کراچی کنگز نے پی ایس ایل 10 کیلئے متبادل کھلاڑیوں کا اعلان کردیا، آسٹریلوی وکٹ کیپر بیٹر بین میکڈرموٹ اور سعد بیگ پی ایس ایل ٹیم کا حصہ بن گئے۔
پاکستان سپر لیگ 10 کیلئے کراچی کنگز نے متبادل کھلاڑیوں کا اعلان کردیا، ایونٹ کیلئے 2 کھلاڑیوں کو اسکواڈ میں شام کرلیا گیا۔
رپورٹ کے مطابق کراچی کنگز نے آسٹریلوی وکٹ کیپر بیٹر بین میکڈرموٹ اور پاکستان انڈر 19 ٹیم کے کپتان سعد بیگ کو پی ایس ایل کیلئے ٹیم کا حصہ بنالیا۔
آسٹریلوی وکٹ کیپر بیٹر بین میکڈرموٹ کو بنگلہ دیش کے لِٹن داس کی جگہ ٹیم میں شامل کیا گیا ہے، وہ گزشتہ روز پریکٹس میچ کے دوران ہاتھ میں گیند لگنے کی وجہ سے زخمی ہوگئے تھے، انہیں ہیئر لائن فریکچر ہوا تھا، جس کی وجہ سے انہیں دو ہفتے آرام تجویز کیا گیا۔
کراچی کنگز نے کیوی اسٹار بیٹر کین ولیمسن کے جزوی متبادل کے طور پر پاکستان انڈر 19 کے کپتان اور وکٹ کیپر بیٹر سعد بیگ کو بھی اسکواڈ میں شامل کیا ہے۔
رپورٹ کے مطابق کین ولیمسن پی ایس ایل 10 کے کراچی مرحلے کے دوران دستیاب نہیں ہوں گے۔
