کراچی میں ڈیجیٹل پلیٹ فارمز سے معلومات حاصل کرکے ڈکیتی اور اغوا میں ملوث دو جعلی پولیس اہلکاروں کو گرفتار کرلیا گیا۔
سوشل میڈیا پر شارٹ ٹرم کڈناپنگ کا جال بچھانے والے دو جعلی پولیس اہلکار گلشن اقبال سے گرفتار کرلیا گیا۔ پولیس کے مطابق ملزمان میں جعلی پولیس افسر بلاول خلجی اورجعلی اہلکار وقاص شامل ہیں۔
دونوں ملزمان صحافی ،جج کے بھائی، سول ایوی ایشن کے ملازم اور کئی اہم سرکاری ملازمین کی شارٹ ٹرم کڈنیپنگ کرچکے ہیں۔
تفتیشی حکام کے مطابق ملزمان غیر اخلاقی ویب سائٹ پر پہلے اپنے شکار سے دوستی کرتے اور پھر جعلی پولیس وردی پہن کر انکے گھروں میں ڈکیتیاں کرتے تھے۔ ملزمان شہری کو اے ٹی ایمز لے جاکر رقم بھی نکلواتے رہے۔
ملزمان سے دو پستول، پولیس یونیفارم، درجنوں بیجز، صحافیوں کے جعلی کارڈز ہتھکڑی، 8 موبائل فونز، جعی بلٹ پروف جیکٹ، برآمد کرلی گئی ہے۔
