ملک بھر میں 8 فروری کو شیڈول عام انتخابات سے محض چند دن قبل مباحثےکےچیلنج پرمسلم لیگ ن کے صدرشہبازشریف اور پیپلز پارٹی کے چیئرمین بلاول بھٹوایکس ( ٹویٹر)پر آمنے سامنےآگئے۔
سماجی رابطوں کی ویب سائٹ ایکس ( ٹویٹر) پر صدرمسلم لیگ ن شہبازشریف کابلاول بھٹو کے مباحثے کے چیلنج پرردعمل دیتے ہوئے کہا کہ کل ایک صاحب نےنوازشریف کومناظرےکی دعوت دی،یہ مناظرےکےبجائےسندھ کےمعائنےکی دعوت دیتےتواچھاتھا،وہاں جاکرمناظرہ بھی ہو جاتا اور موازنہ بھی۔
کل ایک صاحب نے نواز شریف کو مناظرے کی دعوت دی۔ وہ نواز شریف کو مناظرے کے بجائے سندھ کے معائنے کی دعوت دیتے تو اچھا تھا، مناظرہ بھی ہو جاتا اور موازنہ بھی
— Shehbaz Sharif (@CMShehbaz) January 27, 2024
چیئرمین پیپلزپارٹی بلاول بھٹونےشہبازشریف کےٹویٹ کاجواب دیتے ہوئے کہا کہ میں مناظرےاورمعائنےکےلیےتیارہوں،نوازشریف مجھ سےخیرپورگمبٹ میں مناظرہ کرلیں،گمبٹ کااسپتال پنجاب کےکسی بھی اسپتال سےبہترہے،نواز شریف نے3باروزیراعظم بننےکےباوجودگمبٹ کادورہ نہیں کیا۔
انہوں نے کہا کہ نوازشریف چاہیں تووہ میرےساتھ تھرپارکر آجائیں،انفرااسٹرکچرکامعائنہ بھی ہو جائے گا، تھر اور چولستان کاموازنہ بھی،تھرمیں کوئلہ منصوبہ کی آپ اورآپکےبھائی مخالفت کرتے تھے، تھرکراچی نہیں بلکہ فیصل آبادکوسستی بجلی فراہم کررہا ہے۔
میں مناظرے اور معائنے کے لئے تیار ہوں، میاں نواز شریف مجھ سے خیرپور گمبٹ میں مناظرہ کرلیں جہاں کا اسپتال پنجاب کے کسی بھی اسپتال سے بہتر ہے اور یہاں علاج بالکل مفت ہے اور میاں صاحب نے تین بار وزیراعظم بننے کے باوجود بھی گمبٹ کا دورہ نہیں کیا یا وہ تھرپارکر آجائیں، وہاں کے… https://t.co/WThzbP0P6j
— BilawalBhuttoZardari (@BBhuttoZardari) January 27, 2024
بلاول بھٹونے کہاکہ نواز شریف کراچی کےاین آئی سی وی ڈی کےباہرمباحثہ کرلیں،جہاں گزشتہ برس پنجاب کے84ہزار سے زائد افرادکا علاج ہوا،یہ ثبوت ہےکہ پنجاب کےاسپتالوں میں ایسی سہولیات موجودنہیں،راہ فراراختیارنہ کریں،بتائیں کب اورکہاں آپکےبھائی نےمباحثہ کرناہے۔
