پی ایس ایل فرنچائز ملتان سلطانز کے ریٹین کئے گئے کھلاڑیوں کی فہرست سامنے آگئی، محمد رضوان، عثمان کان سمیت 5 کھلاڑی شامل ہیں۔
پاکستان سپر لیگ کی ڈرافٹنگ تقریب 11 جنوری کو ہوگی جبکہ ایونٹ اپریل میں منعقد کیا جائے گا۔
پی ایس ایل 10 کیلئے بین الاقوامی کھلاڑی اپنی رجسٹریشن کروارہے ہیں جبکہ فرنچائزز بھی ریٹین کئے گئے کھلاڑیوں کی فہرستیں سامنے لارہی ہیں۔
تازہ اطلاعات کے مطابق ملتان سلطانز نے بھی 5 کھلاڑیوں کو ریٹین کرنے کا فیصلہ کیا ہے، جن میں کپتان محمد رضوان، اوپنر عثمان خان، فیصل اکرم، افتخار احمد، اسامہ میر شامل ہیں جبکہ ڈیوڈ ویلی اور طیب طاہر کے مستقبل کا ابھی فیصلہ نہیں ہوا۔
پی ایس ایل 10 کے ڈرافٹ میں پہلی پلاٹینیم پِک لاہور قلندرز کی ہوگی جبکہ دوسری پِک کراچی کنگز کی ہوگی۔ اسی طرح ڈرافٹ میں تیسری پِک کوئٹہ گلیڈی ایٹرز، چوتھی پِک پشاور زلمی، پانچویں پِک ملتان سلطانز اور چھٹی پِک اسلام آباد یونائیٹڈ کی ہوگی۔
