قومی اسمبلی کے6 اور پنجاب اسمبلی کے 7 حلقوں میں ضمنی انتخابات کیلئے فوج تعینات کا فیصلہ کر لیا گیاہے ، پاک فوج اورسول آرمڈ فورسزکل سے 24 نومبر تک تعینات رہیں گی۔
تفصیلات کے مطابق پاک فوج اور سول آرمڈ فورسز کے مجاز افسران کو مجسٹریٹ کے اختیارات تفویض کیئے گئے ہیں، ضمنی انتخابات میں امن وامان برقرار رکھنے کیلئے آرٹیکل 220 اور 245 کے تحت فوج طلب کی گئی، این اے 18 ہری پور، این اے 96 اوراین اے 104 فیصل آباد،این اے 143 ساہیوال میں فوج تعینات کی جائے گی ۔
نوٹیفکیشن کے مطابق این اے 185 ڈی جی خان اور این اے 139 لاہور میں فوج تعینات ہوگی۔ فوج اور سول آرمڈ فورسز تعیناتی سے متعلق آرڈر کے بعد الیکشن کمیشن نے نوٹیفکیشن جاری کر دیاہے ۔
صوبائی حلقے پی پی 73 سرگودھا،پی پی 98،پی پی 115، پی پی 116فیصل آباد ، پی پی 203 ساہیوال، پی پی 269 مظفرگڑھ اور پی پی 87 میانوالی میں فوج اورسول آرمڈ فورسزتعینات کی جائیں گی ۔
