کابینہ کی اقتصادی رابطہ کمیٹی کا اجلاس جمعرات کو طلب کرلیا گیا،وزیرخزانہ کی زیرصدارت ای سی سی اجلاس میں11نکاتی ایجنڈےپرغورکیاجائےگا۔
کابینہ کی اقتصادی رابطہ کمیٹی اجلاس میں پاکستان سوشل امپیکٹ بانڈ کے اجراء کیلئے 1 ارب روپےکی حکومتی گارنٹی کی منظوری دی جائےگی،پاکستان انفرا اسٹرکچرڈیویلپمنٹ کمپنی کیلئے1ارب88کروڑ روپے گرانٹ کی منظوری متوقع ہے،وزارت اطلاعات کے ڈیجیٹل انیشیٹیو منصوبے کیلئے 53 کروڑ 61 لاکھ روپے کے فنڈزکی منظوری کا امکان ہے۔
ایف بی آرکےتحت پرال کی تنظیم نو سے متعلق سمری ای سی سی کےایجنڈےمیں شامل ہے،ایس آئی ایف سی کےلیے52 کروڑ 37 لاکھ روپےکی ترقیاتی گرانٹ کی منظوری دی جائے گی، وزیراعظم کےزرعی پیکج کے تحت زرعی ترقیاتی بینک کےبقایاجات کی منظوری کا امکان ہے۔
گلگت بلتستان کیلئےسبسڈی کی بنیادپرگندم کی قیمت معقول بنانےکےجامع پلان پرغورہوگا،درآمدی یوریا پر سبسڈی کی مدمیں وزارت تجارت کیلئےتکنیکی گرانٹ کی منظوری ایجنڈےمیں شامل ہے،نجی ایکسپورٹ پراسسنگ زون کےطورپرسیاہ ڈک کاپرپراجیکٹ کی سمری پرغورہوگا۔
