راولپنڈی میں قانون نافذ کرنے والے اداروں نے کارروائی کرتے ہوئے حساس مقامات کی ویڈیوز بنانے میں ملوث ایک درجن سے زائد مشکوک افراد کو گرفتار کرلیا ۔
ذرائع کے مطابق گرفتار افراد کی تعداد ایک درجن سے زائد ہے جنہیں مزید تفتیش کے لیے نامعلوم مقام پر منتقل کر دیا گیا ہے۔ابتدائی تحقیقات میں انکشاف ہوا ہے کہ یہ افراد راولپنڈی میں حساس مقامات کی ویڈیو اور فوٹو بنانے کے ساتھ ساتھ اہم عمارتوں کی لوکیشنز بھی تیار کر رہے تھے۔
ذرائع کا کہنا ہے کہ ملزمان سے تفتیش جاری ہے جبکہ زیرحراست افراد میں زیادہ تر افغان شہری بتائے جا رہے ہیں۔
