پنجاب میں مسلسل بارشیں پنجاب حکومت نے محکمہ خوراک کوذخیرہ شدہ گندم کی حفاظت یقینی بنانے کے احکامات جاری کر دیئے، ڈسٹرکٹ فوڈ کنٹرولراورڈپٹی ڈائریکٹرزکوگوداموں کی حفاظتی انتظامات یقینی بنانے کے لئے مراسلہ جاری کردیا۔
پنجاب بھرمیں مسلسل بارشوں کے پیش نظرمحکمہ خوراک پنجاب کوذخیرہ شدہ گندم کی حفاظت یقینی بنانے کے احکامات جاری کردیئے گئے۔سیکرٹری پرائس کنٹرول اینڈ کموڈیٹیزمینجمنٹ ڈاکٹراحسان بھٹہ کی ہدایت پرمراسلہ فوڈ ڈائریکٹوریٹ کوارسال کردیا گیاہے جس میں کہا گیا ہے کہ تمام ڈپٹی ڈائریکٹرزاورڈسٹرکٹ فوڈ کنٹرولرزگوداموں کے حفاظتی انتظامات چیک کریں،حفاظتی انتظامات بارے ایس او پیزکامکمل نفاذ یقینی بنایا جائے۔ڈی جی فوڈ وکین کمشنر پنجاب کواڑتالیس گھنٹوں میں انتظامات بارے رپورٹ جمع کرانے کی ہدایت دی گئی ہے۔محکمہ فوڈ پنجاب کے گوداموں میں آٹھ لاکھ میٹرک ٹن کے ذخائرموجود ہیں۔
