اداکارہ نیلم منیر خان دبئی میں رشتہ ازدواج سے منسلک ہوگئیں، جس کی تصاویر سوشل میڈیا پر وائرل ہورہی ہیں، ساتھ ہی ان کے خوبصورت لباس سے متعلق بھی لوگ متجسس ہیں کہ اس کی قیمت کیا ہوگی؟۔
معروف ٹی وی اور فلم اداکارہ نیلم منیر کی شادی کی تصاویر ایک طرف سوشل میڈیا پر تیزی سے وائرل ہو رہی ہیں دوسری جانب یوٹیوبر یاسر شامی نے بھی اداکارہ کے شوہر کا نام محمد راشد بتاتے ہوئے ان سے متعلق کئی تفصیلات شیئر کی ہیں۔
شادی کی تصاویر میں نیلم منیر کو سفید اور سلور رنگ کے امتزاج سے تیار غرارے پر خوبصورت شرٹ اور ہمرنگ دوپٹے میں دیکھا جاسکتا ہے، دوسری جانب ان کے شوہر سفید رنگ کے روایتی عرب جبے یا ثوب میں ملبوس نظر آرہے ہیں۔
اداکارہ کی شیئر کی گئی پوسٹ میں ان کے عروسی لباس کو تیار کرنے والے ڈیزائنر، جیولری برانڈ، فوٹو گرافر سمیت میک اپ سلون سے متعلق تفصیلات بھی دی گئی ہیں۔
نیلم منیر کی شادی کا جوڑا فیشن برانڈ Baroque کا تیارکردہ ہے، یہ جوڑا برانڈ نے اپنی ویب سائٹ پر بھی مشتہر کیا ہوا جس میں اس کی سلے ہوئے سوٹ کی قیمت 49 ہزار 900 روپے جبکہ بغیر سلے قیمت 29 ہزار 900 روپے رکھی گئی ہے۔
