بلوچستان میں شدید برفباری اور کٹھن حالات کے باوجود پاک فوج ریلوے ٹریکس اور مسافر ٹرینوں کی سیکیورٹی پر مامور ہے، دہشتگردی کے خدشات کے درمیان بھی جوان اپنے فرائض انجام دے رہے ہیں۔
بلوچستان کے مختلف علاقوں میں شدید برفباری اور سخت موسمی حالات کے باوجود پاک فوج کے جوان ریلوے ٹریکس کی نگرانی پر تعینات ہیں۔ پاک فوج کے جوان ایک جانب شدید موسم کی آزمائشوں کا سامنا کر رہے ہیں جبکہ دوسری جانب دہشتگردی کے ممکنہ خطرات کے باوجود عزم و حوصلے کے ساتھ اپنے فرائض انجام دے رہے ہیں۔
جعفر ایکسپریس اور بولان ایکسپریس کے مسافروں کی حفاظت کے لیے جوان برفباری میں بھی مسلسل ڈیوٹی دے رہے ہیں اور اپنی جان کی پرواہ کیے بغیر ریلوے لائنوں اور مسافر ٹرینوں کی سیکیورٹی یقینی بنا رہے ہیں۔ عوام کے جان و مال کے تحفظ کے لیے پاک فوج ہر دم تیار ہے اور سخت موسم اور کٹھن حالات میں بھی ریلوے سیکیورٹی پر کوئی سمجھوتہ نہیں کیا جا رہا۔
