وفاقی وزیرداخلہ محسن نقوی کا کہنا ہے کہ مسجد اور عبادت گاہیں مقدس،امن پرحملہ ناقابل برداشت ہے،راولپنڈی خودکش حملہ ایک طبقے پر نہیں،پاکستان کی یکجہتی اور انسانیت پر حملہ ہے۔
وزیرداخلہ نے کہا کہ امن وامان برقرارر کھنے کیلئے ضروری اقدامات جاری ہیں، سیکیورٹی ہائی الرٹ،ذمہ داران کو جلد کٹہرے میں لایا جائے گا، عوام سےاپیل ہے افواہوں سےبچیں،ذمہ دارانہ کردار اداکریں، دہشتگردوں کامقصدخوف اورتفرقہ ہے۔ پاکستان کاجواب اتحاداورریاستی عملداری ہے۔
دوسری جانب وزیرمملکت داخلہ طلال چودھری نے کہا کہ دھماکےمیں ابھی تک 31 شہید اور 100 سےزائدافرادزخمی ہیں، آج کے 31 شہدا میں آئی جی اسلام آباد کےکزن بھی شامل ہیں، یہ لوگ آسان اہداف پراب حملے کررہے ہیں جہاں عام آدمی ہوتے ہیں۔
طلال چودھری نے کہا کہ جس دہشتگرد نے حملہ کیا وہ افغان شہری تو نہیں مگر ٹریول ہسٹری میں وہ افغانستان باربارجا چکا ہے، یہ مذہب کے نام پر دہشتگردی کر رہے ہیں، آج مسلمان اللہ کے حضور پیش تھےان پرحملہ کیا گیا۔
انہوں نے کہا کہ بلوچستان میں سرپرائزدینے والوں کو نقصان کئی گناہ زیادہ ہوا، یہ جنگ جتنےکیلئےلڑرہے ہیں اورہم جیت رہے ہیں، نیشنل ایکشن پلان کا عملدآمد جاری ہے اور نرمی نہیں برتی جائے گی۔
