لاہور کی انسداد دہشت گردی عدالت نے 9 مئی جی او آر گیٹ حملہ کیس میں حماد اظہر اور زبیر خان نیازی سمیت 7 ملزمان کو اشتہاری قرار دے کر دائمی وارنٹ جاری کر دیے۔
انسداد دہشتگری عدالت کے ایڈمن جج منظر علی گل نے سماعت کی۔ سماعت کے دوران انسداد دہشت گردی عدالت نے حماد اظہر اور زبیر خان نیازی سمیت سات ملزمان کو اشتہاری قرار دیا۔
خصوصی عدالت نے حماد اظہر، زبیر خان نیازی، اکبر خان، مسعود احمد سبحانی کے دائمی وارنٹ گرفتاری بھی جاری کردیئے۔ دائمی وارنٹ گرفتاری والوں میں ارسلان بن بشارت، فاروق انجم، حبیب احمد بھی شامل ہیں۔ خصوصی عدالت نے کلب چوک اور جی او آر حملہ کیس میں غیر حاضر ملزمان کے خلاف کارروائی کی۔
