پاکستان میں پولیو کے دو نئے کیسزسامنے آگئے،پولیو سے متاثر ہونے والے دونوں بچوں کا تعلق خیبرپختونخوا سے ہے،قومی ادارہ صحت نے بھی تصدیق کردی۔
خیبرپختونخواکےضلع لکی مروت اور ضلع بنوں کا ایک ایک بچہ پولیو سے متاثر ہوا،،حکام کے مطابق لکی مروت کی 26 ماہ کی بچی میں 22 اپریل کو پولیو علامات ظاہر ہوئیں،بنوں کے ساڑھے 3 سال کے بچے میں یکم مئی کو علامات ظاہر ہوئیں،قومی ادارہ صحت کی لیبارٹری نے نئے پولیو کیسز کی تصدیق کردی۔
رواں سال پاکستان میں پولیو کیسزکی مجموعی تعداد 10 تک پہنچ گئی،2025 میں اب تک خیبر پختونخوا سے 5 پولیو کیسز رپورٹ ہوچکے ہیں، رواں سال سندھ میں 4 اور پنجاب سے پولیو کا ایک کیس سامنے آچکا ہے۔
سال کی تیسری ملک گیر انسداد پولیو مہم 26 مئی کو شروع کرنے کا فیصلہ کیا گیا ہے،ملک کے 4 کروڑ 54 لاکھ بچوں کو انسداد پولیو قطرے پلانے کا ہدف مقرر کیا گیا ہےجنوبی خیبرپختونخوا کے زیادہ خطرے والے علاقوں تک رسائی ممکن بنائی جائے گی۔
