کمبوڈیا میں گرفتار پاکستانیوں سے متعلق ترجمان دفتر خارجہ نے اہم بیان جاری کرتے ہوئے 54 پاکستانیوں کی جلد ہی پاکستان واپسی کی خوش خبری سنا دی ۔
ایک ٹویٹ پیغام میں ترجمان دفترخارجہ نےبتایا نائب وزیراعظم اسحاق ڈار کی ہدایت پر پاکستانی سفارتخانہ کمبوڈیا حکام سے مسلسل رابطے میں ہے ۔ کمبوڈیا حکام نے چون پاکستانیوں کی جلد وطن واپسی پر رضامندی ظاہر کر دی ہے ۔ ان افراد کو سیئم ریپ میں اسکیم کمپاؤنڈ پر چھاپے کے دوران حراست میں لیا گیا تھا ۔
پاکستانی سفارتخانہ زیر حراست پاکستانیوں کی فلاح و بہبود کیلئے اقدامات کر رہا ہے ۔ فلائٹ کے انتظامات مکمل ہوتے ہی پاکستانیوں کی وطن واپسی متوقع ہے ۔ کمبوڈیا حکام نے خیرسگالی کے تحت زیر حراست پاکستانیوں کے خلاف قانونی کارروائی نہ کرنے کا فیصلہ کیا ہے۔ ان افراد کو آن لائن اسکیمز کے قانون کے تحت سخت سزاؤں سے استثنیٰ دیدیا جائے گا۔ ترجمان دفتر خارجہ کا کہنا تھا نے بیرون ملک پاکستانیوں کو ہر ممکن سہولت فراہم کرنا ہماری اولین ترجیح ہے ۔
