وزیراعظم شہباز شریف کا کہنا ہے کہ وزیراعظم رمضان ریلیف پیکج کا آغاز ہوگیا،38 ارب روپے مختص کئے ہیں، رمضان ریلیف پیکج کی تقسیم شفاف ڈیجیٹل نظام کے ذریعے کی جا رہی ہے۔
رمضان ریلیف پیکج پر جائزہ اجلاس میں وزیراعظم شہباز شریف نے کہا کہ گزشتہ سال کی امدادی رقم کو 5 ہزار سے بڑھا کر 13 ہزار فی کس کیا گیاہے، مقصد مستحق افراد کی رمضان کے بابرکت مہینے میں مالی مدد کرنا ہے، یہ ملک کا سب سے بڑا اور جامع رمضان ریلیف پیکج ہے۔
شہباز شریف نے کہا کہ لوگوں کو لمبی قطاروں سے نجات ملی،ان کی عزت نفس بھی مجروح نہیں ہوتی، ڈیجیٹل والٹس کے ذریعے نقد مالی مدد مستحق افراد تک پہنچائی جا رہی ہے۔
اجلاس کے شرکاء کو دوران بریفنگ بتایا گیا کہ اس سال 8 رمضان المبارک تک 64 فیصد مستحق افراد تک رقوم پہنچائی جا چکیں، باقی مستحق افراد کو رقوم کی ادائیگی کیلئےتصدیق وجانچ پڑتال کا عمل تیزی سے جاری ہے، اس سال 12 بینک اور فنانشل ٹیکنالوجیزکمپنیاں رقوم کی تقسیم میں حکومت کی شراکت دارہیں، رمضان پیکیج میں شامل مستحقین اب تک 1.1 ملین ڈیجیٹل ٹرانزیکشن کر چکے ہیں۔
