Live Updates: 2 بیلسٹک میزائل گرا دیئے گئے، سعودی عرب، ڈونلڈ ٹرمپ کا دورہ چین منسوخ

سعودی وزارت دفاع نے کہاہے کہ مشرقی ریجن میں فضائی دفاعی نظام نے 2 بلیسٹک میزائل مار گرائے ہیں جبکہ 2 ڈرونز کو بھی تباہ کیا گیاہے ، دوسری جانب ایرانی فوج نےکہاہے کہ سعودی عرب، قطر اور امارات میں تیل کی تنصیبات کے قریب رہنے والے فوری علاقہ خالی کر دیں۔

ایرانی فوج کی جانب سے جاری بیان میں کہا گیاہے کہ خطے میں موجود دشمن کی توانائی تنصیبات کو نشانہ بنائیں گے ، سعودیہ، قطر اور امارات میں تیل کی تنصیبات کے قریب رہنے والے فوری علاقہ خالی کر دیں، اسرائیل کے گیس فیلڈ پر حملے کے جواب میں خلیجی ممالک میں آئل تنصیبات کو نشانہ بنائیں گے ۔

عرب میڈیا کے مطابق قطر نے ایران کی  توانائی تنصیبات پر حملوں کی دھمکی کے بعد توانائی تنصیبات کے قریبی علاقوں کو خالی کرالیا ہے۔  

وائٹ ہاوس اور ڈونلڈ ٹرمپ

وائٹ ہاوس کی جانب سے جاری کر دہ پیغام میں کہا گیاہے کہ امریکی صدر ڈونلڈ ٹرمپ کا دورہ چین منسوخ کردیا  ہے، صدر ٹرمپ کے دورہ چین کی نئی تاریخ کا اعلان بعد میں کیا جائیگا۔

امریکی صدر ڈونلڈ ٹرمپ نے سوشل میڈیا پر جاری بیان میں کہا کہ ایران کے باقی ماندہ نظام  کو بھی مکمل ختم کردیں گے،آبنائے ہرمز استعمال کرنیوالے ممالک اس کی سیکورٹی خود سنبھالیں۔

سربراہ آئی اے ای اے رافیل گروسی

عالمی ایٹمی توانائی ایجنسی کے سربراہ رافیل گروسی نے بیان  جاری کرتے ہوئے کہاہے کہ ایران کے بوشہر ایٹمی پلانٹ پر حملے سے زیادہ نقصان نہیں ہوا،ایٹمی ری ایکٹر محفوظ ہے، کوئی جانی نقصان بھی نہیں ہوا،حملہ  قریبی عمارت پر ہوا جو لیبارٹری کے طور پر استعمال ہوتی تھی،ایٹمی پلانٹ پر حملوں سے گریز کیا جانا چاہیے۔

کویتی وزارت دفاع

کویتی وزارت دفاع نے بیان جاری کرتے ہوئے کہا کہ ملکی حدود میں داخل ہونیوالے 4بیلسٹک میزائل تباہ کردیئے گئے ہیں، 24گھنٹوں کے دوران  23 ڈرون حملوں کو بھی ناکام بنایا گیا۔

اماراتی وزارت خارجہ

اماراتی وزارت خارجہ  نے بیان میں کہا کہ  توانائی تنصیبات کو نشانہ بنانے گریز کیاجائے،توانائی تنصیبات پر حملے سے عالمی صورتحال خراب ہونے کا خطرہ ہے۔

خطے میں سلامتی اور استحکام کو برقرار رکھنے کی ضرورت ہے،عالمی قوانین کی پاسداری یقینی بنائی جائے۔

خلیجی ممالک میں جنگی صورتحال کے باعث پاکستان کی اسٹریٹجک اہمیت بڑھ گئی، بین الاقوامی کارگو کیلئے پورٹ قاسم پر عارضی سہولت مہیا کردی گئی، 17 ایکڑ سے زائد رقبہ مختص کردیا گیا۔

خلیجی ممالک میں جنگ اور ہنگامی حالات کے باعث پاکستان کی عالمی سطح پر اہمیت میں اضافہ ہو گیا ہے، جس کے پیش نظر بین الاقوامی کارگو کو عارضی طور پر رکھنے کیلئے خصوصی انتظامات کیے گئے ہیں۔

ایف بی آر کے مطابق انٹرنیشنل ٹرانس شپمنٹ کارگو کیلئے 16.9 ایکڑ پر محیط ایریا مختص کر دیا گیا ہے جہاں رکے ہوئے کنٹینرز اور کارگو کو پورٹ قاسم کراچی میں محفوظ رکھا جا سکے گا۔

بریفنگ میں بتایا گیا کہ انشورنس کمپنیوں کی جانب سے کوریج نہ ملنے کے باعث متعدد جہاز رک گئے ہیں جبکہ عالمی سطح پر تیل، سامان اور شپنگ کی قیمتوں میں اضافے سے سپلائی چین بھی متاثر ہوئی ہے۔

ایف بی آر کا کہنا ہے کہ یہ اقدام ہنگامی صورتحال کے تحت کسٹمز ایکٹ انیس سو انہتر کے سیکشن اٹھہتر کے تحت کیا گیا ہے تاکہ عالمی تجارت کے تسلسل کو برقرار رکھا جا سکے۔

مشرق وسطیٰ کی کشیدہ صورتحال کے باعث عالمی منڈی میں پٹرولیم مصنوعات مہنگی ہوگئیں، امریکی اور برطانوی خام تیل کی قیمتوں میں نمایاں اضافہ ریکارڈ کیا گیا۔

مشرق وسطیٰ میں بڑھتی ہوئی کشیدگی کے اثرات عالمی منڈی پر بھی پڑنے لگے ہیں جہاں پٹرولیم مصنوعات کی قیمتوں میں مسلسل اضافہ دیکھنے میں آ رہا ہے۔امریکی خام تیل ڈبلیو ٹی آئی کروڈ کی قیمت بڑھ کر اٹھانوے ڈالر اکیس سینٹ تک پہنچ گئی ہے جبکہ برطانوی خام تیل برینٹ کروڈ بھی مہنگا ہو کر ایک سو آٹھ ڈالر چھ سینٹ پر جا پہنچا۔

رپورٹس کے مطابق ڈبلیو ٹی آئی خام تیل کی قیمت میں ڈھائی فیصد جبکہ برینٹ کروڈ کی قیمت میں پانچ فیصد اضافہ ریکارڈ کیا گیا ہے، ماہرین کا کہنا ہے کہ اگر خطے میں کشیدگی برقرار رہی تو قیمتوں میں مزید اضافہ بھی متوقع ہے۔

اسرائیل نے فضائی حملے میں انٹیلی جنس منسٹر اسماعیل خطیب کی شہادت کا دعویٰ کردیا۔

اسرائیلی میڈیا کے مطابق تہران پر حملے میں ایران کے انٹیلی جنس منسٹر اسماعیل خطیب کو نشانہ بنایا گیا، حکام اس کارروائی کے نتائج کا جائزہ لے رہے ہیں، ایران سے ابھی تک اس پیش رفت پر کوئی باضابطہ ردِعمل سامنے نہیں آیا۔

واضح رہے کہ امریکا نے چند ہی روز پہلے اعلان کیا تھا کہ وہ ایران کی اہم شخصیات سے متعلق معلومات دینے والوں کو ایک کروڑ ڈالر انعام دے گا۔

جن شخصیات سے متعلق امریکا نے معلومات طلب کی گئی تھیں ان میں نئے سپریم لیڈر آیت اللّٰہ مجتبیٰ خامنہ ای، قومی سلامتی کونسل کے سربراہ علی لاریجانی اور ڈائریکٹر و منسٹر انٹیلی جنس اینڈ سیکیورٹی اسماعیل خطیب بھی شامل تھے۔

اس کے علاوہ سپریم لیڈر آفس میں ڈپٹی چیف آف اسٹاف علی اصغر حجازی، سیکریٹری ڈیفنس کونسل، سپریم لیڈر کے مشیر میجر جنرل یحیی رحیم صفویٰ، ملٹری آفس چیف وزیر داخلہ بریگیڈیئر جنرل اسکندر مومنی، ڈائریکٹر و منسٹر انٹیلی جنس اینڈ سیکیورٹی اسماعیل خطیب اور پاسداران انقلاب کے کمانڈرز کا زکر کیا گیا تھا۔

واضح رہے کہ اسرائیل نے گزشتہ روز ایران کی قومی سلامتی کے مشیر علی لاریجانی کو نشانہ بنانےکا دعویٰ کیا تھا جس کے بعد آج ان کی شہادت کی تصدیق ایرانی حکام کی جانب سے کردی گئی ہے۔

اسرائیل کی وزارتِ صحت کے مطابق گزشتہ 24 گھنٹوں کے دوران ایران کی جانب سے ہونے والے حملوں میں 192 افراد زخمی ہوئے اور انہیں اسپتال منتقل کیا گیا۔

وزارتِ صحت کا کہنا ہے کہ زخمیوں میں سے 4 کی حالت ’درمیانی نوعیت‘ کی ہے، جبکہ 177 افراد کو ’معمولی زخم آئے ہیں جن کا اعلاج جاری ہے۔ تاہم باقی 11 افراد کی حالت کے بارے میں وضاحت سے کُھ نہیں بتایا گیا ہے۔

وزارت کی جانب سے جاری بیان میں مزید کہا گیا ہے کہ تنازع کے آغاز سے اب تک 3727 افراد کو زخمی ہونے کے بعد اسپتال داخل کیا جا چکا ہے۔

امریکا طیارہ بردار بحری جہاز یو ایس ایس جیرالڈ فورڈ کو میدان جنگ سے ہٹانے کا فیصلہ کرلیا۔

ترجمان امریکی نیوی کا کہنا ہے کہ 12 مارچ کو یو ایس ایس جیرالڈ فورڈ میں آگ بھڑک اٹھی تھی، لانڈری ایریا میں بھڑکنے والی آگ پر قابو پانے میں 30 گھنٹے لگ گئے،  آتشزدگی کے بعد بحری جہاز کی یونانی بندرگاہ پر مرمت کی جائے گی۔

نیویارک ٹائمز کے مطابق 600 ملاحوں کے بستر جل گئے، وہ ایک ہفتے سے فرش پر سورہے ہیں، مرمت کے بعد یو ایس ایس جارج ایچ ڈبلیو بش کو جلد مشرق وسطیٰ میں تعینات کیا جائے گا۔

خیال رہے کہ ایرانی پاسداران انقلاب نے یو ایس ایس جیرالڈ فورڈ پر میزائل حملے کا دعویٰ کیا تھا تاہم امریکی حکام بحری بیڑے پر ایرانی حملوں کی تردید کرتے رہے ہیں۔

آبنائے ہرمز کی بندش کے باعث آسٹریلیا کو بھی ایندھن کی قلت کا خدشہ ہے۔

آسٹریلوی وزیراعظم نےکابینہ کا ورچوئل اجلاس طلب کرلیا،اجلاس میں تیل کی سپلائی اور قیمتوں کی صورتحال کا جائزہ لیا جائے گا۔

آسٹریلوی وزیراعظم نےکہا متحدہ عرب امارات میں آسٹریلوی فوجی اڈے کے قریب میزائل گرے،میزائل آج صبح المِنہاد بیس پر گرا جہاں آسٹریلیا کی فوج موجود ہے،کوئی آسٹریلوی زخمی نہیں ہوا، سب محفوظ ہیں،رہائشی بلاک اور طبی سہولت کے مرکز کو معمولی نقصان پہنچا۔

ایرانی پاسدارانِ انقلاب بسیج فورس کے کمانڈرغلام رضا سلیمانی بھی اسرائیلی حملے میں شہید ہوگئے۔

پاسداران انقلاب نے شہادت کی تصدیق کرتے ہوئے بیان میں کہا کمانڈرغلام رضا سلیمانی گزشتہ روز امریکا اوراسرائیل کے حملے میں شہید ہوگئے۔

پاسداران انقلاب نے اعلان کیا ہے کہ شہید سلیمانی کی موت کا بدلہ لیا جائے گا اور دشمن کے خلاف مزاحمت کا سلسلہ نہیں رکے گا۔

اس سے پہلے اسرائیلی فوج نے کہا تھا کہ گزشتہ روز تہران کے وسط میں حملے کر کے کمانڈر غلام رضا سلیمانی کو نشانہ بنایا گیا۔

غلام رضا سلیمانی پاسدارانِ انقلاب کے اعلیٰ عہدیداروں میں شمار ہوتے تھے۔ متعدد فوجی کمانڈروں کی ہلاکت کے بعد جن میں ایران پر امریکہ اور اسرائیل کے حملوں کے پہلے دن کمانڈر اِن چیف کی ہلاکت بھی شامل ہے سلیمانی کی موت جنگ کی اہم خبروں میں سے ایک ہے۔

بسیج جو تنظیمی طور پر پاسدارانِ انقلاب کے ماتحت ہے ایران کی حکومتی سکیورٹی قوتوں میں سے ایک ہے اور داخلی مسائل کے انتظام، نیز احتجاج کو دبانے اور کنٹرول کرنے میں اہم کردار ادا کرتی ہے۔

علی لاریجانی شہید سپریم لیڈرعلی خامنہ ای کے قریبی اورقابلِ اعتماد ساتھی تھے،وہ ایرانی پارلیمنٹ کے اسپیکر۔ صدارتی امیدوار۔ اور سپریم لیڈر کے مشیر سے لےکرسپریم نیشنل سیکیورٹی کونسل کے سربراہ کے عہدے تک پہنچے اور شہادت تک اس عہدے پر فائز رہے۔

علی لاریجانی 1957 میں عراق کے شہر نجف میں پیدا ہوئے،تہران یونیورسٹی سے مغربی فلسفے میں ڈاکٹریٹ کی ڈگری حاصل کی،1980 کی دہائی میں ایرانی پاسدارانِ انقلاب میں شمولیت اختیار کی جہاں آپ جوائنٹ سٹاف کے نائب سربراہ کے عہدے تک پہنچے۔

عالی لاریجانی نے 90 کی دہائی میں عملی سیاست میں قدم رکھا،1992 میں انھوں نے وزیرِ ثقافت و اسلامی رہنمائی کاعہدہ سنبھالا،1994 میں انہیں سرکاری ایرانی نشریاتی ادارے کا ڈائریکٹرمقرر کیا گیا،1996 میں آیت اللہ علی خامنہ ای نے انھیں 3 سال کےلیے،سپریم نیشنل سکیورٹی کونسل میں اپنا نمائندہ مقرر کیا۔

2005 میں صدارتی انتخابات میں حصہ لیا اورچھٹے نمبر پر آئے،الیکشن کے بعد انہیں یورپی یونین کے ساتھ ایٹمی مذاکرات کی ذمہ داری سونپی گئی،2008 میں علی لاریجانی پارلیمنٹ کے رکن منتخب ہوئے اور سپیکربن گئے،اور2020 تک اس عہدے پر فائز رہے۔

2020 میں آیت اللہ خامنہ ای نے انھیں اپنامشیرمقررکیا،2021 اور 2024 میں دوبارہ صدارتی انتخاب لڑنے کی کوشش کی لیکن،نگہبان کونسل نےانکےکاغذات مستردکردیے،اگست 2025 میں انھیں سپریم نیشنل سیکیورٹی کونسل کا سربراہ اورکونسل میں سپریم لیڈرکا نمائندہ مقررکیا گیا،اپنی شہادت تک اس عہدے پر فائز رہے۔

اقوام متحدہ کے ورلڈ فوڈ پروگرام نے مشرق وسطیٰ میں کشیدگی پر تشویش کا اظہار  کیا۔

ڈبلیو ایف پی نے خبردار کیا کہ جون تک ساڑھے 4 کروڑ افراد بھوک کا شکار ہو سکتے ہیں۔ یہ جنگ بھوک کی شرح کو تاریخ کی بلند ترین سطح پر لے جائے گی۔ خوراک، تیل اور شپنگ کے اخراجات میں اضافے کا امکان ہے۔

خیال رہے کہ اسرائیل اور امریکہ کے ایران پر حملوں اور ایران کی جوابی کارروائیوں کے بعد شروع ہونے والی یہ کشیدگی اب تیسرے ہفتے میں داخل ہو گئی ہے جس کے باعث امدادی کارروائیوں کو تاخیر اور بڑھتے ہوئے اخراجات کا سامنا ہے۔ اس کا اندازہ یوں لگایا جا سکتا ہے کہ انسانی امداد پہنچانے کے لیے 'ڈبلیو ایف پی' کے اخراجات میں 18 فیصد اضافہ ہو گیا ہے۔

ادارے کے ہزاروں ٹرک روزانہ چل رہے ہیں مگر اب ان کے لیے ایندھن کہیں زیادہ مہنگا ہو گیا ہے کیونکہ جنگ کے نتیجے میں تیل کی قیمتیں بڑھ گئی ہیں۔ بڑھتے ہوئے اخراجات کا مطلب یہ ہے کہ ضرورت مند لوگوں کے لیے خریدی جانے والی خوراک یا انہیں دی جانے والی نقد امداد کا حجم کم ہو گیا ہے۔

وفاقی وزیر اطلاعات عطا تارڑ کا کہنا ہے ایران اور امریکا کے درمیان جاری کشیدگی کو کم کرنے کیلئے ممکنہ سفارتکاری پر بات کرنا قبل از وقت ہوگا۔

الجزیرہ کو انٹرویو میں عطا تارڑ نے کہا کہ فی الحال صورتحال واضح نہیں ہے۔ میں بطور وزیراطلاعات پوری صورتحال کو دیکھے بغیر رائے نہیں دے سکتا۔ مستقبل میں درست حکمتِ عملی کیلئے انتظار کرکے حالات کا جائزہ لینا ہوگا۔

مصنوعی ذہانت عام زندگی کے ساتھ ساتھ جنگوں میں بھی اپنی جگہ بنا رہی ہے۔ امریکی فوج نے خود ایران کے خلاف حالیہ جنگ اور وینزویلا میں صدر مادورو کی گرفتاری کیلئے اے آئی کے استعمال کی تصدیق کی۔ ماہرین کا کہنا ہے جنگ کے دوران زندگی اور موت کے فیصلے مشینوں سے کروانا سنگین المیے کا باعث بن سکتا ہے۔

جدید جنگ اب صرف ہتھیاروں کی نہیں رہی یہ ڈیٹا، الگوریتھم اور مصنوعی ذہانت کی جنگ بن چکی ہے، امریکی فوج نے ایران کے خلاف جنگ میں جدید اے آئی ٹولز کے استعمال کی تصدیق کی۔

وینزویلا میں بھی امریکی فوج نے تیز ترین آپریشن کیلئے اے آئی کا استعمال کیا تھا، جو سیٹلائٹ، ڈرون اور دیگر ڈیٹا کا چند سیکنڈ میں تجزیہ کر لیتے ہیں۔ اے آئی کی مدد سے اہداف کی شناخت اور حملوں کے فیصلے کی رفتار کئی گنا بڑھ گئی ہے لیکن یہی رفتار خطرات بھی پیدا کر رہی ہے۔ الگورتھم کی غلطی سے شہری ہلاکتوں کا خدشہ بڑھ جاتا ہے۔

ناقدین کا کہنا ہے زندگی اور موت کے فیصلے مشینوں کے سپرد نہیں کیے جاسکتے، میدان جنگ سے باہر پروپیگنڈے کیلئے بھی مصنوعی ذہانت کا بھرپور استعمال کیا جاتا ہے۔ اسرائیلی وزیراعظم نیتن یاہو کئی دن منظر سے غائب رہنے کے بعد ویڈیو پیغام جاری کیا لیکن جلد ہی معلوم ہوا کہ وہ مصنوعی ذہانت سے بنائی گئی ویڈیو تھی۔

سوال اب یہ نہیں کہ اے آئی جنگ میں استعمال ہوگی یا نہیں اصل سوال یہ ہے کہ اس طاقتور ٹیکنالوجی کو انسانیت کے اصولوں کے تحت کیسے قابو میں رکھا جائے۔

یواے ای نے آبنائے ہرمز کی سیکیورٹی کیلئے امریکی کوششوں کا حصہ بننے کا عندیہ دیدیا۔

متحدہ عرب امارات کے صدر کے سفارتی مشیر انور قرقاش نے کہا ان کا ملک آبنائے ہرمز کی حفاظت اور سلامتی کو یقینی بنانے کے لیے امریکا کی قیادت میں ہونے والی بین الاقوامی کوشش میں شامل ہو سکتا ہے۔اس وقت یو اے ای اور ایران کے درمیان کوئی فعال مذاکرات نہیں ہو رہے۔ ہم خطے میں کشیدگی کا خاتمہ چاہتے ہیں۔

دوسری جانب یورپی یونین اور کینیڈا نے امریکا کا ساتھ چھوڑ دیا ۔ تہران کے خلاف جنگ میں شرکت سے صاف انکار کردیا۔ ای یو فارن پالیسی چیف کایا کالاس نے کہا کہ امریکا نے ایران کے خلاف جنگ سے پہلے مشورہ نہیں کیا ۔ کسی بھی فیصلے سے پہلے صدر ٹرمپ کی غیر متوقع طبیعت کو مدنظر رکھنا ہو گا ۔ آبنائے ہرمز کو کھولنے کیلئے سفارتکاری کا مشورہ دے دیا۔

یورپی یونین سے پہلے برطانیہ، فرانس، جرمنی، جاپان، آسٹریلیا، یونان  اور اٹلی بھی فوجی مشن آبنائے ہرمز بھیجے سے انکار کرچکے ہیں۔

علی لاریجانی کی شہادت کے بعد ایران نے اسرائیل پر میزائلوں کی بارش کردی جس کے نتیجے میں تل ابیب میں متعددگاڑیاں تباہ جبکہ 2 افراد ہلاک ہوگئے۔

ایرانی پاسداران انقلاب نے ایک بیان میں واضح کیاکہ آپریشن وعدہ صادق 4 کے تحت اسرائیل کے خلاف حملوں کی 61 ویں لہر کا آغاز کردیا۔

ایران نےاسرائیل پرکلسٹر اورخیبر ون بموں کی بارش کردی،تل ابیب اوریروشلم میں متعدد مقامات پر آگ بھڑک اٹھی،دو اسرائیلی ہلاک،متعدد زخمی،کئی گاڑیاں تباہ جبکہ عمارتوں کو بھی نقصان پہنچا،تل ابیب میں ریلوے اسٹیشن کو بھی نشانہ بنایا گیا۔

ایران کی قومی سلامتی کونسل کے سیکرٹری علی لاریجانی امریکا اور اسرائیل کےحملے میں شہید ہوگئے ہیں

ایرانی وزیرخارجہ عباس عراقچی نے کہا علی لاریجانی کی شہادت سے نظام متاثر نہیں ہوگا۔

ایرانی وزیرخارجہ عباس عراقچی نےعلی لاریجانی کی شہادت پرردعمل دیتے ہوئےکہا ایران کا نظام مضبوط،یہ شخصیات کےجانےسےکمزور نہیں ہوتا،نظام میں ہرشخص اپنی حیثیت کےمطابق کردار ادا کرتا ہے، امریکی اور اسرائیلی یہ کیوں نہیں سمجھتےکہ اس سے ایران کمزور نہیں ہوگا۔

عباس عراقچی نےمزیدکہاخطےکو جنگ میں دکھیلنے کا ذمہ دار امریکا ہے، ایران کی جوابی کارروائیاں صرف امریکی تنصیبات کےخلاف ہیں،خطےمیں امریکی اڈوں کی موجودگی کشیدگی بڑھانے کا باعث ہیں، جنگ بندی قبول نہیں،جنگ کا مکمل خاتمے کیلئے تیار ہیں،آبنائے ہرمز میں نقل و حرکت پر مستقبل میں نئے قوانین لاگو ہونگے۔

ایران نےقومی سلامتی کے مشیر علی لاریجانی کی شہادت کی تصدیق کردی،ایرانی کمانڈرانچیف نے کہا علی لاریجانی کی شہادت پرفیصلہ کن جواب دیا جائے گا۔

ایران نے قومی سلامتی کے مشیر علی لاریجانی کی شہادت کی تصدیق کردی،ایرانی کمانڈرانچیف نے کہا علی لاریجانی کی شہادت پرفیصلہ کن جواب دیا جائے گا۔

عرب میڈیا کے مطابق ایرانی حکام نے علی لاریجانی کے بیٹے مرتضیٰ کے شہید ہونے کی بھی تصدیق کردی ہے۔علی لاریجانی کو مشرقی تہران میں اس وقت نشانہ بنایا گیا جب وہ اپنی بیٹی سے ملنے گئے ہوئے تھے۔

اس کے علاوہ علی لاریجانی کے ایکس اکاؤنٹ سے بھی انکی شہادت کا اعلان کردیا گیا،بیان میں لکھا گیا ہے کہ خدا کا ایک بندہ، خدا سے جا ملا۔

قبل ازیں علی لاریجانی کے سوشل میڈیا اکاؤنٹ سے ہاتھ سے لکھا پیغام جاری کیا گیا تھا جس میں شہدا کو خراج عقیدت پیش کیا گیا تھا۔

ایرانی وزیرخارجہ عباس عراقچی نے  کہا لاریجانی کی شہادت سے نظام متاثر نہیں ہوگا،ایران کا نظام مضبوط،یہ شخصیات کےجانےسےکمزور نہیں ہوتا،نظام میں ہرشخص اپنی حیثیت کےمطابق کردار ادا کرتا ہے،امریکی اور اسرائیلی یہ کیوں نہیں سمجھتےکہ اس سےایران کمزورنہیں ہوگا۔

واضح رہے کہ اسرائیل نے گزشتہ روز ایران کی قومی سلامتی کے مشیر علی لاریجانی کو نشانہ بنانےکا دعویٰ کیا تھا۔

67 برس کے علی لاریجانی انقلابِ ایران کے بعد ابھرنے والی اہم سیاسی شخصیات میں شامل تھے۔،علی لاریجانی ایران کے طاقتور مذہبی و سیاسی خاندان سے تعلق رکھتے تھے،انہوں نے بطور اسپیکر پارلیمنٹ 12 سال تک مجلسِ شورٰی کی قیادت کی۔

ایران نے آپریشن وعدہ صادق کی 58 ویں لہر میں اسرائیلی علاقے تل ابیب، بیت شیمش اور مغربی یروشلم پر میزائل داغے دیئے۔

حملوں میں طاقتور میزائل خرمشہر ۔ قادر اور ڈرونز کا استعمال کیا گیا۔ ایران کی جانب سے پہلی بار جاج قاسم میزائل سے حملہ کیا گیا۔ جاج قاسم میزائل سے اسرائیل اور امریکی اڈوں کو نشانہ بنایا گیا، غدر اور عماد میزائل بھی دشمنوں پر داغے گئے۔

 مشرق وسطیٰ میں تنصیبات بھی تہران کا ہدف بنے۔ ابوظبی میں میزائل کا ملبہ گرنے سے پاکستانی شہری جاں بحق ہوگیا ۔ الفجیرہ بندرگاہ کے قریب ٹینکر پروجیکٹائل سے نشانہ بنایا گیا۔

بغداد میں امریکی سفارت خانے پر ڈرون حملہ کیا گیا ۔ عراقی فورسز نے پانچ ڈرونز مار گرانے کا دعویٰ کیا ۔ قطر میں ڈرون اور میزائل حملے کیے گئے ۔ یواے ای نے 10 بیلسٹک میزائل اور پنتالیس ڈرونز تباہ کردیئے۔

پاکستان میں تعینات ایران کے سفیر رضا امیری مقدم نے نائب وزیراعظم و وزیر خارجہ اسحاق ڈار سے ملاقات کی، جس میں ایرانی سفیر نے مشکل وقت میں پاکستان کے عوام کی جانب سے ملنے والی بھرپور اخلاقی حمایت پر شکریہ ادا کیا۔

ترجمان دفترخارجہ کے مطابق اس موقع پر اسحاق ڈار نے حالیہ تنازع میں قیمتی جانوں کے ضیاع پر گہرے دکھ اور افسوس کا اظہار کیا اور جلد پرامن حل کی امید ظاہر کی۔

 انہوں نے اس بات پر زور دیا کہ مسائل کے حل اور خطے میں پائیدار امن و استحکام کے لیے مذاکرات اور سفارتکاری ہی واحد مؤثر راستہ ہیں۔

امریکی صدر ڈونلڈ ٹرمپ کا کہنا ہے کہ علی لاریجانی کو گزشتہ روز حملے میں مار دیا گیا ہے۔ کہا علی لاریجانی ایران میں مظاہرین کے قتل عام کے ذمہ دار تھے۔

وائٹ ہاؤس میں میڈیا سے گفتگو میں امریکی صدر ڈونلڈ ٹرمپ نے کہا کہ ایران خلیجی ممالک اور ہمارے لیے خطرہ ہے۔ نیٹو ایران جنگ میں ساتھ نہ دے کراحمقانہ غلطی کر رہا ہے۔ ہمیں آبنائے ہرمز میں جہازوں کی حفاظت کے لیے کسی مدد کی ضرورت نہیں۔

ڈونلڈ ٹرمپ نے کہا کہ ایران کو جوہری ہتھیار رکھنے کی اجازت نہیں دی جا سکتی، اگر ایران پر حملہ نہ کرتے تو وہ جوہری ہتھیار حاصل کرچکا ہوتا، برطانوی وزیراعظم کے بیان پر بہت مایوسی ہوئی، ہم ابھی ایران جنگ سے نکلنے کیلئے تیار نہیں مگر مستقبل قریب میں اس جنگ سے نکل سکتے ہیں۔

امریکی صدر نے کہا کہ نیٹو ایران کے خلاف مہم جوئی میں ہمارا ساتھ نہیں دینا چاہتا، ہمیں کسی کی ضرورت نہیں، ایران کی نیوی ،فضائی اور ریڈار سسٹم کو تباہ کردیا، ہم نے ایران کی قیادت کو ختم کردیا۔

پاکستان میں تعینات روسی سفیر البرٹ پی خوریف نے کہا ہے کہ پاکستان نے رابطہ کیا تو اسے سستا تیل دیں گے، وہ اس صورتحال سے فائدہ اٹھاسکتا ہے۔ ایران کے ساتھ کئی دہائیوں سے فوجی اور تکنیکی تعاون ہے۔

اسلام آباد میں پریس کانفرنس کے دوران روس کے سفیر البرٹ پی خوریف نے کہا کہ ایران جنگ کے باعث صورتحال پیچیدہ ہو چکی،ہم پاکستان کو تیل فراہمی کیلئے تیار ہیں۔

البرٹ پی خوریف کا کہنا تھا کہ توانائی کا شعبہ پاکستان اور روس کے درمیان دوطرفہ تعاون کا اہم ترین ستون ہے، تیل کی خریداری کیلئے پاکستان کی جانب سے روس کے ساتھ کسی رابطے کا علم نہیں۔

روسی سفیر نے کہا کہ حالیہ مہینوں میں یورپی ممالک روس کے خلاف جارحانہ رویہ اپنائے ہوئے ہیں، روس پر اقتصادی دباؤ ڈالنے کیلئے نام نہاد سایہ دار فلیٹ کے تحت کارروائیاں شروع کی گئی ہیں، بین الاقوامی قانون میں سایہ دار فلیٹ کا کوئی تصور موجود نہیں۔

انہوں نے کہا کہ کھلے سمندر میں تجارتی جہازوں پر قبضہ کرنا سمندری ڈاکہ زنی ہے، ایسی پالیسیوں سے فوجی جھڑپوں کے خطرات بڑھ گئے ہیں، یہ صورتحال تیل کی عالمی منڈی کو مزید غیر مستحکم کر سکتی ہے۔ اس سے پاکستان سمیت دیگر ممالک پر منفی اثرات پڑ سکتے ہیں۔

البرٹ پی خوریف نے مزید کہا کہ یوکرین کے ساتھ جاری تنارع کو دو ریاستوں کی براہ راست لڑائی نہیں سمجھتے، روس اس تنازع کو مغرب کے ساتھ بالواسطہ مقابلہ سمجھتا ہے، بیرونی دباؤ کے باجود پاکستان یوکرین بحران پر متوازن اور مستقل مؤقف اپنائے ہوئے ہے۔

روسی سفیر کا مزید کہنا تھا کہ یوکرین تنازع نئے عالمی نظام کی تشکیل کے عمل میں طاقتور تقویت بن چکا، اس جنگ کا نتیجہ آئندہ کئی برسوں تک عالمی طاقتوں کے توازن پر گہرا اثر ڈالے گا، اس وقت پورے محاذ جنگ کی صورتحال روسی افواج کے حق میں بنتی جا رہی ہے، شکست سے دوچار یوکرینی جنگجو شہری آبادی پر حملوں کا سہارا لے رہے ہیں۔ روس بحران کے حل کیلئے مذاکراتی حل تلاش کرنے کے راستے سے پیچھے نہیں ہٹا۔

ایران کی وزارتِ انٹیلی جنس نے سینکڑوں سٹار لنک ڈیوائسز ضبط کرنے کا دعویٰ کیا ہے۔

ایران کے سرکاری میڈیا کے مطابق ایران کی وزارت انٹیلی جنس نے اپنے بیان میں کہا ہے کہ اس نے دشمن کی جانب سے بھیجی گئی سینکڑوں سٹارلنک کی ڈیوائسز ضبط کر لی ہیں۔

بیان میں کہا گیا ہے کہ ملکی قانون کے تحت سٹارلنک ڈیوائسز کا حصول اور استعمال جرم ہے اور جنگ کے دوران ایسا کرنے والوں کو سب سے سخت سزا دی جائے گی۔ ایران میں سٹارلنک استعمال کرنے پر دو سال تک قید کی سزا ہو سکتی ہے۔

یاد رہے کہ جنگ کے آغاز کے ساتھ ہی ایران میں انٹرنیٹ پر تقریبا بلیک آؤٹ ہے۔ انٹرنیٹ بند ہونے کی وجہ سے رپورٹنگ کے لیے ایران تک رسائی مشکل ہو گئی ہے۔ کچھ لوگ انٹرنیٹ سے منسلک ہونے کے لیے سٹار لنک کا استعمال کرتے ہیں۔

امریکا کے ڈائریکٹر نیشنل ٹیرز ازم سینٹر جوکینٹ نے ایران جنگ کے معاملے پر استعفیٰ دے دیا۔

ایران جنگ ٹرمپ کیلئے ڈراؤنا خواب بنا گیا، اہم اتحادیوں کے بعد اہم سرکاری افسران بھی ساتھ چھوڑنے لگے، امریکا کے ڈائریکٹر نیشنل ٹیرر ازم سینٹرایران جنگ پر مستعفیٰ ہوگئے۔

جوکینٹ نے کہا کہ سوچ وبچار کے بعد میں نے استعفی دینے کا فیصلہ کیا ہے، ایران سے جاری جنگ کی حمایت نہیں کرسکتا، ایران سے امریکا کوئی خطرہ نہیں ہے۔

انہوں نے مزید کہا کہ امریکا نے اسرائیل لابی کے دباؤ میں آکر جنگ شروع کی، امریکی میڈیا اور اسرائیلی حکام نے غلط معلومات پر پھلائیں۔

اسرائیل کی جانب سے ایرانی رہنما علی لارینجانی کی شہادت کے دعوے کے بعد اب ایرانی میڈیا اور علی لاریجانی کے سوشل میڈیا اکاؤنٹس پر ہاتھ سے لکھا ہوا ایک پیغام جاری کیا گیا ہے۔

علی لارینجانی کے ایکس اکاؤنٹس پر شائع ہونے والے اس تصویری پیغام میں ایران کی بحریہ کے ’جنگجوؤں‘ کو خراجِ تحسین پیش کیا گیا ہے۔ ایرانی سیکیورٹی چیف نے مزید تحریر کیا کہ اللّٰہ تعالیٰ سے ان پیارے شہیدوں کے درجات کی بلندی کی دعا کرتا ہوں۔

اس پیغام میں علی لاریجانی نے تحریر کیا کہ ایرانی بحریہ کے شہدا کی یاد ہمیشہ ایرانی قوم کے دل میں زندہ رہے گی۔ انہوں نے مزید تحریر کیا کہ یہ شہادتیں برسوں تک ایرن کی فوج کی بنیاد کو مضبوط کریں گی۔

یہ بیان ایسے وقت سامنے آیا ہے جب ایران میں سرکاری طور پر چار مارچ کو امریکی آبدوز کے ٹارپیڈو حملے میں شہید ہونے والے 84 ملاحوں کو خراجِ عقیدت پیش کیا جائے گا۔

یہ ملاح اُن 130 افراد میں شامل تھے جن کے بارے میں خیال کیا جاتا ہے کہ وہ ایرانی جنگی جہاز آئی آر آئی ایس دینا پر سوار تھے۔ جہاز آئی آر آئی ایس دینا پر شہید ہونے والوں کی تدفین کی تقریب آج منعقد کی جا رہی ہے۔

یورپی یونین فارن پالیسی چیف نے ایک بار پھر ایران کے خلاف جنگ میں شرکت سے صاف انکار کردیا۔

رائٹرز کو انٹرویو میں کاجا کالس نے کہا کہ امریکا نے تہران کے خلاف قدم اٹھانے سے پہلے یورپی یونین سے مشورہ نہیں کیا۔ ابھی تک امریکی اقدامات کو سمجھنے سے قاصر ہیں۔ کسی بھی فیصلے سے پہلے صدر ٹرمپ کی غیر متوقع طبیعت کو مدنظر رکھنا ہوگا۔

 انہوں نے کہا کہ امریکا کے ساتھ مضبوط تعلقات کے خواہاں ہیں لیکن اس کے لیے دو طرفہ کوششیں ہونی چاہیں۔ آبنائے ہرمز کو کھولنے کیلئے انہوں نے بحیرہ اسود کا ماڈل اپنانے کا مشورہ دیا ۔ جہاں روس اور یوکرین نے جنگ کے دوران اناج پر مشتمل بحری جہازوں کو گزرنے کی اجازت دی تھی۔

ایران پر امریکا اور اسرائیل کے حملے اور آبنائے ہرمز کی بندش کے باعث پیدا ہونے والی ایندھن کی قلت سے نمٹنے کے لیے ایشیائی ممالک ایندھن کی بچت کے لیے مختلف اقدامات متعارف کروا رہے ہیں۔

گذشتہ سال آبنائے ہرمز سے گزرنے والے تمام تیل اور گیس کا تقریباً 90 فیصد حصہ ایشیائی کے لیے تھا، جو کہ دنیا کا سب سے بڑا تیل درآمد کرنے والا خطہ ہے۔

سری لنکا نے ایندھن کی بچت کے لیے ہر بدھ کو عام تعطیل کا اعلان کیا ہے۔ اس کے علاوہ گاڑی چلانے والوں کو بھی قومی ایندھن پاس کے لیے اندراج کرنے کی ضرورت ہے۔ اس پاس کے تحت لوگ صرف ایک مخصوص مقدار میں ایندھن خرید سکتے ہیں۔

میانمار میں، نجی گاڑیوں کو ان کی لائسنس پلیٹ نمبروں کے لحاظ سے صرف متبادل دنوں میں چلنے کی اجازت ہے۔

بنگلہ دیش نے یونیورسٹیوں میں عید کی تعطیلات کا پہلے ہی کو اعلان کر دیا ہے اور ایندھن کی بچت کے لیے ملک بھر میں منصوبہ بند بلیک آؤٹ متعارف کروایا جا رہا ہے۔

فلپائن میں، کچھ سرکاری دفاتر میں عملے کے لیے ہفتے میں کم از کم ایک دن گھر سے کام کرنا (ورک فرام ہوم) لازمی قرار دیا ہے ۔

ایرانی سپریم لیڈر نےامریکا کے ساتھ امن کی تجاویز کو مسترد کردیا۔

رائٹرز کےمطابق ایرانی سپریم لیڈر مجتبیٰ خامنہ کی جانب سے جاری بیان میں کہا گیا کہ فی الحال امن کا وقت نہیں ہے،اسرائیل اور امریکا کو پہلے شکست دیں گے،تاوان وصول کریں گے،ایران کو یہ تجاویز 2 ثالث ممالک کی جانب سے بھیجی گئی تھیں،۔

دوسری جانب ایرانی میڈیا نے علی لاریجانی کا ہاتھ سے لکھا گیا پیغام جاری کردیا،علی لاریجانی نے ہاتھ سے لکھا پیغام ایرانی بحریہ کے شہداء کے نام لکھا،بحریہ کے بہادر مجاہدین کی شہادت ظالم قوتوں کے خلاف قربانیوں کا حصہ ہے،انکی یاد ہمیشہ ایرانی قوم کے دل میں زندہ رہے گی۔

اسرائیلی میڈیا نے دعویٰ کیا ہے کہ اسرائیلی فوج نے ایرانی سیکیورٹی چیف علی لاریجانی کو شہید کردیا  ہے۔

اسرائیلی وزیر دفاع کے مطابق گزشتہ رات تہران پر ہونے والے حملے میں علی لاریجانی اور بیسج فورس کے کمانڈر غلام رضا سلیمانی شہید ہوگئے

 ایرانی میڈیا نے علی لاریجانی کی شہادت کی تردید کردی۔ علی لاریجانی کے سوشل میڈیا اکاؤنٹ سے ہاتھ سے لکھا گیا پیغام جاری کیا گیا جس میں ایرانی قومی سلامتی کے مشیر نے ایرانی نیوی کے شہدا کو خراج عقیدت پیش کیا ہے۔ انہوں نے کہا کہ بحریہ کے بہادر مجاہدین کی شہادت ظالم قوتوں کے خلاف قربانیوں کا حصہ ہے،انکی یاد ہمیشہ ایرانی قوم کے دل میں زندہ رہے گی۔ 

به مناسبت مراسم تشییع سلحشوران نیروی دریایی ارتش جمهوری اسلامی ایران: یاد آنان همواره در قلب ملت ایران خواهد بود و این شهادت‌ها بنیان ارتش جمهوری اسلامی را برای سالها در ساختار نیروهای مسلح استوار می‌نماید. ازخداوند متعال علو درجات برای این شهدای عزیز خواستارم. pic.twitter.com/dvTdhyDYbY

— Ali Larijani | علی لاریجانی (@alilarijani_ir) March 17, 2026

ایران کےدارالحکومت تہران میں زور دار دھماکوں کی آوازیں سنی گئی ہیں،دھماکے شہر کے مرکزی علاقوں میں محسوس کیے گئے۔

ایمنسٹی انٹرنیشنل نے ایران میں اسکول پر حملے کو جنگی جرم قرار دیدیا۔

ایمنسٹی انٹرنیشنل کا کہنا ہے کہ امریکا کو اس مہلک حملے کےذمہ دارافراد کو جوابدہ ٹھہرانا چاہیے، ایران کےشہرمیناب میں اسکول پربمباری سے 100 سےزائد بچےشہید ہوئے، اسکول کی عمارت کو گائیڈڈ ہتھیاروں سے براہِ راست نشانہ بنایا گیا۔

ایمنسٹی انٹرنیشنل کےمطابق امریکی افواج نےشہریوں کو بچانے کیلئےضروری احتیاطی تدابیر اختیار نہیں کیں،امریکی اقدام بین الاقوامی انسانی قانون کی سنگین خلاف ورزی ہے،افواج نے ممکنہ طور پر پرانے یا نامکمل انٹیلی جنس معلومات پر انحصار کیا،انٹیلی جنس معلومات کیسے جمع کی گئیں، تحقیقات ہونی چاہیے،یہ بھی دیکھنا ہوگا حملے میں مصنوعی ذہانت کا کس حد تک استعمال ہوا۔

ایرانی پارلیمنٹ کے اسپیکر محمد باقر قالیباف نے امریکا سے خطہ چھوڑنے کا مطالبہ کردیا۔

 ایرانی پارلیمنٹ کے اسپیکرمحمد باقرقالیباف نے ایرانی میڈیا سےگفتگو میں کہا خطے کے ممالک کو کئی ماہ پہلے ہی بتایا گیا تھا کہ ان کی سرزمین پر امریکی موجودگی سیکیورٹی کی ضمانت نہیں ہے۔

مزید کہا خطے کی سیکیورٹی مسحتکم ہونی چاہیے اور یہ بیرونی مدد سے نہیں ہوسکتی،امریکا کو اس خطے سے نکلنا ہوگا۔

متحدہ عرب امارات کے ساحل کے قریب ایک اور آئل ٹینکر پر حملہ ہوا ہے۔

میری ٹائم ایجنسی کےمطابق الفجیرہ بندرگاہ کےقریب ٹینکر پرپروجیکٹائل گر گیا،حملے کےوقت آئل ٹینکر بحیرہ عمان میں موجود تھا،حملےمیں ٹینکر کو معمولی نقصان پہنچا، کوئی جانی نقصان نہیں ہوا،اب تک خلیج فارس میں 20 آئل ٹینکرز حملوں کی زد میں آچکے ہیں۔

دوسری جانب قطرمیں امریکی تنصیبات پرمیزائل اورڈرون حملہ کیا گیا،قطری فورسز نےمتعدد میزائل اور ڈرونزمارگرائے،میزائل کا ملبہ گرنے سےانڈسٹریل زون میں آگ بھڑک اٹھی،واقعے میں کوئی جانی نقصان نہیں ہوا۔

بغدادمیں امریکی سفارتخانے پر مسلسل ڈرون حملے،عراقی سیکیورٹی فورسز نے سفارتخانے کے قریب 5 ڈرون مار گرائے،یہ امریکی سفارتخانے پر اب تک کا سب سے بڑا حملہ تھا،بغداد میں زور دار دھماکا بھی سنا گیا۔

امریکی صدر ڈونلڈ ٹرمپ نے دعوی کیا ہےکہ میرے خیال میں ایران کا نیا سپریم لیڈر زندہ نہیں،ہم نہیں جانتے کہ اصل میں ایران کی قیادت کون کرتا ہے۔

 امریکی صدر ڈونلڈ نے اپنےبیان میں کہا کچھ لوگ کہتےہیں نئے ایرانی سپریم لیڈرچل بسے، کچھ کہتے ہیں وہ صحت مند ہیں،صدر ٹرمپ ایران میں ایسے رہنما موجود ہیں جو مذاکرات کرنا چاہتے ہیں،کچھ کہہ نہیں سکتا پر جنگ جلد ختم ہوجائے گی۔

دوسری جانب یورپی یونین نے بھی خلیج فارس میں جہاز نہ بھیجنے کا فیصلہ کرلیا،ایران جنگ کی حکمت عملی پر وضاحت کا مطالبہ کردیا۔

اسرائیل کے ایران پر حملے جاری،تہران پرشدید بمباری کردی،ایران کابھی جوابی وار،اسرائیل پر ڈرونز حملے مشرق وسطیٰ میں بھی امریکی تنصیبات ایران کےنشانے پر،متحدہ عرب امارات،سعودی عرب اور کویت پرڈرون حملے کردئیے۔

اسرائیلی حکام کاکہنا ہےکہ تہران میں ایرانی رجیم کے انفرا اسٹرکچرپربڑےپیمانےپرحملے شروع کردئیے ہیں۔عراق کے دارالحکومت بغداد میں زور دار دھماکے سنے گئے، 2 بارودی ڈرونز نےبغدادمیں امریکی سفارتخانے کو نشانہ بنایا۔

یورپی یونین نے بھی خلیج فارس میں جہاز نہ بھیجنے کا فیصلہ کیا ہے۔

یورپی ممالک نے امریکی صدرڈونلڈ ٹرمپ سےایران جنگ کی حکمت عملی پر وضاحت کا مطالبہ کیا ہے، یورپی یونین نے خطے میں کشیدگی کم کرنے کے لیے سفارتکاری کو ہی بہترین راستہ قرار دیا۔

یورپی فارن پالیسی چیف کاجا کالس کاکہنا ہے یہ یورپ کی جنگ نہیں ہے،اس لیے ممبر ممالک نے آبنائے ہرمز کھلوانے کے مشن میں شرکت سے انکارکردیا ہے،کوئی بھی ملک اس جنگ میں براہ راست شامل ہونا نہیں چاہتا،کیونکہ سب کو اس جنگ کے نتائج کی فکر ہے،ہماری توجہ توانائی اور تجارتی راستوں کی بحالی پر مرکوزہے۔

برطانوی وزیراعظم کیئراسٹارمر کا کہنا ہے کہ برطانیہ کسی وسیع جنگ میں شامل نہیں ہوگا،اسی صورت میں مدد ہوگی جب وہ قانونی اورواضح حکمت عملی کے تحت ہو۔

دوسری جانب جرمن چانسلر نے اپنے بیان میں کہا نیٹو کو اس تنازع میں شامل نہیں ہونا چاہیے،خیال رہے کہ اس سے قبل فرانس

دبئی کے دونوں ایئرپورٹس پرغیرملکی پروازوں کی لینڈنگ معطل کردی گئی۔

اماراتی سول ایوی ایشن کے مطابق دبئی ایئرپورٹ اور المکتوم ایئرپورٹ پر غیرملکی پروازوں کی لینڈنگ معطل ہے،فلائٹ مانیٹرنگ ویب سائیٹ کےمطابق دبئی کی ایئرلائنز بھی موجودہ صورتحال میں ایک بار پھر آپریشن محدود کرنے لگی ہیں۔

دوسری جانب ابوظبی کے شاہ گیس فیلڈ میں ڈرون حملے سے لگنے والی آگ پر قابو پالیا گیا ہے،نقصان کے جائزے تک فیلڈ کی سرگرمیاں معطل رہیں گی۔

میئر لندن کی برطانوی وزیراعظم کےجنگ میں شامل نہ ہونے کے فیصلے کی حمایت کرتے ہوئے کہاجنگ لمبی ہوئی تو ہم سب کیلئے مشکلات بڑھیں گی۔

میئرصادق خان نے لندن کےمشہورسیاحتی مقام ٹریفالگر اسکوائر پر اوپن افطارمیں  شرکت کی اور خطاب کرتے ہوئےکہناتھاکہ  ایران میں جوکچھ ہورہا ہے اس کا اثرلندن میں  ہورہا ہےسمجھ نہیں آیا کہ ڈونلڈ ٹرمپ کا منصوبہ کہاں ہے ایران پرحملوں میں شامل نہ ہونے کےبرطانوی حکومت کے فیصلے کا خیرمقدم کرتےہیں۔

انکا مزیدکہناتھاکہ دنیا بھرمیں مسلمانوں کےخلاف نفرت میں اضافہ تشویشناک ہے اور برطانوی حکومت اسلاموفوبیا کے خلاف قانون سازی کر رہی ہے۔

 بڑے افطارپروگرام میں 3ہزار سے زائد افراد نے شرکت کی اور میئر لندن صادق خان نے شرکا کو عید الفطر کی پیشگی مبارکباد بھی دی۔ 

امریکی صدر ڈونلڈ ٹرمپ نے نیوز کانفرنس  سے خطاب کرتے ہوئے کہا کہ طاقتور فوج نے ایرانی رجیم کا خاتمہ کیا،ایران کے بحری جہاز اور طیارے تباہ کردیے، حملوں میں ایرانی قیادت کا خاتمہ کردیا،حملوں کے بعد ایران ریڈار سے بھی محروم ہیں۔

امریکی صدرڈونلڈ ٹرمپ کا کہناتھا کہ ہم نے ایران کے 90فیصد میزائل اور 85فیصد ڈرون کی صلاحیت ختم کر دی،آبنائے ہرمز میں ایران کی بارودی سرنگ کی کشتیوں کو تباہ کیا،ایران کے حملوں میں 90فیصد کمی آئی ہے، 100سے زائد ایرانی جہازوں کو غرق کیا۔

امریکی صدر ڈونلڈ ٹرمپ کا کہناتھا کہ آبنائے ہرمز سے متعلق کئی ممالک سے بات چیت ہوئی،مجھے یقین نہیں ہے آبنائے ہرمزمیں کوئی مائنز  ہے یا نہیں،اسامہ بن لادن ایک برا آدھی تھا،اس نے ورلڈ ٹریڈ سینٹرپر حملہ کیا تھا،آبنائے ہرمز سے تیل لینے والے ممالک کو آگے آنا ہوگا۔

صدر ڈونلڈ ٹرمپ  کا کہناتھا کہ آبنائے ہرمز کے معاملے پر دوست ممالک کو  ہماری مدد کرنی چاہیے، 'ایران کا خطرہ کم کرنے کیلئے طاقت ور کارروائی کی ، مجھے پتا نہیں کہ دوست ممالک  ہماری مدد کر رہے ہیں یا نہیں۔

یورپی یونین نے مشرق وسطیٰ کیلئے 525 ملین ڈالر انسانی امداد کا اعلان کر دیاہے اور کہاہے کہ یہ امداد ایران جنگ اور لبنان پر اسرائیلی حملوں کے تناظر میں فراہم کی جائیگی،جنگ سے متاثرہ مشرقِ وسطیٰ کی مدد کیلئے آگے بڑھ رہے ہیں۔

تفصیلات کے مطابق امریکی سینٹ کام نے بیان جاری کرتے ہوئے کہا کہ امریکی فوج نے ایران میں 6 ہزار سے زیادہ جنگی مشن انجام دیے،ایران کے میزائل پروگرام اور ڈرونز کو ختم کرنے پر توجہ دے رہے ہیں،ایرانی فوج کی میزائل بنانے والی تنصیبات تباہ کردیں،جمعہ کو خارگ جزیرے میں 19 فوجی تنصیبات کو تباہ کیا۔

وائٹ ہاؤس

وائٹ ہاؤس کے مطابق صدر ٹرمپ آبنائے ہرمز کو کھولنے کیلئے دوست ممالک سے رابطے کررہے ہیں،صدر ٹرمپ کی یورپی اتحادیوں اورخلیجی ممالک  سے بات ہورہی ہے،ممکن ہے صدر ٹرمپ اور چینی صدر شی کی ملاقات موخر ہوجائے۔

ترجمان قطری وزارت خارجہ ماجدالنصاری کا بیان

ترجمان قطری وزارت خارجہ ماجدالنصاری نے بیان جاری کرتے ہوئے کہاکہ ایران کو فوری طور پر حملے روک دینے چاہئیں،قطر نے خود کو ایران کی جنگ سے الگ رکھا ہوا ہے،اگر حملے نہ رکے جو قطر جواب دینے کا حق رکھتا ہے،اس وقت  امریکا اور ایران کے درمیان ثالثی کی کوئی کوشش نہیں ہورہی،تمام فریقوں کو مل کر کشیدگی کم کرنے کی کوشش کرنی چاہیے۔

اماراتی وزارت دفاع کا بیان

اماراتی وزارت  دفاع نے بیان جاری کرتے ہوئے کہا ہے کہ پیر کو 6 میزائل اور 21 ڈرون حملوں کو ناکام بنایا گیا،جنگ کے آغاز سے اب تک 304بیلسٹک میزائل روک چکے،17روز میں 15کروز میزائل اور 1627 ڈرون  حملے ناکام بنائے،حملوں میں دوفوجیوں سمیت سات شہری ہلاک اور 145زخمی ہوچکے ہیں۔

برطانوی وزیراعظم کیئر سٹارمر نے پریس کانفرنس سے خطاب کرتے ہوئے کہا کہ ہم ایران کے خلاف وسیع جنگ کا حصہ نہیں ہونگے، ہم اس مسئلے کے تیزتر حل کیلئے کام کرتے رہیں گے۔

تفصیلات کے مطابق کیئر سٹارمر کا کہناتھا کہ جنگ کے بعد ہمیں ایران کے ساتھ معاہدے کی ضرورت ہوگی، آبنائے ہرمز کو کھولنا کوئی سادہ کام نہیں ہے، سمندری آمدورفت کو بحال کرنے کیلئے اتحادیوں کے ساتھ مل کر کام کررہے ہیں ۔

انہوں نے کہا کہ توانائی کمپنیوں کو بچتے صارفین تک منتقل کرنے کی ہدایت کی ہے ، کمپنیوں کو لوگوں کی مشکلات سے فائدہ نہیں اٹھانے دیں گے، یوکرین کے صدر زیلنسکی سے جلد ملاقات کروں گا، ہم پیوٹن کو ایران جنگ سے فائدہ اٹھانے نہیں دیں گے۔

ان کا کہناتھا کہ مجھ پر ایران کے خلاف جنگ کا حصہ نہ بننے پر تنقید کی گئی،  ہمارا فیصلہ برطانوی عوام کے مفاد پر مبنی ہونا چاہیے،  برطانوی افواج کو جنگ پر بھیجنے کا قانونی جواز ہونا چاہیے، چاہے کتنا دباؤ کیوں نہ ہو، میرا کام برطانوی مفاد کا دفاع کرنا ہے۔

کیئر سٹارمر کا کہناتھا کہ گزشتہ روز صدر ٹرمپ سے آبنائے ہرمز پرتفصیلی بات ہوئی،  آبنائے ہرمز کے مسئلے پر قابل عمل پلان پر بات چیت ہو رہی ہے،  زیادہ سے زیادہ اتحادیوں کو اس بات چیت کا حصہ بنا رہے ہیں۔

ایرانی وزیر خارجہ عباس عراقچی نے پاکستان کی جانب سے ایران کی حمایت پر اظہار تشکر کرتے ہوئے کہا ہے کہ  امریکی صہیونی جارحیت کے مقابلے میں پاکستانی حکومت اور عوام نے یکجہتی اور حمایت کی۔

سماجی رابطے کی ویب سائٹ پر اردو میں جاری کیے گئے بیان میں انہوں نے کہا کہ روحانی اور بابرکت دنوں میں حکومت اور عوامِ پاکستان کا تہہ دل سے شکر گزار ہوں، پاکستانی عوام اور حکومت کی حمایت پر دل کی گہرائیوں سے شکر گزار ہوں۔

ایرانی وزیر خارجہ کا کہنا ہے کہ اللّٰہ تعالیٰ پر کامل توکل کے ساتھ ایران کھڑا ہے۔ ایران اپنی حاکمیت اور علاقائی سالمیت کے دفاع کے لیے کھڑا ہے۔ ایران جارحیت کے خلاف  ثابت قدمی اور استقامت کے ساتھ کھڑا ہے۔

عراقی مزاحمتی تنظیم نے بغداد انٹرنیشنل ایئرپورٹ کے قریب وکٹوریہ بیس پر ڈرونز اور راکٹوں سے حملہ کردیا۔

روسی ٹی وی کے مطابق حملے میں 10 امریکی فوجی ہلاک ہوگئے۔ تاہم ابھی تک آزاد ذرائع سے اس کی تصدیق نہ ہوسکی۔ الجزیرہ کے مطابق وکٹوریہ بیس پر ڈرون حملے کےبعد آگ بھڑک اٹھی اور ابتدائی طور پر 5 افراد کے زخمی ہونے کی اطلاعات تھیں۔ عراقی مزاحمتی تنظیم نے گزشتہ روز بھی وکٹوریہ بیس پر ڈرون حملے کی ویڈیو جاری کی تھی۔

دوسری جانب ایران کی خلیجی ممالک پر حملوں کی نئی لہر شروع ہوگئی۔ دبئی اور کویت انٹرنیشنل ایئرپورٹ پر ایک بار پھر ڈرون حملے ہوئے ہیں۔

کویتی وزارت دفاع کے مطابق ایئرپورٹ کے ریڈار کو نقصان پہنچا۔ کوئی ہلاکت نہیں ہوئی، پانچ ڈرونز تباہ کردیے گئے ۔ کویت میں اطالوی فوج کے اڈے پر بھی ڈرون حملہ ہوا، کوئی نقصان نہیں ہوا۔ عرب میڈیا کے مطابق عراق کے دارالحکومت بغداد میں بھی  انٹرنیشنل ایئرپورٹ پر حملہ ہوا۔ جس میں  امریکی سفارتی مرکز کو نشانہ بنایا گیا۔

دبئی انٹرنیشنل ایئرپورٹ پر ڈرون حملے سے آگ بھڑک اٹھی۔ دبئی میڈیا آفس کے مطابق ڈرون نے ایئرپورٹ پر آئل ٹینکر کو ہٹ کیا۔ واقعہ میں کوئی جانی نقصان نہیں ہو۔ فلائٹ آپریشن عارضی طور پر معطل ہوگئی۔

 اماراتی وزارت دفاع نے بتایا کہ  اتوار کو  چار بیلسٹک میزائل اور 6 ڈرونز کو روکا ۔ 28 فروری سے اب تک 298 بیلسٹک، 15 کروز میزائل اور ایک ہزار 600 ڈرونز حملوں کو ناکام بنایا۔

ایرانی وزیر خارجہ عباس عراقچی نے اپنےبیان میں کہا اسرائیل کی جانب سے تہران میں تیل ڈپو پر حملے عالمی قوانین کی خلاف ورزی ہیں۔

ایرانی وزیرخارجہ عباس عراقچی نےایکس پرپیغام میں کہااسرائیل کی جانب سےتہران میں تیل ڈپو پر حملے عالمی قوانین کی خلاف ورزی ہیں،تیل ڈپو پرحملے ماحولیاتی تباہی کے مترادف ہیں۔

عباس عراقچی نے مزید کہا مٹی اور زیرِ زمین پانی کی آلودگی کےاثرات طویل عرصے تک رہیں گے،اسرائیل کو اپنے جنگی جرائم کی سزا ملنی چاہیے۔

جاپان نے اپنے اسٹریٹجک ریزرو سے تیل ریلز کرنا شروع کردیا۔

جاپانی میڈیا رپورٹس کےمطابق پرائیویٹ سیکٹر ریزرو سے 15 دنوں کا تیل مارکیٹ میں ریلیز کیا گیا، جاپان کے پاس 70 دنوں کیلئے اضافی تیل موجود ہے،حکومت مزید ایک ماہ کے ریزرو آنے والے دنوں میں جاری کرے گی۔

برطانیہ، فرانس اورجاپان نے آبنائے ہرمزکی حفاظت کیلئے اتحاد کا حصہ نہ بننے کا فیصلہ کیا ہے،واضح رہےکہ امریکی صدرڈونلڈ ٹرمپ نےکہا ہےکہ امریکہ “کسی نہ کسی طرح” جلد ہی آبنائے ہرمز کو کھول کراسےمحفوظ اورآزاد بنا دےگا،جبکہ اس مقصد کےلیےاتحادی ممالک سےجنگی بحری جہاز بھیجنے کی اپیل بھی کی گئی ہے۔

ایران امریکا اسرائیل جنگ شروع ہونے کے بعد کم از کم دس آئل ٹینکرز پرحملے ہوئے جبکہ تقریباً ایک ہزار جہاز ہرمز کے راستے میں پھنسے ہوئے ہیں۔

محکمہ موسمیات کے مطابق بارش برسانے والا نیا سسٹم کل ایران کے راستے پاکستان میں داخل ہوگا۔

بیان کے مطابق نئے سسٹم کے زیراثر شمال مشرقی بلوچستان بارشوں کی توقع ہے، بارشوں کا سلسلہ تین روز تک جاری رہے گا۔ بارش کے ساتھ طوفانی ہوائیں چلنے کا بھی امکان ہے۔

یاد رہے کہ محکمہ موسمیات نے اسے پہلے ایک بیان میں کہا تھا کہ ایران میں تیل کی تنصیبات پر خوفناک بمباری کے بعد آسمان سے سیاہ پانی کی بارش کے بعد پڑوسی ممالک میں اثرات کے خدشات پیدا ہو گئے ہیں۔

محکمہ موسمیات کے مطابق مغرب سے آنے والی ہواؤں میں آلودہ ذرات پاکستان کے مغربی حصوں تک پہنچ سکتےہیں، ان ہواؤں کی وجہ سے ملک کے مغربی علاقوں کا فضائی معیار متاثر ہونے کا خدشہ ہے۔

محکمہ موسمیات نے پاکستان میں کالی بارش کے امکان کو مسترد کر دیا تاہم ایران کے راستے آنے والے سسٹم میں آلودگی پیدا کرنے والے ذرات موجود ہونے کے پیش نظر  ریجنل آفسز کو بارش کے نمونے جانچ کیلئے جمع کرنے کی ہدایت کر دی ہے۔

عالمی منڈی میں تیل کی قیمتوں میں مزید اضافہ ہوگیا۔

امریکی خام تیل 0.88 فیصد اضافے کے ساتھ 99 ڈالر فی بیرل سے تجاوز کرگیا،برطانوی خام تیل کی قیمت میں 1.5 فیصد اضافہ، 104 ڈالر فی بیرل پر فروخت ہورہا ہے۔

امریکی اخبار کےمطابق آئل انڈسٹری نے ٹرمپ انتظامیہ کو خبردار کرتے ہوئےکہا ہےکہ ‏توانائی کا بحران مزید بگڑنےکا امکان ہے،تیل کمپنیوں کےمطابق آبنائےہرمزکی بندش کےسبب توانائی بحران مزید شدید ہوسکتا ہے، آبنائےہرمز کی بندش عالمی تیل کی ترسیل اورقیمتوں پر اثر ڈال رہی ہے۔

واضح رہےکہ آبنائے ہرمز کھلوانے کے لیے ٹرمپ کی مدد کی اپیل پر دنیا خاموش ہے،جاپان نے بھی آبنائے ہرمز میں اپنے بحری جہاز بھیجنے سے انکار کر دیا ہے۔

ایران جنگ سے خلیجی معیشت کو شدید دھچکا لگنے کا خدشہ ہے۔

بلومبرگ کے مطابق خلیجی ممالک کو1990کے بعد بدترین معاشی بحران کا سامنا کرنا پڑسکتا ہے، آبنائےہرمزکی بندش سے قطر اور کویت کی معیشت زیادہ متاثر ہوسکتی ہے۔

رپورٹ کے مطابق عالمی گزر گار2ماہ بند رہی توجی ڈی پی میں 14 فیصد کمی کا خدشہ ہے، یواے ای اور سعودیہ کی جی ڈی پی میں 3 سے 5 فیصد تک کمی کا خدشہ ہے۔

دوسری جانب سعودی ولی عہد اور یواے ای صدر کا رابطہ ہوا، دونوں رہنماؤں نے ایرانی حملے خطے کے سلامتی کیلئے خطرہ قرار دیدیا، سعودی ولی عہد اور یواے ای صدر نے سنگین نتائج کی تنبیہ کرتے ہوئے خلیجی ممالک کے دفاع کیلئے ضروری اقدامات کے عزم کا اظہار کیا۔

قبل ازیں فرانسیسی صدر نے ایرانی ہم منصب مسعودپزشکیان سے ٹیلیفونک رابطہ کیا، فرانس نے ایران سے پڑوسی ممالک پر حملے فوری طوربند کرنے کا مطالبہ کیا، فرانسیسی صدر نے کہا کہ لبنان اورعراق سمیت خطے کے ممالک پر حملے ناقابل قبول ہیں، جتنی جلدی ممکن ہو آبنائے ہرمزمیں جہازوں کی آمدورفت بحال کی جائے۔

ترجمان ایرانی پاسداران انقلاب کا کہنا ہے کہ امریکی صدر ڈونلڈ ٹرمپ نے کہا تھا ایرانی بحریہ ختم ہوگئی، اگر ایرانی بحریہ ختم ہوچکی تو صدر ٹرمپ ہمت دکھائیں۔

ایک بیان میں ایرانی پاسداران انقلاب نے کہا کہ ابھی وہ میزائل استعمال ہی نہیں ہوئے جو2025میں تیار کئے تھے، جون 2025کے بعد تیار میزائل تو ابھی تک سامنے نہیں لائے۔

دوسری جانب امریکی صدر کا کہنا ہے کہ آبنائے ہرمز کھلوانے کیلئے نیٹو نے ہماری مدد نہیں کی تواس کا مستقبل بہت برا ہوگا۔

ڈونلڈ ٹرمپ نے کہا کہ یورپ اور چین تیل کی ترسیل کے لیے آبنائے ہرمز کھلوانے کی کوششوں میں شامل ہوں، کہا چین نے مدد نہیں کی تو چینی صدر سے ملاقات تاخیر کا شکار ہوسکتی ہے۔

سعودی فورسز نے آج درجنوں ڈرونز مارگرائے.سعودی وزارت دفاع کے مطابق صبح سے اب تک ڈرون حملوں کی تین لہروں کا سامنا کیا۔

سعودی وزارت دفاع کا کہنا ہےکہ پہلی لہر میں پانچ،دوسری لہرمیں چھ اور تیسری لہر میں تئیس ڈرونز کو فضا میں تباہ کیا گیا،سعودی فضائی حدود میں آج تباہ کیے گئے ڈرونز کی تعداد ساٹھ ہوگئی۔

گزشتہ روز سعودی دفاعی نظام نے چھ بیلسٹک میزائلوں کو بھی کامیابی کےساتھ انٹرسیپٹ کیا تھا جو پرنس اسلطان ایئربیس کی جانب داغے گئے تھے۔

امریکی صدر ڈونلڈ ٹرمپ کا کہنا ہے کہ آبنائے ہرمز کھلوانے کیلئے نیٹو نے ہماری مدد نہیں کی تواس کا مستقبل بہت برا ہوگا۔

ڈونلڈ ٹرمپ نے کہا کہ یورپ اور چین تیل کی ترسیل کے لیے آبنائے ہرمز کھلوانے کی کوششوں میں شامل ہوں، کہا چین نے مدد نہیں کی تو چینی صدر سے ملاقات تاخیر کا شکار ہوسکتی ہے۔

امریکی صدر نے کہا کہ ایران کی فوجی صلاحیت کو دو ہفتوں میں ختم کر دیا گیا ہے، ایران اب بھی مسائل پیدا کرسکتا ہے جیسے پانی میں بم یا ڈرون حملے، امریکا خراگ جزیرے کو 5منٹ میں نشانہ بنا سکتاہے۔

واضح رہے کہ فرانس کے بعد برطانیہ اور جاپان نے بھی آبنائے ہرمز کھلوانے کیلئے اتحاد کا حصہ بننے کےلیے امریکا کو انکار کردیا ہے۔

برطانوی اخبار کے مطابق برطانوی وزیراعظم نے امریکی صدر کو انکار کردیا، برطانوی وزیراعظم نے کہا کہ برطانیہ آبنائے ہرمز کی حفاظت کیلئے اتحاد کا حصہ بننے کےلیے بحری جہاز بھیجنے کیلئے تیار نہیں۔ اس سے قبل جاپان اور فرانس نے بھی اپنے جہاز آبنائے ہرمز بھیجنے کی صدر ٹرمپ کی درخواست مسترد کردی ہے۔

واضح رہے کہ امریکی صدر ڈونلڈ ٹرمپ نے کہا ہے کہ امریکہ “کسی نہ کسی طرح” جلد ہی آبنائے ہرمز کو کھول کر اسے محفوظ اور آزاد بنا دے گا، جبکہ اس مقصد کے لیے اتحادی ممالک سے جنگی بحری جہاز بھیجنے کی اپیل بھی کی گئی ہے۔

ایران کی خلیجی ممالک پر حملوں کی نئی لہر شروع ہوگئی۔ دبئی اور کویت انٹرنیشنل ایئرپورٹ پر ایک بار پھر ڈرون حملے ہوئے ہیں۔

کویتی وزارت دفاع کے مطابق ایئرپورٹ کے ریڈار کو نقصان پہنچا۔ کوئی ہلاکت نہیں ہوئی، پانچ ڈرونز تباہ کردیے گئے ۔ کویت میں اطالوی فوج کے اڈے پر بھی ڈرون حملہ ہوا، کوئی نقصان نہیں ہوا۔

عرب میڈیا کے مطابق عراق کے دارالحکومت بغداد میں بھی  انٹرنیشنل ایئرپورٹ پر حملہ ہوا۔ جس میں  امریکی سفارتی مرکز کو نشانہ بنایا گیا۔

دبئی انٹرنیشنل ایئرپورٹ پر ڈرون حملے سے آگ بھڑک اٹھی۔ دبئی میڈیا آفس کے مطابق ڈرون نے ایئرپورٹ پر آئل ٹینکر کو ہٹ کیا۔ واقعہ میں کوئی جانی نقصان نہیں ہو۔ فلائٹ آپریشن عارضی طور پر معطل ہوگئی۔

 اماراتی وزارت دفاع نے بتایا کہ  اتوار کو  چار بیلسٹک میزائل اور 6 ڈرونز کو روکا ۔ 28 فروری سے اب تک 298 بیلسٹک، 15 کروز میزائل اور ایک ہزار 600 ڈرونز حملوں کو ناکام بنایا۔

تیل کمپنیوں نے ٹرمپ انتظامیہ کوممکنہ توانائی بحران سے خبردار کر دیا۔

وال اسٹریٹ جرنل کے مطابق تیل کمپنیوں کا کہنا ہے کہ آبنائے ہرمز میں جنگی صورتحال سے عالمی توانائی بحران بڑھ سکتا ہے، ایران جنگ سے تیل کی ترسیل شدید متاثر ہو سکتی ہے۔

واضح رہے کہ آبنائے ہرمز کی بندش کے عالمی منڈی میں تیل کی قیمتوں میں اضافہ جاری ہے۔ برطانوی برینٹ کروڈ آئل کی قیمت 106ڈالر فی بیرل جبکہ امریکی ڈبلیوٹی آئی 102 ڈالر فی بیرل پرٹریڈ ہورہا ہے۔

عرب میڈیا کے مطابق آبنائے ہرمز بحری جہازوں کا رش بڑھا گیا، ایک ہزار کے قریب جہازوں کو آبنائے ہرمز کھلنے کا انتظار ہے۔

برطانیہ نے آبنائے ہرمز کی حفاظت کیلئے اتحاد کا حصہ نہ بننے کا فیصلہ کرلیا۔

برطانوی اخبار کے مطابق برطانوی وزیراعظم نے امریکی صدر کو انکار کردیا، برطانوی وزیراعظم نے کہا کہ برطانیہ آبنائے ہرمز کی حفاظت کیلئے اتحاد کا حصہ بننے کےلیے بحری جہاز بھیجنے کیلئے تیار نہیں۔

اس سے قبل جاپان اور فرانس نے بھی اپنے جہاز آبنائے ہرمز بھیجنے کی صدر ٹرمپ کی درخواست مسترد کردی ہے۔

ترجمان فرانسیسی وزارت خارجہ کے مطابق فرانسیسی طیارہ بردار بحری بیڑا اب بھی مشرقی بحیرۂ روم میں موجود ہے، اپنا دفاع کرنے کی فرانس کی پوزیشن میں کوئی تبدیلی نہیں آئی، آبنائے ہرمز میں جنگی بحری جہاز نہیں بھیجیں گے۔

جرمنی نے بھی آبنائے ہرمز میں یورپی مشن بھیجنے پر تحفظات کا اظہار کردیا، جرمن حکام کا کہنا ہے کہ یورپی مشن بحیرہ احمر میں تجارتی جہازوں کی حفاظت میں مؤثر نہیں رہا، آبنائے ہرمز میں یورپی مشن بھیجنے سے کوئی فائدہ نہیں ہوگا۔

واضح رہے کہ امریکی صدر ڈونلڈ ٹرمپ نے کہا ہے کہ امریکہ “کسی نہ کسی طرح” جلد ہی آبنائے ہرمز کو کھول کر اسے محفوظ اور آزاد بنا دے گا، جبکہ اس مقصد کے لیے اتحادی ممالک سے جنگی بحری جہاز بھیجنے کی اپیل بھی کی گئی ہے۔

صدر ٹرمپ نے سوشل میڈیا پلیٹ فارم ٹروتھ سوشل پر ایک پوسٹ میں لکھا کہ وہ امید کرتے ہیں کہ چین، فرانس، جاپان، جنوبی کوریا اور برطانیہ اس اہم آبی گزرگاہ میں جنگی بحری جہاز بھیجیں تاکہ ایران کی جانب سے کسی بھی ممکنہ خطرے کو روکا جا سکے۔

انہوں نے کہا کہ بہت سے ممالک اس اہم عالمی تجارتی راستے کو “کھلا اور محفوظ” رکھنے کے لیے جنگی جہاز بھیجنے پر غور کر رہے ہیں۔ ٹرمپ کے مطابق اس دوران امریکہ اپنی فوجی کارروائیاں جاری رکھے گا۔

امریکی صدر ڈونلڈ ٹرمپ کے مشیر کیون ہیسٹ کا کہنا ہے کہ امریکا ایران کے خلاف جنگ پر 12 ارب ڈالر خرچ کر چکا ہے۔

کیون ہیسٹ نے کہا کہ اس وقت تیل کی قیمتوں کا سب سے بڑا مسئلہ ہے، ایران نرمی کا مظاہرہ کرے تیل کی سپلائی میں اضافہ ہوسکتا ہے، جنگ ختم ہونے کے بعد ہی عالمی معشیت کو استحکام ملے گا۔ مشرق وسطیٰ میں ہمارے پاس سب کچھ موجود ہے جس کی ہمیں ضرورت ہے۔

دوسری جانب کیون ہیسٹ کے دعوے کے برعکس نیویارک ٹائمز کی ایک رپورٹ کے مطابق امریکی محکمہ جنگ کی ایک بریفنگ میں قانون سازوں کو بتایا گیا کہ ایران کے خلاف جنگ کے پہلے ہفتے میں امریکہ کو 11 ارب 30 کروڑ ڈالر سے زائد خرچ برداشت کرنا پڑا۔ اس سے پتہ چلتا ہے کہ یہ تنازع کس تیزی سے ہتھیاروں اور وسائل کو استعمال کر رہا ہے۔

رپورٹ کے مطابق اس رقم میں ان اخراجات کو شامل نہیں کیا گیا جو حملوں سے قبل فوجی تیاریوں اور تعیناتی کے دوران کیے گئے تھے۔ اس طرح جنگ کے پہلے ہفتے کی حتمی لاگت اس سے کہیں زیادہ ہو سکتی ہے۔

امریکی میڈیا کے مطابق اس سے قبل دفاعی حکام کانگریس کو بتا چکے ہیں کہ لڑائی کے صرف پہلے دو دنوں میں تقریباً پانچ ارب 60 کروڑ ڈالر مالیت کے ہتھیار استعمال کیے گئے، جو پہلے کے اندازوں کے مقابلے میں کہیں زیادہ خرچہ ہے۔

امریکی وزیرتوانائی کرس رائٹ کا کہنا ہے کہ امریکا ایران جنگ چند ہفتوں میں ختم ہوسکتی ہے۔

ایک بیان میں امریکی وزیرتوانائی نے کہا کہ جنگ ختم ہونے پر ہی توانائی کی سپلائی بہتر ہوجائے گی، سپلائی بحال ہونے سے تیل کی قیمتوں میں کمی آئے گی، چند ہفتوں میں صورتحال معمول پر آنے کی امید ہے۔

دوسری جانب ایک انٹرویو میں ایرانی کا کہنا تھا کہ تہران نے کسی جنگ بندی کی درخواست نہیں کی، جنگ اس وقت تک جاری رہے گی جب تک صدر ٹرمپ اس جنگ کو غیرقانی نہ مان لیں۔ عباس عراقچی نے کہا کہ ایران اپنے دفاع کیلئے ہرممکن اقدامات جاری رکھے گا، امریکی اتحادیوں پر حملے جوابی کارروائی کے طور پر کئے۔

ایرانی وزیرخارجہ نے کہا کہ امریکی افواج خلیجی ممالک کی سرزمین سے ہم پر حملہ کر رہی ہیں، ہم صرف امریکی تنصیبات اور فوجی اڈوں کو نشانہ بنا رہے ہیں، ایرانی افواج نے کئی ممالک کے جہازوں کو محفوظ راستہ فراہم کیا ہے۔ ایران کے پاس کئی ممالک آئے ہیں، جو آبنائے ہرمز سے محفوظ گزرگاہ چاہتے ہیں۔

فرانس نے اپنے جہاز آبنائے ہرمز بھیجنے کی صدر ٹرمپ کی درخواست مسترد کردی۔

ترجمان فرانسیسی وزارت خارجہ کے مطابق فرانسیسی طیارہ بردار بحری بیڑا اب بھی مشرقی بحیرۂ روم میں موجود ہے، اپنا دفاع کرنے کی فرانس کی پوزیشن میں کوئی تبدیلی نہیں آئی، آبنائے ہرمز میں جنگی بحری جہاز نہیں بھیجیں گے۔

واضح رہے کہ امریکی صدر ڈونلڈ ٹرمپ نے کہا ہے کہ امریکہ “کسی نہ کسی طرح” جلد ہی آبنائے ہرمز کو کھول کر اسے محفوظ اور آزاد بنا دے گا، جبکہ اس مقصد کے لیے اتحادی ممالک سے جنگی بحری جہاز بھیجنے کی اپیل بھی کی گئی ہے۔

صدر ٹرمپ نے سوشل میڈیا پلیٹ فارم ٹروتھ سوشل پر ایک پوسٹ میں لکھا کہ وہ امید کرتے ہیں کہ چین، فرانس، جاپان، جنوبی کوریا اور برطانیہ اس اہم آبی گزرگاہ میں جنگی بحری جہاز بھیجیں تاکہ ایران کی جانب سے کسی بھی ممکنہ خطرے کو روکا جا سکے۔

انہوں نے کہا کہ بہت سے ممالک اس اہم عالمی تجارتی راستے کو “کھلا اور محفوظ” رکھنے کے لیے جنگی جہاز بھیجنے پر غور کر رہے ہیں۔ ٹرمپ کے مطابق اس دوران امریکہ اپنی فوجی کارروائیاں جاری رکھے گا۔

پاسداران انقلاب نے سعودی عرب میں حملوں سے لاتعلقی کا اظہار کردیا۔ ایرانی  وزیرخارجہ عباس عراقچی نے بھی عرب ممالک میں سویلین اہداف کو نشانہ بنانے کی تردید کردی ۔ مشترکہ تحقیقاتی کمیٹی بنانے کی پیشکش ۔

 بیان میں کہا کارروائیوں میں اسرائیل ملوث ہوسکتا ہے۔ حملوں کیلئے امریکی ساختہ ڈرونز کا استعمال خارج از امکان نہیں ۔ ایرانی وزیرخارجہ نے دعویٰ کیا کہ خارگ جزیرے پر حملہ یواے ای میں موجود امریکی بیس سے کیا گیا ۔ کروز میزائل دبئی کے قریب سے داغے گئے۔

دوسری جانب سعودی عرب میں ایرانی سفیر کا سعودی وزارت خارجہ کے حکام سے رابطہ ہوا۔ برطانوی خبررساں ایجنسی کے مطابق ایرانی سفیر رضا انایتی نے سعودی حکام سے کہا کہ ایران نے  آئل فیلڈز پر حملے نہیں کئے ۔ وہ ان حملوں میں ملوث نہیں ۔ دونوں ملکوں کے درمیان  رابطہ برقرار ہے۔

پاسداران انقلاب نے اسرائیلی وزیرِ اعظم بنیامین نیتن یاہو کو قتل کرنے کی دھمکی دی ہے۔

ترجمان پاسداران انقلاب کا کہنا ہے کہ نیتن یاہو اگر زندہ ہیں تو وہ ہمارا ہدف ہونگے، بچوں کے قاتل نیتن یاہو کو ہر حال میں قتل کریں گے۔ وہ نیتن یاہو کو ’ڈھونڈ کر قتل کرنے‘ کی کوشش جاری رکھیں گے۔

پاسداران انقلاب نے یہ دعویٰ بھی کیا ہے کہ اس کے حملوں کی 52 ویں لہر کے دوران خطے میں تین امریکی فوجی اڈے اور اسرائیل میں اہداف تباہ کر دیے گئے ہیں۔

دوسری جانب اسرائیلی فوج نے لبنان میں حزب اللہ کے مراکز کو نشانہ بنانے کا دعویٰ کیا ہے۔ اسرائیلی ڈیفنس فورسز (آئی ڈی ایف) کا کہنا ہے کہ وہ لبنان میں ایران کی حمایت یافتہ مسلح تنظیم حزب اللہ کے بنیادی ڈھانچے کو بدستور نشانہ بنا رہا ہے۔

ایرانی وزیرخارجہ عباس عراقچی کا کہنا ہے کہ تہران نے کسی جنگ بندی کی درخواست نہیں کی، جنگ اس وقت تک جاری رہے گی جب تک صدر ٹرمپ اس جنگ کو غیرقانی نہ مان لیں۔

ایک انٹرویو میں ایرانی وزیرخارجہ عباس عراقچی نے کہا کہ ایران اپنے دفاع کیلئے ہرممکن اقدامات جاری رکھے گا، امریکی اتحادیوں پر حملے جوابی کارروائی کے طور پر کئے۔

ایرانی وزیرخارجہ نے کہا کہ امریکی افواج خلیجی ممالک کی سرزمین سے ہم پر حملہ کر رہی ہیں، ہم صرف امریکی تنصیبات اور فوجی اڈوں کو نشانہ بنا رہے ہیں، ایرانی افواج نے کئی ممالک کے جہازوں کو محفوظ راستہ فراہم کیا ہے۔ ایران کے پاس کئی ممالک آئے ہیں، جو آبنائے ہرمز سے محفوظ گزرگاہ چاہتے ہیں۔

عباس عراقچی نے سی بی ایس نیوز کو بتایا کہ ہمارے پاس امریکیوں سے بات کرنے کی کوئی وجہ نہیں کیونکہ ہم جب ان سے بات کر رہے تھے تب انھوں نے ہم پر حملہ کرنے کا فیصلہ کیا۔ جنگ کا انتخاب صدر ٹرمپ اور امریکہ نے کیا ہے اور ہم اپنا دفاع جاری رکھیں گے۔

ایرانی وزیرخارجہ کا کہنا تھا کہ ایران کے جوہری مراکز ملبے تلے دبے ہیں اور فی الحال ہمارے پاس کوئی پروگرام نہیں اور نہ ہی ان کی دوبارہ بحالی کا کوئی منصوبہ ہے۔ ایران اور امریکہ کے درمیان جوہری معاہدے پر بات چیت جاری تھی، تو ایران نے پیشکش کی تھی کہ افزودہ مواد کی شرح کو کم کر دیا جائے گا۔

ایران کی جانب سے اسرائیل پر تازہ حملے کیے گئے ہیں۔ ایرانی پاسداران انقلاب نے آپریشن وعدہ صادق کے تحت حملوں کی نئی لہرکا آغاز کردیا۔ آئرن ڈوم ایرانی میزائل روکنے میں ناکام ہوگیا،تل ابیب میں دھماکے،متعدد مقامات پر آگ بھڑک اٹھی۔

اسرائیل میں ایرانی میزائل حملوں سے بڑے پیمانے پر تباہی ہوئی ہے۔ اسرائیلی حکام کے مطابق گھنٹے میں مزید 108 اسرائیلی زخمی ہوئے، جنگ کے آغاز سے اب تک 3 ہزار 195 افراد زخمی ہوچکے ہیں۔

ایران کی جانب سے میزائل اور ڈرونز کے بڑھتے حملوں کے بعد اسرائیل کے پاس میزائل روکنے والے انٹر سیپٹرز تیزی سے کم ہو رہے ہیں۔

دوسری جانب پاسداران انقلاب کےمطابق سعودی عرب الخرج میں امریکی فوجی اڈے پرمیزائلوں سےحملہ کیا،جہاں ایف 35 اور ایف 16لڑاکا طیاروں کے تربیتی مراکز کونشانہ بنایا۔

عرب میڈیا کے مطابق 15 روز میں امریکا اور اسرائیل کے حملوں کے نتیجے میں ایران میں 1444 افراد شہید ہوئے،اسرائیلی حملوں سے لبنان میں 773 افراد شہید ہوئے جبکہ اسرائیل میں 14 افراد ہلاک ہوئے جبکہ 15 روز میں ایرانی حملوں میں 11 امریکی فوجی مارے گئے۔ یواے ای میں 6، سعودیہ عرب میں 2 ، عراق میں 26، کویت میں 6، عمان میں 3، بحرین میں 2 افراد جاں بحق ہوئے۔

ایران کی قومی سلامتی کونسل کے سیکریٹری علی لاریجانی کا  کہنا ہے کہ سُنا ہے ایپسٹین ٹیم کی باقیات نے نائن الیون جیسا واقعہ کرنے اور الزام ایران پر لگانے کی سازش تیار کی ہے۔

سوشل میڈیا پر جاری اپنے بیان میں علی لاریجانی نے کہا کہ امریکا اور اس کے اتحادی ایک ممکنہ ’فالس فلیگ‘ حملے کی سازش کر سکتے ہیں اور اس کا الزام ایران پر ڈال سکتے ہیں۔ ایران بنیادی طور پر ایسے دہشت گرد منصوبوں کا مخالف ہے، ایران کی جنگ امریکی عوام کے ساتھ نہیں ہے۔

علی لاریجانی نے کہا کہ ایران اس قسم کی دہشت گردانہ کارروائیوں کی سختی سے مخالفت کرتا ہے اور اس کی امریکا کے عوام کے ساتھ کوئی دشمنی نہیں ہے۔

علی لاریجانی نے کہا کہ  ایران اس وقت امریکا اور اسرائیل کی جارحیت کے خلاف اپنا دفاع کر رہا ہے، اور دفاعی کارروائی میں مضبوط اور فیصلہ کن انداز میں جواب دے رہا ہے تاکہ ایران پر حملہ آوروں کو سزا دی جا سکے۔

اسرائیلی حملے میں ایرانی فوج کے بریگیڈیئر جنرل عبداللہ جلالی شہید ہوگئے۔

ایرانی فوج نے بریگیڈیئر جنرل عبداللہ جلالی کی شہادت کی تصدیق کردی،میجر جنرل عبد اللہ جلالی ایرانی فوج کےنائب انٹیلی جنس چیف تھے،حکام کے مطابق وہ دشمن کے حملے کے وقت دفاعی کارروائیوں کی قیادت کر رہے تھے۔

اسرائیلی فوج نے گزشتہ روز عبد اللہ جلالی اور امیر شریعت کو شہید کرنے کا دعویٰ کیا تھا

ایرانی وزیر خارجہ عباس عراقچی نے عرب ممالک میں سویلین اہداف پر حملوں کی تردید کردی۔

ایرانی وزیر خارجہ عباس عراقچی نےاپنےبیان میں کہاخطے کےممالک میں سویلین اہداف پر حملوں میں ایران ملوث نہیں،ایران خطے کےممالک کےساتھ مشترکہ تحقیقاتی کمیٹی بنانےکیلئے تیار ہے،خطے میں کسی سویلین ہدف یا رہائشی علاقے کو نشانہ نہیں بنایا۔

عباس عراقچی نےکہا عرب ممالک کے سویلین اہداف پر حملوں میں اسرائیل ملوث ہوسکتا ہے، ان حملوں میں امریکی ساختہ ڈرونز استعمال ہوسکتے ہیں

دوسری جانب ایرانی وزیرخارجہ نے کہا جنگ کےمکمل خاتمےکی کسی بھی اقدام کی حمایت کریں گے،قطر، سعودی عرب، عمان اور دیگر ہمسایہ ممالک سے سفارتی رابطے قائم ہیں۔

یوکرینی صدر نے اپنےبیان میں کہاامریکا نےمشرقِ وسطیٰ میں مدد کیلئے کئی بار رابطہ کیا،مشرقِ وسطیٰ کی مدد کے بدلے ٹیکنالوجی اور مالی تعاون اہم ہوگا۔

یوکرینی صدر نےاپنے بیان میں کہاامریکی صدرڈونلڈ ٹرمپ سے ملاقات انتہائی ضروری ہے،یوکرین کا نیا دفاعی نظام اس سال تیار ہورہا ہے جسے میزائلوں کے خلاف آزمایا جائے گا۔

مزید کہا امریکی ٹیم چاہتی ہےاگلے ہفتے سہ فریقی مذاکرات ہوں،امریکا کےساتھ ڈرون معاہدے پر دستخط کی امید نہیں ہے،روسی تیل کی ترسیل شروع کرنا پابندیاں ہٹانے کے مترادف ہے،روس کی موسمِ بہار کی فوجی پیش قدمی پہلے ہی ناکام ہو چکی ہے

پینٹاگون نے عراق میں طیارہ گرنے سے ہلاک ہونے والے اہلکاروں کی شناخت ظاہر کردی۔

امریکی ڈپارٹمنٹ آف وار سے جاری بیان کے مطابق ہلاک ہونے والوں میں ایک میجر،تین کیپٹن اوردو ٹیکنیکل سارجنٹ شامل ہیں۔

تمام چھ اہلکار بارہ مارچ کو عراق میں امریکی ریفیولنگ طیارہ گرنے سے ہلاک ہوگئے تھے،خیال رہے کہ ایرانی پاسداران انقلاب کی حامی عراقی مزاحمتی تنظیم نے طیارہ مار گرانے کا دعویٰ کیا تھا۔

ایرانی خواتین فٹبال ٹیم کے 3 کھلاڑیوں نے آسٹریلیا میں پناہ کی درخواست واپس لے لی۔

آسٹریلوی وزیرداخلہ نے اپنےبیان میں کہا3 ایرانی کھلاڑیوں نے واپس ایران جانے کا فیصلہ کیا ہے،اب تک 7 میں سے 4 کھلاڑی آسٹریلیا چھوڑنے کا فیصلہ کر چکی ہیں،ایک کھلاڑی نے گزشتہ ہفتے ہی اپنا فیصلہ تبدیل کر لیا تھا۔

ایرانی کھلاڑیوں کی جانب سے قومی ترانہ نہ پڑھنے پر تنازعہ شروع ہوا تھا،ایران میں شدید تنقید پر 7 کھلاڑیوں نے آسٹریلیا میں پناہ کی درخواست دی تھی۔

سوئٹزرلینڈ نے امریکا کو فضائی راہداری دینے سے انکار کردیا۔

سوئس حکومت کی جانب سے جاری بیان میں کہا گیا کہ ایران پر حملوں میں ملوث امریکی طیاروں کو فضائی حدود استعمال کرنے کی اجازت نہیں دی،یہ اقدام ہماری غیر جانبدار پالیسی کے تحت اٹھایا گیا۔

سوئٹزرلینڈ کے مطابق انسانی اور طبی امداد سے متعلق پروازوں کو اجازت دی جا سکتی ہے، زخمیوں کی منتقلی اور غیر جنگی پروازوں کو گزرنے کی اجازت ہے۔

دوسری جانب امریکی سینیٹر برنی سینڈرز نے نیتن یاہو کو جنگ کا ذمہ دار قرار دیا،کہا نیتن یاہو نے ٹرمپ کو اس خوفناک اور غیر مقبول جنگ میں دھکیل دیا،اب وہ خود نہیں جانتے اس سے نکلنا کیسے ہے۔

امریکی صدر ڈونلڈ ٹرمپ نے ایران کے ساتھ معاہدہ کرنے سے انکار کرتے ہوئے خراگ جزیرے کو پھر ٹارگٹ کرنےکی دھمکی دیدی۔

امریکی صدرڈونلڈ ٹرمپ نےاین بی سی کو انٹرویودیتےہوئےکہاسننےمیں آیا ہےکہ ایران کےنئےسپریم لیڈر ممکنہ طور پر زندہ نہیں،اگر ایرانی سپریم لیڈر زندہ ہیں توعقلمندی کامظاہرہ کرتےہوئےسرنڈرکردینا چاہئے، میرے خیال سے یہ خبرافواہ ہوسکتی ہے،ایران سیز فائر کےلئے تیار ہے۔

صدرٹرمپ نےکہا ایران کےساتھ معاہدے کےلئےشرائط ابھی کافی اچھی نہیں،معاہدےکےلئے شرائط بہت ٹھوس ہونی چاہئیں، ایران کی طرف سےجوہری عزائم مکمل طور پرترک کرنے کا عزم ممکنہ معاہدےکا حصہ ہوگا۔

ڈونلڈٹرمپ نےکہا ایران کےپاس واحد آپشن آبنائےہرمزمیں بارودی سرنگیں لگایایاشارٹ رینج میزائل کا استعمال ہے،واضح نہیں کہ ایران نےآبنائےپرمزمیں بارودی سرنگیں لگائی ہیں یا نہیں،آبنائے ہرمزکومحفوظ بنانے کےلئےدوسرے ممالک کےساتھ کام کررہےہیں،ہم ان کے زیادہ ترمیزائل ،ڈرونز اور پروڈکشن سائٹس تباہ کر دیں،دو دن کےاندر باقی بھی تباہ کردیے جائیں گے،امریکی صدر نےتیل کی قیمتوں میں اضافےسےمتعلق امریکیوں کےخدشات مسترد کردیے۔

ایران کی دشمن پر کاری ضرب،حزب اللہ کےساتھ مل کر میزائل داغ دیے،ایلات میں 10مقامات پر کلسٹر میزائل گرنےسےمتعددزخمی ہوگئے۔

ایران کی جانب سے اسرائیل پر تازہ حملےکیےگئےہیں، آئرن ڈوم ایرانی میزائل روکنے میں ناکام ہوگیا،تل ابیب میں دھماکے،متعدد مقامات پر آگ بھڑک اٹھی۔

ایرانی پاسداران انقلاب نے آپریشن وعدہ صادق کےتحت  حملوں کی نئی لہرکا آغاز کردیا،پاسداران انقلاب کےمطابق سعودی عرب الخرج میں امریکی فوجی اڈے پرمیزائلوں سےحملہ کیاجہاں ایف 35 اور ایف 16لڑاکا طیاروں کے تربیتی مراکز کونشانہ بنایا۔

 پاسداران انقلاب کا کہنا ہے کہ حملوں کی 51 لہر کا نام 'یا علی بن موسی الرضا' رکھا گیا، یہ حملہ شہید ابو القاسم بابائیان اور ان کی زوجہ کی یاد میں کیا گیا۔

دوسری جانب ایران کی جانب سے میزائل اور ڈرونز کے بڑھتے حملوں کے بعد اسرائیل کے پاس میزائل روکنے والے انٹر سیپٹرز تیزی سے کم ہو رہے ہیں۔

یاد رہےکہ اسرائیلی جارحیت کے جواب میں ایران کی جانب سے تل ابیب سمیت مختلف علاقوں کو نشانہ بنایا جارہا ہے۔

عرب میڈیا کے مطابق 15 روز میں امریکا اور اسرائیل کے حملوں کے نتیجے میں ایران میں 1444 افراد شہید ہوئے،اسرائیلی حملوں سے لبنان میں 773 افراد شہید ہوئے۔

عرب میڈیا کے مطابق اسرائیل میں 14 افراد ہلاک ہوئے جبکہ 15 روز میں ایرانی حملوں میں 11 امریکی فوجی مارے گئے۔

یواے ای میں 6، سعودیہ عرب میں 2 ، عراق میں 26، کویت میں 6، عمان میں 3، بحرین میں 2 افراد جاں بحق ہوئے۔

دوسری جانب اقوام متحدہ کی رپورٹ کےمطابق جنگ کے باعث ایران میں 32 لاکھ افراد بےگھرہوئے، شہریوں کی فضائی حملوں کے باعث بڑے شہروں سے نقل مکانی جاری ہے،یواین نے خدشہ ظاہر کیا کہ جنگ جاری رہی تو خطے میں ایک بڑا انسانی بحران پیدا ہو سکتا ہے۔

کویت میں ایک فضائی اڈے پر میزائل حملے کے نتیجے میں تین فوجی زخمی ہو گئے۔

کویتی وزارتِ دفاع کے ترجمان کے مطابق دو میزائل احمد الجبیرایئر بیس کے احاطے میں گرے جس سے محدود نقصان ہوا اور تین فوجی زخمی ہوئے۔

ترجمان کا کہنا تھا کہ گزشتہ 24 گھنٹوں کے دوران فضائی دفاعی نظام نے مجموعی طور پر سات میزائلوں کا سراغ لگایا۔ ان میں سے تین میزائلوں کو تباہ کر دیا گیا جبکہ دو میزائل اڈے کے اطراف میں گرنے سے کچھ حصوں کو نقصان پہنچا۔

حکام کے مطابق زخمی ہونے والے تینوں فوجیوں کو معمولی زخم آئے ہیں اور انہیں طبی امداد فراہم کی جا رہی ہے۔

ایران نے چینی کرنسی میں خریدے گئے تیل کے ٹینکرز کو راستہ دینے پر غور شروع کر دیاہے ۔

 امریکی ٹی وی سی این این کی رپورٹ کے مطابق محدود تعداد میں آئل ٹینکرز کو آبنائے ہرمز سے گزرنے کی اجازت مل سکتی ہے۔ بندش کے باعث عالمی سطح پر تیل اور گیس کی شدید قلت کا سامنا ہوسکتا ہے۔ 

دوسری جانب ایرانی پاسداران انقلاب نے کہاہے کہ خارگ  جزیرے پرحملے کے بعد امریکی ٹھکانے جائز اہداف   ہیں،  اگر کوئی جہاز بغیر اجازت آبنائے ہرمز میں داخل ہوا تونشانہ بنائیں گے ۔

امریکہ اور اسرائیل کی جانب سے ایران پر ایک بار پھر حملہ کیا گیاہے جس میں 15 افراد کے جاں بحق ہونے کی اطلاعات ہیں۔

ایرانی میڈیا کے مطابق امریکہ اور اسرائیل کی جانب سے اصفہان کے صنعتی علاقے میں حملہ کیا گیاہے جس میں 15 افراد جاں بحق ہو گئے ہیں ۔

ایرانی صدر مسعود پزشکیان نے کہاہے کہ امریکا اوراسرائیل کی مسلط کی گئی ظالمانہ جنگ کے 15  دن گزر چکے ہیں ، دشمن کے حملوں کے باوجود ملک معمول کے مطابق چل رہا ہے۔

سوشل میڈیا پر بیان میں ایرانی صدر نے کہا کہ حملوں کے باوجود حکومتی  اہلکاروں کی خدمت میں کوئی رکاوٹ نہیں آئی ، حکومتی اہلکار اپنا  کام محنت سے جاری رکھے ہوئے ہیں ، امریکا اور اسرائیل نے ہمارا ملک تباہ کیا ، ہم ملکر دوبارہ تعمیر کریں گے ۔

ایرانی وزیر خارجہ عباس عراقچی

ایرانی وزیر خارجہ عباس عراقچی نے بیان جاری کرتے ہوئے کہا کہ مجتبیٰ خامنہ ای کے حوالے سے سب کچھ معمول کے مطابق ہے،اگر دوبارہ حملہ ہوا تو امریکی تیل کمپنیوں کو نشانہ بنائیں گے،توانائی تنصیبات پر حملہ ہوا تو سخت جواب دیا جائے گا،آبنائے کھلی ہے ،امریکا اور اس کے اتحادیوں کو اجازت نہیں دیں گے،جوابی کارروائی میں گنجان آباد علاقوں کو نشانہ نہیں بنائیں گے،حملے کا جواب امریکی مفادات کو نشانہ بناکر دیں گے۔

عراق

دوسری جانب عراقی دارالحکومت بغداد میں امریکی سفارتخانے پر ڈرون حملہ ہواہے ، حملے میں کسی کے زخمی اور ہلاک ہونے کی اطلاع نہیں ملی۔

ترک وزیر خارجہ

ترک وزیر خارجہ حاقان فیدان نے میڈیا سے گفتگو کرتے ہوئے کہا کہ امریکا اور ایران کو مذاکرات کی میز پر واپس آنا چاہیے،جنگ جلد ختم ہونی چاہیے،تنازع مزید پھیلنے کا خطرہ ہے،ترکیے پر ہونیوالے حملوں سے متعلق ایران سے بات چیت ہورہی ہے،اسرائیل لبنان کو عدم استحکام کی طرف لے جا رہا ہے،الاقصٰی مسجد کی بندش سے خطے میں تشویش پھیل رہی ہے۔

اقوام متحدہ کے سیکریٹری جنرل انتونیو گوتریس

اقوام متحدہ کے سیکریٹری جنرل انتونیو گوتریس  نے میڈیا سے گفتگو کرتے ہوئے کہا کہ لبنان کے مسئلے کا حل فوجی نہیں سفارتکاری ہے،لبنان کی صورتحال پر گہری تشویش ہے،لبنانی عوام نے اس جنگ کو نہیں چنا بلکہ انہیں اس میں گھسیٹا گیا، لبنان کی خودمختاری   کا احترام ضروری ہے، لبنان میں فوری جنگ طور جنگ بندی کی ضرورت ہے۔

ایرانی صدر مسعود پزشکیان نے کہاہے کہ امریکا اوراسرائیل کی مسلط کی گئی ظالمانہ جنگ کے 15  دن گزر چکے ہیں ، دشمن کے حملوں کے باوجود ملک معمول کے مطابق چل رہا ہے۔

سوشل میڈیا پر بیان میں ایرانی صدر نے کہا کہ حملوں کے باوجود حکومتی  اہلکاروں کی خدمت میں کوئی رکاوٹ نہیں آئی ، حکومتی اہلکار اپنا  کام محنت سے جاری رکھے ہوئے ہیں ، امریکا اور اسرائیل نے ہمارا ملک تباہ کیا ، ہم ملکر دوبارہ تعمیر کریں گے ۔

امریکی صدر ڈونلڈ ٹرمپ نے سوشل میڈیا پر بیان جاری کرتے ہوئے کہاہے کہ ایک بار پھر جعلی میڈیا نے غلط خبریں پھیلائیں،سعودی عرب کے ہوائی اڈے سے متعلق گمراہ کن خبر چلائی گئی۔

تفصیلات کے مطابق ڈونلڈ ٹرمپ کا کہناتھا کہ اصل میں سعودی عرب میں چند روز پہلے اڈے کو نشانہ بنایا گیا تھا،حملے میں طیاروں کو نہ نقصان ہوا نہ وہ تباہ ہوئے،پانچ میں سے 4طیارے ٹھیک ہیں اور مکمل فعال ہیں،نیویارک ٹائمز اور وال اسٹریٹ جرنل  غلط خبریں پھیلا رہے ہیں،جعلی میڈیا  چاہتا ہے ہم یہ جنگ ہار جائیں،کسی بھی صورت میں آبنائے ہرمز جلد کھول دیں گے۔ 

غیر ملکی خبررساں ادارے نے دعویٰ کیاہے کہ ایران نے چند بھارتی جہازوں کو آبنائے ہرمز سے گزرنے کی اجازت دیدی ہے  جس کی تصدیق ایرانی سفیر کی جانب سے بھی کر دی گئی ہے ۔

الجزیرہ کے مطابق ایرانی سفیر نے بھارتی جہازوں کو آبنائے ہرمز سے گزرنے کی اجازت دیئے جانے کی تصدیق کر دی ہے ۔

ایرانی پاسداران انقلاب

ایرانی پاسداران انقلاب نے بیان جاری کرت ےہوئے کہا کہ امریکا نے ایران کے جزیرے خارگ پر حملہ کیا،جزیروں پر حملے کے بعد امریکی ٹھکانے جائز اہداف ہیں،ہمیں اپنی خودمختاری اور سرزمین کے مکمل دفاع کا حق حاصل ہے،یواے ای پر موجود کچھ امریکی اہداف کو نشانہ بنائیں گے،آبنائے ہرمز میں آئل ٹینکرز اور بحری جہازوں  پر پابندی برقرار ہے،اگر کوئی جہاز بغیر اجازت آبنائے ہرمز میں داخل ہوا تو نشانہ بنائیں گے۔

امریکی سینٹ کام

امریکی سینٹ کام نے ایرانی جزیرے خارگ پر حملے سے متعلق بیان جاری کرتے ہوئے کہا کہ ایرانی جزیرے خارگ میں 90 فوجی اہداف تباہ کئے،حملے میں بارودی سرنگوں کے گودام اور میزائل بنکرز تباہ کیے گئے،خارگ پر حملے میں تیل کی تنصیبات کو نقصان نہیں پہنچایا گیا۔

متحدہ عرب امارات

متحدہ عرب امارات کی وزارت دفاع نے بیان جاری کرتے ہوئے کہا کہ آج ایران کے 9بیلسٹک اور 33ڈرونز کو تباہ  کیا گیا،28فروری سے اب تک 294 بیلسٹک اور 15 کروز میزائل تباہ کئے گئے،ایران کی جانب سے داغے گئے 1600ڈرونز کو تباہ کیا جاچکا ہے۔

اردن کے فوجی ترجمان کا بیان

اردن کے فوجی ترجمان نے بیان  جاری کرتے ہوئے کہا کہ ایران کی جانب سے 85میزائل اور ڈرون داغے گئے،دفاعی نظام کے ذریعے 79کو راستے کو تباہ کیا،5 ڈرون اور ایک میزائل ملک  کے اندر گرا۔

ایران

ایرانی حکومت نے امریکا اور اسرائیل کے ایران  پر حملوں میں نقصان سے متعلق اعدادوشمار جاری کر دیئے ہیں، 28فروری سے اب تک 36ہزار500 رہائشی یونٹس کو نقصان پہنچا،صرف تہران میں 10ہزار رہائشی یونٹس متاثر ہوئے،امریکی اسرائیلی حملوں میں  اب تک 32 ایمبولینسیں تباہ ہوئیں،پندرہ روز میں ایران میں 120اسکولوں کو نشانہ بنایا گیا،حملوں کے دوران کم ازم 223خواتین جاں بحق ہوئیں،حملوں میں جاں بحق طلبہ اور اساتذہ کی تعداد 206 ہوچکی ہے ۔

سینٹ کام نے یو ایس ایس ابراہم لنکن غیر فعال ہونے کی تردید کردی

امریکی سینٹرل کمانڈ کی جانب سے جاری بیان میں کہا گیا کہ ابراہام لنکن کیریئراسٹرائیک گروپ اب بھی ایران کے خلاف فعال ہے،سینٹ کام نے بحری جہاز پر طیاروں کی آمد ورفت کی ویڈیو بھی جاری کردی۔

پاسداران انقلاب بحری بیڑے کو ناکارہ بنانے کادعویٰ کررہےہیں، اس سے پہلے بھی وہ اس جہاز کو تباہ کرنے کا دعویٰ کرچکے ہیں۔

تیل کی مسلسل اونچی اڑان،عالمی منڈی میں امریکی خام تیل اٹھانوے ڈالر فی بیرل سے اوپر چلا گیا۔

عالمی منڈی میں خام تیل کی قیمتوں میں مسلسل اضافہ ہورہا ہے،امریکی خام تیل کی قیمت میں 3 فیصد اضافہ، 98.71 ڈالر فی بیرل پر فروخت ہورہا ہے،برطانوی برینٹ بھی سنچری کرنے کے بعد ناٹ آؤٹ،قیمت بڑھ کر ایک سو تین ڈالر فی بیرل سے اوپر چلی گئی۔

آبنائے ہرمز کی مسلسل بندش کے بعد بین الاقوامی مارکیٹ میں تیل کی قیمتیں مسلسل بڑھ رہی ہیں ۔ اب تک سب سے زیادہ تیس فیصد اضافہ ریکارڈ کیا جاچکا ہے۔

ایران آبنائے ہرمز کھولنے نہیں دے رہا،اب یہ خبریں بھی آرہی ہیں کہ اٹلی اور فرانس نے اپنے کارگو  جہاز گزارنے کیلئے ایران سے رابطہ کیا ہے۔

دوسری جانب امریکا نے اپنے اسٹریٹجک پیٹرولیم ریزرومیں ہنگامی فراہمی کا آغاز کر دیا،امریکی محکمہ توانائی کے مطابق اقدام کا مقصد عالمی تیل کی سپلائی اور قیمتوں کو مستحکم کرنا ہے،یہ قدم صدر ٹرمپ کی ہدایات کے مطابق اٹھایا گیا۔

امریکی سینٹرل کمانڈ نے کہا ہے کہ ‏بی ٹو بمبار طیارے ایران پر حملے کیلئے روانہ کر دیے گئے ہیں۔

امریکی سینٹرل کمانڈ (سینٹکام) نےسوشل میڈیا پرجاری پیغام میں کہا کہ بی ٹو بمبار طیارے روانہ کرنے کا مقصدطویل فاصلے سےحملہ کرکے نہ صرف ایرانی حکومت سے لاحق خطرے کو ختم کرنا ہے بلکہ مستقبل میں اس کی دوبارہ طاقت بحال کرنے کی صلاحیت کو بھی ختم کرنا ہے۔

B-2 stealth bombers takeoff to conduct a mission during Operation Epic Fury, delivering long-range fire to not only eliminate the threat from the Iranian regime today, but also eliminate their ability to rebuild in the future. pic.twitter.com/ebyUYNnOLo

— U.S. Central Command (@CENTCOM) March 13, 2026

اس سے قبل امریکی وزیر دفاع پیٹ ہیگسیتھ کا کہنا تھا کہ ایرانی رجیم کے رہنما زیر زمین جا چکے ہیں، آج سب سے سخت حملے ہوں گے، ہم نہیں رکیں گے، آبنائے ہرمز میں جو کچھ ہو رہا ہے اس پر دنیا کو پریشان ہونے کی ضرورت نہیں۔

قطر نے عوامی تحفظ کے لیے کچھ علاقوں کو عارضی طور پر خالی کرانے کا اعلان  کردیا۔

قطری وزارت داخلہ کی جانب سے جاری بیان میں کہا گیا ہے کہ کچھ مخصوص علاقوں کو عارضی طور پر خالی کرایا جا رہا ہے،فضائی دفاع ایران کے میزائل حملوں کو ناکام بنانے میں مصروف ہے،ریاست کو نشانہ بنانے والے میزائل کو روک دیا ہے۔،

قطری وزارت داخلہ کا کہنا ہے کہ خطرہ ختم ہونے تک مخصوص علاقے خالی رہیں گے،عوام ہدایات پر عمل کریں اور سرکاری ذرائع پر انحصار کریں،قطری دارالحکومت دوحہ میں زور دار دھماکہ سنا گیا،جس کے بعد علاقے میں خوف وہراس پھیل گیا۔

امریکی صدر نے ایران کا افزودہ یورینیم روس منتقل کرنے کی پیوٹن کی پیشکش مسترد کردی۔

امریکی میڈیا رپورٹس کے مطابق روسی صدر 450 کلوگرام 60فیصد افزودہ یورینیم کو روس منتقل کرنے کی تجویز دی، صدر ٹرمپ نے اس پیشکش کو قبول کرنے سے انکار کر دیا۔

دوسری جانب امریکی اخبار دی وال اسٹریٹ جرنل کی رپورٹ کے مطابق امریکی محکمہ دفاع نے ہزاروں امریکی میرینز کو مشرقِ وسطیٰ بھیجنے کا فیصلہ کیا ہے۔

یہ درخواست ایسے وقت میں کی گئی ہے جب ایران آبنائے ہرمز میں جہازوں پر حملے اور بارودی سرنگیں بچھانے کے اقدامات کر رہا ہے۔

امریکی صدرڈونلڈ ٹرمپ نے اپنےبیان میں کہا ہےکہ میرے حکم پر فوج نےخَرج جزیرے کے تمام فوجی اہداف تباہ کر دیے،تیل کی تنصیبات کو اخلاقی طور پر بچایا گیا۔

ایران کے جزیرے خارگ پر امریکا نے پہلی بار شدید بمباری کی،ایرانی میڈیا کے مطابق جزیرے میں ایرانی میری ٹائم بیس،ہیلی کاپٹر کنٹرول ٹاور اور ڈیفنس فیسلٹیز کو نشانہ بنایا گیا۔ امریکی صدر ڈونلڈ ٹرمپ نےحملوں کی سرویلنس ویڈیو سوشل میڈیا پر شیئر کردی۔ ویڈیو میں ایئرپورٹ کے قریب تنصیبات اور رن وے پر بم گرتے ہوئے دیکھا جاسکتا ہے۔

امریکی صدرڈونلڈ ٹرمپ نے اپنے بیان میں کہا ایران یا کوئی اور فریق آبنائے ہرمز میں مداخلت کی تو امریکی پالیسی پرفوری نظرِ ثانی ہوگی،اس صورت میں دوبارہ کارروائی کریں گے،ایران کے پاس امریکا یا عالمی سلامتی کو خطرہ پہنچانے کی صلاحیت نہیں،ایران کبھی جوہری ہتھیار نہیں حاصل کر سکتا، ایران کیلئے عقلمندی اسی میں ہے کہ ہتھیار ڈال دے۔

ایرانی فوج نےدھمکی دی ہےکہ خارگ میں تیل کی تنصیبات پر حملہ کیاگیا توخطےمیں تیل کی تنصیبات ایران کے ہدف ہونگے۔

رپورٹ کےمطاق خارگ نامی جزیرہ ایران کے ساحل سے 25 کلومیٹر دور واقع ہے، جہاں سے ایران کا 90 فیصد تیل عالمی منڈی میں جاتا ہے۔

دوسری جانب ٹرمپ نے امریکی میڈیا کو تنقید کا نشانہ بناتے ہوئے کہا۔ میڈیا امریکی فوج کی کامیابیوں کو نہیں دکھاتا ہے۔ایران شکست کھا چکا ہے، اب معاہدہ کرنا چاہتا ہے لیکن وہ معاہدے میری لیے قابل قبول نہیں ہے۔ 

ایران نے توانائی انفرااسٹرکچر پر حملے پر سخت ردعمل کا اعلان کردیا،کہا تیل تنصیبات پرحملہ ہوا تو امریکا سےمنسلک توانائی تنصیبات نشانہ بنیں گے

پاسداران انقلاب نے دشمن پر تگڑا وارکردیا، آئرن ڈوم ایرانی میزائل روکنے میں ناکام،اسرائیل کے کئی شہر دھماکوں سے گونج اُٹھے،دوسری جانب امریکا اور اسرائیل کی ایران پر بمباری جاری ہے،شیراز میں زور دار دھماکے، متعدد فضائی حملوں کی اطلاعات ہیں، شہر کے مختلف علاقوں میں مسلسل دھماکوں کی آوازیں سنی گئیں،ایرانی فوجی تنصیبات کو نشانہ بنائے جانے کی اطلاعات ہیں۔

امریکی صدرڈونلڈ ٹرمپ نے اپنےبیان میں کہا ہےکہ میرے حکم پر فوج نےخَرج جزیرے کے تمام فوجی اہداف تباہ کر دیے،تیل کی تنصیبات کو اخلاقی طور پر بچایا گیا،آبنائے ہرمز میں کسی مداخلت کی صورت میں دوبارہ کارروائی کریں گے،ایران کیلئے عقلمندی اسی میں ہے کہ ہتھیار ڈال دے۔

امریکی محکمہ خارجہ نے ایرانی سپریم لیڈر کی اطلاع دینے والے کیلئے 10 ملین ڈالر انعام کا اعلان کر دیا ہے ۔

سٹیٹ ڈپارٹمنٹ کے مطابق پاسداران انقلاب کی اعلی قیادت کی اطلاع دینے والوں کو 10 ملین ڈالر دیئے جائیں گے،مجتبیٰ خامنہ ای کے علاوہ علی اصغر حجازی،میجرجنرل یحییٰ رحیم کے نام بھی فہرست میں شامل ہیں، اسٹیٹ ڈیپارٹمنٹ نے علی لاریجانی کی اطلاع دینے والے کیلئے بھی 10 ملین ڈالر انعام کا اعلان کیاہے ۔

امریکی صدر ڈونلڈ ٹرمپ نے کہاہے کہ میرا خیال ہے کہ صدر پیوٹن ایران کی تھوڑی بہت مدد کر رہے ہیں، ایران سے یورینیم قبضے میں لینے کیلئے آپریشن کا ارادہ نہیں ہے ۔

امریکی صدر ٹرمپ نے فاکس کو انٹرویو دیتے ہوئے کہا کہ ضرورت پڑی تو آبنائے ہرمز میں جہازوں کو سیکیورٹی دیں گے، صورتحال بہتر ہونے کیلئے پرا مید ہیں، آبنائے ہرمز پر ہماری گہری نظر ہے۔ اگلے ہفتے ایران پر حملے مزید سخت کریں گے۔

 صدر ٹرمپ نے کہا کہ میرا خیال ہے روسی صدر ایران کی تھوڑی بہت مدد کررہے ہیں، ایران سے یورینیم قبضے میں لینے کیلئے آپریشن کا فی الحال ارادہ نہیں،  وقت آنے پر فیصلہ کریں گے، ڈرونز سے بچاؤ کیلئے ہمیں یوکرین کی مدد نہیں چاہیے ۔

دوسری جانب  بلومبرگ کا کہناہے کہ آبنائے ہرمز میں کمرشل سرگرمیاں عملاََ ٹھپ ہوگئیں ہیں، 24 گھنٹے کے دوران ایک بھی بحری جہاز آبنائے ہرمز عبور نہیں کر سکا ہے ، ایران کی جانب سے سمندری مائنز بچھانے کی متضاد خبروں پر تشویش بڑھ گئی۔

امریکی وزیر دفاع پیٹ ہیگسیتھ نے پینٹاگون میں پریس بریفنگ دیتے ہوئے کہا کہ بہت جلد ایران کی تمام دفاعی کمپیناں تباہ کردی جائیں گی، ایران کی میزائل انڈسٹری کو مکمل طور پر تباہ کردیا ہے،ایران اپنے اسٹاک پر موجود میزائل فائر کررہا ہے۔

تفصیلات کے مطابق امریکی وزیر دفاع نے کہا کہ ایران کی قیادت انڈرگراؤنڈ ہوچکی ہے، سپریم لیڈر زخمی ہیں، سی این این جنگ سے متعلق فیک نیوز چلا رہا ہے، ایک ہیڈلائن میں دعویٰ کیا گیا جنگ پھیل رہی ہے، محب وطن میڈیا کی خبر کے مطابق ایران سکڑ رہا ہے۔

ان کا کہناتھا کہ آج ایران پر اب تک کا سب سے بڑا حملہ ہوا، جنگ کب ختم کرنا ہے، فیصلہ صدر ٹرمپ کریں گے۔

امریکی جنرل ڈین کین کا کہناتھا کہ عراق میں گرنے والا طیارہ دشمن کا نشانہ نہیں بنا، ریسکیو مشن جاری ہے، مزید تفصیلات آنے پر آپ کو آگاہ کریں گے،واقعے  میں ہلاک ہونے والے فوجیوں کے اہل خانہ سے ہمدردی ہے۔

ایران کی جنگی صلاحیت میں مسلسل کمی آرہی ہے، ایران کی جانب سے ہونے والے میزائل حملے کم ہوگئے ہیں، ایران اب بھی بحری جہازوں پر حملوں کی صلاحیت رکھتا ہے، ایران کی سمندری مائنز بچھانے کی صلاحتیں ہمارے نشانے پر ہیں۔

بھارت آبنائے ہرمز میں پھنسے ٹینکرز چھڑوانے کیلئے ایران کی منتیں کر رہاہے جبکہ دوسری جانب ایران نے ترکیہ کے بحری جہاز کو آبنائے ہرمز سے گزرنے کی اجازت دیدی ہے ۔

وال سٹریٹ جنرل کے مطابق بھارت کے 23 ٹینکرز آبنائے ہرمز میں پھنسے ہوئے ہیں، بھارت ٹینکرز چھڑوانے کیلئے ایران سے رابطے کررہا ہے، بھارتی وزیر خارجہ 2 بار ایرانی ہم منصب عباس عراقچی کو فون کرچکا ہے، اس ہفتے 2 بھارتی ٹینکرز کو راہداری ملنے کا امکان ہے۔

ترکیہ

دوسری جانب ترک وزیر نے کہاہے کہ ایران نے ترکیہ کے بحری جہاز کو آبنائے ہرمز سے گزرنے کی اجازت دے دی، ترکیہ کے 14 بحری جہاز اب بھی آبنائے ہرمز میں پھنسے ہوئے ہیں۔

فرانس

فرانسیسی فوج نے عراق میں مرنے والے فوجی کی تصویر جاری کردی، چیف وارنٹ افسر آرناد فریون ایرانی ڈرون حملے میں ہلاک ہوا تھا۔

عباس عراقچی

ایرانی وزیر خارجہ عباس عراقی نے تہران میں یوم القدس ریلی میں شرکت کی اور گفتگو کرتے ہوئے کہا کہ آج ایران میں یوم القدس منایا جارہا ہے، ایران کے تمام شہروں میں لاکھوں ایرانی یوم القدس ریلی میں شریک ہیں، دمشن کو ایرانی عوام کی طاقت کا اندازہ ہوگیا ہوگا۔

جرمنی

جرمن چانسلرنے کہاہے کہ جرمنی ایران کی جنگ کا حصہ نہیں بننا چاہتا، آبنائے ہرمز میں جہاز رانی کو فوجی تحفظ فراہم کرنے کی ہمارے پاس کوئی وجہ نہیں، جرمنی اس جنگ کا حصہ نہیں ہے اور ہم اس کا حصہ بننا بھی نہیں چاہتے۔

ایران

محکمہ صحت کے مطابق ایران پر امریکا اور اسرائیل کے حملوں میں  جاں بحق افراد کی تعداد ایک ہزار 444 ہوگئی، 14 دن سے جاری جنگ میں 18 ہزار 551 شہری زخمی ہوئے۔

امریکی حکام نے عراق میں اپنا فوجی طیارہ گرنے کے واقعے میں چار امریکیوں کی ہلاکت کی تصدیق کر دی ہے۔

حکام کا کہنا ہے کہ اس طیارے پر عملے کے 6 اراکین سوار تھے جن میں سے 4 کی ہلاکت ہوئی۔ حکام کے مطابق ہلاک شدگان کے اہلخانہ کو مطلع کرنے کے بعد اُن کی شناخت ظاہر کی جائے گی۔

سینٹ کام کے مطابق کے سی 135 ریفیولنگ طیارہ مغربی عراق میں گر کر تباہ ہو، ریسکیو آپریشن جاری ہے، واقعے کی وجوہات جاننے کیلئے تحقیقات کررہے ہیں، ہلاک ہونے والے افراد کی شناخت 24 گھنٹے تک خفیہ رکھی جائے گی۔

امریکی حکام کے مطابق اس واقعے میں دوسرا طیارہ بحفاظت لینڈ کر گیا تھا، لیکن ایک طیارے کو حادثہ پیش آیا۔ ایندھن بھرنے والا طیارہ فضا میں لڑاکا طیاروں کو ایندھن فراہم کرنے کے کام آتا ہے۔

دوسری جانب ایران کے حمایت یافتہ ایک عسکریت پسند گروہ نے عراق میں امریکی فوجی طیارے پر حملے کی ذمہ داری قبول کی ہے۔ گروپ کے مطابق اس نے امریکی فوجی طیارے کو 'عراق کی قومی خودمختاری اور فضائی حدود کے دفاع' میں نشانہ بنایا۔

خیال رہے کہ امریکہ اور اسرائیل کی جانب سے 28 فروری کو ایران کے خلاف شروع کی گئی کارروائی کے بعد سے لے کر اب تک چار امریکی طیاروں کی تباہی کی تصدیق ہو چکی ہے۔ ایندھن بھرنے والے طیارے کے اس حادثے سے قبل یکم مارچ کو امریکہ کے تین ایف-15 طیارے تباہ ہو گئے تھے۔

مشرق وسطیٰ میں جاری تنازع کے باعث بھارت کے 50 ارب ڈالر کے ترسیلات زر خطرے میں پڑگئے۔

عرب میڈیا کے مطابق خلیجی ممالک میں موجود 90 لاکھ بھارتی شہریوں کا مستقبل غیر یقینی کا شکار ہیںِ خلیجی ممالک سے بھارتی سالانہ 50 ارب ڈالر اپنے ملک بھیجتے ہیں۔

رپورٹ کے مطابق بھارت 80 فیصد ایل پی جی خلیجی ممالک سے حاصل کرتا ہے، جنگ طویل ہونے سے بھارت کو گیس کی شدید قلت کا سامنا ہوگا، ایل پی جی کی قلت سے بھارت میں ریسٹورنٹ بند ہونا شروع ہوگئے ہیں۔

دوسری جانب فنانشل ٹائمز کے مطابق ایران جنگ سے خلیجی ممالک کو 15 ارب ڈالر کا نقصان اٹھا چکے ہیں، آبنائے ہرمز سے روزانہ 1.2 ارب ڈالرکے تیل اور گیس کے ٹینکرز گزرتے ہیں، آبنائے ہرمز کی بندش سے تیل کی مد میں آمدنی مسلسل گرر ہی ہے، تیل کی آمدنی پر گزارہ کرنے والے خلیجی ممالک کو معاشی مشکلات کا سامنا ہوسکتا ہے۔

ایران نے دعویٰ کیا ہے کہ اس نے امریکی طیارہ بردار جنگی جہاز ابراہم لنکن کو میزائلوں سے نشانہ بنایا ہے۔

میڈیا رپورٹس کے مطابق ایران کی فوجی تنظیم پاسدارانِ انقلاب نے کہا ہے کہ اس نے امریکی کیریئر پر بیلسٹک میزائل اور ڈرون سے حملہ کیا ہے۔ یہ کارروائی اسرائیل اور امریکا کے حملوں کے جواب میں کی گئی۔ بعض رپورٹس میں بتایا گیا کہ ایران کی جانب سے چار بیلسٹک میزائل فائر کیے گئے۔

دوسری جانب امریکی حکام نے اس خبر کی تردیدی کی ہے اور کہا ہے کہ جہاز کو کوئی نقصان نہیں پہنچا۔ میزائل جہاز کے قریب بھی نہیں پہنچے اورکیریئر معمول کے مطابق اپنی فوجی کارروائیاں جاری رکھے ہوئے ہے۔

امریکی میڈیا کے مطابق ایرانی بحری جہاز کی امریکی بحری بیڑے یو ایس ایس ابراہم لنکن پر حملے کی کوشش کی، بحری بیڑے کے قریب آنے پر ایرانی بحری جہاز پر ڈیک گن سے فائرنگ کی گئی، ایرانی جہاز امریکی بحری بیڑے کے ڈیک گن کی فائرنگ سے بچ گیا، امریکی ہیلی کاپٹر نے ایرانی جہاز کو دو ہیل فائر میزائلوں سے نشانہ بنایا۔

فنانشل ٹائمز کے مطابق امریکا ایران میں ہتھیاروں کا کئی سال کا ذخیرہ استعمال کرچکا، ٹوماہاک جیسے مہنگے میزائلوں کے ذخائر تیزی سے کم ہورہے ہیں۔

رپورٹ کے مطابق امریکا میں اسلحے کے ذخائر، جنگ کے بڑھتے اخراجات پر تشویش ہے، پینٹاگون اضافی 50 ارب ڈالرکی فنڈنگ کی درخواست کرنے کا ارادہ رکھتا ہے، جس سے امریکی کانگریس میں ایک بڑا سیاسی تنازع کھڑا ہونے کا امکان ہے۔

واضح رہے کہ ایران جنگ کے آغاز کے بعد سے ہی فریقین کی جانب سے کی جانے والی کارروائیوں کی رفتار بہت تیز اور جارحانہ رہی ہے۔ امریکہ، اسرائیل اور ایران ہتھیاروں کا اتنی تیزی اور رفتار سے استعمال کر رہے ہیں جتنی تیزی سے انھیں تیار نہیں کیا جا سکتا۔

اسرائیل کے زیر قبضہ الجلیل شہر میں راکٹ گرنے سے 80 افراد زخمی ہوگئے۔ کئی زخمیوں کی حالت تشویشناک ہے۔

مڈل ایسٹ آئی کی رپورٹ کے مطابق حیفہ شہرکے قریب الجلیل میں راکٹ حملوں سے 300 سے زائد گھر تباہ ہوئے۔ اسرائیلی جارحیت کے خلاف حزب اللہ نے شمالی اسرائیل پر راکٹ حملہ کیا تھا تاہم ابھی یہ واضح نہیں ہوا کہ تباہی حزب اللہ کے راکٹ گرنے سے ہوئی یا ایرانی میزائل حملے میں ہوئی۔

دوسری جانب ایران کی جانب سے اسرائیل پر میزائلوں کی یلغار جاری ہے۔ تل ابیب سمیت کئی شہروں میں سائرن بجتے رہے۔ شمالی اسرائیل میں عمارت پر میزائل گرنے سے 19 افراد زخمی ہوئے۔ 24 گھنٹوں کے دوران ایرانی حملوں میں 200 سے زائد صیہونی زخمی ہوچکے ہیں۔

ایران کی جانب سے اسرائیل پر میزائلوں کی یلغار جاری ہے۔ تل ابیب سمیت کئی شہروں میں سائرن بجتے رہے۔

شمالی اسرائیل میں عمارت پر میزائل گرنے سے 19 افراد زخمی ہوئے۔ 24 گھنٹوں کے دوران ایرانی حملوں میں 200 سے زائد صیہونی زخمی ہوچکے ہیں۔ 

مشرق وسطیٰ کی جنگ میں امریکا کو بڑے نقصانات کا سامنا۔ عراق میں امریکا کا فیولنگ طیارہ گرکرتباہ ہوگیا، سینٹ کام نے طیارہ گرنے کی تصدیق کردی ۔۔ تباہ ہونے والے طیارے میں چھ امریکی فوجی سوار تھے۔

عراق میں اتحادی فوجی اڈے پر بھی ڈرون حملےنے تباہی مچائی، فرانسیسی صدر میکرون نے حملے میں ایک فوجی افسر کی ہلاکت اور متعدد کے زخمی ہونے کی تصدیق کی ہے۔ سعودی عرب میں ایرانی حملوں میں زخمی انیس امریکی فوجیوں کو جرمنی منتقل کیا گیا ہے۔

فرانسیسی صدر ایمانوئل میکرون نے عراق کے شہر اربیل میں ایک فرانسیسی فوجی مارے جانے کی تصدیق کی ہے۔

فرانسیسی صدر میکرون نےسوشل نیٹ ورک ایکس پر ایک پوسٹ میں لکھا کہ ’مسلح افواج کا یہ رکن ایک حملے میں مارا گیا ہے جبکہ کئی دیگر فوجی زخمی بھی ہوئے۔

کچھ دیر قبل فرانسیسی فوج نے اعلان کیا تھا کہ تربیتی کارروائی کے دوران اس کے متعدد فوجیوں کو ڈرون حملے میں نشانہ بنایا گیا ہے۔ ایران کے ساتھ امریکہ اسرائیل جنگ کے آغاز کے بعد مشرق وسطیٰ میں مارا جانے والا یہ پہلا فرانسیسی فوجی ہے۔

ایمانوئل میکرون نے سوشل میڈیا پر لکھا کہ میں ان کے خاندان اور ان کے ساتھیوں کے لیے پوری قوم کی جانب سے محبت اور یکجہتی کا اظہار کرنا چاہتا ہوں۔ ہمارے کئی فوجی زخمی ہوئے ہیں۔ فرانس ان کے ساتھ اور ان کے اہلِ خانہ کے ساتھ کھڑا ہے۔

ایمانوئل میکرون نے خطے میں شدت پسندی کے خلاف لڑنے والی فرانسیسی فورسز پر ہونے والے حملوں کو ناقابلِ قبول قرار دیا۔

ان کا کہنا تھا کہ عراق میں ان کی موجودگی دہشت گردی کے خلاف جنگ کے سخت فریم ورک کا حصہ ہے۔ ایران میں جنگ ایسے حملوں کا جواز نہیں بن سکتی۔

ایران کے حمایت یافتہ ایک عسکریت پسند گروہ نے عراق میں امریکی فوجی طیارے پر حملے کی ذمہ داری قبول کی ہے۔

خبر رساں ادارے کے مطابق عراق میں موجود ایک عسکریت پسند گروہ نے امریکی فوجی ری فیولنگ طیارے پر حملے کی ذمہ داری قبول کرتے ہوئے کہا کہ اس نے امریکی فوجی طیارے کو ’عراق کی قومی خودمختاری اور فضائی حدود کے دفاع‘ میں نشانہ بنایا۔

یاد رہے کہ امریکی سینٹرل کمانڈ نے مغربی عراق میں امریکی فوج کے ایک طیارے کے تباہ ہونے کی تصدیق کی تھی۔ امریکی سینٹرل کمانڈ کا کہنا ہے کہ فوج کا ایک کے سی 135 ایندھن بردار جہاز دو طیاروں کے درمیان پیش آنے والے ایک واقعے کے بعد گِر کر تباہ ہو گیا ہے۔

سینٹرل کمانڈ کا کہنا تھا کہ اس واقعے میں ’دوستانہ یا دشمن کے فائر کا کوئی عمل دخل نہیں‘ ہے۔ امریکی سینٹرل کمانڈ کے مطابق اس واقعے میں شامل دوسرا طیارہ بحفاظت لینڈ کر گیا ہے جبکہ تباہ ہونے والے طیارے میں 6 امریکی فوجی سوار تھے جن کی تلاش جاری ہے۔

سینٹ کام کی جانب سے طیارے کے حادثے کی تصدیق کے چند منٹ بعد ہی ایران کے اندر موجود خبر رساں اداروں نے بھی دعویٰ کیا کہ طیارے کو نشانہ بنایا گیا تھا۔

وزیراعظم شہبازشریف نے جدہ میں سعودی ولی عہدمحمد بن سلمان سے ملاقات کی۔ اس ملاقات میں نائب وزیراعظم و وزیر خارجہ سینیٹر محمد اسحاق ڈار اور چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر بھی شریک تھے۔

 ترجمان کے مطابق وزیراعظم نے ملاقات کے آغاز میں خادم الحرمین الشریفین شاہ سلمان بن عبدالعزیز آل سعود کے لیے نیک تمناؤں اور احترام کا پیغام پہنچایا اور پاکستان کے لیے سعودی عرب کی طویل المدتی حمایت پر گہری قدردانی کا اظہار کیا۔

ملاقات کے دوران وزیراعظم نے مشکل حالات میں سعودی عرب کے ساتھ پاکستان کی مکمل یکجہتی اور حمایت کا اعادہ کیا۔ دونوں رہنماؤں کے درمیان خطے میں حالیہ پیشرفت پر تفصیلی تبادلہ خیال ہوا اور اس بات پر اتفاق کیا گیا کہ علاقائی امن و استحکام کے لیے مل کر کام کیا جائے گا۔

وزیراعظم نے سعودی ولی عہد کو یقین دلایا کہ پاکستان ہمیشہ سعودی عرب کے ساتھ مضبوطی سے کھڑا رہے گا اور خطے میں امن کے مشترکہ مقصد کے حصول کے لیے تعاون جاری رکھے گا۔

فیلڈ مارشل سید عاصم منیر نے برادر ملک کے ساتھ کھڑے رہنے کے غیر متزلزل عزم کا اظہار کیا۔ ملاقات میں رسمی فوجی وردی کے بجائے غیر معمولی اہمیت کے حامل جنگی لباس میں شرکت کی۔

تصاویر میں فیلڈ مارشل کو افواج پاکستان کے کامبیٹ ڈریس میں دیکھا گیا، افواج پاکستان کا کامبیٹ ڈریس انتہائی غیر معمولی اہمیت کا حامل ہے۔ پاکستان سعودی عرب کے دفاع کیلئے کوئی کسر نہیں چھوڑے گا۔

بعد ازاں وزیراعظم محمد شہباز شریف سعودی عرب کے ولی عہد و وزیر اعظم عزت مآب شہزادہ محمد بن سلمان آل سعود سے ملاقات کے بعد وطن واپس پہنچ گئے۔

جدہ کے بین الاقوامی ہوائی اڈے کے رائل ٹرمینل پر مکہ ریجن کے ڈپٹی گورنر عزت مآب پرنس سعود بن مشعل بن عبد العزیز، ریاض میں تعینات پاکستان کے سفیر احمد فاروق ، جدہ میں تعینات پاکستان کے قونصل جنرل  سید مصطفیٰ ربانی اور دیگر سفارتی عملے نے وزیراعظم کو الوداع کیا۔

امریکی وزیرِ توانائی کرس رائٹ نے کہا ہے کہ امریکی بحریہ اس وقت آبنائے ہرمز میں تیل بردار جہازوں کو سکیورٹی فراہم کرنے کے لیے مکمل طور پر تیار نہیں ہے۔

امریکی ٹی وی کو انٹرویو میں کرس رائٹ کا کہنا تھا کہ بحریہ جلد ٹینکرز کو آبنائے ہرمز سے گزرنے کے لیے سکیورٹی فراہم کرنے کی پوزیشن میں آ جائے گی تاہم اس وقت امریکی فوجی وسائل ایران کی عسکری صلاحیتوں اور اس سے متعلق صنعتوں کو نشانہ بنانے پر مرکوز ہیں۔

انہوں نے کہا کہ امکان ہے کہ اس ماہ کے اختتام تک امریکی بحریہ تیل بردار جہازوں کی حفاظت کے قابل ہو جائے گی۔

ایران کے نئے سپریم لیڈر مجتبیٰ خامنہ ای نے پہلا آڈیو پیغام جاری کرتے ہوئے کہا کہ مشرق وسطیٰ میں تمام امریکی فوجی اڈے فوری طور پر بند کیے جائیں،اگر اڈے بند نہ ہوئے ان پر حملے کیے جائیں گے،دشمن ایرانی عوام کو نشانہ بنارہے ہیں،میناب اسکول کے شہدا کے خون کا انتقام لیں گے، آبنائے ہرمز بند رہے گی۔

تفصیلات کے مطابق سیدمجتبیٰ خامنہ ای نے کہا کہ میرا عہدہ  مجھ سے کچھ تقاضے کررہا ہے، عوام کی حکومت کے بغیر میری کوئی حیثیت نہیں،عوامی یکجہتی کے ساتھ دشمن کو شکست دیں گے،ایرانی عوام کو متحد رہنا ہوگا،ایرانی رہنماؤں اور عوام کے درمیان رابطہ ہمیشہ قائم رہے گا،عوام کی خدمت کیلئے قرآن سے رہنمائی حاصل کروں گا،اللہ کی رہنمائی سے عظیم رہنماؤں کی تقلید کرتا رہوں  گا۔

مجتبیٰ خامنہ ای نےکہا کہ ہم اپنے شہدا کا بدلہ لیں گے،جنگ جاری رہی تو تمام محاذوں کو فعال کروں گا،جن کا دشمن کو تجربہ نہیں،ایرانی فورسز نے دشمن کو حاوی نہیں ہونےدیا، عوامی یکجہتی کے ساتھ دشمن کو شکست دیں گے،عراقی  تنظیم نے ہمت سے ایران کی حمایت کا راستہ اختیار کیا،دشمن کو ایرانیوں کے خون کا حساب دینا پڑے گا،ہم پڑوسیوں سے دوستانہ روابط پر یقین رکھتے ہیں،دشمن پر دباؤ ڈالنے کیلئے آبنائے ہرمز بند رہنی چاہیے،دشمن جھوٹ کا سہارا لے رہاہے،علی خامنہ کو 10رمضان کو قرآن پڑھتے ہوئے شہید کیا گیا،تمام ایرانیوں سے متحد رہنے کی اپیل کرتا ہوں۔

امریکی وزیر توانائی کرس رائٹ  نے کہاہےکہ دوست ممالک کے ساتھ مل کر آبنائے ہرمز کھولنے پر کام کر رہے ہیں۔

امریکی وزیر توانائی کرس رائٹ نے کہا کہ ایمرجنسی آئل ایڈ سے جلد غیریقینی کی صورتحال ختم ہوجائے گی،فوجی کارروائی ہفتوں میں مکمل ہوگی، مہینوں میں نہیں،ایمرجنسی  تیل کے اجرا پر کوئی اضافی خرچ نہیں ہوگا،تیل کی قیمت 200ڈالر فی بیرل تک پہنچنے کا امکان نہیں،اضافی وسائل ملنے کےبعد ٹینکرز آبنائے ہرمز سے گزر سکیں گے۔ 

ایرانی پاسدارانِ انقلاب نے آپریشن وعدہ صادق 4 کی 41 ویں لہر شروع کر نے کا اعلان کر دیاہے  اور کہا کہ 41 ویں لہر میں اسرائیل اور خطے میں امریکی تنصیبات کو نشانہ بنایا گیا۔

ایرانی پاسدارانِ انقلاب  کےمطابق کارروائی میں ایک ٹن سے زیادہ وزنی 10 بیلسٹک میزائل استعمال کئے گئے،داغے جانیوالے میزائلوں میں خرم شہر، قدر، خیبر شکن اور فتاخ فراٹ سونک شامل ہیں۔

روسی وزارت خارجہ کا بیان

روسی وزارت خارجہ نے بیان  میں کہا ہے کہ امریکا اور اسرائیل ایران پر حملے بند کریں اور مذاکرات کی میز پر واپس آئیں،روس مشرقِ وسطیٰ میں تصادم روکنے کیلئے کوششیں جاری رکھے گا،فریقین سے کہتے ہیں وہ مسئلے کا سیاسی حل تلاش کریں،خطے میں کشیدگی کو بڑھانے سے گریز کیا جائے۔

چین

چین نے ریفائنڈ ایندھن کی برآمدات پر فوری پابندی لگا دی ہے، چینی حکام کاکہناہے کہ بابندی کا مقصد  ایندھن کی قلت کو دور کرنا ہے،پابندی کا حکم نیشنل ڈیویلپمنٹ اینڈ ریفارم کمیشن نے جاری کیا۔

چینی وزارت خارجہ کے ترجمان نے بیان  جاری کرتے ہوئے کہا کہ  آبنائے ہرمز عالمی تجارت اور توانائی کی ترسیل کیلئے اہم راستہ ہے،خطے کی سلامتی برقرار رکھنا عالمی برادری کے مشترکہ مفاد میں ہے،فریقین ایک دوسرے پر حملے روکے اور کشیدگی نہ بڑھائیں،خطے میں عدم استحکام عالمی معیشت پر منفی اثر ڈال سکتا ہے۔

آسٹریلیا

آسٹریلیا نے غیر ضروری سفارتی عملے کو اسرائیل اور یواے ای چھوڑنے کی ہدایت جاری کر دی ہے ، وزیر خارجہ نے کہا کہ ضروری سفارتی عملہ اسرائیل اور یو اے ای میں موجود رہے گا۔

ترک وزارت دفاع

ترک وزارت دفاع نے بیان  جاری کرتے ہوئے کہا کہ  ایران کے ساتھ سرحد پر کوئی غیر معمولی صورتحال نہیں،جرمنی کے پیٹریاٹ فضائی دفاعی نظام کو ملاتیا میں فعال کر دیا۔

امریکی وزیر توانائی کرس رائٹ

امریکی وزیر توانائی کرس رائٹ  نے کہاہےکہ دوست ممالک کے ساتھ مل کر آبنائے ہرمز کھولنے پر کام کر رہے ہیں،ایمرجنسی آئل ایڈ سے جلد غیریقینی کی صورتحال ختم ہوجائے گی،فوجی کارروائی ہفتوں میں مکمل ہوگی، مہینوں میں نہیں،ایمرجنسی  تیل کے اجرا پر کوئی اضافی خرچ نہیں ہوگا،تیل کی قیمت 200ڈالر فی بیرل تک پہنچنے کا امکان نہیں،اضافی وسائل ملنے کےبعد ٹینکرز آبنائے ہرمز سے گزر سکیں گے۔

چین نے ریفائنڈ ایندھن کی برآمدات پر فوری پابندی لگا دی ہے، پابندی کا مقصد ایران جنگ کے باعث ممکنہ داخلی ایندھن کی قلت کو دور کرناہے ۔  

خبر ایجنسی کے مطابق ایندھن برآمدات پر پابندی کا حکم نیشنل ڈیویلپمنٹ اینڈ ریفارم کمیشن نے جاری کیا، اس حکم میں پیٹرول ، ڈیزل اور ایوی ایشن فیول کی ترسیل بھی شامل ہے۔ چین کے نیشنل ڈیویلپمنٹ اینڈ ریفارم کمیشن نے اس پابندی پر براہ راست کوئی ردعمل دینے سے گریز کیا ہے۔ اس اقدام کے عالمی ایندھن مارکیٹ پر اثرات مرتب ہونے کا امکان ہے۔

بحرین میں  ایران کیلئے جاسوسی کے الزام میں خاتون سمیت چار افراد گرفتارکرلیا گیا۔

 وزارتِ داخلہ کے بیان کے مطابق گرفتار افراد کی عمریں 22سے 36 سال کے درمیان ہیں جبکہ ایک 25سالہ پانچواں شخص بین الاقوامی طور پر لاپتہ ہے۔

 تحقیقات سے معلوم ہوا ہے کہ گرفتار افراد میں سے ایک نے تنظیمی و دیگر ہدایات کے تحت اعلیٰ معیار کے فوٹوگرافی آلات استعمال کر کے بحرین میں اہم اور حساس مقامات کی تصاویر اور کوآرڈینیٹس ریکارڈ کیے۔ یہ معلومات بعد میں پاسدارانِ انقلاب کو اینکرپٹڈ سافٹ ویئر کے ذریعے منتقل کی گئی۔

وزیراعظم شہباز شریف سرکاری دورے پر سعودی عرب پہنچ گئے ہیں۔

تفصیلات کے مطابق وزیراعظم شہباز شریف سعودی ولی عہد محمد بن سلمان سے اہم ملاقات کریں گے۔ اہم دورے سے پاکستان کا سفارتی میدان میں مثبت کردار واضح ہو گیاہے۔ ملاقات میں دونوں رہنماؤں میں دوطرفہ تعلقات، خطے اور علاقائی سلامتی کی صورتحال پر تبادلہ خیال ہوگا۔

اس سے قبل ترجمان دفترخارجہ نے بیان جاری کرتے ہوئے کہا کہ نائب وزیراعظم اسحاق ڈار بھی وزیراعظم کے ہمراہ ہیں، وزیراعظم کا دورہ سعودی عرب بہت اہمیت کا حامل ہے۔

طاہر اندرابی نے کہا کہ حالیہ صورتحال کے تناظر میں وزیراعظم کے دورے کو وسیع تر تناظرمیں دیکھا جائے، آذربائیجان اور خلیجی ممالک پر ہونے والے حملوں پرتشویش ہے، پاکستان برادرخلجی ماملک کے ساتھ یکجہتی کا اظہار کرتا ہے۔

ترجمان دفتر خارجہ نے کہا کہ ہم خلیجی ممالک پر حملوں کی بھی مذمت کرتے ہیں، گلف ممالک پر یہ حملے عالمی قوانین کی خلاف ورزی ہیں، پاکستان اس تمام تر صورتحال میں تین باتوں پر زور دیتا ہے، تمام ممالک کی خودمختاری کا خیال رکھا جائے، عالمی قوانین کی خلاف ورزی نہ کی جائے، تمام فریقین ڈائیلاگ اور سفارتکاری سے کام لیں۔

ترجمان دفترخارجہ نے کہا کہ وزیراعظم کی ایرانی صدر کے ساتھ خطے کی صورتحال پرتفصیلی گفتگو ہوئی، وزیراعظم نے مجتبیٰ خامنہ ای سپریم لیڈر کا کو عہدہ سنبھالنے پرمبارکباد دی، مشرق وسطیٰ کی صورتحال پرتشویش ہے، مشرق وسطیٰ میں جاری کشیدگی کا پرمن حل چاہتے ہیں۔

ترجمان دفتر خارجہ طاہر حسین اندرابی نے مزید کہا کہ افغانستان کے ساتھ ہمارے برتاؤ میں کوئی بڑی تبدیلی نہیں، ابھی بارڈرز بند ہیں ابھی اس میں اور کچھ نیا نہیں، افغانستان سے دہشت گردی کے خلاف ٹھوس اقدامات ہمارا مطالبہ ہیں۔

ایران کے مشرق وسطیٰ کے حملوں سے امریکی تنصیبات کو بہت زیادہ نقصان پہنچا۔ امریکی اخبار نیویارک ٹائمز نے سیٹلائٹ تصاویر شیئر کردیں۔

دی نیویارک ٹائمز کے مطابق ایران کے ڈرون اور میزائل حملوں کے نتیجے میں مشرقِ وسطیٰ میں امریکا کی کم از کم 17 فوجی، سفارتی اور فضائی دفاعی تنصیبات کو نقصان پہنچا۔ ایران نے خلیجی ممالک پر 3 ہزار 137 سے زائد حملے ہوئے۔

رپورٹ کے مطابق ایران ٹرمپ انتظامیہ کے اندازوں سے کہیں زیادہ تیار تھا، ایران نے امریکا اور اسرائیل کے حملوں کے جواب میں خطے میں موجود امریکی فوجی اڈوں، سفارت خانوں اور فضائی دفاعی نظام کو نشانہ بنایا۔ان حملوں کے نتیجے میں بعض مقامات پر امریکی فوجیوں کی ہلاکتیں بھی ہوئیں جبکہ کئی فوجی تنصیبات کو نقصان پہنچا۔