امریکی صدرڈونلڈ ٹرمپ نے اپنےبیان میں کہا ہےکہ میرے حکم پر فوج نےخَرج جزیرے کے تمام فوجی اہداف تباہ کر دیے،تیل کی تنصیبات کو اخلاقی طور پر بچایا گیا۔
امریکی صدرڈونلڈ ٹرمپ نے اپنے بیان میں کہا ایران یا کوئی اور فریق آبنائے ہرمز میں مداخلت کی تو امریکی پالیسی پرفوری نظرِ ثانی ہوگی،اس صورت میں دوبارہ کارروائی کریں گے،ایران کے پاس امریکا یا عالمی سلامتی کو خطرہ پہنچانے کی صلاحیت نہیں،ایران کبھی جوہری ہتھیار نہیں حاصل کر سکتا، ایران کیلئے عقلمندی اسی میں ہے کہ ہتھیار ڈال دے۔
دوسری جانب ایرانی میڈیا نے تصدیق کی ہےکہ جزیرہ خارگ میں چند تنصیبات کو نشانہ بنایا گیا،میری ٹائم بیس،ہیلی کاپٹر کنٹرول ٹاور اور ڈیفینس فیسلٹی شامل ہیں، ایرانی فوج نے ردعمل دیتے ہوئےکہا خارگ میں تیل کی تنصیبات پر حملہ کیا گیا تو خطے میں تیل کی تنصیبات ایران کے ہدف ہونگے۔
رپورٹ کے مطاق خارگ نامی جزیرہ ایران کے ساحل سے 25 کلومیٹر دور واقع ہے، جہاں سے ایران کا 90 فیصد تیل عالمی منڈی میں جاتا ہے۔
دوسری جانب امریکا نے اپنے اسٹریٹجک پیٹرولیم ریزرومیں ہنگامی فراہمی کا آغاز کر دیا،امریکی محکمہ توانائی کے مطابق اقدام کا مقصد عالمی تیل کی سپلائی اور قیمتوں کو مستحکم کرنا ہے،یہ قدم صدر ٹرمپ کی ہدایات کے مطابق اٹھایا گیا۔
