علامہ اقبال انٹر نیشنل ائر پورٹ پر قطر جانے والے مسافر کے سامان سے 13عدد 9ایم ایم گولیاں برآمد ہونے پر آف لوڈ کر دیا گیا،مسافر کو گرفتار کرکے پولیس کے حوالے کر دیا گیا ۔
اے ایس ایف نےوالٹن کےرہائشی مسافر شان صادق کودوران سکینگ لیب ٹاپ بیگ سےگولیاں برآمد ہونے پر تھانہ سرور روڈ کے حوالےکردیاگیا۔،تھانہ سرور روڈ میں مسافر شان صادق کے خلاف 13-2a1965کی دفعات کا مقدمہ درج کر لیا گیا ۔
ایف آئی آر کے مطابق 9 ایم ایم کی 13عدد گولیوں کا لائسنس مانگنے پر مسافر نہیں دیکھا سکا،ملزم شان صادق کے مطابق گولیاں والد کے لائسنس پر خریدی گئیں،مسافر شان صادق لاہور سے قطر ائر ویز کی پر واز 621سے دوحہ جا رہا تھا،مسافر دوحہ میں قطر ائر لائن میں بطور ٹریفک اسسٹنٹ کے طور پر کام کرتا ہے۔
مسافر نے بتایا کہ غلطی سے والد کا لیب ٹاپ بیگ میں گولیاں موجود تھیں جس کا مسافر کو علم نہ تھا۔مسافر اے ایس ایف کی پہلی چیکنگ سےگزرگیا امیگریشن کائونٹر سے بھی گزرگیا ۔آخری کائونٹر سے اے ایس ایف نے دوبارہ چیکنگ پر گولیاں برآمد کی ۔
