لاہور ہائیکورٹ نے قومی احتساب بیورو ( نیب ) ترمیمی آرڈیننس کے خلاف درخواست نمٹا دی۔
لاہور کی ہائیکورٹ کی جانب سے نیب ترمیمی آرڈیننس کیخلاف درخواست کا محفوظ فیصلہ جاری کردیا گیا ہے جس کے مطابق عدالت نے درخواست آرڈیننس غیرموثر ہونے کی وجہ سے نمٹا دی ہے۔
عدالت کی جانب سے دو صفحات پر مشتمل تحریری حکم نامہ جاری کیا گیا۔
فیصلے کے مطابق ایڈیشنل اٹارنی جنرل نصر احمد نے عدالت پیش ہو کر دلائل مکمل کئے اور بتایا آرڈیننس کی مدت ختم ہونے پر درخواست غیر موثر ہوچکی ہے۔
ایڈیشنل اٹارنی جنرل نے کہا درخواست گزار متاثرہ فریق نہیں درخواست مسترد کی جائے۔
ایڈووکیٹ اظہر صدیق کی جانب سے دائر کی گئی درخواست میں موقف اختیار کیا گیا تھا کہ نیب ترامیم کے برعکس 14 روزہ جسمانی ریمانڈکی بجائےچالیس دن ریمانڈ لیا جا رہا ہے۔
انہوں نے استدعا کی تھی کہ عدالت جسمانی ریمانڈ کی مدت بڑھانے کی نیب ترامیم کو کالعدم قرار دے۔
لاہور ہائیکورٹ کے جسٹس شجاعت علی خان نے تحریری فیصلہ جاری کیا۔
