ملک بھر میں سیمنٹ کی پرچون قیمت میں ہفتہ وار بنیادوں پر معمولی اضافہ ریکارڈ کیا گیا ہے ۔
ادارہ شماریات کے اعدادوشمار کے مطابق 7 دسمبر کو ختم ہونے والے ہفتےکے دوران ملک کے شمالی علاقوں میں سیمنٹ کی فی بوری کی اوسط قیمت 1276 روپے ریکارڈ کی گئی جو پیوستہ ہفتے کے مقابلے میں 0.35 فیصد زیادہ ہے، اس دوران ملک کے شمالی علاقوں میں سیمنٹ کی فی بوری کی اوسط قیمت 1271 روپے ریکارڈ کی گئی تھی۔
یہ بھی پڑھیں :۔سیمنٹ کی ریٹیل قیمت میں ہفتہ وار بنیادوں پر اضافہ
اعدادوشمار کے مطابق جنوبی علاقوں میں اس عرصے کے دوران سیمنٹ کی فی بوری کی اوسط قیمت 1190 روپے ریکارڈ کی گئی جو پیوستہ ہفتے کے مقابلے میں 0.28 فیصد زیادہ ہے۔ اور اس دوران ملک کے جنوبی علاقوں میں سیمنٹ کی فی بوری کی اوسط قیمت 1187 روپے ریکارڈ کی گئی تھی۔
یہ بھی پڑھیں:۔سیمنٹ کی برآمدات میں سالانہ بنیادوں پر 40.46 فیصد اضافہ ریکارڈ
ادارہ شماریات کے مطابق گزشتہ ہفتے کے دوران اسلام آباد میں سیمنٹ کی فی بوری کی اوسط قیمت 1250، راولپنڈی 1223، گجرانوالہ 1280، سیالکوٹ 1280، لاہور 1370، فیصل آباد 1285، سرگودھا 1280، ملتان 1290، بہاولپور 1333، پشاور 1234 اور بنوں میں 1210 ریکارڈ کی گئی ہے۔
یہ بھی پڑھیں:۔سیمنٹ کی برآمدات میں 40.46 فیصد اضافہ ریکارڈ
اعدادوشمار کے مطابق کراچی میں گزشتہ ہفتے کے دوران سیمنٹ کی فی بوری کی اوسط قیمت 1157، حیدر آباد 1180، سکھر 1250، لاڑکانہ 1173، کوئٹہ 1210 اور خضدار میں 1170 روپے ریکارڈ کی گئی۔
