نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں 48 پیسے فی یونٹ کمی کا نوٹیفکیشن جاری کر دیا۔
ترجمان نیپرا کے مطابق بجلی کی قیمتوں میں کمی ماہانہ فیول ایڈجسٹمنٹ کی مد میں کی گئی ہے، جس کا اطلاق رواں ماہ کے بلوں پر ہوگا۔
نیپرا کے مطابق قیمتوں میں کمی کا اطلاق کے الیکٹرک سمیت ملک بھر کے تمام صارفین پر ہوگا۔ریگولیٹر کے اعلامیے میں مزید بتایا گیا ہے کہ بجلی کی قیمتوں میں کمی سے صارفین کو 5 ارب روپے سے زائد کا ریلیف ملے گا۔
ذرائع کے مطابق نیپرا نے اس حوالے سے باضابطہ نوٹیفکیشن بھی جاری کر دیا ہے۔
