کراچی میں محکمہ موسمیات نے ایک بار پھر شدید گرمی کی پیشگوئی کردی، درجہ حرارت میں ایک سے 2 ڈگری اضافہ متوقع ہے، درجہ حرارت 40 سے کم رہے گا مگر محسوس 40 سے 42 ڈگری سینٹی گریڈ ہوسکتا ہے۔
کراچی میں گرمی کا راج ہے تاہم محکمہ موسمیات نے شدت میں مزید اضافے کی پیشگوئی کردی۔
محکمہ موسمیات کا کہنا ہے کہ شہر قائد کے درجہ حرارت میں ایک سے دو ڈگری اضافہ ہوسکتا ہے، آج سے زیادہ سے زیادہ درجہ حرارت 38 ڈگری تک جانے کا امکان ہے۔
محکمہ موسمیات نے مزید بتایا ہے کہ دن کے اوقات میں نمی کا تناسب زیادہ رہے گا، نمی کے باعث درجہ حرارت 40 سے 42 ڈگری تک محسوس کیا جائے گا۔
محکمہ موسمیات کے مطابق آئندہ 24 گھنٹوں کے دوران موسم گرم اور مرطوب رہے گا، شہر میں اس وقت مطلع صاف، تیز دھوپ کے ساتھ موسم گرم ہے، موجودہ درجہ حرارت 36 ڈگری سینٹی گریڈ تک ہے، گرمی کی شدت 38 ڈگری سینٹی گریڈ تک محسوس کی جارہی ہے۔
محکمہ موسمیات کا کہنا ہے کہ کراچی میں جنوب مغربی سمت سے 11 کلو میٹر فی گھنٹہ کی رفتار سے ہوا چل رہی ہے، شہر میں ہوا میں نمی کا تناسب 88 فیصد ہے۔
