ایران کے وزیر خارجہ عباس عراقچی امریکا سے مذاکرات کے لیے جنیوا پہنچے ہیں۔
دونوں ملکوں کے درمیان اومان کی مدد سے مذاکرات کا یہ تیسرا دور ہے تاہم اس بار مذاکرات آج جنیوا میں ہوں گے۔
ایرانی وفد کی قیادت ایرانی وزیرخارجہ عباس عراقچی کریں گےجبکہ امریکا کی نمائندگی امریکی نمائندہ خصوصی اسٹیو وٹکوف اور جیرڈ کُشنر کریں گے۔
اس سےقبل ایرانی وزیرخارجہ عباس عراقچی نےغیرملکی میڈیا کو انٹریومیں کہاخطے میں اسرائیل واحد ملک ہے جو جنگ چاہتا ہے،ہم نے جان بوجھ کر میزائلوں کی رینج کو 2,000 کلومیٹر تک محدود رکھا۔
مزید کہاصدر ٹرمپ جعلی خبروں کاشکارہوچکے ہیں،ہم امریکا تک پہنچے والے ہتھیارنہیں تیارکررہے،ہماری خواہش جنگ کی تیاری کی نہیں بلکہ اسے روکنے کی ہے،ایٹمی ہتھیار حاصل کرنے کی کوشش نہیں کریں گے۔
