اوورسیزانوسٹرچیمبر آف کامرس اینڈ انڈسٹری (او آئی سی سی آئی) سروے 2025 ،غیرملکی سرمایہ کاروں کا پاکستان پر اعتماد کا اظہار کیا ہے۔
ایس آئی ایف سی کی کاوشوں نےپاکستان کوترقی اورغیرملکی سرمایہ کاری کےنئےباب روشن کر دئیے، سرمایہ کار دوست پالیسی کی بدولت پاکستان پرغیرملکی سرمایہ کاروں کے اعتماد میں نمایاں اضافہ ہوا۔
او آئی سی سی آئی کےسروے 2025 کےمطابق"مستقبل کی غیرملکی سرمایہ کاری کے لیے تین چوتھائی سےزائد بین الاقوامی سرمایہ کار پاکستان کوقابلِ اعتماد سمجھتےہیں"،2025 میں 73فیصد غیرملکی سرمایہ کاروں نے پاکستان کو سرمایہ کاری کے لیے موزوں قرار دیا۔
سروے رپورٹ کے مطابق 2023 میں یہ شرح 61 فیصد تک ریکارڈ کی گئی تھی،یہ اضافہ معیشت میں بہتری، بین الاقوامی کریڈٹ ریٹنگ میں بہتری، اور پاکستانی روپے کے استحکام کی بدولت ممکن ہوا۔
سروے رپورٹ کے مطابق مہنگائی کی شرح میں 37 فیصد سے4 فیصد تک نمایاں کمی بھی غیر ملکی سرمایہ کاری کےمثبت رجحان کا باعث بنی،
او آئی سی سی آئی کے صدر، یوسف حسین کے مطابق"ایس آئی ایف سی نے سرمایہ کاری کے فروغ اور بین الحکومتی ہم آہنگی کے لیے ایک منظم طریقہ کار فراہم کیا "۔
غیرملکی سرمایہ کاروں نےآئی ٹی،زراعت، توانائی،فارما اوربرآمدی صنعت کو سرمایہ کاری کے لیے سب سےپرکشش شعبہ قرار دیا،غیر ملکی سرمایہ کاروں کا پاکستان پر بڑھتا ہوا اعتماد ملکی معیشت کو مزید دوام بخش رہا ہے۔
