فیڈرل بورڈ آف ریونیو ( ایف بی آر ) کو رواں مالی سال کے 2 ماہ کے دوران بڑے ٹیکس شارٹ فال کا سامنا کرنا پڑ گیا۔
ذرائع کے مطابق ایف بی آر نے ہدف کے مقابلے میں 98 ارب روپے کم ٹیکس اکھٹا کیا ہے اور اعدادو شمار کے مطابق جولائی اور اگست میں 1460 ارب روپے کے محصولات اکھٹے کئے گئے۔
ایف بی آر ذرائع کے مطابق بورڈ آف ریونیو کو مالی سال کے پہلے 2 ماہ میں ہدف کے مطابق 1554 ارب روپے ٹیکس اکھٹا کرنا تھا ۔
ایف بی آر نے ماہ اگست میں 54 ارب روپے کے ریفنڈز ادا کئے جبکہ 796 ارب روپے کا ٹیکس اکھٹا کیا ۔
اگست میں ایف ای ڈی، انکم ٹیکس اور سیلز ٹیکس کی مد میں 694.5 ارب ٹیکس اکھٹا کیا گیا جبکہ کسٹمز ڈیوٹیز کی مد میں 95.5 ارب روپے کا ٹیکس اکھٹا ہوا ۔
ایف بی آر کا ماہ اگست کا ٹیکس ہدف 898 ارب روپے تھا ۔
اس سے قبل ماہ جولائی میں ایف بی آر نے 664 ارب روپے کا ٹیکس اکھٹا کیا تھا ۔
