چیئرمین پیپلز پارٹی بلاول بھٹو زرداری کی زیر صدارت اجلاس ہوا جس دوران شرکاء نے وفاقی حکومت کی جانب سے مختلف صوبوں کے ساتھ کی جانے والی یقین دہانیوں پر ہونے والی پیشرفت پر عدم اعتماد کا اظہار کیا ۔
تفصیلات کے مطابق بلاول ہاؤس کراچی میں بلاول بھٹو زرداری کی سربراہی ہونے والے میں گورنر پنجاب سردار سلیم حیدر،گورنر خیبرپختونخوا فیصل کریم کنڈی، وزیراعلیٰ مراد علی شاہ، بلوچستان کے وزیراعلیٰ رسرفراز بگٹی اور پی پی پی کے سینئر رہنما سید نوید قمر نے شرکت کی ۔
اجلاس میں ملک کی مجموعی سیاسی صورت حال پر تفصیلی تبادلہ خیال ہوا ، شرکاء نے وفاقی حکومت کے ساتھ ہونے والے مذاکرات کی روشنی میں اب تک کی پیشرفت سے آگاہ کرتے ہوئے حکومت کی جانب سے آئندہ ہونے والی قانون سازی سے متعلق بریفنگ دی ، اجلاس کے شرکاء نے وفاقی حکومت کی جانب سے مختلف صوبوں کے ساتھ کی جانے والی یقین دہانیوں پر ہونے والی پیشرفت پر عدم اعتماد کا اظہار کیا ، بلاول بھٹو زرداری نے شرکاء کو ہدایت کی کہ وہ حکومت کے ساتھ اپنے رابطوں کو مزید تیز کریں تاکہ جب سینٹرل ایگزیکٹو کمیٹی کا اجلاس ہو تو اس میں ان رابطوں کامثبت نتیجہ سامنے رکھا جاسکے۔
