مذہبی ہم آہنگی، قومی بیانیہ کی تشکیل کےلئے قومی پیغام امن کمیٹی تشکیل دیدی گئی۔ وزارت اطلاعات و نشریات نے این پی اے سی کے قیام کا نوٹیفکیشن جاری کردیا۔
اعلامیے کے مطابق یہ کمیٹی قومی کمیٹی برائے تشکیل بیانیہ کی ذیلی کمیٹی ہوگی۔ کمیٹی انتہاپسندی، دہشتگردی کےخاتمے،نفرت انگیز تقاریر پرمتفقہ بیانیہ مرتب کرے گی، کمیٹی کی سربراہی وفاقی وزیراطلاعات و نشریات کریں گے۔
نوٹیفکیشن کے مطابق کمیٹی میں جیدعلما کرام، مشائخ، اقلیتوں کے نمائندگان، متعلقہ وزارتوں کے اعلیٰ حکام شامل ہیں۔ کمیٹی اپنی پہلی میٹنگ میں تفصیلی ضوابط کارمرتب کرے گی۔
ٹی او آرز کو نیشنل کمیٹی آن نیریٹو بلڈنگ کی منظوری کےلئے پیش کیاجائے گا، ٹی او آرزکونیشنل کمیٹی آن نیریٹوبلڈنگ کی منظوری کےلئے پیش کیا جائے گا۔
کمیٹی کے اراکین میں سینیٹر حافظ عبدالکریم، مفتی عبدالرحیم، علامہ عارف حسین واحدی، پیر نقیب الرحمان، علامہ محمد حسین اکبر، ڈاکٹر محمد راغب حسین نعیمی شامل ہیں۔ مولانا طاہر محمود اشرف (کوآرڈینیٹر این پی اے سی)، مولانا طیب پنج پیری، علامہ ضیاء اللہ شاہ بخاری بھی کمیٹی کے ارکان میں شامل ہیں۔
کمیٹی میں اقلیتوں کی نمائندگی بشپ آزاد مارشل، راجیش کمار ہرداسانی اور سردار رمیش سنگھ اروڑہ کریں گے
صوبائی و علاقائی پیغام امن کمیٹیوں کے کوآرڈینیٹرز، منظور شدہ مدارس بورڈز کے نمائندگان، وزارت داخلہ اور وزارت مذہبی امور کے ایڈیشنل سیکریٹریز، ڈائریکٹر جنرل مذہبی تعلیمات (ڈی جی آر ای) بھی کمیٹی میں شامل ہیں۔
وزارت اطلاعات و نشریات کے ڈائریکٹر جنرل انٹرنل پبلسٹی ونگ بطور سیکریٹری کمیٹی خدمات انجام دیں گے، کمیٹی اپنی پہلی میٹنگ میں تفصیلی ضوابط کار (ٹی او آرز) مرتب کرے گی، ٹی او آرز کو نیشنل کمیٹی آن نیریٹو بلڈنگ کی منظوری کے لئے پیش کیا جائے گا۔
