پاکستان سپر لیگ سیزن 10 کی تیاریاں عروج پر ہیں اور ڈرافٹنگ کیلئے غیر ملکی کھلاڑیوں نے اپنی رضا مندی بھی ظاہر کرنا شروع کر دی ہے تاہم اب ایک اور دنیائے کرکٹ کے بڑ ے نام نے سائن اپ کر لیاہے ۔
تفصیلات کےمطابق پاکستان سپر لیگ سیزن ٹین کیلئے کھلاڑیوں کی رجسٹریشن کا عمل جاری ہے، اور اب انگلش ٹیم کے مایہ ناز بلے باز جیسن رائے نے پی ایس ایل ڈرافٹ کیلئے اپنی موجودگی ظاہر کر دی ہے جو کہ یقینی طور پر پی ایس ایل کی رونق کو دوبالا کر دیں گے ۔
جیسن روئے اس سے قبل بھی پی ایس ایل کا حصہ رہ چکے ہیں اور گزشتہ سیزن میں کوئٹہ گلیڈی ایٹرز کی نمائندگی کی ۔
اس سے قبل انگلینڈ ٹیم کے کھلاڑی ڈیوڈ ولی نے پی ایس ایل سیزن10کیلئے سائن اپ کیا ، ،ڈیوڈ ویلی اس سے قبل بھی پی ایس ایل کا حصہ رہ چکے ہیں ،ویوڈ ویلی نے پی ایس ایل میں اس سے قبل ملتان سلطانز کی نمائندگی کی ہے ۔
خیال رہے کہ پاکستان سپر لیگ ( پی ایس ایل) کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے راؤنڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔
پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔
