اسٹیٹ بینک آف پاکستان ( ایس بی پی ) کے ڈالر ذخائر 32 ماہ کی بلند ترین سطح پر پہنچ گئے۔
مرکزی بینک کی جانب سے ملکی زرمبادلہ ذخائر کا ہفتہ وار ڈیٹا جاری کردیا گیا ہے جس کے مطابق بینک کے ڈالر ذخائر 32 ماہ کی بلند ترین سطح پر پہنچ گئے ہیں۔
اسٹیٹ بینک کی جانب سے جاری ہفتہ وار ڈیٹا کےمطابق مرکزی بینک کے ڈالر ذخائر 13 کروڑ 10 لاکھ ڈالر اضافے سے 11 ارب 41 کروڑ 90 لاکھ ڈالر ہوگئے ۔
ملکی زرمبادلہ کے مجموعی ذخائر 109 ملین ڈالر بڑھ کر 16 ارب 7 کروڑ 60 لاکھ ڈالر ہوگئے جبکہ بینکوں کے ڈالر ڈیپازٹس ایک ہفتے میں 2 کروڑ 20 لاکھ ڈالر کی کمی سے 4 ارب 65 کروڑ 58 لاکھ ڈالر رہ گئے۔
