اسلام آباد یونائیٹڈ کے کپتان شاداب خان نے پاکستان سپر لیگ (پی ایس ایل) میں وکٹوں کی سنچری مکمل کرلی۔
پاکستان سپر لیگ سیزن 10 میں اسلام آباد یونائیٹڈ کے کپتان لیگ اسپنر شاداب خان نے ملتان سلطانز کیخلاف میچ میں اپنی 100 وکٹیں مکمل کرنے کا سنگ میل عبور کیا۔
رپورٹ کے مطابق ملتان سلطانز کے کپتان محمد رضوان شاداب خان کا پی ایس ایل میں 100 واں شکار بنے، شاداب خان نے 88 اننگز میں 100 وکٹوں کا سنگ میل عبور کیا ہے۔
شاداب خان پی ایس ایل میں 100 وکٹیں لینے والے چوتھے بولر ہیں، ان سے قبل حسن علی، وہاب ریاض اور شاہین آفریدی بھی وکٹوں کی سنچری کرچکے ہیں۔
