گزشتہ روز بنوں میں پی سی بی چیلنج کپ کے میچ کے دوران 24 سالہ بولر علیم اچانک دل کا دورہ پڑنے سے انتقال کر گئے ۔
پی سی بی کے مطابق 5 مئی کو بنوں میں جاری پی سی بی چیلنج کپ (دو روزہ ٹورنامنٹ) میں ایک میچ کے دوران نوجوان کرکٹر علیم اچانک حرکت قلب بند ہونےکی وجہ سے گر پڑے ، انہیں فوری طور پر ہسپتال لے جایا گیا لیکن وہ جانبر نہیں ہو سکے ۔
پاکستان کرکٹ بورڈ کے ڈائریکٹر ڈومیسٹک عبداللہ خرم نیازی نے نوجوان فاسٹ بولر علیم کے انتقال پر اظہار افسوس کیا ہے اور سوگوار خاندان سے دلی ہمدردی اور تعزیت کا اظہار کیا ہے۔
خاندانی ذرائع نے تصدیق کی ہےکہ بنوں کے رہائشی 24 سالہ بالر علیم کی تدفین کردی گئی ہے۔
