بانی پاکستان تحریک انصاف ( پی ٹی آئی ) اور ان کی اہلیہ بشریٰ بی بی کے خلاف 190 ملین پاؤنڈ ریفرنس کی سماعت 15 نومبر تک ملتوی کردی گئی۔
بدھ کو احتساب عدالت کے جج ناصر جاوید رانا نے اڈیالہ جیل میں بانی پی ٹی آئی اور بشریٰ بی بی کے خلاف 190 ملین ریفرنس کی سماعت کی جس کے دوران سابق خاتون اول عدالت میں پیش نہ ہوئیں اور ان کی جانب سے ایک روزہ حاضری سے استثنیٰ کی درخواست دائر کی گئی۔
عدالت کی جانب سے بشریٰ بی بی کی ایک روزہ حاضری سے استثنی کی درخواست منظور کر لی گئی۔
ملزمان کی جانب سے آج بھی 342 کے تحت جاری سوالناموں پر جواب جمع نہیں کرایا گیا۔
بعدازاں، وکیل صفائی کی عدم پیشی کے باعث سماعت بغیر کارروائی کے 15 نومبر تک ملتوی کردی گئی۔
