اسلام آباد یونائیٹڈ کے شائقین کیلئے بری خبر، میتھیو شارٹ انجری کا شکار ہوکر پی ایس ایل 10 سے باہر ہوگئے۔
ذرائع کے مطابق پاکستان سپر لیگ کی اہم ترین ٹیم اسلام آباد یونائیٹڈ کے کھلاڑی میتھیو شارٹ انجری کی وجہ سے پی ایس ایل سے باہر ہوگئے۔
اسلام آباد یونائیٹڈ نے تصدیق کی ہے کہ آسٹریلوی آل راؤنڈر میتھیو شارٹ پی ایس ایل 10 سے باہر ہوگئے ہیں، وہ آئی سی سی چیمپئنز ٹرافی میں ہونیوالی انجری کے باعث ایونٹ سے دستبردار ہوئے۔
پی ایس ایل فرنچائز کا کہنا ہے کہ پاکستان آمد کے بعد میتھیو شارٹ کی انجری سے ریکوری بہترین تھی، تاہم انہیں دوبارہ تکلیف محسوس ہوئی جس کے باعث انہوں نے ایونٹ سے دستبردار ہونے کا فیصلہ کیا۔
فرنچائز کے مطابق اسلام آباد یونائیٹڈ اور کرکٹ آسٹریلیا کے میڈیکل اسٹاف نے مشترکہ طور پر میتھیو شارٹ کی دستبرداری پر فیصلہ کیا، میتھیو شارٹ آسٹریلیا واپس روانہ ہوگئے، ری ہیب کرکٹ آسٹریلیا کی نگرانی میں کریں گے، اسلام آباد یونائیٹڈ ان کی جلد صحتیابی کیلئے دعاگو ہے۔
میتھیو شارٹ آسٹریلیا سے تعلق رکھنے والے بیٹر ہیں، انہوں نے اب تک125 ٹی 20 میچز میں تقریباً 3 ہزار رنز بنا رکھے ہیں۔
