آسٹریلوی خاتون پر شوہر کے والدین سمیت 3 افراد کو زہریلےمشروم کھلا کر قتل کرنے کا جرم ثابت ہوگیا۔
آسٹریلوی عدالت میں جیوری نےخاتون کو 3 افراد کے قتل کے کیس میں قصور وار قرار دے دیا،عدالت نے پیٹرسن کو تین قتل اور ایک اقدام قتل کا مجرم قرار دیا۔
یاد رہے کہ ایرین پیٹرسن نےجولائی 2023ء میں سسرالی رشتے داروں کو دعوت پر بلا کر زہریلے مشروم کھلائے تھے، جس کے نتیجے میں تینوں افراد دم توڑ گئے تھے۔
مشروم مرڈر کے نام سے مشہور اس مقدمے کی کارروائی کو دنیا بھر میں توجہ سے دیکھا گیا،قتل کا واقعہ آسٹریلوی ریاست وکٹوریہ کے شہر لیون گاتھا میں پیش آیا تھا۔
