پاکستان کے وسط ایشیائی ریاستوں کے ساتھ تعلقات میں بڑی پیش رفت سامنے آئی ہے ، آئندہ ماہ کے پہلے ہفتے میں دو اہم برادر ممالک کے صدور پاکستان کا الگ الگ دورہ کریں گے۔
وزارت خارجہ کے ذرائع کے مطابق قازقستان کے صدر قاسم جومارت توکیوف اور ازبکستان کے صدر شوکت مرزئیوف فروری دو ہزار چھبیس کے پہلے ہفتے میں پاکستان کے دورے کریں گے ۔ ذرائع کے مطابق پاکستان کے قازقستان اور ازبکستان کے ساتھ اہم معاہدوں پر دستخط ہوں گے، قازقستان کے صدر اسپورٹس کمپلیکس اسلام آباد میں شطرنج سینٹر کا افتتاح کریں گے، ازبک صدر مرزئیوف کے ساتھ علاقائی روابط مضبوط بنانے پر بات چیت ہوگی، ازبکستان اور پاکستان میں ریلوے لائن منصوبہ آگے بڑھانے پر بھی بات ہوگی، دونوں سربراہان مملک سے تجارت، سرمایہ کاری، توانائی، علاقائی رابطوں اورتعاون کےشعبوں پربات چیت ہوگی ۔
