نیپرا کی جانب سے بجلی کی تقسیم کار کمپنیوں کی کارکردگی رپورٹ جاری کردی گئی،گزشتہ مالی سال میں بجلی کی تقسیم کار کمپنیوں نے قومی خزانے کو چار سو بہتر ارب روپے کا نقصان پپہنچایا ۔
رپورٹ کے مطابق بجلی کی تقسیم کار کمپنیوں کو ترسیل ، تقسیم کی مد میں 265 ارب روپے کا نقصان ہوا،کم وصولیوں کے باعث قومی خزانے کو 207 ارب روپےکاجھٹکا لگا،ڈسکوز بجلی کی ترسیل و تقسیم کے نقصانات کم کرنے کا ہدف حاصل کرنے میں ناکام رہیں ۔
نیپرا نے بجلی کی ترسیل و تقسیم کے نقصانات اور بلوں کی کم وصولیوں پر تشویش کا اظہار کیا،رپورٹ میں قرار دیا کہ تقسیم کار کمپنیوں کے نقصانات سے سرکلرڈیٹ میں اضافہ ہوتا ہے ۔
