آئی ایم ایف مشن سے اوورسیز انویسٹرز چیمبرز آف کامرس کے وفد نے ملاقات کی۔ ملاقات میں پاکستان میں معاشی استحکام میں بہتری ، مہنگائی میں کمی کا اعتراف کیا گیا ۔ زرمبادلہ ذخائر بہتر اور مالیاتی شعبہ مضبوط قرار دیا گیا۔
آئی ایم ایف وفد کی قیادت مشن چیف ایوا پیٹرووا نے کی ۔ اوورسیز انویسٹرز چیمبرز آف کامرس کے صدر یوسف حسین نے پاکستان میں میکرو اکنامک استحکام کو سراہا ۔ ٹیکس نظام میں اصلاحات ، ٹیکس نیٹ بڑھانے اور تنخواہ دار طبقے پر ٹیکسوں کا زیادہ بوجھ کم کرنے کا مطالبہ کیا ۔ آئی ایم ایف مشن کی کاروباری طبقے سے مشاورت جاری رکھنے کی یقین دہانی ۔
اوورسیز انویسٹرز چیمبرز نےطویل مدتی معاشی منصوبہ بنانے کی تجویز دی ۔ پاکستان کی جغرافیائی اہمیت کو معاشی فائدے میں بدلنے پر زور دیا ۔ کہا کہ سادہ اور مسابقتی ٹیکس نظام سے سرمایہ کاری بڑھے گی ۔ ٹیکس ریفنڈز کی بروقت ادائیگی اور قوانین میں تسلسل کی تجویز دی ۔ حکومت اور عالمی اداروں سے تعاون جاری رکھنے کا اعلان کیا ۔
