چین میں جاری ایشین بیچ گیمز میں 80 کلو گرام کی کیٹیگری میں پاکستان کے ریسلر اسد اللہ فائنل میں پہنچ گئے ہیں ۔
تفصیلا ت کے مطابق 80 کلوگرام کے سیمی فائنل میں اسد اللہ نے چینی پہلوان کو شکست دی جبکہ پاکستان کے ریسلر عبداللہ کو 70 کلو گرام کی کیٹیگری میں سیمی فائنل میں شکست سامنا کرنا پڑا، پاکستان پہلوان کو بھارتی ریسلر نے شکست دی ۔
90 کلوگرام کیٹیگری میں پاکستان کے ریسلر انعام بٹ نے فائنل میں کوالیفائی کر لیا ہے، انہوں نے سیمی فائنل میں منگولیا کے ریسلر کو شکست دی ۔
اس سے قبل ایشین بیچ گیمز میں پاکستان کے 2 ریسلرز عبداللہ اوراسد اللہ نے سیمی فائنل میں رسائی حاصل کی تھی، 70 کلوگرام کے کواٹر فائنل میں پاکستان کے محمد عبداللہ نے تھائی لینڈ کو شکست دی اور سیمی فائنل کیلئے کوالیفائی کیا ۔
80 کلوگرام میں اسداللہ نے بھارتی ریسلر کو شکست دی اور سیمی فائنل کیلئے کوالیفائی کیا ۔
