سفاری پارک کراچی میں موجود ہتھنی سونیا مرگئی۔
ڈائریکٹر سفاری پارک کے مطابق ہتھنی کاانتقال اچانک کل رات ہوا، ابتدائی طورپرہارٹ اٹیک لگ رہاہے۔ صبح عملہ سفاری پارک پہنچاتوہتھنی کومردہ پایا، پوسٹ مارٹم ہوگا توموت کہ وجہ معلوم ہو سکے گی۔
ذرائع کے مطابق ہتھنی سونیا اور ملکہ پہلے سے سفاری پارک میں تھیں جبکہ چند روز قبل چڑیا گھر سے ہتھنی مدھوبالا کو سفاری پارک منتقل کیا گیا تھا۔ ہتھنی سونیا کی عمر 22 سے 23 سال کے درمیان تھی۔
ذارئع کے مطابق ہتھنی سونیا کے مرنے کے بعد اب سفاری پارک میں 2 ہتھنیاں باقی رہ گئی ہیں۔
ذرائع نے مزید بتایا کہ ہتھنی سونیا کا پوسٹ مارٹم 2 دنوں بعد فور پاز کے عامر خلیل کے آنے کے بعد ہوگا، موسم ٹھنڈا ہے تو ہتھنی سونیا کی ڈیتھ باڈی کو برف لگا کر رکھا ہے۔
دوسری جانب میئر کراچی مرتضیٰ وہاب نے سفاری پارک میں ہتھنی کی موت کی تحقیقات کا حکم دے دیا۔
مرتضیٰ وہاب نے سفاری پارک میں ہتھنی سونیا کی موت پر افسوس کا اظہار کیا اور کہا کہ کسی قسم کی غفلت پائی گئی تو سخت کارروائی کی جائے گی، ہتھنی کا مکمل پوسٹ مارٹم کرایا جائے گا۔
