ویسٹ انڈین کرکٹر کیرن پولارڈ ٹی 20 کرکٹ میں 900 چھکے لگانے والے دنیا کے دوسرے بلے باز بن گئے۔
دبئی انٹرنیشنل اسٹیڈیم میں 16 جنوری کو آئی ایل ٹی 20 لیگ میں ایم آئی ایمریٹس اور ڈیزرٹ وائپرز کے درمیان میچ میں ویسٹ انڈین بیٹر کیرن پولارڈ نے اپنے ٹی 20 کیریئر میں 900 چھکے لگانے کا اعزاز حاصل کیا۔
کیرن پولارڈ 19ویں اوور کی پہلی گیند پر چھکا لگا کر ٹی 20 کرکٹ میں دوسرے سب سے زیادہ چھکے لگانے والے بیٹر بھی بن گئے۔
اس سے قبل ان کے ہی ہم وطن کرس گیل ایک ہزار 56 چھکوں کیساتھ پہلے نمبر پر موجود ہیں، جنہوں نے یہ کارنامہ محض 455 اننگز میں انجام دیا تھا۔
ٹی20 کرکٹ میں سب سے زیادہ چھکے والوں کی فہرست:۔
کرس گیل (ویسٹ انڈیز)، 455 اننگز میں 1056
کیرن پولارڈ (ویسٹ انڈیز)، 613 اننگز میں 901
آندرے رسل (ویسٹ انڈیز)، 456 اننگز میں 727
نکولس پورن (ویسٹ انڈیز)، 350 اننگز میں 592
کولن منرو (نیوزی لینڈ)، 415 اننگز میں 550
کیرن پولارڈ ویسٹ انڈیز کے اس اسکواڈ کا حصہ تھے جس نے 2016ء ٹی 20 ورلڈکپ ٹرافی جیتی تھی، انہوں نے 690 ٹی 20 میچز میں 13 ہزار 429 رنز بنائے اور 326 وکٹیں حاصل کیں۔
