لبنان میں اسرائیلی جارحیت نہ رکنے پر ایران نے سخت ردعمل جاری کر دیا، ایرانی مذاکراتی ٹیم نے امریکہ کے ساتھ پیغامات کا تبادلہ معطل کر دیا ہے۔
ایرانی میڈیا کے مطابق لبنان اور غزہ میں مکمل جنگ بندی کے بغیر کوئی بات چیت نہیں ہوگی، ایران اور مزاحمتی فرنٹ نے آبنائے ہرمز اور باب المندب کی مکمل بندش پر بھی اتفاق کیا ہے۔
دوسری جانب ایران کے خاتم الانبیا ہیڈکواٹرز کے کمانڈر بریگیڈ جنرل عبداللہی نے بیان جاری کرتے ہوئے اسرائیل کو وارننگ دی ہے، انہوں نے کہا کہ جنگ بندی کی خلاف ورزیوں کا تسلسل جاری ہے، اسرائیل کے زیرقبضہ علاقوں کے رہائشیوں کو خبردار کرتے ہیں، خطرہ عملی صورت اختیار کرنے کی صورت میں ان علاقوں کو خالی کرنا چاہیے۔
لبنانی صدر عون جوزف
لبنانی صدر عون جوزف نے بیان جاری کرتے ہوئے کہا کہ اسرائیل اور حزب اللہ کی لڑائی ختم کرنے کیلئے مذاکرات جاری ہیں، مذاکرات کا ہدف مکمل ہونے میں تاخیر ہوسکتی ہے لیکن پیشرفت ہورہی ہے، مسئلہ فوری حل نہیں ہوسکتا، مذاکرات کے سوا کوئی آپشن بھی نہیں ہے، جنگ بندی میں 45 دن کی توسیع کے باوجود اسرائیلی حملے جاری ہیں۔
