابق فیصل واوڈا نے سماء نیوز کے ساتھ خصوصی گفتگو کرتے ہوئے کہا کہ سہیل آفریدی راہ راست پر نہ آئے تو کے پی میں گورنر راج لگ سکتا ہے، گورنرراج  دو چار ماہ کیلئے نہیں ہوگا ۔ اس کی مدت بڑھتی جائے گی۔

وزیراعظم کے مشیر رانا ثناء اللہ نے سماء نیوز کے پروگرام ’’ ندیم ملک لائیو‘‘ میں خصوصی گفتگو کرتے ہوئے کہا کہ قانون  قیدی سے وکلا،فیملی کی  ملاقات کی اجازت دیتا ہے، ایساقانون نہیں جو اجازت دے قیدی حکومت،ریاست کیخلاف تحریک چلائے، کوئی قانون کسی قیدی کو جلاؤ گھیراؤ اور تحریک کی اجازت نہیں دیتا، بانی پی ٹی آئی سے ملاقات پر پابندی جیل حکام نے ہی لگائی ہو گی۔

تفصیلات کے مطابق راناثنااللہ نے کہا کہ جیل حکام نے رپورٹ کیا ہو گا کہ یہاں ایسی گفتگو ہوتی ہے، بانی پی ٹی آئی سے ملاقات پر کس نےپابندی لگائی،میرے علم میں نہیں، بانی پی ٹی آئی نے سیاست کا بٹھہ بٹھا دیا،وہ نفرت اور گالم گلوچ لائے، پہلے سیاست میں ایسے حالات نہیں تھے،بانی پی ٹی آئی نے جو رویہ اختیار کیا کسی نے اختیار نہیں کیا، جماعت اسلامی نے اسلام آباد میں فلسطین مارچ کیا،اجازت دی گئی، ایک اور مذہبی سیاسی جماعت اسلام آبادآناچاہتی تھی،اس کو روکا گیا۔

انہوں نے کہا کہ شہبازشریف نے بات چیت اور میثاق استحکام پاکستان کی دعوت دی، تحریک انصاف کو بات چیت کی دعوت دی گئی،بیٹھیں گے تو ماحول بنے گا،تحریک انصاف بیٹھے اور بانی پی ٹی آئی سے ملاقات سے ہی شروع کرے، وزیراعظم نے ایوان میں کہا ہر مسئلے پر بات چیت کیلئے تیار ہیں، بانی پی ٹی آئی اڈیالہ جیل میں ہیں، ان کی صحت ٹھیک ہے، انہیں جیل میں تمام سہولیات حاصل ہیں اور وہ خیرو عافیت سے ہیں ۔

ان کا کہناتھا کہ 26نومبر کو ہم نے کچھ نہیں کیا، پچھلے سال 26 نومبر کو پی ٹی آئی کو سنگجانی جانے کی دعوت دی تھی، کوئی شخص میرے گھر پر بندوق لے کرآئے تو میں اپنا دفاع نہ کروں؟ کوئی اسلام آباد پر حملہ آور ہو تو قانون نافذ کرنے والے ادارے کچھ نہ کریں؟ کوئی بندہ قانون نافذ کرنیوالوں پر گولیاں چلائے گا تو کوئی پھول نہیں برسائے گا، 26 نومبر احتجاج،تحریک انصاف کے کارکنان کے پاس بے پناہ اسلحہ تھا، کوئی بندہ قانون نافذ کرنیوالوں پر گولیاں چلائے گا تو کوئی پھول نہیں برسائے گا، محمود اچکزئی حکومت کے ساتھ بیٹھے تو پی ٹی آئی انہیں چلتا کرے گی۔ 

وزیراعظم شہباز شریف سےنومنتخب لیگی اراکین قومی اسمبلی نے ملاقات کی جس دوران  وزیر اعظم نے کہا امید ہے نو منتخب ارکان  قانون سازی میں بھرپور شامل ہو کراپنا بھرپور کرداراداکریں گے ۔

وزیراعظم شہباز شریف سے نومنتخب لیگی ایم این ایز بابر نواز، بلال فاروق تارڑ،بلال بدر،راجہ دانیال،حافظ نعمان،طفیل جٹ اورمحمود قادر نے ملاقات کی ، وزیراعظم نےنومنتخب اراکین قومی اسمبلی کوضمنی انتخابات میں کامیابی پر مبارکباد دی اوران کیلئےنیک خواہشات کا اظہار کیا ، وزیر اعظم نے کہا ضمنی الیکشن میں کامیابی نوازشریف کی بےمثال قیادت اورمحنت کی بدولت حاصل ہوئی، یہ  کامیابی وزیراعلیٰ پنجاب مریم نوازپرعوام کےاعتماد کی بھی عکاس ہے، شہباز شریف نے کہا امید ہے نو منتخب ارکان اسمبلی اپنے حلقےکے عوام کی فلاح و بہبود کے لیے دل جمعی سے کام کریں گے ۔

وزیر اعظم محمد شہباز شریف سے سعودی عرب کی مسلح افواج کے چیف آف جنرل اسٹاف جنرل فیاض بن حامد الرویلی نے آج وزیر اعظم ہاؤس، اسلام آباد میں ملاقات کی جس کے دوران دونوں ممالک کے درمیان تاریخی برادرانہ تعلقات کو مضبوط تر کرنے کے عزم کا اعادہ کیا گیا۔

تفصیلات کے مطابق  وزیراعظم نے  خادم حرمین شریفین اور ولی عہد شہزادہ محمد بن سلمان کیلئےنیک تمناؤں کا اظہار کیا، جبکہ ملاقات میں سعودی عرب کیساتھ اقتصادی، دفاعی ،سیکیورٹی و تمام شعبوں تعلقات مزید مضبوط بنانےکے عزم کا اعادہ  کیا گیا ۔

وزیراعظم نے پاکستان کو ہروقت فراہم کی جانے والی غیرمتزلزل سعودی حمایت کو سراہا اور کہا کہ پاک سعودی عرب تعلقات مشترکہ عقیدے ،یکساں اقداراورباہمی اعتماد پرمبنی ہیں، وزیراعظم نے گزشتہ دو ماہ کے دوران ریاض کے اپنے انتہائی کامیاب دوروں کا ذکر بھی کیا ۔

وزیراعظم شہبازشریف نے کہا کہ دونوں ملک ہر قسم کی دہشت گردی اور انتہا پسندی کا مقابلہ کرنے کیلئے مشترکہ عزم رکھتے ہیں۔ شہبازشریف نے خطے میں امن و استحکام کو فروغ دینے کیلئے دونوں ممالک کے مشترکہ عزم کا بھی حوالہ دیا۔

جنرل الرویلی نے سعودی قیادت کی جانب سے وزیراعظم اور پاکستانی عوام کو تہنیتی پیغام پہنچایا۔ ملاقات میں نائب وزیراعظم اسحاق ڈار، فیلڈ مارشل عاصم منیر، وزیر دفاع خواجہ آصف اور دیگر بھی موجود تھے۔

وزیراعظم شہباز شریف کی زیرِ صدارت ریلوے امور پر اہم اجلاس ہوا جس میں ریلوے اراضی کے لیے پبلک پرائیویٹ پارٹنرشپ ماڈل اپنانے کا فیصلہ کرلیا گیا جبکہ ریلوے نظام کی بحالی ، ڈیجٹائزیشن اور آؤٹ سورسنگ سے اربوں روپے اضافی ریونیو کی توقع ہے۔

وزیراعظم شہباز شریف کی زیر صدارت پاکستان ریلویز کے امور پر اہم اجلاس میں ریلوے کی زمین اور پراپرٹی کے معاملات کے لیے پبلک پرائیویٹ پارٹنرشپ ماڈل اپنانے کا فیصلہ کیا گیا۔

وزیراعظم نے کہا کہ ریلوے کسی بھی ملک کی معیشت اور ٹرانسپورٹ کے لیے ریڑھ کی ہڈی کی حیثیت رکھتی ہے جبکہ نظامِ ریلوے کی بحالی کے لیے اٹھائے گئے حالیہ اقدامات قابلِ تحسین ہیں۔

اجلاس کو بتایا گیا کہ پاکستان ریلوے کی بہتری کے لیے متعدد اقدامات جاری ہیں، "رابطہ" کے سات ڈیجیٹل پورٹلز موثر طور پر کام کر رہے ہیں اور چھپن ٹرینوں کو اس پلیٹ فارم پر منتقل کیا جاچکا ہے، ملک بھر کے چون ریلوے اسٹیشن ڈیجیٹائز ہو چکے ہیں جبکہ کراچی، لاہور، راولپنڈی اور فیصل آباد کے اسٹیشنوں پر مفت وائی فائی دستیاب ہے۔

مزید اڑتالیس اسٹیشنوں پر اکتیس دسمبر 2025 تک یہ سہولت فراہم کر دی جائے گی۔

فریٹ کی آن لائن بکنگ کا آغاز کر دیا گیا ہے جبکہ کراچی سٹی اسٹیشن پر ڈیجیٹل ویئنگ برج کا پائلٹ پراجیکٹ بھی شروع ہو چکا ہے جو اگلے مرحلے میں پپری، کراچی چھاؤنی، پورٹ قاسم، لاہور اور راولپنڈی تک بڑھایا جائے گا۔

راولپنڈی اسٹیشن پر مصنوعی ذہانت سے لیس 148 سرویلنس کیمرے نصب کر دیے گئے ہیں۔

اسٹیشنوں پر اے ٹی ایمز نصب کرنے، صفائی کے نظام کو بہتر بنانے اور مسافروں کے لیے معیاری انتظار گاہوں اور انفارمیشن ڈیسک قائم کرنے پر بھی پیش رفت جاری ہے۔

اجلاس کو بتایا گیا کہ چار ٹرینیں آؤٹ سورس کی جا چکی ہیں اور مزید گیارہ ٹرینوں کی آؤٹ سورسنگ کا عمل جاری ہے جس سے ساڑھے آٹھ ارب روپے کا اضافی ریونیو متوقع ہے۔

اسی طرح چالیس لگیج وینز کی آؤٹ سورسنگ سے آٹھ سو بیس ملین روپے اور دو کارگو ایکسپریس ٹرینوں سے چھ ارب تیس کروڑ روپے اضافی آمدن کی توقع ہے۔

نائب وزیراعظم ووزیرخارجہ اسحاق ڈار کے دورہ برسلز میں اہم ملاقاتوں کا سلسلہ جاری ہے، یورپی یونین کے کمشنر برائے داخلی امور میگنس برنر اور سیکرٹری جنرل نیٹو مارک روٹے کے ساتھ بیٹھک میں ہنر مند افرادی قوت کی قانونی منتقلی اور باہمی دلچسپی کے امور پر تفصیلی بات کی گئی ۔

اسحاق ڈار برسلز میں نیٹوہیڈکوارٹرز پہنچے جہاں سیکرٹری جنرل نیٹومارک روٹےنے ان کا خیرمقدم کیا ، دونوں رہنماؤں کی ملاقات میں خطےکی صورتحال،علاقائی وعالمی سلامتی اورباہمی دلچسپی کےامورپرتبادلہ خیال کیا گیا ، پاکستان اورنیٹو کےدرمیان باہمی تعلقات کے فروغ کے مختلف پہلوؤں پر بھی بات چیت ہوئی ، اسحاق ڈارنے مذاکرات اور سفارتکاری کے ساتھ عالمی معاہدوں کی پاسداری یقینی بنانے کی ضرورت پر زور دیا اور کہا کہ پاکستان جنوبی ایشیا کوپرامن، مستحکم اور خوشحال بنانے میں مثبت کردارادا کرنے کیلئے پر عزم ہے، نائب وزیراعظم و وزیرخارجہ اسحاق ڈار کی یورپی یونین کے کمشنر برائے داخلی امورمیگنس برنر سے ملاقات میں پاکستان سے ہنرمند لیبر کی یورپی یونین میں قانونی منتقلی آسان بنانے پر تبادلہ خیال کیا گیا ۔ فریقین نے  پاک ای یو مائیگریشن موبلٹی ڈائیلاگ کے نتائج پر اطمینان  کا اظہار کیا ،  نقل مکانی اور مزدوروں کی نقل وحرکت سے متعلق چیلنجز سے نمٹنے کیلئے تعاون بڑھانے پر زور دیا گیا ۔

آزادکشمیر کے نو منتخب وزیر اعظم فیصل ممتاز راٹھور نے قانون ساز اسمبلی سے اپنے پہلے خطاب میں کہا ہےکہ آزاد کشمیر میں ایک جمود ٹوٹ گیا ہے،وزارت عظمیٰ کی صورت میں مجھ پر جو بھاری ذمہ داری ڈالی گئی ہے اس پر پورا اترنے کی بھرپور کوشش کروں گا۔

وزیر اعظم منتخب ہونے کے بعد خطاب کرتے ہوئےان کا کہنا تھا یہ تاثرختم کرنے  کرنے کی کوشش کروں گا کہ حکمران صرف عیاشی کیلئے بنتے ہیں، آزاد کشمیر میں اصلاحات لائی جائیں گی۔ ریاست میں صرف بیس سیکرٹریز ہو گے۔ زائد اسامیاں ختم کیجائیں گی اورسیکرٹری کے پاس صرف ایک گاڑی ہو گی گریڈ 18 سے نیچے کسی کے پاس گاڑی نہیں ہو گی ، ٹرانسپورٹ پالیسی لاکر گاڑیوں کا بے دریغ استعمال ختم کیا جائے گا ۔

انہوں نےکہا کہ گریڈ ایک کے تمام غیرمستقل ملازمین کو مستقل کیا جائے گا ، عوامی شکایات سننے کیلئے کچہریاں لگائی جائیں گی اورشکایات بکس نصب کئے جائیں گے۔اعلی عدلیہ کی مشاورت سے عدالتی اصلاحات لائی جائیں گی۔فیصل ممتاز راٹھور کا کہنا تھا کہ وہ منتخب ضرور پیپلز پارٹی کے ٹکٹ پر ہوئےہیں لیکن آزاد کشمیر کی عوام کا وزیر اعظم ہوں اور اتحادی جماعتوں اور اپوزیشن کوساتھ لیکر چلوں گا۔

آزاد کشمیر قانون ساز اسمبلی میں وزیراعظم آزاد کشمیر چوہدری انوارالحق کے خلاف تحریکِ عدم اعتماد کامیاب ہو گئی جبکہ  فیصل ممتاز راٹھور  نئے وزیراعظم آزاد کشمیر منتخب ہوگئے۔

تفصیلات کے مطابق  وزیراعظم چوہدری انوار الحق کیخلاف عدم اعتماد کی قرار داد کے حق میں 36 ووٹ آئے جبکہ 2 اراکین نے مخالفت میں ووٹ دیا ، نئے وزیراعظم کے امیدوار فیصل ممتاز راٹھور کے حق میں 36 ووٹ آئے ، اس طرح وہ آزاد کشمیر کے نئے وزیراعظم منتخب ہو گئے ۔

قبل ازیں، پیپلز پارٹی کے رکن قاسم مجید نے ایوان میں تحریک عدم اعتماد پیش کی۔یہ تحریک جمعے کی دوپہر اسمبلی سیکریٹریٹ میں جمع کرائی گئی تھی، جس پر 25 اراکین نے دستخط کیے تھے، جن میں 23 ارکان کا تعلق پیپلز پارٹی اور 2 کا مسلم لیگ (ن) سے تھا۔

اسپیکر چوہدری لطیف اکبر کی زیر صدارت اجلاس میں پیپلز پارٹی اور مسلم لیگ (ن) کے ارکان کے ساتھ ساتھ قائدِ حزبِ اختلاف خواجہ فاروق احمد بھی شریک ہیں۔

اپریل 2023 میں توہینِ عدالت کے الزام میں تنویر الیاس کو نااہل قرار دے دیا گیا تھا، جس کے بعد چوہدری انوارالحق نے منصب سنبھالا تھا.

وزیراعظم شہباز شریف نے پاکستان میں گوگل کی جانب سے دفاتر کے قیام اورسرمایہ کاری کا خیرمقدم کرتے ہوئے کہا کہ روز اول سے پاکستان کو ڈیجیٹل نیشن بنانے کیلئے اقدامات کو اولین ترجیح دی۔ گوگل کی پاکستانی نوجوانوں کو آئی ٹی تربیت مفاہمتی یادداشت اسی سلسلےکی کڑی ہے۔

وزیراعظم  شہباز شریف نے ہری پور میں گوگل کی مصنوعات کی اسمبلی لائن کے قیام کو خوش آئند قرار دیا۔ کہا گوگل جیسی عالمی آئی ٹی کمپنیزکی پاکستان میں سرمایہ کاری حکومتی پالیسیوں پراعتماد کا اظہار ہے۔ آئی ٹی مصنوعات کی مقامی تیاری سےپاکستانی عوام کیلئےیہ مصنوعات سستی ہوں گی۔  برآمدی صنعت کی ترقی سے زر مبادلہ میں بھی اضافہ ہوگا۔  وزیراعظم  نے کہا کہ حکومت نوجوانوں کو آئی ٹی کے شعبے میں بااختیار بنانے کیلئے ہر ممکن اقدامات کر رہی ہے۔  نوجوانوں بشمول خواتین کیلئے آئی ٹی کے تربیتی پروگرام جاری ہیں۔

وزیراعظم شہبازشریف نے مجوزہ 27 آئینی ترمیم کیلئے اتحادی جماعتوں کواعتمادمیں لینےکافیصلہ کرلیا  ہے۔

وزیراعظم شہبازشریف اتحادی جماعتوں کےکابینہ ارکان کواعتماد میں لیں گے، ذرائع کے مطابق ایم کیوایم،آئی پی پی، ق لیگ اوربلوچستان عوامی پارٹی کی قیادت سے مشاورت ہو گی، وزیراعظم 27 آئینی ترمیم سےمتعلق صدرمملکت اوربلاول بھٹوکواعتمادمیں لےچکےہیں  جبکہ  اتحادی جماعتوں کےکابینہ ارکان سے آئندہ ایک دو روز میں وزیراعظم کی ملاقات متوقع ہے ۔

 وزیراعظم شہباز شریف کی جانب سے مصروفیات کے باعث برازیل میں ہونے والی کوپ تھرٹی کانفرنس میں شرکت نہ کرنے کا امکان  ہے ، وزیراعظم نے وفاقی وزیر موسمیاتی تبدیلی مصدق ملک کو اپنی جگہ نامزد کر دیا۔

کاپ تھرٹی  کانفرنس رواں ماہ برازیل کے شہر بیلم میں ہوگی۔ وفاقی وزارتِ موسمیاتی تبدیلی نے کانفرنس میں شرکت کیلئے تیاریاں مکمل کر لیں۔ وزیراعظم شہباز شریف نے کانفرنس میں پاکستان کی نمائندگی کیلئے وفاقی وزیر موسمیاتی تبدیلی مصدق ملک کو اپنی جگہ نامزد کر دیا۔ ڈاکٹر مصدق ملک آج برازیل روانہ ہونگے۔

وزیراعلی پنجاب مریم نواز،سینئر وزیر پنجاب مریم اورنگزیب بھی کانفرنس میں شرکت کریں گی۔ کانفرنس کے دوران پاکستان ہر سال پچاس سے ساٹھ بلین ڈالر کی کلائمیٹ فنانسنگ کا مطالبہ کرے گا۔ چاروں صوبوں، جی بی اور آزاد کشمیر کے پروجیکٹس بھی پیش کیے جائیں گے۔  حکام وزارت موسمیاتی تبدیلی کے مطابق پاکستان کو دوہزار تیس  تک تین سو اڑتالیس  بلین ڈالر کی کلائمیٹ فنانسنگ درکار ہے۔

ایوان صدر میں صدر مملکت آصف علی زرداری اور وزیراعظم شہباز شریف کے درمیان اہم ملاقات  ہوئی جس دوران  آزادکشمیر میں اِن ہاؤس تبدیلی پر مشاورت کی گئی۔

تفصیلات کے مطابق وزیراعظم اور صدر مملکت کے درمیان ہونے والی ملاقات میں سیاسی صورتحال ،  اہم قومی امور ، خطے کی صورتحال اور سیکیورٹی معاملات پر  بھی تبادلہ خیال  کیا گیا۔

وزیراعظم شہبازشریف  اور صدر مملکت کے درمیان ملاقات میں بلاول بھٹو،اسحاق ڈار اور دیگر رہنما بھی شریک ہوئے ۔

وزیراعظم شہباز شریف سے وفاقی وزیر داخلہ محسن نقوی  نے اہم ملاقات کی جس دوران اپنے حالیہ دورہ عمان اور ایران کی تفصیلات سے آگاہ کیا  جبکہ علاقائی روابط اور وزارت کے امور پر بریفنگ بھی دی ۔

ملاقات میں وزارتِ داخلہ سے متعلق اہم امور، سیکیورٹی صورتحال اور علاقائی روابط پر گفتگو ہوئی۔ وزیر داخلہ نے عمانی اور ایرانی حکام سے ہونے والی ملاقاتوں میں زیر بحث آنے والے نکات، دوطرفہ سیکیورٹی تعاون، امیگریشن مسائل، اور بارڈر منیجمنٹ پر پیش رفت سے متعلق بریفنگ دی۔

وزیراعظم نے دونوں ہمسایہ ممالک سے قریبی تعاون کو خطے میں امن، استحکام اور معاشی ترقی کے لیے اہم قرار دیا۔ ہدایت کی کہ خطے میں سیکیورٹی چیلنجز کے تناظر میں بارڈر سیکیورٹی، منشیات اور انسانی اسمگلنگ کے خلاف مشترکہ حکمت عملی کو مزید مؤثر بنایا جائے۔ملاقات میں وزارتِ داخلہ کے دیگر جاری منصوبوں، نیشنل ایکشن پلان پر عملدرآمد، شہروں کی سیکیورٹی، ایف آئی اے کی کارکردگی، اور نادرا کے ڈیجیٹل اصلاحاتی اقدامات پر بھی تبادلہ خیال ہوا۔

وزیراعظم نے وزارتِ داخلہ کی کوششوں کو سراہتے ہوئے کہا کہ  عوام کے جان و مال کا تحفظ حکومت کی اولین ترجیح ہے، سیکیورٹی اداروں کو تمام وسائل فراہم کیے جائیں گے۔

وزیراعظم شہبازشریف اور سعودی ولی عہد محمد بن سلمان کے درمیان ہونے والی ملاقات کا مشترکہ اعلامیہ جاری کر دیا گیاہے۔

تفصیلات کے مطابق  شہزادہ محمد بن سلمان اور شہباز شریف کی ملاقات ریاض میں ہوئی، ملاقات میں اقتصادی تعاون کا فریم ورک شروع کرنے پر اتفاق کیا گیا،فریم ورک دونوں ممالک کے مشترکہ اقتصادی مفادات پر مبنی ہے۔

ملاقات میں تجارت اور سرمایہ کاری کے تعلقات مضبوط بنانے کیلئے باہمی خواہش کا اعادہ کیا گیا، فریم ورک کے تحت کئی بڑے منصوبوں پر تبادلہ خیال کیا جائے گا، اقتصادی،تجارتی،سرمایہ کاری اور ترقیاتی شعبوں کے کئی اہم منصوبے شامل ہیں ،  منصوبے باہمی تعاون مضبوط،نجی شعبے کا کردار اور تجارتی تبادلے بڑھانے میں معاون ہوں گے۔

اعلامیہ  کے مطابق فریم ورک کے ترجیحی شعبوں میں توانائی،صنعت، کان کنی، آئی ٹی،سیاحت، زراعت اور غذائی تحفظ شامل  ہے، پاکستان اور سعودی عرب کئی مشترکہ اقتصادی منصوبوں  پر کام بھی کررہے ہیں، بجلی کی ترسیل کے منصوبے کے لیے مفاہمتی یادداشت  پر دستخط بھی شامل ہیں۔

دونوں ممالک کے مابین توانائی کے شعبے میں تعاون کی مفاہمتی یاداشت پر دستخط بھی شامل ہیں۔ فریم ورک باہمی برادرانہ تعلقات مضبوط بنانے کے لیے اقدامات کی عکاسی کرتا ہے، اقتصادی،تجارتی اور سرمایہ کاری میں پائیدار شراکت داری مشترکہ وژن کی توثیق ہے، فریم ورک دونوں ممالک کی قیادت اور عوام کی امنگوں کی ترجمانی کا عکاس ہے، باہمی مفادات کے حصول کی تکمیل کی خواہش کی بھی عکاسی کرتا ہے،دونوں رہنما سعودی پاکستانی سپریم کوآرڈینیشن کونسل اجلاس کے بھی منتظر ہیں۔ 

برطانوی وزیر اعظم کیئر اسٹارمر اور ترک صدر رجب طیب اردوان کے درمیان پیر کو 20 یوروفائٹر ٹائیفون جنگی طیاروں کی خریداری کے معاہدے پر دستخط ہو گئے۔

رائٹرز کے مطابق طیاروں کی مالیت 8 ارب پاؤنڈ (10.7 ارب ڈالر) ہے، جولائی میں ترکی اور برطانیہ کے درمیان 40 یوروفائٹر طیاروں کی خریداری کا ابتدائی معاہدہ ہوا تھا، جسے یوروفائٹر کنسورشیم کے رکن ممالک جرمنی، اٹلی اور اسپین نے بھی منظوری دی تھی۔ یہ طیارے ایئربس، بی اے ای سسٹمز اور لیونارڈو کے تعاون سے تیار کیے جاتے ہیں۔

پیر کے روز انقرہ میں ہونے والی ملاقات میں برطانوی وزیر اعظم اسٹارمر اور ترک صدر اردوان نے معاہدے پر دستخط کیے۔ ترکی، جو حالیہ برسوں میں مغرب کے ساتھ اپنے تعلقات بہتر بنا چکا ہے، اپنی قدیم ایف-16 فضائی بیڑے کی جگہ نئے یوروفائٹر اور ممکنہ طور پر امریکی ایف-35 طیارے شامل کرنا چاہتا ہے۔

ترکی اپنی مقامی "KAAN" فائٹر جیٹ پروگرام پر بھی کام کر رہا ہے، تاہم ان طیاروں کی تیاری میں وقت لگنے کے باعث انقرہ نے یوروفائٹرز سے فوری خلا پر کرنے کا فیصلہ کیا ہے۔

وزیراعظم شہباز شریف نویں فیوچرانویسٹمنٹ انیشی ایٹیو کانفرنس میں شرکت کیلئے سعودی عرب پہنچ گئے، ریاض میں فیوچر انویسٹمنٹ انیشی ایٹیو کانفرنس میں شرکت  کے ساتھ عالمی رہنماؤں اور اداروں کے سربراہان سے ملاقاتیں بھی کریں گے۔

وزیراعظم شہباز شریف شاہ خالد انٹرنیشنل ایئرپورٹ پہنچے جہاں ریاض کے نائب گورنر محمد بن عبدالرحمٰن نے استقبال کیا۔  نائب وزیراعظم  اسحاق ڈار،  وزیر خزانہ محمد اورنگزیب، وزیراطلاعات عطا تارڑ ،  معاونین خصوصی طارق فاطمی اور بلال بن  ثاقب بھی وفد کا حصہ ہیں۔

 وزیراعظم شہباز شریف فیوچر انویسٹمنٹ انیشی ایٹیو کی نویں کانفرنس میں  پاکستان کی نمائندگی کریں گے۔ وزیراعظم کی سعودی قیادت سے ملاقاتیں بھی ہوں گی۔ ملاقاتوں میں تجارت، سرمایہ کاری، توانائی اور افرادی قوت کے شعبوں میں تعاون پر تبادلہ خیال ہوگا۔ باہمی دلچسپی کے عالمی و علاقائی امور پر بھی گفتگو ہوگی۔

وزیراعظم  شہباز شریف کانفرنس میں شریک عالمی رہنماؤں اور عالمی اداروں کے سربراہان سے بھی ملیں گے۔ ملاقاتوں میں پاکستان میں سرمایہ کاری اور پائیدار ترقی کے حوالے سے تعاون کی استعداد پر گفتگو ہوگی۔ وزیراعظم کو دورے کی دعوت سعودی ولی عہد محمد بن سلمان نے دی تھی۔

وزیرِ اعظم لیپ ٹاپ اسکیم کے تحت رواں ماہ کے آخر تک ملک بھر میں ایک لاکھ طلبا میں مفت لیپ ٹاپ تقسیم کیے جائیں گے۔

لیپ ٹاپ کی تقسیم کا باقاعدہ آغاز تیس اکتوبر سے کیا جائے گا، مرکزی تقریب جناح کنونشن سینٹر اسلام آباد میں منعقد ہوگی۔ہائیر ایجوکیشن کمیشن نے میرٹ کے تحت لیپ ٹاپ اسکیم سے استفادے کے اہل قرار پانے والے طلبا کی فہرست جاری کردی ہے ۔ مرکزی تقریب کے بعد صوبائی دارالحکومتوں میں بھی تقسیم کی تقریبات کا انعقاد کیا جائے گا ۔ وزیرِ اعظم لیپ ٹاپ اسکیم کا مقصد ٹیکنالوجی کے میدان میں دنیا کے ہم پلہ بننے کیلئے نوجوانوں کو ڈیجیٹل تعلیم اور تحقیق کے لیے جدید سہولتیں فراہم کرنا ہے ۔

وزیراعظم شہباز شریف آئندہ ہفتے سعودی عرب کا تین روزہ دورہ کریں گے جہاں وہ عالمی سرمایہ کاری کانفرنس میں شرکت  کیلئے کریں گے۔

تفصیلات کے مطابق بین الاقوامی فیوچر انویسٹمنٹ انیشی ایٹو کانفرنس میں شرکت کیلئے اعلیٰ سیاسی اور عسکری قیادت بھی وزیراعظم کے ہمراہ ہوگی ۔ یہ کانفرنس سعودی عرب کے وژن دو ہزار تیس کے تحت منعقد کی جا رہی ہے جس میں دنیا بھر سے سرمایہ کار، معاشی ماہرین اور بزنس لیڈر شرکت کریں گے۔ وزیراعظم شہباز شریف اس موقع پر پاکستان میں سرمایہ کاری کے مواقع، معاشی اصلاحات اور حکومتی اقدامات کو اجاگر کریں گے۔

ذرائع کے مطابق وزیراعظم کی کانفرنس کے دوران عالمی سرمایہ کاروں، کاروباری اداروں اور سعودی قیادت سے ملاقاتیں بھی متوقع ہیں۔ ملاقاتوں میں توانائی، زراعت، آئی ٹی، مائننگ، اور انفراسٹرکچر سمیت مختلف شعبوں میں تعاون پر بات چیت ہو گی۔ وزیراعظم اپنے خطاب اور انٹریکشنز میں پاکستان میں غیر ملکی سرمایہ کاری کے لیے دی جانے والی مراعات، پالیسی اصلاحات اور پائیدار ترقیاتی منصوبوں پر روشنی ڈالیں گے۔ سعودی وژن دو ہزار تیس اور پاکستان کے ترقیاتی اہداف میں اشتراک پر بھی اہم مشاورت ہو گی۔

وزیراعظم شہبازشریف نے کہا ہے کہ صوبائی حکومتیں، وفاقی وصوبائی ادارے غیرقانونی طور پر موجود افغان باشندوں کی جلد وطن واپسی یقینی بنائیں گے، افغانستان کا پاکستان پر حالیہ حملہ اور خوارج کی پاکستان میں در اندازی کی کوششوں کا ساتھ دینا تشویشناک امر ہے، پاکستان کی بہادر افواج نے اس حملے کا بھرپور انداز سے جواب دیا،  فیلڈ مارشل سید عاصم منیر کی قیادت میں افواج پاکستان نے افغانستان کے حملوں کو پسپا کیا،مجھ سمیت پوری قوم افواج پاکستان کو خراج تحسین پیش کرتی ہے

 وزیراعظم شہبازشریف کی زیر صدارت اعلیٰ سطح اجلاس ہوا جس دوران فیلڈ مارشل سید عاصم منیر، وفاقی وزراء اور وزیراعظم آزاد کشمیر شریک ہوئے ، ان کے علاوہ پنجاب سندھ ،بلوچستان اور گلگت بلتستان کے وزرائے اعلیٰ، خیبرپختونخوا کے وزیراعلیٰ کے نمائندے ، وفاقی و صوبائی حکام شریک ہوئے ۔ وزیراعظم شہبازشریف نےاجلاس کے شرکاء کا خیر مقدم کیا ۔ اجلاس میں وزیراعلیٰ خیبرپختونخوا سہیل آفریدی کی عدم شرکت کی وجہ سےانکی نمائندگی مزمل اسلم نےکی۔ اجلاس کے شرکا نے پاکستان کی سفارتی کامیابیوں کو سراہا اور اس حوالے سے وزیراعظم اور فیلڈ مارشل کے مرکزی کردار کی تعریف کی ۔اجلاس میں پیش کردہ تمام سفارشات پر سختی سے عمل کیا جائے، افغان پناہ گزینوں کی وطن واپسی کیلئے صوبوں کو مکمل تعاون کی درخواست کی گئی ۔

وزیراعظم شہبازشریف نے خطاب کرتے ہوئے کہا کہ گزشتہ روز وزیراعلیٰ کے پی کو فون کیا اور مبارکباد دی ،  وزیراعلیٰ کو وفاق کی جانب سے ہر قسم کے تعاون کی یقین دہانی کروائی، خیبر پختونخوا وفاق کی ایک اہم اکائی ہے،  وفاقی حکومت عوام کی فلاح و ترقی کیلئےصوبائی حکومت کے ساتھ ہر قسم کے تعاون کیلئے تیار ہے۔ دہائیوں سے مشکلات میں گھرے افغانستان کی پاکستان نے ہر مشکل وقت میں مدد کی، پاکستان نےدہشتگردی کی جنگ میں ہزاروں قیمتی جانوں اور اربوں ڈالر کا معاشی نقصان اٹھایا، افغانستان کی سرزمین سے پاکستان پر دہشتگرد حملے اور افغانیوں کا ان حملوں میں ملوث ہونا تشویشناک ہے۔

انہوں نے کہا کہ نائب وزیر اعظم و وزیرِ خارجہ، وزیردفاع،اعلیٰ حکومتی عہدیدارمتعدد بار افغانستان گئے، افغان نگران حکومت سے پاکستان میں دہشتگردی کیلئے افغان سرزمین کا استعمال روکنے کیلئے مذاکرات کیے، افغانستان سے پاکستان میں خوارج کی دراندازی روکنے کی سفارتی و سیاسی اقدامات سے بھرپور کوشش کی، پاکستان کے بہادر عوام، جنہوں نے دہشتگردی کی جنگ میں اپنے پیاروں کی قربانیاں دیں، ہم سے سوال ہوتا ہےکہ حکومت کب تک افغان مہاجرین کا بوجھ اٹھائے گی۔

ان کا کہناتھا کہ صوبائی حکومتیں، وفاقی وصوبائی ادارے غیرقانونی طور پر موجود افغان باشندوں کی جلد وطن واپسی یقینی بنائیں گے، افغانستان کا پاکستان پر حالیہ حملہ اور خوارج کی پاکستان میں در اندازی کی کوششوں کا ساتھ دینا تشویشناک امر ہے، پاکستان کی بہادر افواج نے اس حملے کا بھرپور انداز سے جواب دیا،  فیلڈ مارشل سید عاصم منیر کی قیادت میں افواج پاکستان نے افغانستان کے حملوں کو پسپا کیا،مجھ سمیت پوری قوم افواج پاکستان کو خراج تحسین پیش کرتی ہے۔

وزیراعظم شہبازشریف نے کہا کہ ہماری بہادر افواج پیشہ ورانہ صلاحیتوں سے ارض وطن کا دفاع کرنا جانتی ہیں، فیلڈ مارشل کی قیادت میں افواج پاکستان بھارتی جارحیت کے دوران یہ ثابت کرچکی۔

اجلاس کو افغان مہاجرین کی وطن واپسی کے حوالے سے تفصیلی بریفنگ دی گئی۔

وزیراعظم شہباز شریف نے مصر سے واپسی پر سرکاری مصروفیات کا آغاز کر دیا ہے،  جناح میڈیکل کمپلیکس اینڈ ریسرچ سینٹر سے متعلق اجلاس کی صدارت کرتے ہوئے منصوبے کے تمام مراحل میں شفافیت یقینی بنانے کی ہدایت کردی،  اجلاس کے شرکا نے ڈیسک بجا کر وزیراعظم کی سفارتی کامیابیوں کو سراہا۔

جناح میڈیکل کمپلیکس اینڈ ریسرچ سینٹر سے متعلق اجلاس میں وزیراعظم نے اپنے حالیہ دورہ مصر اور غزہ امن سربراہی اجلاس سے متعلق تفصیلات سے آگاہ کیا۔شرکا نے کہا کہ پاکستان کو سفارتی سطح پر ایک اہم مقام دلانے پر وزیراعظم خراجِ تحسین کے مستحق ہیں۔وزیراعظم نے منصوبے کے تمام مراحل میں شفافیت اور مقررہ ٹائم لائنز پر عملدرآمد یقینی بنانے کی ہدایت کی۔انہوں نے کہا کہ جناح میڈیکل کمپلیکس ایک اسٹیٹ آف دی آرٹ اسپتال ہوگا جہاں عوام کو بین الاقوامی معیار کی طبی سہولیات فراہم کی جائیں گی۔

اجلاس کو منصوبے کی پیشرفت سے متعلق بریفنگ بھی دی گئی۔بریفنگ میں بتایا گیا کہ جناح میڈیکل کمپلیکس کے ڈیزائن کنسلٹنٹ کا انتخاب کر لیا گیا ہے۔کنٹریکٹ کی پاکستان انجینئرنگ کونسل کے ساتھ رجسٹریشن جاری ہے۔ماہرین کے انتخاب کے لیے تھرڈ پارٹی ویلیڈیشن کا اشتہار جلد جاری کیا جائے گا۔بریفنگ کے مطابق وفاقی کابینہ نے جناح میڈیکل کمپلیکس کے چیف ایگزیکٹو افسر کی تعیناتی کی منظوری بھی دے دی ہے۔

وزیرِاعظم شہباز شریف کی مصر کے شہر شرم الشیخ میں فلسطینی صدر اور بحرین کے فرمانروا سمیت اہم قائدین سے ملاقاتیں  ہوئیں ،  شہباز شریف نے غزہ کےعوام کوہمت و بہادری سے صعوبتیں برداشت کرنے پر خراج تحسین پیش کیا ، جنگ بندی اورامن معاہدہ خطےمیں امن و فلسطینیوں کی ترقی کا پیش خیمہ بھی قرار دیا ۔

فلسطینی صدرمحمود عباس سے خوشگوار ماحول میں ہونے والی ملاقات میں بحرین کے فرمانروا شاہ حمد بن عیسیٰ الخلیفہ شریک تھے ۔ صدرمحمود عباس نےفلسطینیوں کا ہمیشہ ساتھ دینے اور سیاسی و سفارتی محاذ پر مدد پرپاکستان کا شکریہ ادا کیا ۔ جنگ بندی معاہدے پر دستخط سے پہلے غیر رسمی ملاقات میں تفصیلی تبادلہ خیال بھی کیا گیا ۔ دونوں رہنماؤں نے غزہ میں جنگ بندی پر اطمینان کا اظہار کیا  ۔

نائب وزیراعظم اسحاق ڈار کا قطر ، ایران ، مصر اور آذربائیجان کے وزرائے خارجہ سے ٹیلی فونک رابطہ  ہوا جس دوران برادر اسلامی ممالک کے ساتھ غزہ سمیت فلسطین اور مشرق وسطیٰ کی صورتحال پر تفصیلی تبادلہ خیال کیا گیا ۔

اسحاق ڈار نے قطری وزیرمملکت خارجہ ڈاکٹر محمد عبدالعزیز الخلیفی ، ایرانی وزیر خارجہ عباس عراقچی ، مصر اور آذربائیجان کے وزرائے خارجہ سے خطے میں امن و استحکام کے فروغ کیلئے سفارتی کوششوں پر بھی بات چیت کی ۔ ترجمان دفتر خارجہ کےمطابق شرم الشیخ میں پیر کو ہونے والےسربراہی اجلاس کی تیاریوں پر بھی مشاورت کی گئی ۔ تمام رہنماؤں نے خطے میں امن و استحکام کیلئے کوششیں جاری رکھنے پر اتفاق کیا ۔

وزیراعظم شہبازشریف نے وفاقی کابینہ سے خطاب کرتے ہوئے کہا کہ کل فیلڈ مارشل اور اعلیٰ افسران کے ساتھ لیفٹیننٹ کرنل جنید اور میجر طیب کا جنازہ پڑھا، کل اورکزئی میں 9مزید جوان شہید ہوئے تھے، آج میں ایک اور شہید میجر سبطین حیدر کے جنازے میں شریک ہوا ، میجر سبطین نے فتنہ الخوارج کا مقابلہ کرتے ہوئے جام شہادت نوش کیا، دہشتگردی کے واقعات روزانہ ہو رہے ہیں،قیمتی جانیں قربان کی جارہی ہیں۔

ان کا کہناتھا کہ خوارج ہمسایہ ملک سےآکر پاکستان میں دہشت گردی کرتے ہیں، جس ملک نے انہیں عزت دی،اس کےخلاف دشمنی کر رہے ہیں،شہدا نے اپنی خون سے لکیر کھینچ دی ہے، ستم ظریفی ہے کہ دہشتگردوں کو تحفظ دیا جاتا ہے، دہشتگردی کا مکمل خاتمہ نہ کیا تو افواج پاکستان کی محنت رائیگاں چلی جائے گی۔ دہشتگردوں کو سہولت دینے والے اس جرم میں برابر کے شریک ہیں، دہشتگردی پر فیصلہ کن فیصلہ کن اقدامات نہ کئے تو قوم معاف نہیں کرے گی، میری فیلڈ مارشل سے ملاقات ہوئی ہے،ان کا حوصلہ پختہ ہے، قوم یکسو ہے کہ خوارج کا ہمیشہ کیلئے خاتمہ کیا جائے۔ دہشت گردی کے خاتمے کیلئے ٹھوس اقدامات کرنے کا وقت آگیا، افسوس دوست نما دشمن دہشت گردوں کو تحفظ دے رہے ہیں۔ شہدا نے اپنی خون سے لکیر کھینچ دی ہے۔

شہبازشریف نے کہا کہ غزہ میں جنگ بندی اور فلسطینیوں کو ان کاحق خودارادیت دیا جائے، پاکستان نے غزہ میں امن کیلیے بھرپور کردار  ادا کیا، فلسطین کیلئے پاکستان کے مؤقف میں کوئی تبدیلی نہیں آئی،  نیویارک میں ٹرمپ نے اپنی چیئرمین شپ میں میٹنگ بلائی،8ممالک شامل تھے، ان 8 ممالک میں پاکستان بھی شامل تھا، اسلامی ممالک نے اسرائیلی نسل کشی کی مذمت کی ہے، افواج نے دشمن کو شکست دی،دنیامیں پاکستان کی عزت ہوئی،یہ لمحہ کبھی نہیں دیکھا۔

وزیراعظم نے بتایا کہ میری واشنگٹن میں صدر ٹرمپ سے ملاقات ہوئی،فیلڈ مارشل موجود تھے، صدر ٹرمپ سے باہمی تعلقات،تجارت اور انسداد دہشتگردی پر بات ہوئی،  اسلامی ممالک نے اسرائیلی نسل کشی کی مذمت کی ہے، چین پاکستان کا قابل اعتبار دوست ہے،ہمیشہ مشکل وقت میں ساتھ دیا۔

انہوں نے کہا کہ میرا سعودی عرب کا دورہ تاریخی تھا، سعودی عرب سے ہمارے تعلقات 77 سال سے نہیں بلکہ صدیوں سے ہیں، پاکستان اور سعودی عرب کے معاہدے میں لکھا ہے ایک پر حملہ دوسرے پر تصور کیا جائے گا، اس حوالے سے ایک کمیٹی بن چکی ہے،دن رات کام کر رہی ہے، فلسطین کیلئے پاکستان کے مؤقف میں کوئی تبدیلی نہیں آئی، ملائیشیا پاکستان سے 200 ملین ڈالر کا گوشت برآمد کرے گا۔

وزیراعظم شہبازشریف کا کہناتھا کہ ہم معاشی میدان میں آگے بڑھنے کی کوشش کر رہے ہیں، سفارتی میدان میں کامیابیاں حاصل کر رہے ہیں، بلوم برگ نے ترکی کے بعد پاکستان کو دوسری ابھرتی ہوئی معیشت قرار دیا ہے،  آگ اور پانی کا کھیل اب نہیں چل سکتا،ٹھوس فیصلے کرنے ہیں۔

پاکستان مسلم لیگ ن اور پیپلزپارٹی کے درمیان لفظی گولہ باری کے بعد وزیراعظم شہباز شریف اور بلاول بھٹو کے درمیان ٹیلی فون پر رابطہ ہوا ہے جس دوران دونوں رہنماؤں نے ایک دوسرے کے خلاف بیان بازی روکنے پر اتفاق کیا۔

چیئرمین بلاول بھٹو زرداری اور وزیراعظم شہباز شریف کے درمیان موجودہ سیاسی صورت حال پر گفتگو ہوئی۔ پنجاب سمیت ملک بھر میں سیلابی صورتحال پر بھی تبادلہ خیال ہوا۔ سیلابی صورتحال سے نمٹنے کے حوالے سے بھی دونون قائدین نے ایک دوسرے کو اعتماد میں لیا۔ سابق وفاقی وزیر خارجہ سے وزیراعظم نے پاک سعودی دفاعی معاہدے اور غزہ سے متعلق بھی بلاول بھٹو زرداری کو اگاہ کیا۔دونون رہنماوں نے ایک دوسرے کے خلاف بیان بازی روکنے پر بھی اتفاق کیا۔

وزیراعظم شہباز شریف کی زیرصدارت ملکی معیشت اور پاکستان میں غیرملکی سرمایہ کاری سے متعلق اجلاس  ہوا جس دوران  نائب وزیراعظم  اسحاق ڈار، فیلڈ مارشل عاصم منیر اور وفاقی وزیر مواصلات عبدالعلیم خان  سمیت دیگر متعلقہ حکام شریک ہوئے ۔ وزیراعظم نے کہا کہ ملکی معیشت کو مضبوط بنیادوں پر مستحکم کرنا حکومت کی اولین ترجیح ہے۔

وزیراعظم کی زیرصدارت اجلاس میں اقتصادی صورتحال اور غیرملکی سرمایہ کاری کے فروغ  کے ساتھ  جاری اور مجوزہ ترقیاتی منصوبوں کا جائزہ لیا گیا۔ وزیراعظم نے ہدایت کی کہ اقتصادی سرگرمیوں کی منصوبہ بندی میں نجی شعبے کی شمولیت کو یقینی بنایا جائے۔ متعلقہ وزارتیں اور ادارے عالمی سرمایہ کاروں کوسہولیات فراہم کریں۔

وزیراعظم نے کہا کہ حالیہ مثبت معاشی رجحان غیر ملکی سرمایہ کاروں کے پاکستانی معیشت پر اعتماد کا عکاس ہے۔ پاکستان کو خطے میں سرمایہ کاری کا پرکشش مرکز بنایا جائے گا۔

اجلاس میں نائب وزیراعظم اسحاق ڈار،فیلڈ مارشل سیدعاصم منیر اور وفاقی وزیرمواصلات عبدالعلیم خان شریک تھے۔ وزیر دفاع خواجہ آصف، وزیر خزانہ محمد اورنگزیب اور وزیر اطلاعات و نشریات عطا اللہ تارڑ  سمیت دیگر متعلقہ وزرا نے بھی شرکت کی۔

                       امریکہ سے اچھی خبریں آرہی ہیں۔ دعا گو ہیں کہ یہ سلسلہ تادیر اور پائیدار رہے۔ ماضی جو تلخ بھی ہے اور تکلیف دہ بھی لوٹ کر نہ آئے۔ ٹرمپ کارڈ چلتا رہے اور راوی چین کی بانسری بجاتا رہے۔  خدا جب مہرباں ہوتا ہے تو سب راستے صاف ہو جاتے ہیں۔ کامیابیاں مقدر بن جاتی ہیں اور ان کامیابوں کا کریڈٹ لینے کے لیے ہر کوئی سر فہرست بننے کی کوشش کرتا ہے۔ یہ اور بات ہے کہ ہمارے ہاں سر فہرست بننے کا کوئی جھگڑا ہی نہیں ،  سب کا اتفاق ہے اور کیا حسن اتفاق ہے کہ سب کی دھن،  سر اور ساز ایک ہیں۔ چلیں اچھا ہے کہ کسی معاملے پر تو اتفاق ہوا یہ اور بات ہے کہ لبوں پر کچھ اور کان میں ہونے والی سرگوشیوں میں کچھ اور۔ لگ بھگ ایک سال قبل کسی کو یہ گمان بھی نہ تھا کہ حالات اس طرح بدلیں گے اور بدلتے چلے جائیں گے۔ امریکی انتخابات کے موقع پر پاکستان میں موجود حکمراں اضطراب اور دیگر انتظار کی کیفیت میں تھے ایک کو تشویش تھی تو دوسرے کو امید خیر سال بدلا ماحول بدلا اور وہ کچھ ہوا جو کسی کے تصور میں بھی نہ تھا۔

ٹرمپ کارڈ چلا اور ایسا چلا کہ سب دیکھتے رہ گئے۔ علاقائی صورتحال میں ڈرامائی تبدیلی واقع ہوئی ٹرمپ سے دوستی کا دم بھرنے والے نریندر مودی کو دنیا بالخصوص اپنے ہی ملک میں عزت بچانا مشکل ہو گئی ٹرمپ کا نام مودی کی چھیڑ بن گیا۔ پاکستان سے جنگ مودی کی سیاست اور بھارت دونوں کو لے ڈوبی اپنے چہرے سے سب کو ڈرانے والا خطے کا چوہدری منہ دکھانے کے قابل نہ رہا۔ فرانسیسی بھی کہنے لگے کہ بھائی جہاز اڑانا نہیں آتا تھا تو ہمارا بیڑا غرق کیوں کر دیا۔ چین کی گڈی بھی چڑھ گئی۔ مسلم ممالک بھی ششدررہ گئے۔ خیر جب اللہ کسی کو عزت دینا چاہتا ہے تو کون رکاوٹ بن سکتا ہے پہلی مرتبہ ایسا لگا کہ پاکستانی سفارت خانے بھی کچھ کرتے ہیں ورنہ ٹریک ریکارڈ تو اوورسیز پاکستانیوں کو تنگ کرنے کا ہی تھا۔

صورتحال کو امریکی صدر نے بھارت پر دباؤ بڑھانے کے لیے استعمال کیا اور خوب کیا "مزے بھی خوب لیے" پوری دنیا کو بتایا کہ بھائی اگر میں جنگ نہ رکواتا تو بھارت کو اور مار پڑنا تھی۔ ٹیرف بڑھانے کے ایسے اعلانات کیے کہ بھارتی جھولی اٹھا کر مودی کو بد دعائیں دینے لگے کہ "کہاں لے آیا یہ شخص ہمیں" پاکستان نے ہر کارڈ خوب کھیلا پہلگام واقعے کی تحقیقات ،بھارتی ریاستی دہشت گردی کے ثبوت ،عالمی معاہدوں کے خلاف ورزی کی کہانی ،نوبل انعام کے لیے صدر ٹرمپ کے نامزدگی ،کرپٹو کارڈ اور بہت کچھ ۔کامیابی ملی اور خوب ملی مگر ساتھ ساتھ خوشامد کے درجے بھی بلند ہوتے چلے گئے درباری اور خوشامدی اونچے راگوں میں گا رہے ہیں یہ اونچے راگ حکمرانوں کے کان بند کر دیتے ہیں اور اس سرور میں وہ ایسے ڈوبتے ہیں کہ پھر عموما تاریخ بن جاتے ہیں۔

صدر ٹرمپ کمال مزاج رکھتے ہیں آنکھیں بدلتے ہیں تو ایسے کہ بندہ "مودی" بن جاتا ہے۔ ساتھ دیتے ہیں" تو شہباز شریف" اور بقول امریکی صدر "عظیم لیڈر" دنیا نے ہم پر جب بھی مہربانی کی اس کی وجہ "ضرورت" تھی ہماری نہیں ان کی۔" ضرورت ایجاد کی ماں ہوتی ہے"۔ نہیں رہتی تو" وہ" ہو جاتی ہے ۔ہمیں دنیا کے لیے اپنی ضرورت بنائے رکھنا ہے۔ مگر یہ بھی سوچنا ہے کہ ہم کب تک ضرورت کے محتاج رہیں گے تقدیر نے ہمیں پھر موقع دیا ہے۔ وقت سے فائدہ اٹھانے کا، خود کو تیار کرنے کا اور باعزت بننے کا مگر" کب تک "صرف اس وقت تک جب تک مزاج نہ بدلے اور "ضرورت۔" اگر ہم نے خود کو نہ بدلا تو پھر کسی اور کی ضرورت کے تحت ہم بدل دیے جائیں گے۔

طارق محمود 30 سال سے زائد عرصے سے شعبہ صحافت سے وابستہ ہیں۔ ان دنوں سماء ٹیلی وژن میں ڈائریکٹر نیوز کے طور پر فرائض سر انجام دے رہے ہیں۔

وزیراعظم شہبازشریف نے کہاہے کہ اوورسیز پاکستانی ہمارا قیمتی سرمایہ ہیں، اوورسیزملک کا نام روشن کررہےہیں اور ملکی معیشت درست سمت میں گامزن ہے۔

تفصیلات کے مطابق وزیراعظم نے کہا کہ ملکی معیشت کی بہتری میں بیرون ملک مقیم پاکستانیوں کا اہم کردار ہے، مشترکہ کاوشوں سے ملکی معیشت کو استحکام ملا، معاشی استحکام بہترین ٹیم ورک کا نتیجہ ہے، عسکری،معاشی اور سفارتی محاذ پر پاکستان کو بڑی کامیابیاں ملی ہیں، حالیہ جنگ میں پاکستان نے دشمن کو شکست فاش دی۔ 

ذرائع کے مطابق وزیراعظم شہباز شریف 22 ستمبر کو امریکہ روانہ ہوں گے جہاں وہ نیویارک میں اقوام متحدہ کی جنرل اسمبلی کے اجلاس میں شرکت کریں گے۔ وزیراعظم شہباز شریف امریکہ روانگی سے قبل 20 ستمبر کو برطانیہ کا دورہ بھی کریں گے۔

ذرائع کا کہنا ہے کہ وزیراعظم کی نیویارک میں امریکی صدر ڈونلڈ ٹرمپ سے ملاقات کا امکان ہے۔ نائب وزیراعظم اسحاق ڈار بھی وزیراعظم کے ہمراہ ہوں گے جبکہ ان کی امریکی وزیر خارجہ مارکو روبیو سے علیحدہ ملاقات بھی ہو گی ۔

وزیراعظم شہبازشریف نے ایکس پر پیغام جاری کرتے ہوئے نیپال کی عبوری وزیراعظم کو عہدہ سنبھالنے پر مبارکباد دی ہے ۔

تفصیلات کے مطابق شہبازشریف نے پیغام میں کہا کہ  عبوری وزیراعظم بننے پر سشیلہ کارکی کو مبارکباد دیتا ہوں، مزید بہتر پاک نیپال تعلقات کے لیے ساتھ کام کرنے کا خواہاں ہوں، نیپالی عوام کے پرامن اور خوشحال مستقبل کیلئے بھی دعاگو ہوں۔

وزیراعظم شہباز شریف کا 15 ستمبر کو  قطر کا ایک روزہ دورہ کریں گے جہاں وہ دوحا پر اسرائیلی حملے کے حوالے سے عرب ممالک سربراہی اجلاس میں شرکت کریں گے ۔

عرب مسلم ممالک سربراہ اجلاس میں قطر پر اسرائیلی حملے کے بعد علاقائی سیکیورٹی صورتحال پر مشاورت ہو گی ۔ وزیراعظم اجلاس میں شرکت کیلئے اعلیٰ سطح کے وفد کے ہمراہ  قطر جائیں گے ،   دوحا پر اسرائیلی حملے کے بعد شہباز شریف برادر ملک سے اظہار یکجہتی کیلئے پہلے بھی قطر کا ایک روزہ دورہ کرچکے ۔

یاد رہے کہ 9 ستبمر کو اسرائیل نے دوحہ میں حماس رہنماوں کے جاری اجلاس پر فضائی حملہ کیا جس میں 6 افراد شہید ہوئے تھے۔

ترجمان دفتر خارجہ

ترجمان دفتر خارجہ نے بیان جاری کرتے ہوئے کہا کہ دوحا میں عرب اسلامی ممالک کا ہنگامی سربراہی اجلاس ہونے جارہاہے ،وزیراعظم شہباز شریف پیر 15 ستمبر کو قطر کا دورہ کریں گے، عرب اور اسلامی ممالک کا اجلاس پاکستان کی معاونت سے ہو رہا ہے، اجلاس اسرائیل کے فضائی حملوں اور فلسطین کی صورتحال پر طلب کیا گیا، اسلامی تعاون تنظیم کے رکن ممالک کے سربراہان مملکت و حکومت شریک ہوں گے، تمام اسلامی ممالک کے اعلیٰ عہدیداران بھی اجلاس میں شرکت کریں گے، اجلاس کی تیاری کیلئے وزرائے خارجہ کی نشست 14 ستمبر کو ہوگی، پاکستان کی نمائندگی نائب وزیراعظم اور وزیر خارجہ اسحاق ڈار کریں گے، پاکستان برادر ملک قطر کے ساتھ اپنے تعلقات کو انتہائی اہمیت دیتا ہے، قطر اور دیگر ریاستوں کیخلاف اسرائیلی جارحیت کی شدید مذمت کرتے ہیں، یکجہتی اور حمایت کے اظہار کیلئے وزیراعظم نے 11 ستمبر کو دوحا کا دورہ کیا، وزیراعظم نے قطری قیادت سے ملاقات میں پاکستان کی مکمل حمایت کا اعادہ کیا۔

فرانس کے  وزیراعظم فرانسو بیرو اعتماد کا ووٹ حاصل کرنے میں ناکام ہو گئے ہیں ۔

تفصیلات کے مطابق فرانسی پارلیمنٹ میں ہونے والی رائے شماری کے دوران 364 اراکین پارلیمنٹ نے ان کے خلاف ووٹ دیا جبکہ ان کے حق میں 194 ووٹ آئے ، جس کے نتیجے میں فرانسو بیرو کا دور حکومت صرف 9 ماہ ہی میں اختتام کو پہنچ گیا ۔

پارلیمنٹ اجلاس میں اپوزیشن ارکان نے حکومتی پالیسیوں پر شدید تنقید  کی جس پر اپوزیشن نے صدر میکرون سے پارلیمنٹ تحلیل کرنے اور قبل از وقت انتخابات کا مطالبہ کر دیاہے ۔

انجیلا رینز کے مستعفیٰ ہونے کے بعد برطانیہ کی کابینہ میں بڑے پیمانے پر ردو بدل کیا گیاہے ، وزیر خارجہ ڈیوڈلیمی کو برطانیہ کا ڈپٹی وزیرِاعظم مقرر کر دیا گیا ۔

تفصیلات کے مطابق ڈیوڈ لیمی کے نائب وزیراعظم بننے کے بعد وزیر داخلہ ’ یویٹ کوپر‘ کو وزیر خارجہ بنا دیا گیاہے جبکہ شبانہ محمود برطانیہ کی نئی وزیر داخلہ ہو ں گی ۔

یاد رہے کہ اس سے پہلے برطانوی نائب وزیراعظم انجیلا رینر مستعفیٰ ہو گئیں تھیں، ان پر مکان کی خریداری کے دوران ٹیکس بچانے کا الزام تھا ۔

صدر مملکت آصف علی زرداری نے 12 بیع الاول پر خصوصی پیغام جاری کرتے ہوئے قوم اور مسلم امہ کو بابرکت دن کی مبارکباد دی ہے  ، وزیراعظم شہبازشریف نے کہا کہ نبی کریمﷺ کی ولادت با سعادت نے ظلمتوں کو نور میں بدلا، نبی کریمﷺ نے انسانیت کو عدل،رحمت،مساوات اور وحدت کی نئی راہیں دکھائیں۔

آصف زرداری کا اپنے پیغام میں کہناتھا کہ  یہ تاریخی،یادگارموقع امت مسلمہ کیلئے خوشی اور عقیدت کاباعث ہے، 12ربیع الاول اپنی زندگیوں کو تعلیمات نبویﷺ کے مطابق ڈھالنے کے عہد کا دن ہے۔

وزیراعظم شہبازشریف

وزیراعظم شہباز شریف نے جشن ولادت با سعادتﷺپر  پیغام جاری کرتے ہوئے کہا کہ نبی کریمﷺ کی ولادت با سعادت نے ظلمتوں کو نور میں بدلا، نبی کریمﷺ نے انسانیت کو عدل،رحمت،مساوات اور وحدت کی نئی راہیں دکھائیں۔

وزیراعظم شہبازشریف نے کہا کہ سیرت طیبہ ﷺ ہمارے لئے ہر دور میں رہنمائی کا سرچشمہ ہے، نئی نسل کو خیر،علم اورامن کی طرف راغب کر کے حیات طیبہ سے روشناس کرنا ہو گا، محبت،بھائی چارے اور امن کے پیغام کو دنیا بھر میں پھیلانا ہے، ہمیں تعصب،فرقہ واریت،انتہاپسندی اور نفرت کی ہر شکل کو رد کرنا ہے، نبی کریمﷺکی تعلیمات کو قومی کردار کا حصہ بنا کر معاشی،سماجی مسائل کا حل ممکن ہے۔ 

برطانیہ کی نائب وزیراعظم انجیلا رینز نے عہدے سے استعفیٰ دیدیا ، انہوں نے جائیداد کی خریداری میں ٹیکس بچانے کا اعتراف کیا تھا ۔

برطانوی میڈیا کے مطابق وزیراعظم کیئر سٹارمر کے حکم پر واقعے کی تحقیقات جاری تھیں اور انجیلا نے جائیداد کی خریداری میں ٹیکس بچانے کا اعتراف بھی کیا جس کے بعد اب وہ عہدے سے مستعفیٰ ہو گئی ہیں ، انہوں نے ہاؤس سیکرٹری اور لیبر پارٹی کی ڈپٹی لیڈر کا عہدہ بھی چھوڑ دیاہے ۔

انجیلا رینز نے اپنے استعفیٰ میں کہا کہ حساس پوزیشن پر ہونے کے باوجود ٹیکس ماہرین سے مشورہ نہیں کیا، میں اس غلطی کی مکمل ذمہ داری قبول کرتی ہوں،  میں نے اپنی طرف سے کوشش کی تھی ٹیکس کی جو رقم بنتی ہے وہ ادا کروں۔ 

وزیراعظم شہبازشریف نے کہاہے کہ سی پیک کی بدولت پاکستان میں زراعت بحال ہوئی،  پاکستان زراعت سمیت سیکٹرز میں چین سے تعاون کررہا ہے، چین نے سی پیک کے تحت 35ارب ڈالر کی سرمایہ کاری کی، سی پیک کادوسرا مرحلہ شروع ہو چکا ہے۔

وزیراعظم شہبازشریف نے دوسری پاکستان چین بزنس ٹو بزنس سرمایہ کاری کانفرنس سے خطاب کرتے ہوئے کہا کہ سیلاب ہو یا طوفان اور کوئی بھی مشکل کی گھڑی چین پاکستان کے ساتھ کھڑارہا ہے، پاکستان اور چین کی دوستی باہمی اعتماد  اور  احترام پر مبنی ہے، چین نے پاکستان کی معیشت کو بہتر بنانے میں اہم کردار کیا، پاک چین دوستی سمندر سے گہری ،لوہے سے مضبوط اور شہد سے میٹھی ہے۔

وزیراعظم  کا کہناتھا کہ چین کے تعاون سے اورنج لائن ٹرین اورڈیم تعمیر ہوئے، صدر شی جن پنگ نے پاکستان کے ساتھ جو وعدہ کیا وہ پورا کیا، چینی صنعتوں کی پاکستان منتقلی سستی لیبر سمیت دیگر سہولتیں حاصل ہوں گی، چین پاکستان کا دوسرا گھر ہے، پاکستان میں چینی باشندوں کی سیکورٹی اولین ترجیح ہے، چینی بہن بھائیوں کی سیکورٹی پر کوئی سمجھوتہ نہیں کرینگے۔

انہوں نے کہا کہ بزنس ٹوبزنس کانفرنس میں شرکت پرخوشی ہوئی،   چین نےہمیشہ مشکل وقت میں پاکستان کا ساتھ دیا، بزنس ٹو بزنس کانفرنس دوطرفہ اہمیت کی حیثیت رکھتی ہے، زراعت پاکستان کی ریڈھ کی ہڈی کی حیثیت رکھتی ہے، سی پیک کی بدولت پاکستان میں زراعت بحال ہوئی،  پاکستان زراعت سمیت سیکٹرز میں چین سے تعاون کررہا ہے، چین نے سی پیک کے تحت 35ارب ڈالر کی سرمایہ کاری کی، سی پیک کادوسرا مرحلہ شروع ہو چکا ہے۔ 

وزیراعظم شہباز شریف نے بیجنگ میں اعلیٰ چینی کاروباری شخصیات سے ملاقات کی جس میں پاکستان اور چین کے درمیان بزنس ٹو بزنس سرمایہ کاری کے فروغ پر تبادلہ خیال کیا گیا ہے۔

ملاقات کے دوران وزیراعظم شہباز شریف نے کہا کہ خصوصی سرمایہ کاری سہولت کاؤنسل ( ایس آئی ایف سی ) سرمایہ کاری میں رکاوٹوں کو دور کرنے اور بی ٹو بی تعاون کو مضبوط بنانے کے لیے ایک اہم پلیٹ فارم ہے۔

شہباز شریف نے صنعتی تعاون کو پاکستان اور چین کے اقتصادی تعلقات کا بنیادی ستون قرار دیا اور کہا کہ سی پیک کے دوسرے مرحلے میں اعلیٰ معیار کی ترقی کو یقینی بنایا جائے گا۔

ملاقات میں ٹیکسٹائل، آئی ٹی، زراعت، صنعت، کان کنی، معدنیات، سڑکوں اور ڈیجیٹل روابط سمیت ای کامرس اور خلائی ٹیکنالوجیز میں تعاون بڑھانے پر بھی بات چیت ہوئی۔

وزیراعظم نے چینی اداروں کو صنعتوں کی خصوصی اقتصادی زونز میں منتقلی اور سرمایہ کاری کی دعوت دیتے ہوئے کہا کہ پاکستان میں ہنرمند اور سستی افرادی قوت کے ساتھ کم لاگت خام مال دستیاب ہے جس سے صنعتی پیداوار میں اضافہ ممکن ہے۔

انہوں نے سرمایہ کاروں کو سازگار کاروباری ماحول فراہم کرنے اور صنعتی شراکت داری کو مزید آسان بنانے کی یقین دہانی بھی کرائی۔

وزیراعظم شہباز شریف نے چین کے شہر تیانجن میں شنگھائی تعاون تنظیم (ایس سی او) کے 25 ویں سربراہی اجلاس کے موقع پر مصروف دن گزارا اور کانفرنس کے استقبالیہ میں شرکت کی جہاں رکن ممالک کے رہنماؤں نے تاریخی گرمجوشی کا اظہار کیا۔

میزبان صدر شی جن پنگ اور ان کی اہلیہ نے معزز مہمانوں کا پرتپاک خیرمقدم کیا۔

فوٹو سیشن کے بعد ہال میں جاتے ہوئے روسی صدر ولادیمیر پیوٹن وزیراعظم شہباز شریف کو دیکھ کر رُک گئے اور بڑھ کر مصافحہ کیا، خوشگوار انداز میں گرمجوشی کا اظہار کیا۔

روسی صدر پیوٹن اور وزیر اعظم شہباز شریف کے درمیان مختصر گفتگو بھی ہوئی۔

اس موقع پر چینی اور روسی صدور وزیراعظم پاکستان کے ہمراہ کانفرنس ہال پہنچے جہاں عالمی رہنماؤں کی توجہ کا مرکز وزیراعظم شہباز شریف بنے۔

لازمی پڑھیں۔ پاکستان اور ترکیہ کا تمام شعبوں میں تعاون بڑھانے پر اتفاق

وزیراعظم نے ترکیہ، روس، ملائشیا، بیلاروس، مالدیپ اور آذربائیجان کے صدور سے ملاقات کی جن میں خیرسگالی جملوں کا تبادلہ ہوا۔

اس کے علاوہ تاجکستان اور کرغزستان کے صدور اور اقوام متحدہ کے سیکریٹری جنرل سے بھی غیر رسمی ملاقات کی۔

لازمی پڑھیں۔ چین کی جدید ٹیکنالوجی، طریقے پاکستان میں قدرتی آفات سے نمٹنے کیلئے انتہائی سود مند ثابت ہوں گے، وزیراعظم

استقبالیہ سے قبل وزیراعظم شہباز شریف اور ترک صدر رجب طیب اردوان کی ون آن ون ملاقات ہوئی جس میں صدر اردوان نے پاکستان میں بارشوں اور سیلاب سے ہونے والے جانی و مالی نقصانات پر افسوس کا اظہار کرتے ہوئے ہر ممکن تعاون کی یقین دہانی کرائی۔

دونوں رہنماؤں نے سیاسی، اقتصادی، دفاعی اور دیگر شعبوں میں تعاون بڑھانے پر اتفاق کیا جبکہ غزہ کی صورتحال پر تشویش کا اظہار کرتے ہوئے اسرائیلی جارحیت کے خلاف مشترکہ جدوجہد جاری رکھنے کے عزم کا اعادہ کیا۔

وزیراعظم شہباز شریف کی چین کے سرکاری دورے کے دوران ترکیہ کے صدر رجب طیب اردوان سے ملاقات ہوئی جس کے دوران دونوں رہنماؤں نے سیاسی، اقتصادی، دفاعی اور سلامتی سمیت تمام شعبوں میں تعاون بڑھانے پر اتفاق کیا ہے۔

ترک صدر اردوان نے پاکستان میں حالیہ بارشوں اور سیلاب سے ہونے والے جانی و مالی نقصانات پر گہرے دکھ اور افسوس کا اظہار کرتے ہوئے پاکستان کے عوام سے مکمل یکجہتی کی یقین دہانی کرائی۔

اس موقع پر دونوں رہنماؤں نے فلسطین کی موجودہ صورتحال پر شدید تشویش ظاہر کی اور اسرائیلی جارحیت کے خلاف مشترکہ جدوجہد جاری رکھنے کے عزم کا اعادہ کیا۔

طلبا سے خطاب

وزیراعظم شہباز شریف نے تیانجن یونیورسٹی میں پاکستانی اور چینی طلبا سے خطاب بھی کیا جس میں ان کا کہنا تھا کہ پاک، چین دوستی میں دنیا کی کوئی طاقت دراڑ نہیں ڈال سکتی، یہ رشتہ اٹوٹ ہے اور ہمیشہ قائم رہے گا۔

انہوں نے کہا کہ چین کا دنیا کی بڑی معیشت اور عسکری قوت کے طور پر ابھرنا پاکستان کے لیے باعثِ فخر ہے۔

وزیراعظم نے اس موقع پر کہا کہ پاک چین دوستی نے کئی سازشوں اور رکاوٹوں کا مقابلہ کیا ہے لیکن یہ تعلقات مزید مضبوط ہو کر ابھرے ہیں۔

وزیراعظم نے کہا کہ ہماری تقدیر مشترکہ ہے اور پاکستان کو اس بات پر فخر ہے کہ چین دنیا کا عظیم ملک ہے۔

وزیراعظم شہباز شریف کے دورہ چین کے دوران صدر شی جن پنگ اور وزیراعظم لی چیانگ سے اہم ملاقاتیں شیڈول ہیں جن میں سی پیک فیز ٹو، سرمایہ کاری اور باہمی تعاون کے دیگر امور پر بات چیت ہوگی۔

وزیراعظم چینی تاجروں اور سرمایہ کاروں سے ملاقاتیں کریں گے، پاک چین بزنس ٹو بزنس کانفرنس سے خطاب کریں گے اور دوسری جنگِ عظیم میں چین کی فتح کی 80 ویں سالگرہ کی فوجی پریڈ میں بھی شرکت کریں گے۔

وزیراعظم شہباز شریف نے کسٹم نظام میں اصلاحات جلد مکمل کرنے اور موثر انداز میں عملدرآمد یقینی بنانے کی ہدایت کر دی۔

وزیراعظم شہباز شریف کی زیر صدارت کسٹم کے جانچ پڑتال اور تخمینہ کے نظام میں شفافیت کے حوالے سے اہم جائزہ اجلاس ہوا جس میں انہوں نے کسٹم نظام میں اصلاحات کو جلد مکمل اور مؤثر طریقے سے نافذ کرنے کی ہدایات جاری کیں۔

وزیراعظم کا کہنا تھا کہ شفافیت، ٹیکس کلیکشن میں بہتری اور کاروباری طبقے کو سہولت دینا حکومت کی اولین ترجیح ہے۔

اجلاس میں وزیراعظم کو جانچ پڑتال اور تخمینہ سے متعلق اب تک کی پیش رفت پر تفصیلی بریفنگ دی گئی اور بتایا گیا کہ مصنوعی ذہانت پر مبنی رسک مینیجمنٹ سسٹم جلد فعال ہو جائے گا اور جدید اسکینرز کے ذریعے کسٹم کلیرنس میں درکار وقت کم ہو رہا ہے۔

سمگلنگ کے خلاف مؤثر کارروائیوں کے نتیجے میں غیر قانونی ترسیل میں نمایاں کمی آئی ہے اور قانونی ذرائع سے کسٹم کلیئرنس میں اضافہ دیکھا جا رہا ہے۔

اجلاس میں وفاقی وزراء محمد اورنگزیب، ڈاکٹر مصدق ملک، عطاء اللہ تارڑ، احد چیمہ، بلال اظہر کیانی اور دیگر اعلیٰ حکام شریک ہوئے۔

چین پاکستان اقتصادی راہداری (سی پیک) کے تحت متعدد اہم منصوبوں کی تکمیل کی ٹائم لائن گزر جانے اور کئی شعبوں میں تاخیر کا شکار ہونے پر وزیراعظم شہباز شریف نے سخت نوٹس لے لیا ہے۔

وزیراعظم شہباز شریف نے متعلقہ وزارتوں سے تاخیری منصوبوں کی رپورٹ اور پیشرفت نہ کرنے والی وزارتوں کی فہرست بھی طلب کر لی ہے۔

وزیراعظم نے تمام وزارتوں کو ہدایت کی ہے کہ وہ سی پیک منصوبوں کی رفتار تیز کرنے کے لیے فوری اقدامات اٹھائیں۔

رواں ماہ کے آخر میں وزیراعظم کے متوقع دورہ چین کے دوران سی پیک منصوبوں کی پیش رفت اہم موضوع ہوگا۔

چینی قیادت کے ساتھ ملاقاتوں میں منصوبوں میں تاخیر کی وجوہات کا جائزہ لیا جائے گا اور سی پیک فیز ٹو کے باضابطہ آغاز پر بات چیت کی جائے گی۔

پاکستان میں سیلاب سے ہونےوالے نقصانات پر برطانوی وزیراعظم کیئر اسٹارمر نے اظہار افسوس کرتے ہوئے وزیراعظم شہبازشریف کو خط لکھ  دیا ہے جس میں  مشکل وقت میں پاکستانی عوام سے یکجہتی کااظہار کیا  ہے ۔

وزیراعظم شہباز شریف کو ارسال خط میں برطانوی ہم منصب کیئر اسٹارمر نے کہا کہ سیلاب سےبڑے پیمانے پر تباہی پر گہرے دکھ کا اظہار کرتا ہوں، دلی ہمدردیاں تمام  متاثرین کے ساتھ ہیں، کیئر اسٹارمر نے کہا  برطانیہ میں مقیم پاکستانیوں کے لیے بھی یہ صورتحال قابل تشویش ہے ۔۔ انتہائی نامساعد حالات میں لوگوں کی مدد کرنے پر رضاکاروں کو خراج تحسین پیش کرتا ہوں ۔  اس مشکل وقت میں  تمام برطانوی عوام پاکستانیوں  کے ساتھ بھرپور یکجہتی کا اظہار کرتے ہیں ۔ کیئر اسٹارمر نے کہا یہ امر باعث اطمینان ہے کہ برطانوی حکومت نے  پاکستان کی مدد کی ہے،آئندہ بھی بحالی اور تعمیر نو کے کاموں میں پاکستان کی ہر ممکن مددکے لیے تیار ہیں ۔

وزیراعظم شہباز شریف نے سندھ خصوصاً کراچی میں حالیہ بارش کے بعد ہنگامی صورتحال سےنمٹنےکیلئے صوبائی حکومت کو معاونت کی پیشکش کردی ۔

وزیراعظم شہباز شریف نے وزیراعلیٰ سندھ مراد علی شاہ کو ٹیلی فون کرکے جنوبی سندھ بالخصوص کراچی میں حالیہ شدید بارشوں اور اربن فلڈنگ کی صورتحال پر بات کی ۔ وزیر اعظم نے کہا وفاقی حکومت ہنگامی صورتحال سےنمٹنے کیلئےہرقسم کی معاونت کرےگی ۔ شہباز شریف نے چئیرمین این ڈی ایم اے کوسندھ حکومت سےمکمل تعاون اور مزید ممکنہ بارشوں کے حوالے سے تیار رہنے کی ہدایت بھی کردی ۔

وزیر اعظم شہباز شریف نے ’آرمی راکٹ فورس کمانڈ‘ بنانے کا اعلان کر دیا۔

اسلام آباد میں منعقدہ یوم آزادی کی مرکزی تقریب سے خطاب کرتے ہوئے وزیر اعظم شہباز شریف کا کہنا تھا کہ آزادی کے 78 سال مکمل ہونے پر سب کو مبارکباد پیش کرتا ہوں اور آج کے دن کے حوالے سے طویل تاریخ ہے، ہمارے بزرگوں کی قربانیاں ہر جگہ نظر آتی ہیں، یہ محض آزادی  کی جنگ نہیں تھی دوقومی نظریہ کی فتح تھی، قائداعظم ، علامہ اقبال اور تحریک پاکستان کے تمام قائدین کو سلام پیش کرتا ہوں۔

لازمی پڑھیں۔ وزیر اعظم کی سیاسی جماعتوں اور اسٹیک ہولڈرز کو ’میثاق استحکام پاکستان ‘ کا حصہ بننے کی دعوت

اپنے خطاب کے دوران وزیراعظم شہباز شریف نے آرمی راکٹ فورس کمانڈ بنانے کا اعلان بھی کیا۔

شہباز شریف نے بتایا کہ آرمی راکٹ فورس کمانڈ جدید ترین ٹیکنالوجی کی حامل ہوگی جو دشمن کو ہر سمت سے نشانہ بنائے گی۔

لازمی پڑھیں۔یومِ آزادی اور معرکۂ حق کی مرکزی تقریب میں ترکیہ اور آذربائیجان کی افواج کے دستوں کی شرکت

ان کا کہنا تھا کہ آرمی راکٹ فورس کمانڈ ہماری روایتی جنگی قوت کو مزید مضبوط بنائے گی۔

انہوں نے مزید کہا کہ یہ فورس ہمارے دفاع کو مضبوط بنانے میں اہم سنگ میل ثابت ہوگی۔

وزیر اعظم شہباز شریف نے کہا ہے کہ سیاسی تقسیم اور ذاتی مفادات سے بڑھ کر پاکستان کیلئے سوچیں اور میں سیاسی جماعتوں اور اسٹیک ہولڈرز کو میثاق استحکام پاکستان کا حصہ بننے کی دعوت دیتا ہوں جبکہ یہ میثاق معیشت کی بحالی کا حصہ نہیں بلکہ وسیع تر قومی مفاد کی بنیاد ہے اور دنیا دیکھ سکھے اختلافات اپنی جگہ مگر پاکستان کیلئے ہم ایک ہیں۔

اسلام آباد میں منعقدہ یوم آزادی کی مرکزی تقریب سے خطاب کرتے ہوئے وزیر اعظم شہباز شریف کا کہنا تھا کہ آزادی کے 78 سال مکمل ہونے پر سب کو مبارکباد پیش کرتا ہوں اور آج کے دن کے حوالے سے طویل تاریخ ہے، ہمارے بزرگوں کی قربانیاں ہر جگہ نظر آتی ہیں، یہ محض آزادی  کی جنگ نہیں تھی دوقومی نظریہ کی فتح تھی، قائداعظم ، علامہ اقبال اور تحریک پاکستان کے تمام قائدین کو سلام پیش کرتا ہوں۔

وزیر اعظم کا کہنا تھا کہ چند ہی لوگ تاریخ کا رخ موڑ پاتے ہیں، ہم نے اس جشن آزادی کو معرکہ حق کا نام دیا ہے، بھارت نے جھوٹے الزام کی آڑ لے کر پاکستان پر حملہ کیا، اسے گھمنڈ تھا کہ وہ جنگی طاقت کی بدولت پاکستان کو زیر کرے گا لیکن جنگیں صرف ہتھیاروں کی بنیاد پر نہیں لڑی جاتیں اور 4 روز میں بھارت کا غرور مٹی میں مل گیا۔

لازمی پڑھیں۔یومِ آزادی اور معرکۂ حق کی مرکزی تقریب میں ترکیہ اور آذربائیجان کی افواج کے دستوں کی شرکت

شہباز شریف کا کہنا تھا کہ فیلڈ مارشل عاصم منیر اور دیگر بہادر اور قابل عسکری سالار کھڑے تھے، جوانوں نے بھارت کو وہ سبق سکھایا کہ آنے والی نسلیں یاد رکھیں گی، یہ جوان سیسہ پلائی دیوار بن کر دشمن کے خلاف لڑتے ہیں، فیلڈ مارشل عاصم منیر قوم کا عظیم بیٹا ہے اور انہوں نے ایسی جنگی حکمت عملی بنائی جس کا اعتراف دوست اور دشمن سب کرتے ہیں۔

انہوں نے کہا کہ 10 مئی 2025 کو ایک نئی قوم ابھر کر سامنے آئی ، ہم دشمن کو بھرپور جواب دینے کی اہلیت رکھتے ہیں، پاکستان اسلامی ممالک کی واحد اور دنیا کی ساتویں جوہری قوت ہے، نواز شریف کو سلام ہے کہ انہوں نے 28 مئی 1998 کو دباؤ کو مسترد کیا اور ملکی دفاع پر سمجھوتہ کرنے سے صاف انکارکیا تھا۔

ان کا کہنا تھا کہ ہماری ایٹمی طاقت کسی طور پر بھی جارحانہ سوچ نہیں رکھتی، ہم نے دفاعی طاقت مضبوط کرنے کیلئے ایٹمی راستہ اپنایا، دوست ممالک نے ہمارا ساتھ دیا اور حوصلہ بڑھایا، چین ، سعودیہ ، ترکیہ ، آذربائیجان ، ایران نے کھل کر پاکستان کی حمایت کی ، ہم ان سب کے مشکور ہیں۔

وزیر اعظم نے کہا کہ امریکی صدر ڈونلڈ ٹرمپ نے جنگ بندی کیلئے مثبت کردار ادا کیا، دیرپا امن کیلئے ٹرمپ مسئلہ کشمیر حل کروانے میں کردار ادا کریں گے۔

شہباز شریف نے کہا کہ ن لیگ نے عوام کی فلاح و بہود کو اپنی ترجیح قرار دیا، ہمارے اقدامات کی وجہ سے دیوالیہ پن کا خطرہ ٹل گیا، ملک بہتری کی جانب گامزن ہے، مہنگائی کی سطح کم ہو کر 5 فیصد کی سطح پر آگئی ہے اور سود کا ریٹ 11 فیصد پر آچکا ہے۔

ان کا کہنا تھا کہ پاکستان معاشی بہتری کی راہ پر گامزن ہے، عالمی ادارے اعتراف کر رہے ہیں پاکستان بہتری کی طرف گامزن ہے، ہمیں شبانہ روز لگن سے محنت کر کے ترقی کرنی ہے، دیار غیر میں وطن کی خاطر شاندار کردار ادا کر رہے ہیں، دیار غیر میں پاکستانی پاکستان کے عظیم سفیر ہیں۔

انہوں نے کہا کہ کشمیر کی وادی بے گناہ کشمیریوں کے خون سے سرخ ہوچکی، پاکستان مظلوم کشمیریوں کے ساتھ کھڑا ہے، فلسطین اور کشمیریوں کے حقوق ملنے تک پاکستان ان کے ساتھ کھڑا رہے گا۔

وزیر اعظم کا کہنا تھا کہ سیاسی تقسیم اور ذاتی مفادات سے بڑھ کر پاکستان کیلئے سوچیں، سیاسی جماعتوں ، اسٹیک ہولڈرز کو میثاق استحکام پاکستان کا حصہ بننے کی دعوت دیتا ہوں، یہ میثاق معیشت کی بحالی کا حصہ نہیں بلکہ وسیع تر قومی مفاد کی بنیاد ہے، دنیا دیکھ سکھے اختلافات اپنی جگہ مگر پاکستان کیلئے ہم ایک ہیں۔

شہباز شریف کا کہنا تھا کہ دہشتگردی میں 90 ہزار افراد شہید ہوچکے ہیں، پاک فوج کے افسران ، جوان اور عوام بھی شامل ہیں، اب ہم نئے فتنے کو جگہ نہیں دیں گے، پاکستان میں ہر کسی کو احتجاج کا حق ہے مگر جلاؤ گھیراو کا نہیں ہے۔

آرمی راکٹ فورس کمانڈ بنانے کا اعلان

اپنے خطاب کے دوران وزیراعظم شہباز شریف نے آرمی راکٹ فورس کمانڈ  بنانے کا اعلان بھی کیا۔

شہباز شریف نے بتایا کہ آرمی راکٹ فورس کمانڈ  جدید ترین ٹیکنالوجی کی حامل ہوگی جو دشمن کو ہر سمت سے نشانہ بنائے گی۔

ان کا کہنا تھا کہ آرمی راکٹ فورس کمانڈ ہماری روایتی جنگی قوت کو مزید مضبوط بنائے گی۔

انہوں نے مزید کہا کہ یہ فورس ہمارے دفاع کو مضبوط بنانے میں اہم سنگ میل ثابت ہوگا۔

انتھونی البانیز نے کہا ہے کہ آسٹریلیا آئندہ ماہ اقوام متحدہ کی جنرل اسمبلی میں فلسطینی ریاست کو تسلیم کرے گا، یہ اقدام فرانس، برطانیہ اور کینیڈا کے اعلانات کے بعد اسرائیل پر عالمی دباؤ بڑھانے کا حصہ ہے۔

آسٹریلوی وزیر اعظم انتھونی البانیز  نے اپنے بیان میں کہا کہ آسٹریلیا ستمبر میں اقوام متحدہ کی جنرل اسمبلی کے 80ویں اجلاس میں فلسطینی ریاست کو تسلیم کرے گا تاکہ دو ریاستی حل، غزہ میں جنگ بندی اور یرغمالیوں کی رہائی کے لیے عالمی کوششوں میں تعاون کیا جا سکے۔

انتھونی البانیز نے کہا ہے کہ یہ تسلیم کرنا ان وعدوں پر منحصر ہے جو فلسطینی اتھارٹی سے حاصل کیے گئے ہیں، جن حماس کا مستقبل کی کسی ریاست میں کوئی کردار نہ ہونا شامل ہے۔دو ریاستی حل مشرق وسطیٰ میں بڑھتی ہوئی کشیدگی کو توڑنے اور غزہ میں تنازع، تکلیف اور بھوک کو ختم کرنے کی انسانیت کی بہترین امید ہے۔

آسٹریلوی وزیر اعظم کا کہنا تھا کہ گزشتہ ہفتے اسرائیلی وزیر اعظم نیتن یاہو سے گفتگو میں کہا کہ مسئلے کا حل سیاسی ہے، فوجی نہیں۔آسٹریلیا نے گزشتہ ہفتے غزہ پر اسرائیلی فوجی کنٹرول کے منصوبے کی مذمت کی تھی۔

انھوں نے کہا کہ فلسطینی اتھارٹی کی حکومت میں اصلاحات، غیر عسکریت پسندی، عام انتخابات کے انعقاد اور عرب لیگ کے حماس سے غزہ میں اقتدار چھوڑنے کے مطالبات نے ایک موقع پیدا کیا ہے۔یہ حماس کو الگ تھلگ کرنے کا موقع ہے۔

مشترکہ بیان میں البانیز اور وزیر خارجہ پینی وونگ نے کہا کہ نیتن یاہو حکومت غیر قانونی بستیوں میں تیزی سے توسیع، مقبوضہ فلسطینی علاقوں کے انضمام کی دھمکی اور کسی فلسطینی ریاست کی کھلی مخالفت کے ذریعے دو ریاستی حل کے امکان کو ختم کر رہی ہے۔

وزیر خارجہ پینی وونگ نے کہا کہ  انہوں نے امریکی وزیر خارجہ مارکو روبیو کو آسٹریلیا کے فیصلے سے آگاہ کر دیا ہے۔گزشتہ ماہ امریکی صدر ڈونلڈ ٹرمپ نے کینیڈا کے فلسطینی ریاست کے حق میں فیصلے کو تنقید کا نشانہ بنایا تھا جبکہ روبیو نے فرانس کے فیصلے کو غیر ذمہ دارانہ قرار دیا تھا۔

وزیراعظم شہباز شریف نے جولائی میں پاکستانی برآمدات 2 ارب 70  کروڑ ڈالر تک پہنچنے پر اطمینان کا اظہار کیا ہے۔

وزیراعظم نے کہا کہ جولائی تا جولائی برآمدات میں 17 فیصد اضافہ انتہائی خوش آئند ہے۔صرف ایک ماہ میں 9  فیصد اضافہ معاشی بہتری کا واضح اشارہ ہے۔وزیراعظم کا کہنا تھا کہ برآمدات پر مبنی ترقی حکومت کی اولین ترجیح ہے۔بہترین معاشی پالیسیوں اور ترجیحات کے باعث معاشی اشاریے درست سمت میں جا رہے ہیں۔

انہوں نے معاشی ٹیم کی کارکردگی کو سراہتے ہوئے کہا کہ ان کی کاوشیں لائقِ تحسین ہیں ، فیس لیس کسٹمز اسیسمنٹ سسٹم سے پورٹ آپریشنز میں بہتری آ رہی ہے۔جی ڈی پی کے مقابلے میں ٹیکس کولیکشن کا تناسب بڑھنا خوش آئند ہے۔کریڈٹ ریٹنگز میں بہتری معیشت کے استحکام کی عکاس ہے۔وزیراعظم کا کہنا تھا کہ بیرون ملک پاکستانیوں کو مزید سہولیات فراہم کی جا رہی ہیں۔

وزیر اعظم شہباز شریف کا کہنا ہے کہ ریاست دہشتگردی کے ناسور کو جڑ سے ختم کرنے کیلئے پرعزم ہے۔

جمعرات کو انسداد دہشتگردی و ریاستی رٹ کے قیام کے متعلق اسٹیرنگ کمیٹی کا اجلاس ہوا جس کی صدارت وزیر اعظم شہباز شریف نے جبکہ فیلڈ مارشل عاصم منیر نے بھی اجلاس میں شرکت کی۔

اجلاس میں نائب وزیر اعظم اسحاق ڈار ، مشیر قومی سلامتی لیفٹیننٹ جنرل محمد عاصم ملک، وفاقی وزراء عطاء اللہ تارڑ ، اعظم نذیر تارڑ ، احد خان چیمہ ، رانا ثنا اللہ ، طلال چوہدری اور تمام صوبوں کے چیف سیکرٹریز، انسپیکٹر جنرلز اور متعلقہ سرکاری حکام نے شرکت کی۔

اجلاس کے دوران وزیر اعظم شہباز شریف نے دہشتگردی کیخلاف وفاقی و صوبائی حکومتوں کے درمیان ہم آہنگی مؤثر بنانے اور سفارشات پر عملدرآمد کی ہدایت کی۔

اجلاس سے خطاب کرتے ہوئے وزیر اعظم کا کہنا تھا کہ ریاست دہشتگردی کے ناسور کو جڑ سے ختم کرنے کیلئے پرعزم ہے اور دنیا دہشت گردوں کیخلاف ہماری کامیاب کاروائیوں کی معترف ہے۔

شہباز شریف کا کہنا تھا کہ ریاست نے دہشتگردی کیخلاف جنگ میں کثیر الجہتی حکمت عملی اپنائی ہے اور زمینی آپریشن ، متعلقہ قانون سازی اور انتہا پسند سوچ کی حوصلہ شکنی کی گئی۔

ان کا کہنا تھا کہ بہادر افواج کے سپوتوں کا دہشتگردی کیخلاف جنگ میں کردار قابل تعریف و قابل تحسین ہے، جانوں کا نذرانہ پیش کرنے والوں اور ان کے اہل خانہ پر مجھ سمیت پوری قوم کو فخر ہے، دہشتگردی کیخلاف قوم ، افواج ، قانون نافذ کرنے والے ادارے متحد اور یکسو ہیں۔

انہوں نے کہا کہ افواج نے آپریشن ردالفساد اور ضرب عضب میں دہشت گردوں کا بھرپور مقابلہ کیا، حالیہ تاریخ ساز معرکہ حق میں دنیا نے پاکستان کی فتح کو تسلیم کیا اور صوبائی حکومتوں، آئی بی ، وزارت داخلہ ، سی ٹی ڈی نے دہشتگردی کیخلاف موثر اقدامات کئے ہیں۔

وزیر اعظم کا کہنا تھا کہ حکومت فتنتہ الہندوستان اور فتنتہ الخوارج کے مکمل خاتمے کیلئے موثر حکمت عملی پر کام کر رہی ہے، مشترکہ کاروائیوں سے اسمگلنگ کیخلاف مؤثر کارروائیاں عمل میں لائی گئیں، اسمگلنگ کی روک تھام سے معیشت پر مثبت اثرات مرتب ہوئے۔

شہباز شریف کا کہنا تھا کہ پرامن مضبوط ریاستی ڈھانچہ ہی بین الاقوامی سطح پر سرمایہ کاروں کے اعتماد کو بحال کرتا ہے، حکومت نے تمام نظام کی ڈیجیٹائزیشن اور ٹیکس سسٹم میں بہتری جیسے انقلابی تبدیلیاں لائی ہے۔

انہوں نے مزید کہا کہ غیر قانونی مقیم افغان باشندوں کی وطن واپسی پروگرام پر عملدرآمد مؤثر طور پر جاری ہے۔

وزیرِ اعظم شہباز شریف کی زیرِ صدارت ہونے والے وفاقی کابینہ کے اجلاس میں حج پالیسی 2026 اور مصنوعی ذہانت پالیسی 2025 کی منظوری دے دی گئی ہے۔

ذرائع کے مطابق حج 2026 کے لیے سرکاری کوٹہ 70 فیصد اور پرائیویٹ حج کوٹہ 30 فیصد مقرر کیا گیا ہے اور سرکاری اسکیم کے تحت حج کی لاگت ساڑھے 11 سے ساڑھے 12 لاکھ روپے تک متوقع ہے۔

وزارت مذہبی امور نے 40 فیصد سرکاری اور 60 فیصد پرائیویٹ کوٹہ کی سمری دی تھی تاہم وزیراعظم کی ذاتی دلچسپی پر سرکاری کوٹہ بڑھا کر 70 فیصد کر دیا گیا۔

وزیراعظم نے مؤقف اختیار کیا کہ بہت سے لوگ حج سے محروم رہ جاتے ہیں اس لیے سرکاری کوٹہ بڑھانا ناگزیر تھا۔

ذرائع کے مطابق حج پالیسی میں تبدیلی عازمین حج کی سہولت کو مدنظر رکھتے ہوئے کی گئی۔

اعلامیہ

اجلاس کے اعلامیے میں کہا گیا کہ آئندہ برس حج آپریشن کی مکمل ڈیجیٹائیزیشن خوش آئند ہے اور وزیراعظم نے ہدایت کی کہ حجاج کرام کو ہر قسم کی سہولیات کی فراہمی یقینی بنائی جائے اور وزارت مذہبی امور حج پالیسی پر عملدرآمد یقینی بنائے۔

اجلاس کو حج پالیسی 2026 کے حوالے سے تفصیلی بریفنگ بھی دی گئی۔

وفاقی کابینہ نے نیشنل اے آئی پالیسی 2025 کی بھی متفقہ طور پر منظوری دی اور کابینہ نے نجکاری سے متعلق کابینہ کمیٹی کے 8 جولائی کے اجلاس کے فیصلوں، قانون سازی کمیٹی کے 17 جولائی اور 25 جولائی کے اجلاسوں میں کیے گئے فیصلوں کی بھی توثیق کی۔

وفاقی وزیر مذہبی امور کی پریس کانفرنس

دوسری جانب وفاقی وزیر مذہبی امور سردار یوسف نے حج پالیسی سے متعلق پریس کانفرنس کرتے ہوئے کہا کہ پاکستان کا سال 2026 کا حج کوٹہ ایک لاکھ 79 ہزار 210 ہے، جس میں سرکاری اسکیم کے لیے ایک لاکھ 19 ہزار اور پرائیویٹ اسکیم کے لیے 60 ہزار نشستیں رکھی گئی ہیں۔

انہوں نے بتایا کہ سرکاری حج درخواستیں 4 اگست سے وصول کی جائیں گی۔

ان کا کہنا تھا کہ لانگ اور شارٹ حج کے پیکجز پہلے کی طرح برقرار رہیں گے جبکہ بارہ سال سے کم عمر بچوں کو اجازت نہیں ہوگی۔

سردار یوسف کے مطابق حج واجبات دو اقساط میں جمع ہوں گے، پہلی قسط پانچ لاکھ روپے ہوگی۔

انہوں نے کہا کہ سعودی عرب سے منظورہ شدہ ویکسین لازمی ہوگی جبکہ عازمین کا ڈیٹا وزارت کی ویب سائٹ پر موجود ہوگا اور موت یا شدید بیماری کی صورت میں متبادل کا جائزہ لیا جائے گا۔

نجی ٹور آپریٹرز کے لیے فنانشل معیار مقرر کیے گئے ہیں اور شفافیت یقینی بنانے کے لیے سرکاری و نجی حج اسکیم کی مانیٹرنگ تیسرے فریق کو دی گئی ہے جو غیرجانبدارانہ انداز میں شفافیت کا جائزہ لے گا۔

اربعین کیلئے بائی روڈ جانے والے زائرین پر پابندی کا معاملہ

اجلاس میں اربعین کے لیے بائی روڈ جانے والے زائرین پر پابندی کے معاملے پر بھی بات ہوئی۔

وفاقی وزیر ریاض حسین پیرزادہ نے یہ مسئلہ کابینہ اجلاس میں اٹھایا اور ذرائع کے مطابق وفاقی حکومت کی جانب سے ریاض پیرزادہ اور شیعہ علما کونسل کے درمیان مذاکرات ہوئے جن میں زائرین سے متعلق امور پر مشاورت کی گئی۔

شیعہ علماء کونسل نے حکومت کو زائرین کو درپیش مسائل سے باضابطہ طور پر آگاہ کیا۔

ریاض پیرزادہ نے کہا کہ وہ اس اہم معاملے پر وفاقی کابینہ خصوصاً وزیراعظم کو آگاہ کریں گے۔

شیعہ علماء کے مطابق ہزاروں زائرین کے ویزے لگ چکے ہیں جبکہ ٹرانسپورٹ اور ہوٹلز بھی بک ہوچکے ہیں جس کی وجہ سے لوگ پریشان ہیں۔

مذاکرات میں متبادل راستوں سمیت دیگر تجاویز پر بھی غور کیا گیا۔

وزیراعظم کےمعاون خصوصی ہارون اخترنے فوری طور پہ جیمز اینڈ جیولری شعبہ کے ساتھ اجلاس طلب کرنے کی ہدایت کردی اور کہا کہ ملک میں اربوں ڈالر کےجیمز کےذخائر ہیں، صرف چند ملین ڈالر کی رسمی برآمدات رجسٹر ہوتی ہیں۔

معاون خصوصی ہارون اختر سے اسلام آباد میں فرانسیسی جیمز مینوفیکچررز نے ملاقات کی   جس میں جیمزاینڈ جیولری کی برآمدات ،متعلقہ دستاویزات اور ویلیو ایڈیشن پر تبادلہ خیال کیا گیا ۔

 ہارون اختر نے کہا پاکستان دنیا کے صف اول کے جیم اسٹونز پیدا کرنے والے ممالک میں شامل ہے،  پاکستان سے تقریباً دو ارب ڈالر کا سونا غیر دستاویزی طریقے سے برآمد  ہو رہا ہے، یہ برآمد دستاویزی ہونا ضروری ہے،غیردستاویزی برآمد سرمایہ کاروں کیلئےسنگین مسئلہ ہے،غیرقانونی جیمز اینڈ جیولری کاروبار خزانے کو سالانہ اربوں ڈالر کا نقصان پہنچا رہا ہے، معاون خصوصی نے کہا حکومت سونے اور قیمتی پتھروں کی قانونی برآمدات کیلئےپالیسیاں بنانے پر غور کر رہی ہے ۔

وزیراعظم نے کئی دہائیوں میں پہلی بار بجلی تقیسم کار کمپنیوں کےخسارے میں کمی آنے کو خوش آئند قرار دیتے ہوئے کہا ہے اس سے ڈسکوز کی نجکاری کا عمل اور آسان ہو جائے گا ۔

کابینہ کمیٹی برائے توانائی کے اجلاس کی صدارت کرتے ہوئے وزیراعظم شہباز شریف نے وزیر توانائی اویس لغاری ، وفاقی سیکریٹری پاور ڈویژن ڈاکٹر محمد فخر عالم اور ان کی ٹیم کی کوششوں کو سراہا ۔ وزیراعظم نے  اچھی کارکردگی کی حامل تقسیم کار کمپنیوں کو ستائشی خطوط بھیجنے کی ہدایت کی ۔ اجلاس کو بریفنگ میں بتایا گیا بجلی تقیسم کار کمپنیوں کا خسارہ ایک سو ترانوے ارب روپے کم ہوا ہے،مجموعی طور پر بجلی تقیسم کار کمپنیوں کے خسارے میں 242  ارب روپے کی بہتری آئی ہے ۔ گردشی قرض کا فلو سات سو اسی ارب روپے رہا ہے ۔ لاہورالیکٹرک سپلائی کمپنی اور ملتان الیکٹرک پاور کمپنی نےسب سےاچھی کارکردگی دکھائی  ۔  

وادی تیراہ کے علاقے باغ میدان میں خوارج کی فائرنگ کے نتیجے میں بے گناہ شہریوں کی شہادت پر وزیراعظم شہباز شریف اور خیبر پختونخوا کے وزیراعلیٰ علی امین گنڈاپور نے گہرے دکھ اور افسوس کا اظہار کیا ہے۔

اپنے بیان میں وزیراعظم شہباز شریف نے اس واقعے کی شدید مذمت کرتے ہوئے کہا کہ دہشت گردوں کے مکروہ عزائم قوم کے عزم کو متزلزل نہیں کر سکتے۔

وزیر اعظم نے زخمیوں کو فوری طبی امداد فراہم کرنے کی ہدایت دیتے ہوئے عزم ظاہر کیا کہ دہشت گردی کا مکمل خاتمہ کیا جائے گا۔

دوسری جانب خیبر پختونخوا حکومت نے بھی واقعے پر گہرے رنج کا اظہار کیا۔

وزیراعلیٰ علی امین گنڈاپور نے جاں بحق افراد کے اہل خانہ کے لیے فی کس ایک کروڑ روپے اور زخمیوں کے لیے فی کس 25 لاکھ روپے امداد کا اعلان کیا۔

انہوں نے کہا کہ صوبائی حکومت پائیدار امن، عوامی تحفظ اور باہمی احترام کے فروغ کے لیے پرعزم ہے۔

وزیراعلیٰ نے مقامی جذبات و تحفظات کو سمجھنے کے لیے قبائلی مشران اور عوامی نمائندوں پر مشتمل ایک جرگہ پشاور طلب کیا ہے جبکہ ڈویژنل اور صوبائی سطح پر جرگوں کا سلسلہ آئندہ ہفتے سے شروع ہوگا۔

انہوں نے ضلعی انتظامیہ اور اداروں کو عوامی رابطے مضبوط بنانے اور نظم و ضبط برقرار رکھنے کی ہدایت کی۔

انہوں نے کہا کہ آل پارٹیز کانفرنس میں اس طرح کے واقعات کے حل کے لیے تجاویز مرتب کی گئی تھیں جن پر عملدرآمد کیا جائے گا۔

وزیراعظم شہبازشریف نے بین الاقوامی سطح پر پاکستان کا نام روشن کرنے والے کھلاڑیوں کیلئے کیش ایوارڈ پالیسی بنانے کا فیصلہ کر لیاہے اور اس حوالے سے رانا ثناءاللہ نے پاکستان اسپورٹس بورڈ کو یکساں انعامی پالیسی بنانے کا ٹاسک دے دیا ہے ۔

تفصیلات کے مطابق  تمام انعامی پیکجز قومی سطح پر متوازن، شفاف اور مستقل بنیادوں پر طے ہوں گے، اولمپکس، ورلڈ گیمز، ایشین گیمز اور عالمی چیمپیئن شپس کے میڈلسٹ کیلئے یکساں انعامات کا معیار ہو گا ۔

ذرائع کے مطابق گولڈ، سلور اور براؤن میڈلز پر ایک جیسا انعامی معیار لاگو ہوگا، کوئی حکومتی شخصیت عوامی پیسے سے انفرادی انعام نہیں دے سکے گی۔ حکومت نے ہدایت دی کہ انفرادی انعام صرف ذاتی خرچ سے دیا گیا انعام قابل قبول ہو گا۔

ذرائع کے مطابق ارشد ندیم کو انفرادی انعامات کے بعد دیگر کھلاڑیوں میں احساس محرومی بڑھا ہے ، نئی پالیسی سے کھلاڑیوں کی یکساں حوصلہ افزائی ہو گی،بداعتمادی کا خاتمہ ہو گا، پاکستان اسپورٹس بورڈ نئی پالیسی کا مسودہ جلد وزیراعظم کو منظوری کے لیے پیش کرے گا۔

ہن منیٹ نے تھائی لینڈ کے ساتھ سرحدی کشیدگی پر جنگ بندی سے متعلق اپنا مؤقف واضح کر دیا۔

کمبوڈیا کے وزیراعظم ہن منیٹ نے فیس بک پوسٹ میں کہا کہ ملائیشیا کے وزیراعظم اور آسیان کے چیئرمین انور ابراہیم نے 24 جولائی کی شام کمبوڈیا سے ٹیلیفونک رابطہ کیا اور سرحد پر تھائی اور کمبوڈین افواج کے درمیان لڑائی پر تشویش کا اظہار کیا۔

وزیراعظم ہن منیٹ نے کہا کہ  انور ابراہیم نے دونوں ممالک کے درمیان فوری جنگ بندی کی تجویز پیش کی۔ کمبوڈیا نے اس تجویز سے اتفاق کیا کیونکہ کمبوڈیا نے لڑائی کا آغاز نہیں کیا تھا۔

ہن منیٹ نے لکھا کہ تھائی لینڈ کے قائم مقام وزیراعظم فومتھم ویچایاچائی سے انور ابراہیم کی بات چیت کے بعد انہیں آگاہ کیا گیا کہ تھائی فریق نے بھی جنگ بندی پر رضامندی ظاہر کی ہے اور 24 جولائی کو رات 12 بجے دونوں ممالک کے درمیان جنگ بندی کا وقت طے کیا گیا۔

انھوں نے کہا کہ صرف ایک گھنٹے بعدتھائی فریق نے جنگ بندی پر اپنی رضامندی واپس لے لی اور مؤقف اختیار کیا کہ وہ کسی بعد کی تاریخ کے انتظار میں ہیں۔

ہن منیٹ نے کہا کہ انور ابراہیم اس صورتحال سے بخوبی آگاہ ہیں۔ دونوں ممالک کے درمیان موجودہ مسلح تنازع کے حل کی کنجی تھائی لینڈ کی جانب سے جنگ بندی کی حقیقی آمادگی میں ہے۔

واضح رہے کہ اس سال فروری میں کمبوڈیا کے کچھ افراد نے اپنی فوج کے ساتھ مل کر ٹا موان تھوم کے مقام پر جا کر اپنا قومی ترانہ گایا، لیکن تھائی لینڈ کے فوجیوں نے انہیں ایسا کرنے سے روک دیا۔

پھر مئی کے آخر میں حالات دوبارہ کشیدہ ہو گئے جب سرحد کے ایک اور متنازع مقام پر فائرنگ کا تبادلہ ہوا، جس میں کمبوڈیا کا ایک فوجی مارا گیا۔اس واقعے کے بعد کمبوڈیا نے جون میں اعلان کیا کہ اس نے تھائی لینڈ کے ساتھ سرحدی تنازعات حل کرنے کے لیے عالمی عدالت انصاف (ICJ) سے رجوع کیا ہے۔

تاہم تھائی لینڈ نے کہا کہ وہ عدالت کے دائرہ اختیار کو تسلیم نہیں کرتا اور بات چیت کو دو رکھنا چاہتا ہے۔ٹا موان تھوم مندر کے معاملے پر آج تک کوئی حتمی فیصلہ نہیں ہوا۔

تھائی لینڈ کی سیاحت کی اتھارٹی کے مطابق یہ مندر تھائی لینڈ ،کمبوڈیا سرحد پر واقع ایک بدھ مت مذہبی مقام ہے، جو بان نونگ کھنہ، تامبون ٹا میوانگ میں ہے۔یہ تاریخی مقام بادشاہ جے ورمن ہفتم کے دور میں تعمیر ہوا تھا اور مسافروں کے آرام کے لیے ایک طرح کا قیام گاہ سمجھا جاتا ہے۔

وزیراعظم شہباز شریف نے پاک فضائیہ کو رائل انٹرنیشنل ایئر ٹیٹو شو 2025 میں شاندار کارکردگی پر مبارکباد دی ہے۔

اپنے بیان میں وزیر اعظم شہباز شریف نے پاک فضائیہ کے جے ایف-17 تھنڈر بلاک III اور سی-130 طیاروں کی شاندار کارکردگی کو سراہتے ہوئے کہا کہ فضائیہ کی قیادت، پائلٹس اور ٹیکنیشنز کی پیشہ ورانہ صلاحیتوں نے پاکستان کا نام عالمی سطح پر روشن کیا ہے۔

وزیراعظم نے کہا کہ پاک فضائیہ کی قیادت کے وژن اور پائلٹس و ٹیکنیشنز کی محنت کی بدولت پاکستان کا پرچم بلند ہو رہا ہے۔

شہباز شریف نے مزید کہا کہ پاک فضائیہ نے عملی میدان میں دشمن کے 6 طیاروں کو گرا کر اپنی صلاحیتوں کا لوہا منوایا اور 21 ویں صدی کی سب سے بڑی اور طویل جنگ میں بہترین کارکردگی دکھائی۔

شہباز شریف نے پاک فضائیہ کی پیشہ ورانہ صلاحیتوں کو خراج تحسین پیش کرتے ہوئے کہا کہ ان کی کامیابیوں کی مثال رہتی دنیا تک دی جائے گی۔

انہوں نے زور دیا کہ فضائیہ کی یہ کامیابیاں اس بات کی عکاس ہیں کہ پاکستان کی فضائی حدود کا دفاع مضبوط ہاتھوں میں ہے۔

وزیراعظم شہباز شریف سے نانگا پربت سر کرنے والی قطری شہزادی اور کوہ پیماء شیخہ اسماء الثانی نے ملاقات کی جس دوران  وزیراعظم نے ان کی کامیابی کو سراہتے ہوئے انہیں پاکستان کی ماؤنٹینز اینڈ ٹورازم کی سفیر مقرر کردیا۔

شیخہ اسماء الثانی سے ملاقات کے دوران وزیراعظم نے ان کے عزم ۔حوصلے اور صنفی مساوات کے لیے کوششوں کو خراج تحسین پیش کیا۔وزیراعظم نے شیخہ اسما الثانی کو پاکستان کی ماؤنٹینز اینڈ ٹورازم کی برانڈ ایمبیسڈر مقرر کرنے کا اعلان کرتے ہوئے کہا کہ دنیا کی چودہ بلند ترین چوٹیوں میں سے پانچ کا پاکستان میں ہونا ہمارے لیے باعث فخر ہے۔ انہوں نے پاکستانی پورٹرز اور گائیڈز کی خدمات کو بھی سراہا جنہوں نے کوہ پیماؤں کے لیے عالمی سطح کی معاونت فراہم کی۔وزیراعظم نے کہا کہ شیخہ اسماء کی کامیابی نہ صرف ایک کارنامہ ہے بلکہ پاکستان اور قطر کے درمیان دوستانہ تعلقات کی عکاسی بھی کرتی ہے۔ انہوں نے یقین دہانی کرائی کہ پاکستان بین الاقوامی کوہ پیماؤں کو ہر ممکن سہولیات فراہم کرے گا۔شیخہ اسماء الثانی نے پاکستان میں پرتپاک مہمان نوازی اور تعاون پر وزیراعظم اور عوام کا تہہ دل سے شکریہ ادا کیا۔

وزیر اعظم شہباز شریف نے زراعت میں مصنوعی ذہانت اور جدید ٹیکنالوجی کے مؤثر استعمال کی ہدایت کرتے ہوئے کہا ہے کہ اس مقصد کیلئے بین الاقوامی شہرت یافتہ ماہرین کی خدمات سے استفادہ حاصل کیا جائے۔

منگل کو وزیرِ اعظم شہباز شریف کی زیر صدارت زرعی شعبے کی کارکردگی اور اصلاحات پر جائزہ اجلاس ہوا جس میں زرعی اصلاحات اور پیدوار میں اضافے کے حوالے سے جامع لائحہ عمل طلب کر لیا گیا۔

اجلاس سے خطاب کرتے ہوئے وزیر اعظم شہباز شریف کا کہنا تھا کہ زرعی پیدوار میں بہتری اور متعلقہ برآمدات میں اضافہ اولین ترجیح ہے، کسانوں کو آسان شرائط پر قرض فراہمی کیلئے اقدامات کا طویل وقلیل مدتی لائحہ عمل بھی پیش کریں۔

شہباز شریف کا کہنا تھا کہ زرعی اجناس کی فی ایکڑ پیداوار میں اضافے کیلئےتحقیقی مراکز کو مزید فعال بنایا جائے اور زرعی تحقیقی مراکز میں پبلک پرائیویٹ پارٹنر شپ کے تحت جدید تحقیق یقینی بنایا جائے۔

انہوں نے زرعی اجناس کی ویلیو ایڈیشن سے برآمدی اشیا کی تیاری کیلئے اقدامات  کرنے کی بھی ہدایت کی اور کہا کہ اس حوالے سے چھوٹے اور درمیانے درجے کی زرعی صنعت کی ترقی کا لائحہ عمل بنایا جائے۔

ان کا کہنا تھا کہ منافع بخش فصلوں کی کاشت اور پاکستان کو غذائی تحفظ کے حوالے سے خود کفیل بنانا ہے، خود کفالت کیلئے کسانوں کو ہر قسم کی رہنمائی فراہم کرنے کے اقدامات کئے جائیں۔

انہوں نے کہا کہ کسانوں اور دیگر اسٹیک ہولڈرز کے ساتھ تجاویز کیلئے مشاورتی عمل کو یقینی اور زرعی شعبے کی ترقی کیلئے صوبائی حکومتوں سے روابط و تعاون مزید مربوط بنایا جائے۔

وزیر اعظم کا مزید کہنا تھا کہ موسمیاتی تبدیلی کے مضر اثرات سے بچاؤ کیلئے کسانوں کی معاونت کی جائے ، کلائمیٹ رزسٹینٹ بیج اور زراعت کے جدید طریقہ کار اپنانے میں کسانوں کی معاونت ضروی ہے۔

فیڈرل بورڈ آف ریونیو (ایف بی آر) اور انٹیلی جنس بیورو (آئی بی) نے مشترکہ کوششوں سے 178 ارب روپے کی ٹیکس ریکوری کرلی۔

ٹیکس چوری اور ذخیرہ اندوزی کے خلاف فیڈرل بورڈ آف ریونیو اور انٹیلی جنس بیورو کے آپریشنز کی رپورٹ وزیراعظم شہباز شریف کو پیش کردی گئی ہے جس کے مطابق مشترکہ کوششوں سے 178 ارب روپے کی ریکوری ممکن ہوئی ہے۔

رپورٹ کے مطابق چینی، سیمنٹ، مشروبات، خوردنی تیل، تمباکو سمیت دیگر شعبوں میں 515 چھاپے مارے گئے، جن سے ساڑھے 10 ارب روپے کا اضافی ٹیکس وصول کیا گیا۔

رپورٹ میں بتایا گیا کہ آئی بی نے چینی، کھاد اور گندم کے شعبوں میں ذخیرہ اندوزی اور من مانی قیمتوں کے خلاف 13 ہزار سے زائد آپریشنز کیے، جن کے نتیجے میں اپریل 2022 سے اب تک 99 ارب روپے سے زائد کی غیر قانونی ذخیرہ شدہ اشیا قبضے میں لی گئیں۔

کمپنیوں کے انضمام اور ٹیلی کمیونیکیشن سیکٹر میں بقایاجات کی وصولی سے ٹیکس آمدن میں 69 ارب روپے کا اضافہ ریکارڈ کیا گیا۔

وزیراعظم شہباز شریف نے ایف بی آر اور آئی بی کی کارکردگی کو سراہتے ہوئے کہا کہ پاکستان کا معاشی استحکام ان مشترکہ کوششوں کا نتیجہ ہے۔

انہوں نے ملکی خوشحالی اور ٹیکس آمدن میں اضافے کے لیے سب کو مل کر کام جاری رکھنے پر زور دیا۔

ایف بی آر اصلاحات کے جائزہ اجلاس میں وزیراعظم کو کسٹمز کلیئرنس اور رسک مینجمنٹ کے لیے متعارف کردہ آرٹیفیشل انٹیلی جنس (اے آئی) سسٹم پر بریفنگ دی گئی اور بتایا گیا کہ ابتدائی ٹیسٹنگ میں اس نظام کی کارکردگی 92 فیصد سے زائد رہی، جبکہ 83 فیصد سے زائد گڈز ڈیکلریشن کا تعین ممکن ہوا اور گرین چینل کلیئرنس ڈھائی گنا بڑھ گئی۔

وزیراعظم نے متعلقہ افسران کی تعریف کرتے ہوئے کہا کہ انسانی مداخلت کم ہونے سے نظام میں شفافیت بڑھے گی، وقت اور پیسے کی بچت ہوگی اور ٹیکس دہندگان کو سہولت ملے گی۔

انہوں نے ایف بی آر کی اصلاحات کو حکومت کی اولین ترجیحات میں شامل قرار دیا۔

وزیراعظم شہباز شریف نے اتصالات گروپ کو پاکستانی معیشت کےمختلف شعبوں میں مزید سرمایہ کاری کی پیشکش کی اور  کہا تمام بیرونی سرمایہ کار کمپنیوں کو کاروبار دوست ماحول فراہم کرنا حکومت کی ترجیح ہے۔  سی ای او اتصالات نے طویل مدتی اور کامیاب سرمایہ کاری کے عزم کا اظہار کیا۔

وزیراعظم شہباز شریف سے اماراتی ٹیلی کمیونیکیشن کمپنی اتصالات گروپ کے پانچ رکنی وفد نے سی ای او داؤدار کی قیادت میں ملاقات کی۔  وزیراعظم نے کہا کہ پاکستان اور یو اے ای کے دیرینہ تعلقات مشترکہ ثقافت، بھائی چارے اور مذہبی اقدار پر مبنی ہیں۔ اماراتی کمپنیاں پاکستانی معیشت میں عرصہ دراز سے سرمایہ کاری کر رہی ہیں۔  اتصالات گروپ پاکستانی معیشت کےمختلف شعبوں میں مزید سرمایہ کاری کرے ۔ حکومت اس کیلئے تمام سہولیات فراہم کرے گی۔ سی ای او اتصالات حاتم داؤدار نے حکومتی سرمایہ دوست پالیسیوں اور بہتر ماحول کی فراہمی پر وزیراعظم کو خراج تحسین پیش کیا۔ کہا  پاکستان میں گزشتہ انیس سال سے کامیاب سرمایہ کاری کر رہے ہیں۔  مزید کاروبار  کے خواہاں ہیں۔ 

وزیراعظم شہباز شریف کا کہنا ہے کہ محرم الحرام عزت و عظمت والےچارمہینوں میں سےایک ہے۔ نئے ہجری سال کےآغاز پرعہد کریں کہ ہم اپنےاسلاف کی روایات کوزندہ رکھیں گے۔

وزیراعظم شہباز شریف نے نئے ہجری سال کے آغاز پر اپنے پیغام میں کہا کہ محرم الحرام کا مقدس مہینہ ہمارے اسلاف کی بےمثال قربانیوں کی یاد دلاتا ہے۔ آج کےدورمیں امت مسلمہ گو ناگوں چیلنجزکا سامنا کر رہی ہے۔ اللہ تعالیٰ آئندہ سال کو پاکستان سمیت دنیا بھرکیلئےامن واستحکام کا سال بنائے۔ اللہ تعالیٰ سےدعا ہےوہ ہمیں قومی وحدت اوراخوت کی روش اپنانےکی توفیق عطافرمائے۔ پروردگارہمارے ریاستی و قومی اداروں کومزید مضبوط اورعوامی خدمت کاحقیقی نمونہ بنائے۔ وزیراعظم نے کہا کہ خدائےذوالجلال کے حضور دعا گو ہوں کہ یہ ہجری سال ہم سب کیلئےباعث رحمت ہو۔

وزیر اعظم شہباز شریف کی زیر صدارت ہونے والے اجلاس میں وفاقی کابینہ نے پاور سیکٹر میں تاریخی اصلاحات کی منظوری دے دی۔

بدھ کو وزیراعظم شہباز شریف کی زیر صدارت وفاقی کابینہ کا اجلاس وزیراعظم ہاؤس میں منعقد ہوا جس متعدد اہم فیصلے کیے گئے جن میں پاور سیکٹر کے گردشی قرضے کے خاتمے کے لیے پاکستان کی سب سے بڑی مالیاتی اسکیم کی منظوری سرفہرست ہے۔

وفاقی کابینہ نے پاور سیکٹر میں مالیاتی استحکام کی بحالی کے لیے ایک اہم فیصلہ کرتے ہوئے 1,275 بلین روپے کے گردشی قرضے کو اگلے چھ سالوں میں ختم کرنے کی اسکیم کی منظوری دی۔

اس اسکیم کے تحت پاور ہولڈنگ کمپنی کے 683 ارب روپے کی ری فنانسنگ اور انڈیپینڈنٹ پاور پروڈیوسرز (آئی پی پیز) کے بقایاجات کی ادائیگی کی جائے گی۔

یہ فیصلہ قومی بجٹ پر اضافی دباؤ ڈالے بغیر توانائی کے شعبے کی اصلاحات اور سرمایہ کاروں کے اعتماد کی بحالی کے لیے حکومت کے عزم کی عکاسی کرتا ہے اور وزیراعظم نے اسے پاکستان کی معیشت اور بجلی کے شعبے کے لیے ایک بڑی کامیابی قرار دیا۔

کابینہ نے عوام دوست بجٹ پر وفاقی وزیر خزانہ محمد اورنگزیب اور ان کی معاشی ٹیم کی کاوشوں کو سراہا اور حج بیت اللہ کے دوران شاندار انتظامات پر وزیراعظم نے وفاقی وزیر مذہبی امور سردار یوسف کو خراج تحسین پیش کیا۔

وزیراعظم نے آرمی چیف فیلڈ مارشل سید عاصم منیر کے دورہ امریکہ کے دوران پاکستانی برادری سے خطاب کی تعریف کی اور انہوں نے فیلڈ مارشل کے پاکستان کی سرحدوں اور مفادات کے دفاع کے لیے پختہ عزم کے اظہار پر خراج تحسین پیش کیا۔

وفاقی کابینہ نے وزارت انسانی حقوق کی سفارش پر کمال الدین ٹیپو کو کمیشن برائے پروٹیکشن آف جرنلسٹس اینڈ میڈیا پروفیشنلز کا چیئرپرسن تعینات کرنے کی منظوری دی۔

کابینہ نے نیشنل پاور پارکس مینجمنٹ کمپنی لمیٹڈ کو روش پاور پلانٹ کے حصول کے تناظر میں خدمات کی خریداری کے لیے پاکستان پبلک پروکیورمنٹ ریگولیٹری اتھارٹی آرڈیننس 2002 کے سیکشن 21 کے تحت استثنٰی دینے کی منظوری دی۔

وفاقی کابینہ نے کابینہ کمیٹی برائے لیجسلیٹو کیسز کے 21 مئی 2025 کے اجلاس کے فیصلوں کی توثیق بھی کی۔

وزیر اعظم کا خطاب

وزیراعظم شہباز شریف نے اسرائیل کو عالمی امن کےلیے خطرہ قرار دیدیا۔

وفاقی کابینہ اجلاس میں اظہار خیال کرتے ہوئے وزیراعظم شہبازشریف نے کہا کہ صیہونی ریاست نے ایران کے خلاف کھلی جارحیت کی۔ غزہ میں بھی ظلم کا بازار گرم ہے۔ عالمی ضمیر کب جاگے گا؟ اسرائیلی اقدامات عالمی اور خطے کے امن کیلئے خطرناک ہیں۔

وزیراعظم نے کہا کہ ایران اور اسرائیل کے حوالے سے صورتحال افسوسناک ہے، ہم نے ایران پراسرائیلی حملے کی مذمت کی، ایرانی صدر سے پاکستانی عوام کی جانب سے یکجہتی کا اظہار کیا، عالمی ممالک کو جلد جنگ بندی کیلئے کوشش کرنی چاہیے۔

شہبازشریف نے کہا کہ بھارت کیخلاف جنگ میں اللہ تعالیٰ نے عظیم فتح عطا فرمائی، دہشتگردی کیخلاف جنگ جاری ہے، افواج کو جو ضروری سامان چاہیے،ہم نے بجٹ میں اسپیس کو بڑھایا، پی ایس ڈی پی کو اس سال ایک ہزار ارب پر لائے ہیں، جو معیشت کو ڈیفالٹ پر لے گئے تھے، ہم نے ملک کو ڈیفالٹ سے بچایا۔

انہوں نے مزید کہا کہ بجٹ کے حوالے سے بحث جاری ہے، بجٹ کے حوالے سے وزیرخزانہ اور ان کی پوری ٹیم کو مبارکباد دیتا ہوں۔ آئی ایم ایف کو بتادیا تھا۔ زراعت اور کھاد پر ٹیکس نہیں لگنے دیں گے، تنخواہوں میں اضافہ 10 فیصد کیا گیا۔ 6 لاکھ سے 12 لاکھ تک لوگوں پر ایک فیصد ٹیکس لگے گا، پچھلے سال 5 فیصد تھا خوشی ہے آئی ایم ایف نے اس بات کو مان لیا۔

وزیراعظم شہباز شریف نے ملکی سیاسی رہنماؤں سے ٹیلی فونک رابطہ کر کے انہیں عید الاضحیٰ کی مبارکباد دی ہے۔

وزیر اعظم شہباز شریف نے عید الاضحیٰ کے دوسرے روز جمعیت علمائے اسلام (ف) کے سربراہ مولانا فضل الرحمان، جماعت اسلامی کے امیر حافظ نعیم الرحمان، جمعیت علمائے پاکستان کے سیکرٹری جنرل شاہ اویس نورانی، قومی وطن پارٹی کے سربراہ آفتاب احمد خان شیرپاؤ، اور پاکستان مسلم لیگ کے رہنما و وفاقی وزیر برائے اوورسیز پاکستانیز چوہدری سالک حسین سے ٹیلی فونک رابطہ کیا۔

وزیراعظم نے تمام رہنماؤں کو عید الاضحیٰ کی مبارکباد دی اور نیک خواہشات کا اظہار کیا۔

چوہدری سالک حسین کے ساتھ گفتگو میں انہوں نے صدر مسلم لیگ چوہدری شجاعت حسین کے لیے بھی عید مبارک کا پیغام دیا اور ان کی صحت کے بارے میں دریافت کیا۔

شہباز شریف نے چوہدری شجاعت حسین کی جلد صحت یابی کے لیے دعا اور نیک تمناؤں کا اظہار کیا۔

رابطوں کے دوران ملک کی مجموعی سیاسی صورتحال پر بھی تبادلہ خیال ہوا جبکہ سیاسی رہنماؤں نے بھی وزیراعظم کو عید کی مبارکباد پیش کی اور نیک خواہشات کا اظہار کیا۔

وزیراعظم شہباز شریف سعودی ولی عہد شہزادہ محمد بن سلمان کی دعوت پر دو روزہ دورے پر سعودی عرب پہنچ گئے۔

جدہ کے گورنر شہزادہ سعود بن عبداللہ سمیت دیگر اعلیٰ حکام نے وزیر اعظم کا پرتپاک استقبال کیا جبکہ شہباز شریف کے ہمراہ ایک اعلیٰ سطحی وفد بھی موجود ہے۔

وزیراعظم شہباز شریف عید الاضحیٰ سعودی عرب میں منائیں گے اور اسی دن سعودی ولی عہد شہزادہ محمد بن سلمان سے ملاقات کریں گے۔

ملاقات میں دوطرفہ تعلقات، تجارت، سرمایہ کاری، امت مسلمہ کی فلاح و بہبود، اور علاقائی امن و سلامتی کے امور پر تبادلہ خیال کیا جائے گا۔

وزیراعظم پاک، بھارت کشیدگی کم کرنے میں سعودی قیادت کے کردار پر شکریہ ادا کریں گے۔

وزیراعظم اور پاکستانی وفد عمرہ کی ادائیگی کے لیے جدہ سے مکہ مکرمہ روانہ ہو گئے ہیں۔

وزیر اعظم شہباز شریف نے کہا ہے کہ امن اور اقتصادی روابط میں اضافے کیلئے امریکی صدر ڈونلڈ ٹرمپ کی کوششیں قابل ستائش ہیں اور انہوں نے ثابت کر دیا کہ وہ امن کے داعی ہیں۔

بدھ کے روز امریکی سفارتخانے میں امریکا کے 249 ویں یوم آزادی کے حوالے سے تقریب کا انعقاد کیا گیا جس میں وزیر اعظم شہباز شریف سمیت وفاقی وزرا اور اہم شخصیات نے شرکت کی۔

تقریب سے خطاب کرتے ہوئے وزیر اعظم شہباز شریف نے امریکا کے 249 ویں یوم آزادی کی مبارکباد دی اور کہا کہ دونوں ممالک کے تعلقات کو مضبوط بنانے کیلئے پُرعزم ہیں اور یہ تعلقات نئے دور میں داخل ہو رہے ہیں جبکہ دونوں ممالک جمہوری روایات اور آئین کی بالادستی پر یقین رکھتے ہیں۔

وزیر اعظم کا کہنا تھا کہ امریکا پاکستان کو تسلیم کرنے والے ابتدائی ممالک میں شامل تھا اور دونوں ممالک کے تعلقات کی ایک تاریخ ہے جبکہ پاکستان کی سماجی اور اقتصادی ترقی کیلئے کئی منصوبے قریبی تعلقات کے عکاس ہیں۔

شہباز شریف کا کہنا تھا کہ نائن الیون کے بعد دہشتگردی کیخلاف عالمی جنگ شروع ہوئی جس کے بعد 2018 میں پاکستان نے دہشتگردی کا مکمل خاتمہ کر دیا تھا تاہم اس جنگ میں بھاری جانی اور مالی نقصان اُٹھایا اور 90 ہزار سے زائدجانیں قربان کی جبکہ 150 ارب ڈالر سے زیادہ کا نقصان ہوا۔

ان کا کہنا تھا کہ دہشتگردی کیخلاف پاکستان کی قربانیاں کسی سے کم نہیں اور اب ہماری توجہ معیشت کو مضبوط کرنے پر مرکوز ہے جبکہ پاکستان ہمیشہ امن ، استحکام اور خوشحالی کا داعی رہا ہے۔

وزیر اعظم نے کہا کہ کوئی شک نہیں رہا کہ پہلگام واقعہ فالس فلیگ آپریشن تھا اور ٹھوس شواہد دینے کے بجائے بھارت نے الزام تراشی کا سہارا لیا جبکہ ہم نے پہلگام واقعہ کی غیرجانبدارانہ اور شفاف تحقیقات کی پیشکش کی لیکن ہماری پیشکش کا جواب دینے کے بجائے بھارت نے جارحیت کی۔

شہباز شریف نے کہا کہ پاکستان نے کشیدہ صورتحال میں بہت تحمل کا مظاہرہ کیا اور اپنے دفاع میں جوابی کارروائی کے دوران 6 بھارتی طیارے گرائے۔

انہوں نے مزید کہا کہ امریکی دوستوں نے کشیدگی میں کمی کیلئے رابطہ کیا جس پر پاکستان نے خطے کے امن و استحکام کیلئے جنگ بندی کا خیرمقدم کیا اور جنگ بندی کیلئے امریکی صدر ٹرمپ کے کردار کو سراہتے ہیں۔

وزیر اعظم شہباز شریف کا کہنا ہے کہ قبائلی عمائدین بھارتی سرپرستی میں چلنے والے فتنہ خوارج کے خلاف متحد رہیں اور خوارج کے مذموم عزائم کو بے نقاب کیں۔

منگل کے روز خیبرپختونخوا جرگے سے خطاب کرتے ہوئے وزیر اعظم شہباز شریف کا کہنا تھا کہ جرگے میں شرکت میرے لیےعزت کی بات ہے اور ہم سب بڑے غور سے آپ کی باتیں سننے کیلئے آئے ہیں۔

وزیراعظم کا کہنا تھا کہ خیبرپختونخوا ایک عظیم اور پاکستان کا خوبصورت صوبہ ہے جس کے عوام دلیر،غیور اور غیرت مند لوگ ہیں، یہاں کے عوام نے ہمیشہ پاکستان کا دفاع کیا اور جب بھی پاکستان کی بات آئی انہوں نے قومی پرچم بلند کیا، خیبرپختونخوا کے عوام کی قربانیاں سنہری حروف سے لکھی جائیں گی۔

شہباز شریف کا کہنا تھا کہ سانحہ اے پی ایس ہوا تو اس کے بعد سنجیدگی کے ساتھ اہم فیصلے لیے گئے۔

انہوں نے کہا کہ وزیر اعلیٰ علی امین گنڈا پور نے کہا این ایف سی ایوارڈ کو 15 سال ہوگئے ، نظرثانی ہونی چاہیے جس پر  ایوارڈ سے متعلق کمیٹی بنانے کی ہدایت کر دی تھی اور وزیراعلیٰ نے بتایا صوبے کی نمائندگی کیلئے نام بھیج دیئے گئے ہیں۔

ان کا کہنا تھا کہ دہشتگردی کیخلاف جنگ میں خیبرپختونخوا صوبہ فرنٹ لائن پر ہے، مختلف ادوار میں خیبرپختونخوا کو 700 ارب سے زائد فنڈز دیئے گئے جبکہ اُس دوران بلوچستان میں بھی دہشتگردی کے واقعات ہوتے رہے، کے پی سے متعلق معاملات کیلئے کمیٹی بنادوں گا اور فوراً بیٹھ جائیں گے، خیبرپختونخوا کے معاملات کو سنجیدگی سے دیکھیں گے اور تمام اسٹیک ہولڈرز کی مشاورت سے معاملات کو آگے لے کر چلیں گے۔

وزیر اعظم کا کہنا تھا کہ ہندوستان کے ساتھ پاکستان کی جنگ میں عوام کی دعائیں شامل تھیں، قوم نے افواج پاکستان اور ملکی سلامتی کیلئے دعائیں کیں، رات ڈھائی بجے فیلڈ مارشل نے مجھے بتایا بھارت نے حملہ کر دیا ہے اور ان کی قیادت میں افواج پاکستان دشمن کو سبق سکھایا۔

شہباز شریف کا کہنا تھا کہ جس طرح جنگ میں اللہ نے عظیم فتح عطا کی ہے اسی طرح معاشی میدان میں بھی فتح دے گا۔

ان کا مزید کہنا تھا کہ حال ہی میں 4 ممالک کا دورہ کیا اور اُن کے چہروں پر پاکستان فتح کی خوشی عیاں تھی۔

وزیراعلیٰ خیبر پختونخوا کا خطاب

وزیراعلیٰ خیبر پختونخوا علی امین گنڈا پور نے جرگہ سے خطاب کرتے ہوئے کہا کہ بزدل دشمن کی جارحیت کا منہ توڑ جواب دینے پر پوری قوم کو مبارکباد پیش کرتا ہوں اور بانی پی ٹی آئی نے دشمن کے خلاف قوم کو متحد کر کے ایک لیڈر ہونے کا ثبوت دیا۔

وزیر اعلیٰ کے پی کا کہنا تھا کہ ملکی دفاع اور سا لمیت کے لیے ہم ایک ہیں اور سیاسی اختلافاف کو بالائے طاق رکھ کر اتحاد کا ثبوت دیا۔

علی امین گنڈا پور کا کہنا تھا کہ وفاقی حکومت سابق فاٹا اور پاٹا پر ٹیکس لگانے سے گریز کرے جبکہ دہشت گردی سے متاثر ضم قبائلی اضلاع کے لیے خطیر سرمایہ کاری کی ضرورت ہے۔

ان کا کہنا تھا کہ خیبرپختونخوا میں ڈرون حملے بند کئے جائیں، ان سے بے گناہ لوگوں کا نقصان ہوتا ہے۔

انہوں نے مطالبہ کیا کہ این ایف سی میں ضم اضلاع کا حصہ صوبے کو منتقل کرنے کا اعلان کیا جائے اور وفاقی حکومت خیبرپختونخوا کے تمام بقایاجات ادا کرے۔

انہوں نے یہ مطالبہ کیا کہ ضم اضلاع میں تنازعات کے پائیدار حل کے لیے جرگہ سسٹم بحال کیا جائے اور پڑوسی ملک افغانستان کے ساتھ مذاکرات کے عمل میں خیبر پختونخوا کو شامل کیا جائے۔

اعلامیہ

وزیراعظم شہباز شریف اور فیلڈ مارشل عاصم منیر کے دورہ پشاور کا اعلامیہ بھی جاری کر دیا گیا ہے جس میں کہا گیا کہ وزیراعظم نے وفاقی وزرا اور آرمی چیف فیلڈ مارشل سید عاصم منیر کے ہمراہ پشاور کا دورہ کیا جہاں گورنر فیصل کریم کنڈی اور وزیراعلیٰ خیبرپختونخوا علی امین گنڈا پور نے ان کا استقبال کیا۔

اعلامیہ کے مطابق وزیر اعظم شہباز شریف نے گرینڈ جرگہ سے خطاب کیا جس میں قربانیوں پر خیبرپختونخوا کے عوام کو خراج تحسین پیش کیا۔

اعلامیہ میں کہا گیا کہ وزیر اعظم کا اپنے خطاب میں کہنا تھا کہ کے پی کے عوام کی جرات اور عزم ہماری قومی تاریخ کا حصہ ہے۔

شہباز شریف کا کہنا تھا کہ قبائلی عمائدین بھارتی سرپرستی میں چلنے والے فتنہ خوارج کے خلاف متحد رہیں اور خوارج کے مذموم عزائم کو بے نقاب کیں۔

وزیر اعظم نے امن و استحکام کیلئے سیکیورٹی فورسز کی خدمات کی بھی تعریف اور پاک فوج، ایف سی، پولیس اور دیگر اداروں کی خدمات اور قربانیوں کو سراہا۔

شہباز شریف کا کہنا تھا کہ خیبرپختونخوا میں امن ہر قیمت پر قائم رکھا جائے گا۔

وزیراعظم نے افغانستان کے ساتھ تعاون کی ضرورت پر زور دیتے ہوئے کہا کہ افغانستان کے ساتھ بہتر تعلقات اور تعاون اہم ہے ، افغان سرزمین کو پاکستان کے خلاف استعمال نہیں ہونے دیا جائے گا۔

شہباز شریف نے خیبرپختونخوا کے نوجوانوں کو قومی اثاثہ قرار دیتے ہوئے کہا کہ صوبے کے نوجوان امن، ترقی اور قومی یکجہتی کے لیے مثبت کردار ادا کریں۔

وزیراعظم نے یادگار شہدا پر پھول چڑھائے اور شہدا کو خراج عقیدت بھی پیش کیا۔

وزیر اعظم شہباز شریف نے کہا ہے کہ آئندہ بجٹ میں پبلک سیکٹر ڈیولپمنٹ پروگرام ( پی ایس ڈی پی ) ایک ہزار ارب روپے کا ہوگا اور ایک ہزار ارب روپے میں سے 250 ارب کا فنڈ بلوچستان کیلئے ہوگا۔

ہفتے کے روز وزیراعظم شہباز شریف نے کوئٹہ میں بلوچستان گرینڈ جرگے میں شرکت کی جبکہ فیلڈ مارشل عاصم منیر اور وزیراعلیٰ بلوچستان سرفراز بگٹی بھی شریک ہوئے۔

گرینڈ جرگے سے خطاب کرتے ہوئے وزیر اعظم شہباز شریف کا کہنا تھا کہ 6، 7 اور 10 مئی کو بھارت نے پاکستان پر حملہ کیا جس کے جواب میں افواج پاکستان نے دشمن کووہ شکست دی جو وہ عمر بھر یاد رکھے گا، پوری قوم افواج پاکستان کے شانہ بشانہ کھڑی ہوئی، پاک ، بھارت جنگ مختصر تھی  لیکن خطرناک تھی۔

وزیر اعظم کا کہنا تھا کہ فیلڈ مارشل عاصم منیر کی دلیرانہ اور منظم قیادت کے تحت جنگ جیتی اور جنگ جیت کر افواج پاکستان نے مان بڑھایا ، سر فخر سے بلند کیا اور افواج پاکستان نے جنگ جیت کر 1971  کا بدلہ لے لیا، ہماری جیت سے مخالفین سہم گئے ، دوستوں کا حوصلہ آسمان سے باتیں کر رہا ہے۔

شہباز شریف کا کہنا تھا کہ 5 کے مقابلے میں 6 دھماکے کر کے ہندوستان کے اوسان خطا کئے گئے تھے، اللہ تعالیٰ نے سابق وزیر اعظم نواز شریف کوعزت دی تھی۔

ان کا کہنا تھا کہ بلوچستان پاکستان کا سب سے بڑا اور پیارا صوبہ ہے، دہشتگرد خون کے پیاسے ہیں اور انہیں ملکی ترقی وخوشحالی نہیں بھاتی، یہ اغیارکے ایجنٹ ہیں ، آپ کو ان کا راستہ روکنا چاہیے اور ان کے ہتھکنڈے ناکام بنانے چاہئیں، بلوچستان کی ترقی پاکستان کی ترقی ہے۔

انہوں نے کہا کہ 2010 میں این ایف سی ایوارڈ پر گوادر میں دستخط ہوئے تھے، پنجاب نے حصہ ڈالا جس کی وجہ سے این ایف سی ایوارڈ منظور ہوا،  پنجاب نے اپنے حصے سے 11 ارب روپے ڈالے تھے، قومی اتحاد کیلئے 155 کیا 1600 ارب روپے بھی نچھاور کر دیں تو کوئی مسئلہ نہیں، ہم 4 بھائی ہیں ایک روٹی چاروں نے مل کر کھانی ہے۔

ان کا کہنا تھا کہ کسانوں کیلئے 70 ارب کا سولر منصوبہ چل رہا ہے ، ہم نے اپنا حصہ ڈالا ہے، این 25 کو خونی روڈ کہتے ہیں جہاں بے پناہ جانوں کا نقصان ہوتا ہے، پچھلی حکومت میں این 25 کیلئے فنڈنگ دی تھی، مجھے احساس تھا اس طرح فنڈ دیئے گئے تو قیامت تک یہ روڈ نہیں بنے گا، آئندہ بجٹ میں پی ایس ڈی پی ایک ہزار ارب روپے کا ہوگا، ایک ہزار ارب روپے میں سے 250 ارب کا فنڈ بلوچستان کیلئے ہوگا، میرے نزدیک پی ایس ڈی پی کے 250 ارب بھی بلوچستان کیلئے کافی نہیں، گوادر ، پسنی اور دیگر علاقوں میں پیسے ایمانداری سے استعمال ہونے چاہئیں۔

انہوں نے کہا کہ بلوچستان حکومت دن رات کام کر رہی ہے، 12 سال پہلے بلوچستان میں دل کے اسپتال کیلئے 2 ارب روپے رکھے تھے۔

وزیر اعظم کا مزید کہنا تھا کہ جو لوگ بھٹک گئے انہیں واپس لانے کیلئے ہم سب کو کاوشیں کرنی چاہئیں، بلوچستان کے لوگوں کو دہشتگردوں کا راستہ روکنا چاہیے، خون کے پیاسے دہشتگرد اغیار کے ایجنٹ ہیں، ترقی ، خوشحالی اور بدامنی اکٹھے نہیں چل سکتے، ہمیں آپس میں اتحاد و اتفاق پیدا کرنا ہوگا ، مل بیٹھ کر بات کرنی چاہیے۔

وزیراعلیٰ بلوچستان کا خطاب

وزیراعلیٰ بلوچستان سرفراز بگٹی نے گرینڈ جرگے سے خطاب میں کہا کہ وزیر اعظم اور فیلڈ مارشل کو جرگے میں خوش آمدید کہتاہوں، وزیراعظم نے سب کو اس بحران میں اکٹھا کیا ، یہ ان کی سیاسی بصیرت ہے، این 25 شاہراہ کے اعلان سے بلوچستان کے عوام میں خوشی کی لہر دوڑی ہے، وزیراعظم پاک فوج کے ساتھ مل کر این 25 کو مکمل کرنے کا ارادہ رکھتے ہیں۔

وزیراعلیٰ بلوچستان کا کہنا تھا کہ بلوچستان دہشتگردی سے متاثر ہے، ایک ٹولہ بھارت کے کہنے پر دہشتگردی کر رہا ہے، دہشتگردوں کا بلوچیت سے تعلق نہیں، قومی جرگے اور بات چیت کا سلسلہ جاری رہنا چاہیے۔

سرفراز بگٹی کا کہنا تھا کہ فیلڈمارشل نے کہا بلوچستان ماتھے کا جھومر ہے، اس میں شک نہیں بلوچستان پاکستان کے ماتھے کا جھومر ہے۔

وزیراعظم شہباز شریف نے کہا ہے کہ فیلڈ مارشل عاصم منیر کی پیشہ ورانہ صلاحیتوں کے باعث تاریخی کامیابی ملی۔

کمانڈ اینڈ اسٹاف کالج کوئٹہ میں میں افسران سے خطاب کرتے ہوئے وزیراعظم شہباز شریف کا کہنا تھا کہ کمانڈ اینڈ اسٹاف کالج نے ہمیشہ شاندار خدمات انجام دی ہیں ، دوست ملکوں سے آئے مہمانوں کا خیر مقدم کرتے ہیں ، آپ کی یہاں موجودگی ہمارے بہترین تعلقات کی عکاس ہے۔

وزیر اعظم کا کہنا تھا کہ قریبی دوست چاہتے ہیں پاکستان تجارت بڑھائے ، چین پاکستان کا ہر مشکل میں کام آنے والا دوست ملک ہے ، سعودی عرب پاکستان کا بہترین دوست ہے ، خلیجی ممالک کے ساتھ پاکستان کے بہترین تعلقات ہیں۔

شہباز شریف کا کہنا تھا کہ چیلنجز کا آہنی عزم کے ساتھ مقابلہ کیا ، معیشت ، اصلاحات اور انسداد دہشتگردی پر توجہ مرکوز ہے ، بہت جلد دہشتگردی کے ناسور کا خاتمہ کردیں گے۔

ان کا کہنا تھا کہ حکومت کی کرپشن کے خلاف زیرو ٹالرنس ہے ، گزشتہ سال کے مقابلے میں محصولات 28 فیصد زیادہ رہیں ، حکومت نے اسمگلنگ پر قابو پا کر معیشت کو استحکام دیا، حکومت نے بجلی چوری کا خاتمہ کیا ، جدت کو اپناتے ہوئے کرپٹو، بلاک چین ٹیکنالوجی کا اجرا کر رہے ہیں۔

انہوں نے کہا کہ حکومتی اقدامات سے مہنگائی کی شرح سنگل ڈیجٹ تک آگئی ، حکومت نے ہر محاذ پر عظیم کامیابیاں سمیٹی ہیں ، آئی ایم ایف کے ساتھ کامیاب معاہدے سے معیشت کو استحکام ملا ، معاشی استحکام کیلئے بنیادی سطح پر اصلاحات کی ضرورت ہے ، معیشت ترقی کر رہی ہے ، ہمارا عزم بلند ہے ، معیشت کے استحکام سے عام آدمی کی زندگی میں بہتری آئی۔

ان کا کہنا تھا کہ بھارت کو میدان جنگ اور سفارتی محاذ پر شکست دی ، بھارت کو پانی کو بطور ہتھیار استعمال نہیں کرنے دیں گے ، بھارت کو سندھ طاس معاہدہ معطل کرنے کی اجازت نہیں دیں گے ، حالیہ کشیدگی کے بعد ہماری افواج اور قوم کا مورال بلند ہے ، اس لمحے کا فائدہ اٹھاتے ہوئے ہمیں بطور قوم آگے بڑھنا ہے۔

وزیر اعظم کا کہنا تھا کہ بھارت نے پہلگام واقعہ کی آڑ میں جارحیت کی کوشش کی اور عام شہریوں کو نشانہ بنایا گیا ، بھارت نے مذاکرات کی بجائے میزائل سے جواب دیا تاہم پاکستان نے بھارتی جارحیت کا منہ توڑ جواب دیا ، پاک فضائیہ نے بھارت میں 7 ہائی ویلیو ٹارگٹس کو نشانہ بنایا ، کشیدگی کے دوران فیلڈ مارشل عاصم منیر پرعزم اور پر اعتماد رہے ، فیلڈ مارشل عاصم منیر کی پیشہ ورانہ صلاحیتوں سے تاریخی کامیابی ملی۔

شہباز شریف کا مزید کہنا تھا کہ بھارت نےدوبارہ ایسی حرکت کی تو بھرپور جواب دیا جائے گا ، پاکستان کو درپیش خطرات روایتی میدان جنگ تک محدود نہیں ، مسلح افواج ہماری مختاری اور سالمیت کی محافظ ہیں۔

وزیر اعظم شہباز شریف نے کہا ہے کہ 52 ہزار لوگوں کو فلسطین میں قتل کر دیا گیا جبکہ غزہ کی گلیوں میں خون بہہ رہا ہے، اس بربریت پر سب کو کھڑا ہونا پڑے گا۔

آذر بائیجان کی یوم آزادی کی مناسبت سے تقریب میں وزیراعظم شہبازشریف نے خطاب کرتے ہوئے کہا کہ آج ہم آذربائیجان کے یوم آزادی کو منا رہے ہیں اور اورآج کے دن ہی پاکستان میں یوم تکبیر بھی منایا جا رہا ہے، 28 مئی کو ہی پاکستان ایٹمی قوت بنا تھا جبکہ آج ہی کے دن آذربائیجان کی آرمڈ فورسز نے بہادری سے لڑائی لڑی اور مقبوضہ علاقوں کی آزادی پر آذربائیجانی عوام کو مبارکباد پیش کرتا ہوں جبکہ ہماری سیاسی سفارتی حمایت آذربائیجان کیلئے ہے۔

وزیر اعظم کا کہنا تھا کہ کچھ ہفتے قبل پاکستان کا مقابلہ بزدل دشمن سے ہوا اور بزدل دشمن معاشی لحاظ سے پاکستان سے 5 گنا بڑا تھا جبکہ دشمن کے پاس جدید ٹیکنالوجی اور جیٹس موجود تھے۔

شہباز شریف کا کہنا تھا کہ پہلگام کا واقعہ ہوا جس میں 26 لوگ ہلاک ہوئے اور یہ افسوسناک واقعہ تھا لیکن بھارت نے اس واقعہ پر جھوٹے الزامات پاکستان پر لگانا شروع کیے اور بھارت نے بتایا کہ پاکستان سو کالڈ پہلگام واقعہ میں ملوث ہے تاہم ہم نے اس واقعہ کی غیر جانبدارانہ بین الاقوامی تحقیقات کی آفر دی لیکن بھارت نے پاکستان پر حملہ کیا اور بچوں اور عورتوں کو شہید کیا، 55 پاکستانی بھارت کےحملوں میں زخمی ہوئے۔

ان کا کہنا تھا کہ اس کے بعد پاکستان نے اپنے دفاع میں جواب دیا اور ہماری بہادر فضائیہ نے 6 بھارتی جہاز مار گرائے جن میں 4 رافیل ، ایک مگ 29 اور دیگر جہاز تباہ کیے ، اس کے بعد ہم نے پیغام دیا کہ ہم پرامن لوگ ہیں امن چاہتے ہیں، ہم نے بتایا ہم پر حملہ کریں گے تو ہم بھرپور جواب دیں گے۔

انہوں نے کہا کہ ہم نے 9 اور 10 مئی کی رات کو مناسب جواب دینے کا فیصلہ کیا اور نماز فجر کے بعد ہماری فورسز نے جواب دینے کا آغاز کیا لیکن بھارت نے پھر پاکستان پر حملہ کیا اور براہموس میزائل داغے جن میں پاکستان کے مختلف علاقوں کو نشانہ بنایا گیا۔

ان کا کہنا تھا کہ فیلڈ مارشل عاصم منیر نے بتایا بھارت نے پھر حملہ کردیا ہے ، فیلڈ مارشل کی آواز میں اعتماد تھا، ہم بالکل کلیئر تھے کہ ہم نے دشمن کو سبق سکھانا ہے، اس کے بعد ہم نے بھارت کی فوجی تنصیابات کو نشانہ بنایا اور ہم نے ان کو زبردست جواب دیا ، پھر آرمی چیف  نے کہا بھارت سیز فائر کیلے اپروچ کر رہا ہے، میں نے کہا ہم امن پر یقین رکھتے ہیں تو اس درخواست کوقبول کریں۔

وزیر اعظم نے کہا کہ ہم ترکیہ اور آذربائیجان کی سپورٹ کو کبھی نہیں بھلا سکیں گے، میرے پاس شکریہ ادا کرنے کیلئے الفاظ ناکافی ہیں، ہماری ٹرائی لیٹریل میٹنگ بہت بہترین رہی۔

شہباز شریف نے مزید کہا کہ جموں اور کشمیر پر سپورٹ کیلئے برادر ممالک کے مشکور ہیں، کشمیریوں کو آزادی کا بنیادی حق ملنا چاہیے، کشمیر کا مسئلہ سلامتی کونسل کی قراردادوں کے مطابق حل ہونا چاہیے اور بہت جلد وہ دن آئے گا جب کشمیر کے لوگ غلامی سے آزاد ہوں گے۔

وزیر اعظم شہباز شریف نے آذربائیجان کے صدر الہام علییوف سے ملاقات کی ہے جس کے دوران دونوں رہنماؤں  نے سرمایہ کاری کے ذریعے اسٹریٹجک شراکت داری کو فروغ دینے کے عزم کا اعادہ کیا۔

منگل کو وزیراعظم محمد شہباز شریف نے آذربائیجان کے شہر لاچین میں صدر الہام علییوف سے ملاقات کی جس میں نائب وزیراعظم و وزیر خارجہ اسحاق ڈار، آرمی چیف فیلڈ مارشل سید عاصم منیر، وزیر اطلاعات عطا اللہ تارڑ، اور معاون خصوصی طارق فاطمی بھی شریک تھے۔

ملاقات میں پاکستان اور آذربائیجان کے دوطرفہ تعلقات، علاقائی صورتحال اور عالمی امور پر جامع تبادلہ خیال کیا گیا۔

وزیراعظم شہباز شریف نے کہا کہ پاکستانی اور آذربائیجانی عوام کے درمیان لازوال رشتہ ہے۔

انہوں نے حالیہ پاک، بھارت تنازع میں پاکستان کی حمایت پر صدر الہام علییوف اور آذربائیجان کے عوام کا شکریہ ادا کیا اور آذربائیجان کے یوم آزادی پر مبارکباد دی۔

انہوں نے کہا کہ بھارت کے خلاف معرکہ حق میں پاکستان کی کامیابیوں پر آذربائیجان میں جشن منایا گیا جو دونوں ممالک کے گہرے بھائی چارے کی عکاسی کرتا ہے۔

ملاقات میں دونوں رہنماؤں نے دوطرفہ تعلقات کے مکمل دائرہ کار کا جائزہ لیا اور سیاسی، اقتصادی، دفاعی، اور ثقافتی تعاون پر اطمینان کا اظہار کیا۔

دونوں رہنماؤں  نے سرمایہ کاری کے ذریعے اسٹریٹجک شراکت داری کو فروغ دینے کے عزم کا اعادہ کیا اور اس سلسلے میں وفود کے تبادلے پر اتفاق کیا جبکہ یہ بھی طے پایا کہ دونوں ممالک کے درمیان وفود کی سطح پر جلد ملاقاتیں ہوں گی۔

وزیراعظم نے کہا کہ لاچین میں اس اجلاس کا انعقاد آذربائیجان کی استقامت اور بحالی کے سفر کی عکاسی کرتا ہے جو دونوں ممالک کے لیے گہری علامتی اور جذباتی اہمیت رکھتا ہے۔

دونوں رہنماؤں نے علاقائی استحکام، باہمی خوشحالی، اور کلیدی بین الاقوامی امور پر اصولی مؤقف کے فروغ کے لیے مربوط کوششوں کی اہمیت پر زور دیا۔

اعلامیے کے مطابق دونوں رہنماؤں  نے پاکستان اور آذربائیجان شراکت داری کو مزید مضبوط کرنے اور دوطرفہ و علاقائی سطح پر مشترکہ مقاصد کے حصول کے لیے مل کر کام کرنے کے عزم کا اعادہ کیا۔

وزیر اعظم شہباز شریف کا کہنا ہے کہ بلوچستان میں اسکول بس حملے کے پیچھے بھارت کے حمایت یافتہ دہشتگرد تنظیم ’ فتنہ الہند ‘ ملوث ہیں۔

بدھ کے روز وزیراعظم شہباز شریف اور فیلڈ مارشل جنرل سید عاصم منیر نے خضدار میں اسکول بس پر دہشت گردانہ حملے کے بعد کوئٹہ کا ہنگامی دورہ کیا جس کے دوران انہوں نے کمبائنڈ ملٹری ہسپتال (سی ایم ایچ) کوئٹہ میں حملے میں زخمی ہونے والے بچوں اور دیگر متاثرین سے ملاقات کی اور ان کی عیادت کی۔

وزیراعلیٰ بلوچستان میر سرفراز بگٹی اور کور کمانڈر کوئٹہ نے وزیراعظم اور فیلڈ مارشل کو حملے سے متعلق تفصیلی بریفنگ دی۔

وزیراعظم شہباز شریف، وفاقی وزراء، اور فیلڈ مارشل عاصم منیر کی جانب سے معصوم جانوں کے ضیاع پر گہرے افسوس کا اظہار کیا گیا۔

دورے کے دوران وزیراعظم نے اعلیٰ سطحی اجلاس کی صدارت کی جس میں بلوچستان کی سیکیورٹی صورتحال اور دہشت گردی کے خلاف جاری اقدامات پر غور کیا گیا۔

وزیراعظم نے کہا کہ دہشت گردوں کے ناپاک عزائم کو کامیاب نہیں ہونے دیا جائے گا اور پاکستانی قوم اپنی افواج کے ساتھ مل کر ہر محاذ پر دشمن کا مقابلہ کرے گی۔

شہباز شریف کا کہنا تھا کہ بھارت کی حمایت یافتہ دہشت گرد تنظیم "فتنہ الہند" اس بزدلانہ حملے کے پیچھے ملوث ہے۔

انہوں نے کہا کہ بھارت کے حمایت یافتہ دہشتگردوں کی جانب سے انتہائی شرمناک کارروائی کی گئی، پوری قوم مسلح افواج اور سیکیورٹی اداروں کے شانہ بشانہ ہے، دہشتگردی کے خاتمے ، ملکی خود مختاری اور سلامتی کے تحفظ کیلئے پُرعزم ہیں۔

ان کا کہنا تھا کہ بھارت کی حالیہ جارحیت کیخلاف اتحاد اور عزم کو دہراتے ہوئے دہشتگردی کا خاتمہ کرنا ہوگا، بھارت کے آلہ کار بن کر دہشتگرد گروہ نسلی شناخت کا سہارا لیتے ہیں، دہشتگرد بلوچ اور پختون عوام کی اعلیٰ اقدار پر بدنما داغ ہیں۔

وزیر اعظم کا کہنا تھا کہ بھارت کا معصوم بچوں کو نشانہ بنانا اخلاقی دیوالیہ پن کی انتہا ہے۔

ان کا مزید کہنا تھا کہ پاکستان بھارتی مذموم ہتھکنڈوں کو عالمی برادری کے سامنے بے نقاب کرے گا اور دہشتگردوں اور ان کے سہولت کاروں کو انصاف کے کٹہرے میں لایا جائے گا۔

پرائم منسٹر آفس سے جاری اعلامیے کے مطابق اسکول بس حملے میں 3 بچے اور 2 فوجی شہید ہوئے جبکہ 53 زخمی ہوئے۔

زخمیوں میں 39 بچے شامل ہیں جن میں 8 کی حالت تشویشناک بتائی جا رہی ہے۔

وزیراعظم شہبازشریف نے ایرانی صدر مسعود پیز شکیان سے ٹیلیفونک رابطہ کیا جس دوران شہبازشریف نے سپریم لیڈر آیت اللہ خامنہ ای کیلئے نیک خواہشات کا اظہار کیا اور جنوبی ایشیا میں کشیدگی میں کمی کیلئے ایرانی کوششوں کو سراہا ۔

تفصیلات کے مطابق  وزیراعظم شہبازشریف نے کہا کہ ہماری بہادر مسلح افواج نے دشمن کو ذمہ دارانہ اور منہ توڑ جواب دیا ہے،  پاکستان امن کا خواہاں ہے،اسی جذبے کے تحت بھارت سےجنگ ​​بندی پراتفاق کیا،  بھارت کیساتھ جنگ بندی مفاہمت برقرار رکھنے کے لیے پرعزم رہے گا۔

ٹیلیفونک کال کے دوران پاکستان کی خودمختاری اور علاقائی سالمیت کا ہر قیمت پر دفاع کرنے کےعزم کا اعادہ کیا گیا ۔ وزیراعظم نے سندھ طاس معاہدے کی یکطرفہ خلاف ورزی کی بھارتی کوشش پراظہار تشویش کیا ۔

شہبازشریف کا کہناتھا کہ بھارت کا یہ اقدام غیرقانونی اور اُسے پاکستان کیلئے سرخ لکیر سمجھتے ہیں،   پانی 24 کروڑ لوگوں کے لیے لائف لائن ہے،  جموں و کشمیر کا تنازع جنوبی ایشیا میں عدم استحکام کی بنیادی وجہ ہے،  یواین قراردادوں کے مطابق تنازع کشمیر کا حل خطے میں پائیدار امن ممکن ہے۔

ایرانی صدرنے  پاک بھارت کشیدگی کے دوران شہریوں کی جانوں کے ضیاع پر تعزیت کا اظہار کیا اور کہا کہ امن کیلئے پاکستان کی کوششوں کی تعریف ، جنگ بندی مفاہمت کا خیرمقدم کرتے ہیں، ایران خطے میں امن و استحکام کے فروغ کے لیے پر عزم ہے۔

دونوں رہنماؤں نے گفتگو کے دوران  پاک ایران دوطرفہ تعلقات پر بھی تبادلہ خیال کیا جبکہ  تجارت،علاقائی روابط، سلامتی سمیت مشترکہ مفاد کے تمام شعبوں میں تعاون بڑھانے پر اتفاق کیا گیا ۔ وزیراعظم شہباز شریف نے ایران کے سرکاری دورے کی دعوت قبول کر لی۔

وزیر اعظم شہباز شریف نے پاکستان اور بھارت کے درمیان ہونے والی حالیہ کشیدگی کے دوران 6 بھارتی جنگی طیارے مار گرانے کی تصدیق کر دی۔

پاک فوج کے شعبہ تعلقات عامہ ( آئی ایس پی آر ) کی جانب سے جاری کردہ بیان کے مطابق وزیراعظم شہباز شریف نے کامرہ میں پاک فضائیہ کے آپریشنل بیس کا دورہ کیا۔

دورے کے دوران وزیراعظم کو پاک فضائیہ کی آپریشنل تیاریوں اور جنگی صلاحیتوں پر بریفنگ دی گئی جبکہ شہباز شریف نے پاک فضائیہ کے پائلٹ، انجینئرز اور تکنیکی عملہ سے بات چیت کی اور ملکی دفاع کیلئے پاک فضائیہ کی پیشہ ورانہ مہارت اور ثابت قدمی کی تعریف کی۔

آئی ایس پی آر کے مطابق اس موقع پر بات چیت کرتے ہوئے وزیر اعظم شہباز شریف کا کہنا تھا کہ بلااشتعال جارحیت کے جواب میں مسلح افواج نے مثالی تحمل کا مظاہرہ کیا اور پاک فضائیہ نے بھرپور جوابی کارروائی میں دشمن کے فوجی انفرااسٹرکچر کو فیصلہ کن دھچکا پہنچایا۔

اس موقع پر وزیراعظم کی جانب سے 6 اور 7 مئی کی درمیانی شب چھٹے بھارتی میراج طیارے کو گرانے کی بھی تصدیق کی گئی۔

طیاروں کی تفصیل

پاک فضائیہ کی جانب سے گرائے گئے بھارتی جنگی جہازوں میں 3 رافیل طیارے شامل ہیں جبکہ بھارت کا 1 سخوئی 30، 1 مِگ 29 اور 1 میراج 2000 طیارہ بھی گرایا گیا۔

پاکستانی افواج کی جانب سے بھارت کے مجموعی طور پر 85 ڈرون تباہ کئے گئے۔

گرائے گئے ڈورنز میں بھارت کا 1 ہیرون یواے وی اور 84 کلرز ڈورن شامل ہیں۔

ایئروائس مارشل اورنگزیب کی بریفنگ

یاد رہے کہ اس سے قبل پاکستان ایئرفورس کے سینئر افسر ایئروائس مارشل اورنگزیب نے بتایا تھا کہ پاک فضائیہ کو بھارت کی فضائیہ کے مقابلے میں 6 صفر سے کامیابی ملی ہے۔

لازمی پڑھیں ۔پاک فضائیہ کو بھارتی فضائیہ کے مقابلے میں 0-6 سے کامیابی ملی، ایئروائس مارشل اورنگزیب

12 مئی کو کی گئی پریس کانفرنس کے دوران ایئروائس مارشل اورنگزیب کا کہنا تھا کہ پاک فضائیہ کو بھارت کی فضائیہ کے مقابلے میں 6 صفر سے کامیابی ملی ہے اور پاکستان کے تمام طیارے محفوظ ہیں جبکہ بھارت کے 6 طیاروں کو گرایا گیا۔

وزیر اعظم شہباز شریف نے بھارتی وزیر اعظم نریندر مودی کو دو ٹوک الفاظ میں پیغام دیتے ہوئے کہا ہے کہ اگر پاکستان پر دوبارہ حملے کا سوچا تو جو بچا ہے وہ بھی ختم کردیں گے اور منہ کی کھاؤ گے۔

بدھ کو وزیراعظم شہبازشریف نے پسرور چھاؤنی سیالکوٹ کا دورہ کیا جبکہ وزیر خارجہ اسحاق ڈار ، وزیر دفاع خواجہ آصف ، وزیر منصوبہ بندی احسن اقبال اور وزیر اطلاعات و نشریات عطاء تارڑ بھی ان کے ہمراہ تھے۔

 آرمی چیف جنرل عاصم منیر اور سربراہ پاک فضائیہ ظہیر بابر سدھو بھی وزیراعظم کے ساتھ تھے اور انہیں آپریشنل تیاریوں پر بریفنگ دی گئی۔

وزیر اعظم کا خطاب

اس موقع پر خطاب کرتے ہوئے وزیر اعظم شہباز شریف کا کہنا تھا کہ بہادر افواج نے مادر وطن کا بھرپور دفاع کیا اور پاکستان کو اپنے بہادر بیٹوں پر بے پناہ فخر ہے جبکہ پاک افواج کے جوان قوم کے سر کا تاج ہیں۔

شہباز شریف کا کہنا تھا کہ معصوم شہریوں کے خلاف کھلی جارحیت کی گئی اور بچوں، خواتین اور بزرگوں کی شہادتیں ہوئیں جبکہ معصوم شہریوں کو دہشتگرد کہنا شرمناک ، عالمی قوانین ، اصولوں اور اخلاقیات کیخلاف ہے۔

ان کا کہنا تھا کہ ہماری تحقیقات کی پیشکش کے باوجود بھارت نے جان بوجھ کر ایسا راستہ اختیار کیا، بھارت کے پاس ثابت کرنے کیلئے کچھ نہیں تھا اور اس نے جھوٹے بہانے ، تکبر اور انا کی بنیاد پر جارحانہ کارروائی شروع کی۔

انہوں نے کہا کہ تاریخ یاد رکھے گی کس طرح چند گھنٹے میں دشمن کی جارحیت ناکام بنائی گئی جبکہ شہدا ہمیشہ قوم کیلئے سرخرو رہے ہیں اور ہمیشہ سرخرو رہیں گے۔

وزیر اعظم کا کہنا تھا کہ افواج پاکستان نے دشمن کے غرور کو خاک میں ملاتے ہوئے ملک کا وقار اورعزت بڑھائی ہے اور میں چیئرمین جوائنٹ چیفس آف اسٹاف کمیٹی ، آرمی چیف ، ایئرچیف مارشل اور نیول چیف کو بھی مبارکباد پیش کرتا ہوں۔

شہبازشریف نے کہا کہ آرمی چیف نے دانشمندی سے جنگ کی منصوبہ بندی کی، جنگ کےدوران میری آرمی چیف سے ملاقات ہوتی تھی، مجھے آرمی چیف پرفخر ہے، یہ قوم کے بیٹے ہیں، آرمی چیف، ایئرچیف اور نیول چیف قوم کی آنکھوں کے تارے بن چکےہیں، افواج نے قوم کا سر فخر سے بلند کیا، دشمن کے ہوش ٹھکانے آگئے ہیں اور دوستوں کے حوصلے آسمان پر ہیں۔

انہوں نے کہا کہ بھارت سے بدلہ لے لیا ہے، کوئی فوج پاک فوج کا بال بھی بیکا نہیں کرسکتی، ہمارا پانی بند کرنے کا نہیں سوچنا ، یہ ہماری ریڈ لائن ہے، مسٹر مودی 1971 میں مکتی باہنی کو کس نے ٹرین کیا تھا، جعفر ایکسپریس واقعے کے تانے بانے بی ایل اے ، ٹی ٹی پی اور بھارت سے ملتے ہیں، دہشتگردی کا ہمیشہ کیلئے خاتمہ کریں گے، کلبھوشن بلوچستان میں کیسے آیا۔

شہباز شریف نے کہا کہ مسٹر مودی! بھاشن اپنے پاس رکھیں، پاکستان امن چاہتا ہے،خطے میں ترقی اور خوشحالی چاہتے ہیں، ہماری امن کی خواہش کو کمزوری نہ سمجھنا ، غلط فہمی کا شکار نہ ہونا، بھارت کی تھانے داری کا خواب تار تار ہوگیا ، ہم تھانے دار نہیں ، خطے میں ترقی اور خوشحالی کے داعی ہیں، مربوط ڈائیلاگ ہوں گے ، میٹھا میٹھا نہیں کھانے دیں گے۔

ان کا کہنا تھا کہ بھارت نے چوروں کی طرح رات کے اندھیرے میں حملہ کیا، مودی! دوبارہ یہی راستہ اختیار کیا تو منہ کی کھاؤ گے اور اگر حملہ کرنے کا سوچا تو باقی جو بچا ہے وہ بھی ختم کردیں گے، ہم امن کے داعی ہیں، آئیں ملکر خطے میں امن لائیں، پاکستان قیامت تک زندہ و جاوید رہے گا ، ہمارا کوئی بال بیکا نہیں کر سکے گا، پانی کا مسئلہ بھارت کی خام خیالی ہے۔

وزیراعظم کا مزید کہنا تھا کہ بھارت نے ہمارے نیلم جہلم ڈیم کو نقصان پہنچانے کی کوشش کی اگر ہمارے نیلم جہلم ڈیم کو کچھ ہوتا تو بھارت کے تمام ڈیمز تباہ کر دیتے، ہم جنگ اور امن کیلئے تیار ہیں ، چوائس آپ کی ہے۔