الیکشن کمیشن نے اراکین پارلیمنٹ و ممبران صوبائی اسمبلی کو اثاثوں اور واجبات کی تفصیلات 31 دسمبر 2025 تک جمع کروانے کی ہدایت کردی۔
الیکشن کمیشن کے جاری اعلامیہ میں کہا گیا ہے کہ ارکان پارلیمنٹ شریک حیات ،زیر کفالت بچوں کے اثاثوں اور واجبات کے گوشوارے برائے مالی سال دوہزار 2024،25 لازم جمع کرائیں۔ ہر ممبران اسمبلی و سینیٹ کو مجوزہ فارم بی ہرسال 31 دسمبر سے پہلے یا اکتیس دسمبر تک الیکشن کمیشن کے پاس جمع کروائے گا۔ ورنہ الیکشن کمیشن یکم جنوری کو مطلوبہ گوشوارے جمع نہ کروانے والوں کے نام شائع کردے گا۔
پندرہ جنوری تک گوشوارے جمع نہ کروانے والے اراکین کی رکنیت معطل کردی جائے گی۔اس صورت میں ممبران سینیٹ اور اسمبلی ایوان کی کسی کارروائی کا حصہ نہیں بن سکیں گے۔
ترجمان الیکشن کمیشن کے مطابق اگر کوئی ممبر اپنے پیش کردہ گوشواروں میں کسی قسم کی غلط معلومات فراہم کرنے کا مرتکب پایا گیا تو کمیشن سیکشن 137 کے تحت گوشوارے جمع کروانے کی تاریخ سے 120 دن کے اندر کاروائی کرے گا۔
