وزیراعظم شہبازشریف نے کی ٹیکس چوری کی روک تھام کیلئے جدید ٹیکنالوجی کے استعمال کی ہدایت کردی۔
وزیراعظم شہباز شریف کی زیرصدارت اجلاس ہوا،جس میں ایف بی آرکے ٹیکس دائرہ کار بڑھانے اور ٹیکس آمدن میں اضافےکا جائزہ لیا گیا،اجلاس میں گفتگو کرتے ہوئے وزیراعظم نے کہا ٹیکس نیٹ میں اضافہ حکومت کی اولین ترجیح ہے،ایسےافراد اور شعبے جو ٹیکس دینےکی استعداد رکھتےہیں لیکن نہیں دیتے انہیں ٹیکس نیٹ میں لایا جائےگا،ٹیکس چوری کرنے والے افراد و شعبوں کے خلاف بھرپور کارروائی عمل میں لائی جائے۔
وزیراعظم نےمزیدکہاکہ ٹیکس چوروں کی معاونت کرنےوالے افسران واہلکاروں کا بھی کڑا احتساب کیا جائے، ٹیکس چوری کی روک تھام کیلئےجدید ٹیکنالوجی کا استعمال کیاجائے،ٹیکس کی شرح کو کم کرکےعام آدمی پربوجھ کو کم کرنا چاہتے ہیں۔
وزیراعظم نےکہا اللہ کی مدد اور حکومتی کوششوں سے ملکی معیشت استحکام سے ترقی کی جانب گامزن ہے،ملکی ترقی کیلئے سب کو اپنی ذمہ داری نبھانا ہوگی۔
وزیراعظم کوبریفنگ میں بتایا گیا کہ ملک بھر میں سیمنٹ پلانٹس میں ٹریک اینڈ ٹریس سسٹم کے مکمل نفاذ سے ٹیکس آمدن میں اربوں روپے اضافہ ہوا،چینی کی صنعت میں اس نظام کے نفاذ سے نومبر 2024 سے اپریل 2025 تک ٹیکس آمدن 35 فیصد بڑھی۔
ایف بی آر میں اصلاحات کی بدولت ٹیکس آمدنی کا جی ڈی پی کا 10 اعشاریہ 6 فیصد کا ہدف حاصل کر لیا جائے گا۔
