ملک کے مختلف شہروں میں چینی کی قیمتوں میں تیزی سے اضافہ ریکارڈ کیا گیا ہے، صرف ایک ماہ میں فی کلو چینی 5 سے 45 روپے تک مہنگی ہوگئی۔
تفصیلات کے مطابق راولپنڈی میں چینی کی قیمت 185 سے بڑھ کر 190 روپے فی کلو ہوگئی، اسلام آباد میں قیمت 180 سے بڑھ کر 185 تا 190 روپے فی کلو تک جا پہنچی۔
پشاور میں فی کلو چینی 190 سے بڑھ کر 195 روپے میں فروخت ہو رہی ہے، لاہور میں سب سے زیادہ اضافہ دیکھا گیا، جہاں چینی کی قیمت 179 سے بڑھ کر 200 روپے فی کلو تک جا پہنچی۔
کراچی میں قیمت 190 سے بڑھ کر 195 تا 200 روپے فی کلو ہوگئی، کوئٹہ میں بھی چینی 190 سے بڑھ کر 195 تا 200 روپے فی کلو میں فروخت ہو رہی ہے۔
فیصل آباد میں قیمت میں سب سے بڑا فرق ریکارڈ ہوا، 185 سے بڑھ کر 230 روپے فی کلو تک جا پہنچی۔
ملتان میں چینی 185 سے بڑھ کر 200 روپے فی کلو ہوگئی۔
