آئی سی سی بورڈ کے اجلاس میں دنیا بھر میں بڑھتی ہوئی فرنچائز کرکٹ کے رجحان پر تشویش کا اظہار کیا گیا ہے۔
اجلاس میں فیصلہ کیا گیا کہ فرنچائز کرکٹ اور بین الاقوامی کرکٹ کے درمیان توازن برقرار رکھنے کیلئے ایک خصوصی کمیٹی تشکیل دی جائے گی۔
کمیٹی بین الاقوامی کرکٹ کیلنڈر اور مختلف فرنچائز لیگز کے شیڈول کا جائزہ لے کر سفارشات مرتب کرے گی تاکہ دونوں طرز کی کرکٹ کے درمیان ہم آہنگی پیدا کی جا سکے۔
دوسری جانب آئی سی سی بورڈ نے کرکٹ کینیڈا کی رکنیت معطل کرنے کا فیصلہ بھی کیا ہے۔ تاہم معطلی کے باوجود کینیڈا کی قومی کرکٹ ٹیم آئی سی سی کے ایونٹس میں شرکت کرتی رہے گی۔
اجلاس میں یہ بھی طے پایا کہ آئی سی سی کا دو رکنی وفد بنگلا دیش کا دورہ کرے گا، جہاں وفد بنگلا دیش کرکٹ بورڈ کے انتخابی عمل کا جائزہ لے گا۔
